Adrian Delia mhux mejjet bil-ġuħ

It-Times qalulna illum li l-kontijiet tat-taxxa li l-Kap tal-Opposizzjoni kellu pendenti  tħallsu mill-kunjati ta’ Adrian Delia.

Qrajna matul il-ġimgħat u x-xhur li għaddew fuq kontijiet pendenti ta’ Adrian Delia dwar credit cards, overdrafts personali mad-diversi banek u d-diffikultajiet tal-kumpanija Mġarr Developments Limited li fiha Adrian Delia għandu sehem minoritarju ta’ madwar 9%.

Xi żmien ilu kumpanija tal-awdituri kienet iċċertifikat li Adrian Delia għandu x’jagħmel tajjeb għal dak li għandu jagħti lill-banek. Tajjeb.

Imma x’sens jagħmel għall-Opposizzjoni li tkun fl-aħbarijiet mhux għal proposti politiċi innovattivi tagħha (fejnhom?) imma għall-mod kif il-Kap tal-Opposizzjoni jamministra flusu?

Il-messaġġ ċar li Adrian Delia qed jagħti u ilu jagħti sa minn meta ġie elett bħala Kap tal-Opposizzjoni mhux wieħed ta’ serjetá. Smajna kull xorta ta’ stejjer dwar dan: l-ebda waħda minnhom ma tnissel fiduċja f’min jippretendi li jmexxi l-pajjiż.

Għax jekk l-amministrazzjoni ta’ flusek tnissel dubji, kif qatt tista’ titwemmen meta titkellem dwar it-tmexxija tajba?

Delia, ovvjament mhux mejjet bil-ġuħ. Imma madwaru hemm għatx kbir għas-serjetá fit-tmexxija, fil-forom kollha tagħha.

Advertisements

Id-dmugħ tal-kukkudrill u l-qtil ta’ Daphne

Inkitbu numru kbir ta’ artikli dwar il-qtil ta’ Daphne nhar it-Tnejn li għadda, meta l-karozza li kienet qed issuq ġiet sploduta f’elf biċċa. Tfasslu bosta tejoriji dwar l-identità u l-motiv ta’ dawk li ppjanaw u/jew esegwew dan il-qtil. Mhux ħa nżid mal-ispekulazzjoni.

Bħal bosta oħrajn, tul is-snin jiena ukoll kelli l-possibiltà li nsegwi l-kitbiet tagħha. Bosta minnhom sibthom mill-iktar informattivi. Il-kapaċitajiet investigattivi tagħha kienu fost l-aqwa fil-ġurnaliżmu Malti. L-argumenti tagħha kienu dejjem qawwija, għalkemm il-preġudizzji tagħha dejjem kienu ċari. Kienet kapaċi talterna bejn artikli investigattivi ta’ l-għola livell ma oħrajn li jivvilifikaw lil dawk fil-mira tagħha.

L-opinjonijiet politiċi tagħha kienu dejjem ċari u hi dejjem mexxiethom ‘il quddiem b’qawwa kbira. Sa’ Ġunju 2017 injorat il-parti l-kbira tad-dnubiet tal-PN u iffukat bla ħniena fuq dawk tal-PL. Wara Ġunju 2017, kif kien jixirqilhom, poġġiethom flimkien f’qoffa waħda u b’hekk tat iktar kredibilità lil min jgħid li m’hemmx x’tagħżel bejn il-PN u l-PL.

Dwar Alternattiva Demokratika kitbet bosta drabi: kritika f’mumenti delikati fejn il-posizzjoni politika ta’ AD kienet f’kuntrast ma dik tal-PN. Drabi oħra, meta dehrilha, għamlet użu mill-fehmiet ta’ Alternattiva Demokratika kif kien jaqbel biex issaħħaħ l-argumenti tagħha.

Il-qtil tagħha hu daqqa ta’ ħarta għal-libertà tal-espressjoni f’Malta.

Kien hemm bosta opportunitajiet oħra fejn kien hemm min jipprova jagħlqiha ħalqa permezz ta’ numru esaġerat ta’ kawżi ta’ libel. Reċentement sar attentat biex permezz ta’ mekkaniżmu legali eżistenti ġew iffriżati l-kontijiet bankarji tagħha bħala garanzija għad-danni li kienu qed jintalbu. Sfortunatament il-Qrati ma irrealizzawx in-natura reali ta’ din l-azzjoni intimidatorja. L-impatt ta’ din l-azzjoni kien imxejjen biss wara li irnexxiet l-inizzjattiva ta’ crowd funding organizzata minn David Thake. B’hekk l-azzjoni intimidatorja tal-Ministru Cardona u l-konsulenti legali tiegħu kważi sfatt fix-xejn.

