It-turiżmu wara l-pandemija

It-turiżmu kien wieħed mis-setturi li l-iktar intlaqat bħala riżultat tal-pandemija Covid-19. Tul is-snin in-numri tat-turisti li ġew iżuruna żdied kull meta tjiebet il-konnettività: min-naħa l-oħra hekk kif il-konnettività naqset u eventwalment waqfet kompletament, ġara bil-maqlub.

Iktar kmieni din il-ġimgħa bdew jaslu l-ewwel turisti fil-port u l-ajruport tagħna. Bil-mod qed terġa’ tiġi stabilita l-konnettività li twassal biex it-turiżmu jibda jirpilja bil-mod. Il-Ministru tat-Turiżmu Julia Farrugia-Portelli f’dawn il-ġranet ħabbret il-mira tal-Gvern: 700,000 turist sal-aħħar tas-sena. Iktar kmieni t-tmexxija tal-Ajruport Internazzjonali ta’ Malta kienet emfasizzat li jeħtieġ madwar sentejn biex il-wasla tal-passiġġiera tirkupra u naslu fejn konna qabel ma faqqgħet il-pandemija.

Jista’ t-turiżmu qatt jilħaq il-livelli ta’ qabel il-pandemija?

Jeżistu stimi diversi dwar il-kontribut tat-turiżmu lejn l-ekonomija. Stima minnhom tipponta lejn kontribut dirett ta’ 5 fil-mija tal-ekonomija. Imma, bħala riżultat tal-impatt fuq setturi oħra dan is-sehem jitla għal madwar 12 fil-mija. Barijiet, restoranti, ħwienet li jbiegħu bl-imnut, attivitajiet pubbliċi, l-industrija tad-divertiment u t-trasport (in partikolari l-kiri tal-karozzi) huma dipendenti fuq it-turiżmu. Setturi partikolari bħat-tagħlim tal-Ingliż u ċ-ċentri tal-għaddasa huma meqjusa bħala parti integrali mill-ekonomija turistika.

Intqal ħafna dwar l-impatt tal-pandemija fuq il-lukandi. Imma anke dawk li jipprovdu sodod turistiċi barra mil-lukandi ġarrew fuq spallejhom impatt sostanzjali avolja ftit li xejn issemmew fid-dibattitu konness mal-impatti tal-pandemija. Dan huwa settur li jinvolvi negozjanti żgħar u dawk li nirreferu għalihom bħala micro-businesses li kull wieħed minnhom jimpjega inqas minn għaxar persuni.

UNCTAD, l-Aġenzija tal-Ġnus Magħquda dwar il-Kummerċ u l-Iżvilupp, iktar kmieni din il-ġimgħa ħabbret li l-iġġammjar tat-turiżmu minħabba l-pandemija ser jiswa’ lill-industrija globali tat-turiżmu madwar $1.2 triljun . Din l-istima tista’ tirdoppja skond kif tiżviluppa t-tieni mewġa tal-pandemija.

Il-Ġamajka tista’ titlef madwar 11 fil-mija tal-Prodott Gross Domestiku, t-Tajlandja 9 fil-mija, l-Italja 5 fil-mija. Fl-Unjoni Ewropeja l-agħar impatti huma mal-kosta Mediterranja fejn l-ekonomija hi dipendenti ħafna fuq it-turiżmu. Minbarra Malta hemm l-Italja, l-Kroazja, is-Slovenja, Cipru u l-Greċja li kollha ntlaqtu sew. It-Turkija u t-Tunesija, parteċipanti Mediterranji fl-industrija turistika ukoll iġġammjaw, wara li gawdew minn żidiet sostanzjali fin-numri ta’ turisti tul is-snin.

Jagħmel sens li l-Gvern, f’dan il-waqt, permezz tal-Awtorità Maltija tat-Turiżmu, qiegħed jiffoka fuq li jġib lill-industrija tat-turiżmu lura fuq saqajha. Dan imma, mhux biżżejjed. Jeħtieġ li nibdew naħsbu dwar il-futur tal-industrija u dan billi neżaminaw fid-dettall dak li l-industrja teħtieġ li tiffaċċja fit-tul.

Fi tmiem is-sena li għaddiet, l-2019, ilħaqna in-numru ta’ 2.8 miljun turista iżuruna. Il-punt hu jekk dawn in-numri humiex sostenibbli. Dan hu argument ta’ dejjem li ilu għaddej sa minnmeta n-numri kienu ferm iżgħar. Id-dibattitu kien, u għandu jibqa’ jkun dwar jekk għandniex niffukaw iktar fuq il-kwalità milli fuq il-kwantità.

Il-miġja fostna tal-linji tal-ajru low-cost bħala parti essenzjali mill-politika tat-turiżmu illum tpoġġi emfasi ikbar fuq in-numri. Din hi għażla politika li saret u li teħtieġ li tkun eżaminata u analizzata fil-fond. L-impatti ekonomiċi għandhom jitqiesu fl-istess ħin mal-impatti ambjentali. Irridu niftakru kontinwament li t-turiżmu jiġġenera bosta impatti ambjentali.

Wasal iż-żmien li nirrealizzaw li d-dibattitu meħtieġ dwar il-futur tat-turiżmu jeħtieġ li jsir fl-isfond tal-Patt l-Aħdar: The Green Deal.

L-emissjonijiet tal-ajruplani ser ikollhom ikunu indirizzati fil-futur qarib. Hu inevitabbli li jiddaħħlu taxxi dwar dawn l-emissjonijiet (carbon taxes) fi żmien mhux il-bogħod. Jekk mhux ser jittieħdu passi immedjati dwar dawn l-emissjonijiet ser ikun ħafna iktar diffiċli, biex ma ngħidx impossibli, biex ikunu ndirizzati l-konklużjonijiet tas-Summit Klimatiku ta’ Pariġi tal-2015. Summit li Malta ħarġet tiftaħar li kienet wieħed mill-ewwel pajjiżi li rratifikatu. F’dak il-mument (jekk nibqgħu ma nieħdux passi) mhux biss it-turiżmu jaqla’ daqqa kbira oħra imma tkun il-kwalità tal-ħajja tagħna lkoll li tieħu daqqa l-isfel.

Il-gżejjer Maltin, bħall-parti l-kbira tal-gżejjer imxerrda mal-ibħra, ikunu minn tal-ewwel biex jaqilgħu ġo fihom l-impatti tat-tibdil fil-klima. Il-kosta tkun effettwat bl-għoli tal-livell tal-baħar. Tajjeb li niftakru li l-infrastruttura tat-turiżmu qegħda kważi kollha mal-kosta! Iktar ma ninjoraw dan il-fatt bażiku ikbar tkun id-daqqa li naqilgħu.

