Donnu li dan l-aħħar, il-kazi ta’ feriment b’daqqiet ta’ sikkina qed jiżdiedu.
Għandhom ħafna x’jagħmlu l-Pulizija.
Tgħid fil-kaz ta’ Ħal-Qormi li ġara illum idumu jaħsbuha biex jiddeċiedu dwar jekk għandhomx immorru l-Qorti?
Għax fil-kaz fejn hi involuta Yana Mintoff Bland u binha għadhom qed jaħsbuha!
Diġa inkiteb ħafna dwar dan l-hekk imsejjaħ “skandlu” ta’ Marsaxlokk.
Fuq il-blog tagħha Daphne Caruana Galizia nhar il-Ħamis 13 ta’ Settembru 2012 ippubblikat il-pjanta finali li kienet tiddetermina ż-żona ta’ żvilupp f’Marsaxlokk. Il-pjanta ippubblikata hi dik bin-numru 73 u turi l-art ta’ ulied il-Perit Mintoff b’faċċata fuq Triq iż-Żejtun bil-kulur maroon li jindika “terraced development” u quddiemu linja safra li juri li hemmhekk hi proġettata triq. Qed nirriproduċi din il-pjanta hawn fuq. L-art fiċ-ċirku aħmar hi dik tal-aħwa Mintoff.
Din il-pjanta li ġiet ippubblikata kif għidt kienet id-deċiżjoni finali li ttieħdet fl-1989.
Pero, żmien qabel, il-Gvern kien ippubblika proposta ta’ pjanta għal konsultazzjoni pubblika. F’din il-konsultazzjoni l-Gvern permezz tal-Ministru li dak iż-żmien kien responsabbli għall-ippjanar : Il-Perit Michael Falzon, kif ukoll it-Taqsima tal-Ippjanar tad-Dipartiment tax-Xogħolijiet (Public Works) stieden kummenti, osservazzjonijiet u sottomissjonijiet. Niftakar li kien possibli li jkun propost permezz ta’ formola apposta u siteplan annessa magħha li xi art li ma kienitx inkluża fil-proposti li saru ikunu ikkunsidrati.
Issa araw din il-pjanta ta’ hawn taħt. Din hi l-pjanta oriġinali dwar l-iżvilupp permissibli f’Marsaxlokk. L-art fic-cirku immarkat bl-aħmar turi l-art propjeta ta’ ulied il-Perit Mintoff. F’din il-pjanta hu ċar li meta l-Gvern fl-1988 ippreżenta l-pjanta li turi l-iżvilupp permissibli f’Marsaxlokk l-art ta’ ulied il-Perit Mintoff kienet eskluża. Kienet eskluża għax it-tekniċi fit-Taqsima tal-Ippjanar kienu tal-fehma li din l-art ma kelliex tkun żviluppata.
Mela dan hu l-punt reali tat-tluq tad-diskussjoni. Xi ħadd wara li ħarġet din il-pjanta iddeċieda li l-art ta’ ulied il-Perit Mintoff kellha tkun żviluppata. M’huwiex xi sigriet li din id-deċiżjoni ttieħdet mill-Kumitat Magħzul tal-Parlament immexxi mill-Ministru ta’ dak iż-żmien il-Perit Michael Falzon.
X’kienu ir-raġunijiet għal din id-deċiżjoni? S’issa ħadd ma jaf.
Nistennew.
Kellu jkun Dom Mintoff u l-art li nnegozjaw uliedu Yana u Anne biex Daphne tikteb artiklu imqanqal dwar l-ambjent. Dwar art li kellha tibqa’ barra iż-żona ta’ żvilupp imma daħħluha. Mhux soltu li qalba taħraqha għall-ambjent! Miraklu?
Talbet inkjesta għax hu skandlu kif art li sal-1989 kienet barra miż-żona ta’ żvilupp, mill-1989 il-quddiem setgħet tinbena. Il-pjanta l-ġdida ta’ kif setgħet tinbena l-art fiha bħal ħotba, qiesha riedu jdaħħlu biss l-art tal-familja tal-Perit.
