Il-bluff ta’ Yorgen

Kemm hu minnu li Yorgen Fenech kien jaf bid-data tal-elezzjoni ġenerali bikrija li Joseph Muscat sejjaħ f’Ġunju 2017 sa minn Diċembru 2016? Din mhiex informazzjoni li għandha naċċettaw mingħajr ma ngħarbluha. Hu faċli, wara li l-fatti jkunu seħħew, li tagħmel dikjarazzjonijiet ta’ din ix-xorta.

Din id-dikjarazzjoni ta’ Yorgen Fenech dwar li kien jaf bid-data tal-elezzjoni bikrija saret waqt l-interrogazzjoni tiegħu u saret pubblika mill-Ispettur Kurt Zahra iktar kmieni din il-ġimgħa fil-Qorti. Milli ntqal mhux ċar kemm Zahra ta importanza lil din l-informazzjoni kif ukoll jekk din kienitx korraborata.

Dan il-bluff ta’ Yorgen, fil-fehma tiegħi, għandu skop wieħed u preċiż: li jsaħħaħ l-argument u “joħloq” il-provi li mhux hu kien il-moħħ wara l-assassinju ta’ Daphne Caruana Galizia.

Li toqgħod tilgħab b’din l-informazzjoni hu ħafna agħar milli ixxerred il-gideb. Forsi Jason l-avukat jirrealizza dan u jiġbed widnejn Jason il-Membru Parlamentari.

Dan il-bluff ta’ Yorgen jinkwadra f’dak li jaħsbu uħud: li Kastilja kienet involuta fl-ippjanar tal-assassinju ta’ Daphne Caruana Galizia. Imma dan hu f’kunflitt ma’ informazzjoni oħra li kisbet l-investigazzjoni permezz tar-recordings ta’ Melvin Theuma: meta Yorgen Fenech, iffaċċjat b’elezzjoni ġenerali bikrija fil-bidu ta’ Mejju 2017 ta’ struzzjonijiet biex l-assassinju jkun sospiż. Sfortunatament uħud għandhom memorja qasira ħafna: illum jinsew dak li jkunu saru jafu fil-ġranet li għaddew!

Minkejja dan, naħseb li għadu kmieni biex naslu għal konklużjonijiet dwar min hu involut, apparti dawk li diġa qed iwieġbu għal għemilhom quddiem il-Qrati. Hu ovvju li Joseph Muscat ser jiċħad bil-qawwa kollha anke l-iktar konnessjoni remota mal-assassinju. M’għandniex nimpressjonaw ruħna għax f’dan l-istadju għadu kmieni u hu prudenti li ma neskludu xejn.

Yorgen kontinwament jitfa biċċiet żgħar ta’ informazzjoni biex iċaqlaq l-attenzjoni għal fuq ħaddieħor. Din il-ġimgħa kompla permezz tax-xhieda ta’ Keith Schembri. Schembri informa lill-Qorti kif sieħbu Yorgen ġieli qallu bil-krib ta’ Adrian Delia tal-PN biex jiffinanzjhom. Ma qal xejn imma dwar kemm ħareġ flus għall-Labour, apparti l-inbid Petrus lil Joseph, għax dak donnu hu ovvju u mistenni li fejn jidħol il-Labour idaħħal idu fil-but. Għaliex le, sakemm ikun fil-limiti ta’ dak permissibli?

Huwa u jwieġeb għall-mistoqsijiet tal-ispettur Keith Arnaud, Keith Schembri rrakkonta dak li qallu sieħbu Yorgen dwar kemm dejqu l-Kap tal-Opposizzjoni Adrian Delia għall-fondi. Il-flus, qal Schembri lill-Qorti, kien jiġborhom Pierre Portelli, sieħeb Delia, €20,000 kull darba. Kif kien mistenni kemm Delia kif ukoll Portelli b’mod immedjat u kategoriku ċaħdu dan kollu. Delia żied jiċħad li qatt talab finanzjament biex jipprova jixkana l-barra lil David Casa mis-siġġu fil-Parlament Ewropew. Dawn, imma, huma allegazzjonijiet li diġa konna smajnihom minn bnadi oħra.

Din hi informazzjoni li hi minnha jew inkellha hi informazzjoni żbaljata li d-duo Keith-Yorgen qed jisqu lill-inkjesta? Dan l-aħħar l-iskwadra tal-Pulizija dwar ir-reati ekonomiċi bħal donnha qamet mir-raqda u bdiet tinvestiga dan l-allegat finanzjament ta’ Delia minn Yorgen. Hu possibli li jkollna konklużjoni dwar x’daħal fis-sasla ta’ Delia malajr u dan minħabba li l-iskwadra dwar ir-reati ekonomiċi issa jidher li ser ikollha x’tagħmel għax ser teżamina xi rapporti li ħalliet jiġbru t-trab fil-passat qrib. Jista’ jkunu okkupati ftit fit-tul b’Konrad Mizzi li tul dan l-aħħar għalqu ftit għajnejhom mhux ħażin dwar dak li qed jingħad li għamel u ħawwad.

Konrad issa tkeċċa mill-Grupp Parlamentari tal-Partit Laburista wara li hu irrifjuta t-talba ta’ Robert Abela biex jirreżenja.