S’issa naħseb li kulħadd irrealizza kemm l-industrija tat-turiżmu hi waħda fraġli. Kull xokk li l-industrija issofri jista’ jwassal għal tnaqqis kbir fl-impiegi f’din l-industrija. It-turiżmu għadu staġjonali wisq u dan minnu innifsu jwassal għal kundizzjonijiet tax-xogħol ta’ natura prekarja.

Jeħtieġ li nippjanaw iżjed billi nħarsu il-bogħod u fuq medda twila ta’ żmien: naħsbu u nippjanaw sewwa dwar l-impatti soċjali, ambjentali u ekonomiċi ta’ kull deċiżjoni. Dan wara kollox hu l-proċess li jwassal għal żvilupp sostenibbli. Hu l-unika mod kif nistgħu nassiguraw li l-impatti negattivi tal-industrija tat-turiżmu nistgħu nindirizzawhom illum qabel għada.

Ippubblikat fuq Illum : il-Ħadd 5 ta’ Lulju 2020

Post-Covid Tourism

Tourism is understandably one of the hardest hit sectors as a result of the Covid-19 pandemic. Over the years, tourism numbers increased substantially as a result of an increased connectivity: the reverse happened the moment that connectivity was restricted or became practically inexistent.

Earlier this week saw the first arrivals at our air and seaports. Slowly, connectivity is being restored. It is expected that tourism will now start a slow recovery. Tourism Minister Julia Farrugia-Portelli is on record with a 700,000-tourist target for year end. Malta International Airport CEO had earlier opined that it will take at least two years to recover to pre-pandemic level airport movements.

Will tourism ever recover to the pre-pandemic levels?

There are various estimates of the contribution of tourism to the economy. One such estimate points at a direct contribution of around 5 percent of our economy. However, as a result of its impacts on other sectors the overall contribution rises to around 12 percent. Bars, restaurants, retail trade, events, entertainment and transport (in particular car hire), are heavily dependent on tourism. Specific sectors such as the English language school sector as well as diving are important sectors in the tourism economy.

Much has been stated on the impact of the pandemic on the hotel industry. The providers of non-hotel beds, however, have also been heavily impacted by the pandemic, but they have not featured much in the post-Covid-19 debate. This is a sector which involves a number of small-scale investors and micro-businesses each employing less than ten employees.

UNCTAD, the UN Trade and Development Agency, earlier this week stated that the four-month standstill of the tourism industry due to the pandemic Covid-19 could cost the industry around $1.2 trillion. This estimated cost could more than double, depending on the severity and spread of a second wave of the pandemic.

Jamaica could lose as much as 11 percent of its GDP, Thailand 9 percent, Italy 5 percent. In the EU, the worst impacts are along the Mediterranean coast where the economy is heavily dependent on tourism. In addition to Malta, Italy, Croatia, Slovenia, Cyprus and Greece are also heavily impacted. Turkey and Tunisia, Mediterranean players in the tourism industry have also been almost at a standstill, after experiencing a substantial expansion of their tourism industry throughout the years.

It is understandable that government through the Malta Tourism Authority is currently focused on getting tourism back on its feet. This is however not enough. We must start discussing a long-term view of the tourism industry.

At the end of 2019 the 2.8 million mark of tourists visiting the Maltese islands had been attained. The point at issue is whether this is sustainable in the long-term. This has been a perennial issue in tourism politics since the days when the numbers were much lower. The debate was and should be whether we should focus more on quality than on quantity.

The advent of low-cost carriers as an essential part of the tourism equation places more emphasis on numbers than on quality. It is a choice which may need to be analysed and revisited. Economic impacts have to be viewed concurrently with environmental impacts. We must remember that tourism has a considerable environmental impact. It is about time that the tourism debate is carried out within the parameters of the Green Deal.

Aeroplane emissions will at some point in time in the near future have to be addressed. Carbon taxes will sooner or later come into play. Unless they are addressed immediately it will be more difficult, if not practically impossible, to address the Paris Climate Change conclusions to which Malta has adhered. At that point it will not be just the tourism industry but our whole lifestyle which will be in for the chop.

The Maltese archipelago, like all islands, will bear the brunt of climate change impacts. The coastline will be severely hit by a sea level rise. It may be pertinent to remember that the coast houses practically all of the tourism infrastructure. The longer we ignore this basic fact, the more severe will the impacts be.

By now all of us are aware that Tourism is a very volatile industry: any shock will result in mass redundancies. Tourism is currently way too seasonal, and consequently it only serves to create precarious working conditions.

It is the time to plan ahead: thinking carefully of the social, environmental and economic impacts of all decisions. This is what sustainable development is, after all, about. It is the only way to ensure that the negative impacts of the tourism industry are addressed by us sooner rather than later.

 

published in The Malta Independent on Sunday : 5 July 2020

Edward Scicluna u l-bajtar tax-xewk

Iktar kmieni din il-ġimgħa, l-President tal-Kummissjoni tal-Unjoni Ewropea, Ursula von der Leyen, ippreżentat lill-Parlament Ewropew pjan ta’ €750 biljun biex inqumu fuq saqajna. Pjan li jista’ jiġġenera investiment stmat €3.1 triljun fl-ekonomija Ewropea. Permezz ta’ għotjiet flimkien ma’ self, il-Kummissjoni Ewropea qed tfittex li tegħleb l-impatti ekonomiċi negattivi tal-Covid-19 kif ukoll li tagħti bidu għall-azzjoni meħtieġa biex ikun implimentat il-Ftehim l-Aħdar (the Green Deal).

It-triq biex nirkupraw mhiex faċli. Mhux il-każ li mmorru lura għal kif konna. Dak spiċċa. Irridu nimxu l-quddiem lejn normal ġdid. Li nintegraw flimkien il-ħidma biex nirkupraw mill-impatti tal-pandemija flimkien mal-azzjoni meħtieġa dwar it-tibdil fil-klima mhux ser tkun faċli imma hi essenzjali u mhux possibli li tkun posposta. Kif ġie emfasizzat fuq Euroactive nhar l-Erbgħa, it-triq biex nirkupraw tiddependi minn ħafna kundizzjonijiet konnessi mal-ambjent. 25 fil-mija tal-finanzjament propost mill-Kummissjoni Ewropeja hu fil-fatt marbut ma’ ħidma klimatika.

Edward Scicluna, il-Ministru tal-Finanzi, fl-ewwel reazzjoni tiegħu għall-pjan tal-Kummissjoni ikkummenta mħasseb dwar miżuri prattiċi konnessi mal-klima. Bħala gżira ser inweġġgħu ħafna qal, jekk jindirizzaw l-emissjonijiet tal-ajruplani u l-vapuri. Il-pjan, qal Edward Scicluna, jixbah lill-bajtar tax-xewk. Scicluna jippreferi li ma jsir xejn ħlief paroli. L-anqas m’hu jieħu pjaċir b’dak li qed jingħad dwar it-tassazzjoni tal-kumpaniji, avolja konxju li m’għadx baqa’ żmien biex fl-Unjoni Ewropea tħajjar kumpaniji jibqgħu jħarbu l-obbligi tagħhom tal-ħlas tat-taxxi.

