Wara d-dibattitu fi Strasburgu

 

Id-dibattitu tal-ġimgħa l-oħra fil-Parlament Ewropew dwar is-saltna tad-dritt wera li prattikament il-partiti politiċi kollha huma mħassba dwar is-saltna tad-dritt f’Malta. Il-qtil ta’ Daphne Caruana Galizia jkompli jżid ma dan it-tħassib.

It-tħassib hu wieħed akkumulat u huwa ġġustifikat minħabba diversi affarijiet li ġraw fuq tul ta’ żmien.

Il-ħatra u r-riżenja ta’ diversi Kummissarji tal-Pulizija matul dawn il-ħames snin xejn ma għen f’dan il-kuntest.

Ir-rapporti tal-FIAU (Financial Intelligence Analysis Unit) li waslu għand il-Kummissarju tal-Pulizija u ma ittieħdu l-ebda passi dwarhom ukoll wasslu l-messaġġ li f’dan il-pajjiż xejn m’hu xejn: li l-liġi hi bla siwi.

Jekk il-liġi hi bla siwi għax l-awtorijtajiet li għandhom l-obbligu li jimplimentawha jagħlqu għajnejhom, daqqa waħda u drabi oħra t-tnejn, hu ġustifikat li jingħad li s-saltna tad-dritt hi mhedda.

F’dan il-kuntest ma tista’ tagħti tort lil ħadd li jissuspetta illi l-awtoritajiet kollha ħaġa waħda, jħokku dahar xulxin. Anke jekk mhux neċessarjament hekk.

Imma hemm min qiegħed japprofitta ruħu minn din is-sitwazzjoni biex jiżra’ sfiduċja iktar milli diġa hawn. Ilkoll kemm aħna, fuq quddiem nett il-partiti politiċi, għandna l-obbligu li f’din is-siegħa delikata ma nesagerawx fil-kritika li nagħmlu. Anke fejn il-kritika hi ġustifikata. Il-kritika li issir hemm bżonn li tkun waħda responsabbli avolja jkun hemm min ma jagħtix każ, jew inkella jipprova jagħti l-impressjoni li mhux qed jagħti każ.

Il-fatti jibqgħu dejjem fatti.

Il-Prim Ministru żbalja meta ma tajjarx lill-Konrad Mizzi mill-Kabinett u lil Keith Schembri minn Chief of Staff fl-uffiċċju tiegħu wara li isimhom deher fil-lista magħrufa bħala Panama Papers. Kien żball oħxon li anke fil-Partit Laburista stess kien hemm dibattitu jaħraq dwaru. Fil-Partit Laburista kien hemm min kellu l-kuraġġ li jesprimi fehmtu dwar dan fil-pubbliku. Hekk għamlu s-sena l-oħra Evarist Bartolo u Godfrey Farrugia. Kien hemm oħrajn li tkellmu fil-magħluq waqt laqgħat tal-Grupp Parlamentari. Fil-gazzetti kienu ssemmew l-ismijiet tad-Deputat Prim Ministru ta’ dak iż-żmien Louis Grech u tal-Ministri Leo Brincat, Edward Scicluna u George Vella. Hemm ukoll id-dikjarazzjoni ċara pubblika ta’ Alfred Sant, avolja dan issa qed jitkellem ftit differenti. Naf li hemm oħrajn. Kollha talbu r-riżenja ta’ Konrad Mizzi.

Il-preokkupazzjoni tal-lum hi in parti riżultat ta’ din id-deċiżjoni żbaljata tal-Prim Ministru Joseph Muscat.

Il-kobba issa kompliet titħabbel bil-qtil ta’ Daphne Caruana Galizia.

Sfortunatament hemm min qed jitfa l-argumenti kollha f’borma waħda u jgħaqqad, b’mod irresponsabbli l-affarijiet, meta s’issa għad ma hemm l-ebda prova dwar min wettaq dan id-delitt u għal liema raġuni. L-iżbalji li saru fil-kors tal-investigazzjoni xejn m’huma ta’ għajnuna. La d-dewmien tal-Maġistrat Consuelo Scerri Herrera biex ma tibqax tmexxi l-investigazzjoni Maġisterjali u l-anqas li d-Deputat Kummissarju Silvio Valletta ma fehemx li l-presenza tiegħu fl-investigazzjoni tista’ tkun ta’ xkiel għall-kredibilita tal-konkluzjonijiet m’huma ser jgħinu.

