Il-konkos f’Mater Dei: min kellu idu fil-borma?

 pouring of concrete

Fil-konferenza stampa ta’ Konrad Mizzi u Chris Fearne intqal li l-konkos dgħajjef f’Mater Dei twassal fuq is-sit fl-ewwel sitt xhur tal-1996.

Lawrence Gonzi, dal-għodu qalilna li l-ftehim [dwar il-waiver] bejn il-Fondazzjoni għas-Servizzi Mediċi (FMS) u Skanska qatt ma tela’ l-Kabinett għall-approvazzjoni. Dan minnu innifsu jnissel ħafna iktar mistoqsijiet dwar x’ġara fil-fatt u dwar min realment kellu idu fil-borma.

Imma l-gazzetti jidher li m’humiex jagħtu piż biżżejjed lil biċċa informazzjoni oħra li sirna nafu biha f’Settembru li għadda. Dakinnhar meta ħarġet l-aħbar li l-konkos kien dgħajjef u l-bini għaldaqstant ma jiflaħx piż addizzjonali, Tonio Fenech kien qal li xejn ma kien sorpriż. Kien żied jgħid li kien għalhekk li Skanska kienu irrifjutaw li jżidu l-għoli tal-bini.

Dan kollu jfisser li hemm min ilu ħafna jaf li l-kwalità tal-konkos użata f’Mater Dei kienet inferjuri minn dak ippjanat. Probabbilment ħafna qabel ma ġie iffirmat il-ftehim li skandalizza lil kulħadd.

Il-mistoqsijiet li jeħtieġu tweġiba huma bosta. Liema kienu l-idejn iħawwdu fil-borma tal-konkos ta’ Mater Dei? Kemm kienet ilha magħrufa din l-informazzjoni? X’kienu d-deċiżjonijiet dakinnhar li kienet magħrufa din l-informazzjoni?

Qabel ma jkun hemm tweġiba għal dawn il-mistoqsijiet ser ikun diffiċli ħafna li nifhmu kemm x’ġara kif ukoll min hu responsabbli.

 

Il-konkos ta’ Mater Dei

mater_dei

Dak li qed jintqal dwar il-konkos ta’ Mater Dei hu gravi ħafna.

Mhux biss għax mir-riżultati tekniċi qed jirriżulta illi l-konkos użat kien wieħed inferjuri. Imma fuq kollox għax qed jingħata l-messaġġ ċar li l-kontrolli interni li kien hemm f’sit ta’ kostruzzjoni tal-kobor tal-isptar Mater Dei, ma ħadmux.

Qed jingħata messaġġ ieħor gravi ħafna: li hemm irregolarità kbira li seta kien hemm min kien jaf biha u ipprova jostora.

Għax meta jinġieb il-konkos fuq sit ta’ dan il-kobor jittieħed kampjun li wara jintbagħat fil-laboratorju biex tiġi ivverifikat is-saħħa tiegħu. Wara 28 ġurnata suppost li l-managment tas-sit kien konxju tar-riżultati dwar is-saħħa tal-konkos. Għax inkella x’jiswa’ l-biżibilju periti u tekniċi oħra li kienu impjegati biex jagħtu servizz fuq is-sit u li tħallsu flejjes tajba għal snin kbar biex propju jagħmlu l-kontrolli u l-verifiki neċessarji?

Il-mistoqsijiet ewlenin li għalija jeħtieġu tweġiba huma:

  1. saru t-testijiet tal-konkos?
  2. min irċieva r-riżultati mill-laboratorju dwar dawn it-testijiet?
  3. x’ħareġ minn dawn ir-riżultati ?
  4. x’passi ittieħdu wara li ġew eżaminati r-riżultati dwar is-saħħa tal-konkos?

Qed nistenna l-konklużjonijiet tal-inkjesta immexxija mill-Imħallef Philip Sciberras li nittama li fosthom insib risposta għal dawn il-mistoqsijiet bażiċi.

Huwa wara li jkollna dawn it-tweġibiet li nistgħu nikkunsdraw xi ftehim sar bejn l-FMS [Foundation for Medical Services] u l-kumpanija Skanska.  Iżda jkun tajjeb li qabel ma nikkummentaw dwar dan il-ftehim inkunu nafu l-kliem eżatt tiegħu għax dan jista’ jagħmel differenza kbira.

