Wara d-deċiżjoni tal-Qala: għalfejn stenbħu issa?

Alfred Sant qal li c-Chairman tal-Kummissjoni għall-Kontroll tal-Iżvilupp għandha tirreżenja. Sewwa qal u naqbel miegħu. Inżid ngħid li jmissha ilha li warrbet jew twarrbet.

Jason Micallef u Cyrus Engerer qalulna li kull min ivvota favur l-applikazzjoni tal-Qala għandu jirreżenja! Sewwa qalu: imma għax ma semmewx lil Clayton Bartolo b’ismu: il-Membru Parlamentari tal-Labour fil-Bord tal-Awtorità tal-Ippjanar li ivvota favur u li kontinwament jipprova jistaħba wara subgħajh biex jiġġustifika l-vot tiegħu favur? Ghal Clayton mhux l-ewwel darba li qiegħed taħt il-lenti!

X’inhu jiġri biex issa dawn ukoll qed jitkellmu favur riżenja ta’ min ikun ħa sehem f’deċiżjoni stupida? In-nies hemm barra ilhom jgħiduha din, għal diversi membri tal-Bord tal-Awtorità tal-Ippjanar!

Il-ħniżrijijet li nħabbtu wiċċna magħhom fl-Awtorità tal-Ippjanar huma bosta iktar u ikbar mill-kaz tal-Qala. Imma dwar dawn ftit ikun hemm min jiftaħ ħalqu.

Marthese Portelli qalet li ma tridx ikollha x’taqsam iktar mal-Awtorità tal-Ippjanar, issa!

Joseph Muscat, dalgħodu qal li d-deċiżjoni hi waħda insensittivà! X’tippretendi jekk għandna Bord li għala biebu mis-sensittività ambjentali? Dawn huma l-konsegwenzi, għax bħal dejjem, li tiżra’ taħsad!

Il-problema għandha egħruq fil-fond u uħud minnhom iwasslu sar-raba’ sular. Id-dmugħ tal-kukkudrilli issa ftit li xejn ser isolvi.

Din id-deċiżjoni hi l-konsegwenza loġika ta’ snin tal-inkompetenza grassa. L-ewwel kellna lill-bidilli ta’ George Pullicino u issa għandna lil dawn! L-unika differenza hi fl-ismijiet.

Il-kaz ta’ Karmenu Abela u l-Istandards fil-Ħajja Pubblika

Karmenu Abela baħbuħ. Mhux politiku li jimbuttak. Anke meta ma taqbilx miegħu. Kelli diversi opportunitajiet li iddiskutejt xi punti miegħu. Dejjem sibtu raġjonevoli.

L-istorja tas-Sunday Times dwaru ippubblikata l-bieraħ għal uħud ma tfisser xejn. Tant ilna nitkellmu fuq il-Bank Pilatus, Keith Schembri u Konrad Mizzi, u Egrant u 17 Black. Bla dubju affarijiet ħafna iktar serji minn struttura temporanja tal-injam fuq il-bejt tad-dar ta’ Karmenu Abela l-Ministru, madwar tlett snin ilu.

Jekk ħadd ma rreżenja fuq affarijiet serjissimi hawn xi ħadd li jaħseb li Karmenu Abela ser jirreżenja fuq erba’ biċċiet injam?

Sfortunatament l-opinjoni pubblika saret immuni għal dawn l-affarijiet. Qiesu ma ġara xejn. Għax jekk qiesu ma ġara xejn għal 17Black, il-Bank Pilatus, Egrant, Mizzi u Schembri kif nistgħu nistennew li dan l-inċident jirreġistra fil-moħħ tan-nies bħala materja projibita li dwarha hu ġustifikat li jkun hemm riżenja?

Meta Karmenu Abela aċċetta li jsirlu dan ix-xogħol id-dar għamel ġudizzju żbaljat (bad judgement), anke jekk ħallas l-ispejjes tal-injam, anke jekk ix-xogħol sar is-Sibt, jiġifieri mhux waqt il-ħin tax-xogħol. Għax hu mistenni li Ministru tal-Gvern iġib ruħu sewwa u ma jagħtix il-messaġġ żbaljat li l-impjegati tal-Ministeru qegħdin hemm biex iservu lilu personalment.

