The compromise which can never be accepted

 

The Prime Minister is seeking a compromise which will allow him to proceed with the rape of  Żonqor. It will be acceptable to all bar the extremists the Prime Minister was reported as saying.

The compromise sought by the Prime Minister will be such that instead of facilitating the rape of 90,000 square metres of agricultural land at Iż-Żonqor, he may opt for a smaller agricultural area to be ruined. That is, instead of placing all the university campus at Iż-Żonqor, only part of it will be so sited, for the time being.

Is this meant to elicit a thank you? Thank You for what?

This is a government which hears but does not listen.  It has certainly heard the public outcry against the development of ODZ land. But it has not listened to,  nor has it apparently understood, the reasons which justify this outcry.

If this were a government which listens, in addition to hearing,  it would understand that the objection runs far deeper and is not limited to the site area. It is an objection in principle to the development of ODZ land.

The proposed compromise is not acceptable as there ought to be no messing about with principles, not even if there is economic gain.  The economic gain indicated is just one side of the equation. It can never justify the environmental and social losses. The only possible solution is to relocate the whole project towards other areas where the economic gains made either create no environmental and social costs or else their magnitude is insignificant. Obviously there will be economic fundamentalists who would always prefer ODZ land as this minimises the financial costs of the project, the only costs which really interest them.

ODZ  means Outside the Development Zone. It is not some flexible boundary that can be adjusted  to suit the whims of the emperor.  The demarcation line between the Development Zone and beyond has been moved quite often in the past.  In the process,  large tracts of agriculture land was devoured by a concrete jungle.

The development of Iż-Żonqor will be an injustice which will shift more resources of the nation to the wealthy, in the process robbing the local farmers of their dignity. The farmers tilling the land at iż-Żonqor have their social and spiritual roots embedded deep in the soil. They are an integral part of the land which they take care of on behalf of all of us Maltese people.

Last week, over 3,000 Maltese citizens gathered in Valletta to protest against the Żonqor project. They did this because they believe that our natural heritage is our common responsibility. Iż-Żonqor is part of our common home on which we all depend physically and emotionally.

Iż-Żonqor is part of the logic of receptivity. It is on loan to the present generation which must pass it on to the next generation. Defending the countryside is our common responsibility which we will shoulder together. On this basis, there is no room for compromise Mr Prime Minister. Focus elsewhere and leave Iż-Żonqor alone.

published in The Malta Independent on Sunday – 28 June 2015

Il-Mulej lil min iħares?

M’għandi l-ebda dubju li l-parti l-kbira tal-membri tal-Korp tal-Pulizija huma persuni ta’ integrità. Huwa minħabba f’hekk illi dawk li m’humiex (ta’ integrità) jistonaw u jagħmlu iktar ħoss.

F’kull żmien ikun hemm xi problemi fil-forzi tal-ordni f’kull pajjiż. Nisimgħu bihom fl-aħbarijiet. Ġieli jindunaw bihom mill-ewwel u ġieli jdumu ftit. Imma ġeneralment jeżistu strutturi u għodda legali biex il-problemi li toħloq id-dgħjufija umana jkunu iffaċċjati mill-ewwel.

Ankè f’Malta, mhux l-ewwel darba li kien hemm il-problemi fil-Korp. Problemi żgħar li issolvew qabel ma kibru, jew problemi ferm ikbar, bħal meta l-Korp tal-Pulizija kien ikkankrat fi żmien li kien Kummissarju Lawrence Pullicino li kien instab ħati ta’ kompliċità ta’ qtil ta’ persuna li kienet qed tkun interrogata.

Il-Korp tal-Pulizija ankè illum qed jiffaċċja problemi serji.

Li l-kontenut ta’ file personali ta’ fizzjal tal-Korp [l-Ispettur Elton Taliana] jispiċċa għand il-gazzetta meta l-istess file kien fl-uffiċċju tal-Kummissarju tal-Pulizija  huwa inkwetanti. Għax kif tista’ tispjega dan in-nuqqas ta’ sigurtà minn l-iktar kamra f’Malta li suppost hi sigura?

Dan l-istess bħal meta f’Diċembru li għadda r-recordings tat-teatrin bejn l-Aġent Kummissarju Raymond Zammit,  magħruf fil-Korp bħala l-Mulej, mill-Control Room tal-Korp spiċċaw għand il-Partit Nazzjonalista!