Sadanittant ikun għaqli li jieqfu l-ispekulazzjonijiet għax dawn m’huma ser isolvu xejn. Meta l-fatti jkunu magħrufa jkun stabilit ukoll min ikkontribwixxa biex seħħew dawn il-fatti. Imbagħad ikun possibli li kull min kellu responsabbiltà jerfa’ dak li jmissu.

Nittama biss li ma jiġrix bħas-soltu u jintefa l-piż fuq iż-żgħir.

Fuq dan il-blog dwar l-istess suġġett ara:

Skanska u Tonio Fenech dwar il-konkos f’Mater Dei.

Mater Dei: Ir-responsabbiltà ta’ Tonio Fenech hi li tingħata spjegazzjoni.

 

Mater Dei : ir-responsabbiltà ta’ Tonio Fenech hi li tingħata spjegazzjoni

Mater Dei 5

Il-Prim Ministru sewwa qal li r-responsabbiltajiet politiċi dwar Mater Dei jistgħu jistennew.

L-importanza hi li jkun stabilit immedjatament dak li fil-fatt ġara u r-responsabbiltajiet ċivili u kriminali għal dan.

Il-Gvern qed jgħid li l-kwalita’ tal-konkos mhux biss ma tiflaħx biex jinbnew żewġ sulari oħra fuq il-blokk tal-emerġenza, imma li l-konkos hu ta’ kwalita’ tant inferjuri li jitfarrak f’idejk. F’xi gazzetti il-bieraħ il-Ħadd intqal li l-konkos tal-bankini hu ta’ kwalita’ ħafna aħjar minn dak li dwaru saru it-testijiet reċentement.

Min-naħa l-oħra Tonio Fenech qiegħed jgħid li :

“The structures were never designed to carry such loads and Skanska had refused to build beyond two additional floors for safety reasons”.

Issa dan li qed jgħid Tonio Fenech ma jispjegax kollox, imma jirrikonoxxi li l-problema qegħda hemm u li l-politiċi fil-Gvern qabel Marzu 2013 kienu jafu biha.

Tant kienu jafu biha li t-Times stess 4 snin ilu irrappurtat li :

“ ……..government was forced to accept the helipad as it is because the roof of the emergency department had not been reinforced during construction.”

Huwa ċar li l-Gvern li kellna qabel Marzu 2013 jaf iżjed dwar il-każ milli intqal s’issa fil-pubbliku u hemm l-obbligu li dan ikun spjegat pubblikament malajr kemm jista’ jkun.

Minn kif tkellem Tonio Fenech huwa ċar li l-issue ġja ġiet diskussa bejn il-Gvern (pre-2013) u l-kuntratturi. Jidher ukoll li l-Gvern (pre-2013) irrassenja ruħu għas-sitwazzjoni li rriżultat.

Il-mistoqsija hi għaliex? X’ġara eżattament? Meta Skanska qed tigi ikkwotata minn Tonio Fenech li ma rieditx tibni iktar minn żewġ sulari jfisser lir-responsabbilta’ ma kienitx tagħha u tal-kuntratturi. Ta’ min kienet allura?

Tonio Fenech u oħrajn bla dubju għandhom it-tweġibiet għal dan kollu. L-ewwel responsabbilta’ politika li għandhom hi li jagħtu spejgazzjoni.

Skond dak li ser jirriżulta imbagħad wieħed ikun jista’ jikkonkludi x’responsabbiltajiet addizzjonali hemm u min għandu jġorrhom.

Skanska u Tonio Fenech dwar il-konkos f’Mater Dei

Mater Dei.under construction

Fi stqarrijiet diversi li saru mill-Ministru Konrad Mizzi u s-Segretarju Parlamentari Chris Fearne konna infurmati bid-dettalji dwar li l-konkos użat f’Mater Dei ġol-blokk  li fih it-taqsima tal-Emergenza. Ġejna infurmati li l-konkos hu dgħajjef b’mod li ma jiflaħx illi jerfa’ l-piz ta’ iktar kostruzzjoni.

