Il-MEPA u l-pompa tal-petrol proposta għall-Magħtab

Maghtab PS

Il-bieraħ quddiem il-Bord tal-MEPA bdiet tiġi diskussa l-applikazzjoni dwar il-pompa tal-petrol fil-Magħtab. Id-diskussjoni kella issir xi ġimgħat ilu, imma kienet posposta minħabba proċeduri fil-Qorti mir-residenti għax ir-rapport li kien ikkonkluda sa dakinnhar id-Direttorat tal-Ippjanar kien qed jinjora l-fatt li l-Pjan Lokali kellu policy li ż-żona fejn kienet proposta l-pompa tal-petrol kien jirriżervaha bħala Category 2 Rural Settlement.

Meta  bdiet id-diskussjoni ma saret l-ebda referenza għal din l-istess policy mill-esperti u professuri li ppreżentaw power points elaborati f’isem l-iżviluppatur u f’isem il-MEPA. Kien hemm minnhom min qalilna biss li l-policy ma tapplikax u waqaf hemm. Ħadd ma indenja ruħu jispjega għaliex.

Iffaċċjati b’dan jiena flimkien mal-persuni l-oħra li f’isem ir-residenti konna qed nippreżentaw il-każ kontra l-proposta ta’ żvilupp tal-pompa spjegajna għaliex il-policy fil-Pjan Lokali kellha tiġi applikata.

Jiena spjegajt għaliex skond il-Pjan Lokali l-permess għall-pompa tal-petrol ma setax joħroġ. Ha nikkwota dak li irrapporta Kevin Schembri Orland fl-Independent :

“He delivered a brief presentation against the project. “The central issue, which seems to have been missing from most presentations given, is that the site forms part of Rural settlement Category 2 (Policy CG04 in the Central Malta Local Plan). If some basic research was conducted, one would see that wall to wall with the site, there is an application refused as it forms part of Rural Settlement Category 2, and this was also confirmed in the appeal of that case. “This is basic information which you must take into consideration”. “Looking at CG04, it specifies what can be built in a rural settlement, and a petrol station is not one of the developments allowed under this policy” Cacopardo read from MEPA policy and said that the aim of this designation as a Category 2 Rural Settlement is to prevent further development of incompatible uses in the area, due to the disorganized state of the settlement. He said that since this is part of a rural settlement, this Board has its hands tied and cannot allow another use that conflicts with policy CGO4.”

Wara li konna spiċċajna nippreżentaw il-każ f’isem ir-residenti, l-esperti li kien hemm bdew iwieġbu xi punti. L-Independent jirrapporta hekk dwar dak li ġara :

“Mr Cacopardo, as well as residents in the area, had been arguing that a particular policy was not taken into consideration. After residents made these arguments, the representative of the Planning Directorate argued that it was considered, and began making his arguments. At this point, Carmel Cacopardo stood up asked why none of these reasons were included in the DPAR report and accused him of professional disloyalty for not including these arguments in their documents.”

Id-Direttorat tal-Ippjanar  għandu l-obbligu li jispjega b’mod ċar u eżatt il-posizzjoni dwar kull applikazzjoni li tkun qed tiġi ikkunsidrata. Irrispettivament xi tkun l-opinjoni professjonali tal-uffiċjali tad-Direttorat għandhom l-obbligu li ma joqgħodux iduru mal-lewża jew li jevitaw xi argument. Imma sfortunatament spiss qed jagħmlu dan.  Għalhekk għidt li dan kien każ ta’ slealta.

Il-MEPA permezz tad-Direttorat tal-Ippjanar għandha l-obbligu li tiskuża ruħha mar-residenti tal-Magħtab.