Naqbel 100% magħha li dik l-art qatt ma messha ġiet permessa li tkun żviluppata. Imma jiena u Daphne motivati minn raġunijiet differenti.
Il-motiv ta’ Daphne hu Mintoff: għaliha dak li għandu x’jaqsam miegħu Mintoff hu kollu ħażin.
Il-motiv tiegħi hu ambjentali: jiena motivat mill-fatt li m’għandniex bżonn bini ta’ iktar residenzi għax għandna iktar minn biżżejjed. Bħalissa għandna il-fuq minn 70,000 post residenjali vojt u żgur li m’għandniex bżonn iktar.
L-art b’faċċata fuq Triq iż-Żejtun Marsaxlokk daħlet fl-ischeme tal-bini fl-1989. Dakinnhar iddaħħlu fl-ischeme tal-bini kwantitajiet kbar ta’ artijiet imxerrda ma Malta kollha. Uħud kien jagħmel sens li jidħlu. Oħrajn le. Irrispettivament ta’ min huma. Mhux ta’ ulied il-Perit Mintoff biss. Ta’ l-oħrajn ukoll.
Għalhekk mhux skandlu. Iżda skandli. Plural mhux singular. Jiena u Alternattiva Demokratika interessati fil-plural, mhux fis-singular. Imma Daphne hi interessata biss u esklussivament fuq il-każ ta’ Marsaxlokk. Hekk jidher ta’ l-inqas.
Dawn l-iskandli ma sarux biss fuq art f’Marsaxlokk. L-anqas ma saru biss fl-1989. Saru ukoll taħt id-direzzjoni ta’ George Pullicino fl-2006 b’dak il-proċess magħruf bħala “rationalisation”. Bħala riżultat ta’ dan il-proċess kompliet tiżdied l-art li tista’ tinbena madwar Malta kollha.
Anke dwar dan saret spekulazzjoni. Anke hawn kien hawn pluralita’ ta’ skandli. Imma dakinhar il-miraklu kien għadu ma sarx. Alternattiva Demokratika u l-għaqdiet ambjentali biss fetħu ħalqhom!
Ħaddiehor żamm għajnejh magħluqa, meta messhom huma miftuħin beraħ il-ħin kollu. It-tnejn li huma.
Imma l-miraklu ta’ kuxjenza ambjentali ta’ Daphne għalissa jidher li hu limitata għal Triq iż-Żejtun Marsaxlokk.
Progress? Ma nafx!
L-istorja interessanti li ħarġet biha Daphne Caruana Galizia permezz ta’ numru ta’ blogposts fuq il-blog tagħha timmerita ftit osservazzjonijiet għax fiha numru ta’ żbalji. Ma nafx min ħa l-iżball, jekk hux l-awtriċi inkella min ta’ l-istorja.
Id-dokument f’forma ta’ kuntratt ippubblikat fuq il-blog ta’ Daphne Caruana Galizia kmieni nhar it-12 ta’ Settembru juri li Yana u Anne aħwa Mintoff biegħu lill-kumpanija taċ-Ċaqnu, Ginwi Co Ltd, art f’Marsaxlokk b’faċċata fuq Triq iż-Żejtun u bil-kejl ta’ 5159.59 metri kwadri.
Din l-art, skond Daphne inbiegħet wara li s-sid oriġinali applika għal permess liema permess ġie rifjutat minħabba li l-art “kienet barra miż-żona ta’ żvilupp”.
Issa jiena fittixt fil-pjan lokali tal-area (Il-Pjan għall-Bajja ta’ Marsaxlokk) u sibt li meta dan ġie approvat fl-1995 l-art in kwistjoni kienet diġa tajba għall-iżvilupp. Mort iktar lura sa meta l-Parlament approva l-Pjan Regolatur Temporanju fl-1989 u sibt li anke dakinnhar din l-art kienet inkluża fiż-żona ta’ żvilupp!