Adrian Delia, l-Kap tal-Opposizzjoni, li ukoll kien taħt il-lenti tagħha għal dawn l-aħħar erba’ xhur, kif jidher minn l-aħħar diskors tiegħu, qed ifittex x’vantaġġ politiku jista’ jakkwista l-partit tiegħu minn dan il-qtil. Jidher li jixtieq li ninsew li hu ukoll ta kontibut biex inġemgħu t-turrun libelli fil-konfront tagħha. Li iritirhom iktar kmieni din il-ġimgħa mhu xejn għajr ipokrezija grassa.

Dan hu essenzjalment dak li hemm mistoħbi wara t-tixrid tad-dmugħ tal-kukkudrilli ta’ uħud minn dawk li qed jgħidu li huma maħsudin b’dan il-qtil.

Il-Pulizija bdew l-investigazzjonijiet tagħhom. It-talba li saret għall-għajnuna ta’ esperti barranin hi utli għax tista’ tkun l-assigurazzjoni meħtieġa biex kull indikazzjoni tkun esplorata u investigata. Imma l-investigazzjoni għal ftit ma bdietx bil-banda għax il-Maġistrat Consuelo Scerri Herrera damet ma ndunat li hemm ma kienx postha. Il-fatt li damet is-siegħat biex irrealizzat dan juri li uħud mill-membri tal-ġudikatura għad għandhom ħafna x’jitgħallmu.

Il-presenza tal-Maġistrat Scerri Herrera fil-Bidnija ħasdet lil kulħadd hekk kif waslet. Ftit wara l-ħasda kibret minħabba l-kummenti fuq Facebook ta’ surgent mit-tim investigattiv tal-Pulizja li ried jiċċelebra l-avvenimenti li kien qed jara. Il-fatt li ġie sospiż u ser jgħaddi passi dixxiplinari mhux biżżejjed. Għad hemm ħtieġa ta’ spjegazzjoni mingħand il-Kummissarju tal-Pulizja dwar il-għala xi membri tal-Korp għadhom ma rrealizzawx li l-presenza tagħhom fuq il-media soċjali hi ta’ ħsara għall-kredibilità u l-imparzjalità tagħhom u tal-Korp tal-Pulizija kollu.

Imma mid-dehra mhux is-surġent tal-Pulizija biss ħass li kellu bżonn jiċċelebra nhar it-Tnejn waranofsinnhar. X’ser jgħidulna dwar il-carcades li saru, anke jekk kienu ftit? Min ser jassumi r-responsabbiltà għalihom?

Il-Prim Ministru hu anzjuż biex il-każ jissolva malajr kemm jista’ jkun. Ilkoll għandna l-istess xewqa u iktar ma dan iseħħ malajr, aħjar għal kulħadd. Imma, meta l-każ jingħalaq ikun il-waqt li nstaqsu jekk dan kollu setax ikun evitat. Għax bla dubju seta kien evitat.

 

 

 

ippubblikat f’Illum – 22 t’Ottubru 2017

Crocodile tears and the assassination of Daphne

Countless articles and opinions have been written about Daphne’s assassination last Monday, when the car she was driving was blown to smithereens.

Many theories have been woven as to the possible identity and motivation of those who planned and/or executed her assassination. I will not add to the speculation.

Like many others, I followed her writings through the years and found most of them informative. In the Maltese journalist community, her investigative skills were second to none. Her arguments were always very forceful even though a bias was always clearly present. She could alternate between well-written, clearly thought out and investigative articles and pure invective aimed at those she despised.

Her underlying political views were always clear and she promoted them mercilessly. Until June 2017, she ignored most of the sins of the PN and focused relentlessly on those of the PL. After June 2017 she practically lumped them both together in one basket, as they deserved, lending credence to the statement that there is nothing to distinguish the PN from the PL.

As for AD, it was one of her punching bags when it suited her, in particular at those critical political junctures where AD’s views and positions contrasted sharply with those of the PN. At other times, when she found AD’s views useful, she used them to buttress her own.

Her assassination is a direct blow against freedom of expression in Malta.

Various other attempts have been made to shut her up through the countless actions in court for civil damages. An attempt was made to cripple her financially with a legal mechanism, insisting that the claimed civil damages be deposited in Court when legal action is initiated. This was an attempt at intimidation which, unfortunately, the Law Courts did not see through. The attempt was only thwarted through the initiative of David Thake who organised crowd funding of the sums requested, thus short-circuiting the bully-boy tactics of Minister Cardona and his lawyers.