Din ma kienitx l-ewwel darba li fil-Partit Laburista kellhom diskussjoni taħraq dwar Konrad Mizzi. Imma din id-darba ma kienx hemm Joseph Muscat jiddefendieh.

Erba’ snin ilu Joseph Muscat kien irrifjuta li jkeċċi lil Konrad meta kien irriżulta li Konrad kien l-uniku Ministru fl-Unjoni Ewropeja li ssemma fil-Panama Papers. Minn dakinnhar l-iskandli assoċjati miegħu żdiedu biex issa hemm ukoll il-kaz tal-kummissjonijiet li tħallsu fuq it-tanker tal-gass li hemm Delimara, kif ukoll l-istejjer dwar il-kumpanija 17-Black. L-aħħar storja hi dwar l-imtieħen tar-riħ fil-Montenegro li bħala riżultat tagħha is-17-Black selħet madwar €5 miljuni profitti minn fuq dahar l-Enemalta, li għaliha kellu responsabbiltà politika Konrad Mizzi għal żmien twil.

B’dan it-tip ta’ transazzjonijiet il-kumpanija ta’ Yorgen Fenech 17-Black faċilment tilħaq il-miri tagħha biex tkun tista’ titrasferixxi €5000 kuljum fil-kumpaniji li n-Nexia BT waqqfet fil-Panama f’Marzu 2013.

Edward Scicluna, Ministru tal-Finanzi, qalilna li l-Gvern ma għandu l-ebda ħtija għal dan il-ħmieġ. Għandu żball: dawk kollha involuti ngħataw vot ta’ fiduċja wieħed wara l-ieħor. It-tort hu kollu kemm hu tal-Gvern!

Ippubblikat fuq Illum : il-Ħadd 28 ta’ Ġunju 2020

Yorgen’s bluff

Did Yorgen Fenech really know the date of the early election called in June 2017 by Joseph Muscat as far back as December 2016? I would take that information with a pinch of salt.

It is quite easy to bluff your way after the fact. Yorgen Fenech’s declaration on knowing the date for the early election was made to Inspector Kurt Zahra during his interrogation.

It is not clear whether Inspector Kurt Zahra simply noted Yorgen’s bluff or else whether he succeeded in corroborating this with additional information. Yorgen’s bluff, in my view, had a specific purpose: to drive home the point that he was not the mastermind behind the assassination.

Spinning this is at times worse than spreading lies. Maybe Jason the lawyer should caution Jason the MP about this.

Yorgen’s bluff fits like a glove into one of the theories making the rounds: that the OPM was involved in the planning and commissioning of the assassination. However it is in conflict with other bits of information fed into the investigation through the Theuma recordings: the plans in motion for the assassination were suspended by Yorgen as soon as the early election was called in early May 2017.

This signifies that actually he had no prior knowledge! Unfortunately, some have a very short memory span: they tend to forget today what was reported the day before yesterday!

Notwithstanding, it is too early to arrive at conclusions as who is or isn’t involved beyond those already arraigned. It is to be expected that Joseph Muscat categorically denies even the remotest of connections to the assassination.

We should not however be impressed into conclusions either way at such an early stage. I would definitely not exclude anything at this stage.

Yorgen’s dripping titbits of information continued through Keith Schembri’s testimony this week. Schembri recounted how his friend Yorgen described the manner in which he financed the PN. No information is forthcoming as to whether and how he financed the PL: presumably this is taken for granted. Replying to questions fielded by police inspector Keith Arnaud, Keith Schembri recounted how he had been informed by his friend Yorgen Fenech as to funding requests by Adrian Delia, Leader of the Opposition.

Delia’s sidekick, Pierre Portelli, the Court was told, used to collect the monies €20,000 at a time. As expected, Delia and Portelli immediately and categorically denied this. Delia further denied that he had requested funding to squeeze out David Casa from his MEP seat. We have however already heard of these allegations from various other sources. Are they true, or is it just incorrect information being slowly fed into the investigation by the Yorgen-Keith tandem? The Police Economic Crimes Unit has recently done a Rip van Winkle and is investigating the possibility of Yorgen funding Delia’s PN.

It may be possible to have a conclusion on Adrian Delia’s collections quite soon as the Police Economic Crimes Unit may now be in a hurry as they may soon have to recall their Konrad Mizzi archives to act upon reports which they were too busy to examine appropriately in the recent past.

Konrad has now been kicked out of the Parliamentary Group of the Labour Party after refusing to act on Robert Abela’s suggestions to resign. The discussion within Labour earlier this week was not the first with Konrad as the target. This time Joseph Muscat was however not around to defend him. Four years ago, Joseph Muscat had refused to dismiss Konrad Mizzi when it had resulted that Mizzi was the only member of Cabinet within the EU member states to have his name included in the Panama Papers. Since then we have had plenty of additions to the Panama Papers saga. These include commissions paid on the gas tanker anchored at Delimara as well as the 17-Black saga.

The latest addition is the Montenegro windfarm scandal as a result of which 17-Black made a windfall profit of around €5 million at the expense of Enemalta, for which Konrad Mizzi was politically responsible for a considerable length of time. With this type of transaction 17-Black could easily fulfil its objectives of transferring €5000 a day to the Panama companies setup by Nexia BT.