Mhux ta’ b’xejn li l-Kummissarju dwar l-Istandards fil-Ħajja Pubblika għadu ma nħatarx wara snin ta’ tejatrin.

Standards? Xi Standards? Morna l-baħar.

The professor who messed things up

Victor Axiaq

 

Professor Victor Axiaq, Chairman of the Environment and Resources Authority, is not at fault for being absent at a Planning Authority public meeting on the 4 August which discussed the Mrieħel and Sliema high-rise applications. By now everyone is aware that he had just been discharged from hospital and was instructed to rest for 15 days.

There were various officers of the Environment and Resources Authority present for the 4 August public meeting, yet instead of entrusting one of them with presenting the environment’s case on the Sliema high-rise, Professor Axiaq preferred to entrust Dr Timothy Gambin with a memorandum which Gambin opted to keep to himself.

There were various environmentalists, Sliema Local Councillors and civil society activists present for the public hearing. Those of us who were present for the public hearing presented the environment case and managed to convince six out of 13 Planning Authority members to vote against the proposed high-rise at TownSquare Sliema. Support for the environment case from a representative of the Environment and Resources Authority during the public hearing would have been most welcome. It could also have had a determining impact.  Yet it was not forthcoming notwithstanding the presence of a number of the Environment and Resources Authority employees at the public hearing.

The split of MEPA into two separate and distinct authorities, we were irresponsibly told by Government representatives some months ago, would ensure that the environmental issues would be more easily defended when considering land use planning applications. Yet prior to the split, an official of The Environment Protection Directorate would have addressed the public hearing. On the 4 August none were invited. The only person who was briefed to speak (Dr Timothy Gambin) opted instead to ignore his brief and instead openly supported the development proposal for a high-rise at TownSquare.

Professor Victor Axiaq, as Chairman of the Environment and Resources Authority, missed the opportunity to contribute to convince the majority of members of the Planning Authority due to his two basic mistakes. He entrusted his memorandum to another Planning Authority member (Dr Timothy Gambin) who had opposing views and hence had no interest in communicating Professor Axiaq’s memorandum on TownSquare to the Planning Authority. Professor Axiaq also failed to engage with his own staff at the Environment and Resources Authority as none of those present for the public hearing uttered a single word in support of the case against the high-rise proposal. The person sitting on the chair next to me, for example, preferred to communicate continuously with his laptop correcting with track changes some report he was working on. I have no idea why he even bothered to be present for the public hearing.

Unfortunately, Professor Axiaq, as chairman of the Environment and Resources Authority, messed up the first opportunity at which the input of the authority he leads could have made a substantial difference in the actual decision taken. It would have been much better if a proper decision was taken on the 4 August instead of subsequently considering whether to present an appeal, as this will be an uphill struggle as anyone with experience in these matters can confirm.  This could only have happened if Professor Axiaq had acted appropriately, which he unfortunately did not.

Next Wednesday, the Sliema Local Council will be convened for an extraordinary session in order to discuss the planning appeal relative to the TownSquare high-rise development permit. Environmental NGOs will also be meeting presently to plot the way forward and consider whether they too will appeal the decision.

Even the Environment and Resources Authority will be shortly considering whether to appeal. In view of the way in which Professor Axiaq handled the whole issue, the Sliema Local Council and the environmental NGOs would do well if they do not place any trust in the Authority led by Professor Victor Axiaq. They will avoid ending up in another mess.

After creating this mess, there is only one option left for Professor Victor Axiaq in my opinion. He should immediately resign from his post as chairman of the Environment and Resources Authority. The sooner he resigns the better.

published in The Malta Independent on Sunday – 14 August 2016

Prim Ministru li rriżenja minħabba fixkun inbid ………… jiswa’ A$3,000

1959 Penfolds Grange

 

Hawn taħt qed nirriproduċi artiklu dwar ir-riżenja tal-Prim Ministru ta’ New South Wales Barry O’Farrell minħabba flixkun inbid. Jiswa A$3,000! Il-kaz ġara sentejn ilu, f’April 2014.