Meta rajt dan ma stajtx nifhem kif meta is-sid oriġinali tal-art ippreżenta applikazzjoni fuq l-art din l-applikazzjoni ġiet rifjutata. Il-blog ta’ Daphne jgħidilna u jfissrilna li l-applikazzjoni PA4509/96 ġiet rifjutata u li r-raġuni li ngħatat kienet li l-art ma kienitx tajba għall-iżvilupp.
Meta tmur fuq is-sit tal-MEPA u tara l-applikazzjoni PA4509/96 issib li l-qies tal-art li fuqha is-sid oriġinali (Anthony Cassar Desain) applika kien ta’ 8,200 metru kwadru (tmient elef u mitejn metru kwadru). L-applikazzjoni tal-1996 fil-fatt hi deskritta hekk fuq is-sit tal-MEPA: “Proposal for residential development over an area of 0.82h to include two storey semi-detached units with vast tracts of open space, new roads and community facilities.”
Dan ifisser li l-art tal-applikazzjoni tal-1996 kienet ferm ikbar mill-art li inbiegħet lill-aħwa Mintoff u li parti minnha kienet tajba għall-iżvilupp u parti oħra x’aktarx li kienet barra miż-żona tal-iżvilupp.
Tibqa’ parti oħra interessanti mill-istorja.
L-art li l-aħwa Mintoff ser idaħħlu €3,610,529 minn fuqha Daphne Caruana Galizia qaltilna li tagħha ħallsu Lm4,000 (jiġifieri €9318). Din diffiċli biex titwemmen għax żmien il-bħaħan ilu li spiċċa. Iktar u iktar meta d-deċiżjoni li l-art tkun tajba għall-bini ilha żmien twil li ittieħdet.
Mhux qed ngħid li hu tajjeb li ittieħdet id-deċiżjoni illi din l-art tkun tista’ tinbena, imma għall-korrettezza għandu jingħad li d-deċiżjoni dwarha ittieħdet fl-aħħar tas-snin tmenin. Issa x’ġara dakinnhar u għax daħlet fl-iskema ma nafx.
Il-mistoqsija dwar dan l-hekk imsejjaħ “skandlu” għaldaqstant hi dwar iċ-ċifri li qed jissemmew u jekk dawn humiex korretti. In partikolari jekk hux veru li s-sid oriġinali kienx daqshekk baħnan li art tajba għall-bini tal-kejl ta’ 5159.59 metri kwadri irmieha b’Lm4,000 (€9318).
Min jaf, forsi dan kollu hu faċċata li warajha hemm moħbija affarijiet oħra.
Nistennew u naraw!
Yana Mintoff Bland has demanded that her father Dom be shown the respect which she claims he deserves.
The Times in its comments quoted Yana Mintoff Bland as objecting to her father Dom Mintoff being “shown as being partisan and interested only in his supporters.”
It was only last week that The Sunday Times reporting an interview with Albert Mizzi former Chairman of Air Malta quoted Mr Mizzi as saying the following about her father :
“I remember one time when someone mentioned something to him about corruption. He turned to me and said, is it true? I replied: ‘That what’s people are saying’. His response was: ‘What can I do if that person has helped me to build up the party? Can I take action against him?’ You see, this is small Malta.”
Being a Mintoff supporter in those days paid huge dividends.
I have already in the past put on record my own stories about pressures exerted by Dom Mintoff through a PN politician as well as through an army official for me to withdraw a human rights case in Malta’s Constitutional Court against one of his Cabinet Ministers. I did not budge but the pressure kept mounting. And on top of all that I even had my professional warrant as an architect withheld for 4 years after graduating. A fact also confirmed by the Injustces Commission which investigated my claims.
My experiences are just one of the many which those who disagreed with or criticised Dom’s government and methods suffered repeatedly.
A few did not survive to recount their ordeal as they paid with their lives. It that sense I may be lucky, but that is nothing to thank Dom about.
Blog ta' Carmel Cacopardo 