F’dan il-kuntest il-kummenti ta’ Frans Timmermans Viċi President Ewlieni tal-Kummissjoni Ewropea huma ta’ validità kbira: “Let the investigation run its full course. What is not on is to start with a conclusion and look for facts to support that conclusion.”

Il-preokkupazzjoni tagħna lkoll hi ġustifikata. Imma tajjeb li nżommu quddiem għajnejna li t-taħwid kollu li għandna quddiemna ma tfaċċax f’daqqa, ilu jinġabar ftit ftit. Biex dan jingħeleb jeħtieġ l-isforz flimkien ta’ kull min hu ta’ rieda tajba.

 

ippubblikat f’Illum – Il-Ħadd 19 ta’ Novembru 2017

Advertisements

Beyond the Strasbourg debate

Last week’s debate in the European Parliament on the rule of law in Malta revealed that all political parties are preoccupied with the matter and the assassination of Daphne Caruana Galizia has made a bad situation worse.

This preoccupation has not developed overnight, it has accumulated over time. The appointment of various Commissioners of Police and their subsequent resignation for a variety of reasons has not been helpful: it has reinforced the perception that “all is not well in the state of Denmark”.

The Financial Intelligence Analysis Unit reports received by the Commissioner of Police, and in respect of which no investigation was carried out, sent out one clear message: in this country, some people are clearly not subject to the rule of law. Can anyone be blamed if this message – sent by the Commissioner of Police – was clearly understood by one and all?

This transmits an additional clear message: the authorities are in cahoots; they are scratching each other’s back. Even though reality may be different, this is the message which has gone through.

Unfortunately, some people may be cashing in on these developments and, as a result, increasing exponentially the lack of trust in public authorities in Malta. This is a very dangerous development and calls for responsible action on the part of one and all, primarily political parties. Speaking out publicly about these developments is justified, notwithstanding the continuous insults which keep being levelled against such a stand. It is time to stand up and be counted.

The Prime Minister erred when he did not dismiss Minister Konrad Mizzi and Chief of Staff at the OPM Keith Schembri on the spot, after it was clear that their names featured prominently in the Panama Papers. This serious error by the Prime Minister triggered a debate about the matter in the Labour Party. Some even had the courage to speak publicly: Evarist Bartolo and Godfrey Farrugia did so. Others participated actively in the internal debates within the Labour Party, in particular during meetings of the Parliamentary Group. Last year, the media had mentioned various Labour MPs as having been vociferous in internal debates on the matter: it was reported that former Deputy Prime Minister Louis Grech and senior Ministers Leo Brincat, Edward Scicluna and George Vella took the lead.

Even former Labour Leader Alfred Sant made public declarations in support of required resignations. This week, Sant sought to change his tune in a hysterical contribution to the Strasbourg debate. Others have preferred silence.

The Prime Minister’s erroneous position in refusing to fire Konrad Mizzi and Keith Schembri has been a major contributor to the present state of affairs. The murder of Daphne Caruana Galizia has made matters worse and has, justifiably, led to the current preoccupation with the question of whether the rule of law is still effective in Malta at all.

Unfortunately some individuals begin linking all the incidents together – in the process, weaving a story which is quite different from reality, at least that which is known so far. Some claim to be able to joint the dots, thereby creating a narrative unknown to the rest of us, because the dots can be joined in many different ways.

Mistakes made during the initial stages of the investigation of the Daphne Caruana Galizia murder further reinforce the perceptions that all is not well. When Magistrate Consuelo Scerri Herrera took quite some time to realise that it was not right for her to lead the investigation into the murder of a journalist who had been the prime mover in torpedoing her elevation to the position of a Judge in the Superior Courts, everyone was shocked.

Even the failure of Deputy Police Commissioner Silvio Valletta to realise that for him to lead the police investigation into Daphne Caruana Galizia’s murder could dent the credibility of the police investigation in view of his marriage to a Cabinet Minister was another serious mistake. This is no reflection on the couple’s integrity but an ethical consideration which should have been taken into consideration in the first seconds of the investigation.