Bħala riżultat ta’ din l-informazzjoni kellna lil min stagħġeb, kif ukoll kellna lil min ma stagħġibx.  Dan tal-aħħar, l-ex-Ministru Tonio Fenech kien ikkwotat li qal li ma kienx sorpriż b’din l-aħbar.

It-Times ta’ Malta fil-fatt tikkwota lil Tonio Fenech hekk: “The structures were never designed to carry such loads and Skanska had refused to build beyond two additional floors for safety reasons”.

Ikun interessanti ħafna kieku Tonio Fenech jispjega “ftit” iktar x’irid jgħid b’dan il-kumment.

Għax jekk Skanska irrifjutaw li jibnu iktar minn żewġ sulari għal raġinijiet ta’ sigurta’ probabbilment li f’xi żmien kienu mitluba jew ġew  ippressati dwar dan u Skanska kellhom jiġġustifikaw il-għala kienu qed jirrifjutaw. Nifhem li Skanska jkunu ippreżentaw raġunijiet dettaljati għalfejn kienu qed jinsistu li ma setgħux jibnu iktar fuq il-blokk tal-Emerġenza. Possibilment li dan huwa wkoll dokumentat b’xi mod f’xi rapport jew xi minuti ta’ xi laqgħa.

Il-kumment ta’ Tonio Fenech hu ċar ħafna. Jgħid li (skond Skanska) l-bini qatt ma kien iddiżinjat biex jiflaħ iktar minn żewġ sulari u li allura jekk dan jitgħabba b’iktar milli hu ddiżinjat biex jerfa’ jkun hemm problemi ta’ “safety”.

Dan ifisser li probabbilment  x’imkien hemm xi dokument li jispjega l-posizzjoni ta’ Skanska liema dokument, meta jinstab x’aktarx li jwieġeb il-parti l-kbira tal-mistoqsijiet li għandu quddiemu l-Imħallef (irtirat) Philip Sciberras.

Issa jekk il-posizzjoni hi kif qed jgħid Tonio Fenech għaliex donnu ħadd ma kien jaf biha? Xi ħadd donnu li m’għamilx il-homework sewwa qabel ma fesfes f’widnejn Konrad Mizzi u Chris Fearne. Ikun interessanti ħafna kif dan il-punt bażiku li qed jagħmel Tonio Fenech ser jiġi indirizzat mill-inkjesta immexxija mill- Imħallef (irtirat) Philip Sciberras.

L-aħħar ħaga: għadni ma fhimtx kif il-ġurnaliżmu investigattiv kollu li għandna madwarna, minn dan kollu jidher li ma xammew xejn. Dak li qal Tonio Fenech, jekk veru, għandu jpoġġi l-argumenti kollha dwar l-inkjesta rashom l-isfel!

Ministru hands-on !

mater_dei

L-Ministru tas-Saħħa t-Tabib Godfrey Farrugia għandu uffiċċju fl-Isptar Mater Dei, ħdejn l-emergenza. Iħoss il-ħtieġa li jkun hemm viċin biex ikun jista’ jevalwa l-problemi.

X’inhu xogħol il-Minstru?  It-Tabib Farrugia jidher li jaħseb li xogħolu hu ta’ Manager li mexxi “day to day”. Mhux l-ewwel wieħed li ħasibha hekk. F’pajjiż żgħir bħal tagħna nifhem li l-politku, billi ħafna drabi bhu f’kuntatt dirett man-nies iħoss l-obbligu “politiku” li jintervjeni b’mod li jidher biex ikun jista’ jagħti sodisfazzjon immedjat lill-votant.

Imma allura x’inhi l-funzjoni tal-Management tal-isptar? Għax jekk il-Ministru jħoss il-ħtieġa li jkun viċin il-problema l-konklużjoni loġika hi li l-management jew qiegħed hemm għal xejn inkella mhux jagħmel xogħolu kif meħtieġ! Jiġifieri iktar minn kamra għall-Ministru hemm bżonn li kulħadd jerfa’ r-responsabbiltajiet tiegħu.

Ir-rwol tal-Ministru m’hiex ta’ sehem dirett fit-tmexxija tad-Dipartimenti li għalihom hu responsabbli. L-anqas ma hi sorveljanza diretta tal-ħidmiet diversi fil-Ministeru tiegħu. Hi li jagħti direzzjoni politika u li joħloq l-istrutturi neċessarji biex ikun possibli li l-politika tal-Gvern tal-ġurnata titwettaq.

