Il-ħmieġ inissel iktar ħmieg

demarco.hillman

 

L-istorja fl-ewwel paġna tal-lum tal-Malta Today hi ovvjament ritaljazzjoni għall-istejjer tal-Panama Papers dwar Konrad Mizzi u Keith Schembri l-Kasco. B’mod partikolari qed tagħti messaġġ li l-għeruq tal-ħmieġ madwar il-kumpaniji li jippubblikaw it-Times u s-Sunday Times huma mifruxa ferm iktar milli naħsbu.

Il-fattur komuni hu l-kuntrattur Pierre Sladden ta’ Redmap Construction Limited li ħadem fuq il-binja tal-Istamperija l-ġdida fl-Imrieħel. Il-kobba hi imħabbla sewwa u ma noħodhiex bi kbira li għad irridu nisimgħu ħafna iktar. Inkluż iktar ismijiet.

L-istorja tal-lum tiffoka fuq persuni madwar Adrian Hillman u m’hiex biss attakka fuq Mario de Marco imma ukoll attakk fuq uffiċjali oħra tal-kumpaniji li jippubblikaw it-Times u s-Sunday Times, inkluż fuq dak li presentement qed jimla l-post ta’ Adrian Hillman b’mod temporanjament.

Dan hu każ ieħor li bih għal akkużi ta’ irregolaritajiet qed tingħata t-tweġiba: “għax ma tarax x’għamilt int u ta’ madwarek”! Għax b’hekk il-partijiet jibqgħu jitgħajjru u jippruvaw jiġġustifikaw li ma jieħdu l-ebda pass fuq xejn.

Pajjiżna jixraqlu ħafna aħjar.

 

Advertisements

Estremist jew …………….. imdawwar bil-poodles

poodles 2

 

Ġieli qalulna ukoll fundamentalisti. L-aħħar titlu hu estremisti. Hekk irrappurtat it-Times online illum diskors dal-għodu ta’ Joseph Muscat. L-Independent min-naħa l-oħra  uża l-kelma “absolutism”.  Il-Malta Today irrappurtat dak li ntqal b’video li jaqbel ma dak li qalet l-Independent.

Ir-realtà hi li l-valur tal-ekoloġija hu wieħed assolut. Għalhekk din l-opposizzjoni li bdiet u nittama li ma tieqafx.  Il-ħerba ekoloġika madwarna qed tikber kontinwament, għax hawn wisq politiċi irresponsabbli bħal Joseph Muscat jiġru mas-saqajn. Tkun irresponsabbli jekk tħares sal-ponta ta’ mnieħrek. Jekk tħares lejn il-gwadann immedjat u tinjora, jew aħjar tagħlaq għajnejk għall-ħsara irreparabbli li qed tiżviluppa bil-mod u fit-tul.

Il-proposta tal-hekk imsejjaħ kompromess li qed jimbotta ftit ftit Joseph Muscat, fis-sens li jibni biss parti mill-campus tal-“Università” fiz-Zonqor u l-kumplament x’imkien ieħor hi proposta irresponsabbli. Għax jekk Muscat qed jagħraf li hemm validità fl-argument li l-Università għandha titbiegħed miż-Żonqor, din għandha titbiegħed kompletament. Mhux biċċa biss biex taparsi kien qed jisma’.

Tajjeb li l-Gvern jisma’. Imma hu iktar importanti li jagħti każ. Li ma tkunx trid  tisma’ hu ħażin. Imma li tisma’ u ma tagħtix każ hu agħar għax turi li taparsi qed tisma’.

Pajjiżna ma jistax jitlef iktar raba’. Tilef iktar minn biżżejjed tul is-snin. Dak li ntilef ma jistax jinġieb lura.

Ir-raba’ taż-Żonqor m’huwiex biss sors ta’ għajxien għall-bdiewa. Huwa ukoll bejta tal-bijodiversità li qed tinqered ftit ftit.

Li topponi li l-ġungla tal-konkos jibla iktar raba’ m’huwiex estremiżmu. Huwa sens ta’ responsabbiltà kbira favur żvilupp sostenibbli. Għax l-iżvilupp għaqli m’huwiex li tibni iktar imma li tkun kapaċi tutilizza dak li hu diġa mibni biex taqdi l-ħtiġijiet tal-lum.