Issa ġiet ippubblikata storja oħra inkwetanti iktar minn dan kollu.

Il-familja tal-Mulej qed jingħad li hi azzjonista f’kumpaniji kummerċjali mal-familja ta’ persuna li hi taħt investigazzjoni fuq qtil li sar f’Ħal-Qormi xi snin ilu. Biex tgħaxxaqha, wieħed minn ulied il-Mulej, li sa ftit ilu kien ukoll spettur fil-korp [qabel ma sab xortih temporanjament fil-Korporazzjoni Enemalta] suppost li kien l-uffiċjal prosekutur f’dan il-każ.

Jekk il-Mulej fil-Korp ittollera (u kien parti hu u ta’ madwaru) dawn il-ħniżrijiet mhux ta’ b’xejn li ftit li xejn hemm fiduċja fil-Korp.

Kif ngħidu, l-ħuta minn rasha tinten, minn ras il-Mulej! F’dawn iċ-ċirkustanzi m’għandi l-ebda dubju lil min iħares il-Mulej. Żgur li mhux lilek, sieħbi.

 

 

 

 

Min ser jiddefendina mill-Pulizija li jabbuża?

DARIO FO

 

Qiegħed naqra u nisma’ dwar id-deċiżjoni tal-Information and Data Protection Commissioner dwar kif informazzjoni kunfidenzjali mill-files tal-Pulizija spiċċat f’idejn il-gazzetti.  Dario Fo kien ikollu xalata b’din l-informazzjoni, dwar kif il-Pulizija titfa’ l-ġebla u taħbi idha.

Għax l-iktar punt interessanti li qed joħroġ, għalija, hu: kif il-protezzjoni tas-sorsi jispiċċa protezzjoni tal-abbuż tal-poter.

L-istorja dwar il-pubblikazzjoni tar-records kunfidenzjali tal-Pulizja dwar l-Ispettur Elton Taliana hi tat-tkexkix.

L-Independent illum tgħidilna li kien il-Kummissarju tal-Pulizija (Peter Paul Zammit) innifsu li għadda l-informazzjoni lill-Malta Today. It-Times min-naħa l-oħra hi iktar kawta u tgħidilna li meta ħarġet l-informazzjoni l-file in kwistjoni kien fl-uffiċċju tal-Kummissarju Peter Paul Zammit.

Il-gazzetti huma protetti milli jikxfu s-sors tal-informazzjoni li jirċievu. Dan hu tajjeb għax hu neċessarju li l-ġurnaliżmu serju u investigattiv ikun protett.

Dak li jippubblikaw il-gazzetti jirrifletti l-valuri li jħaddnu dawk li jmexxuhom. F’dan il-każ il-Malta Today iktar tat piz lill-aħbar dwar x’għamel jew m’għamilx l-Ispettur Elton Talana mill-aħbar ikbar li xi ħadd imlaħħaq fil-Korp tal-Pulizija bla skrupli ta’ xejn dehrlu li kellu jikxef informazzjoni kunfidenzjali li l-Korp kellu f’idejh.

Jekk anke l-Pulizija huma fl-ixkora, min ser jiddefendi liċ-ċittadin mill-abbuż meta l-gazzetta, biex tipproteġi s-sors tal-informazzjoni  tagħha tostor lil min jabbuża?

Tonio Fenech, l-ispiji, w ir-responsabbiltà tal-uffiċjali pubbliċi

 

Il-Partit Laburista bhalissa ghaddej b’kampanja dwar l-“ispjuni” ta’ Tonio Fenech.

Teżisti informazzjoni elettronika li tindika illi numru ta’ uffiċjali pubbliċi fi gradi imlaħħqin kienu qed jassistu lil Tonio Fenech, meta kien għadu l-kelliemi tal-PN dwar il-finanzi. Kienu qed jieħdu sehem f’laqgħat ta’ diskussjoni kemm fil-HQ tal-Partit Nazzjonalista kif ukoll b’mod virtwali.

Minbarra dan, qed jingħad li kienu qed jgħaddu informazzjoni kunfidenzjali li saru jafu biha waqt il-qadi ta’ dmirijiethom.

Dawn huma żewġ affarijiet kompletament differenti.

