Sħubija fil-Union bil-fors?

Il-Partit Laburista, fil-manifest elettorali tiegħu, qed imexxi l-quddiem l-idea ta’ sħubija obbligatorja fi trade union.

Din l-idea oriġinat mill-unions infushom u għandha l-oriġini tagħha fil-fatt li fi prattikament kull post tax-xogħol hemm min ma jissieħeb fl-ebda union, joqgħod gallarija, u mbagħad igawdi hu (jew hi) ukoll mill-benefiċċji li jintrebħu bħala riżultat tan-negozjati bejn management u union.

Nifhem li l-Unions jiddejqu b’din is-sitwazzjoni.

Li jkun hemm iktar parteċipazzjoni fil-Unions hu oġġettiv tajjeb għax hu bil-parteċipazzjoni ta’ iktar nies mid-dinja tax-xogħol fil-ħidma trejdunjonistika li l-Unions jistgħu ikunu aħjar. Jagħmlu ukoll xogħol aħjar għax dan ikun rifless tal-fehma ta’ iktar persuni!

Imma li ġġiegħel lil kulħadd li jkun bilfors imsieħeb f’Union, anke jekk din tkun tal-għażla tiegħu/tagħha mhiex aċċettabbli. Ikun pass kbir il-quddiem kieku iktar jissieħbu, imma l-għażla trid tkun waħda ħielsa.