Hu korrett li jingħad li ser nintlaqtu bil-miżuri dwar il-klima. Hekk għandu jkun, għax il-ħidma tagħna għandha impatt fuq il-klima. Nistgħu imma ninnegozjaw biex dawn l-impatti fuqna jonqsu mingħajr ma nnaqqsu l-impenn (reali) tagħna biex ikunu indirizzati l-impatti klimatiċi tal-industrija tal-avjazzjoni u tal-vapuri. Bla ebda dubju dan ser ikun ifisser impatti sostanzjali kemm fuq it-turiżmu kif ukoll fuq il-kummerċ.

Dan ma jistax ikun evitat għax dawn l-industriji għandhom l-obbligu li huma ukoll jġorru fuq spallejhom l-impatti li qed jikkawżaw. Dak hu li wegħdna bħala pajjiż fis-Summit ta’ Pariġi dwar il-klima. Wasal il-waqt li nwettqu dak li ġie imwiegħed. Biex niġu fuq saqajna irridu nfasslu l-futur mill-ġdid. Il-ħsara li teħtieg li tissewwa mhiex biss dik ekonomika u ambjentali. Jinħtieġ li tul l-Unjoni Ewropea kollha nibnu s-solidarjetà fuq pedamenti sodi. Dak li Edward Scicluna jqis bħala l-bajtar tax-xewk huma fil-fatt l-għodda bażiċi tas-solidarjetà.

Għax is-solidarjetà hi meħtieġa mhux biss meta aħna bir-raġun kollu nokorbu ma’ kull mewġa ta’ immigranti fl-ibħra Maltin. Is-solidarjetà hi dak li Malta tinjora meta tfittex li tkun attraenti għal min irid jevadi t-taxxi f’pajjiżu: dawk li jħallsu ftit lill-kaxxa ta’ Malta biex jevitaw milli jħallsu l-biljuni band’oħra. Il-politika dwar l-armonizzazzjoni tat-tassazzjoni fl-Unjoni Ewropea hi r-risposta bis-sens għall-politika li tinkoraġixxi l-evażjoni tat-taxxa f’Malta, l-Olanda, il-Lussimburgu u l-Irlanda.

L-Oxfam f’rapport ippubblikat fl-2019 u ntitolat “Off the Hook. How the EU is about to whitewash the world’s worst tax havens” temfasizza li “l-Irlanda, il-Lussimburgu, Malta u l-Olanda huma fost il-pajjiżi li l-iktar jinkoraġixxu l-evażjoni tat-taxxa fid-dinja, b’mod li jagħmluha possibli li kumpaniji kbar jirnexxielhom iħallsu ammont żgħir ta’ taxxa. Per eżempju, ir-regoli internazzjonali tat-taxxa jippermettu lill-Vodafone Group Plc biex jallokkaw kważi 40 fil-mija tal-profitti taxxabbli tagħhom f’Malta u l-Lussimburgu.”

Rajna ukoll rapporti dwar il-BASF, ġgant fl-industrija kimika fil-Ġermanja, li jispjegaw kif din tevadi t-taxxa. Fir-rapport tal-Ħodor Ewropej ippubblikat fl-2016, intitolat “Toxic Tax Deals. When BASF’s Tax Structure is more about style than substance” kien spjegat kif il-BASF irnexxiela tevadi madwar biljun euro f’taxxa, u minflok ħallset ammonti żgħar bil-kompliċità ta’ Gvernijiet Maltin: ħomor u blu.

Jeħtieġ li l-ewwel u qabel kollox nirkupraw l-imġieba etika tagħna, anke qabel ma nirkupraw ekonomikament u ambjentalment. Ir-riġenerazzjoni tal-valuri tagħna għandha tkun prijorità qabel ma nippruvaw insewwu l-kaxxa ta’ Malta li minnha, bħalissa ħerġin il-flus maħmuġin akkumulati mill-bejgħ tal-passaporti. Flejjes miġburin minn persuni bħall-biljunarju Russu Boris Mints, l-Eġizzjan Mustafa Abdel Wadood, il-biljunarju Ċiniż Liu Zhongtian, in-negozjant Russu Pavel Melenikov u l-Iżraeli Anatoly Hurgin, li irnexxielhom jiżgiċċaw minn eżami suppost rigoruż u ngħataw iċ-ċittadinanza Maltija: però xorta spiċċaw għaddejjin proċeduri kriminali f’diversi pajjiżi oħra primarjament dwar frodi u ħasil tal-flus!

F’dan iż-żmien ta’ ħtieġa l-Ministru tal-Finanzi Edward Scicluna spiċċa dipendenti fuq flejjes li oriġinaw minn dawn is-sorsi maħmuġin. Ma tkunx esaġerazzjoni li ngħid li spiċċa dipendenti minn flus li oriġinaw mill-kriminalità.

Fir-reazzjonijiet tagħha għall-proposti tal-Kummissjoni tal-Unjoni Ewropea Evelyne Huytebroech, waħda miż-żewġ mexxejja tal-Partit tal-Ħodor Ewropej, emfasizzat li din il-proposta flimkien ma dik tal-Parlament Ewropew u l-proposta Franco-Tedeska ilkoll qed jaraw proċess ta’ self komuni. Dan hu pass il-quddiem għas-solidarjetà Ewropea. Għax is-solidarjetà tinbena bil-mod u bit-tbatija. Imma għal Edward Scicluna dan kollu bajtar tax-xewk!

ippubblikat fuq Illum :il-Ħadd 31 ta’ Mejju 2020

The recovery plan and Edward Scicluna’s prickly pears

Earlier this week, EU Commission President Ursula von der Leyen, presented for the consideration of the European Parliament a recovery plan worth €750 billion but which can unleash an investment estimated at €3.1 trillion in the EU economy. Through a combination of loans and grants the EU Commission seeks to integrate the reversal of the economic downturn resulting from the Covid-19 pandemic together with the action required to implement the Green Deal.

The road to recovery will be tough. It is not the case of going back to normal but of going forward to a new normal. Integrating the recovery from the pandemic impacts with climate change action will not be easy but it is essential and cannot be postponed. As emphasised by Euroactive on Wednesday, the road to recovery has plenty of green strings attached. 25 per cent of the funding proposed by the EU Commission is in fact earmarked for climate action.

Finance Minister Edward Scicluna, in his first reaction to the recovery plan, voiced concern on practical climate action measures. It hurts, he says, to address air traffic emissions or shipping pollution. As an island this would impact us substantially. The proposed recovery plan is comparable to prickly pears, he stated. He prefers the status quo: all talk and little walk. Edward Scicluna is not amused by rumblings heard on corporate taxation even though he is well aware that the days of attracting corporations seeking tax havens within the EU may well be numbered.