Li uffiċjal pubbliku jgħaddi informazzjoni kunfidenzjali li jsir jaf bħala riżultat waqt il-qadi ta’ dmirijeitu hi materja gravi ħafna. Jekk dan iseħħ u jkun jista’ jiġi ppruvat, bla ebda dubju, jimmerita azzjoni drastika sakemm ma jsirx biex jinkixfu abbużi fl-amministrazzjoni pubblika, f’liema każ fil-fehma tiegħi ikun skużabbli.

Min-naħa l-oħra, l-parteċipazzjoni ta’ uffiċjali pubbliċi fil-politika illum hi possibli għal ħafna. Huma ftit dawk l-impjegati fis-settur pubbliku li ma jistgħux jipparteċipaw. Dawk li ma jistgħux jipparteċipaw (b’xi eċċezzjonijiet) huma ristretti għall-gradi ta’ fuq nett, sa skala Numru 5. Dan huwa xieraq għax huwa neċessarju li l-għola uffiċjali tas-settur pubbliku jkunu distakkati mill-ħidma tal-partiti politiċi.

Xi snin ilu n-numru ta’ l-impjegati fis-settur pubbliku li ma setgħux jinvolvu ruħhom fil-politika kien ħafna ikbar. Iżda tul is-snin sar tibdil kbir u ġie rikonoxxut li n-numru ta’ dawk li ma kellhomx jipparteċipaw kellu jkun l-inqas possibli. Din il-posizzjoni ġiet kristallizzata fid-Direttiva numru 5 li ħarġet fl-2011 taħt il-provedimenti tal-Att dwar l-Amministrazzjoni Pubblika.

Din hi restrizzjoni ġustifikabbli, avolja, bla dubju, min jintlaqat minnha jaħseb mod ieħor. Hi miżura bażika li nsibuha fid-demokraziji kollha. Tajjeb li, for the record, ngħid ukoll li Alternattiva Demokratika ġiet effettwata minn din il-mizura. Dan billi għandna diversi persuni validi li ma setgħux jibqgħu attivi minħabba li ħadu ħatriet fi gradi għoljin fis-settur pubbliku. Dan m’għamluħx biss għax hekk kien xieraq, imma niftakar ċar każ partikolari fejn mill-OPM fl-2008/9 kienu għamlu l-ġimgħat jiġru wara uffiċjal ta’ Alternattiva Demokratika biex jassiguraw ruħhom li kien ser iwaqqaf il-ħidma politika tiegħu. Kienu ukoll għamluha ċara ħafna: li jekk ma jitlaqx il-ħatra politika ma setax ikompli fl-impieg!

Ikun tajjeb li l-PN jifhem dan u jimxi miegħu ukoll.

 

Estremist jew …………….. imdawwar bil-poodles

 

Ġieli qalulna ukoll fundamentalisti. L-aħħar titlu hu estremisti. Hekk irrappurtat it-Times online illum diskors dal-għodu ta’ Joseph Muscat. L-Independent min-naħa l-oħra  uża l-kelma “absolutism”.  Il-Malta Today irrappurtat dak li ntqal b’video li jaqbel ma dak li qalet l-Independent.

Ir-realtà hi li l-valur tal-ekoloġija hu wieħed assolut. Għalhekk din l-opposizzjoni li bdiet u nittama li ma tieqafx.  Il-ħerba ekoloġika madwarna qed tikber kontinwament, għax hawn wisq politiċi irresponsabbli bħal Joseph Muscat jiġru mas-saqajn. Tkun irresponsabbli jekk tħares sal-ponta ta’ mnieħrek. Jekk tħares lejn il-gwadann immedjat u tinjora, jew aħjar tagħlaq għajnejk għall-ħsara irreparabbli li qed tiżviluppa bil-mod u fit-tul.

Il-proposta tal-hekk imsejjaħ kompromess li qed jimbotta ftit ftit Joseph Muscat, fis-sens li jibni biss parti mill-campus tal-“Università” fiz-Zonqor u l-kumplament x’imkien ieħor hi proposta irresponsabbli. Għax jekk Muscat qed jagħraf li hemm validità fl-argument li l-Università għandha titbiegħed miż-Żonqor, din għandha titbiegħed kompletament. Mhux biċċa biss biex taparsi kien qed jisma’.

Tajjeb li l-Gvern jisma’. Imma hu iktar importanti li jagħti każ. Li ma tkunx trid  tisma’ hu ħażin. Imma li tisma’ u ma tagħtix każ hu agħar għax turi li taparsi qed tisma’.