The Leader of the Opposition, Adrian Delia, having been under her spotlight for the past four months is now apparently out to milk her assassination for his party’s political gain, as is evidenced by his speeches earlier this week. He seems to want us to forget that he too was a contributor to the pile of actions for libel submitted against her. Their withdrawal this week smells of crass hypocrisy.

This is essentially the background to the crocodile tears being shed by some of those who say that they are “shocked” at her assassination.

Police investigations have commenced. Requesting help from foreign experts may ensure that all leads are followed. The investigation was almost torpedoed in its first seconds when Magistrate Consuelo Scerri Herrera failed to realise that this was a definite no-go area for her. That she took hours to realise this, is testimony to the fact that some members of the bench still need to master much more than the law.

The Magistrate’s presence shocked all as soon as she arrived on site at Bidnija. Soon after, that shock was to be compounded by the comments posted on Facebook by a Police Sergeant from the police investigating team on his being overjoyed at the day’s happenings. The fact that he was suspended pending disciplinary action is not sufficient. It still needs to be explained by the Commissioner of Police why some members of the police force have still not realised that they should stay away from the social media as it may seriously jeopardise not only their integrity and impartiality but also that of the whole Police Corps.

Apparently, it was not only the Police Sergeant who was overjoyed on Monday afternoon. What about the few carcades which were organised? Anybody cares to assume responsibility?

The Prime Minister is very anxious to get to the bottom of all this. We all are. The sooner this is done the better. However, when this is done and dusted it would be appropriate to examine the extent to which it was avoidable. As indeed it was.

 

published in The Malta Independent on Sunday – 22 October 2017

Il-PN fis-sqaq tal-fundamentaliżmu

Adrian Delia appunta lilu nnifsu l-gwardjan tal-morali tal-pajjiż. Għalhekk, qal, li l-PN fil-Parlament ser jopponi l-avviż legali li jintroduċi 100 siegħa leave bi ħlas għal dawk li jfittxu trattament tal-IVF barra minn Malta (nisa infertili u lesbjani).

Billi l-liġi tal-IVF presentment fis-seħħ dan ma tippermettieħx Delia qed tniggżu l-kuxjenza u jidhirlu li għal din ir-raġuni għandu jopponi.

Adrian Delia għadu kif ħa ġurament ta’ lealtà lejn il-Kostituzzjoni. Fl-aħħar leġislatura din il-kostituzzjoni ġiet emendat biex anke id-diskriminazzjoni a bażi tal-ġeneru u l-orientazzjoni sesswali tkun ipprojibita.

Fit-triq li qabad favur il-fundamentaliżmu Delia mhuwiex jirrealizza li qiegħed ikasbar il-Kostituzzjoni ta’ pajjiżna li tobbliga anke lilu li jitbiegħed minn kwalunkwe diskriminazzjoni: f’dan il-kuntest id-diskriminazzjoni a bażi tal-ġeneru u l-orientazzjoni sesswali.

Fil-Parlament ftit ġimgħat ilu kellna d-dmugħ tal-kukkudrilli ta’ dawk li iddispjaċihom li kienu astjenew fil-vot dwar id-drittijiet LGBTIQ fil-leġislatura l-oħra fosthom Mario de Marco u Claudette Buttigieg. Nistennew u naraw jekk bidlux il-fehma tagħhom.

S’issa fil-PN qiegħed jinstema leħen wieħed biss favur ir-raġuni : dak ta’ Norman Vella.

Sadanittant il-PN jibqa’ dieħel il-ġewwa fis-sqaq tal-fundamentaliżmu, u minn hemm ser ikunlu diffiċli li joħroġ.

Alleanza Elettorali: m’hemmx għaġġla

 

Id-dibattitu pubbliku dwar jekk, meta u kif għandha tkun żviluppata alleanza elettorali bejn Alternattiva Demokratika u l-Partit Nazzjonalista qabad ritmu sewwa fuq il-media soċjali matul il-ġimgħa li għaddiet. Dan seħħ l-iktar bħala riżultat  tal-intervista ta’ Michael Briguglio fuq din il-gazzetta l-ġimgħa l-oħra.