It is correct to state that we will be impacted substantially. We can however negotiate to reduce such impacts without diminishing our commitment to addressing climate change impacts of the airline and shipping industry. This would mean significant impacts on tourism and trade. These however cannot be avoided as climate change impacts have to be internalised: that is they have to be shouldered by the industries generating them. This is what we promised in the Paris Climate Summit. Promises that we must now honour.

Operation recovery must re-design the future. It must not be just an economic recovery or an environmental rebirth. It must also be a recovery of practical solidarity all over the Union. What Edward Scicluna views as prickly pears are in fact instruments of solidarity.

Solidarity is not just what we rightly cry for when immigrants crash through our borders. Solidarity is what we ignore when Malta insists on being attractive to tax evaders: those who pay peanuts to the Maltese exchequer in order to avoid paying billions elsewhere. The issue of tax harmonisation on an EU level is the sensible response to the tax haven fiscal policies of Malta, the Netherlands, Luxembourg, and Ireland.

Oxfam in its 2019 report entitled “Off the Hook. How the EU is about to whitewash the world’s worst tax havens” emphasises that “Ireland, Luxembourg, Malta and the Netherlands are among the most significant tax havens in the world, enabling some of the biggest corporations to pay minimal amounts of tax. For example, currently, international tax rules allow Vodafone Group Plc to allocate nearly 40% of its taxable profits to Malta and Luxembourg.” We have also seen reports on BASF clearly explaining how the German chemical giant avoids paying taxes due. The European Greens report “Toxic Tax Deals. When BASF’s Tax Structure is more about style than substance” published in 2016 had outlined how BASF had successfully avoided close to a billion euros in tax, paying just a small amount thanks to Maltese governments blue and red.

The recovery must be primarily ethical before being economic and environmental. Regenerating our values should be a priority higher on the list than the regeneration of our coffers, currently dishing out dirty money originating from the sale of citizenship schemes. Monies collected from the likes of Russian billionaire Boris Mints, Egyptian national Mustafa Abdel Wadood, Chinese billionaire Liu Zhongtian, Russian businessman Pavel Melenikov and Israeli Anatoly Hurgin, who slipped through what is described as a rigorous due diligence process and gain Maltese citizenship only to be prosecuted in different jurisdictions for various crimes primarily fraud and money laundering.

It is indeed telling that in time of need Finance Minister Edward Scicluna is dependent on monies originating from such dubious sources! It would not be an exaggeration to state that he is dependent on the proceeds of crime.

In her reaction to the EU Commission proposals Evelyne Huytebroech co-Chair of the European Greens emphasised that the EU Commission’s proposal together with the proposals of the EU Parliament and the Franco-German initiative all foresee a mutualised debt instrument: a major breakthrough for European solidarity. Solidarity is constructed slowly and painfully, while Edward Scicluna juggles with his prickly pears.

published in The Malta Independent on Sunday : 31 May 2020

L-ekoterapja: in-natura tista’ tfejjaq

Il-bniedem hu parti integrali mill-eko-sistema. Li jkun f’kuntatt dirett mad-dinja naturali hi parti intrinsika mill-imġieba normali tiegħu. Hu għaldaqstant meħtieġ li nagħtu iktar attenzjoni lil kuntatti tagħna man-natura u dan, fost affarijiet oħra, biex nieħdu ħsieb saħħitna stess.

In-natura hi bosta drabi nieqsa minn ħajjitna. Richard Louv, awtur u ġurnalista Amerikan, fil-ktieb tiegħu The Last Child in the Woods jitkellem dwar diżordni kkawżat min-nuqqas ta’ kuntatt man-natura (Nature-Deficit Disorder) li fil-fehma tiegħu iwassal għal problema fl-imġieba ta’ tfal li tilfu jew qatt ma żviluppaw il-kuntatt tagħhom man-natura. Sfortunatament, mhux biss it-tfal qegħdin f’din is-sitwazzjoni. Hemm riskju kbir li aħna lkoll xi ftit jew wisq inkunu effettwati.

Riċentement bosta qed jitkellmu dwar l-importanza li niżviluppaw ġonna fuq il-bjut tagħna b’mod li noħolqu spazji żgħar naturali fiż-żoni urbani. Din hi idea tajba u tagħmel il-ġid, imma għandu jkun ċar li mhiex sostitut għal kuntatt dirett u reali man-natura.

Xi kultant din il-ħeġġa għal ġonna fuq il-bjut hi mod kif uħud jaħsbu li jistgħu jissodisfaw it-tniggiż tal-kuxjenza li żviluppat fil-konfront tal-ħerba fl-ambjent naturali u li qed tkompli tiżviluppa madwarna ħtija ta’ l-hekk imsejjaħ żvilupp bla rażan. Hi ukoll reazzjoni ta’ dawk li qed iħossu l-effett ta’ nuqqas ta’ kuntatt dirett mad-dinja naturali fuq tul ta’ żmien.

Il-kuntatt kontinwu tagħna man-natura hi ta’ għajnuna kbira biex inħarsu saħħitna. Dan ifisser ukoll li min hu marid, b’mod partikolari jekk soġġett għal mard mentali, jista’ jkun mgħejjun jikseb saħħtu lura permezz ta’ kuntatt dirett man-natura: f’numru ta’ każi jista’ jikseb fejqan b’mod naturali. Din hi l-ekoterapija.

Birdlife Malta u l-Fondazzjoni Richmond, flimkien, daħlu f’dan il-qasam madwar sentejn ilu. B’għotja ta’ €17,000 mingħand il-Malta Social Impact Awards fasslu programm ta’ ekoterapija li sejħulu Blooming Minds, intenzjonat biex itejjeb il-kwalità tal-ħajja ta’ persuni bi problema ta’ saħħa mentali. Żviluppaw programm impenjattiv li kien imsejjes fuq taħriġ fl-apert b’mod li jkun hemm użu tan-natura bħala għodda terrapewtika, kif ukoll bl-apprezzament tal-istess natura u tal-ġonna. Il-professjonisti inkarigati mill-programm identifikaw li dan wassal biex assista lil dawk li ipparteċipaw fi żvilupp ta’ fiduċja ikbar fihom infushom kif ukoll sensazzjoni ta’ kalma meta jkunu fil-kumpanija ta’ natura li ssaħħrek.

Waħda mill-professjonisti nkarigati mill-programm ikkummentat li dawk li ipparteċipaw fis-sessjonijiet ta’ ekoterapija ħadu pjaċir bil-parteċipazzjoni tagħhom. Irrilassaw permezz ta’ dan il-kuntatt tagħhom man-natura. L-ambjent naturali irnexxielu jħalli impatt pożittiv fuqhom.

