Business friendly: il-flus qabel in-nies!

Art pubblika qed tittieħed minn stabilimenti tal-ikel u x-xorb biex tkun estiża l-attività kummerċjali tagħhom fit-triq u dan bil-konsegwenza ta’ diversi problemi għar-residenti u l-komunitajiet tagħna madwar Malta.

L-aħħar każ fl-aħbarijiet hu dak ta’ Triq il-Kbira San Ġiljan li seħħ wara li l-Awtorità tal-Ippjanar ħarġet permess biex f’żona li sal-lum kienet riżervata għall-parkeġġ jibdew jitqegħdu l-imwejjed u s-siġġijiet. Sid l-istabbiliment aġixxa hekk kif irċieva l-permess tal-ippjanar mingħajr ma qagħad jistenna għal deċiżjoni mingħand l-Awtorità tal-Artijiet dwar jekk jistax ikun aċċettabbli li art pubblika tintuża bil-mod propost.

Il-qarrejja probabbilment jiftakru li xi żmien ilu l-Awtorità tal-Artijiet kienet irrifjutat applikazzjoni simili fix-Xatt il-Gżira. F’dak il-każ partikolari appell ta’ lukanda minn deċiżjoni tal-Awtorità tal-Artijiet biex flok spazji għall-parkeġġ tal-karozzi fi triq ewlenija jitqiegħed platform u fuqu imwejjed u siġġiet kien irrifjutat. It-talba biex jitqegħdu l-imwejjed u s-siġġijiet kienet irrifjutata minħabba li kienu ser jonqsu żewġ spazji għal parkeġġ kif ukoll minħabba tħassib dwar sigurtà tan-nies.

Minkejja din id-deċiżjoni li ttieħdet iżjed minn sena ilu mit-Tribunal Amministrattiv jidher li l-Awtorità tal-Ippjanar għadha marbuta mal-interessi tan-negożji.

Ikun floku li niftakru li d-dokument bil-politika tal-ippjanar dwar it-tqegħid ta’ imwejjed u siġġijiet fi spazji pubbliċi kien imfassal minn kumitat inter-MinisterjalI li speċifikament kien eskluda l-parteċipazzjoni ta’ rappreżentanti tal-lokalitajiet tagħna. L-interessi tal-lokalitajiet, kemm dawk tar-residenti kif ukoll dawk tal-Kunsilli Lokali kienu kompletament injorati. Iktar minn hekk, meta l-materja kienet ikkunsidrata mill-Kabinett, mid-dehra l-Ministru tal-Kunsilli Lokali Owen Bonnici kien rieqed għax kieku bla ebda dubju kien jiġbed l-attenzjoni ta’ sħabu li l-Liġi dwar il-Kunsilli Lokali, fl-artiklu 33 tistabilixxi li hi funzjoni ta’ kull Kunsilli Lokali li “ jagħti pariri lil u, li jkun ikkonsultat minn kull awtorità li tieħu xi deċiżjonijiet li direttament jew indirettament jolqtu l-Kunsilli u lir-residenti li jkunu responsabbli għalihom.”

F’kull parti tal-pajjiż, il-Kunsilli Lokali huma rrabjati dwar kif dawn ir-regoli speċifiċi tal-ippjanar ġew imfassla, approvati u implimentati b’mod li jpoġġu n-negożju u l-flus qabel in-nies.

F’dan il-każ speċifiku ta’ San Ġiljan l-ispażju pubbliku li hu propost li jittieħed hu presentment utilizzat għall-parkeġġ.

Ipprova imxi fuq il-bankina fix-xatt bejn il-Gżira u tas-Sliema u ibqa’ għaddej max-Xatt ta’ Tigne. Tkun mixja diffiċli minħabba li n-negozji għamlu l-bankina tagħhom (bil-barka tal-awtoritajiet) u dak li hu tal-pubbliku ikkapparrawh: mhux biss il-bankina imma ukoll kważi kull spazju għall-parkeġġ.

Li tipprova timxi fuq il-ftit spazju li ħallew hi diffiċli ħafna għal kulħadd imma l-iktar għar-residenti li joqgħodu fl-appartamenti fis-sulari ta’ fuq dawn in-negozji. Jiffaċċjaw kull xorta ta’ diffikulta mill-ħruġ tal-iskart, li bilkemm ħallewlhom fejn dan jitpoġġa kif ukoll anke diffikulta biex idaħħlu fi djarhom għamara ta’ kull xorta. Dan hu r-riżultat tal-politika tal-Gvern tal-lum li tpoġġi l-interessi tan-negożju qabel l-interessi tan-nies: politika business-friendly. Infrastruttura sigura u aċċessibli għan-nies hi kontinwament mogħtija l-ġenb kemm mill-Gvern kif ukoll mill-awtoritajiet pubbliċi.