 

Advertisements

Torri ta’ 38 sular fil-qalba ta’ Tas-Sliema ser joħnoq lir-residenti

High-Rise-Buldings-Sliema

 

Flimkien ma Arnold Cassola Chairman ta’ AD u Michael Briguglio Kunsillier f’isem AD fil-Kunsill Lokali ta’ Tas-Sliema dal-għodu indirizzajt konferenza stampa dwar it-torri ta’ 38 sular li ser jinbena mill-kumpanija ta’ Gasan flok dak li kien il-Union Club

Huwa insult li l-iżviluppaturi ta’ proġett bħal dan jgħidu li ż-żieda fit-traffiku ta’ 4,000 karozza mhux se jkollu effett negattiv fuq ir-residenti.  Fil-fatt, l-approvazzjoni ta’ proġett bħal dan, flimkien mal-binja proposta ta’ 40 sular fis-sit tal-Forti Cambridge, se tkun tfisser iktar konġestjoni ta’ traffiku, iżjed tniġġiż ta’ arja, aktar riskji għas-saħħa, inqas postijiet fejn tipparkja, filwaqt li l-proġett se jkompli jkerraħ ix-Xatt ta’ tas-Sliema u l-veduta mill-Belt.

Filwaqt li l-impatt ta’ kull proġett individwali kemm fejn jidħol tnaqqis fil-kwalita’ tal-arja, żieda fit-traffiku, u iktar inkonvenjenza kemm għar-residenti kif ukoll għan-negozju huwa diġa’ kbir, l-impatt kumulattiv ta’ proġetti differenti ta’ żvilupp  ġewwa Tigne’ huwa ħafna agħar.  Meta wieħed iżomm f’moħħu dawn l-impatti kumulattivi, jistenna li l-applikazzjoni għal permessi ta’ żvilupp għal proġetti bħal dawn għandhom ikunu miċħuda.  In-numru dejjem jikber ta’ postijiet vojta mifruxa madwar il-gżejjer (mhux anqas ġewwa tas-Sliema) ukoll għandu jwassal biex naħsbu fil-fond fuq l-impatt li dawn il-proġetti qiegħed ikollhom fuq il-ħajja ta’ kuljum tar-residenti u tan-negozju  kemm fejn jidħol bejgħ kif ukoll fit-turiżmu. Kieku kellna nirriflettu bis-serjeta’, ma jistax ikun li ma naslux għall-konklużjoni li proġetti bħal dawn qegħdin inaqqru mill-kwalita’ tal-ħajja tagħna.

Il-Kunsill Lokali ta’ tas-Sliema qiegħed joġġezzjona għal dan l-iżvilupp għal bosta raġunijiet. inkliuż dak li ġie stabbilit minn studju xjentifiku ambjentali li sar mid-Direttorat għall-Protezzjoni tal-Ambjent. Dan jinkludi it-tfigħ ta’ dell fuq diversi spazji fosthom fi Qui-si-sana minħabba t-torri ta’ 38 sular u u bini ieħor, żieda ta’ eluf ta’ karozzi kuljum fl-inħawi ta’ Qui-si-sana u Tigne’ fejn diġa hemm problemi ta’ traffiku, u l-impatt negattiv fuq ir-residenti minħabba snin twal ta’ bini bla rażan.   Barra minn hekk, torri ieħor ta’ 40 sular qiegħed ikun propost ukoll ftit metri l-bogħod, fis-sit militari tal-Forti Cambridge, li wkoll qiegħed jikkawża tħassib fost ir-residenti ta’ tas-Sliema. Aħna nappoġġaw l-Għaqda Residenti ta’ Qui-si-sana u Tigne’ fil-ġlieda tagħha għad-drittijiet tar-residenti ta’ dawn l-inħawi.

Salarju tal-Prim Ministru €94,000, daqs kemm kellu Austin Walker tal-MEPA ?

Austin Walker

 

L-Independent f’dawn il-ġranet żvela l-kontenut tar-rapport li l-Prim Ministru talab Kumitat magħmul mill-Ombudsman,l-Awditur Ġenerali u l-Kummissarju Elettorali Ewlieni dwar mekkaniżmu biex ikun stabilit il-ħlas li jirċievu l-politiċi (holders of political office).

