Qed tinħoloq bejta għall-kriminalità organizzata

 

 

Hu ta’ serjetà kbira li l-Awtorità dwar il-Lotteriji u Logħob ieħor (Lotteries and Gaming Authority) tirtira liċenzja.

Matul dawn il-ġranet irtirat diversi liċenzji u dan wara rapport ta’ investigazzjoni minn awtoritajiet Taljani li indikaw illi xi kumpaniji tal-iGaming f’Malta kienu qed iservu għall-ħasil tal-flus ġejjin mid-droga negozjata mill-kriminalità organizzata Taljana.

Ġew arrestati numru ta’ persuni ta’ nazzjonalità Taljana, liema persuni kienu identifikati mill-awtoritajiet Taljani.

Din hi biss parti mill-problema.

Dawn il-kumpaniji tal-iGaming, (logħob tal-azzard online) biex ġew irreġistrati f’Malta kienu eżaminati b’reqqa kbira, qalulna. Anzi “very stringent procedures“. Mhux biss il-kumpaniji, iżda ukoll kull min għandu jew kellu x’jaqsam magħhom. Dan l-eżami bir-reqqa, li jissejjaħ due diligence (kliem tqil biex jippruvaw ifhemuna s-serjetà kbira ħafna li hemm assoċjata ma dawn l-affarijiet) sar kemm mill-Awtorità dwar il-Lotteriji u Logħob ieħor (Lotteries and Gaming Authority) kif ukoll mid-ditti professjonali li jagħtu s-servizzi meħtieġa lil min jaħdem f’dan il-qasam.

Wieħed minn dawn il-professjonisti, f’mument ta’ serjetà kbira, fisser lill media fiex kienet tikkonsisti l-investigazzjoni ta’ għamlet waħda minn dawn id-ditti professjonali. Qalilna li din id-ditta : “carried out its own due diligence process to ascertain that the individuals concerned were of good standing. This was done by requesting certified copies of the ultimate shareholders’ passports, proof of residential address, as well as copies of their police conduct records.”

Tassew impressjonanti, xi profondità ta’ investigazzjoni. Mhux diffiċli biex tifhem li din l-investigazzjoni kif deskritta hi waħda superfiċjali għall-aħħar. Din hi kollezzjoni ta’ dokumenti u bl-ebda mod ma tista’ titqies investigazzjoni jew due diligence.

Fuq il-website tal-Awtorità dwar il-Lotteriji u Logħob ieħor issibu l-ismijiet tal-kumpaniji tal-iGaming li f’dawn il-ġranet kellhom il-liċenzja tagħhom irtirata: Fenplay Limited, Soft Bet Limited, Soft Casino Limited, Uniq Group Limited, Betsolutions4U Limited u Alibaba Casino Limited.

Tul is-snin li għaddew il-Gvernijiet differenti qalulna li l-kumpaniji tal-iGaming [jiġifieri kumpaniji bħal dawn li kellhom il-liċenzja irtirata] kienu qed jiġġeneraw ix-xogħol u kien ġustifikat (qalulna) li niġbduhom lejn Malta billi nagħtuhom rati favorevoli ħafna ta’ taxxa. Fil-fatt, taxxi, jħallsu ftit li xejn.

Qiegħed jidher ċar, u dan hu biss dak li nafu s’issa, illi Malta jidher li saret attrazzjoni għall-ħasil tal-flus mill-kriminalità organizzata. Sfortunatament l-“investigazzjonijiet profondi” li mingħalihom qed jagħmlu l-awtoritajiet Maltin (kif ukoll uħud mill-uffiċini professjonali f’Malta) ma kienux kapaċi jindunaw li mix-xibka tal-kontrolli kollha soffistikati li kellhom, għadda dan il-laqqx.

