Wara d-deċiżjoni tal-Qala: għalfejn stenbħu issa?

Alfred Sant qal li c-Chairman tal-Kummissjoni għall-Kontroll tal-Iżvilupp għandha tirreżenja. Sewwa qal u naqbel miegħu. Inżid ngħid li jmissha ilha li warrbet jew twarrbet.

Jason Micallef u Cyrus Engerer qalulna li kull min ivvota favur l-applikazzjoni tal-Qala għandu jirreżenja! Sewwa qalu: imma għax ma semmewx lil Clayton Bartolo b’ismu: il-Membru Parlamentari tal-Labour fil-Bord tal-Awtorità tal-Ippjanar li ivvota favur u li kontinwament jipprova jistaħba wara subgħajh biex jiġġustifika l-vot tiegħu favur? Ghal Clayton mhux l-ewwel darba li qiegħed taħt il-lenti!

X’inhu jiġri biex issa dawn ukoll qed jitkellmu favur riżenja ta’ min ikun ħa sehem f’deċiżjoni stupida? In-nies hemm barra ilhom jgħiduha din, għal diversi membri tal-Bord tal-Awtorità tal-Ippjanar!

Il-ħniżrijijet li nħabbtu wiċċna magħhom fl-Awtorità tal-Ippjanar huma bosta iktar u ikbar mill-kaz tal-Qala. Imma dwar dawn ftit ikun hemm min jiftaħ ħalqu.

Marthese Portelli qalet li ma tridx ikollha x’taqsam iktar mal-Awtorità tal-Ippjanar, issa!

Joseph Muscat, dalgħodu qal li d-deċiżjoni hi waħda insensittivà! X’tippretendi jekk għandna Bord li għala biebu mis-sensittività ambjentali? Dawn huma l-konsegwenzi, għax bħal dejjem, li tiżra’ taħsad!

Il-problema għandha egħruq fil-fond u uħud minnhom iwasslu sar-raba’ sular. Id-dmugħ tal-kukkudrilli issa ftit li xejn ser isolvi.

Din id-deċiżjoni hi l-konsegwenza loġika ta’ snin tal-inkompetenza grassa. L-ewwel kellna lill-bidilli ta’ George Pullicino u issa għandna lil dawn! L-unika differenza hi fl-ismijiet.

David iħobb lil “Mary Jane”

mary_jane

David Camilleri, li fl-aħħar elezzjoni ġenerali kien kandidat ta’ Alternattiva Demokratika fuq Għawdex u iktar tard kandidat għall-Kunsill Lokali tal-Qala, f’post fuq facebook akkumpanjat b’ritratt tiegħu b’dik li tidher tixbah pjanta tal-kannabis, jilmenta li ħaduhielu. Ilmenta li qed iħoss sewwa n-nuqqas tagħha għax qal li kienet tfejqu mill-uġiegħ ta’ ras. Jirreferi għaliha bħal “Mary Jane”.

Is-sit elettroniku tal-gazzetta Illum, is-sit elettroniku tal-aħbarijiet iNews kif ukoll l-Orizzont ippubblikaw din l-aħbar bir-ritratt b’kollox. INews u L-Orizzont ippubblikaw ukoll kumment ta’ Arnold Cassola Chairman ta’ Alternattiva Demokratika. Il-kummenti tal-Illum huma sarkastiċi fil-konfront ta’ David Camilleri, jibbottjaw li forsi għandu skorfina nieqsa jew ftit maħlula.

Kif emfasizza tajjeb Arnold Cassola, Chairman ta’ Alternattiva Demokratika, billi l-każ jirrigwarda pjanta waħda tal-kannabis, AD ma għandha l-ebda diffikulta dwar dan, u dan minħabba li ilha żmien li ddikjarat ruħha favur id-dikriminalizzazzjoni tal-pussess ta’ droga għall-użu personali. AD ilha ukoll li iddikjarat ruħha favur l-użu mediċinali tal-kannabis. Għax il-kannabis hi droga bħalma hu droga t-tabakk. Bid-differenza li t-tabakk hu legali u fuqu tħallas it-taxxa tas-sisa.

Sfortunatament il-Gvern lablab wisq u għalkemm għamel passi l-quddiem, mexa ftit wisq fuq din l-issue.

Konformi ma dak li temmen, lil David Camilleri Alternattiva Demokratika mhux ser tikkundannah. Ngħid biss li meta jaf l-attitudnijiet konservattivi madwaru x’saħħa għandhom, David Camilleri qatt ma messu ta’ pubbliċità żejda lil din il-materja. Kien ikun ħafna aħjar li ħalla kollox kwiet, fil-privat, bejnu u “Mary Jane”. Kieku forsi min jaf, għadu bi kwietu.

Kienet baħnanata da parti ta’ David li ppubblika r-ritratt u l-kummenti fuq facebook.

Labour & the Environment : it gets better every day!

Marine Protected Areas

The map above indicates the 4 marine protected areas around Malta.

The proposed location of the cruise terminal/yacht centre/luxury villas project at Tas-Simar Qala Gozo is in site Number 2.

Labour’s credentials on environment protection get better every day!

 

Tas-Simar in Gozo : the design says it all

simar Gozo

The online media have published what the proposed Gozo cruise liner terminal at Tas-Simar limits of Qala would look like.

The proposal is to develop a former limestone quarry along the Qala coast. It includes a yacht marina, a terminal building, a luxury hotel, villas and other residential units and obviously retail and leisure facilities with fantastic views.

The phallic design describes visually the impacts of the project.

The area is a Marine Protected area. But more about that later.