Dan hu punt politiku li jirriżulta mill-polemika taż-żieda tal-€500 fil-ġimgħa li l-Kabinett immexxi minn Lawrence Gonzi ta’ lilu innifsu. Kien awto-goal li ħalla effetti negattivi mhux żgħar fuq il-Gvern immexxi mill-PN għax permezz ta’ dan il-pass idefinixxa lilu innifsu bħala Gvern insensittiv : għax fil-waqt li żied il-piż fuq iż-żgħir, fl-istess ħin ma iddejaqx jagħti lilu innifsu żidied sostanzjali.

L-Opposizzjoni dakinnhar għamlet dak li tagħmel kull Opposizzjoni: ħatfet l-opportunita’ li ngħatat lilha fuq platt. Kienet opportunita’ politika li għasritha u ħalbitha sa l-aħħar qatra possibli.

Għalhekk il-Gvern tal-lum qiegħed attent u qiegħed jipprova jiddistakka ruħu mill-proposti tal-Kumitat immexxi mill-Ombudsman Said Pullicino.

Ir-rapport tal-Kumitat immexxi mill-Ombudsman fih ħafna x’tiddiskuti.

Jiena u Arnold Cassola f’isem Alternattiva Demokratika iltqajna mal-Kumitat u iddiskutejna magħhom il-proposti li kienu qed jikkunsidraw. Huwa għalhekk ta’ sodisfazzjon għalina li l-Kumitat qabel ma waħda mill-proposti fil-programm elettorali ta’ Alternattiva Demokratika fl-aħħar elezzjoni ġenerali u għamilha tiegħu. Qed nirreferi għall-proposta li f’Malta l-Membri tal-Parlament ikunu full-timers.

Ir-rapport tal-Kumitat, li Alternattiva Demokratika ngħata kopja tiegħu madwar xahar ilu bil-kundizzjoni li żżommu kunfidenzjali, jemfasizza l-vantaġġi ta’ Membri Parlamentari li jiddedikaw il-ħin kollu tagħhom għall-ħidma Parlamentari tagħhom.

L-ikbar interess tal-gazzetti u l-aħbarijiet fuq l-istazzjonijiet tat-TV kienet ovvjament dwar is-salarji proposti.

Interessanti l-fatt li l-Kumitat qed jipproponi illi l-Prim Ministru jkollu salarju ta’ madwar €94,000. Għal min qed jaħseb li dan hu xi salarju fenomenali  tajjeb li tiftakru li Austin Walker Chairman tal-MEPA tħallas dan l-istess ammont kull sena  matul il-perjodu 2008-2013.

Diskussjoni interessanti avolja Joseph  Muscat qed jgħid li ma jaqbilx mar-rapport!

Kunsilli Lokali u Referendum : jirbaħ is-sens komun

Local Councils Malta

F’Alternattiva Demokratika ilna mill-2009 li ipproponejna li l-elezzjonijiet tal-Kunsilli Lokali jsiru kull 5 snin flimkien ma dawk tal-Parlament Ewropew. Il-Gvern immexxi mill-PN ma kienx qabel u kien iddeċieda li dawn isiru kull 4 snin. Issa l-Gvern immexxi mill-PL qed jaqbel.

Sa hawn tajjeb.

Li għamel ħażin kien il-ħafna tejatrin li rriduċa dak li seta kien djalogu politiku serju f’eżerċiżżju partiġjan. Il-Gvern fil-pubbliku seta mexxa id-diskussjoni aħjar. Fil-privat min-naħa l-oħra nista’ ngħid li jiena u Arnold iltqajna ma delegazzjoni tal-Gvern immexxija minn Owen Bonnici Ministru, flimkien ma Stefan Buontempo Segretarju Parlamentari u Michael Cohen konsulent. Id-delegazzjoni tal-Gvern fid-diskussjonijiet li kellna imxew ħafna aħjar.

Il-posizzjoni tagħna l-AD fissirniha bil-kalma u anke dakinnhar il-Ministru Owen Bonnici kien diġa wera li l-proposta ta’ AD kienet raġjonevoli ħafna.

Issa nista’ ngħid li l-proposta ta’ AD hi riflessa kompletament fid-deċiżjoni li ħabbar il-Gvern. Jiġifieri AD ipproponiet li l-elezzjonijiet tal-2015 isiru fi żmienhom u li dawk tal-2017 ikun posposti sal-2019 flimkien mal-elezzjonijiet tal-Parlament Ewropew, meta jsiru l-elezzjonijiet kollha.