M’għandix dubju mill-intenzjonijiet tajba tal-Ministru Godfrey Farrugia. Imma anke Austin Gatt kien Ministru hands-on! ir-riżultati ta’ Gatt nafu bihom ilkoll.

Voting at the Hospitals and Retirement Homes: (1) Introduction

eucanak99ccaqbhdgpca4hkpx1caxcxm0ncaksu0oecat8onorca9gwql2cap1twfqcaef7mr1caou2xawcagi7q03ca5cqq3ecasw81i0caxl0xk3cahqyrhbca71s2e9caugwf2kcajmyuej

On Monday morning together with Professor Arnold Cassola on behalf of Alternattiva Demokratika I had a meeting with the Chief Electoral Commissioner who was accompanied by the Commission’s Secretary. The point at issue were recent amendments to the General Elections Act (through Act XIV of 2012) which set out the framework for the running of general elections in retirement homes and Hospitals.

Retirement homes to which the amendments apply must have at least fifty resident voters and must be run by the state. This means that only one retirement home, St Vincent de Paul  Residence, is targeted. Ther retirement homes which though owned by the state are run by the private sector (Zejtun and Mellieħa homes) are excluded.

Likewise when it comes to the hospitals it will be the state hospitals which will be subject to the recent amendments. These are four in number, namely Mater Dei Hospital, Karen Grech Hospital, Mount Carmel Hospital and the Gozo General Hospital.

Twenty four hours after the publication of the writ establishing the date of the general elections the Electoral Commission shall form a sub-committee which shall be chaired by a Commissioner together with a representative of each of the political parties. Alternattiva Demokratika shall participate in this sub-committee and I shall be its representative.

In terms of these latest amendments to the General Elections Act the Electoral Commission shall delegate to the above-mentioned sub-committee the running of the general election  in retirement homes and hospitals.

to be continued : tomorrow (2) The draconian powers of the sub-committee

Sqaq San Filep

 

Wara żmien twil bi ftit li xejn informazzjoni dwar l-isptar ta’ San Filep, matul din il-ġimgħa kellna indiġistjoni.  L-informazzjoni iżda ħarġet bit-tabuxù għax il-Gvern jagħtiha biċċa biċċa. Kif u meta jaqbillu. Qatt biex jinforma.

Is-serjeta’ kienet titlob mod ieħor. Imma s-serjeta’ m’hiex kwalita’ tal-Gvern immexxi minn Lawrence Gonzi.

Kif anke deher waqt id-dibattitu ta’ nhar it-Tnejn li għadda fil-Parlament hemm ħafna affarijiet li m’humiex ċari u għaldaqstant huwa meħtieġ analiżi twila u dettaljata tal-konsiderazzjonijiet kollha li wasslu għall-ftehim bejn il-Gvern u l-kumpanija ta’ Frank Portelli l-Good Shepherd Group Limited, is-sid tal-isptar.

L-ewwel ħsieb imur fuq is-sit innifsu. Għaliex l-Isptar San Filep?

It-tweġiba m’hiex waħda sempliċi. Id-diskussjonijiet kienu ilhom sejrin minn ftit wara l-elezzjoni tal-2008. Ħadd ma qal xejn għal żmien twil. Dak li kien qed jiġri rriżulta minn sentenza mogħtija mit-Tribunal għat-Talbiet Żgħar nhar l-4 t’Ottubru 2012 fil-każ bejn Icon Studios Ltd u Good Shepherd Group Limited. Fil-paragrafu 7 tal-konsiderazzjonijiet tat-Tribunal jingħad li Dr Frank Portelli nhar l-1 ta’ Marzu 2010 semma n-negozjati li huwa kellu mal-Gvern u li kienu ilhom għaddejjin għal 18-il xahar. Il-każ quddiem it-Tribunal kien dwar ħlas konness mad-disinn ta’ website tal-Isptar San Filep mill-kumpanija ta’ Dr Ġeġe Gatt, iben Austin Gatt.

Issa 18-il xahar qabel l-1 ta’ Marzu 2010 jfisser Settembru 2008!  Dan ifisser li n-negozjati ilhom sejrin 4 snin. Bdew ftit wara l-elezzjoni ġenerali tal-2008.