Dan ma jgħoddx biss għaż-Żonqor imma jgħodd ukoll għall-iskejjel li trid tibni l-Knisja f’Ħal-Ghaxaq. Ankè dawk, m’għandhomx jinbnew. Għandhom jinstabu soluzzjonijiet oħra, avolja diffiċli.

It-titlu ta’ estrimist fejn jidħol l-ambjent xejn ma jdejjaqni. L-importanti l-konsistenza li min huwa mdawwar bil-poodles m’għandux idea xi tkun.

Kif jista’ Karmenu Vella jitfi s-switch?

switching off

 

Karmenu Vella hu ferħan bl-inkarigu li ngħata minn Jean-Claude Juncker. Imma meta tara l-affarijiet sewwa huwa ċar li m’għandux wisq biex jifraħ.

Jiena bħala ambjentalist naħseb li l-proposta ta’ Juncker hi waħda żbaljata u nantiċipa kritika qawwija fil-Parlament Ewropew u fil-kumitati relattivi. Dan diġa jinħass mill-kummenti li qed jinstemgħu fil-kurituri diversi ġo Brussels.

L-ewwel nett l-oqsma ta’ responsabbiltà li Juncker għazel li jgħabbi fuq Karmenu Vella mhux biss huma wisq, imma iktar minn hekk jagħtu l-messaġġ ta’ tnaqqis tal-importanza tal-oqsma kollha: l-ambjent, il-politika marittima kif ukoll is-sajd. L-għażla tar-responsabbiltajiet ta’ Karmenu Vella kienet deċiżjoni politika ta’ Jean-Claude Juncker. Hi għażla li tfisser li dawn it-tlett oqsma ser ikunu emarġinati.  Dan hu messaġġ ħażin li qed jagħti Jean-Claude Juncker.

Hu messaġġ li ma jirriżultax biss mid-daqs tal-portafoll imma ukoll mill-fatt li l-ħidma ta’ Vella biex tasal għad-diskussjoni fil-Kummissjoni trid il-kunsens ta’ wieħed mill-Viċi Presidenti tal-Kummissjoni prinċipalment fuq kriterji ekonomiċi u ta’ kompetittivita u dan bħala riżultat tal-proposta tal-clustering tar-responsabbiltajiet fil-Kummissjoni. Dan ser ifisser li jista’ jinħonoq il-leħen ambjentali fil-Kummissjoni. Dan ikun pass kbir lura li jieħu lill-Unjoni Ewropeja lura snin kbar.

Kien ikun ħafna iktar għaqli kieku, kif qed tinsisti l-World Wildlife Fund, inħoloq cluster ta’ Kummissarji taħt id-direzzjoni ta’ Viċi President responsabbli mill-Iżvilupp Sostenibbli. Imma din donnha li għal Jean-Claude Juncker mhiex materja ta’ importanza.

Karmenu Vella hu bniedem raġjonevoli. Tista’ tiddiskuti miegħu b’faċilita. Filwaqt li dan hu importanti ħafna, mhux biżżejjed.

F’karriera politika ta’ kważi 40 sena Karmenu Vella ftit li xejn kien espost għall-politika ambjentali . Li taqra d-dossiers li jħejjulek fuq materji differenti jista’ jkun ta’ għajnuna imma qatt ma hu ser jirrimedja, f’kamp daqstant vast u kultant ikkumplikat bħalma hu dak ambjentali.

Fuq kollox imbagħad Karmenu Vella jappartjeni lil partit politku li m’għandux kredenzjali ambjentali li qatt jista’ jiftaħar bihom. Għadu ħiereġ minn kampanja elettorali fejn bħala parti mill-Partit Laburista Karmenu Vella ta appoġġ inkundizzjonat lill-kaċċa fir-rebbiegħa u lill-insib, posizzjonijiet li huma dijametrikament opposti għar-responsabbiltajiet li hu propost li jerfa’. Anzi għandu l-inkarigu ċar u speċifiku minn Juncker li jibda l-proċess ta’ reviżjoni u konsolidament tad-Direttivi bażici dwar l-Għasafar u l-Habitats. Safejn naf jiena ma naħsibx li Juncker irid jintroduċi l-kaċċa fir-rebbiegħa fl-Unjoni Ewropeja kollha!

