L-inkompetenza, ħsara biss tagħmel

L-impjant f’Ħal-Far għall-ipproċessar tal-fdalijiet tat-tonn kellu l-potenzjal li jagħti kontribut sostanzjali għall-iżvilupp tal-ekonomija ċirkulari f’Malta. Bħal ħafna affarijiet oħra l-inkompetenza qerditu.

Fuq il-karta kien proġett tal-ogħla kwalità. Fil-prattika, s’issa, qed jiżviluppa f’diżastru ieħor.  Biċċiet ta’ informazzjoni li qed tasal għandi qed tindika li probabbilment ser jirriżulta li x-xeħħa fil-fondi allokati biex ikun ikkummissjonat l-apparat istallat fl-impjant, hi l-kawża ewlenija tad-diżastru li qed jiżviluppa.

Bħala riżultat ta’ dan kollu irnexxielhom jittrasformaw pass pożittiv f’esperjenza negattiva għal kulħadd. L-impatt ta’ dan kollu ser jibqa’ magħna għal żmien mhux żgħir għax riżultat ta’ dak li ġara qed tissaħħaħ l-isfiduċja fl-awtoritajiet li għal darb’oħra ġie ippruvat li mhumiex kapaċi li jwasslu proġett tajjeb biex jagħti r-riżultat mixtieq.

Għal darb’oħra l-inkonvenjent hu fuq Birżebbuġa, kif ilu jiġri s-snin riżultat ta’ attività industrijali oħra fiż-żona. L-assalt fuq Birżebbuġa tul is-snin ħalla impatt fuq il-kwalità tal-ħajja tar-residenti.  Fuq quddiem nett f’dan ir-rigward hemm it-Terminal tal-Port Ħieles, li hu ta’ inkonvenjent 24 siegħa kull jum. Huwa biss dan l-aħħar li dan l-inkonvenjent beda jiġi indirizzat.

Qiesu dan mhux biżżejjed, fiż-żona industrijali ta’ Ħal-Far, f’data mhux il-bogħod ser ikollna ukoll trakka tal-karozzi li ser tkun iffinanzjata mill-fondi li nġabru mill-bejgħ tal-passaporti! Iktar impatt fuq ir-residenti ta’ Birżebbuġa!

L-aktar attakk riċenti fuq il-kwalità tal-ħajja f’Birżebbuġa qed isir mill-attività ta’ Aquaculture Resources Ltd f’dawn l-aħħar ġimgħat. Dan riżultat tal-irwejjaħ ta’ ħut u drenaġġ ifur fiż-żoni residenzjali.  It-tmexxija tal-kumpanija Aquaculture Resources Ltd kontinwament irrifjutat li terfa’ r-responsabbiltà għall-irwejjaħ tal-ħut u d-drenaġġ ifur għax, qalet, li qed tieħu l-passi kollha meħtieġa fl-impjant tagħha f’Ħal-Far.  

Il-binja li fiha illum hemm l-impjant għall-iproċessar ta’ prodotti tat-tonn kien approvat permezz ta’ applikazzjoni li ma tieħux ħin u dan riżultat ta’ emendi għar-regolamenti tal-ippjanar magħrufa bħala proċeduri tad-DNO (Development Notification Order). Fil-prattika dan elimina l-konsultazzjoni pubblika fil-kaz ta’ xogħolijiet ta’ kostruzzjoni f’żoni industrijali. Riżultat ta’ hekk ħadd ma kien jaf li nhar is-16 ta’ Marzu 2021, l-Awtorità tal-Ippjanar ħarġet il-permess ta’ żvilupp bir-referenza DN01359/20 għall-binja tal-impjant fuq il-Plot 36B fiż-żona Industrijali ta’ Ħal-Far. Il-permess ħareġ f’isem Dr Charlon Gouder, CEO ta’ Aquaculture Resources Limited.

Il-konsultazzjoni pubblika bdiet biss f’Ġunju 2022, ftit wara l-elezzjoni ġenerali. Dan seħħ permezz ta’ dokumentazzjoni dwar il-proċess li jwassal għal permess ambjentali magħruf bħala applikazzjioni IPPC. L-ittri IPPC jfissru Integrated Pollution Prevention and Control u l-proċess hu regolat b’direttiva tal-Unjoni Ewropeja li ġġib dan l-isem u li ilha parti mill-liġi Maltija sa minn meta Malta issieħbet fl-Unjoni fl-2004.

Id-Direttiva IPPC hi intenzjonata biex ikun assigurat li l-impatti ambjentali ta’ numru ta’ proċessi industrijali jkunu indirizzati b’mod integrat. L-impjant tal-prodotti tat-tonn hu soġġett għal din id-Direttiva.

Riżultat ta’ hekk hu meħtieġ il-presentazzjoni ta’ dokumentazzjoni dettaljata teknika li permezz tagħha jkun ċar dwar kif ser issir il-ħidma industrijali, dwar l-impatti ambjentali riżultanti kif ukoll dwar kif inhu ippjanat li dawn ikunu indirizzati.

Din id-dokumentazzjoni ġiet ippreżentata u wara li kienet eżaminata mill-ERA ħareġ il-permess għall-impjant biex jipproċessa l-fdalijiet tat-tonn.

Il-problemi bdew kif beda jopera l-impjant hekk kif beda l-proċess biex l-apparat istallat ikun ikkummissjonat. Jiena infurmat li d-ditta li mingħandha inxtara l-apparat ma ntalbitx biex tieħu ħsieb ukoll li dan ikun ikkummissjonat. Mid-dehra dawk li ġew inkarigati ma tantx kellhom esperjenza f’dan ix-xogħol, kif jidher, wara kollox mir-riżultati miksuba.  