Finance Minister Edward Scicluna has stated that government is not to blame. He is wrong: those in the spotlight were repeatedly given votes of confidence. Government has no one to blame but itself.

 

Published on the Malta Independent on Sunday: 28 June 2020

L-assassinju: meta jkollok il-ħbieb fis-suq

Ix-xhieda fil-Qorti ta’ Melvyn Theuma iktar kmieni din il-ġimgħa fil-proċeduri kriminali ta’ Yorgen Fenech, in-negozjant akkużat bħala l-moħħ wara l-assassinazzjoni ta’ Daphne Caruana Galizia, hi tat-tkexkix. Huwa faċli li tinjora din ix-xhieda u twarrabha bħala bla ebda utilità minħabba li hu stess kien involut fil-preparazzjoni neċessarja biex il-qtil taħt investigazzjoni jseħħ. Xi drabi, sfortunatament, l-istat ikollu jaqa’ għal din it-tip ta’ kollaborazzjoni biex jipprova jsolvi delitti ppjanati sewwa. Hu l-unika mod kif kultant id-dinja kriminali tista’ tiġi megħluba.

Isem Chris Cardona, Deputat Mexxej tal-Partit Laburista, reġa tfaċċa f’dawn il-proċeduri kriminali. Diġa kien issemma’ waqt li Yorgen Fenech kien qed ikun interrogat u irċieva ittri fiċ-ċella fid-Depot tal-Pulizija li kienu jissuġġerulu biex jitfa l-ħtija fuq Cardona.

Fid-dinja demokratika mhiex xi ħaġa ta’ kuljum li isem politiku anzjan jissemma’ f’investigazzjoni dwar qtil. Mhux magħruf kemm il-Pulizija investigaw it-truf li kellhom dwar Cardona. Kien ikun raġjonevolI li nagħtu lill-Pulizija l-benefiċċju tad-dubju kieku ma kienx għal punt wieħed importanti: il-ħbiberija mill-viċin bejn l-akkużat Yorgen Fenech ma’ dak li kien id-Deputat Kummissarju tal-Pulizija Silvio Valletta li, fl-iktar mumenti kruċjali kien qed imexxi l-investigazzjoni dwar l-assassinju ta’ Daphne Caruana Galizia.

Il-ħbiberija bejn l-akkużat Yorgen Fenech u Silvio Valletta kienet b’saħħitha tant li quddiem it-tfal kien jirreferi għalih bħala iz-ziju Silvio. Li jivvjaġġaw flimkien biex jaraw logħob taċ-Champions League fi Stamford Bridge, Kiev u bnadi oħra, inkella ikla fir-razzett ta’ Fenech kienu affarijiet normali.

Ix-xhieda ta’ Melvyn Theuma ma tantx poġġiet l-investiġazzjoni f’dawl tajjeb. Il-kamra li l-pulizija jużaw għall-interrogazzjoni qiesha passatur bl-informazzjoni toħroġ permezz ta’ Silvio Valletta inkella permezz tal-uffiċċju tal-Prim Ministru: Joseph Muscat, dakinnhar Prim Ministru jkun aġġornat u b’Keith Schembri ħdejh attent jixrob l-informazzjoni. Ix-xhieda ta’ Theuma indikat li dan wassal biex ċirku limitat barra mill-korp tal-pulizija jkun konxju ta’ numru ta’ dettalji importanti dwar l-investigazzjoni, bħad-data tar-raid fit-tinda tal-patata fejn dawk ikkuntrattati biex iwettqu l-assassinju kienu eventwalment arrestati.

Hemm tlett talbiet oħra għall-proklama. Tħajru minn Melvyn Theuma. It-tlieta ddikjaraw li jistgħu jagħtu biżżejjed informazzjoni li biha jkunu identifikati dawk realment wara l-assassinju. Imma jekk dan iseħħx ħadd ma jista’ jgħid għalissa. Ħaġa waħda biss hi ċara s’issa: li Yorgen Fenech qiegħed jidher għal ħaddieħor. Min hemm warajh? Hemm numru ta’ ismijiet ta’ persuni assoċjati mal-uffiċċju tal-Prim Ministru li ssemmew fi stadji differenti tal-proċeduri kriminali li għaddejjin bħalissa.

Iktar ma qiegħed jgħaddi żmien, iktar qed titħabbel il-kobba!

Il-fatt li Robert Abela, Prim Ministru attwali, kien il-konsulent tal-predeċessur tiegħu ma tantx jagħmilha faċli biex tifhem eżattament x’inhu għaddej. Chris Cardona tneħħa mill-Kabinett imma ma jidhirx li l-Partit Laburista hu b’xi mod ippreokkupat li għandu lid-deputat mexxej kontinwament fl-aħbarijiet għal raġunijiet żbaljati. Iktar ma nisimgħu dwar dan l-assassinju iktar jikkumplikaw ruħhom l-affarijiet. Ma naħsibx li jiċċaraw wisq meta jixhdu iktar persuni fosthom Keith Schembri u Joseph Muscat.