Pajjiżna ma jistax jitlef iktar raba’. Tilef iktar minn biżżejjed tul is-snin. Dak li ntilef ma jistax jinġieb lura.

Ir-raba’ taż-Żonqor m’huwiex biss sors ta’ għajxien għall-bdiewa. Huwa ukoll bejta tal-bijodiversità li qed tinqered ftit ftit.

Li topponi li l-ġungla tal-konkos jibla iktar raba’ m’huwiex estremiżmu. Huwa sens ta’ responsabbiltà kbira favur żvilupp sostenibbli. Għax l-iżvilupp għaqli m’huwiex li tibni iktar imma li tkun kapaċi tutilizza dak li hu diġa mibni biex taqdi l-ħtiġijiet tal-lum.

Dan ma jgħoddx biss għaż-Żonqor imma jgħodd ukoll għall-iskejjel li trid tibni l-Knisja f’Ħal-Ghaxaq. Ankè dawk, m’għandhomx jinbnew. Għandhom jinstabu soluzzjonijiet oħra, avolja diffiċli.

It-titlu ta’ estrimist fejn jidħol l-ambjent xejn ma jdejjaqni. L-importanti l-konsistenza li min huwa mdawwar bil-poodles m’għandux idea xi tkun.

The Freeport’s neighbours at Birżebbuġa

 

 

Two incidents occurred at the Freeport Terminal last week. The first led to the spill of an oily-like chemical when a container was accidentally hit and part of its contents spilled out into the sea. The second concerned odours resulting from the handling of fuels at the Oil Tanking Terminal.  The second accident led to the precautionary hospitalisation of six employees. The first incident, on the other hand, led to the suspension of bathing activities at Pretty Bay, Birżebbuġa for a number of days.

The accident leading to the spill occurred on Monday, 8 June at around noon. Yet on Friday, 12 June, personnel from the Civil Protection Department were still dealing with the spill as by this time water currents had moved it from the Freeport Terminal to Pretty Bay. It was only late on Tuesday, 16 June that the Environmental Health Department certified that Pretty Bay was once more fit for swimming.

 

Unfortunately, such accidents are bound to happen. That they do not happen more often is only due to adequate training and the availability of the adequately maintained equipment available on  site.

The Freeport Terminal extension – approved five years ago by MEPA and currently in hand – is intended to tap into the container movement market in the Mediterranean even further. In the coming years, this will lead to a increased activity and, consequently, the likelihood of similar but more frequent accidents happening in the future is possible.

The Freeport Terminal activity is only one of a number which, over the years, have transformed Marsaxlokk Bay into an industrial port. Delimara Power station and fish- farming  as well as the ever-present fuel reception points at the San Luċjan and Enemalta stations are other examples of industrial activity along the Marsaxlokk Bay coastline. We should also remember that, at some time in the near future, bathers at Pretty Bay will also have an enhanced landscape: they will be able to enjoy in full view a gas storage tanker permanently anchored just opposite the sandy beach, along the Delimara part of the Marsaxlokk Bay coastline. The spectacle will include its refuelling between eight and 12 times a year, with possibly three of such refuelling instances occurring during the summer bathing season.

The compatibility of this situation with the EU Seveso Directives is debatable.

All this industrial activity may be healthy when considering the general economic requirements of the country on its own. It is, however, generally incompatible with the needs of Birżebbuġa both as a residential community as well as a touristic venue.

Efforts to mitigate the impacts of this industrial activity on the residential community  of Birżebbuġa (and to an extent even on the locality of Marsaxlokk) are in place. Yet with so much going on, the effects of these mitigation measures are necessarily limited. In fact, one wonders why the decision to locate all this industrial activity in the area was not also accompanied by a decision to restrict the development of land for residential use so close to these industrial facilities. In one particular case, at il-Qajjenza in the 1980s,  residential development was accelerated in the vicinity of the then Enemalta Gas Depot. Fortunately the Gas Depot has now been closed down and decommissioned, however it has been moved to the other side of Birżebbuġa, close to the entrance of Marsaxlokk Bay at Bengħajsa.

 

The Freeport Terminal management, supported by MEPA, had also decided to extend the permissible facilities at the Freeport Terminal to include minor repair work to ships and oil rigs. The decision was only reversed when it was faced with the vociferous opposition of the Birżebbuġa residential community led by its local council.

