Min qed jiġbed l-ispag?

Hemm mistoqsija li bla dubju tberren f’moħħna aħna u nisimgħu jew x’ħin inkunu qed naqraw rapporti dwar ix-xhieda li qed tinġabar il-Qorti in konnessjoni mal-assassinju ta’ Daphne Caruana Galizia. Lil min qed tipproteġi l-pulizija?

Qed joħroġ messaġġ ċar li f’waqtiet partikulari xi uffiċjali tal-Pulizija u l-kriminali li bħalissa qed ikunu investigati kienu id f’id. Naturalment l-uffiċjali in kwistjoni dan jiċħduh. Imma, sfortunatament għal kulħadd, il-kredibilità tagħhom ilha li spiċċat.

Id-deċiżjoni tal-5 t’Ottubru 2018 tal-Qorti Kostituzzjonali dwar Silvio Valletta, dakinnhar Deputat Kummissarju tal-Pulizija, b’kunflitt ta’ interess minħabba r-responsabbiltajiet politiċi ta’ martu Justyne Caruana (politically exposed person) għamlet l-affarijiet ferm agħar. Fl-2018 il-Qorti Kostituzzjonali kienet aċċettat l-argumenti ta’ tal-familja ta’ Daphne Caruana Galizia u ordnat li Silvio Valletta jitbiegħed mill-investigazzjoni dwar l-assassinju.

Fid-dawl tal-allegazzjonijiet kontra id-Deputat Mexxej tal-Partit Laburista Chris Cardona dwar il-possibiltà ta’ ordni separata għall-assassinju ta’ Caruana Galizia, jikber konsiderevolment id-dubju dwar min qiegħed ikun protett mill-Pulizija. Għax kif jista’ jkun li Deputat Kummissarju tal-Pulizija li hu politikament espost jinvestiga politiku ġej mill-istess partit politiku li fih hi attiva martu ukoll Membru tal-Kabinett? Kien fit-8 ta’ Mejju 2016 li din il-gazzetta kienet irrappurtat illi Silvio Valletta kien offrut il-ħatra ta’ Kummissarju tal-Pulizija imma ma aċċettax minħabba li martu Justyne Caruana u l-fatt li “hija Membru tal-Kabinett u persuna prominenti fil-Partit Laburista, seta’ jitfa’ wisq piż u dell fuq l-operat tiegħu kieku aċċetta li jkun fit-tmun tal-Korp.” Dakinnhar iddeċieda tajjeb imma wara insihom id-dellijjiet!

Il-problema tikber konsiderevolment kull meta jissemmgħu dawk li kienu madwar Joseph Muscat, ewlieni fosthom Keith Schembri. Imma hemm oħajn ukoll li kellhom parti importanti fl-iżviluppi ta’ din il-ġimgħa: min jikkonsla u jikkalma u min iwassal il-messaġġi.

Hu magħruf li kemm Chris Cardona kif ukoll Keith Schembri intalbu jwieġbu xi mistoqsijiet mill-Pulizija imma safejn hu magħruf pubblikament s’issa ħadd minnhom mhu qed jiġi investigat.

Jingħad li għad baqa’ informazzjoni sensittiva x’tinkixef.

Irridu nżommu quddiem għajnejna li Daphne kienet stħarrġet u kitbet dwar il-każijiet ta’ korruzzjoni ewlenin fil-pajjiż tul dawn l-aħħar snin, li minnhom ma kellniex ftit. L-atturi xi drabi huma l-istess. Din il-ġimgħa kellna iktar informazzjoni fuq każ kbir. Hu il-kaz tal-Montenegro li stħarrġet it-Times u li minnu irriżulta li 17 Black ta’ Yorgen Fenech daħħlet madwar ħames miljun euro minn fuq dahar l-Enemalta. Min hemm sħab ma Fenech fis-17 Black u s’issa ma jidhirx?

Ix-xhieda fil-Qorti fil-kaz tal-assassinju qed jindikaw il-possibilità li hemm iżjed minn moħħ wiehed wara dan il-qtil. Yorgen Fenech ilu jinsisti li mhux hu l-moħħ iżda li hemm xi ħaddieħor li hu aqwa minnu.

Ma nagħmlux mod li dawn l-idejn moħbija wara l-qtil għandhom interess ukoll fil-qliegħ mill-Montenegro fejn spiċċa jidher Yorgen Fenech għal darba oħra għalihom hux?