Id-diskussjoni bil-kalma dejjem twassal għal soluzzjoni li anke’ jekk mhux kulħadd jaqbel magħha, tal-inqas tkun raġjonevoli u ġusta.

Kien floku ukoll li smajna lill-Ministru Owen Bonnici jiddikjara li jekk il-Qorti Kostituzzjonali tiddeċiedi favur li r-referendum abrogattiv dwar il-kaċċa fir-rebbiegħa jsir, dan isir mal-elezzjonijiet tal-Kunsilli Lokali skedati għal Marzu 2015.

Xejn speċjali.  Imma rebaħ is-sens komun.

Huwa ta’ pjaċir għalina f’Alternattiva Demokratika li tajna kontribut biex wasalna għal din id-deċiżjoni.

1823 grazzi

new identity

 

Fil-ħin li qiegħed nikteb l-għadd tal-voti għadu għaddej. Jiena sfajt eliminat tard il-bieraħ bil-lejl fit-tnax-il għadd meta kont ilħaqt l-1823 vot.

Irrid nirringrazzja lil kull min kellu fiduċja fija u ivvutali. Kemm lill-1527 persuna li ivutaw li fl-ewwel għadd kif ukoll lill-296 persuna oħra li tawni preferenzi wara l-ewwel waħda.

Fil-ħin li qiegħed nikteb, il-parti l-kbira tal-voti li tajtuni ngħaqdu mal-voti l-oħra li kiseb Arnold Cassola li bħalissa laħaq it-8060 vot fis-sittax-il għadd.

Għal partit bħal Alternattiva Demokratika li ma jitmexxiex mill-kurrent, dan hu vot ta’ fiduċja.

 

Grazzi lil kull wieħed u waħda minnkom.

The Europe we want

Cacopardo Cassola 2

The European Parliament campaign for the next Parliament has now come to an end. We have voted. As I write the counting hall is being prepared for the final scene: the counting of the votes. We will now be informed of the verdict.

Around 75% of those entitled to vote have cast their vote. A high percentage by European standards, but maybe slightly low by what we are used to in Malta.

It was a campaign, supposedly about Europe. That is what I tried to do together with Arnold my AD colleague. We tried to frame local issues within the current and future EU agenda. Unfortunately we had little or no response on European issues. The reaction was so scant that we could not expand on other important issues.

We discussed issues of transparency and accountability related to the European Commission and other European institutions. No response, except that the price of petrol was down by 2 euro cents!

We discussed the safety of residents from industrial mishaps (Seveso Directive), bathing water quality (Bathing Water Directive and Urban Wastewater Directive) as well as whisteblowing and the voting patterns of Maltese MEPs.

We had no reaction except on water and electricity bills or Simon’s direct orders!

Maltese MEPs did not explain why 4 of them opposed the proposal to grant protection to Edward Snowdon, with the other two not even bothering to vote!

There were no reactions to the Greens’ proposal to have Digital Rights defined on an EU level, applicable to one and all. Nor were there any tangible reactions to the Green’s position on the threats to democracy posed by the TTIP process [TTIP is the Trans-Atlantic Trade and Investment Protection negotiations currently in hand between the EU and the US].

What about immigration and the EU New Deal for Somalia? Or the fact that Martin Schultz and Jean Claude Junker will have considerable difficulty in delivering their promises until they have the cooperation of the governments of the EU member states which have been less than forthcoming to date?

We await the results to know the verdict: who will be selected? Will those who have no interest in European issues remain on top? We await the verdict which will certainly impact our vision of the Europe we want.