Ovvjament hemm kumpaniji li ma ħolqu l-ebda problemi. Imma sfortunatament huma l-kumpaniji li rtirawlhom il-liċenzja f’dawn il-ġranet li qed jagħtuna isem ħażin. Minn dan jista’ jbati l-pajjiż kollu. Għax qed nitilfu l-kredibilità u bil-mod qed nieħdu l-fama ta’ bejta għall-kriminalità organizzata.

It-toroq tagħna wkoll

 

Il-bieraħ, it-Tlieta, flimkien ma Ralph Cassar, Segretarju Ġenerali ta’ Alternattiva Demokratika kif ukoll ma’ rappreżentanti tal- Bicycling Advocacy Group (BAG) indirizzajt konferenza stampa f’Marsaskala dwar id-deċiżjoni tal-Kunsill Lokali ta’ Marsaskala li jneħħi għal kollox il-passaġġ għar-roti (cycle lane) fi Triq is-Salini.

Ngħiduha kif inhi: il-passaġġ kien wieħed part-time, għax ma kienx jista’ tintuża kuljum u f’kull ħin, u dan apparti meta kien ikun imblukkat mill-karozzi. Il-passaġġ seta jintuża biss matul il-ġimgħa sal-ħamsa ta’ waranofsinnhar. Ovvjament dan kien fil-ħin li l–parti l-kbira tan-nies tkun għax-xogħol. Allura hu ovvju li ftit intuża jekk la wara l-ħin tax-xogħol u l-anqas fi tmiem il-ġimgħa ma seta jintuża.

Flok ma tejjeb il-passaġġ tar-roti u estenda l-ħin li fih seta jintuża, l-Kunsill Lokali ta’ Marsaskala neħħieħ għal kollox. Għamel dan bla ma ikkonsulta ma ħadd. Qiesu li t-toroq huma għall-karozzi, biss.

Hija ħasra u riżultat ta’ nuqqas ta’ viżjoni fit-tul li l-Kunsill ta’ Marsaskala, minflok ma’ jżid il-faċilitajiet għal forom ta’ trasport differenti kif ukoll għal eżercizzju fiżiku fi spazji pubbliċi, ineħħi l-uniku triq mal-kosta f’żona urbana b’passaġġ għar-roti.

 

B’din id-deċiżjoni l-Kunsill Lokali ta’ Marsaskala qed jagħti messaġġ ħażin.  M’huwiex jifhem li anke jekk il-passaġġ kien wieħed part-time kien fih innifsu messaġġ simboliku ta’ inkoraġġiment liċ-ċiklisti u liċ-ċikliżmu. Kien messaġġ favur l-użu ta’ mezzi alternattivi ta’ transport. Messaġġ qawwi kontra l-konġestjoni tat-traffiku. It-toroq, wara kollox huma tagħna wkoll, mhux tal-karozzi biss.

F’pajjiż żgħir bħal tagħna fejn id-distanzi bejn lokalità u oħra fil-parti l-kbira tagħhom huma żgħar huwa importanti li ninkuraġġixxu ċ-ċikliżmu. Meta nagħmlu dan inkunu qed nagħtu kontribut għal kwalità tal-arja aħjar kif ukoll inkunu qed innaqqsu l-kontribut tal-pajjiż għat-tibdil fil-klima kif ukoll nieħdu ħsieb ta’  saħħitna.

Biex naslu irridu ntejbu l-infrastruttura meħtieġa għaċ-ċikliżmu. Fosthom iktar passaġġi għar-roti u bicycle racks (fejn jintrabtu r-roti).

Illum qabel għada. Għax it-toroq huma tagħna wkoll.

Wara li qerdu kullimkien, issa jmiss Kemmuna ?

Jidher li qed toqrob id-daqqa ta’ Kemmuna.

Madwar sena ilu kienet inbniet triq illegali fuq Kemmuna. Wara kellna s-skiet.

Issa l-Malta Today qed tirrapporta li qed jitħejjew pjani biex il-lukanda u l-bungalows f’Kemmuna jkun żviluppati mill-ġdid.