Imma l-fondi spiċċaw u dan il-programm ta’ ekoterapija waqaf, għalissa.

Qabel din l-inizjattiva ta’ Birdlife u l-Fondazzjoni Richmond kien hemm inizjattivi simili kemm mill-għaqda ambjentali Friends of the Earth Malta f’Villa Chelsea kif ukoll minn oħrajn.

L-ekoterapija hi ta’ benefiċċju għal kulħadd imma l-iktar għal dawk bi problema ta’ mard mentali inkella li qegħdin f’riskju ta’ dan il-mard. L-ekoterapija toffri attenzjoni personalizzata, m’għandhiex impatti negattivi u tgħin lil dawk li jirċievuha jrabbu iktar fiduċja fihom infushom.

Mhux biss it-tfal jeħtieġu li jkunu mħarsa milli jiżviluppaw sintomi kkawżati min-nuqqas ta’ kuntatt man-natura. Ilkoll kemm aħna qed inqattgħu iktar ħin ġewwa! Għandna l-ħtieġa li nistabilixxu mill-ġdid il-kuntatti tagħna mal-egħruq tagħna: egħruq tagħna fin-natura, u mhux fuq il-bejt.

L-ekoterapija hi għodda li tagħtina n-natura biex nieħdu ħsieb is-saħħa mentali tagħna. In-natura tagħtina s-soluzzjonijiet għall-benefiċċju tagħna.

Il-Birdlife u l-Fondazzjoni Richmond ħadu inizjattiva tajba u li tagħmel il-ġid. Imma sfortunatament din l-inizjattiva waqfgħet għax spiċċaw il-fondi. Hu fl-interess ta’ kulħadd li nassiguraw li din l-inizjattiva terġa’ tibda mill-ġdid malajr kemm jista’ jkun u li din ma tibqax temporanja iżda issir inizjattiva permanenti. Dan ikun għall-benefiċċju ta’ kulħadd.

ippubblikat fuq Illum: il-Ħadd 17 ta’ Mejju 2020

Ecotherapy: nature can cure

Human beings are part of the eco-system. Being in direct contact with the natural world is an integral part of our normal basic behaviour. We need to pay more attention to our natural ties in order to maintain and reinvigorate our health.

Nature is many times absent in our daily lives. Richard Louv, an American journalist and author, in his publication The Last Child in the Woods coined the term Nature-Deficit Disorder through which he points at the consequences of alienating children from the natural world causing a wide range of behavioural problems. Unfortunately, it is not only children that are developing a Nature-Deficit Disorder. There is a serious risk that this can, and most probably is, infecting most of us.

Recently there is much talk going on relative to the importance of roof gardens, transforming our roofs into small gardens as a result creating small natural spots within our urban areas. This is an idea worth pursuing, but it is no substitute for the real thing: an interaction with an unspoilt countryside.

At times the clamouring for roof gardens is more the result of pangs of conscience seeking to somehow make good for the large-scale havoc on the natural environment resulting from unbridled development. It is also a call of those who feel the impact of being deprived of contacts with nature over a long time.

Our continuous contact with nature in its authentic unspoilt form helps us stay healthy. Conversely nature can help those of us who are sick, in particular the mentally sick, to regain their health, in a natural way. This is ecotherapy, a developing area of practice and study.

Birdlife Malta and the Richmond Foundation have together ventured into this area some two years ago. With a grant of €17,000 from the Malta Social Impact Awards they designed an ecotherapy programme called Blooming Minds aimed at improving the lives of persons with mental health problems. They developed an engaging and inclusive programme of outdoor sessions making use of nature as a therapeutic tool through nature art, gardening and a general appreciation of nature. This, as evidenced by the professionals guiding the programme, assisted confidence building, and the enjoyment of the calming effect of being in green spaces in the exclusive company of nature.

One of the programme managers commented thus: “Our clients have thoroughly enjoyed the ecotherapy sessions they have attended so far. They were relaxing and a really efficient way for them to get in touch with nature and wind down at the same time. It is clear that they were impacted by the environment in a positive way.”

The funds dried up and this particular ecotherapy programme was discontinued, for the time being.

Prior to this initiative by Birdlife and Richmond Foundation similar initiatives were taken by Friends of the Earth Malta at Villa Chelsea as well as by other environmental NGOs.

Ecotherapy is beneficial for everyone – but especially for those with a mental health problem or those at risk of developing one, offering focus and care that is person-centred, non-intrusive and empowering.

It is not only children that need to be saved from a nature-deficit disorder. All of us are spending less time outdoors. We need to re-establish contact with our roots, in the countryside not on our roofs!

Ecotherapy is a green tool to improve mental health. Nature offers solutions which we should tap and use for our benefit.

NGOs Birdlife and Richmond Foundation have taken a worthwhile initiative and have shown us the way forward. Due to a lack of funds this initiative is unfortunately not active anymore. It is in everyone’s interest to ensure that this initiative is reactivated the soonest and to lay the foundations to transform it into a permanent activity. Everyone stands to gain.

published in the Malta Independent on Sunday : 17 May 2020

It-Tibdil fil-Klima: wara t-twissja ta’ Covid-19

 

Il-virus Covid-19 beżbiżna waħda sew u ħarbat il-ħidma ta’ kulħadd. Imma ħdejn l-impatti antiċipati tat-tibdil tal-klima dan hu kollu logħob tat-tfal li dwaru Covid-19 jista’ jitqies bħala prova parzjali. Twissija li forsi tiftħilna ftit għajnejna.

F’Pariġi fis-7.25pm ta’ nhar it-12 ta’ Diċembru 2015, 5,000 delegat li kienu qed jirrappreżentaw 195 pajjiż, unanimament aċċettaw l-evidenza dwar l-impatti tal-klima. Huma għażlu t-triq għall-futur.

Nhar il-25 ta’ Frar 2020 Christiana Figueres u Tom Rivette-Carnac ippreżentawna b’publikazzjoni li għandha tkun ta’ interess kbir. Hi intitolata “The Future We Choose. Surviving the Climate Crisis.” Christiana Figueres, li magħha hu assoċjat il-ftehim ta’ Pariġi, kienet tmexxi l-Aġenzija tal-Ġnus Magħquda inkarigata mit-Tibdil fil-Klima (UNFCC) bħala Segretarju Eżekuttiv. Tom Rivette-Carnac kien l-istrateġista ewlieni tagħha inkarigat biex jaħdem dwar l-appoġġ minn utenti (mhux Gvernijiet) li kienu nteressati f’dan il-ftehim li kien ilu jinħema s-snin.

Wara l-qbil dwar it-triq li setgħet twassal għal bidla, biex il-kliem miktub ikun trasformat f’azzjoni konkreta hu dejjem sfida. L-għażliet quddiemna huma ċari.