Jiena dejjem kont tal-fehma li l-Ippjanar għall-użu tal-art hu għan-nies. Sfortunatment dan ġie ttrasformat f’magna li tiffaċilita l-qliegħ tal-flus.

Għamel sew Albert Buttigieg, is-Sindku ta’ San Ġiljan, li sabbat saqajh u rreżista l-aħħar attentat tan-negozju biex bl-għajnuna tal-Awtorità tal-Ippjanar jibqa’ jħarbat il-ħajja tan-nies. Kien ukoll f’waqtu l-intervent tal-President tal-Assoċjazzjoni tal-Kunsilli Lokali Mario Fava waqt il-konferenza stampa li fiha dan l-abbuż inġieb għall-attenzjoni tal-istampa fejn saret enfasi ukoll li dawn ir-regoli li jippermettu dawn l-abbużi jitwarrbu illum qabel għada.

Ilna ngħidu li wasal iż-żmien li l-Awtorità tal-Ippjanar teħtieġ li tiġi f’sensiha.

Kull żvilupp konness mal-ispazji pubbliċi fil-lokalitajiet tagħna għandu jsir biss kemm-il darba jkun hemm il-kunsens tal-Kunsilli Lokali tagħna. L-art pubblika għandha isservi l-ħtiġijiet tan-nies qabel dawk tan-negozji.

 

Ippubblikat fuq Illum : il-Ħadd 22 ta’ Diċembru 2019

Public Land: private profits

The taking up of public land by catering establishments to extend their commercial activity beyond the limits of their property has been creating problems for residential communities all over the island.

The latest case, in Main Street St Julian’s, has developed after the Planning Authority issued a planning permit for the placing of chairs and tables in an area so far reserved for parking. The owner of the catering outlet acted on the approved planning permit without waiting for a decision from the Lands Authority as to whether it is permissible to use public land in the manner proposed.

Readers may remember that, some time back, the Lands Authority refused a similar application on The Strand in Gzira. In that specific case, a hotel had – on appeal from a Lands Authority decision – been refused permission to place chairs and tables on a platform to be constructed in lieu of parking spaces along a main road. The request for placing tables and chairs had been rejected as it was then proposed to take up two parking spaces and, in addition, due to safety concerns.

Notwithstanding this decision, taken more than 12 months ago by the Administrative Tribunal, it seems that the Planning Authority is still chained to business interests.

It is pertinent to point out that the planning policy document on outside catering areas in public spaces was drafted by an inter-Ministerial committee which specifically excluded representatives from out local communities. The interests of our local communities – residents as well as local councils – were completely ignored. Moreover, it is most probable that, when the matter was being considered by Cabinet, the Minister for Local Councils, Owen Bonnici, was fast asleep as otherwise he would undoubtedly have drawn to the attention of his colleagues that article 33 of the Local Councils Act deems it a function of local councils “to advise and, where applicable, be consulted by, any authority empowered to take any decisions directly or indirectly affecting the Council and the residents it is responsible for”.

All over the country, Local Councils are up in arms against the manner in which this specific planning policy was drafted, approved and is being implemented because instead of being people-friendly it is simply business-friendly.

It this specific case at St Julian’s the issue is with parking spaces. Try walking along the pavement in The Strand from Gżira to Sliema and then onto Tignè seafront. It would be a very difficult walk because business has taken over and transformed a public asset into a private asset. Navigating through the small amount of unoccupied space left available is a nightmare for pedestrians and it is even worse for residents living in residential units above ground floors that are occupied by catering establishments.

This is the result of a policy that puts business interests before the interests of residents: accessible and safe infrastructure for people do not feature in the policies of either the Government or the public authorities.

I have always been of the opinion that Planning is for People. Unfortunately it has been transformed into an easy money-making machine.

Albert Buttigieg, the Mayor of St Julian’s, was quite right in putting his foot down. It was likewise appropriate for Mario Fava, the President of the Local Councils Association, to participate in the press conference which drew attention of the press to this abusive action and to the need to scrap the offending policy forthwith.

It is about time that the Planning Authority is brought to its senses. Public open spaces in our localities should not be touched without the consent of local authorities: public land is for public use not for private profits.

published in The Malta Independent on Sunday : 22 December 2019