In-negozjaturi ghan-nom tal-Gvern kellhom jikkunsidraw jekk il-pjanijiet tal-Gvern għal sptar ta’ Riabilitazzjoni ta’ madwar 280 sodda setgħux jitwettqu f’dan is-sit ta’ 75 kamra b’110 sodda. Il-ħtieġa li l-kapaċita tal-Isptar tiżdied għal iktar minn darbtejn u nofs tista’ tikkunsidraha billi l-ewwel tħares lejn il-potenzjal tas-sit u wara tara mal-MEPA jekk din il-possibilita tistax titwettaq.

Meta tkellem fil-Parlament il-Ministru Tonio Fenech ma ta’ l-ebda assigurazzjoni dwar jekk il-MEPA tistax toħroġ permess ta’ din ix-xorta. Għamel sewwa, għax jiena naħseb li hu diffiċli ħafna għall-MEPA li toħroġ permess bħal dan. L-issue tal-parking diġa issemmiet fil-Parlament mill-Kap tal-Opposizzjoni: li żżid il-parking b’iżjed mid-doppju m’huwiex faċli f’sit li hu ristrett. Ma dan trid taħseb biex iżżid il-faċilitajiet kollha biex il-kapaċita’ tagħhom tkun addattata għad-daqs ġdid tal-isptar. Jiena naħseb li dan ser ikun diffiċli ħafna. Naħseb li l-anqas jekk l-isptar jitwaqqa’ u jsir disinn mill-ġdid ma jista’ jinħoloq disinn aċċettabbli minħabba li is-sit hu wieħed ristrett!

Meta tqabbel din id-diffikulta’ mal-flessibilita’ sostanzjali li joffri l-Isptar San Luqa, t-team tan-negozjaturi u l-konsultenti tagħhom mill-Fondazzjoni għas-Servizzi Mediċi għandhom ħafna x’jisjegaw. Għax jekk diġa jidher ċar x’diffikultajiet hemm għalfejn tibda l-mixja f‘dak l-isqaq ?  Sqaq li fi żmien tlett snin jista’ jfisser li l-proċess ikollu jerġa’ jibda mill-ġdid b’ħela ta’ ħafna żmien u fondi pubbliċi.

It-tieni punt li rrid nagħmel hu dwar il-fatt li meta l-Gvern għażel li jikkonsidra l-Isptar San Filep immedjatament eskluda l-alternattivi l-oħra kollha li seta kien hemm.

Eskluda l-iSptar San Luqa li dwaru jidher li sar studju dettaljat, skond ma qal il-Ministru Cassar. Dan l-studju identifika li għall-isptar kollu l-ispiża ta’ refurbishment kienet ser tigi tiswa’ ftit inqas minn €40 miljun. Issa biex jinħoloq Sptar ta’ Riabilitazzjoni ta’ 280 sodda m’hemmx bżonn tal-Isptar San Luqa kollu iżda biss parti minnu. Meta tqis id-dewmien ta’ 4 snin negozjati mill-2008 lil hawn (u min jaf kemm ser indumu iktar) hu ċar li kieku ittieħdet id-deċiżjoni favur l-Isptar San Luqa mill-ewwel fl-2008, l-isptar ta’ riabilitazzjoni ilu lest u jiffunzjona għal tlett snin. B’deċiżjoni bħal din favur l-iSptar San Luqa  l-pazjenti kieku ilhom li emigraw għal  faċilitajiet aħjar mill-kurituri tal-isptar Mater Dei.

Waqt id-dibattitu Parlamentari ta’ nhar it-Tnejn issemmiet ukoll il-possibilita li hemm sidien ta’ lukandi  li kienu interessati li jipproponu illi l-lukanda tagħhom tkun konvertita għall-użu ta’ sptar ta’ riabilitazzjoni. Jiena naħseb li proposta ta’ din ix-xorta toffri diffikultajiet daqs is-sit tal-isptar San Filep  kemm għall-parkeġġ kif ukoll biex tipprovdi l-faċilitajiet kollha meħtieġa. Pero’ qabel ma tara l-proposta u tkun konxju ta’ dak li qed ikun offrut ma tistax tifforma opinjoni definittiva.