L-attitudni li qiesu mhu jiġri xejn (business as usual) twassal biex it-temperatura medja globali, li diġa qabżet bi grad wieħed Celsius it-temperatura medja ta’ qabel żmien ir-rivoluzzjoni industrijali, tista’ tiżdied b’madwar 4 sa 5 gradi Celsius. L-impatti ta’ żieda bħal din ikunu katastrofiċi. Riżultat ta’ żieda fit-temperatura globali f’xi reġjuni jkun impossibli li persuna toqgħod barra fl-apert għal ħin twil. Ħtija ta’ hekk partijiet mid-dinja isiru mhux abitabbli. Iż-żieda fit-temperatura tkompli taċċellera id-dewbien tas-silġ fil-poli u ħtija t’hekk il-livell tal-ibħra jibqa’ jiżdied. Il-komunitajiet mal-kosta jkunu taħt theddida kontinwa. L-impatti fuq l-infrastruttura kostali kifukoll fuq kull attività mal-kosta jkunu sostanzjali.

It-tibdil fil-kundizzjonijiet atmosferiċi jżidu x-xita intensiva f’żoni u nixfa tqarqaċ f’żoni oħra. Il-maltemp iżid kemm fil-frekwenza kif ukoll fl-intensità u l-ħerba assoċjata miegħu tikber bil-bosta kif naraw spiss diġa f’diversi partijiet tad-dinja.

Il-konklużjonijiet ta’ Pariġi jfissru li l-komunità internazzjonali għarfet u àccettat l-evidenza xjentifika akkumulata dwar it-tibdil fil-klima. F’Pariġi kien hemm qbil li kull pajjiż kellu jidentifika sensiela ta’ wegħdiet li kellu jwettaq fl-isforz globali biex tkun indirizzata l-kawża tat-tibdil fil-klima. Wegħdiet li għandhom ikunu aġġornati kull ħames snin. Il-wegħdiet reġistrati s’issa, anke kieku kellhom jitwettqu kollha, m’humiex biżżejjed biex iż-żieda fit-temperatura globali ma taqbiżx iż-żewġ gradi Celsius, u preferibilment mhux iktar minn grad u nofs Celsius, kif insistew il-komunitajiet ta’ mal-kosta kif ukoll il-gżejjer li mhumiex wisq il-fuq mil-livell tal-baħar. Bejn il-kliem u l-fatti, hemm baħar jikkumbatti.

Sal-2030 l-emissjonijiet globali jeħtieġ li jonqsu b’mhux inqas min-nofs biex jintlaħqu l-miri stabiliti f’Pariġi. Sal-2050, min-naħa l-oħra jrid jintlaħaq l-istatus ta’ karbonju żero. Biex jintlaħqu dawn il-miri essenzjali Christiana Figueres u Tom Rivett-Carnac jagħmlu użu minn diversi proposti li saru tul is-snin. Il-bidla meħtieġa hi waħda enormi: hi bidla li tant hi kbira li taqleb ta’ taħt fuq kważi kull ħaġa li jmmissu jdejna.

Tirrikjedi bidliet radikali dwar kif ngħixu, kif naħdmu u kif niċċaqalqu minn post għall-ieħor. Tibdil f’dak li nikkunsmaw kif ukoll kemm dwar dak li nipproduċu kif ukoll dwar il-mod kif nipproduċuħ.

Il-wasla fuqna għall-għarrieda tal-kriżi Covid-19 tatna togħma żgħira ta’ xi tibdil essenzjali. Ix-xogħol b’mod virtwali għandu, bla dubju, jkun element permanenti dwar il-mod kif naħdmu. M’għandux ikun eċċezzjoni ta’ natura temporanja. L-edukazzjoni ukoll għandha tingrana iktar fid-direzzjoni tat-tagħlim virtwali b’mod permanenti.

L-ivvjaġġar mhux essenzjali għandu jkun skoraġġit fuq bażi permanenti. Fejn meħtieġ l-ivvjaġġar għandu jsir b’mezzi sostenibbli. Dan m’għandux ikun limitat għall-elettrifikazzjoni tal-karozzi, wara li jkunu tnaqqsu drastikament fin-numru, imma għandu jinkludi tnaqqis sostanzjali tal-ajruplani. Għax l-azzjoni dwar it-tibdil fil-klima jfisser li l-ivvjaġġar bl-ajru (inkluż it-turiżmu) kif nafuh sal-lum m’għandux futur. L-ivvjaġġar bl-ajru jiġi jiswa’ ferm iktar mil-lum kemm-il darba l-impatti ambjentali sostanzjali tiegħu ikunu riflessi fl-ispejjes reali.

Jekk inħarsu fit-tul l-iżvilupp intensiv tal-infrastruttura tat-toroq mhi ser isservi l-ebda skop. Inqas karozzi fit-toroq ikun ifisser ukoll impatti konsiderevoli fuq l-ippjanar għall-użu tal-art. Inqas karozzi jfisser inqas ħtieġa għal parkeġġ u garaxxijiet u iktar spazju għan-nies. Ikun wasal iż-żmien li fl-ibliet u l-irħula tagħna r-reżidenti jiġu mill-ġdid qabel il-karozzi. Dejjem, mhux kultant.

Jeħtieġ li napprezzaw u nagħmlu użu iktar minn prodotti agrikoli lokali. Imma anke l-prezz tal-prodotti agrikoli għandhom jirriflettu l-impatti ambjentali sostanzjali li jinħolqu biex il-biedja tagħti r-riżultati. L-ispiża tal-produzzjoni tal-laħam u tal-prodotti derivati mill-ħalib, per eżempju, ma tkunx waħda żgħira jekk din tinkludi l-impatti ambjentali tal-produzzjoni. Fil-fatt, Christiana u Tom, jistqarru li l-ikel fl-2050 hu għali minħabba li jeħtieġ riżorsi ta’ valur biex il-produzzjoni tiegħu tkun possibli. “L-ilma. Il-ħamrija. L-għaraq. Il-ħin.” Hu ċar li jekk irridu nimplimentaw bis-serjetà l-ftehim ta’ Pariġi l-Politika Komuni kurrenti dwar l-Agrikultura m’għandhiex futur.

L-impatti tal-Covid-19 huma logħob tat-tfal meta wieħed jara sewwa x’hemm lest għalina bħala riżultat tat-tibdil fil-klima. Fid-dawl tat-tibdil fil-klima hemm soluzzjoni prattika waħda: bidla radikali fil-mod kif ngħixu, naħdmu u nqattgħu l-ħin liberu. Permezz tal-Covid-19 in-natura tatna twissija ċara. Jekk dan ninjorawh m’hemm ħadd f’min nistgħu nwaħħlu.