Min qed jiġbed l-ispag f’dan kollu? Meta l-Pulizija jagħmlu investigazzjoni iktar fil-fond forsi jkollna ħjiel. Imma ma jiddependix biss minnhom. Jiddependi ukoll minn min s’issa għadu qiegħed jerfa’ l-piz waħdu u jostor lil ħaddieħor.

Il-kobba hi mħabbla sewwa. L-iskandli wieħed wara l-ieħor ilhom jakkumulaw. Dwar uħud minnhom ma sar xejn u dwar oħrajn tapari sar xi ħaġa. F’dan kollu hemm rwol fundamentali għall-ġurnaliżmu investigattiv li b’responsabbiltà jgħarbel u jfittex il-konnessjonijiet bejn in-numru dejjem jikber ta’ skandli. Il-qtil biex isikket lil min jinvestiga mhuwiex biss delitt kontra l-persuna imma hu ukoll delitt kontra d-demokrazija. Għax l-istampa libera li ma tibżax hi pilastru ewlieni tad-demokrazija tagħna.

L-istess idejn jidhru repetutament. Min hemm mistoħbi warajhom? Min qed jiġbed l-ispag Delimara, il-Montenegro u lura sal-Bidnija?

ippubblikat fuq Illum : Il-Ħadd 21 ta’ Ġunju 2020

Who is the puppet master?

There is a lingering question as we listen to or read reports on the evidence being compiled in Court relative to the assassination of Daphne Caruana Galizia. Who do the police protect?

The clear message being conveyed is that at a point in time specific police officers and the criminals currently under investigation were apparently in cahoots. Naturally, the officers referred to always deny any wrongdoing. Unfortunately for all of us, their credibility has been discarded over the years.

The decision of the Constitutional Court on the 5 October 2018 relative to Silvio Valletta, formerly Deputy Police Commissioner, having a conflict of interest on account of his being a politically exposed person due to his marriage to former Gozo Minister Justyne Caruana made matters worse. In 2018 the Constitutional Court had accepted the arguments of the family of Daphne Caruana Galizia and ordered that Silvio Valletta desists from continuing to be part of the investigation into the assassination.

In view of the allegations against former Deputy Leader of the Labour Party Chris Cardona about the financing of a separate and parallel DCG assassination contract, doubts linger on as to who received police protection. How could a politically exposed Deputy Police Commissioner investigate a politician belonging to the same political party as his wife, a Cabinet Minister? After all it was Silvio Valletta himself who in 2016 was reported in the Press as having declined being appointed as Commissioner of Police due to the perceived incompatibility of the duties of Commissioner with that of Cabinet Minister, as his wife then was. He took the right decision then!

The problem is further compounded by references to Joseph Muscat’s then Chief of Staff Keith Schembri as well as other persons close to the Office of the Prime Minister during the murder proceedings.

It is known that both Chris Cardona and Keith Schembri were questioned by the Police, but as far is publicly known none of them is under investigation yet. We do not know much more except the selected leaks planted in the media over the past weeks by those who certainly have some axe to grind.

The latest twist to the whole saga is the instructions issued by inquiring Magistrate that the police investigate the behaviour of former Police Commissioner Lawrence Cutajar after it was revealed in open court that he may have messed things up in his contacts with potential witnesses.

It is rumoured that there is still much more to be unravelled. While the evidence being heard in Court is pointing towards the possibility of two separate initiatives leading to the assassination of DCG it is still unclear as to who the real mastermind is. Whether Yorgen Fenech is a mastermind is still to be proven to the satisfaction of the Court. We should however remember that he contests this and points elsewhere.

Whether the ultimate puppet master is eventually identified is dependent on the investigative skills of the police. It also however depends on the extent to which those currently shouldering the blame are willing to pay the full price for the crime commissioned by others.

The resignation of Chris Cardona from Deputy Leader earlier this week is long overdue. He should have departed the moment the Acapulco brothel scandal saw the light of day. But that is another matter about which the whole truth is not yet in the public domain. Hopefully at some point in time more will be revealed as it may yet turn out to be of fundamental importance in entangling the whole mess.

At the end of the day it should be clear that crime does not pay.