Din ir-riżenja giet deskritta bħala : the sign of a political culture that has become allergic to even the whiff of corruption. Kull kumment ieħor tiegħi ikun żejjed.

Australian premier’s resignation a sign of less, not more, corruption

Il-karrotti tal-leader

carrots

 

Il-Grupp Parlamentari Laburista qiegħed f’posizzjoni diffiċli. Il-parti l-kbira tal-membri tal-grupp huma persuni ta’ serjetà u integrità. Mhux biss dawk li issemmew mill-gazzetti bħala li kienu fuq quddiem fl-insistenza li Konrad Mizzi u Keith Schembri l-Kasco  iwarrbu jew jitwarrbu. Naf b’diversi oħrajn li huma ta’ l-istess fehma.

Imma hemm problema. Anzi tnejn.

Għalkemm ma tissemmiex, dejjem hemm il-biża’ mill-elementi vjolenti li għandhom interess fl-istatus quo inkella li qegħdin hemm fid-dell jistennew li jkunu mikrija. Elementi li ilhom ma jidhru imma li f’ċirkustanzi bħal dawn għandhom ħabta jitfaċċaw.

Joseph Muscat investa fil-Membri Parlamentari Laburisti tal-backbench biex ikollhom biex jgħaddu ż-żmien u dan billi assigura ruħu li kollha (jew kważi) għandhom xi jmaxtru. Dan bir-riżultat li fis-siegħa tal-prova l-karrotti tal-leader jassumu sinifikat kbir.

Dawn huma l-problemi li għandu quddiemu l-Grupp Parlamentari Laburista. Huma problemi li jieħdu ż-żmien biex jissolvew, sakemm iktar Membri Parlamentari jirrealizzaw li l-lealtà tagħom m’għandiex tkun lejn il-leader jew lejn il-karrotti tiegħu imma favur is-serjetà, favur it-tmexxija nadifa, favur it-trasparenza u favur il-kontabilità.

Is-serjetà fil-politika titlob ħaġa waħda: li min żbalja jħallas billi jwarrab jew jitwarrab.

Dan ma jgħoddx biss għal Konrad u Keith il-Kasco. Issa jgħodd ukoll għal Joseph Muscat. Għax id-difiża tiegħu ta’ Konrad u Keith il-Kasco qed tifni lill-pajjiż. U l-ħsara jista’ jkollha konsegwenzi kbar li jieħdu snin kbar biex jittaffew.

Il-Grupp Parlamentari Laburista ………..beda jistenbaħ

 muscat_j_signing_election_1st_billboard

Kienet aħbar tajba fl-Independent il-bieraħ li l-laqgħa tal-Grupp Parlamentari Laburista kienet waħda imqanqla. Issemmew diversi ismijiet li insistew għar-riżenja tal-Ministru Konrad Mizzi. Issemmew l-ismijiet ta’ tlett Ministri li qablu li Konrad Mizzi għandu jirriżenja. [Varist Bartolo, Louis Grech u Leo Brincat – dal-għodu l-Malta Today semmew ukoll lil George Vella]

Bla dubju hemm oħrajn li s’issa għad ma kellhomx il-kuraġġ li jsemmgħu leħinhom. Fil-Parlament il-bieraħ beda jiċċaqlaq ukoll Edward Scicluna l-Ministru tal-Finanzi.

Konrad (u miegħu Keith Mizzi) żbalja li mar il-Panama, anke jekk il-kumpanija tiegħu ma laħqitx bdiet topera. Il-fatt biss li mar hemm hu ġustifikazzjoni biex jirriżenja.

Hi issue ta’ imġieba ħażina ta’ Konrad (u Keith).

Qegħdin nitkellmu dwar responsabbiltà politika li Konrad (u Keith) għandu jerfa’ talli fetaħ il-kumpanija fil-Panama.

Fl-aħħar, huwa ta’ inkuraġġiment li anke fil-Grupp Parlamentari Laburista hemm min jaħsibha b’dan il-mod. Fl-aħħar fil-Grupp Parlamentari tal-Partit Laburista hemm min stenbaħ u beda jaħseb b’moħħu. Avolja daqsxejn tard.

Il-ħsara li saret lill-pajjiż hi issa irreparabbli.