Pubblikat fuq Illum: il-Ħadd 10 ta’ Mejju 2020

Climate Change: after the Covid-19 rehearsal

Covid-19 virus has rattled each one of us, throwing all into unprecedented turmoil. This is however child’s play when contrasted with the anticipated impacts of climate change in respect of which Covid-19 may be considered as a rehearsal or a minor drill!

In Paris, at 7.25pm on 12 December 2015, five thousand delegates representing 195 nations unanimously accepted irrefutable evidence on the impacts of climate change and selected a pathway for the future.

On 25 February 2020 Christiana Figueres and Tom Rivette-Carnac presented us with a riveting publication entitled “The Future We Choose. Surviving the Climate Crisis.” Christiana Figueres, public face of the Paris agreement, was the Executive Secretary of the United Nations Framework for Climate Change (UNFCC). Tom Rivette-Carnac was her Chief Political Strategist. He joined the effort to advance the Paris Agreement negotiations, mobilising support from a wide range of stakeholders outside national governments.

After selecting the pathway which could lead to change, transforming words into action can be quite a challenge. The options we face are unequivocal.

Business as usual would signify that the current mean global temperature, which is already around 1 degree Celsius above average temperatures before the industrial revolution, can warm up by 4 to 5 degrees Celsius. The impacts of such an increase in global temperature would be catastrophic.

Increasingly, in some regions, as a result of an increase in global temperature it would be impossible to stay outdoors for a length of time. Parts of the earth will, as a result, become uninhabitable. The increased temperatures at the poles will accelerate the melting of the polar ice-caps, as a result further increasing the rise in sea-level. Coastal communities will be under threat and all coastal activity and infrastructure will be severely impacted.

The change in atmospheric conditions will increase precipitation in areas and drought in others. The frequency and intensity of storms and the resulting havoc will multiply as is already evident in the various parts of the globe.

The Paris summit conclusions signified that the international community has recognised and accepted the accumulated scientific evidence on climate change. In Paris it was agreed that each individual country will identify and communicate its pledges through which they will participate in the global effort to address the causes of the change in climate. These pledges have to be updated every five years. The pledges registered so far, even if adhered to, are however insufficient to limit warming to well below two degrees Celsius, and preferably to not more than one and a half degrees Celsius, in line with the expectation of communities spread along coastal areas and low-lying islands. Much more is required to walk the talk.

To achieve the Paris targets global emissions must be reduced by not less than half not later than 2030. We must attain a carbon neutral status by not later than the year 2050.
In order to reach these essential targets Christiana Figueres and Tom Rivett-Carnac draw on the various proposals which have been made to date. They emphasise that the change required is significant: a change of this magnitude, they emphasise, would require major transformations in all that we do. It would require radical changes as to how we live, work and travel, along with changes to what we consume as well as to how and what to produce.

The sudden advent of the Covid-19 crisis has given a minor hint of some of the changes.
Telework must be a permanent component of our method of operation and not a temporary exception. Education can and should contain a more permanent online component.

Non-essential travel should be curtailed on a permanent basis. Where necessary, travelling should use sustainable means. This does not only include electrification of our cars, after drastically reducing their numbers, but also a substantial reduction of aeroplanes from our skies permanently. Acting on climate change means that tourism as currently practised has no future. Air travel will become quite costly if its considerable environmental impacts are internalised.

On a long-term basis the current intensive development of our road infrastructure also serves no purpose. Fewer cars on our roads will also signify extensive land use planning impacts. Local communities can then reclaim back our roads. With fewer cars there will be less need of parking space and/or garages. Our towns and villages may then be planned for residents, not for cars.

We need to appreciate and make full use of local agricultural products. However, agriculture must internalise its substantial environmental costs. The cost of production of meat and dairy products, for example, would be substantial if their environmental impacts are internalised. Christiana and Tom, comment that in 2050 food is expensive because it requires valuable resources to produce. “Water. Soil. Sweat. Time.” Clearly the current Common Agricultural Policy of the European Union has no future once we seriously start implementing the conclusions of the Paris agreement.

The impacts of Covid-19 are child’s play when considering the long-term impacts of climate change. Faced with climate change we have one practical option: a radical change in how we live, work and play. The Covid-19 rehearsal is nature’s clear warning. We ignore it at our peril.

published in The Malta Independent on Sunday : 10 May 2020

Is-solidarjetà mhiex qegħda fuq kwarantina

Il-kriżi tal-Covid19 tatna affarijiet ġodda biex ninkwetaw dwarhom. Il-problemi l-qodma għadhom magħna, imma issa tilfu l-importanza u l-urġenza tagħhom fid-dawl tal-kriżi kurrenti. Saħħitna, kemm individwalment kif ukoll b’mod kollettiv hi taħt theddida. L-ekonomija wieqfa u xi setturi ambjentali bdew jirpiljaw bil-mod.

Waqt li setturi differenti tal-ħidma tal-pajjiż qed jieqfu jew jiġu mwaqqfa bħala miżura ta’ prewkazzjioni, hu tajjeb li nassiguraw li s-solidarjetà ma tiġix imqegħda fi kwarantina.

Is-solidarjetà bejnietna hi essenzjali mhux biss biex inwieżnu lil xulxin illum, waqt il-kriżi, imma ukoll fi trieqitna biex il-pajjiż jirkupra u jerġa’ jibda jaħdem mill-ġdid. Irridu nifhmu li kulħadd hu importanti: dan jgħodd għal kull persuna mingħajr l-ebda eċċezzjoni. Ħadd ma għandu jkun injorat inkella jitħalla jaqa’ lura. Meta l-kriżi toqrob lejn tmiemha b’dan il-mod inkunu iktar b’saħħitna u fil-mixja tagħna nkunu għarafna napprezzaw aktar u aħjar lil xuxlin.

L-awtorijiajiet tas-saħħa f’Malta aġixxew b’kawtela raġjonevoli meta bdew jippjanaw minn kmieni għall-imxija tal-Covid19. It-tnaqqis gradwali ta’ attività mhux essenzjali, kienet, b’mod ġenerali, ippjanata tajjeb, b’eċċezzjoni waħda. Il-ftuħ tal-istaġun tal-kaċċa fir-rebbiegħa ukoll hu waħda mill-attivitajiet mhux essenzjali li ma kienx hemm ħtieġa li jiftaħ. Il-kumitat Ornis kien irresponsabbli li ta parir biex l-istaġun jinfetaħ. Il-Gvern qatt ma messu aċċetta li dan jiftaħ.

Il-komunità tal-kaċċa tilfet opportunità li tippreżenta ruħha f’dawl differenti. Sfortunatament, għal darba oħra ikkonfermat li mhiex kapaċi taġixxi b’mod responsabbli.

Inkunu b’saħħitna jekk ilkoll kemm aħna naġixxu b’mod responsabbli. Għandna nsegwu l-parir li ngħatajna biex preferibilment nibqgħu ġewwa. Mhux il-waqt la għal picnic, la għall-camping u wisq inqas għal mixjiet fil-kampanja inkella għall-kaċċa.