Recently, Transport Malta has added to the summer pleasures at Birżebbuġa. It has planned a mooring area for pleasure craft and small boats adjacent to the swimming zone, right in the middle of Pretty Bay. It seems that Transport Malta does not give a fig about the impact of anti-fouling agents used on a large number of craft berthed very close to a swimming zone.

 

With all this activity going on around Pretty Bay, it is inevitable that that there will be an increase in unacceptable environmental impacts on land, air and sea. Some accidents will also be inevitable.

As a result, however, it is very possible that in future there will be further restrictions on the use of Pretty Bay as a bathing venue. One hopes that this will not be often. It is, however, unavoidable and is the direct result of the ongoing activity which is definitely incompatible with the needs and requirements of the Birżebbuġa residents.

One interesting development at the time of writing is that Hon. Marlene Farrugia, as Chairperson of Parliament’s Committee on the Environment and Development Planning, has placed last week’s incidents at the Freeport Terminal on the Parliamentary Committee’s agenda. For the time being, a request for information has been sent out. The resulting discussion will hopefully direct the spotlight on the manner in which successive governments have transformed Marsaxlokk Bay into an industrial port, in the process at times ignoring – and at other times not giving sufficient attention to the plight of the residents in the area.

published in The Malta Independent on Sunday, 21 June 2015

Kastilja bir-remote control tal-MEPA

 

Il-MEPA u Kastilja huma ħaġa waħda,  qalilna l-kelliemi tal-PN Ryan Callus. Dan il-kumment qalu b’referenza għax-xhieda tal-Kap Eżekuttiv tal-MEPA Johann Buttiġieg fil-Parlament [Kumitat dwar l-Ambjent u l-Ippjanar tal-Iżvilupp] dwar l-Università fiż-Żonqor u kif huwa ġie mqabbad iħejji r-rapport dwar kemm kienet addattata jew le l-art fiż-Żonqor għall-ħsieb li kellu l-Gvern.

L-Onorevoli Ryan Callus hu korrett. Li ma qalx Ryan Callus kien li l-Gvern ta’ Joseph Muscat ma bidilx il-liġi (s’issa) imma għamel użu minn dak li sab.

Nistieden lil Ryan Callus biex jgħarbel ftit il-ħidma tal-MEPA tul is-snin. Meta jagħmel dan ikollu idea ħafna iktar ċara tal-ħsara kbira li saret mill-partit tiegħu fil-Gvern meta ħoloq strutturi u għamel ħatriet li kienu jippermettu ndħil kontinwu min-naħa tal-Gvern. Fil-fatt il-Gvern ilu ħafna jindaħal lill-MEPA f’dak kollu li tagħmel! Xi drabi dan kien ovvju iktar minn oħrajn tant li kien hemm żmien li l-MEPA kien qiesha qed titmexxa bir-remote control mill-uffiċċju tal-Ministru jew minn Kastilja. Dan kien possibli prinċipalment għax dawk maħtura biex imexxu ma kienux il-persuni addattati.

Ma nafx jekk Ryan Callus iqiesx dan bħala żball da parti tal-Gvern immexxi mill-PN, inkella sabutaġġ da parti tal-PN fil-mod kif kienu (u għadhom) jaħdmu l-istituzzjonijiet.

Fuq dan il-blog jista’ isib artikli kemm irid dwar is-suġġett biex jekk ikun irid l-Onorevoli Callus jiffriska ftit il-memorja tiegħu u ta’ sħabu.

Fl-aħħar elezzjoni ġenerali, Alternattiva Demokratika ipproponiet miżura li tista’ tnaqqas dan l-indħil billi żżid il-possibilità li jinħatru persuni aħjar minn dawk li nħatru s’issa kemm fuq il-Bord tal-MEPA kif ukoll bħala l-uffiċjali ewlenin tagħha. Dan ikun jista’ isir billi b’liġi tingħata setgħa lill-Parlament [permezz tal-Kumitat dwar l-Ambjent u l-Ippjanar tal-Iżvilupp] biex dan ikun jista’ jgħarbel fil-pubbliku l-ħatriet li jkun ser jagħmel il-Gvern. U jekk ma jaqbilx ikun jista’ jinblokka dawn il-ħatriet.

Jekk irid jista’ jaqra l-proposta tal-2013 hawn.  Għax Alternattiva Demokratika mhux tikkritika biss imma tagħmel (u għamlet) proposti konkreti ukoll.