 

L-intenzjonijiet tajba ta’ Konrad

timesonline 080316

Konrad Mizzi, l-bieraħ waqt Timestalk għamel pass żgħir il-quddiem: aċċetta li d-deċiżjoni tiegħu (anke jekk fuq parir tal-konsulenti Nexia BT) li jiftaħ kumpanija fil-Panama kienet deċiżjoni ħażina. An error of judgement.

Din id-deċiżjoni ħażina imma, ma tistax tħares lejha b’mod iżolat. Trid inevitabilment taraha f’kuntest iktar wiesgħa li jinkludi taħdidiet dwar negożju mal-iktar Gvern korrott tad-dinja (l-Azerbaijan) minn delegazzjoni tal-Gvern Malti magħmula biss minn politiċi u l-assistenti tagħhom maħtura fuq bażi ta’ fiduċja (position of trust).

Huwa minħabba dan li l-eżistenza tal-kumpaniji ta’ Konrad Mizzi u Keith Schembri qanqlu r-reazzjoni li żviluppat f’dawn il-ġimgħatejn.

Konrad isostni li għamel kollox b’intenzjoni tajba. Imma sfortunatament, anke kieku dan kien minnu, l-ammissjoni ta’ deċiżjoni żbaljat (error of judgement) tfisser li Konrad ma għarafx il-konsegwenzi gravi ta’ din id-deċiżjoni.

Din id-deċiżjoni effettwat il-kredibilità tiegħu, għax diffiċli biex temmen dak li qed jgħid. Għandha effett ukoll fuq il-kredibilità tal-Gvern li tiegħu Konrad hu Ministru ewlieni.

Huwa għalhekk li jiena għidt li l-unika triq li kellu Konrad kienet li minn jeddu jirriżenja. Dan ikun pass kemm fl-interess ta’ Konrad innifsu kif ukoll fl-interess tal-Gvern stess.

Huwa fuq passi bħal dan li tinbena t-tmexxija tajba (good governance). Għax jekk il-politiku mhux kapaċi jerfa’ l-konsegwenzi tad-deċizjonijiet tiegħu, ikun inutli li joqgħod jlablab dwar good governance.

Is-sejħa għar-riżenja tal-Ministru Carmelo Abela

Carmelo-Abela-new-Home-Affairs-Minister

Permezz ta’ Beppe Fenech Adami, l-Opposizzjoni qalet li l-Ministru Carmelo Abela għandu jirreżenja, u dan għax il-mewt b’suwiċidju li seħħet illum fl-isptar Monte Carmeli hi xhieda tal-inkompetenza tiegħu. Iktar u iktar, qal Beppe Fenech Adami, għax din hi t-tielet mewt ta’ persuna miżmuma taħt kustodja f’dawn l-aħħar xhur.

Il-mewt taħt dawn iċ-ċirkustanzi hi ta’ tħassib kbir. Peró naħseb li Beppe f’dan il-kaz għaġġel ftit biex wasal għall-konklużjoni li hu neċessarju li jirreżenja l-Ministru.

Infetħu żewġ inkjesti dwar il-kaz u naħseb li kien ikun iktar għaqli li nistennew il-konklużjoni tagħhom qabel ma nikkonkludu eżattament x’ġara kif ukoll dwar jekk kienx hemm min (b’li għamel jew b’li m’għamilx) ikkontribwixxa għal din il-mewt.

F’dawn iċ-ċirkustanzi hu primatur li ssir sejħa għal riżenja.

Hemm ukoll il-periklu li s-sinifikat politiku tar-rizenja jkun żvalutat jekk jibqgħu jsiru dawn it-tip ta’ sejħiet ta’ spiss.  Fil-kultura politika Maltija r-riżenja politika qatt ma rabbiet egħruq fondi. Din m’hiex xi attitudi li faqqset illum iżda ilha magħna s-snin. Hu għalhekk iktar għaqli li ssir insistenza biex l-inkjesti jkun konklużi fl-iqsar żmien li hu umanament possibli, u dan biex meta jkunu magħrufa l-konklużjonijiet  ikun stabilit min għandu jerfa’ r-responsabbiltà.