 

Published on the Malta Independent on Sunday: 20 June 2020

Riżenja f’waqtha ta’ Justyne

Ir-riżenja ta’ Justyne Caruana minn Ministru kienet f’waqtha. Għamlet sewwa li irriżenjat. Fiċ-ċirkustanzi kif żviluppaw kienet l-unika triq onorevoli li setgħet tieħu. Għamel sewwa l-Prim Ministru li aċċetta din ir-riżenja mill-ewwel.

Dan hu l-mod normali li jaġixxu l-politiċi f’pajjiż normali. Huwa tajjeb li qed nibdew noqorbu lejn in-normalità.

Nifhem perfettament l-ispjega li tat Justyne li ma kelliex x’taqsam xejn ma dak li ġara. Imma li tgħid li ma kienet taf b’xejn hu daqsxejn diffiċli li titwemmen.

Il-gravità ta’ dak li ġara hi l-familjarità żejda li uffiċjal ewlieni tal-Korp tal-Pulizija kellu ma persuna taħt suspett, irrispettivament jekk kienx jaf bis-suspett jew le. Anke f’dan il-każ diffiċli li jitwemmen Silvio Valletta, żewġ Justyne, meta qal li ma kienx jaf li Yorgen Fenech kien taħt suspett, jew bil-linġwaġġ il-ġdid tal-Pulizja, persuna ta’ interess.

B’dawn il-ħbieberiji, wieħed jista’ jifhem iktar għaliex il-Pulizija mhux dejjem jaslu biex isolvu l-kazijiet, inkella jdumu biex jaslu. Huwa l-Korp kollu tal-Pulizija li jiġi kompromess b’dawn il-ħbiberiji. Anke min jimxi sewwa.

Il-problema hi waħda: min jaf x’hemm iżjed li għad ma nafux bih!

Meta wieħed iqis li Silvio Valletta kien wieħed mill-aħjar ufficjali tal-Korp tal-Pulizija, nitkexkex biss naħseb x’jistgħu jagħmlu l-oħrajn.

L-investigazzjoni dwar il-qtil ta’ Daphne taħt il-lenti

Fiċ-ċirkustanzi kif qed jiżviluppaw, ħadd ma jista’ jagħti tort lill-familja Caruana Galizia li jkollha dubji serji dwar il-proċess kollu tal-investigazzjoni dwar il-qtil ta’ Daphne Caruana Galizia.

L-investigazzjoni bdiet fuq sieq ħażin mill-ewwel, meta tfaċċat il-Bidnija l-Maġistrat Consuelo Scerri-Herrera. Il-Maġistrat damet ħin twil iddur mal-lewża sakemm iddeċidiet li tastjeni u titlob li jinħatar Maġistrat ieħor. Biex tagħqad sakemm iddeċidiet ordnat numru ta’ familjari ta’ Daphne Caruana Galizia biex ikunu l-Qorti propju fl-ewwel siegħat tal-investigazzjoni, kważi immedjatament kif inqatlet.

Bla dubju l-Maġistrat Scerri-Herrera ittratta ħażin ħafna lill-familja ta’ Daphne.

Imbagħad sirna nafu li l-investigazzjoni kienet taħt id-direzzjoni tad-Deputat Kummissarju (tal-Pulizija) Silvio Valletta li hu miżżewweġ lill-Ministru għal Għawdex Justyne Caruana. Xahar ilu ktibt li kien ikun għaqli kieku l-investigazzjoni qed imexxiha fizzjal ieħor tal-Pulizija. Dan minħabba d-dellijiet politiċi li bil-fors iġorr miegħu d-Deputat Kummissarju. Tajjeb li nfakkarkhom x’kienet irrappurtat il-gazzetta Illum meta Silvio Valletta kien qed jissemma’ għal Kummissarju tal-Pulizija:

“L-ILLUM tista’ tiżvela li fost il-persuni li ġew avviċinati biex jokkupaw il-kariga ta’ Kummissarju tal-Pulizija kien hemm l-Assistent Kummissarju Silvio Valletta. Is-sorsi qrib il-Korp tal-Pulizija li tkellmu mal-ILLUM qalu li minkejja li Valletta kien ikkunsidrat bħala kandidat mill-aktar idoneu għall-kariga, hu rrifjuta.
Għalkemm għadu mhux ċar x’inhuma r-raġunijiet kollha għal dan ir-rifjut, dawk li tkellmu magħna qalu li waħda mir-raġunijiet ewlenin għalfejn Valletta ma xtaqx li jokkupa l-ogħla kariga fil-korp kien minħabba l-kariga politika ta’ martu, Justyne Caruana. Nies li tkellmu ma’ Valletta qalu li l-Assistent Kummissarju jħoss li l-fatt li Caruana hija Membru tal-Kabinett u persuna prominenti fil-Partit Laburista, seta’ jitfa’ wisq piż u dell fuq l-operat tiegħu kieku aċċetta li jkun fit-tmun tal-Korp.”