Meta nqis kollox naħseb li l-unika proposta sura hi li jintuża l-Isptar San Luqa.

Il-problema ma  ħoloqiex Frank Portelli li iddiskuta ma min kien interessat li jixtri l-isptar tiegħu. Ħoloqha l-Gvern li mexa ħażin mingħajr ma qies sewwa u bir-reqqa l-ftit riżorsi li suppost qiegħed jamministra.

Fid-dawl ta’ dan kollu jagħmel sens li min ħa d-deċiżjonijiet jiġi mgħarbel sewwa qabel ma jkun iffirmat il-kuntratt.   Għalhekk hu meħtieġ li l-Parlament jiċċaqlaq.

published in Illum, Sunday 21st October 2012

A step in the right direction

The presentation by maverick MP Franco Debono of a motion requesting that Parliament and the Auditor General should examine the proposal that government takes over St Philip’s Hospital is a step in the right direction.

The decision for government to take over the private hospital was taken after negotiations between auditing firms representing government and the hospital owners concluded terms for an eight year lease with the option to purchase. No call for tenders was issued. The hospital owner however issued a call for an expression of interest in the acquisition of the hospital.

There are various matters which the Auditor General should examine.

First: is the proposed takeover of St Philip’s Hospital value for money or is it a political gimmick on the eve of general elections?

Second : isn’t the proposal to take over St Philip’s Hosptal just a confirmation of bad planning involved in the development of Mater Dei Hospital which has resulted in its being too small for the country’s needs so soon after being finalised?  Who was responsible for the Mater Dei brief which has resulted in wards bursting at the seams and  hospital corridors being transformed into wards? Who will shoulder political responsibility for this failure?

Third: is it right for government to negotiate with those who are in breach of the Companies Act through non-submission of audited accounts for a number of years?

Four companies are involved in St Philip’s Hospital. All of them have not submitted audited accounts for a number of years as can be noted through the list of documents available online  at the Registry of Companies. The Golden Shepherd Group Ltd   (C 14948) has last submitted its audited accounts on July 15, 2008. Private Health Investment Ltd (C 24386) has last submitted its audited accounts on February 1, 2007. Medicaid Ltd (C 5283) has last submitted its audited accounts on September 14, 2007. Biomed Laboratory Ltd (C 14303) has last submitted its audited accounts on October 12, 2007.

The Golden Shepherd Group is owned by Frank Portelli, Private Health Investment Ltd and Medicaid Ltd.  Private Health Investment Ltd is owned by Medicaid Ltd and Biomed Laboratory Ltd.  Medicaid Ltd is owned by Frank Portelli whilst Biomed laboratory Ltd is owned by Frank Portelli and Medicaid Ltd.

I await the Auditor General’s conclusions!   I also look forward to Dr Frank Portelli’s comments on government’s health policy and its implementation.

first published on di-ve.com Friday 12 October 2012

Bizzilla ta’ Malta

Il-ftehim konkluż dwar l-isptar St Philip bil-fors ikun soġġett għal-lenti politika. Dan għal diversi raġunijiet.

Il-ftehim qed isir lejliet l-elezzjoni ġenerali ftit snin wara li fetaħ l-isptar Mater Dei li fih intefqu flejjes kbar: il-miljuni. Qed isir ma persuna politika (it-Tabib Frank Portelli) li hu kritiku ħafna tal-politika tas-saħħa tal-Gvern. Dan waħdu jqajjem il-mistoqsija jekk il-kritika tat-Tabib Frank Portelli kienitx motivata biss min-nuqqasijiet fis-sistema tas-saħħa jew inkella jekk il-ħtieġa li jinħoloq suq għall-isptar tiegħu kienx motiv addizzjonali importanti!

Irridu naraw jekk il-kritika li kienet għaddejja mit-Tabib Frank Portelli fuq diversi stazzjonijiet tal-televiżjoni issa hux ser tkompli, inkella hux ser ikollna pawsa twila.

It-tieni osservazzjoni hi dwar il-fatt li ma ħarġitx sejħa għall-offerti. Intqal li ir-regolamenti finanzjarji jeżentaw lill-Gvern minn obbligu bħal dan f’każ ta’ kiri jew xiri ta’ propjeta’. Jekk dan hux minnu ma nafx.