Irridu trasparenza sħiħa fil-finanzjament tal-partiti, AD tgħid lill-Ministru Owen Bonniċi

transparency

Alternattiva Demokratika taqbel fil-prinċipju mal-proposti fil-White Paper dwar il-finanzjament tal-politika iżda taħseb li bosta mid-dettalji dwar il-proposti li saru għandhom ikunu ikkunsidrati mill-ġdid. Dan qalu l-Prof. Arnold Cassola, Chairperson ta’ Alternattiva Demokratika, lill-Ministru Owen Bonnici llum il-Belt. Il-Prof. Cassola żied jgħid illi Alternattiva Demokratika b’mod konsistenti tul il-25 sena ta’ eżistenza tagħha dejjem ħadmet favur ir-regolamentazzjoni tal-politika u tal-partiti.

Carmel Cacopardo, Deputat Chairperson ta’ Alternattiva Demokratika, emfasizza lill-Ministru Bonnici li m’huwiex għaqli li l-awtorita regolatorja dwar il-partiti politiċi u l-finanzjament tagħhom tkun il-Kummissjoni Elettorali. Alternattiva Demokratika qed tipproponi li jkun il-Kummissarju dwar l-Istandards fil-Ħajja Pubblika. Il-Kummissjoni Elettorali hi taħt il-kontroll esklussiv tal-partiti politiċi fil-Parlament iżda l-Kummissarju dwar l-Istandards fil-Ħajja Pubblika, meta jinħatar bil-qbil ta’ żewg terzi tal-membri tal-Parlament, mhux biss persuna ta’ integrita iżda fuq kollox persuna aċċettabbli għal faxxa iktar wiesa’ ta’ nies.

Cacopardo żied jgħid illi l-White Paper titkellem ukoll dwar ir-reġistrazzjoni tal-Partiti u tidħol f’numru ta’ dettalji dwar kif għandhom ikunu organizzati. Alternattiva Demokratika, filwaqt li taqbel mal-proposta ta’ reġistrazzjoni tal-partiti, jidhrilha li l-White Paper tidħol f’ħafna dettalji żejda. Kien ikun ħafna aħjar kieku illimitat ruħha għall-essenzjali. Hemm qbil li r-reġistrazzjoni tal-partiti għandha teżiġi li l-partiti jkunu demokratici fil-ħsieb u fil-forma imma ma hemm l-ebda ħtieġa li din tidħol ukoll fid-dettall ta’ kif taħdem l-organizzazzjoni interna ta’ partit politiku.

Hemm il-periklu, żied jgħid Cacopardo, li ma tittieħditx konsiderazzjoni tad-differenzi fid-daqs tal-partiti u allura ukoll fir-riżorsi disponibbli għalihom. Filwaqt li Alternattiva Demokratika tifhem u taċċetta li l-kontijiet tal-partiti għandhom ikunu soġġetti għal verifika, hu innutat li l-White Paper ma tiddistingwix bejn il-partiti l-kbar li għandhom turnover ta’ miljuni fis-sena u Alternattiva Demokratika li t-turnover tagħha ma jaqbiżx il-€15,000 fis-sena. F’dan ir-rigward Alternattiva Demokratika qed tipproponi li fil-każ ta’ partiti politiċi li t-turnover annwali tagħhom ma jaqbiżx il-€100,000, l-ispejjes konnessi mal-verifika annwali jitħallsu mir-regolatur.

Arnold Cassola, Chairperson, qal li l-qalba tal-proposti fil-White Paper jirrigwardaw id-donazzjonijiet lill-partiti u kif dawn għandhom ikunu regolati. Alternattiva Demokratika jidhrilha illi l-limiti illi tipproponi l-White Paper huma għoljin wisq. Fil-fehma ta’ Alternattiva Demokratika, filwaqt li donazzjonijiet taħt l-€4,000 fis-sena għandhom jibqgħu protetti bil-kunfidenzjalita’, d-donazzjonijiet bejn l-€4,000 u l-€40,000 fis-sena għandhom ikunu pubbliċi u tinghata informazzjoni dwarhom lir-regolatur. M’ghandhomx ikunu possibli donazzjonijiet li jaqbzu l-€40,000 fis-sena.