Il-veduti ta’ Michael Briguglio, bla dubju, jirriflettu l-esperjenzi tiegħu u jwassluh għall-konklużjoni li t-toroq li jippuntaw lejn alleanza elettorali (jew kif ġieli nirreferu għaliha, koalizzjoni) għandhom ikunu eżaminati sewwa u mingħajr wisq dewmien. Jiena m’għandi l-ebda għaġġla. Dan qed ngħidu minħabba li l-imġieba tat-tmexxija tal-Partit Nazzjonalista hi ta’ tħassib mhux żgħir u li bħala riżultat ta’ dan qed nifforma l-opinjoni li wara kollox jista’ jkun li dan mhux il-mument addattat għal inizjattiva ta’ din ix-xorta.

Il-kobba mħabbla dwar id-donazzjonijiet li qed tiżviluppa bejn il-Partit Nazzjonalista u Silvio Debono tad-db Group tirrikjedi li jitqegħdu l-karti kollha fuq il-mejda biex ikun assigurat li l-fatti kollha huma magħrufa. Kemm hu veru li l-PN irċieva donazzjonijiet moħbija bħala ħlas għal serviżżi li ma nagħtawx u dan billi għamel użu mill-kumpanija kummerċjali tiegħu?  Apparti l-grupp db kemm-il entitá kummerċjali oħra hemm li għamlet din it-tip ta’ donazzjoni moħbija lill-PN?  Dan kollu ma jmurx kontra dak li l-PN ilu jgħid żmien dwar is-suppost tmexxija serja li jrid?  Allura jekk anke fuq xi ħaġa bażika bħas-serjetá fit-tmexxija l-PN jgħid ħaga u jagħmel oħra kif qatt nistgħu nemmnu u nagħtu piż lil dak li jgħid il-PN dwar prinċipji u kwalunkwe xorta ta’ proposta politika?

Hemm diversi materji oħra li jinvolvu l-imġieba ta’ membri parlamentari ewlenin tal-Partit Nazzjonalista li dwarhom tinħtieġ li tingħata spjegazzjoni.

Per eżempju d-dikjarazzjoni ta’ Claudio Grech li ma jiftakarx jekk qatt iltaqa’ ma George Farrugia, u dan fil-kuntest tal-iskandlu taż-żejt, xejn ma tikkonvinċi. L-aċċettazzjoni da parti tal-Kap tal-Opposizzjoni ta’ din id-dikjarazzjoni tixhed dubju fuq kemm qiegħed jiffunzjona l-kumpass etiku tant meħtieġ u essenzjali għal min appunta lilu nnifsu fit-tmexxija tal-koalizzjoni kontra l-korruzzjoni.

L-anqas ma huma ċari l-affarijiet fejn jidħol ir-rwol ta’ Beppe Fenech Adami fil-Capital One Investment Group u l-Baltimore Fiduciary Services. F’sitwazzjoni kważi identika, Joe Cordina, dakinnhar Teżorier tal-Partit Laburista, kien imġiegħel jirreżenja.

Min-naħa l-oħra Mario de Marco għamel apoloġija pubblika dwar il-ġudizzju żbaljat tiegħu meta huwa aċċetta l-inkarigu mill-Grupp db dwar l-akkwista ta’ l-art f’Pembroke fejn illum hemm l-Istitut għall-Istudji Turistiċi. F’dawn iċ-ċirkustanzi, bla ebda dubju, apoloġija mhux biżżejjed.

Irridu nikkunsidraw ukoll il-villa proposta biex tinbena barra miż-żona tal-iżvilupp minn Toni Bezzina kelliemi għall-agrikultura tal-PN u  flimkien ma oħrajn awtur tad-dokument dwar il-politika “ġdida” ambjentali tal-PN. Proposta li tmur kontra dak kollu li kien propost fid-dokument. Il-Kap tal-Opposizzjoni flok ma tajru immedjatament ipprova jeħilsu billi qal li “ma għamel xejn ħażin.

Meta tqies kollox, tista’ tifhem aħjar kemm it-tmexxija tajba u l-iġieba etika huma bosta drabi nieqsa fost l-Opposizzjoni. Kull wieħed minn dawn il-kazijiet, anke jekk meqjus għalih waħdu, kien ikun iktar minn biżżejjed biex tkun xkupata l-barra t-tmexxija kollha tal-Opposizzjoni.

Kif tista’ Alternattiva Demokratika taħdem favur alleanza elettorali ma’ partit politiku li t-tmexxija tiegħu hi kompromessa b’dan il-mod u għandha daqstant x’tispjega dwar l-imġieba tagħha? Kif jista’ l-Partit Nazzjonalista jippretendi t-tmexxija morali ta’ koalizzjoni kontra l-korruzzjoni qabel ma jagħti spjegazzjoni konvinċenti tal-imġieba tal-esponenti ewlenin tiegħu? Il-fatt li l-Partit Laburista għandu ħafna iktar x’jispjega mhu ta’ l-ebda konsolazzjoni u bl-ebda mod ma jiġġustifika l-imġieba tal-Opposizzjoni.