Il-karba tal-art ……….. il-karba tal-fqir

   

L-enċiklika li ppubblika l-Papa Franġisku l-bierah m’hiex biss enċiklika ħadra. Hi fuq kollox nisġa ta’ argumenti li jispjegaw kif u għaliex il-ħsara ambjentali  u l-inġustizzja soċjali jimxu id f’id. Preċiżament l-argument ta’ Leonardo Boff għoxrin sena ilu fil-ktieb tiegħu : Il-karba tal-art, il-karba tal-fqir. [Grito da Terra, Grito dos Pobres.] [Cry of the Earth, Cry of the Poor.]

L-enċiklika hi imsejħa “Laudato Si”, l-ewwel żewġ kelmiet fl-edizzjoni Latina. Huma ukoll l-ewwel żewġ kelmiet tal-Kantiku tal-krejaturi ta’ Franġisku ieħor, ta’ Assisi, li jfissru jkun imfaħħar (il-Mulej).

Oħtna d-dinja qed issofri ħsara kbira riżultat tal-użu ħażin mill-bniedem tar-risorsi ta’ din l-art. Il-ftit ħsara ekoloġika ta’ kull wieħed minna għalkemm tista’ tidher żgħira, meta tinġabar flimkien tammonta għal ħsara ferm ikbar.

Oħtna d-dinja marida minħabba fina. Dan il-mard hu rifless fl-art, fl-ilma, fl-arja u f’kull forma ta’ ħajja fuq din l–art. Hu manifestat ukoll fil-bdil fil-klima li hi riżultat tal-ħidma tal-bniedem.

Hemm relazzjoni mill-qrib bejn il-fqar u l-fraġilità tad-dinja. Il-ħarsien tal-ambjent u l-ħarsien tal-fqar u l-vulnerabbli jimxu id f’id. Il-fqar jgħidilna Franġisku huma mċaħħda minn dak li hu essenzjali biex jgħixu b’dinjità fil-waqt li l-għonja jiffangaw. Il-qerda ekoloġika hi l-ħolqa bejn it-tnejn.

Dan kollu qed iwassal għal dejn ekoloġiku sostanzjali li hu l-wirt li ser inħallu lill-ġenerażżjonijiet futuri. Huma l-foqra li ser iħallsu dan id-dejn riżultat tar-regħba u l-ħela tar-riżorsi tad-dinja tul is-snin.

Dan hu l-messaġġ mifrux fuq il-184 paġna tal-enċiklika. Il-qerda ambjentali u l-inġustizzji soċjali huma ż-żewġ naħat tal-istess munita. Inkluż il-bdil fil-klima.

Ippubblikat  fuq iNews :  il-Ġimgħa 19 ta’ Ġunju 2015

L-għawm fil-Bajja s-Sabiħa ta’ Birżebbuġa

 

Il-ġimgħa l-oħra kellna żewġ inċidenti fil-Freeport.

L-ewwel inċident seħħ it-Tnejn 8 ta’ Ġunju meta ntlaqat container li nfaqa’ u parti mill-kontenut likwidu tiegħu spiċċa l-baħar. Sal-Ġimgħa 12 ta’ Ġunju, tard fil-għaxja, l-ħaddiema tad-Dipartiment tal-Protezzjoni Ċivili kienu għadhom sejrin bil-ħidma ta’ tindif. Sadanittant il-Bajja s-Sabiħa baqgħet magħluqa sakemm it-testijiet tal-kwalità tal-ilma baħar li qed isiru mid-Dipartiment tas-Saħħa Ambjentali jagħtu riżultati tajbin, ċjoe li jista’ jsir l-għawm.

Sadanittant kellna inċident ieħor u s-Sibt waranofsinnhar sitt ħaddiema tal-Freeport iddaħħlu l-isptar bħala prewkazzjoni minħabba rwejjaħ ta’ gass li x’aktarx ikkawżaw uġiegħ ta’ ras u dardir.

Fortunatament ftit li xejn kellna inċidenti ta’ din ix-xorta, u dan  minħabba li kemm il-management kif ukoll il–ħaddiema tal-Freeport jaħdmu sewwa u bil-galbu. It-taħriġ kontinwu li jingħata lill-ħaddiema kollha tal-Freeport, kif ukoll l-apparat addattat li jintuża jgħinu biex inaqqsu l-possibilità ta’ inċidenti. Imma huwa inevitabbli li iktar ma jiżdied ix-xogħol fil-Freeport [u bl-estensjoni tal-Freeport, ix-xogħol ser jiżdied] tiżdied ukoll il-probabiltà ta’ iktar inċidenti.