L-impunità li gawdew uħud sal-lum hi dipendenti fuq il-ħbieb proverbjali fis-suq. It-tibdil fit-tmexxija fil-bidu tas-sena setgħet bidlet kollox. Imma jidher li kullma inbidlu huma l-uċuħ: il-bqija kollox baqa’ għaddej. Iż-żmien biss jista’ jwassalna lejn soluzzjoni.

Ippubblikat fuq Illum : Il-Ħadd 7 ta’ Ġunju 2020

The assassination: having friends in the right places

The testimony delivered in Court this week by Melvyn Theuma in the criminal case of Yorgen Fenech, the businessman accused with masterminding the assassination of Daphne Caruana Galizia, is numbing. It is very easy to dismiss his testimony as being useless as a result of his participation in the preparation required for executing the crime being investigated. Unfortunately, the state must seek this type of collaboration in order to try and solve carefully planned crime. It is the only way in which the criminal brotherhood can at times be outfoxed.

The name of Chris Cardona, Deputy Leader of the Labour Party, has resurfaced in the criminal proceedings. His name had already made the headlines when Yorgen Fenech was under interrogation, having letters delivered to his police HQ cell suggesting that he pins the blame on Cardona.

In the democratic world It is not an everyday occurrence that a senior politician’s name crops up in a murder investigation. So far, the level of investigation carried out by the police into Cardona, remains unknown. It would be reasonable to give the police the benefit of the doubt, were it not for one very important point: the close friendship of the accused Yorgen Fenech with former Deputy Commissioner of Police Silvio Valletta, who was in charge of leading the investigation into the assassination of Daphne Caruana Galizia at its most crucial stages.

The bond of friendship of the accused Yorgen Fenech with Silvio Valletta was so strong that he is known to have referred to him as Uncle Silvio in front of younger members of his family. Travelling to Champion’s League matches at Stamford Bridge, Kiev or elsewhere, and enjoying lunch at Fenech’s ranch was not an out of the normal occurrence.

The testimony of Melvyn Theuma has so far painted a very grim picture of the investigations. The police interrogation room was leaking like a sieve. Theuma’s testimony has indicated that this had resulted in a small circle outside the police HQ being aware of important investigation details, such as the date of the raid at the Marsa potato shed, where those contracted to carry out the assassination were eventually arrested.

There are three pending requests for turning state evidence, joining Melvyn Theuma. All three have declared that they can provide information which could nail those really responsible for contracting the assassination. Whether this can materialise is anybody’s guess. There is however one thing which by now is becoming very clear: Yorgen Fenech may be standing-in for somebody else. Who is it? Various names of persons linked with the Office of the Prime Minister have been mentioned during the different stages of the criminal proceedings currently under way.

The plot thickens by the minute.

The fact that Robert Abela, current Prime Minister, was legal advisor to the former Prime Minister Joseph Muscat, does not make it easier to decipher the links and the at times cryptic messages flying around. Cardona was kicked out of Cabinet but it seems that the Labour Party is not perturbed in having a Deputy Leader who is continuously in the news for the wrong reasons.

The more we hear about the assassination the more confusing it gets. Things may not necessarily get clearer when more witnesses take the stand, possibly including both Keith Schembri and his boss former Prime Minister Joseph Muscat.

The impunity enjoyed to date by some is dependent on having friends in the right place at the right time. The changing of the guard earlier this year could have ended the game. Unfortunately, it seems that nothing has changed. Only time and determination can solve the riddle.

published in The Malta Independent on Sunday : 7 June 2020

Estradizzjoni għal Konrad Mizzi?

L-istejjer dwar Konrad Mizzi huma bla limitu: sa mill-ewwel mument li daħal fil-Parliament u l-Kabinett. It-twaqqif tat-trust fi New Zealand u r-registrazzjoni ta’ kumpanija fil-Panama komplew jitfgħu ftit dawl fuq kif jaħdem dan il-bniedem.

Bil-pubblikazzjoni tal-Panama Papers għajnejn ħafna tbexxqu u bdew jistaqsu. Id-dubji għad mhumiex imwieġba anzi inħolqu dubji ġodda bi stejjer ġodda.

Hu fatt li Konrad Mizzi mhux Malta. Ilu nieqes minn Marzu u l-anqas Parlament ma mar. Iċ-ċertifikati mediċi f’dawn iċ-ċirkustanzi ftit li xejn jitwemmnu.

Jason Azzopardi qed jagħmel allegazzjonijiet serji ħafna. Qed jgħid li Mizzi hu maħrub għax jibża’ li jkun investigat mill-kummissarju l-ġdid. Din hi possibiltà realistika u tweġiba, fiċ-ċirkustanzi, ftit hemm min jista’ jagħtiha ħlief Konrad Mizzi nnifsu u possibilment Robert Abela.

Meta Konrad Mizzi tneħħa mill-Kabinett għax ġie mġiegħel jirriżenja kien pass tajjeb. Li ma ntagħżilx bħala Ministru minn Robert Abela meta dan għażel il-Kabinett ġdid tiegħu kien pass ieħor il-quddiem. Issa jonqos pass ieħor: li jwieġeb għal għemilu meta, possibilment, flimkien ma oħrajn jkun imsejjaħ jagħmel hekk.