Il-mintna li jinsab fiha pajjiżna hi riżultat dirett tat-tmexxija tal-Partit Laburista tul dawn l-aħħar erba’ snin. Imma hi ukoll riżultat tas-sistema ta’ żewġ partiti politiċi li iktar ma tispiċċa malajr, iktar aħjar għal kulħadd. Is-sistema ta’ żewġ partiti li kkontrollat il-makkinarju tal-istat bla interruzzjoni mill-1966 sal-lum hi responsabbli ukoll għas-sitwazzjoni attwali. Dan minħabba li bħala konsegwenza tat-tip ta’ Parlament li ġie elett kien prattikament impossibli (b’xi eċċezzjonijiet żgħar) li dan jeżamina b’reqqa l-ħidma tal-Gvern b’mod li jkun imġiegħel jagħti kont ta’ egħmilu bis-serjetá.

Filwaqt li l-ħolqien ta’ alleanza elettorali tista’ tkun ta’ ġid għall-pajjiż, iċ-ċirkustanzi preżenti ma naħsibx li jipprovdu l-mument addattat. Il-bibien għad-diskussjoni Alternattiva Demokratika żżommhom dejjem miftuħin imma bħalissa hu l-mument li wieħed joqgħod attent biex ikun evitat li jingħataw messaġġi żbaljati.

Huwa biss meta jkunu ċċarati l-affarijiet li jkun il-mument addattat biex jittieħdu d-deċiżjonijiet dwar il-jekk u l-kif ta’ alleanza elettorali.

Ippubblikat fuq Illum : 26 ta’ Marzu 2017

Electoral Alliance : a cautious approach

The public debate on whether, and to what extent, it is appropriate to have an electoral alliance between Alternattiva Demokratika and the Nationalist Party has been in full swing on social media during the past week, fuelled as it was by Michael Briguglio’s interview on the Maltese weekly Illum last Sunday.

Michael Briguglio presented his views, no doubt based on his experiences and perceptions, concluding that the avenues leading to an electoral alliance (at times also referred to as a coalition) should be explored without delay. The fact that the ethical behaviour of leading members the PN Opposition leaves much to be desired necessitates more caution. There is no need to rush.

The political party donation mess in which the PN and Silvio Debono of the db Group are entangled requires full disclosure in order to ascertain the precise facts. Has the PN (illegally) avoided the provisions of the political party financing legislation through the channelling of funds to its commercial arm under the guise of payment for (fake) services? Is the db Group “donation” a one-off, or is it one of a number?

Wouldn’t this give the lie to the PN’s declared commitment to good governance? If such a basic issue in the PN’s electoral platform is just paying lip service, how can one give weight to any PN declaration of adherence to principle or policy of whatever form or shape?

There are other issues related to the behaviour of senior PN MPs which need clarification.

For example, Claudio Grech’s declaration that he does not recollect ever meeting George Farrugia with reference to the oil sales scandal, is not convincing at all. The acceptance of Claudio Grech’s declaration by the Leader of the Opposition throws considerable light on the functionability of the ethical compass which is an essential tool for the self-appointed leader of an anti-corruption coalition!

Nor are matters on Beppe Fenech Adami’s role in the Capital One Investment Group/Baltimore Fiduciary Services any clearer. In quasi similar circumstances, Joe Cordina, former Labour Party Treasurer was forced to resign.

Mario DeMarco has made a public apology on his error of judgement, which error of judgement was made when accepting the brief of the db Group relative to its acquisition of the land at Pembroke, currently hosting the Institute for Tourism Studies, fro the government. Fine, but apologies are certainly not enough.

One has also to consider the proposed ODZ Villa which Toni Bezzina, PN spokesperson on agriculture and co-author of the PN policy document,  sought to develop contrary to both letter and spirit  of the policy document he had just proposed. The Leader of the Opposition instead of dismissing him on the spot absolved him as “he had done nothing wrong”.

Taken together, the above shed considerable light on the extent to which “good governance” and “ethical behaviour” is often absent in the Opposition’s ranks. In any other democratic country, each one of the above, even if considered separately, would have been more than enough to wipe out the whole Opposition leadership.