Kif jista’ Karmenu Vella jitfi s-switch  ta’ posizzjonijiet politiċi li m’humiex kompatibbli mal-linja politika ambjentali tal-Unjoni Ewropeja?

Herman Grech tat-Times dan kollu jiddeskrivieh bħala riżultat tas-sens ta’ umoriżmu ta’ Juncker.

Fuq dan il-blog jiena diġa emfasizzajt li hemm dan il-kuntrast inkwetanti bejn ir-responsabbiltajiet assenjati lil uħud mill-Kummissarji (fosthom Karmenu Vella) u l-politika tal-pajjiż li qed jaħtarhom.

Altru li għandu biex jieħu pjaċir Karmenu Vella.

Fiċ-Ċukaj għadhom lura

handcuffs

 

Meta taqra l-artiklu ta’ Ivan Fenech fit-Times tal-lum tirrealizza kemm għadhom lura fiċ-Ċukaj. Qiesu għandhom lin-Nazzjonalisti  fil-Gvern.

Fiċ-Ċukaj għadhom ma rrealizzawx li l-vittmi tad-droga protezzjoni jeħtieġu. Għadhom ma irrealizzawx li lill-vittmi tad-droga mhux lill-pulizija għandhom bżonn ma saqajhom iżda persuni b’impenn soċjali li jgħinuhom ifittxu triq aħjar li ma tagħmillhomx ħsara għal saħħithom.

Fiċ-Ċukaj għadhom jiddistingwu bejn l-alkohol u drogi oħra.

Fiċ-Ċukaj għadhom ma semgħux bil-progress kbir li sar fil-Portugall minn mindu iddikriminalizzaw l-użu tad-droga għal użu personali!

Għaċ-Ċukaj il-ħabs għadu soluzzjoni. Meta fir-realta’ hu parti mill-problema.

Skanska u Tonio Fenech dwar il-konkos f’Mater Dei

Mater Dei.under construction

Fi stqarrijiet diversi li saru mill-Ministru Konrad Mizzi u s-Segretarju Parlamentari Chris Fearne konna infurmati bid-dettalji dwar li l-konkos użat f’Mater Dei ġol-blokk  li fih it-taqsima tal-Emergenza. Ġejna infurmati li l-konkos hu dgħajjef b’mod li ma jiflaħx illi jerfa’ l-piz ta’ iktar kostruzzjoni.

Bħala riżultat ta’ din l-informazzjoni kellna lil min stagħġeb, kif ukoll kellna lil min ma stagħġibx.  Dan tal-aħħar, l-ex-Ministru Tonio Fenech kien ikkwotat li qal li ma kienx sorpriż b’din l-aħbar.

It-Times ta’ Malta fil-fatt tikkwota lil Tonio Fenech hekk: “The structures were never designed to carry such loads and Skanska had refused to build beyond two additional floors for safety reasons”.

Ikun interessanti ħafna kieku Tonio Fenech jispjega “ftit” iktar x’irid jgħid b’dan il-kumment.

Għax jekk Skanska irrifjutaw li jibnu iktar minn żewġ sulari għal raġinijiet ta’ sigurta’ probabbilment li f’xi żmien kienu mitluba jew ġew  ippressati dwar dan u Skanska kellhom jiġġustifikaw il-għala kienu qed jirrifjutaw. Nifhem li Skanska jkunu ippreżentaw raġunijiet dettaljati għalfejn kienu qed jinsistu li ma setgħux jibnu iktar fuq il-blokk tal-Emerġenza. Possibilment li dan huwa wkoll dokumentat b’xi mod f’xi rapport jew xi minuti ta’ xi laqgħa.

Il-kumment ta’ Tonio Fenech hu ċar ħafna. Jgħid li (skond Skanska) l-bini qatt ma kien iddiżinjat biex jiflaħ iktar minn żewġ sulari u li allura jekk dan jitgħabba b’iktar milli hu ddiżinjat biex jerfa’ jkun hemm problemi ta’ “safety”.