Kemmuna hi protetta bħala sit Natura 2000. Imma ma nistgħux neskludu logħob tas-soltu biex iduru ma din il-protezzjoni u fl-aħħar, għal darba oħra, tinqered biċċa oħra mill-wirt naturali ta’ dan il-pajjiż.

Id-Direttiva dwar il-Habitats tal-EU tagħti protezzjoni lill-Kemmuna. Meta Kemmuna kienet ġiet dikjarata sit Natura 2000 kienu ġew identifikati l-ispeċi tal-flora u l-fawna li kienu qed jiġu protetti b’din il-miżura. Irridu naraw kemm din il-protezzjoni tista’ tiddgħajjef bħala riżultat tal-iżvilupp li ser ikun propost fuq Kemmuna.

L-impatti kollha huma importanti, kemm dawk waqt il-kostruzzjoni proposta (inkluża t-twaqqiegħ tal-lukanda u bungalows eżistenti u l-possibli tqattiegħ ta’ blat biex jiżviluppaw parti ġdida taħt l-art) kif ukoll bl-użu ta’ dak li eventwalment ikun kostruwit. minflok il-bini li jkun twaqqa’.

Fis-snin li għaddew, jiena infurmat li diġa saru diskussjonijiet u negozjati bejn dawk li għandhom għajnejhom fuq Kemmuna u d-Direttorat għall-Ħarsien tal-Ambjent li llum hemm fil-MEPA. Billi d-Direttorat dakinnhar żamm iebes, naħseb li jkun hemm min jipprova jibdel id-deċiżjonijiet li diġa ittieħdu fil-passat bit-tama li jkunu jistgħu jiżviluppaw biċċa ikbar minn Kemmuna: biċċa ikbar mill-art li illum hi okkupata mill-lukanda u l-bungalows, inkluż faċilitajiet sportivi taħt l-art fejn qed jiġi ippjanat li jitqatta’ l-blat.

Ħalluna naħdmu, kienu qalulna! Issa naraw safejn ser jaslu.

Wara li qerdu kullimkien, issa jmiss Kemmuna, għax il-kilba tagħhom għall-flus ma tixba’ qatt.

 

Fil-BOV bil-benefiċċju tal- “early retirement”, iżda tista’ tiġi lura !

 

Il-Bank of Valletta qiegħed fl-aħbarijiet. M’humiex aħbarijiet li jagħmlu l-ġid  lill-bank.

Mhux qed nitkellem dwar il-garanzija għas-self dwar il-power station ta’ Delimara, jew il-garanzija għall-avvanzi biex l-Air Malta tixtri l-fuel, iżda dwar l-iskema ta’ irtirar kmieni.

Kif, qrajna, l-ftehim kollettiv tal-Bank jagħti dritt lill-bank li jkollu skema ta’ irtirar kmieni mix-xogħol (early retirement). Il-punt mhux jekk Michael Falzon ġiex mogħti inqas jew iktar minn Fenech Adami inkella xi ħaddieħor b’kunjomu Borg Costanzi (ismijiet li ssemmew fil-Parlament). Iżda jekk skema ta’ irtirar kmieni fil-BOV tagħmilx sens.

Hemm xi sens li tħarreġ lin-nies u fl-eta ta’ madwar ħamsin sena tħallashom biex jitilqu? Il-bank qed iberbaq il-“kapital uman” tiegħu apparti l-kapital finanzjarju.  Dan apparti li għadni ma nistax nifhem kif tieħu l-benefiċċju minn skema biex tirtira kmieni u mbagħad iżżomm id-dritt li tidħol lura. Jew irtirajt kmieni jew ma irtirajtx.

Il-BOV qed iberbaq ir-riżorsi u jista’ juża’ flus il-bank ferm aħjar minn hekk, mhux biss fl-interess tal-bank innifsu iżda anke fl-interess tal-impjegati tiegħu.

Anke l-Greċja, sa ftit ilu, kinet mimlija skemi ta’ irtirar kmieni!