Sakemm jibqa’ maħrub fir-Renju Unit dan mhux possibli li jsir. Ovvjament jekk il-Kummissarju l-ġdid jirriżultalu li hemm il-provi dejjem hemm il-possibilità ta’ talba ta’ estradizzjoni. Mir-Renju Unit s’intendi għax mill-Montenegro ma naħsibx li jkun possibli!

Robert Abela jxerred id-dmugħ tal-kukkudrilli

Fil-Press Conference tal-bieraħ il-Prim Ministru Robert Abela kien redikolu. Messu qal ħaġa waħda, imma ma qaliex.

Għalfejn ma talabx spjega immedjata lill-Kmandant tal-Forzi Armati hekk kif saret l-allegazzjoni li s-suldati fuq il-patrol boat P52 qatgħu l-cable tal-mutur tad-dgħajsa tal-immigranti?

L-allegazzjoni vera jew mhux vera? Robert Abela ma qal xejn dwar dan. Ma ċaħadx li l-allegazzjoni mhux vera! Għax jekk hi vera min qed jgħatti jeħtieġ li jerfa’ l-piż ta’ dak li ġara. B’Robert Abela b’kollox.

L-NGO Repubblika għamlet sewwa li tablet investigazzjoni. Investigazzjoni li messu ordna li issir Robert Abela. Imma ma għamel xejn.

Il-pandemija mhiex skuża biex nagħlqu għajnejna għall-abbuż. Filwaqt li s-suldati qed jagħtu servizz tajjeb u salvaw bosta ħajjiet, hu neċessarju li fejn hemm l-inqas dubju, dan id-dubju jkun investigat b’mod immedjata.

Għalhekk nappogga t-talba ta’ Repubblika biex issir investigazzjoni. Jekk hemm min abbuża, m’għandhiex tintefa ħtija fuq kulħadd, imma biss fuq min abbuża.

Flok ma jxerred id-dmugħ tal-kukkudrilli, kien ikun aħjar kieku Robert Abela għamel dmiru u fetaħ inkjesta hu. Naqas u għalhekk anke hu għandu jkun investigat.

Lejn normal differenti

L-imxija tal-coronavirus għadha fl-istadji bikrija tagħha. In-numri ta’ dawk identifikati bħala infettati, s’issa, s-servizzi tas-saħħa qed ilaħħqu magħhom. Nittamaw li l-affarijiet jibqgħu hekk, anke jekk in-numri inevitabilment ser jiżdiedu. Dan ser ikun jiddependi fuq diversi fatturi, ewlieni fosthom li lkoll kemm aħna qed nosservaw dak li jgħidulna l-awtoritajiet tas-saħħa biex b’hekk tonqos il-possibilità li l-virus ikun trasmess fuq skala kbira.

Bla dubju, l-mistoqsija fuq fomm kulħadd hi: kemm ser jgħaddi żmien biex il-pajjiż jirkupra minn dan kollu?

F’waħda mill-intervisti li tiegħu, l-Prim Ministru Robert Abela indika li l-kriżi tal-coronavirus tista’ twassal sal-bidu tas-sajf. Jista’ jkun, iżda, li din iddum ferm iktar: possibilment anke sa tnax-il xahar ieħor! Il-medja internazzjonali qed tispekula dwar jekk il-firxa tal-coronavirus tonqosx fis-sajf biex imbagħad tirritorna iktar tard bħall-influwenza “normali” li tkun magħna kull sena. Il-possibilità tat-tieni mewġa tal-coronavirus m’għandiex tkun injorata, għax, jekk dan iseħħ jista’ jkollha impatti konsiderevoli fuq dak li jkun baqa’!

Meta ser niġu lura għan-normal? Il-ħajja f’Malta ser tirritorna għal dak li mdorrijin bih jew ser nieħdu l-opportunità biex nibnu normal ġdid u differenti?

Il-pajjiż jeħtieġlu ż-żmien biex jerġa’ jiġi fuq saqajh, ħafna iktar minn kemm hu meħtieġ biex ikun eliminat il-coronavirus minn fostna. Iż-żmien ta’ stennija nistgħu nagħmlu użu tajjeb minnu billi nibdew nippjanaw bis-serjetà dwar kif ser nibnu mill-ġdid ir-reputazzjoni tal-pajjiż. Huwa iktar diffiċli li nibnu r-reputazzjoni tal-pajjiż milli nsewwu l-ħsara kkawżata mill-firxa tal-coronavirus.

Reċentement ġew ippubblikati żewġ dokumenti bi proposti li jistgħu jkunu ta’ għajnuna kbira f’din il-ħidma li hi tant meħtieġa. L-ewwel dokument ippubblikat huwa dokument konsultattiv li ippubblika xi ġimgħat ilu l-Kummissarju għall-iStandards fil-Ħajja Pubblika. Dan hu intitolat: Towards the Regulation of Lobbying in Malta. It-tieni dokument huwa intitolat Review of the Ethical Framework guiding public employees u kien pubblikat mill-Uffiċċju Nazzjonali tal-Verifika iktar kmieni din il-ġimgħa. Hi ħasra li, safejn naf jiena, ma teżisti l-ebda verżjoni bil-Malti ta’ dawn id-dokumenti. Dan ukoll hu nuqqas amministrattiv li għandu jkun rimedjat. Il-Malti hu lsienna u proposti ta’ din ix-xorta jeħtieġ li jkunu ppubblikati bil-Malti ukoll.