Il-Prof. Cassola żied jgħid illi l-White Paper ma titkellimx dwar self lill-partiti politici u in partikolari tinjora l-possibilita li s-self jista’ jintuża biex jostor donazzjonijiet u b’hekk ikunu evitati l-proċeduri ta’ trasparenza. Il-White Paper lanqas ma teżamina l-kontrolli meħtiega fuq l-attivita’ kummerċjali tal-partiti kif lanqas ma teżamina kif jista’ jkun hemm iktar kontrolli effettivi dwar l-użu mill-partiti politiċi ta’ propjeta’ pubblika.

Għall-elezzjonijiet tal-Parlament Ewropew : f’isem Alternattiva Demokratika

Cassola + Cacopardo

Alternattiva Demokratika illum ħabbret li ż-żewġ kandidati tagħha għall-elezzjonijiet għall-Parlament Ewropew ser ikunu jiena u Arnold.

Għal Arnold din ser tkun it-tielet esperjenza, għalija l-ewwel waħda.

Il-Parlament Ewropew qed jassumi importanza dejjem ikbar mhux biss fit-tfassil tal-politika Ewropeja fl-oqsma kollha tagħha. Fuq numru ferm ikbar ta’ issues id-deċiżjoni tal-Parlament Ewropew hi determinanti. Hi saħħa akkumulata mill-Parlament minħabba li hu elett demokratikament u direttament miċ-ċittadin Ewropej. F’kull nifs li jieħu l-Parlament Ewropew jeffettwa dak kollu li nagħmlu aħna ukoll.

Matul il-ġimgħat li ġejjin ser ikollna l-opportunita’ li f’din il-blog niddiskutu dawn l-issues, b’mod partikolari kif dawn jolqtu lill-Malta.

L-Ewropa m’hiex dawk jew huma, iżda hi aħna ukoll.

Għax l-Ewropa hi aħna ukoll għandna l-obbligu ta’ parteċipazzjoni kritika f’dak kollu li jiġri fl-istituzzjonijiet Ewropej. Mhux appoġġ servili, iżda appoġg kritiku li jfittex li jmexxi l-quddiem politika responsabbli. Dejjem.

Dan li dejjem għamlet Alternattiva Demokratika. Dan ser tibqa’ taghmel.

 

Konsultazzjoni ODZ: il-fehma ta’ Alternattiva Demokratika

ODZ.MEPA

Dan hu id-dokument bis-sottomissjonijiet li Alternattiva Demokratika ippreżentat lill-MEPA il-bieraħ fil-proċess ta’ konsultazzjoni dwar l-iżvilupp fl-ODZ, jiġifieri x’jista’ jinbena barra miż-żona tal-iżvilupp :

Politika u Gwida dwar diżinn barra miż-żona ta’ żvilupp

Il-kummenti ta’ Alternattiva Demokratika

Alternattiva Demokratika eżaminat id-dokument ippubblikat mill-MEPA għall-konsultazzjoni pubblika, liema dokument huwa ntitolat  Outside Development Zone Policy and Design Guidance.

Id-dokument jipproponi  l-konsolidazzjoni b’emendi sostanzjali tal-politika kurrenti applikabbli għall-bini agrikolu kif ukoll għaż-żona barra l-iżvilupp.

Fid-dokument in kwistjoni hemm 38  policy differenti.

Id-dokument jagħmel proposti varji dwar l-użu mill-ġdid jew l-iżvilupp mill-ġdid ta’ strutturi eżistenti barra ż-żona ta’ żvilupp. Jintroduċi ukoll proposti dwar il-kostruzzjoni  ta’ strutturi li s’issa ma kienx possibli li jinbnew skond il-politika kurrenti ta’ l-ippjanar ta’ l-użu tal-art.

Id-dokument jonqos milli jikkwantifika u jillokalizza dawk iż-żoni barra miż-żona ta’ l-iżvilupp fejn hemm bini li oriġinalment kien intenzjonat għal skop agrikolu iżda m’għadux użat. In partikolari id-dokument ma jidentifikax fejn hemm żoni f’Malta u Għawdex fejn hemm ammont sinifikanti ta’ bini agrikolu abbandunat.