 

Lobbying: influencing decision-taking

 

Lobbying risks corruption. Establishing clear standards of acceptable behaviour in public life ought to include the regulation of lobbying, yet the Standards in Public Life Bill currently pending on the Parliament’s agenda ignores this important matter completely.

Potentially, lobbying is not a dirty matter. It is perfectly legitimate for any citizen, group of citizens, corporations or even NGOs to seek to influence decision-taking. It is done continuously and involves the communication of views and information to legislators and administrators by those who have an interest in informing them of the impacts of the decisions under consideration.  It is perfectly legitimate that individuals, acting on their own behalf or else acting on behalf of third parties, should seek to ensure that decision-takers are well informed before taking the required decisions. Obviously, lobbying should not be the process through which the decision-takers make way for the representatives of corporations to take their place.

I am not aware of the reason why the Parliamentary Select Committee, led by Hon Speaker Anġlu Farrugia, failed to identify lobbying as a matter which requires regulation within the framework of the Standards in Public Life Bill. Perusal of the final report dated 24 March 2014, as well as the minutes of the Select Committee, does not reveal any indication that the matter was ever even mentioned in the Select Committee’s deliberations. In fact in my opinion, perusal of Parliament’s Motion 77, which contains the Select Committee’s terms of reference, indirectly includes lobbying as one of the matters which had to be examined.

Lobbying requires a considerable dose of transparency. It needs to be unchained from the shackles of secrecy. In other jurisdictions this is done through actively disclosing lobbying activities, thereby placing them under the spotlight of public opinion. The public has a right to know who is seeking to influence the decision-taking process and this helps ensure that lobbying is not used as a tool to secretly derail or deflect political decisions.

Other jurisdictions require that lobbying activities are documented and that the official being lobbied is always accompanied. Subsequently a list of lobbying meetings and the resulting documentation is released or made available. Such disclosure is normal in various democracies.

Lobbying can be regulated in two ways: by regulating the lobbyist activities and by regulating the potential recipient of lobbying.

The activities of the lobbyist can be regulated either through a compulsory registration of lobbyists or else through a regular disclosure of the names of those carrying out lobbying activities.

On the other hand, the potential recipient of lobbying ought to be regulated through a disclosure of all information related to lobbying, including minutes of meetings as well as any memoranda exchanged or submitted for the consideration of the decision-taker.

Full transparency is undoubtedly the best tool which – together with guidelines on the permissible receipt of gifts as well as whistle-blowing – will reduce the risk of lobbying being transformed into an instrument of corruption.

This is not all. Malta also requires rules that regulate the lobbying that is carried out through revolving-door recruitment. At times, this is the easiest way in which special interest groups recruit former Ministers, as well as the former high ranking civil servants regulating them, immediately on concluding their term of office. In this manner, they seek to tap contacts and quasi-direct access to or knowledge of information of extreme sensitivity. It also happens in reverse, when the public sector recruits lobbyists directly into the civil service without first having allowed sufficient time for cooling off so that former lobbyists thus recruited risk being Trojan horses in the public sector areas which previously regulated them.

If we are really serious about tackling corruption at its roots, it would be better if the need to regulate lobbying is urgently considered. Together with legislation on the financing of political parties just approved by Parliament (even if this is defective, as I have explained elsewhere), the regulation of lobbying would create a better tool-kit in the fight against corruption.

published in The Malta Independent on Sunday 26 July 2015

Torri ta’ 38 sular fil-qalba ta’ Tas-Sliema ser joħnoq lir-residenti

 

Flimkien ma Arnold Cassola Chairman ta’ AD u Michael Briguglio Kunsillier f’isem AD fil-Kunsill Lokali ta’ Tas-Sliema dal-għodu indirizzajt konferenza stampa dwar it-torri ta’ 38 sular li ser jinbena mill-kumpanija ta’ Gasan flok dak li kien il-Union Club