Fid-dokument konsultattiv tiegħu l-Kummissarju għall-iStandards fil-Ħajja Pubblika jargumenta favur it-trasparenza permezz tar-regolamentazzjoni tal-lobbying, materja li s’issa hi nieqsa mill-liġijiet tagħna. Hu biss permezz ta’ transparenza rigoruża tal-proċess politiku li nistgħu nassiguraw il-kontabilità u allura l-iskrutinju pubbliku tal-formazzjoni ta’ proposti politiċi kif ukoll tal-proċess tat-teħid ta’ deċiżjonijiet. Ilkoll konxji li sakemm il-lobbying ma’ jkunx regolat, dan ser jibqa’ sors ewlieni tal-kontaminazzjoni tal-proċess politiku. Meta nirregolaw il-lobbying, min-naħa l-oħra, nistgħu jkollna proċess politiku infurmat u allura nkunu qed nikkontribwixxu b’mod effettiv għall-kontabilità.

Fit-tieni dokument, l-Awditur Ġenerali jeżamina r-regoli dwar l-imġieba etika li huma mifruxa fl-Att dwar l- Amministrazzjoni Publika, fil-Kodiċi tal-Etika u fil-Kodiċi dwar it-Tmexxija tas-Servizz Pubbliku li flimkien jirregolaw il-mod kif jopera is-servizz pubbliku. L-Awditur Ġenerali ġustament josserva, illi, meta tqis il-kontenut ta’ dawn it-tlett dokumenti flimkien jirriżulta li hemm nuqqas ta’ ċarezza, liema nuqqas joħloq l-inċertezza, u b’hekk tkun imnaqqsa l-effettività tagħhom. Huwa jemfasizza illi r-regoli huma ultimament effettivi skond kemm huma kapaċi jwasslu għal azzjoni konkreta. Jiġifieri r-regoli għandu jkollhom il-kapaċita li jittraduċu l-prinċipji f’azzjoni reali.

Permezz tal-proposti tagħhom il-Kummissarju għall-iStandards fil-Ħajja Pubblika u l-Awditur Ġenerali qed iwasslu messaġġ għat-tisħieħ tal-pedamenti tal-amministrazzjoni pubblika. Bħala riżultat ta’ dan, jista’ jkun possibli li nibnu “normal ġdid” u differenti minn dak li drajna bih sal-lum. Normal fejn il-governanza tajba ma tkunx iktar eċċezzjoni imma tkun l-imġieba normali li nistennew mingħand dawk fil-ħajja pubblika u fl-amministrazzjoni pubblika għas-servizz tal-pajjiż.

Il-waqfien tal-pajjiż ħtija tal-mixja tal-coronavirus hi ukoll opportunità għal riflessjoni tant meħtieġa. Huwa l-waqt li l-paroli kollu dwar governanza tajba nittrasformawh f’azzjoni konkreta. Il-pajjiż għandu bżonn ta’ normal ġdid, ta’ normal differenti minn dak imdorrijin bih.

 

Ippubblikat fuq Illum : Il-Ħadd 5 t’April 2020

Towards a new normal

The Coronavirus outbreak is still in its initial stages. The numbers of those testing positive are, so far, manageable. We all hope that this will remain manageable even though the numbers are on the increase. This is however dependent on many factors, primarily on our observing the instructions issued by the health authorities in order to reduce the possibilities of transmission of the virus.

How long will it take for the country to recover?

In one of his interviews Prime Minister Robert Abela has indicated that the current Coronavirus crises may last till the beginning of summer. Recovery, could, however, last longer, even as much as twelve months. The international media is speculating on whether the Coronavirus outbreak will reduce its spread during the summer months as well as whether it will return later in the year just like the “common” flu. The possibility of a second outbreak is not to be overlooked, as if this were to happen, it could have a devastating effect on what’s left.

When will life get back to normal? Will life in Malta be back to what we were used to or will we avail ourselves of the opportunity to seek a new normal?

It will take time for the country to start functioning again, much more than is required to eliminate the Coronavirus from our midst. We can put to good use the available time on our hands to start planning in earnest the rebuilding of our reputation as a country. Reconstructing our reputation is more difficult to achieve successfully than making good the extensive damage caused by the Coronavirus outbreak.

In this respect, lately, two different sets of proposals have been published for our consideration. The first is the document for public consultation published by the Commissioner for Standards in Public Life some weeks ago, entitled: Towards the Regulation of Lobbying in Malta. The second is the Review of the Ethical Framework guiding public employees published this week by the National Audit Office. As far as I am aware no Maltese version of these documents has been published. This is a recurring administrative deficiency which should be remedied at the earliest. Maltese is our national language and proposals of this fundamental nature should be available for consideration in the Maltese language too.

In his consultation paper, the Commissioner for Standards in Public Life argues in favour of transparency through the regulation of lobbying which matter is still missing from our laws. It is only through rigorous transparency of the political process that we can ensure accountability and consequently public scrutiny of the policy formation and decision-taking process. We are all aware that as long as lobbying is unregulated it will remain a primary source of the toxification of the political process. Regulated lobbying, on the other hand, can inform the political process thereby contributing to more effective accountability.