 

Wara r-riżenja ta’ Joe Cassar

Joe Cassar2

Joe Cassar għamel sewwa li irriżenja. Kieku irriżenja qabel kien ikun aħjar. Nhar il-Ħadd diġa għamel apoloġija lill-votanti minħabba li irrealizza li għamel żball ta’ ġudizzju (error of judgement).

Kulħadd jiżbalja, imma l-iżball tal-Ministru għandu piż ferm ikbar. U meta Joe Cassar għamel l-iżball kien Ministru tas-Saħħa.

It-triq li issa għażel Joe Cassar hi it-triq tal-irġulija. Għax li tgħid li jiddispjaċik, li tgħid sorry, mhux biżżejjed.

Il-pass ta’ Cassar hu lezzjoni għal oħrajn li, fil-passat, flok irreżenjaw qalu sorry u waqfu hemm, kif ukoll punt ta’ referenza għal dak li għadu ġej. L-iżbalji politiċi ta’ ċerta gravità ma jissewwewx bis-sorry, imma bir-riżenja ta’ min jagħmilhom jew jippermettihom.

Hi sfortuna li Cassar ma irrealizzax x’kien għaddej madwaru, sakemm kien tard wisq. Huwa f’dan is-sens li wieħed irid jifhem il-kummenti tiegħu tul il-ġranet li żviluppa l-każ fil-pubbliku.

F’kitba oħra tiegħi fuq dan il-blog jiena iddeskrivejtu bħala baħnan fis-sens ta’ naive. Cassar żbalja għax fada u dan il-fatt kien hemm min approfitta ruħu minnu fil-logħba ta’ ħmieġ politiku li għaddejja bħalissa fil-pajjiż. Peró il-fatt li kienu tlett żbalji, wieħed wara l-ieħor, u li għalihom ma kienx hemm spjegazzjoni li tagħmel sens fisser, li l-jiem ta’ Cassar kienu magħduda.

Hu inevitabbli li din ir-riżenja għandha twassal għal iktar riżenji. Meta, ma nafx. Imma naħseb li mhux il-bogħod li miż-żewġ naħat tal-Kamra ikun inevitabbli li l-imġieba tkun ftit iktar onorevoli, bil-fatti.

Żveljarin

alarm clock

Meta ġie ippubblikat ir-rapport tal-inkjesta dwar l-isparatura tax-xufier ta’ Manwel Mallia ħarġet ukoll l-aħbar li l-Prim Ministru kien talab ir-riżenja ta’ Manwel Mallia.  Muscat tah iċ-ċans biex wara li jikkunsidra l-kontenut tar-rapport tal-inkjesta jiddeċiedi l-posiżżjoni tiegħu.  X’talab eżatt Muscat, għall-ewwel ma kienx ċar tant li kien hemm min qal li kien Manwel Mallia li kien ser jiddeċiedi jekk kellux jirriżenja jew le.

Minn dak li sirna nafu iktar tard kien ċar li l-għażla li kellu Mallia ma kienitx jekk jirriżenjax jew le, iżda bejn li jirriżenja jew jitkeċċa. Mallia għażel li ma jirriżenjax u Muscat ipproċeda biex ikeċċieh.

Fl-ittra li iktar tard Manwel Mallia bagħat lil Joseph Muscat, Manwel Mallia jispjega li ma irriżenjax għax m’għamel xejn ħażin (fl-opinjoni tiegħu).

Toħroġ waħedha l-mistoqsija: x’għamel ħażin Manwel Mallia biex Joseph Muscat keċċieħ minn Ministru?

It-tweġiba hi waħda sempliċi ħafna: x’inhu tajjeb u aċċettabbli u x’inhu ħażin u mhux aċċettabbli ma jiddeċiediħx Manwel Mallia. Jiddeċieduħ in-nies wara li jkunu infurmati eżattament x’ġara. (Għalhekk kien importanti ħafna ir-rwol tal-media f’dan il-każ għax ipprovdiet l-informazzjoni.)

Il-politiku għandu responsabbilta’ għan-nies ta’madwaru, kemm dawk li jagħżel hu biex ikunu madwaru, kif ukoll dawk li jagħżillu ħaddieħor u huwa jaċċetthom mingħajr ma jagħmel verifiki dwarhom.