Huwa insult li l-iżviluppaturi ta’ proġett bħal dan jgħidu li ż-żieda fit-traffiku ta’ 4,000 karozza mhux se jkollu effett negattiv fuq ir-residenti.  Fil-fatt, l-approvazzjoni ta’ proġett bħal dan, flimkien mal-binja proposta ta’ 40 sular fis-sit tal-Forti Cambridge, se tkun tfisser iktar konġestjoni ta’ traffiku, iżjed tniġġiż ta’ arja, aktar riskji għas-saħħa, inqas postijiet fejn tipparkja, filwaqt li l-proġett se jkompli jkerraħ ix-Xatt ta’ tas-Sliema u l-veduta mill-Belt.

Filwaqt li l-impatt ta’ kull proġett individwali kemm fejn jidħol tnaqqis fil-kwalita’ tal-arja, żieda fit-traffiku, u iktar inkonvenjenza kemm għar-residenti kif ukoll għan-negozju huwa diġa’ kbir, l-impatt kumulattiv ta’ proġetti differenti ta’ żvilupp  ġewwa Tigne’ huwa ħafna agħar.  Meta wieħed iżomm f’moħħu dawn l-impatti kumulattivi, jistenna li l-applikazzjoni għal permessi ta’ żvilupp għal proġetti bħal dawn għandhom ikunu miċħuda.  In-numru dejjem jikber ta’ postijiet vojta mifruxa madwar il-gżejjer (mhux anqas ġewwa tas-Sliema) ukoll għandu jwassal biex naħsbu fil-fond fuq l-impatt li dawn il-proġetti qiegħed ikollhom fuq il-ħajja ta’ kuljum tar-residenti u tan-negozju  kemm fejn jidħol bejgħ kif ukoll fit-turiżmu. Kieku kellna nirriflettu bis-serjeta’, ma jistax ikun li ma naslux għall-konklużjoni li proġetti bħal dawn qegħdin inaqqru mill-kwalita’ tal-ħajja tagħna.

Il-Kunsill Lokali ta’ tas-Sliema qiegħed joġġezzjona għal dan l-iżvilupp għal bosta raġunijiet. inkliuż dak li ġie stabbilit minn studju xjentifiku ambjentali li sar mid-Direttorat għall-Protezzjoni tal-Ambjent. Dan jinkludi it-tfigħ ta’ dell fuq diversi spazji fosthom fi Qui-si-sana minħabba t-torri ta’ 38 sular u u bini ieħor, żieda ta’ eluf ta’ karozzi kuljum fl-inħawi ta’ Qui-si-sana u Tigne’ fejn diġa hemm problemi ta’ traffiku, u l-impatt negattiv fuq ir-residenti minħabba snin twal ta’ bini bla rażan.   Barra minn hekk, torri ieħor ta’ 40 sular qiegħed ikun propost ukoll ftit metri l-bogħod, fis-sit militari tal-Forti Cambridge, li wkoll qiegħed jikkawża tħassib fost ir-residenti ta’ tas-Sliema. Aħna nappoġġaw l-Għaqda Residenti ta’ Qui-si-sana u Tigne’ fil-ġlieda tagħha għad-drittijiet tar-residenti ta’ dawn l-inħawi.

Birżebbuġa : waħda wara l-oħra

 

Il-ħruġ taż-żjut mit-terminal ta’ San Luċjan fil-baħar nhar l-Erbgħa wara nofsinnhar wassal biex għal-darba oħra ġie pprojibit l-għawm f’Birżebbuġa, din id-darba l-Qajjenza viċin fejn sa ftit ilu kellna l-impjant tal-gass.

Din mhiex l-ewwel darba. Xahar ilu kellna l-inċident fil-Port Ħieles fejn inċident ieħor kien wassal biex likwidu f’container jispiċċa l-baħar. Il-Bajja s-Sabiħa kienet damet ġranet magħluqa għall-għawm.

Kull darba li jkollna dawn l-inċidenti jbatu bosta.