Dan ifisser li probabbilment  x’imkien hemm xi dokument li jispjega l-posizzjoni ta’ Skanska liema dokument, meta jinstab x’aktarx li jwieġeb il-parti l-kbira tal-mistoqsijiet li għandu quddiemu l-Imħallef (irtirat) Philip Sciberras.

Issa jekk il-posizzjoni hi kif qed jgħid Tonio Fenech għaliex donnu ħadd ma kien jaf biha? Xi ħadd donnu li m’għamilx il-homework sewwa qabel ma fesfes f’widnejn Konrad Mizzi u Chris Fearne. Ikun interessanti ħafna kif dan il-punt bażiku li qed jagħmel Tonio Fenech ser jiġi indirizzat mill-inkjesta immexxija mill- Imħallef (irtirat) Philip Sciberras.

L-aħħar ħaga: għadni ma fhimtx kif il-ġurnaliżmu investigattiv kollu li għandna madwarna, minn dan kollu jidher li ma xammew xejn. Dak li qal Tonio Fenech, jekk veru, għandu jpoġġi l-argumenti kollha dwar l-inkjesta rashom l-isfel!

Kummissarju għal Malta fi Brussels: raġel jew mara?

Orizzont.300814.cahda KVella

 

Il-ġimgħa l-oħra fl-Orizzont ġie miċħud li kien hemm xi ħsieb li l-Gvern Malti jibdel in-nomina ta’ Karmenu Vella għal Kummissarju Ewropew billi jinnomina mara għall-ħatra floku. L-Orizzont f’artiklu ippubblikat nhar is-Sibt 30 t’Awwissu 2014 iffirmat minn Jake Azzopardi w intitolat Miċħud rapport li ser tiġi nominata mara flok Karmenu Vella jirraporta dak li qal ġurnal fil-Croatia u jiċħad l-istess rapport.

It-Times tal-bieraħ it-Tlieta 2 ta’ Settembru 2014 iġġib il-boċċa ftit iktar qrib il-likk. Tgħidilna li qed issir pressjoni fuq il-Gvern Malti biex flok Karmenu Vella jinnomina mara bħala Kummissarju Ewropew. Din il-pressjoni qed issir mhux biss fuq il-Gvern Malti imma ukoll fuq diversi Gvernijiet oħra. Jean-Claude Junker irid ta’ l-inqas 9 Kummissarji nisa minn fost is-27 Kummissarju li flimkien miegħu ser jiffurmaw il-Kummissjoni Ewropeja l-ġdida. S’issa għad m’għandux 9 Kummissarji nisa. Għandu 6 biss  u ċjoe l-Kummissarji nominati mid-Danimarka, mill-Iżvezja, ir-Repubblika Ċeka, l-Italja, Ċipru u l-Bulgarija. Jonqsu ta’ l-inqas tlett Kummissarji nisa oħra u għalhekk qed issir pressjoni “diplomatika” mit-team ta’ madwar Junker fuq diversi pajjiżi, fosthom fuq Malta biex tinbidel in-nomina ta’ Karmenu Vella. Għax Malta hu wieħed minn dawk il-pajjiżi li sal-lum qatt ma nnominaw mara ghall-post ta’ Kummissarju Ewropew.

Waqt il-kampanja għall-Presidenza tal-Kummissjoni Ewropeja Jean-Claude Junker wiegħed lill-Membri tal-Parlament Ewropew li fil-Kummissjoni mmexxija minnu mhux ser ikun hemm inqas nisa milli kien hemm fil-Kummissjoni Barroso II. Issa din il-wegħda qatt ma seta jkun f’posizzjoni li jwettaqha għax in-nomini ma jsirux minnu, iżda mill-Gvernijiet. Imma din id-dikjarazzjoni kienet “commitment” politiku ta’ Junker li issa jidher li qed  tinkwetah.