Ma dan trid iżżid ukoll il-ħidma bil-gass tal-Power Station ta’ Delimara. Faċċata tal-Bajja s-Sabiħa suppost li jkollna tanker permanenti fil-Bajja ta’ Marsaxlokk biex fih jinħażen il-gass. Bejn tmien u tnax-il darba fis-sena jidħol ukoll tanker ieħor biex iġib iktar provisti ta’ gass.

Jiġifieri fil-bajja l-problemi ser jiżdiedu mhux ser jonqsu.   Ma noħodiex bi kbira li l-ġranet li fihom ma jkunx possibli li jsir l-għawm fil-Bajja s-Sabiħa ukoll ser jiżdiedu. L-inċidenti tal-ġimgħa l-oħra huma indikazzjoni ta’ x’hemm lest għalina.

Dan hu l-prezz ta’ dak li uħud isejħulu progress jew żvilupp. Huwa l-prova ta’ kemm kellhom raġun dawk kollha li opponew l-estensjoni tal- Freeport.

L-ispjuni boloh ta’ Tonio Fenech

 

It-Torċa tal-lum irrappurtat storja dwar numru ta’ uffiċjali pubbliċi mlaħħqa li kienu qed jgħaddu informazzjoni lil Tonio Fenech, ex-Ministru tal-Finanzi. Billi kienu msieħba f’google group dawn kienu jiddiskutu bejniethom issues kurrenti hekk kif jinqalgħu w jgħaddu informazzjoni sensittiva lil Tonio Fenech xi kultant ankè qabel ma jkun jaf biha l-Gvern stess.

Għal Tonio Fenech bla dubju kienet scoop għax kien ikun armat b’informazzjoni biex ikun jista’ jitkellem “in real time” imma għas-servizz pubbliku hi daqqa ta’ ħarta.

Għax is-servizz pubbliku mhux qiegħed hemm biex jivvantaġġa lil xi partit politiku imma biex imexxi u jagħti servizz lill-pajjiż kollu.  Għalhekk ngħidu li l-lealtà tas-servizz pubbliku hi waħda lejn il-Gvern tal-ġurnata li jiddetermina d-direzzjoni. Is-servizz pubbliku imbagħad jimplimenta.

L-artiklu fit-Torċa jidentifika uħud minn dawn l-uffiċjali pubbliċi b’isimhom. Qegħdin fost oħrajn fil-Bank Ċentrali, l-MFSA (Malta Financial Services Authority), u fl-Uffiċċju Nazzjonali tal-Istatistika.

Dan hu ħażin, avolja mhux l–ewwel darba li ġara.  Kien hemm indikazzjonijiet fil-passat  li dan ġara. Id-differenza issa hi li qed jingħad li dawn inqabdu “red-handed”, jiġifieri li hemm il-provi. Probabbilment li l-provi huma ta’ natura teknika u jinvolvu traċċi elettroniċi tal-emails mibgħuta, kif fil-fatt ġie ippubblikat fit-Torċa.

Dawn sfortunatament huma l-konsegwenzi tar-rwol tal-politika partiġġjana fis-serviżż pubbliku li timmanifesta ruħha ukoll fil-parti l-kbira tal-ħatriet li saru u jsiru prinċipalment fil-gradi l-għoljin. Mhux kaz ta’ Nazzjonalisti kontra Laburisti jew ta’ Laburisti kontra Nazzjonalisti, iżda hi ferm iktar ikkumplikata minn hekk. L-abbuż bl-impiegi pubbliċi imsejħa “position of trust” hi parti importanti  mill-problema. Il-mod kif ġew ittrattati s-Segretarji Permanenti immedjatament wara l-elezzjoni hi aspett ieħor tal-problema.

Sfortunatament, dawn l-affarijiet ikomplu. L-ispjuni ta’ Tonio Fenech kienu l-boloh li nqabdu. Il-problema l-kbira huma dawk li għandhom aċċess għal informazzjoni sensittiva ħafna jużawha kif jaqblilhom u ma jinqabdu qatt. Kien hemm minnhom qabel Marzu 2013 u jkun hemm oħrajn li jagħmluha issa.

Fis-settur pubbliku ukoll, dak li tiżra’ taħsad.