Wara San Pawl il-Baħar u l-Munxar……………. qed iberraq f’Ħaż-Żabbar

Zabbar.l-itwal mejda

L-istorja tal-Kunsill Lokali ta’ San Pawl il-Baħar għadha friska.

Kunsillier tefa’ l-offerta għal Works Manager, meta dan ma jistax isir mhux biss għax mhiex imġieba korretta, imma ukoll għax il-liġi dan tobbliga li ma jsirx.

Il-Kunsillier involut refa’ ir-responsabbilta ta’ dak li ġara u irreżenja. Ma nafx kemm kellu jerfa’ ir-responsabbilta’ hu biss. Għax fil-waqt li veru li huwa mexa ħażin, naqas ukoll is-Sindku tal-Kunsill Lokali ta’ San Pawl il-Baħar li b’għoxrin sena esperjenza fil-Kunsilli ma nistax nifhem kif ma ndunax. Huwa responsabbli ukoll is-Segretarju Eżekuttiv li messu induna mill-ewwel, iżda ma ndunax. Meta rreżenja l-Kunsillier għaldaqstant ftit issolvew affarijiet. Għax min messu induna u żamm l-iżball milli jsir għadu ma refax ir-responsabbilta’ tiegħu.

Issa tfaċċa l-każ tal-Munxar. Fejn skoprew li l-kuntrattur li ħa l-offerta għadda din l-offerta (b’sub-contract) lil wieħed mill-kunsilliera tal-istess Kunsill! Flok mill-bieb dan għadda mit-tieqa.

Jidher li hemm iktar affarijiet għaddejja.

Qiegħed iberraq f’Ħaż-Żabbar. Għaddej xi ħaġa bejn is-Sindku w is-Segretarju Eżekuttiv tal-Kunsill Lokali ta’ Ħaż-Żabbar. Jidher li is-Segretarju Eżekuttiv bi snin ta’ esperjenza qiegħed attent li l-ħidma tal-Kunsill Lokali ta’ Ħaż-Żabbar timxi sewwa, mar-regoli. Imma f’waħda minn l-aħħar laqgħat tal-Kunsill Lokali kien hemm ilment mis-Sindku li d-deċiżjonijiet qed idumu wisq ma jitwettqu. Is-Segretarju Eżekuttiv qiegħed fil-mira tal-attakki fid-deher u fl-imwarrab. Qaluli li qed jinġabru xi firem ukoll kontra dan is-Segretarju Eżekuttiv .

Hawn min rasu qed tikbirlu malajr. Il-ħidma tal-Kunsilli Lokali ma tistax issir jekk ma timxi bl-ordni u f’rispett sħiħ tar-regoli. B’mod partikolari ir-regoli ta’ kif isir l-infieq.

Is-Segretarju Parlamentari għall-Kunsilli Lokali u l-Kultura, José Herrera, jidher li ser ikollu x’jagħmel mhux ħażin.

Min għandu jifhem ħa jifhem.

Advertisements

One comment on “Wara San Pawl il-Baħar u l-Munxar……………. qed iberraq f’Ħaż-Żabbar

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s