Fil-Parlament Ewropew il-Ħodor u s-Soċjalisti diġa iddikjaraw li jekk ma jkunx hemm biżżejjed nisa maħtura fuq il-Kummissjoni Ewropeja ma kiexux lesti biex jivvutaw favur il-Kummissjoni. Il-Liberali għal raġunijiet oħra ukoll iddikjaraw vot kuntrarju. Bil-konservattivi, il-lemin estrem, l-ewroxettiċi u oħrajn ukoll jivvutaw kontra l-approvazzjoni tal-Kummissjoni, Jean-Claude Junker jista’ jkun li qiegħed f’diffikulta li jkollu l-Kummissjoni approvata u għaldaqstant qed jipprova jsalva dak li jista’. Għalhekk il-pressjoni fuq il-Gvern Malti biex flok Karmenu Vella tkun innominata mara. Għax mingħajr ta’ l-inqas 9 Kummissarji nisa, jista’ jkun hemm il-periklu li l-Kummissjoni ma tkunx approvata mill-Parlament Ewropew.

Id-diffikulta’ li għandu Joseph Muscat hi li hu għaġġel wisq biex ħatar lil Karmenu Vella. Hu ovvju li l-ħatra ta’ Karmenu Vella saret minħabba l-ħtiġijiet taċ-ċess politiku lokali. Kif wara kollox isir f’pajjiżi oħra ukoll.

Seta, kieku ried, Joseph Muscat ħalla d-deċiżjoni għal iktar tard biex ikollu stampa iktar kompleta ta’ x’jaqbel mhux biss għalih u għall-Partit Laburista, imma ukoll x’jaqbel għall-pajjiż. Hemm xi pajjiżi li għamlu eżattament hekk u ppreżentaw in-nomina tagħhom f’dawn l-aħħar jiem.

Matul il-ġimgħa d-dieħla inkunu nafu liema huma dawk il-pajjiżi li reġgħu ħasbuha u bagħtu mara flok raġel fil-Kummissjoni Ewropeja. Minkejja ċ-ċaħdiet kollha li saru hu possibli li wara kollox Karmenu jibqa’ Birżebbuġa u Brussels imur xi ħaddieħor floku. Jiddependi minn ħafna affarijiet. Fi Brussels għandhom ħabta kif dak li jidher impossibli jsir ftehim dwaru f’ħakka t’għajn, minkejja dak kollu li jkun ilu jingħad!

Imma dwar x’ser jiġri eżatt irridu nistennew ftit ieħor. Wara kollox anke Joseph jista’ jibdel l-opinjoni tiegħu jekk jidhirlu li jkun hemm raġuni valida biex jagħmel dan.

Karmenu Vella + EU

Daqqa ta’ ħarta oħra

whisky on the rocks

L-aġir tal-Maġistrat Carol Peralta nhar il-Ħamis hu daqqa ta’ ħarta oħra għall-Qrati. Huwa ta’ sfortuna kbira li l-ħidma ġenwina ta’ ħafna biex il-Qrati jiksbu kura l-fiduċja tan-nies issib persuna bħal Peralta li għal darba oħra jwaqqa’ l-Qrati għaż-żuffjett.

Mhux l-unika wieħed tul is-snin li bl-imġeba tiegħu kisser ix-xogħol tajjeb li għamlu bosta.

Imma bħal dejjem il-party ta’ Peralta li ser jibqgħu jiftakru in-nies.

Il-ġurnalist tat-Times Ivan Martin li mar jinvestiga u għamel xogħolu għamel sewwa. Imma l-Maġistrat sfortunatament jidhirlu li mhux biss hu il-fuq mill-Liġi imma li m’għandux ikun soġġett għall-iskrutinju pubbliku.

Ġaladraba l-Magistrat Peralta jidhirlu li mexa sewwa u bl-iktar mod arroganti ser jibqa’ għaddej ma nafx x’inhu jistenna l-Prim Ministru biex iressaq mozzjoni fil-Parlament ħalli Peralta jitneħħa minn Maġistrat immedjatament.

Il-Qrati  tagħna jixirqilhom aħjar.

The Foreign Minister & the Ministerial Code of Ethics

George Vella

Dr George Vella, Foreign Minister, in reply to Ivan Camilleri on today’s Times of Malta makes a valid point as to why, after being appointed a Cabinet Minister, he needs a transition period relative to the practicing of his profession as a medical doctor.

Ivan Camilleri describes Dr Vella as being “angry” at what he perceived as a “witch-hunt” in respect of members of the Cabinet still practising their profession.

Dr Vella has in fact repeated what former Health Minister Dr Joseph Cassar stated last week that in respect of patients who have been under his care for a number of years it would be extremely insensitive for him to withdraw abruptly from caring for them until they have had adequate time for them to identify an alternative professional who could take over their care.