B’mod speċifiku Alternattiva Demokratika jidhrilha li huwa essenzjali illi jkun kwantifikat kemm hemm bini agrikolu li m’għadux użat.  L-anqas studji dwar l-ammont ta’ bini illegali użat fil-qasam tal-agrikultura ma hu għad disposizzjoni tal-proċess ta’ konsultazzjoni. Il-politika dwar iż-żona barra l-linja tal-iżvilupp ftit għandha siwi jekk din l-informazzjoni ma tkunx magħrufa.

Kien ikun ta’ għajnuna kieku ingħatat stampa ċara u dokumentata tal-impatti li irriżultaw mill-qagħda attwali tal-industrija tat-trobbija tal-majjal u tat-tjur. Jekk dawn l-istudji saru ma jmisshomx inżammu għall-użu intern tal-MEPA iżda kellhom ikunu ippubblikati biex il-proċess ta’ konsultazzjoni jkun infurmat adegwatament dwar il-konsiderazzjonijiet li saru fit-tfassil tal-politika soġgett għal konsultazzjoni pubblika.

Kien ukoll ikun għaqli kieku l-MEPA iġġustifikat il-proposti tagħha dwar l-agrituriżmu. Il-proposta li tippermetti l-bini ta’ għaxart ikmamar li ma jeċċedux l-area ta’ erba’ mitt metru kwadru hi meqjusa waħda esaġerata. Ikun għaqli li wieħed josserva illi fl-Italja fejn l-istat ilu jinkoraġixxi u jappoġġa l-agri-turiżmu għal ta’ l-inqas dawn l-aħħar 25 sena id-daqs medju ta’ servizz offrut minn faċilita ta’ agri-turiżmu hi ta’ 10 sodod, li approssimattivament hi n-nofs ta’ dak rakkomandat mid-dokument ta’ konsultazzjoni.

Dan kollu qiegħed jingħad għax Alternattiva Demokratika hi tal-fehma li l-użu mill-ġdid jew l-iżvilupp mill-ġdid inkluż il-bdil ta’ użu ta’ bini agrikolu eżistenti  li mhux użat biżżejjed inkella hu abbandunat hu pass pożittiv li għandu jkun inkoraġġit. Dan għandu japplika għal dak l-użu kompatibbli mal-agrikultura, inkluż proġetti ta’ agri-turiżmu. Filwaqt li dan it-tip ta’ użu kien diġa permissibli id-dokument li dwaru qed isir konsultazzjoni jagħmel dan iktar ċar.

Alternattiva Demokratika hi tal-fehma li kien ikun ferm aħjar kieku id-dokument ta’ konsultazzjoni inkoraġixxa l-użu mill-ġdid ta’ bini eżistenti (mibni legalment) qabel ma ippropona politika li tinkoraġixxi żvilupp ta’ art verġni barra miż-żona tal-iżvilupp.  Malta ma tiflaħx għall-impatti li jirriżultaw minn żvilupp ta’ iktar art agrikola. L-anqas ma tiflaħ għall-impatti li jirriżultaw jekk l-industrija spekulattiv tittrasferixxi lilha innifisha miz-zoni urbani għal dawk agrikoli. Sfortunatament id-dokument ta’ konsultazzjoni jinkoraġixxi dan permezz tad-diversi proposti dwar il-permissibilita ta’ kostruzzjoni ta’ strutturi ġodda barra miż-żona tal-iżvilupp.

Id-dokument ta’ konsultazzjoni jonqos milli jipproponi kif il-framentazzjoni tar-raba’ użat għall-agrikultura tista’ tkun miġġielda. Fil-fatt bil-proposta li jiffaċilita aċċessi ġodda fiż-żoni agrikoli id-dokument jinkoraġixxi li jsir eżattament bil-maqlub. Jekk l-importanza stateġika tal-agrikultura għall-ekonomija Maltija ser tkun indirizzata din il-frammentazzjoni mhux biss trid tieqaf imma teħtieġ illi titreġġa lura.  Id-dokument ta’ konsultazzjoni jipproponi direzzjoni kompletament differenti u dan billi jinkoraġixxi w jiffaċilita l-frammentazzjoni .