Dan kollu seta jkun evitat, bi ftit ħsieb. Inutli noqgħdu nparlaw żejjed fil-konfront ta’ xulxin. Kieku l-affarijiet isiru sewwa, mill-ewwel, jkun tajjeb għal kulħadd.

Is-siġġijiet tal-PN fil-Parlament

PN seats

Għaddej ħafna paroli bħalissa dwar dawk iż-żewġ siġġijiet li l-Qorti ordnat lill-Kummissjoni Elettorali biex tagħti lill-PN.

L-istorja hi ħafna iktar ikkumplikata minn hekk.

Fl-elezzjoni ġenerali tal-2013 il-Partit Laburista rebaħ 39 siġġu Parlamentari u l-PN rebaħ 26. Dwar tnejn mis-siġġijiet li rebaħ il-Partit Laburista kien hemm l-iżbalji. Qed nirreferi għas-siġġu Parlamentari li rebaħ Edward Scicluna fuq id-Distrett ta’ B’Kara (8) u għas-siġġu Parlamentari fuq id-Distrett ta’ Għawdex (13) li rebħet Justyne Caruana. Li kieku ma sarux l-iżbalji flokhom kienu jitilgħu Claudette Buttigieg u Fredrick Azzopardi.

X’għandu jiġri mela? Il-loġika tgħidlek li jekk il-Qorti ikkonfermat l-iżball il-Kummissjoni Elettorali għandha tkun ordnata tikkoreġi l-iżball.

Hemm mod wieħed kif jiġi ikkoreġut l-iżball. Dan isir billi ir-riżultat finali issirlu korrezzjoni. Fit-tmien Distrett flok Edward Sicicluna titla’ Claudette Buttigieg u fit-Tlettax-il Distrett flok Justyne Caruana jitla’ Fredrick Azzopardi. Dan ifisser ukoll li r-riżultat finali flok ma jaqra 39 siġġu għall-PL u 26 siġġu għall-PN jibda jaqra 37 siġġu għall-PL u 28 siġġu għall-PN.

Id-differenza ta’ siġġijiet bejn il-PN u l-PL ma tibqax 13 imma issa issir 9. Dan kollu jfisser li wieħed ikun irid jara mill-ġdid jekk ikunx hemm ħtieġa illi tkun applikata l-emenda Kostituzzjonali li tirrestawra l-proporzjonalita’ billi iżżid is-siġġijiet.

Il-helicopter għal Justyne

helicopter AFM

Justyne twasslet l-ajruport malajr bil-helicopter. Għax inkella ma kienitx tlaħħaq, qalulna, u dan minħabba li damu ma iddeċidew. Il-problema ma kienitx Justyne, iżda l-fatt li damu ma iddeċidew.

Il-każ tal-helicopter, kif qalulna, mhux biss ta’ Justyne iżda ukoll il-każ ta’ Lawrence Gonzi. Ta’ meta għamel użu mill-helicopter għal xi tieġ, għall-opra jew biex ilaħħaq jattendi għal xi funeral ukoll. Issemma ukoll meta Lawrence Gonzi għamel użu minn ajruplan tal-Forzi Armati ta’ Malta biex jattendi Palermo għal attivita tal-Partit Popolari Ewropew.

Issa dan kollu huwa tajjeb jew ħażin? Għall-PN Justyne abbużat! Għall-Labour il-PN m’għandux dritt jakkuża b’abbuż għax il-PN fil-Gvern “abbuża ħafna iktar minn hekk”!

Ir-realta’ hi li dan hu każ fejn għandu jkun ċar għal kulħadd liema huma dawk il-faċilitajiet u servizzi li joffri l-istat li jistgħu jkunu użati mill-politiċi kif ukoll taħt liema kundizzjonijiet dan jista’ jsir..

Jiena ma nara xejn ħażin li fiċ-ċirkustanzi partikolari li nqalgħu Justyne utilizzat il-faċilita’ tal-helicopter. Nittama biss li f’ċirkustanzi simili jintużaw l-istess kriterji ma kulħadd.