In his review, the Auditor General examines existing ethical rules spread in the Public Administration Act, the Code of Ethics and the Public Service Management Code which together regulate the operation of the civil service. He observes that at times, when one considers these three instruments together, there is a lack of clarity which creates uncertainty, as a result reducing their effectiveness. He emphasises that ultimately effectiveness of the rules is also dependent on follow-up action and an enforcement which is capable of translating principles into tangible action.

Through their proposals the Commissioner for Standards in Public Life and the Auditor General seek to strengthen the foundations of public administration. As a result, it may be possible to construct a new normal where good governance is no longer an exception but the normal behaviour which we expect from people in public office as well as from the public administration serving the country.

The Coronavirus outbreak is thus also an opportunity for a long overdue reflection. The grinding to a halt of the whole country is also the right moment to substitute lip-service to good governance with some concrete action. The country desperately needs a new normal.

 

Published in The Malta Independent on Sunday 5 April 2020

Messaġġi differenti bejn il-Ħamis u l-Ġimgħa

Bejn dak li ntqal fil-konferenza stampa ta’ Chris Fearne il-Ħamis waranofsinnhar u dak li ntqal fl-intervista l-Ġimgħa fil-għaxija minn Robert Abela hemm differenza. Din ma kienitx differenza żgħira u qed tħawwad lin-nies.

Chris Fearne, Ministru tas-Saħħa, qal, u fisser f’ċertu dettall, li madwar 118,000-il persuna kien jeħtieġilhom ma joħorġux mid-dar minħabba li huma vulnerabbli: jiġifieri hu iktar faċli għalihom li jimirdu. Min għax vulnerabbli minħabba l-età u min għax vulnerabbli minħabba l-kundizzjoni ta’ saħħtu minħabba li hu soġġett għal mard kroniku.

Kien imfisser ċar ħafna minn Chris Fearne li biex il-protezzjoni tingħata sewwa kien meħtieġ li anke dawk li joqgħodu fl-istess dar jibqgħu ġewwa huma ukoll. Biex ikun ċar Fearne qal li l-uniku mod biex dan ikun evitat kien li dawk li joqgħodu fl-istess dar issibu x’imkien ieħor fejn joqgħodu b’mod immedjat. Dan biex ikun evitat li min hu dieħel u ħiereġ jeffettwhom ħażin bil-coronavirus. B’hekk tkompli tonqos il-possibiltà tat-tixrid tal-virus.

Issa, sfortunatament, il-Prim Ministru Robert Abela bidel id-diska.

Fl-intervista, waqt l-aħbarijiet tat-tmienja l-bieraħ fil-għaxija, Abela qal li min jaħdem u joqgħod ma persuni ta’ età ikbar minn 65 sena, jista’ jmur għax-xogħol. U li jistgħu joħorġu ukoll biex jixtru. Dan imur kontra dak li qal il-Ministru tas-Saħħa u joħloq il-periklu ta’ infezzjoni għal dawn vulnerabbli.

Id-direttivi, li ghandhom l-iskop illi jnaqqsu l-moviment tan-nies, dejjem ser joħolqu diffikulta. Jekk ser joqgħodu jħawdu n-nies b’messaġġi differenti d-diffikultajiet ser ikunu ħafna ikbar u s-siwi tad-direttivi jonqos drastikament. Ser nispiċċaw li dak kollu li ser jingħad minn issa ‘l quddiem ma hu ser jemmnu jew jagħti kaz tiegħu ħadd, bit-tama li l-għada xi ħadd jgħid xi ħaġa differenti.

Minkejja d-diffikultà li inevitabilment tinħoloq b’kull restrizzjoni li titħabbar, s’issa jidher li t-tixrid tal-virus kien xi ftit jew wisq taħt kontroll. B’din it-taħwida hemm il-periklu li l-affarijiet issa ma jibqgħux hekk.

Għalfejn qed iħawdu in-nies? Sar tant xogħol siewi, jarmuh issa?

L-impatti tal-Coronavirus: inħarsu l-impiegi kollha

Il-Gvern ħabbar pakkett finanzjarju ta’ €1.8 biljun biex jilqa’ għall-impatti tal-Coronavirus.

Kif ser ikun effettwat il-ħaddiem b’kuntratt bla rabta ta’ numru ta’ siegħat li jaħdem (zero-hours contract), jew dawk f’impieg temporanju, dawk tas-sengħa li jaħdmu għal rashom, inkella n-negozjanti ż-żgħar? Il-pakkett finanzjarju imħabbar, ftit li xejn jaħseb fihom. Allura, minkejja l-merti tiegħu, il-pakkett finanzjarju tal-Gvern mhux tajjeb biżżejjed.

Il-ħaddiem iż-żgħir l-ewwel li jlaqqatha f’kull kriżi. Hu l-impatt fuqhom li għandu jservi ta’ kejl biex inkunu nistgħu niffurmaw opinjoni dwar kemm dan il-pakkett finanzjarju, kif ukoll dawk li għad jistgħu jiġu, huma effettivi.