In this context, the comments of European Commission Senior Vice President of the European Commission Frans Timmermans assume greater importance “Let the investigation run its  full course. What is not on is to start with a conclusion and look for facts to support that conclusion.”

It is reasonable that all of us are seriously preoccupied. The present state of affairs did not develop overnight. It requires the concerted efforts of all of us to be put right.

published in The Malta Independent on Sunday – 19 November 2017 

Il-Grupp Parlamentari Laburista u l-iskandlu tal-Panama

Joseph Muscat +

Id-dimostrazzjoni tal-Partit Laburista li saret fuq Kastilja nhar il-Ħadd l-1 ta’ Mejju ma kienitx dwar l-iskandlu tal-Panama. Bħal kull attività politika pubblika tingħata t-tifsira li jkun l-aktar jaqbel. Għalhekk naturali, u nifhem li l-Partit Laburista, taħt assedju tul dawn l-aħħar tmien ġimgħat, jinterpreta d-daqs tal-folla fuq Kastilja bħala waħda li tagħtih appoġġ f’dan il-mument diffiċli.

Peró, fir-realtà, x’appoġġ qed tagħti l-folla lill-partit f’dan il-mument kritiku?

Il-Prim Ministru Joseph Muscat innifsu mhuwiex ċert. Ġie ikkwota jgħid li jekk il-każ Panama huwiex magħluq jew le, iridu jkunu in-nies li jiddeċiedu. Ma kienx qed jirreferi biss għal dawk li kellu quddiemu. Muscat hu konxju li kemm Konrad Mizzi kif ukoll Keith Schembri l-Kasco għamlu gaffe kbir. Imma Konrad u Keith ħadmu miegħu mill-qrib u hu ovvju li jħossu obbligat mhux ftit lejhom. Għalhekk dam biex iddeċieda u meta iddeċieda iċċaqlaq mill-inqas u effettivament ma ddeċieda xejn.

Ittieħdu żewġ miżuri : Konrad ma baqax direttament responsabbli għall-enerġija imma tħalla membru tal-Kabinett bħala Ministru bla portafoll. Kien ġest simboliku li bih Joseph Muscat qed jirrikonoxxi li sar żball imma mhux qiegħed jaċċetta li l-iżball hu gravi biżżejjed li jimmerita tkeċċija. L-iskuża fjakka li qed iġib Muscat hi li ħadd ma qiegħed jallega llegalità. Li mhux qiegħed jgħid Muscat hu li dwar allegazzjonijiet ta’ illegalità ma hemmx ħtieġa ta’ intervent tiegħu għax jeżistu mekkaniżmi legali li jipprovdu għal dan l-intervent min-naħa tal-awtoritajiet. L-issue reali, a bażi ta’ dak li hu magħruf s’issa pubblikament hi waħda ta’ imġieba u ta’ serjetà fit-tmexxija [good governance].

Konrad irriżenja [jew ġie mitlub jirriżenja] minn Deputy Leader tal-Partit ftit ġimgħat wara li inħatar f’elezzjoni fejn kien jidher li kien il-magħżul u tellaq waħdu.

Il-mistoqsija inevitabbli hi : għalfejn ma rriżenjax minn kollox? Dak li għamel [li għandu kumpanija fil-Panama] għandu jkun tal-mistħija għalih, għall-partit u għall-pajjiż. Dwar l-istess ħaġa irriżenja l-Prim Ministru tal-Iżlanda kif ukoll Ministru Spanjol. Imma Konrad le, għax skond Joseph, fil-waqt li l-affarijiet setgħu saru aħjar, ma sar xejn ħażin.

Din hi l-qalba tal-problema. Li Joseph Muscat hu amorali. L-etika għalih hi irrelevanti. Jgħodd x’inhu legali jew illegali imma mhux x’inhu tajjeb jew ħażin.

Fortunatament bosta membri tal-grupp parlamentari jaħsbuha differenti minn hekk. Hemm min tkellem fil-pubbliku bħalma għamlu Evarist Bartolo u Godfrey Farrugia. Hemm oħrajn li tkellmu fil-magħluq waqt laqgħa tal-Grupp Parlamentari. Issemmew l-ismijiet tad-Deputat Prim Ministru Louis Grech u tal-Ministri Leo Brincat, Edward Scicluna u George Vella. Hemm ukoll id-dikjarazzjoni ċara ta’ Alfred Sant. Naf li hemm oħrajn. Kollha talbu r-riżenja ta’ Konrad Mizzi.