L-ewwel ibatu r-residenti ta’ Birżebbuġa li jkunu mċaħħda minn rikrejazzjoni mistħoqqa. Ibatu magħhom dawk li jkunu Birżebbuġa villeġġatura. Ibatu ukoll bosta residenti mid-diversi lokalitajiet fin-nofsinnhar tal-pajjiż li f’Birżebbuġa isibu post fejn jistgħu jqattgħu ftit ħin ta’ mistrieħ.

Ibatu ukoll dawk li l-għixien tagħhom jiddependi mill-baħar inkella mill-ħwienet diversi mxerrdin ma’ Birżebbuġa.

Dawn l-inċidenti għandhom impatt fuq dawn kollha.

F’dan l-istadju ħadd għadu ma jaf eżatt x’ikkawża l-inċident u jiena mhux ser noqgħod nispekula x’setgħet kienet il-kawża. Il-fatti imma huma magħrufa minn kulħadd. Iktar ma jgħaddi żmien iktar qed tiżdied l-attività industrijali fil-Port ta’ Marsaxlokk. Din l-attività nisslet kritika mhux żgħira tul is-snin, mumenti li għixniehom flimkien, xi drabi ukoll b’opinjonijiet li jikkuntrastaw.

Illum qegħdin f’mument fejn l-attività industrijali li kienet proposta fl-interess ta’ ħidma ekonomika mixtieqa biex tnissel il-ġid qed tagħtina ukoll l-impatti negattivi tagħha. Kulħadd jippreferi kieku l-impatti negattivi ma jiġu qatt. Għalhekk għandna naħdmu.

Jekk bħala pajjiż m’aħniex ser jirnexxielna nassiguraw kontrolli stretti biżżejjed biex dawn l-impatti negattivi jkunu mill-inqas possibli ser ikollna iktar problemi. Wisq nibża’ li bħala riżultat taż-żieda tal-attività industrijali mhux il-bogħod li t-tgawdija tal-baħar f’Birżebbuġa tkun biss attivita’ tal-passat li tista’ issir biss mir-ritratti.

Forsi huwa ukoll il-mument li nifhmu li dawn huma l-konsegwenzi ta’ nuqqas ta’ ħarsien ambjentali adegwat kif ukoll ta’ konċentrazzjoni esagerata ta’ ħidma industrijali fil-Port ta’ Marsaxlokk.

Issa min irid jibqa’ b’rasu fir-ramel affari tiegħu.

ippubblikat fuq iNews il-Gimgħa 24 ta’ Lulju 2015

Meta l-“Mulej” jitbissem ……………. lil tal-Mafja

L-arresti f’Malta u fl-Italja, il-bieraħ, juru kemm pajjiżna, bħal kull pajjiż ieħor wara kollox, huwa taħt theddida.

L-istituzzjonijiet huma taħt theddida mill-kriminalità organizzata. Parti kbira mit-theddida hi l-presenza ta’ persuni bħall-Mulej fl-istituzzjonijiet. Dawn inawwru l-istituzzjonijiet minn ġewwa, tant li meta tfittex, tispiċċa biex ma ssib kważi xejn.

Huma sitta l-kumpaniji konnessi mal-logħob tal-azzard f’Malta li issemmew (bil-pulit gaming industry). Dawn is-sitt kumpaniji f’Malta kellhom il-liċenzji tagħhom sospiżi u l-assi tagħhom sekwestrati. Sitt ċittadini Taljani ġew arrestati u ser ikunu estraditi fil-kuntest ta’ investigazzjoni iktar wiesa’ konnessa mal-Indraghetta, l-organizzazzjoni kriminali ibbażata fil-pajjiż ġar tagħna l-Italia, preċiżment fil-Calabria.

Iktar kmieni, Taljan ieħor ġie arrestat hekk kif kien għadu kif wasal bil-katamaran f’Pozzallo Sqallija direttament minn Malta.

M’hiex sitwazzjoni faċli. Imma issir iktar ikkumplikata meta jkun hemm dubju dwar l-istituzzjonijiet.