Jibqa’ l-każ ta’ Lawrence Gonzi. Kien ġustifikat jew le li juża ajrulan tal-Forzi Armati ta’ Malta biex imur Palermo jattendi laqgħa tal-Partit Popolari Ewropew . Jiena kont dakinnhar ikkritikajt il-kaz billi fuq dan il-blog għidt li l-PN jisserva bl-Armata.

L-impenji ta’ Lawrence Gonzi, kienu qalulna dakinnhar, kienu tali li meta tqis kollox dan kien l-unika mod kif jasal għall-laqgħa tal-Partit Popolari Ewropew f’Palermo. Wieħed jista’ jasal biex jaċċetta dan it-tip ta’ argument biss meta jkun ċar li l-Armata mhux ser tintuża biex tissussidja lill-Partit Politiċi. F’ċirkustanzi bħal dawn, meta jkunu ġustifikati, għandu jintbagħat kont mill-Armata lill-partit politiku li jkun utilizza s-servizzi tagħha.

Dan ukoll hu wieħed mill-materji ta’ relevanza kbira għal Standards fil-ħajja pubblika.

Jekk nifhmu dan, il-helicopter għal Justyne ikun sewa għal xi ħaga!

Franco jgħid biss biċċa …………… aħjar jispjega l-vot tiegħu kontra l-mozzjoni 110

Fuq il-blog tiegħu Franco Debono biex iwieġeb dak li qalet Alternattiva Demokratika dwaru dalgħodu irriproduċa d-diskors li kien għamel fil-Parlament nhar is-6 ta’ Mejju 2012 fejn jitkellem dwar l-impatti tal-estensjoni tal-power station. Jgħid ukoll illi wara d-diskors tiegħu  Austin Gatt ma baqax resposnabbli għall-Enemalta!

Ma nafx kif wasal għal din il-konklużjoni. Imma apparti dan. Il-punt tiegħi hu li meta l-mozzjoni numru 110 tressqet għall-vot Franco Debono ivvota kontra. X’jiswa li tgħid ħafna kliem sabiħ jekk imbagħad dak li tagħmel ma jaqbilx ma dak li tgħid?

Nhar is-6 ta’ Mejju 2010 l-Parlament ivvota fuq il-mozzjoni numru 110 imressqa mill-Opposizzjoni. L-mozzjoni kienet fost oħrajn :

  1. Turi nuqqas ta’ qbil dwar il-mod kif mexa l-Gvern fl-estensjoni tal-Power Station,
  2. Tesprimi nuqqas ta’ qbil għall-għażliet teknici li saru li f’dan l-istadju warrbu l-gass, ekoloġikament superjuri u ekonomikament orħos għall-konsumaturi,
  3. Tikkundanna lil Austin Gatt li ħalla l-pjani jaqgħu lura b’mod li l-power station eżistenti m’hiex tlaħħaq mad-domanda,
  4. Tikkundanna t-tibdil fil-leġislazzjoni ambjentali li sar, għax b’hekk biss il-BWSC setgħet tirbaħ il-kuntratt,  l-iskart tossiku li ser ikun iġġenerat, it-tniġġiż iġġenerat mill-Heavy Fuel Oil

Nhar is-6 ta’ Mejju 2010 kienet dik is-seduta li fiha kien hemm taħwida fil-votazzjoni dwar kif fil-fatt ivvutaw Mario Galea u Justyne Caruana. Wara t-taħwida l-Ispeaker iddeċieda li l-Parlament jerġa’ jivvota ħalli jkunu iċċarati l-affarijiet. L-Opposizzjoni dehrilha li dan kien logħob bir-regoli tal-Parlament u ħin minnhom ħarġet il-barra.  Meta l-Ispeaker sejjaħ il-vot mill-ġdid l-Opposizzjoni bi protesta ma ivvutatx.

Il-minuti tal-Parlament  fil-fatt jgħidu hekk :

“ Il-Membri qablu li din il-votazzjoni tittieħed dak il-ħin stess.

Il-Kamra ivvotat hekk:

VOTAZZJONI NRU.  88                                ĦIN: 1.21 am

ĦADD FAVUR

 

KONTRA :  35

L-Onor.