Il-grupp parlamentari laburista m’huwiex kuntent bis-sitwazzjoni. Huwa konxju li s-skiet tal-Partit Laburista quddiem it-taħwid tal-Gvernijiet tas-snin 70 u 80 kienet raġuni ewlenija li kkundannat lill-partit għal 25 sena fl-Opposizzjoni. Illum jirrealizzzaw li hu kmieni wisq, wara biss tlett snin, biex il-partit laburista jsib ruħu f’dan it-taħwid kollu. Il-ftit li għamel Joseph dwar il-kaz (anke jekk kosmetiku) għamlu biex jipprova jissodisfa lill-grupp parlamentari tiegħu. Imma xorta ħadd ma hu sodisfatt. Dan kien jidher anke nhar il-Ħadd mill-body language ta’ Joseph x’ħin kien qed jindirizza l-folla fuq Kastilja.

Iċ-ċavetta qegħda f’idejn il-grupp parlamentari laburista biex dan iwassal lill-partit forsi jiġi f’sensieh. Is-soċjetà ċivili ukoll għandha responsabbiltà kbira li tibqa’ ssemma’ leħinha biex tkompli tagħmel il-kuraġġ lil dawk li fil-Partit Laburista qed jinsistu li Konrad (u Keith) għandhom jirriżenjaw. L-intellettwali tal-pajjiż hemm bżonn ukoll li joħorġu mill-friża u jiftħu ħalqhom flok ma jillimitaw ruħhom għat-tfesfis fil-widnejn.

Għax il-folol preżenti għad-dimostrazzjonijiet m’humiex biżżejjed biex tirbaħ l-elezzjonijiet. Hemm bżonn ferm iktar minn hekk. L-imġieba tajba tal-Gvern hi element essenzjali. U dan il-Gvern, bħal ta’ qablu qiegħed iġib ruħu ħażin.

Il-Grupp Parlamentari Laburista ………..beda jistenbaħ

 muscat_j_signing_election_1st_billboard

Kienet aħbar tajba fl-Independent il-bieraħ li l-laqgħa tal-Grupp Parlamentari Laburista kienet waħda imqanqla. Issemmew diversi ismijiet li insistew għar-riżenja tal-Ministru Konrad Mizzi. Issemmew l-ismijiet ta’ tlett Ministri li qablu li Konrad Mizzi għandu jirriżenja. [Varist Bartolo, Louis Grech u Leo Brincat – dal-għodu l-Malta Today semmew ukoll lil George Vella]

Bla dubju hemm oħrajn li s’issa għad ma kellhomx il-kuraġġ li jsemmgħu leħinhom. Fil-Parlament il-bieraħ beda jiċċaqlaq ukoll Edward Scicluna l-Ministru tal-Finanzi.

Konrad (u miegħu Keith Mizzi) żbalja li mar il-Panama, anke jekk il-kumpanija tiegħu ma laħqitx bdiet topera. Il-fatt biss li mar hemm hu ġustifikazzjoni biex jirriżenja.

Hi issue ta’ imġieba ħażina ta’ Konrad (u Keith).

Qegħdin nitkellmu dwar responsabbiltà politika li Konrad (u Keith) għandu jerfa’ talli fetaħ il-kumpanija fil-Panama.

Fl-aħħar, huwa ta’ inkuraġġiment li anke fil-Grupp Parlamentari Laburista hemm min jaħsibha b’dan il-mod. Fl-aħħar fil-Grupp Parlamentari tal-Partit Laburista hemm min stenbaħ u beda jaħseb b’moħħu. Avolja daqsxejn tard.

Il-ħsara li saret lill-pajjiż hi issa irreparabbli.

 

Bejn RCC u Olaf Terribile

RCC

 

Tiftakru meta l-Partit Laburista fil-Parlament ressaq mozzjoni ta’ ċensura kontra Richard Cachia Caruana? Il-mozzjoni dakinnhar kienet ġiet approvata għax Jeffrey Pullicino Orlando kien ivvota mal-Opposizzjoni u Jesmond Mugliette kien astjena.