Fl-opinjoni tiegħi ma jagħmilx sens li għal xiri ta’ oġġetti jew servizzi mill-Gvern għall-valur ta’ madwar €5,000 trid tinħareġ sejħa għall-offerti (tender) dwarhom imma l-infieq ta’ miljuni fil-kiri/xiri ta’ sptar m’hemmx dwaru l-istess ħtieġa!

Dan il-ftehim għall-kiri/xiri tal-isptar St Philip jidher li inħadem bizzilla għal ċirkustanzi partikolari.

Jipprova jsolvi l-problema tan-nuqqas ta’ sodod fl-isptar Mater Dei. Imma jidher li ser jirriżolvi ukoll il-problemi finanzjarji konnessi mal-isptar. Sptar li ilu magħluq ftit.

Intqal fil-gazzetti ta’ dawn l-aħħar ġimgħat li hemm diversi kredituri li qed jiġru wara flushom, biex jitħallsu tas-servizzi/materjal u oġġetti ta’ natura medika li biegħu lill-Isptar. Il-ftehim jidher li ser jagħmilha possibli li jitħallsu l-kontijiet u jnaqqas l-uġiegħ ta’ ras ta’ sid l-isptar. Forsi jkun jista’ jevita ukoll xi talba għall-bejgħ bis-subbasta!

X’kontijiet hemm pendenti m’huwiex magħruf għax l-audited accounts tal-kumpaniji assoċjati mal-isptar St Philip għal dawn l-aħħar snin jidher li ma ġewx ippreżentati lir-reġistratur tal-kumpaniji.

Biex inkun ċar m’hux qed nitkellem dwar korruzzjoni. Qed nitkellem iżda dwar tmexxija ħażina (bad governance).

Sadanittant nistenna lill-ġurnalisti investigattivi li jitfgħu izjed dawl fuq il-kaz.

Probabilment li ser nibqa’ nistenna!

Mater Dei ………. ora pro nobis

Louis Deguara li kien Ministru tas-Saħħa sal-elezzjoni tal-2008 għadu kif iddikjara illi huwa ma kienx jaqbel mal-ftehim kollettiv iffirmat bejn  il-Gvern u t-tobba lejlet l-elezzjoni tal-2008.

It-Times tal-beraħ fil-fatt jikkwotah hekk :

“The Health Division never agreed with the final agreement because we knew it was seriously flawed. As a department it never agreed to the final draft,” Dr Degu­ara said when contacted yesterday.

Huwa kien qed jikkummenta b’reazzjoni għal dak li qal iktar kmieni din il-ġimgħa Dr Joe Cassar il-Ministru tas-Saħħa attwali li qiegħed jilmenta illi l-ftehim kollettiv huwa mażra m’għonq il-Ministeru  tas-Saħħa.

Jiġifieri l-posizzjoni kienet :

1)     Saru negozjati bejn it-tobba u l-Ministeru tas-Saħħa.

2)     L-uffiċjali tal-Ministeru kif ukoll dawk tad-Diviżjoni tas-Saħħa ma qablux ma kif żviluppaw dawn in-negozjati u in partikolari mat-talbiet tat-tobba u n-negozjati daħlu fi sqaq.

3)     Il-Union tat-tobba għamlet pressure fuq il-Gvern u l-Gvern ċeda kontra l-parir li kellu.

4)     Il-Ministru Deguara baxxa rasu u aċċetta li jkun iffirmat ftehim li ma jaqbilx miegħu.

Issa qed jirriżulta li Louis Deguara kellu raġun.

Min ser iġorr ir-responsabbilta’ politika?

Huwa ċar li l-Gvern ta’ Lawrence Gonzi injora l-prinċipji kollha ta’ amminsitrazzjoni tajba biex minflok  bħalma jagħmel dejjem poġġa l-vantaġġ politiku qabel dak li hu sewwa.

GonziPN m’huwiex interessat li jamministra l-pajjiż sewwa. Hu interessat biss li jibqa’ fil-Gvern.

Dawn huma l-prinċipji li fuqhom hu mibni l-Gvern tal-lum. M’huwiex gvern tal-Maltin. Hu biss gonzipn.

Power corrupts. Absolute power corrupts absolutely.