This could easily have been solved by an immediate amendment to the Ministerial Code of Ethics through considering the possibility of utilising a suitable and reasonable transition period at the end of which medical doctors who are also members of Cabinet would be expected to cease practicing their profession altogether.

Establishment of such a transition period and subject to the medical doctor not being remunerated would have been a very reasonable  solution to the current impasse.

It however leaves unaddressed the general problem of Members of Parliament who still consider their parliamentary duties as being of a part-time nature. AD considers that it is high time that this issue is also addressed.

Parliament, AD states in its March 2013 electoral manifesto, should become a professional institution made up of full-time parliamentarians. This would assist MPs in fullfilling their Parliamentary duties much better than they are at present and could also possibly lead to Parliament functioning in a more family-friendly manner. [a very valid point made recently by new Labour MP Deborah Schembri]

An added benefit of a Parliament made up of full-time Members of Parliament would mean that by the time an MP (who is also a professional) is appointed as a Minister or Parliamentary Secretary he would have been weaned off his private practice. He/she would be used to it and so would his/her patients.

Xogħol il-Membru tal-Parlament

carrots

Il-Gvern permezz ta’ diversi dikjarazzjonijiet tal-Prim Ministru Joseph Muscat repetutament qed jgħid li jrid jinvolvi lill-Membri tal-Parlament taż-żewġ naħat tal-Kamra fil-ħidma tal-Gvern.

Dan nissel reazzjonijiet diversi inkluż, u b’mod partikolari, mill-Opposizzjoni. Il-bieraħ fil-fatt Simon Busuttil Viċi Kap tal-PN qal li l-Opposizzjoni mhiex ser tinxtara. Dan qalu kemm fil-Parlament kif ukoll fl-artiklu tiegħu ta’ kull ġimgħa fit-Times intitolat A flawed “executive” offer .

Xogħol il-Membru tal-Parlament hu fil-Parlament. Jiġifieri jagħmel il-liġijiet u jgħarbel il-ħidma tal-Eżekuttiv. Minflok iżda qed tiġi żviluppata l-idea li dawk il-Membri Parlamentari li mhumiex Ministri jew Segretarji Parlamentari jkun aħjar jekk jinstabilhom xi ħaġa biex ikollhom biex jgħaddu l-ħin għax inkella jsibu huma l-mezz biex jgħaddu l-ħin. Il-konsegwenzi ta’ dan ma jkun xejn pjaċevoli kif jaf sewwa Lawrence Gonzi!

Din m’hiex xi ħaġa li ivvinta Joseph Muscat. Esperimentaw biha l-Prim Ministri kollha ta’ qablu. Kemm Mintoff fis-snin sebgħin kif ukoll Gonzi fis-snin li għadhom kif għaddew fittxew modi kif jokkupaw il-ħin tal-Membri Parlamentari. Mintoff u Gonzi din għamluha mal-Membri Parlamentari tal-Gvern li kienu jmexxu. Joseph Muscat qed jipprova jifrex il-ħsieb iktar minn hekk u jsib applikazzjoni tiegħu mal-Opposizzjoni ukoll.

Naħseb li l-idea hi fil-prinċipju żbaljata. Għax il-kapaċita u l-kompetenza ta’ kull Membru Parlamentari għandha tkun applikata fil-ħidma tal-Parlament.

L-ewwel nett fil-ħidma diretta tal-Kamra u l-kumitati tagħha, fil-parteċpazzjoni fid-dibatti dwar liġijiet u l-politika tal-oqsma differenti. It-tieni fis-sorveljanza tal-ħidma tal-Gvern inkluż fil-mod kif jaħdmu l-awtoritajiet: kif jonfqu l-fondi allokati kif ukoll kif titfassal u tiġi applikata l-politika fl-oqsma differenti.

Fost oħrajn il-Parlament għandu jkun full-time. Jiġifieri l-Membri Parlamentari għandhom jokkupaw il-ħin kollu tagħhom fil-Parlament. Jekk u meta jagħmlu dan m’għandix dubju li jsibu ħafna x’jagħmlu. Wisq nibża’ iżda li la l-PN u l-anqas il-PL ma jixtiequ dan għax jekk il-Parlament jiġi f’posizzjoni li jagħmel xogħolu aħjar ikun diffiċli ħafna iktar li xi rokna tal-ħidma tal-Gvern tibqa’ mistura.