Id-dokument jonqos ukoll milli jiffaċilita l-implimentazzjoni ta’ proposti li saru fi studji fi snin preċedenti dwar il-ġenerazzjoni ta’ enerġija elettrika mill-iskart agrikolu. Din hi materja li teħtieġ li tkun indirizzata b’mod urgenti u dan id-dokument kien il-post addattat fejn dan seta jsir. Bl-applikazzjoni tal-prinċipju tal-prossimita  kien ikun ta’ benefiċċju kieku tfasslu proposti li bħala riżultat tagħhom l-iskart tal-annimali ma jibqax ittrasportat fit-toroq arterjali imma jkun minflok ipproċessat l-iktar viċin possibli ta’ fejn ikun iġġenerat.  Hemm żoni agrikoli kemm f’Malta kif ukoll f’Għawdex fejn hemm konċentrazzjoni ta’ binjiet li fihom jitrabbew l-annimali. F’dawn iż-żoni dawn it-tip ta’ faċilitajiet għandhom mhux biss ikun permissibli, talli għandhom ikunu inkoraġġiti. Proposti ta’ din ix-xorta jwasslu għal prattiċi ta’ immaniġjar sostenibbli tal-iskart u jgħinu biex jitnaqqas sostanzjalment il-piz fuq is-sistema tad-drenaġg kif ukoll fuq it-tlett impjanti għat-tisfija tad-drenaġġ.

AD kienet tistenna li d-dokument ta’ konsultazzjoni jemfasizza l-ħtieġa li l-bini illegali barra miż-żona tal-iżvilupp jitwaqqa’. Alternattiva Demokratika tittama li dan id-dokument ma jservix biex jiġġustifika t-tkattir ta’ workshops (sprayers, panel beaters ….) jew vilel barra miż-żona tal-iżvilupp.

Fid-dawl ta’ dan Alternattiva Demokratika hi tal-fehma li id-dokument ta’ konsultazzjoni jeħtieġ reviżjoni sostanzjali jekk għandu jkun konformi mal-prinċipji tal-iżvilupp sostenibbli.

Carmel Cacopardo                                                             Simon Galea

Kelliemi għall-Iżvilupp Sostenibbli                             Kelliemi għall-Agrikultura

4 ta’ Diċembru 2013

id-document tal-MEPA intitolat : Outside Development Zones. Policy and Design Guidance.

issibu hawn.

Irċevejt ittra mill-PN

PN imxaqqaq

Il-bieraħ irċevejt ittra elettronika mingħand il-Partit Nazzjonalista.

Impjegata infurmatni permezz ta’ ittra elettronika illi Dr Simon Busuttil kien talabha biex tgħaddili kopja tad-diskors li għamel fuq il-fosos tal-Furjana f’Jum l-Indipendenza.

Għalfejn intbagħtitli din il-kopja tad-diskors ta’ ħames paġni ma nafx.

Imma dejjem interessanti għax il-PN qatt ma wieġeb l-ittra tiegħi li pemezz tagħha fid-16 ta’ Jannar 2008 irreżenjajt minn membru tal-PN u issa jibaghtli diskorsi li ma fihom l-ebda ispirazzjoni. Bla ħeġġa u mejta, minn barra u minn ġewwa.

Jum l-Indipendenza hu Jum għażiż għalija u għal ħafna. Iċċelebrajtu meta Simon kien għadu l-anqas twieled. Anzi kont hemm, ma ħafna oħrajn  f’nofs il-lejl bejn l-20 u l-21 ta’  Settembru 1964, tifel ta’ 8 snin flimkien ma ħuti iżgħar minni.

Iċċelebrajtu ukoll fis-snin  ta’ wara meta d-demokrazija kienet mhedda.

Id-diskorsi huma l-inqas ħaġa li jinteressawni bħalissa.

Ikun ferm aħjar kieku l-PN ifittex u forsi jsib ruħu. Imma dik ilu ftit li tilifha u mhux faċli li jerġa’ jsibha.

Ippubblikat fuq iNews illum 26 ta’ Settembru 2013