Can Alternattiva Demokratika forge an electoral alliance with a political party whose leading members are so compromised and have so much to explain as to their behaviour? Moreover, how can the PN claim moral leadership in a coalition against corruption before it gives satisfactory explanations on the behaviour of its leading exponents? The fact that the Labour Party has even much more to explain is no justification for the Opposition’s behaviour.

The mess in which the country is currently submerged, the direct result of Labour Party stewardship over the past four years, is also the direct consequence of a two-party system which needs to be smashed to smithereens. The two- party system which has controlled the machinery of the state uninterruptedly since 1966 is ultimately responsible for the current state of affairs as it has continuously returned a Parliament which, due to its composition, has, with insignificant exceptions, been unable to hold the government of the day to account.

While the setting up of an electoral alliance could eventually be beneficial to the country, in the present circumstances it is not the right time to rush. At this point in time, linking Alternattiva Demokratika to the PN through an electoral alliance may send wrong messages.

While Alternattiva Demokratika will never close the doors to possible discussions on an electoral alliance, I believe that it is certainly the season to be extremely cautious until such time as the murky waters have cleared. It is only then that the time would be ripe for the necessary decisions.

Published in The Malta Independent on Sunday – 26 March 2017

Mhux kulħadd bħal Salvu

Għamel tajjeb il-Kap tal-Opposizzjoni li rrefera t-trasferiment tal-art fPembroke fejn hemm l-Istitut għall-Istudji Turistiċi għand l-Awditur Ġenerali għal investgazzjoni, għax dan hu trasferiment li fih bosta irregolaritajiet.

Ftit ħin wara li Simon Busuttil għamel id-dikjarazzjoni li ser imur għand l-Awditur Ġenerali huwa irċieva SMS li biha ċ-CEO tal-kumpaniji ta Silvio Debono talbu lura l-flus li kienu ngħataw bħala donazzjoni lill-PN. Hu ċar għal kulħadd li dan mgħamlux brispett lejn il-liġi, jew minħabba li jrid is-serjetá, iżda bi tpattija immedjata. Kuntrarjament għal dak li qal il-Kap tal-Opposizzjoni dan ma kienx rikatt iżda ritaljazzjoni għal dak li kien diġa intqal.

Imma bħala riżultat ta din ir-ritaljazzjoni min-naħa ta Silvio Debono, sirna nafu mingħand l-istess Debono li fl-2016 huwa kien intalab jagħmel ħlasijiet ta 70,800 għal servizzi li ma kellux bżonn imma li kienu ser iservu għall-ħtiġijiet ta Partit Nazzjonalista. Debono żied jgħid li tħejjew invoices u ħallashom.

Ħadd ma jista jeħodha kontra l-Kap tal-Opposizzjoni li mar għand l-Awditur Ġenerali biex dan jinvestiga dak li jidhru li huma irregolaritajiet kbar. Imma bla dubju dan il-pass tajjeb ta Simon Busuttil ma jikkanċellax l-abbużi li qed ikun allegat li saru dwar donazzjonijiet lill-Partit Nazzjonalista li ukoll jeħtieġu li jkunu investigati.

Huwa ovvju li Debono mhux qed jitkellem għax iħobb l-ordni, is-serjetá u l-osservanza tal-liġi. Imma jekk dak li qed jgħid Debono seħħ, u nistennew li jkunu prodotti l-provi dwar dan, dan huwa abbuz gravi u jeħtieġ li jkun investigat.  Dan mhux tfettieq kif qed jippruvaw jgħidu xuħud.

Jekk dak li qed jgħid Debono seħħ ifisser li nkisru l-iktar prinċipji bażiċi tal-liġi dwar il-Finanzjament tal-Partiti Politiċi. Nistenna li ma ndumux ma naraw kopja tal-irċevuti u l-kontijiet li nħarġu biex jiġġustifikaw il-ħlas.

L-istorja ma tieqafx hawn. Għax dan kollu għandu konsegwenzi li m’humiex żgħar.

Jekk ippruvat, dan ifisser li l-Partit Nazzjonalista jipprietka s-serjetá fil-pubbliku, imma imbagħad, fejn ma jidhirx, jagħmel mod ieħor.

Jekk ippruvat dan ifisser li hi illużjoni li naħsbu li wara dawk l-uċuħ mimlija qdusija hemm min għandu rieda tajba.

Ifisser fuq kollox li filwaqt li qatt mgħandna nagħlqu l-bibien għal ħadd, irridu noqgħodu bseba għajnejn il-ħin kollu għax bejn dak li jidher u dak li hemm fil-fatt tezisti differenza kbira.