Ilkoll nieħdu pjaċir b’inizjattivi biex jassiguraw li l-ekonomija u min iħaddimha jiġi fuq saqajh, mhux biss meta tiġi fi tmiemha din il-kriżi iżda ukoll fil-mixja li jeħtieġilna ngħaddu minnha biex nirkupraw. Imma kemm hu sew li noħorġu r-riżorsi tal-pajjiż biex tkun tista’ tirkupra ekonomija li mhiex kapaċi tirrispetta l-iktar dgħajfa fostna?

Il-proposti tal-Gvern biex jilqa’ għall-impatti tal-Coronavirus ma jorbtux lill-operaturi ekonomiċi li jagħmlu użu mill-proposti differenti fil-pakkett milli jħarsu l-impiegi. Is-sensji diġa bdew. Il-ħaddiem iż-żgħir l-ewwel li jlaqqatha. Warajh ilaqqtuha oħrajn.

Il-pakkett tal-Gvern biex jilqa’ għall-effetti tal-Coronavirus jeħtieġ miżuri addizzjonali.

L-għajnuna li ser tingħata għandha tmur lil dawk li sofrew tnaqqis sostanzjali fid-dħul tagħhom meta kkomparat mas-sena li għaddiet. Il-pakkett tal-Gvern huwa iffukat biex jiffaċilita l-likwidità kif ukoll biex jgħin ħalli jkun iggarantit self bankarju. Filwaqt li dawn huma miżuri importanti, f’din il-kriżi hu essenzjali li l-għajnuna tkun iffukata fuq il-pagi tal-ħaddiema. L-għajnuna diretta lill-operaturi ekonomiċi għandha tkun marbuta mal-obbligu tagħhom li jipproteġu l-impiegi. Jekk ma jkunx imħares ix-xogħol m’għandhiex tingħata għajnuna.

Aħna l-Ħodor f’Alternattiva Demokratika mħassba dwar il-ħaddiem iż-żgħir. Hu l-ewwel ma jlaqqatha f’din il-kriżi: huma l-ewwel vittmi tal-Coronavirus. L-għajnuna li dawn jeħtieġu hi fil-forma ta’ dħul minimu garantit tul ix-xhur li ġejjin, kemm iddum il-kriżi. Huma l-iktar vulnerabbli u ħadd mhu jitkellem dwarhom.

Il-kirjiet ta’ residenzi għandhom jiġġeddu awtomatikament sakemm tintemm il-kriżi. Għandu jkun hemm provediment għall-ħarsien minn xoljiment ta’ kuntratti ta’ kera tul il-kriżi. Hemm ħtieġa ukoll li tul il-kriżi l-Gvern jimpenja ruħu iktar biex jassigura illi l-iktar vulnerabbli jkollhom saqaf fuq rashom. Dan għandu jsir dejjem imma b’mod specjali tul il-kriżi.

Aħna l-Ħodor tal-fehma li l-impatt ta’ din il-kriżi fuq l-impiegi turi difetti strutturali fil-qasam soċjali fil-pajjiż. Malta mhux l-unika pajjiż li qed jiffaċċja din il-problema. Huwa importanti li bħal numru ta’ pajjiżi oħra, fosthom l-Isveżja, in-Norveġja, il-belt ta’ Utrecht fl-Olanda, anke f’Malta nidħlu fil-fond u neżaminaw kif jistgħu jaħdmu skemi ta’ dħul minimu garantit li jirreferu għalihom bħala Universal Basic Income u Guaranteed Minimum Income schemes. Ikun għaqli li neżaminaw sewwa dawn it-tip ta’ skemi, għax dawn jistgħu joffrulna tarka tajba meta nkunu iffaċċjati b’dawn il-kriżijiet.

Huwa l-waqt li kulħadd iżomm rasu f’lokha. Il-paroli vojt fil-Parlament tal-Ministru Silvio Schembri iktar kmieni din il-ġimgħa kien barra minn postu u għamel il-ħsara, minkejja li wara skuża ruħu. Qatt mhi idea tajba li thedded bit-tkeċċija lil dawk li b’ħidmiethom taw kontribut biex il-pajjiż kiber, anke bix-xogħol tagħhom. Meta din il-kriżi tgħaddi jerġgħu jkunu huma, inkella oħrajn bħalhom, li nsibu biex jagħmlu dak ix-xogħol li għalih la hemm Maltin, inkella l-Maltin ma jridux jagħmluh għal raġunijiet diversi. Anke issa stess l-Onor Ministru jista’ jagħti titwila lejn is-servizz tas-saħħa u jara jekk hux possibli li jopera mingħajrhom, flimkien dejjem mal-kollegi Maltin. Flimkien qed jagħtu servizz impekkabbli lil pajjiż.

Ilkoll niftakru kif madwar sena ilu, l-Prim Ministru Joseph Muscat kien assoċja l-involviment tal-barranin fid-dinja tax-xogħol f’Malta mal-ġbir taż-żibel. Anke hu, dakinnhar kien għamel apoloġija. Imma sfortunatament il-preġudizzji tiegħu ħallihom warajh fil-Kabinett ta’ Robert Abela.

Ippubblikat fuq Illum : Il-Ħadd 22 ta’ Marzu 2020