Hu ukoll opportun li nirrealizzaw li r-razziżmu jagħmel ħsara iktar mill-Covid19.

Matul il-ġimgħa ċ-Ċentru Miftuħ ta’ Ħal-Far tqiegħed taħt kwarantina u dan wara li madwar tmien residenti tiegħu kienu identifikati bħala posittivi għall-Covid19. Kienet opportunità oħra li r-razzisti fostna ippruvaw jisfruttaw biex ikesksu. Ftit huma konxji li l-komunità ta’ Ħal-Far hi fost dawk li huma mill-iktar vulnerabbli b’mod partikolari minħabba l-ispazju ffullat li tqegħdu fih. Kif spjegajt fil-blog tiegħi nhar it-Tlieta, tkun deċiżjoni għaqlija kieku din il-komunità ta’ Ħal-Far, waqt li għaddejja l-kriżi kurrenti, tkun tista’ tagħmel użu mill-lukandi li presentement huma vojta u li m’humiex jintużaw. Dan mhux biss ikun fl-interess tagħhom u ta’ saħħithom. Huwa ukoll fl-interess tagħna lkoll li jittieħdu l-passi kollha neċessarji biex tkun ikkontrollata iktar l-imxija tal-Covid19. Il-Gvern għandu l-awtorità kollha biex jieħu deċiżjoni ta’ din ix-xorta għax il-liġi tipprovdi għaliha. Iktar ma issir malajr iktar aħjar għax b’hekk ikun indirizzat wieħed mir-riskji l-kbar li jista’ jwassal għat-tixrid aċċellerat tal-Covid19.

Fuq livell ta’ Unjoni Ewropea id-dibattitu dwar il-ħidma li trid issir wara li tintemm il-kriżi Covid19 għaddej.

Hu fatt li b’mod ġenerali l-Unjoni Ewropeja ma kienitx imħejjija għall-wasla taI-Covid19 u l-emerġenza li rriżultat. Bħala riżultat ta’ dan, fl-ewwel ġimgħat la l-Italja u l-anqas Spanja ma sabu l-appoġġ li tant kienu jeħtieġu. Dan wassal biex is-servizzi tas-saħħa f’dawn il-pajjiżi ma setgħux ilaħħqu biex jindirizzaw l-impatti tal-mixja tal-virus u kienu f’xifer il-kollass.

It-telf ta’ kull ħajja hi dejjem okkazjoni ta’ dieqa kbira. Imma meta din tkun frott ta’ nuqqas ta’ preparazzjoni adegwata tkun ukoll riżultat ta’ inkompetenza.

Id-dibattitu illum huwa ukoll dwar liema hi l-aħjar triq il-quddiem. Pajjiżi min-nofsinnhar tal-Ewropa, ewlenin fosthom l-Italja u Spanja, b’appoġġ tal-Ħodor u s-soċjal demokratiċi fil-grupp S & D, qed jargumentaw favur il-ħruġ ta’ coronabonds mill-Unjoni Ewropeja. Bonds li hu propost li jimmaturaw fit-tul u dan kemm biex jitnaqqsu l-ispejjes biex dawn ikunu amministrati kif ukoll biex ikun assigurat li l-piż jintrefa minn kulħadd.

Qed nikteb l-Erbgħa fil-ghaxija meta jidher li għad ma hemm l-ebda konklużjoni dwar dan kollu. Hi triq, iżda, li għandha twassal għal solidarjetà u mhux għal karità.

Is-solidarjetà mhiex taħt kwarantina. Hi t-triq il-quddiem kemm f’Malta kif ukoll fl-Ewropa. Wara kollox hi parti integrali mid-DNA tagħna.

 

Ippubblikat fuq Illum : Il-Ħadd 12 t’April 2020

Solidarity is not on quarantine

The COVID-19 outbreak has changed what we are worrying about. Old problems are still around but their relative importance has been overshadowed by the current crisis. Our health, both individual and collective, is endangered. The economy is at a standstill and specific sectors of the environment are slowly recovering.

As more sections of society grind to a halt on a voluntary or compulsory lockdown, as a precautionary measure, it is important to ensure that solidarity is not placed on quarantine.

Solidarity is essential to support each other, primarily the most vulnerable amongst us. It is also essential both for our survival and for the eventual recovery of the country. In the process we must emphasise that everyone is important and no one is to be left behind or on his/her own. We must ensure that when this crisis is over, we come out of it stronger and wiser.

The health authorities in Malta acted with reasonable caution when they acted early to plan for the COVID-19 outbreak. The gradual reduction of non-essential activity was also generally planned responsibly, with one exception. The opening of the spring hunting season planned for this weekend is uncalled for. The Ornis Committee was irresponsible when it recommended its opening and government should not have accepted its advice.

The hunting community missed an opportunity which could have depicted them in a different light. They confirmed once more that in the hunting leadership’s dictionary the term “responsibility” has no significance.

We will be stronger if all of us act responsibly. We are being advised to preferably remain indoors. It is not the time for picnics, camping, walks in the countryside or hunting.

It is also time to realise that racism is more damaging than COVID-19.

During the week the open centre at Ħal-Far was placed on quarantine after some eight of its residents tested positive for COVID-19. It was a ranting opportunity for the racists among us. Little do they realise that the Ħal-Far community is among the most vulnerable due to the over-crowded space they have been provided with. As I explained on my blog last Tuesday, it would be reasonable at this point to shift the Ħal-Far community to vacant hotels for the duration of the crisis. It is not only in the interest of the Ħal-Far community but also in our own interest so as to ensure that the spread of COVID-19 is further contained. Government has the full authority to proceed in this direction through existing legislation. The sooner this is done the better as this would be a very effective measure to contain a high risk area which could get out of hand and accelerate the spread of COVID-19.

On a European Union level the debate on the post-COVID-19 era is in full swing.
The COVID-19 outbreak found the EU inadequately prepared for the resulting emergency. As a result, in the initial weeks, Italy and Spain were not sufficiently supported and consequently their health services were overwhelmed and could not cope with the spread of the virus.

Loss of life is always regrettable. However, when this results from a lack of adequate preparation it is more a case of incompetence.

The current debate is on the best way forward. Southern European countries, primarily Italy and Spain, buttressed by the European Greens and the S & D, are arguing in favour of so-called coronabonds. The issuance would take the form of bonds with a long maturity, thereby alleviating debt servicing costs and burden-sharing among EU Member States. I am writing on Wednesday, when conclusions seem to be still far away. This should however follow a path of solidarity not one of charity.

Solidarity is not on quarantine. Solidarity is the way forward both on a national level as well as on an EU level. It is, after all, an essential element of our DNA.

 

published on The Malta Independent on Sunday : 12 April 2020