Dakinhar fuq dan il-blog jiena kont ktibt li r-raġunijiet li kienu inġiebu mill-Opposizzjoni Laburista biex jiġi ċċensurat RCC kienu imġebbda. Għax dak li ntqal dakinnhar, kieku kien minnu, ma kienx jiġġustifika ċ-ċensura ta’ RCC imma tal-Gvern!

Li għamel il-grupp Parlamentari Laburista tlett snin ilu kien li ħa posizzjoni illi l-ħatriet fil-korp diplomatiku kellhom ikunu mgħarbla mil-Parlament. Tista’ taqbel jew ma taqbilx mat-tiġbid tal-argumenti imma naħseb li kien pass il-quddiem li f’Ġunju 2012 il-Parlament Malti iddiskuta l-ħidma tal-Ambaxxatur Richard Cachia Caruana.

F’dawn il-ġranet huwa imminenti li l-Gvern iħabbar il-ħatra ta’ ambaxxatur ġdid ta’ Malta għar-Republika tal-Poplu taċ-Ċina. Xniegħat persistenti jindikaw li ser jinħatar Olaf Terribile bħala ambaxxatur. Probabbilment li din il-ħatra tiegħu tidħol fis-seħħ fl-istess jiem meta hu mistenni li jirriżenja t-Tabib George Vella minn Ministru għall-Affarijiet Barranin minħabba raġunijiet ta’ saħħa.

Olaf Terribile għandu passat ikkulurit ħafna fis-servizz pubbliku. Kien Segretarju Privat tal-ex-President George Abela li kien neħħieh għax tilef il-fiduċja fih.

Ikun interessanti kieku l-Kumitat Parlamentari dwar l-Affarijiet Barranin jitħajjar jgħarbel il-ħatra tal-Ambaxxatur il-ġdid Olaf Terribile. Hu xieraq li jkun assigurat li Terribile għandu l-kompetenza biex jirrappreżenta lill-pajjiż li ma jmurx jirreżenja wara ftit inkella jitneħħa kif qed jingħad li ser jiġri dalwaqt lill-ambaxxatriċi preżenti ta’ Malta f’Washington.

Ikun għaqli kieku l-Parlament jibda jgħarbel dawn il-ħatriet tal-ambaxxaturi Maltin. Forsi l-ħatriet li jsiru (kemm dawk politiċi kif ukoll dawk li m’humiex) jibdew ikunu ftit iktar bis-sens.

Reflections from Carthage

Tunisia-Med

 

At the University of Carthage in Tunisia between Thursday and today the international community has been engaging with Tunisian civil society. The Fifth Global Forum on Modern Direct Democracy – Decentralisation by Participation exchanged views and experiences with all sectors of Tunisian civil society: young people, women and trade unionists were at the forefront, with very passionate views on the Tunisian roadmap to democracy.

Why has the Arab Spring in Tunisia provided different results from those reaped in Egypt, Libya, Yemen and Syria?

Yahd Ben Anchour, lawyer, former Chairman of the High Commission for the Preservation of the Revolution, and charged with overseeing  constitutional reform in a post Ben Ali Tunisia, emphasised the fact that the roots of this more successful outcome can be traced to a number of policy decisions in the late 1950s. The then Tunisian strongman Habib Bourguiba had championed free access to education, including higher education. He had, moreover, championed gender equality right from the first days of independence.  Tackling these issues made Bourguiba an exception in the Arab world.

From outside Tunisia, Bourguiba’s personality cult, the large scale clientelism over the years as well as the leadership of a one party-state naturally overshadowed his otherwise significant  social achievements, which are considered by many as the essential building blocks of today’s Tunisia civil society.

Even though a number of Tunisian women are still shackled by tradition, the number of them active in public life is impressive. It is this exceptionalism which has given the Arab Spring in Tunisia the edge over neighbouring countries and consequently the reasonable chance of success.

Mohammed Bouazizi’s  self immolation and subsequent death on the 4 January 2011 brought together all those dissatisfied with the Tunisian regime, leading to its downfall and laying the foundations for the first democratic state in the Arabic family of nations.