It-tlett imħallfin (irtirati) li mexxew l-inkjesta m’humiex perfetti. Imma għamlu biċċa xogħol tajba. Għalija u għal Alternattiva Demokratika l-iktar parti importanti mir-rapport tal-inkjesta hi dik il-parti fejn b’mod ċar iżda fil-qosor hemm numru ta’ kummenti fuq ir-responabbilta’ politika. Huma ċari l-Imħallfin (irtirati) f’dak li jgħidu:

“In konnessjoni ma dan il-każ issemma l-konċett tar-responsabbilta’ Ministerjali għall-operat ta’ persuni li Ministru jkun għażel  u ħatar biex jaqdu funzjonijiet pubbliċi. Wieħed jinnota li dan il-konċett ta’ sikwit jiġi invokat mill-politiċi li jkunu fl-Opposizzjoni, iżda dawn malajr jinsewh appena  huma jkunu fil-Gvern.

Intqal li l-kultura tar-risenja, sfortunatament ftit li xejn qabdet għeruq f’pajjiżna. Wieħed isaqsi jekk waħda mir-raġunijiet għal dan toħrogx mill-fatt li ċerti għażliet u nomini – minn xufier ta’ Ministru sal-għola karigi fil-pajjiż – mhux dejjem isiru skond il-mertu, ħila u kwalitajiet intrinsiċi ta’ dak li jkun, iżda inveċe sikwit isiru fuq il-bażi ta’ kulur politiku, nepotiżmu, ħbiberija u konsiderazzjonijiet oħra mhux xierqa bħal dawn. Meta jiġri hekk, huwa ferm faċli, li persuni hekk magħżula, li ma jkollomx il-kwalitajiet kollha neċessarji biex jaqdu d-dmirijiet tagħhom, jiżolqu fin-niexef. Ta’ spiss żelqiet bħal dawn ma jinkixfux, u kollox jibqa’ għaddej daqs li kieku ma sar xejn, iżda s’intendi bi ħsara lill-pajjiż u l-governanza tiegħu. Jekk inveċe n-nuqqas li jkun isir magħruf, il-Ministru li jkun għażel u innomina l-persuna li ikkommettiet in-nuqqas, x’aktarx ma jkunx raġel biżżejjed biex jgħid pubblikament mea culpa u għall-bżonn jixħet ir-riżenja tiegħu talli jkun għażel persuna li ma kelliex il-kwalitajiet neċessarji biex taqdi d-dmirijiet li jkun assenjalha. Minflok dan il-Ministru malajr ixandar mal-erba t’irjieħ li hu ma kien jaf b’xejn dwar dak li ġara u jekk si tratta ta’ rejat kriminali, minnufih jagħmel rapport lill-Pulizija biex dawn jinvestigaw u jieħdu l-passi skond il-liġi. B’hekk isalva ġildu.”

Kif diġa kelli l-opportunita li ngħid diversi drabi, d-deċiżjoni li l-Ministru Mallia jwarrab jew jitwarrab kienet waħda tajba. Imma damet ħafna ma ittieħdet.  Kellu jwarrab jew jitwarrab mill-ewwel. Li l-Ministru Mallia ma irrealizzax li kellu jwarrab la kmieni u l-anqas iktar tard meta ħareġ  ir-rapport hu tal-mistħija.

Huwa għalhekk li d-deċiżjoni ta’ Joseph Muscat li ħabbar, kif ħareġ ir-rapport, illi talab ir-riżenja ta’ Mallia kien pass il-quddiem. Avolja tard. Għax donnu xi ħadd induna (anke wara li l-media u l-opinjoni pubblika tambru kontinwament għal ġranet sħaħ) li l-Gvern kellu responsabbilta illi jagħti l-eżempju.

It-tneħħija ta’ Manwel Mallia minn Ministru inqisha bħala żveljarin li bih (forsi) il-politiċi f’dan il-pajjiż jifhmu sewwa iċ-ċanfira tat-tlett Imħallfin (irtirati). Ir-responsabbilta politika mhix biss suġġett tajjeb għall-prietki mill-Opposizzjoni. Hija ukoll programm ta’ ħidma għal kull Gvern.