Ftit iktar minn xahar ilu il-gazzetti lokali kienu taw pubbliċita lill-fatt li Spettur tal-Pulizija fl-Economic Crimes Unit kellu interessi ta’ negozju fl-industrija tal-logħob tal-azzard. Dan l-istess Spettur tal-Pulizija kien ukoll ġie misluf Ferrari minn ħabib tiegħu fl-industrija.

Huma affarijiet li diffiċli tifhem kif jistgħu jsiru, dejjem sakemm ma tirrealizzawx li meta l-Mulej ikun miegħek, bi tbissima, tista’ tagħmel kważi kollox.

Għax għalkemm dawn l-affarijiet qed joħorġu fid-dawl tax-xemx illum, ilhom jinħmew. Rabbew egħruq fil-fond tul is-snin. B’mod partikolari meta l-Mulej kien imexxi l-Korp tal-Pulizija dawn l-egħruq issaħħu.

M’għandniex wisq biex nistagħġbu b’dak li ġara. Anzi iktar hemm għax ninkwetaw li ma nafux b’iktar. Għax min jaf x’sar u x’hemm għaddej li ma nafux bih.

Ngħiduha kif inhi: jekk il-Mulej ikun miegħek, min jista’ jeħodha kontrik?

 

Nature provides solution

 

 

The economy is a linear one. We extract the earth’s resources, make use of them and, subsequently, when they are beyond their useful life, we throw them away.

Clearly, the linear economy and its exponents assume that this pattern of behaviour can go on and on. However, in distinct contrast to this philosophy, the earth’s resources are limited and not infinite and consequently, a linear economy is unsustainable.

In contrast to the linear economy, the politics of sustainable development puts forward the circular economy alternative. This signifies that a product , instead of being thrown away and ending in its “grave” at the end of its useful life, gives birth to another product. This is the cradle-to-cradle philosophy, which Mother Earth has been using successfully for ages.

Nature in fact works in this manner. Take a look at any tree. At the appropriate time, it sheds its leaves, which disintegrate in the soil below. Nature does not waste the leaves shed by the tree, as they are reused and reabsorbed through the roots of the same tree as nutrients.

The circular economy is, hence, basically an imitation of nature. In environmental-speak we call this biomimicry.

Through the office of DG Environment, the European Commission, in August 2014, published a scoping study “to identify potential circular economy actions, priority sectors, material flows & value chains”.

The circular economy deals with much more than waste prevention and waste reduction. Eco-design is one particular area of action. Through eco-design the circular economy seeks to eliminate waste at the drawing board. When product ideas are still in the conceptual stage, eco-design is the tool through which such products can be planned in such a manner that they create less and less waste. This is done through subjecting the constitutive elements of the product being designed to a lifecycle assessment: that is from extraction up to end of life.

This assessment leads to the identification of all the environmental impacts of a product. Consequently the options that result in the least environmental impacts can be selected. In addition, a lifecycle assessment will also point to the best materials to be used, such that, at the end of its useful life, a product could be easily recycled.

 

In their book Cradle to Cradle: Remaking the way we make things William McDonough and Michael Braungart focus specifically on this aspect. They identify specific industrial and commercial initiatives which seek to dematerialise the economy as a result of which we end up doing more with less. The same level of service is achieved but, in the process, has substantially fewer material inputs: practical resource efficiency.

In addition to saving on material costs as well as energy, the transition from a linear to a circular economy presents numerous potential benefits. In particular, it attracts additional investment and can create thousands of jobs that realistically contribute to making the world a better place to live in.

Since last May and ending next month, the European Commission is carrying out a public consultation to be in a position to present a circular economy strategy that would be more ambitious than the that put forward by the Barroso Commission.

In the EU Roadmap for a Circular Economy strategy, the clear focus is on innovation and job creation placed within the wider EU commitment to sustainable development. The EU wants to decouple the strategy from waste management and, as a result, to factor in other policies such as competitiveness, research and innovation, environment protection, job creation and economic growth as the practical objectives of a revised circular economy strategy.