The debate in the Global Forum focused on the discontinuity of the electoral process in contrast to the permanence of political dialogue and participation. In a society which has rediscovered its hold over its own destiny, it is emphasised that political participation bridges the gaps of political time and goes beyond political monoplies. All Tunisian participants emphasised the fact that direct democracy reinforces – and is complimentary to – representative democracy.

Power originates from the people, who ultimately remain its sole arbitror. This can be done through referenda, not just to delete legislation but also to propose measures which the elected representatives did not consider necessary.

It is an ongoing debate that sees young people, women and trade unionists together with a new generation  of political activists debating the next steps to be taken by a democratic Tunisia.

It is in Malta’s interest to nurture this democratic development on our southern borders. We are not accustomed to having this type of neighbour!   During a recent meeting with Tunisian Premier Habib Essid, Malta’s Foreign Minister George Vella stated that Malta was willing to support Tunisia’s democratic process.  Back in 2012, in the first months after the revolution, Michael Frendo, then Speaker of Malta’s House of Representatives,  had also been in Tunisia, offering Malta’s  hand of friendship and cooperation to our neighbours.

Some positive developments for a change to our south.

Published in The Independent on Sunday : 17 May 2015

Waqt li Joseph jilgħab bis-silġ …………….

 

joseph_muscat_konrad_mizzi_ice_bucket_challenge

Waqt li f’Malta l-Prim Ministru u l-Kabinett tiegħu flimkien ma diversi personalitajiet oħra qed jilgħabu bis-silġ,  fil-Libja, wara biebna hawn ħuġġieġa.

George Vella f’intervista l-ġimgħa l-oħra fisser kemm din il-ħuġġieġa fil-Libja hi ta’ theddida għal Malta. In-newtralita’ ta’ Malta, qal George Vella, kif inhi dikjarata fil-Kostituzzjoni ma tiswiex il-karta li hi miktuba fuqha.

Għandna bżonn naħsbuha sewwa dwar x’ser nagħmlu dwar id-difiża tagħna u dan għax aħna vulnerabbli.

Sa issa kellna skiet komplet dwar l-intervista ta’ George Vella.

“Wasal iż-żmien” qal Vella, “li nirrevedu dak li iddeċidejna dwar id-difiża ta’ Malta. Dak li kien jgħodd fis-snin 80 m’għadux jgħodd illum.”

Ikun ferm aħjar kieku flok mal-Prim Ministru jibqa’ jilgħab bis-silġ jipprova jindirizza din il-materja.

Il-Ministru tal-Affarijiet Barranin qed jgħid lil Muscat li Malta m’għandha l-ebda difiża sura. Imma Muscat jippreferi li joqgħod jilgħab bis-silġ.

Natanyahu b’karrotti għal Joseph Muscat

1kg_carrot.Israel

 

F’Ottubru li għadda il-Prim Ministru Joseph Muscat mexxa delegazzjoni Maltija fl-Iżrael. Kien hemm diversi Ministri u tkellmu dwar diversi affarijijiet. Kollha affarijiet important.

Bla dubju tkellmu ukoll dwar l-appoġġ li Malta ilha snin twal tagħti lill-kawża Palestinjana. Appoġġ li ingħata minn diversi Gvernijiet.

Fl-istqarrija li l-Prim Ministru kien għamel fil-Parlament nhar il-21 t’Ottubru 2013 jissemmew ħafna affarijiet interessanti u utli li dwarhom id-delegazzjoni Maltija tkellmet mad-diversi politiċi li ltaqgħet magħhom.

Ma tissemmiex ħaġa waħda: appoġġ politiku lill-istat tal-Iżrael.

Ftit ftit minn Ottbru 2013 lil hawn ħerġin biċċiet ta’ informazzjoni li jindikaw illi għaddej taqlib kbir fil-politika Maltija fil-konfront tal-Iżrael.

Il-Malta Today ippubblikat artiklu minn Jürgen Balzan dwar dan.  Jidher li għaddej argument bejn George Vella  Ministru tal-Affarijiet Barranin li jsostni appoġġ lill-kawża palestinjana u dawk fil-Kabinett li huma iktar prammatiċi u allura jitkellmu b’mod li jidhru bilanċjati, jiġifieri kritiċi nofs kedda  favur tal-qagħda attwali fil-Lvant Nofsani.