Għax kif tista tippreżenta front wieħed u magħqud kontra l-korruzzjoni jekk min jilgħaba tal-paladin tal-imġieba tajba jgħid mod fid-deher u jagħmel ieħor meta ma jidhirx. Mhux kulħadd għandu fiduċja għamja f’Simon Busuttil bħalma għandu Salvu. Dak jaħseb li l-maħmuġ jista xi darba jirreklama l-indafa. Erħilu li sa ftit ilu kien konvintissimu li mhemmx xtagħżel bejn il-PN u l-PL. Imma issa ikkonverta u donnu nesa’ kollox.

Dak li naraw bgħajnejna u mmissu bidejna ma nistgħux ninjorawh. Il-ħmieġ jibqa’ ħmieġ, jagħmlu min jagħmlu. Imma meta jitwettaq minn min jagħmel il-ġurnata kollha jipprietka l-indafa, tajjeb ukoll li jkun ċar li mhux qed jirnexxielu jgħaddina biżżmien.

 

 

Bezzina’s almond grove

 site-notice-affixed

Planning application PA7854/16 submitted to the Planning Authority by Toni Bezzina PN spokesman on Agriculture, was downright misleading. This was underlined by environmental NGO  Din l-Art Ħelwa in its objection to the application it submitted on 31 January.

Bezzina’s development proposal emphasised that it was a “rehabilitation and restoration of almond grove”. However, on examining the submitted drawings it is immediately apparent that  the proposal actually includes the construction of a basement garage as well as a three-bedroomed villa with swimming pool.

In a normal scenario I believe that the Planning Authority decision-making process would have ultimately resulted in a rejection of such an application. I would not, however, have been surprised if it had been approved, as consistency in the interpretation of planning rules is still an ever-present issue.

The public outcry, however, has pre-empted all this and justifiably focused on the fact that Bezzina co-authored the recently launched PN environmental policy document entitled A Better Quality of Life for You. In that document Bezzina and others, on behalf of the PN, emphasised that development outside the development zone was to be an exceptional step that should only be permitted by Parliament and subject to approval by a qualified majority.

It was reasonably expected that Bezzina, as co-author of the policy document, should have been the first one to honour the commitment made. However he completely ignored it.

To make matters worse he was defended by the Leader of the Opposition who, after ensuring that Bezzina had taken steps to withdraw the application, did his best to minimise the inconsistency.

Unfortunately, this matter brings to the fore a very important consideration as to whether the policy documents issued  by the Nationalist Party have an significance at all. The very fact that PN spokesmen such as Bezzina ignore such documents gives credence to the point made that this was, after all, another PN green-washing exercise to which we have become accustomed in recent years. It is just more of the same.

After examining Bezzina’s application, the Environment and Resources Authority  had this to say:  “The substantial increase in the structure’s footprint and additional land take-up from other commitments, including the enlargement of the entrance, formation of a hard-surfaced access path, the creation of a turning circle, etc. will result in the formalisation of the entire site. Such development is not typical of a rural landscape such as the one in question and thus the proposal is considered to be unfit for the context especially when noting that the site is scheduled as an Area of High Landscape Value (AHLV).”

This is the level of commitment to environmental protection of one of the co-authors of the PN’s environmental policy. You can easily understand the commitment of the rest!

While the publication by the Nationalist Party of its policy document was a positive step,  proof of its commitment is yet to come, if it ever does!

published in The Malta Independent on Sunday – 19th February 2017

Lil Simon, tista’ tieħdu bis-serjetá?

 simon-busuttil

 

Il-Kap tal-Opposizzjoni Simon Busuttil ipprova jiddefendi ftit lill-Onorevoli Toni Bezzina.

Simon qalilna li l-Onorevoli Toni Bezzina ma għamel xejn ħażin meta ippreżenta l-applikazzjoni ta żvilupp biex anke hu jkollu villa ODZ. Applikazzjoni perfettament legali, skond il-policies tal-ippjanar, qalilna l-Kap tal-Opposizzjoni.

Li ma qalx Simon Busuttil hu li Toni Bezzina kien wieħed mill-awturi tad-dokument dwar il-politika ambjentali li l-Partit Nazzjonalista ippubblika ftit ilu intitolat A Better Quality of Life for You. Fdan id-dokument jgħidulna li fl-ODZ il-PN hu tal-fehma li ma jista jinbena xejn ħlief bdeċiżjoni tal-Parlament u dan biss jekk dan ikun fl-interess nazzjonali!

Meta tikteb dawn l-affarijiet (u iktar) li hemm fid-dokument ambjentali tal-PN u imbagħad tinjorhom mill-ewwel, ifisser li inti stess ma tkunx temmen fihom.