Addressing the 2015 European Circular Economy Conference last March, European Environment Commissioner Karmenu Vella emphasised that, in a circular economy, sustainability is inbuilt into the fabric of society.

I will go one further : the circular economy, if allowed to operate, will decrease the incompatibilities between the economy and nature. It will bring us closer to reality: that we live in an ecosystem which must be respected at all times and at all costs.

published in the Times of Malta : Thursday 13 July 2015

Il-bozza l-ħamra għall-Onorevoli Ministru

Meta Ministru jingħata rigal, f’soċjetà demokratika tixgħel il-bozza ħamra. Jiġifieri l-allarm. Waħedha toħroġ il-mistoqsija: għalfejn l-Onorevoli Ministru ingħata rigal?

Il-Kodiċi tal-Etika tal-Ministri [ara t-Tieni Skeda tal-Abbozz ta’ Liġi dwar Standards fil-Ħajja Pubblika – li għadu pendenti quddiem il-Parlament]  fir-regola numru 58 jgħid hekk :

“58. L-ebda Ministru m’għandu jaċċetta rigali jew servizzi li l-entità tagħhom tkun tali li jistgħu jpoġġuh f’obbligazzjoni, kemm jekk din tkun reali kif ukoll jekk tidher li tista’ tkun……………… ”

Huwa għal din ir-raġuni li hawn kjass bħalissa dwar il-flat ta’ Portomaso li qed jagħmel użu minnu il-Ministru Chris Cardona. L-ewwel ġie allegat li l-flat kien misluf lill-Ministru. Il-Ministru wara ħafna ħin qal li l-flat hu mikri għandu. L-Onorevoli ipproduċa ukoll kuntratt li qed jingħad li ġie iffirmat f’Diċembru 2014, għal perjodu ta’ għaxar xhur.

Il-kuntratt, li jidher li sar bil-għaġġla, fih xi dettalji nieqsa imma fih ukoll kundizzjonijiet speċjali li jwasslu għal konklużjoni li hemm xi ħaġa li qed tinħeba. Il-kera li mistennija titħallas, skond dan il-kuntratt li ġie ippubblikat il-bieraħ fil-għaxija mid-Dipartiment tal-Informazzjoni, m’għandiex titħallas minn qabel, l-anqas xahar b’lura imma sa mhux iktar tard minn ħamest ijiem minn tmiem il-kuntratt.

Il-kuntratt ippubblikat għaldaqstant flok ma jagħlaq il-każ iktar jiftħu beraħ. Għax issa, iktar ċar minn qatt qabel trid tiġi imwieġba l-mistoqsija: għalfejn l-Onorevoli Ministru qed jingħata dan it-trattament preferenzjali?

Hemm min ser iweġibni u jgħidli li sid il-flat għandu dritt li jagħmel li jrid bi ħwejġu. Naqbel perfettament.

Id-diffikultà, f’soċjetà demokratika, hi li l-Onorevoli Ministru m’għandux l-istess dritt: ma jistax jaċċetta rigali jew trattament preferenzjali. Għax ikun qed jagħti messaġġ li għandu obbligazzjoni, inkella li bir-rigal jew bit-trattament preferenzjali qed titħallas lura obbligazzjoni. F’soċjeta demokratika, dawn l-messaġġi m’humiex aċċettabbli.

Għalhekk kien ġie ikkritikat bl-aħrax Tonio Fenech meta aċċetta passaġġ bla ħlas fuq jet privat biex mar jara logħba futbol ta’ l-Arsenal ġo Madrid. Lawrence Gonzi dakinnhar ukoll ma kienx kredibbli għax ma ħax passi.

Imma donnu li xejn m’hu xejn! Joseph Muscat miexi fuq l-istess passi etiċi ta’ Lawrence Gonzi: għan-niżla.