Fin-nofs jidher li hemm l-appoġġ għall-kandidatura tal-Iżrael għall-Kunsill tas-Sigurta’ tal-Ġnus Magħquda. Il-Gvern Malti jidher li qed jikkunsidra li jappoġġa din il-kandidatura.

Nistennew il-karrotti ta’ Natanyahu.

Is-sigriet tal-Ministru George Vella

George Vella

 

Segwejt il-parti l-kbira tad-dibattitu dwar is-sitwazzjoni fil-Libja fil-Parlament il-bieraħ.

Il-Gvern qed jiġi ikkritikat mill-Opposizzjoni u minn parti mill-media li żamm il-ħtif tal-Malti Martin Galea mistur.

Għamel sewwa jew għamel ħażin?

B’mod ġenerali l-Gvern għandu jkun trasparenti. Għandu jinforma mhux jaħbi. Iżda anke għal dan, f’soċjeta’ demorkatika hemm l-eċċezzjonijiet.

Hawn għandna każ ta’ ħtif minn grupp terroristiku. X’gwadann kien ser ikun hemm kieku l-Gvern, ġimgħa ilu ħareġ l-aħbar li Malti ġie maħtuf? Xejn, assolutament xejn ħlief pubbliċita’ lil att ta’ terroriżmu.

Imma kien ikun għaqli kieku l-Ministru ta’ l-Affarijiet Barranin George Vella  informa b’mod kunfidenzjali lill-Opposizzjoni dwar dan. Dan jidher li ma sarx.

L-iżball tal-Ministru George Vella

George Vella 5

George Vella hu persuna valida. Għandu l-ideat tiegħu. Ħadem favur tagħhom biex jara politika aħjar. L-affarijiet mhux dejjem ġew kif xtaq. Għandi kull rispett lejh. Diġa ktibt dwaru xi drabi oħra fuq dan il-blog.

Fl-intervista riċenti li kellu fuq is-CNN, George Vella bħala Ministru tal-Affarijiet Barranin qabad il-problema tal-immigrazzjoni irregolari minn sieqha.

Il-kundizzjonijiet fil-kampijiet tal-immigranti huma fatt. Ir-rewwixti f’dawn il-kampijiet huma fatt ukoll. Pero’ dawn m’humiex il-problema.

Il-problema hi waħda: sempliċi u ikkumplikata fl-istess ħin.

Ir-regoli interni tal-EU magħrufa komunement bħala l-Konvenzjoni ta’ Dublin, jew Dublin II wara xi emendi żgħar li kienu sarulha, ma jippermettux illi refuġjat jiċċaqlaq mill-pajjiż tal-EU li fih ikun niżel l-ewwel darba. Biex dawn ir-regolamenti jinbidlu jeħtieġu l-approvazzjoni tal-Gvernijiet membri tal-EU.

Biex jitnaqqas il-piż minn fuq Malta, Lampedusa (u l-Italja), kif ukoll minn fuq pajjiżi oħra li jkunu effettwati minn żmien għal żmien jeħtieġ li dawn ir-regoli ta’ Dublin jinbidlu.

Il-Ħodor Ewropej (European Greens), wara diskussjoni interna li fiha Alternattiva Demorkatika tat kontribut kbir jaqblu li dawn ir-regoli għandhom jinbidlu u dan biex tkun iffaċilitata l-qsim tar-responsabbilta’ (responsibility sharing) bejn il-pajjiżi kollha membri tal-Unjoni Ewropeja.

Martin Schultz, il-Kandidat Soċjalista għall-Presidenza tal-Kummissjoni Ewropeja iddikjara diġa li jaqbel ma dan.

Imma l-Gvernijiet Ewropej għadhom ma qablux.

X’għamel George Vella biex ta’ l-inqas jikkonvinċi lill-Gvernijiet immexxija mis-Soċjalisti?

Din hi l-probelma reali Dr Vella. Mhux aħjar tmidd għonqok għax-xogħol?

Naf li iebsa ħafna. Imma hi l-unika triq. Dejjem aħjar mill-paroli vojt u bla sens.