Din hi l-problema reali li qed jaffronta Joseph Muscat. Iffaċċja qablu Lawrence Gonzi. Kemm Muscat kif ukoll Gonzi jaħsbu li jkun għaqli li l-Membru Parlamentari jinżamm okkupat. Bħala riżultat t’hekk il-ħidma tal-Gvern tkun mgħarbla ħafna inqas milli hu neċessarju.

Malta’s reputation and the Olympics

Lino Farrugia Sacco 1

Last June The Times informed us that Justice Minister Chris Said had called on the Commission for the Administration of Justice to investigate Mr Justice Lino Farrugia Sacco in view of reports carried in London’s Times on the Olympics ticketing scam.

Mr Justice Farrugia Sacco had stated that there was no wrong-doing at his end. In fact he had informed The Times that: “We would never go against the rules of the International Olympic Committee ( IOC). It’s not worth it.”

On the 22 June 2012 The Times had informed its readers that His Excellency President George Abela would abstain from presiding over the investigation requested by the Justice Minister as in the past he (Abela) had represented Mr Justice Farrugia Sacco as legal counsel. The investigation consequently was to be led by the Vice President  of the Commission, the Chief Justice Dr Silvio Camilleri.

No one knows anything else about the investigation requested by Justice Minister Chris Said.

Yesterday 7 December 2012 The Times reported the conclusions of the IOC five-month international investigation into Olympic ticket selling.

I have accessed the website of the International Olympics Committee which reported that on the 5th December 2012 the Executive Committee of the IOC considered and approved “the Ethics Commission proposed recommendations, which were based on a thorough analysis of the evidence provided by the Sunday Times and several hearings.”

The report of the Ethics Committee of the IOC makes interesting reading.

Paragraph 17 of the IOC Ethics Committee Report states the following :

“With regard to the NOC [National Olympic Committee] of Malta,

a) Mr Lino Farrugia, President of the Maltese NOC:

After taking cognisance of all the evidence and his observations, the Commission observes that, by agreeing to take part, with the NOC Secretary General, in a discussion concerning the ATR contract for the Games in Sochi, when it was apparent that his interlocutors seemed to be looking for ways to circumvent the official mechanism, Mr Farrugia allowed the journalists to prove their point.

b) Mr Joe Cassar, Secretary General of the Maltese NOC:

After taking cognisance of all the evidence and his observations, the Commission observes that, by agreeing to discuss the ATR contract for the Games in Sochi when his interlocutors were clearly looking for ways to circumvent the official mechanism and knowing that some of the tickets could be sold in the Middle East; and finally by explaining which means could be used to get around the mechanism, Mr Joe Cassar helped to prove the point being made by the journalists, namely that the sports world and those who work with it are prepared to violate the rules. As a result, Mr Joe Cassar helped the reputation of the Olympic Movement to be tarnished.”

The IOC Ethics Committee concluded by giving its opinion which was unanimously approved: either the local Olympic Committees take action against the named officals who have tarnished the reputation of the Olympic Movement, or else :

“The Commission is further of the view that, in the absence of appropriate action by the NOCs or the individuals concerned, the IOC Executive Board has the authority to take the appropriate administrative measures, particularly with regard to issuing accreditations for the various IOC organized events such as the Olympic Games, the Youth Olympic Games, Sessions and other IOC meetings.”

In view of the above it is clear that the matter is not just an internal matter for the Malta Olympic Committee. It may well involve non-participation of maltese sportsman and women in Olympic activities.

I have no hope that Parliament will act by impeaching Mr Justice Farrugia Sacco, even if that is what he deserves.

What will happen now is anybody’s guess. Will the sports organisations stand up to be counted?

The International Olympic Movement is worried because its reputation has been tarnished. Unfortunately it seems that no one is worried in Malta. No one seems to care that Malta’s reputation is being severely tarnished. It gets worse.

The silence of the authorities is deafening. It defines the ethical standards of public officials!