 

Agius David Galea Mario
Agius Francis Gatt Austin
Arrigo Robert Gonzi Lawrence
Azzopardi Frederick Gonzi Michael
Azzopardi Jason Gouder Karl
Bonnici Charlo’ Micallef Peter
Borg Tonio Mifsud Philip
Cassar Joseph Mifsud Bonnici Carmelo
Cristina Dolores Mugliett Jesmond
de Marco Mario Puli Clyde
Debono Franco Pullicino George
Debono Giovanna Pullicino Orlando Jeffrey
Deguara Louis Said Chris
Falzon Joseph Spiteri Stephen
Farrugia Jean Pierre Vassallo Edwin
Fenech Tonio Zammit Ninu
Fenech Adami Beppe Zammit Dimech Francis
Galea Censu

Il-mozzjoni m’għaddietx.”

 

Hu veru li dak li qed jgħid Franco Debono issa jaqbel ma dak li qal nhar is-6 ta’ Mejju 2010. Imma jibqa’ l-misteru li dakinnhar ivvota kontra. Li jfisser li qal mod u aġixxa mod ieħor.

Naħseb li ħaqqna spjegazzjoni!

Għax mhux biżżejjed li jingħad kliem li jdoqq għall-widna. Fl-aħħar il-vot irid jirrifletti dak li jkun intqal.

Is-7 ta’ Ġunju : biex insarfu r-rieda popolari

Illum is-7 ta’ Ġunju infakkru ġrajja meta l-poplu Malti qam. Għolla rasu u l-irvell li irriżulta wassal għal l-ewwel Parlament Malti.

L-Ispeaker Michael Frendo din is-sena għamel diskors meqjus dwar il-ħtieġa li l-Parlament jiffunzjona dejjem aħjar.  Michael, kif ilni nafu għal iktar minn 50 sena, ħa bosta inizzjattivi kemm ilu Speaker. Bħala riżultat tagħhom il-Parlament mexa aħjar. Kien hemm xi okkazjonijiet fejn iffaċċa diffikultajiet bħal meta kien hemm min sema’ lil Justyn Caruana d-Deputata Għawdxija tivvota mod u mhux ieħor. Inċident li wassal biex ġie mwaqqaf il-proċess tal-Kumitat Magħżul tal-Kamra li kien qed jiddiskuti bosta materji ta’ importanza. Materji li ilhom jiġu diskussi imma jidher li qajla hemm rieda li jiċċaqalqu. Għalhekk, naħseb jien, ma l-iċken opportunita ikun hemm min iħoss l-utilita’ li jwaqqaf il-proċess.

Is-7 ta’ Ġunju 1919 wassal lil missierietna biex fl-1921 eleġġew l-ewwel Parlament Malti. Kien Parlament b’ħafna kuluri:  4  partiti fl-Assemblea Leġislattiva u 3 minnhom fis-Senat.

Iż-żminijiet inbidlu u l-Partiti tal-lum li qegħdin fil-Parlament għad għandhom ħeġġa kbira għar-rappresentanza  proporzjonali, imma din il-ħeġġa qegħda hemm biss sakemm teffettwa lilhom. Għalhekk bagħbsu l-Kostituzzjoni diversi drabi biex jassiguraw li bejniethom jaqsmu. Imma qagħdu attenti li jieqfu hemm.

Infakkar għal darba oħra li Alternattiva Demokratika ippreżentat proposta quddiem il-Kumitat Magħżul tal-Kamra biex dak li ġie mbagħbas fil-Kostituzzjoni mill-PN u l-PL flimkien, jissewwa’ . Biex ir-rappresentanza proporzjonali tkun tapplika għal kulħadd. Mhux għalihom biss.

F’Malta għandna sistema elettorali li f’Marzu 2008 ippremjat lill-PN b’siġġu parlamentari extra għall-1580 vot li l-PN kellu iktar mill-PL fl-aħħar elezzjoni ġenerali. Imma l-istess sistema elettorali tagħmilha possibli li t-3810 vot li ġiebet Alternattiva Demokratika ma jkunux rappreżentati.

Dan il-PN u l-PL ma jridux jibdluh.

Il-proporzjonalita’ m’għandhiex tibqa’ privileġġ tal-PN u l-PL iżda strument biex tissarraf ir-rieda popolari.

Fuq dan il-blog tista’ tara ukoll is-segwenti :

17/09/2008 : Electoral reform

21/06/2010 :  AD protests in Court on discriminatory electoral legislation

23/06/2010 : AD discusses electoral reform with Speaker Michael Frendo