Il-mistoqsija li teħtieġ tweġiba hi dwar kemm nistgħu nemmnu dak li jgħid il-Partit Nazzjonalista meta huwa jaġixxi bdan il-mod? Nistgħu nieħduh bis-serjetá?

Sfortunatament,  dan ma jgħoddx biss għall-ambjent.

Bħan-nagħaġ ta’ Bendu

naghag-ta-bendu

Il-viżjoni li għandu l-Partit Nazzjonalista dwar il-politika fMalta tipprova tittratta lill-votanti bħan-nagħaġ ta Bendu. Għax il-ħarsien tad-demokrazija u d-drittijiet fundamentali, skond il-PN u s-segwaċi fidili tiegħu, huma assigurati biss permezz tal-Partit Nazzjonalista u għaldaqstant it-taqbida t-tajba tista issir biss permezz tiegħu u taħt it-tmexxija tiegħu.

Għal uħud, il-pluraliżmu hu tajjeb biss għaċċikkulata u, forsi, ftit għax-xandir!

Matul ix-xhur li ġejjin, bħalma jiġri kważi qabel kull elezzjoni ġenerali, bla dubju qed tikber l-għajta tal-Partit Nazzjonalista u ta dawk li jinċensawh dwar il-ħtieġa ta koalizzjoni kontra Joseph Muscat u l-Partit Laburista u dak kollu li dawn jirrappreżentaw.

Il-politika ta Simon Busuttil tidher differenti minn dik tal-predeċessur tiegħu. Lawrence Gonzi kien esprima lilu innifsu diversi drabi kontra anke l-idea innifisha ta koalizzjoni li ġieli ddeskriviha bħala kalċI avvelenat li jippreferi li ma jmissx.

Imma fir-realtá, għalkemm Simon Busuttil qed jipprietka ħafna dwar koalizzjoni kontra l-korruzzjoni, fil-prattika qed imexxi l-quddiem process ta assimilizzazzjoni ta kull min jaħseb li jista jikkompeti lill-Partit Nazzjonalista għall-voti, anke bl-iżjed mod remot. Beda bSalvu Mallia li illum hu parti mill-Partit Nazzjonalista u presentement għaddej bil-proċess tal-assimilazzjoni tal-partit ta Marlene Farrugia. Milli qed jingħad jidher li dan il-proċess wasal fit-tmiem tiegħu.

Koalizzjoni ma issirx billi nimxu bħan-nagħaġ ta Bendu wara l-Partit Nazzjonalista. Imma issir bejn partiti politiċi differenti wara li dawn jaqblu fuq programm politiku komuni kif ukoll dwar il-mod kif dan għandu jitwettaq. Għandi dubju kemm il-Partit Nazzjonalista qatt jista jasal li mhux biss jagħmel xi forma ta kompromess fuq il-proposti li jrid ipoġġi quddiem l-elettorat, imma iktar minn hekk dwar kemm hu lest li jaċċetta li jikkampanja ukoll favur ideat u idejali ta partiti politiċI oħra. Għax jekk ser nitkellmu fuq koalizzjoni pre-elettorali jfisser li jrid ikun ifformulat programm politiku aċċettabbli għall-elementi kollha ta din il-koalizzjoni.

Programm politiku ta koalizzjoni pre-elettorali jinvolvi ferm iktar minn ġlieda kontra l-korruzzjoni u t-tisħiħ tat-tmexxija tajba fl-istrutturi tal-istat. Jinkludi firxa sħiħa ta oqsma li dwarhom partiti politiċi differenti għandhom fehmiet differenti. Xi drabi differenzi żgħar imma xi minn daqqiet differenzi sostanzjali. Dan ma jgħoddx biss għall-politika ambjentali, imma jgħodd ukoll għall-edukazzjoni, għall-politika soċjali kif ukoll għall-politika fiskali, dik ekonomika u dik kulturali, fost oħajn.

Koalizzjoni politika teħtieġ li tkun mibnija fuq dan il-pedament bażiku, jiġifieri ftehim programmatiku, inkella ma jkollix direzzjoni jew skop ċar għajr li tiġbor lil kulħadd fmerħla waħda l-uniku skop reali li jidher li għandu bħalissa l-Partit Nazzjonalista.

Koalizzjoni li issir bxi mod ieħor tkun biss ezerċizzju li jittratta lill-Maltin bħan-nagħaġ ta Bendu.

ippubblikat fuq Illum : 12 ta’ Frar 2017