Forsi l-ERA tiftaħ investigazzjoni biex ikun stabilit mhux biss x’ġara imma ukoll min kien responsabbli. Għax hu essenzjali li jkun assigurat li kull min kien involut, inkluż l-ERA, jitgħallem minn din l-esperjenza. Din hi froġa li nħolqot mis-settur privat minkejja li kien qed jaħdem taħt is-superviżjoni tal-ERA! Anke proġett tajjeb irnexxielhom b’inkompetenza kbira jeqirduh!

Ippubblikat fuq Illum: 18 ta’ Diċembru 2022

The art of messing up

The processing plant for Tuna By-Products at Ħal-Far had the potential to be a significant project contributing to the development of the circular economy in Malta. Like many other things it has been messed up.

On paper it was a first-class project. In practice, so far, it is developing into another disaster. Titbits of information which have come my way indicate that eventually it will most probably result that cost-cutting relative to commissioning of the equipment installed in the processing plant is the primary cause of the developing mess.

The end result of this mess-up is that of transforming a potential positive into an absolute negative. The effects of this will be felt for quite some time as it has reinforced the existing mistrust of the authorities who have proven once more that they are incapable of guiding a beneficial project to fruition!

Birżebbuġa is once more shouldering all the resulting inconvenience as it has been doing for many years relative to other industrial operations in the area.  The assault on Birżebbuġa over the years has negatively impacted the quality of life of its residents. The Freeport Terminal tops the list with its round-the-clock inconvenience. It is only relatively recently that this inconvenience has started being addressed.

To add insult to injury the Ħal-Far Industrial Estate will shortly also host a racetrack, the funds for which have already been allocated through the monies collected from the sale of golden passports!  

The latest affront on Birżebbuġa has been the operations of Aquaculture Resources Ltd which commenced earlier this year, and specifically the result of fishy effluent ending up in residential areas in Birżebbuġa.  The management of Aquaculture Resources Ltd has refused to take responsibility for the unbearable fish odours and sewage leaks that have affected the area, stating that the  company has taken measures to contain smells within the tuna by-product processing  plant. 

The building envelope of the tuna byproduct processing plant was approved through a fast-track procedure made possible some years back through amendments to the Development Notification Order. This, in practice, eliminated public consultation for construction works in industrial estates.  As a result, no-one was aware that on 16 March 2021 the Planning Authority issued a development permit bearing reference DN 01359/20 for the Construction of a Tuna Rending Factory on Plot 36B of Ħal-Far Industrial Estate. The permit was issued to Dr Charlon Gouder, the CEO of Aquaculture Resources Limited.

The public consultation only commenced in June 2022, after the general elections, through the publication of the documentation for the environmental permitting process known as the IPPC application. IPPC referring to the Integrated Pollution Prevention and Control as regulated by the EU Directive bearing that name and forming part of Maltese law since EU accession in 2004.

The IPPC Directive seeks to ensure that there is one integrated process addressing the environmental impacts resulting from a number of industrial processes. The tuna byproduct processing plant is subject to this regulatory process.

The IPPC regulatory process requires the presentation of detailed technical documentation relative to the proposed industrial process, the resulting environmental impacts and the manner in which it is proposed to address these same impacts.

This documentation was compiled and after being examined by ERA an operating permit for the Tuna byproduct processing plant was issued.

The problems started with the commencement of operations which were initiated in order to carry out the commissioning of the supplied equipment. I am informed that the suppliers of the equipment were not entrusted to carry out the commissioning. Apparently, those entrusted with the commissioning did not have sufficient experience: the results achieved so far are indicative enough of this fact.

Someday maybe ERA will commission an investigation into what went wrong and who was responsible for the resulting mess.  This is essential in order to ensure that lessons are learnt by all those involved. This is a mess created by the private sector subject to supervision by ERA! They have managed to mess up a good project.

published in The Malta Independent on Sunday : 18 December 2022

Il-Wasteserve: fil-Magħtab qed topera bla permess

Diversi bdiewa fil-Magħtab ġew mitluba biex jikkuntattjaw il-Wasteserve sa tmiem dan ix-xahar biex ikun iffaċilitat aċċess għall-art li qed jaħdmu u dan bl-iskop li din tkun eżaminata, “bil-ħsieb li possibilment tiġi akkwistata għal skop pubbliku”. L-avviż legali numru 1261 li kien ippubblikat fil-Gazzetta tal-Gvern tas-17 ta’ Diċembru 2019 jgħid li hemm tmien biċċiet art fil-Magħtab li qed ikunu ikkunsidrati. Din l-art għandha qies totali ta’ 254,144 metru kwadru, jiġifieri ftit iktar minn 226 tomna. Il-parti l-kbira minn din l-art għadha qed tinħadem minn bdiewa minkejja ċ-ċirkustanzi diffiċli li nħolqu kemm ilhom joperaw il-miżbliet fil-Magħtab sa mill-1975.

Xi ħtieġa għandha l-Wasteserve għal din l-art? Hemm tlett materji ewlenin dwar l-iskart li huma pendenti.

Il-miżbliet tal-Magħtab dalwaqt jimtlew. Bla dubju din is-sitwazzjoni wasalna għaliha qabel ma kien antiċipat minħabba li qed jintrema wisq skart. Ir-riċiklar għadu f’livell insinifikanti. Il-ġbir tal-iskart organiku b’mod separat għadu fil-bidu. Hemm ħtieġa urġenti biex in-nies tagħraf iktar il-ħtieġa li tnaqqas kemm l-iskart kif ukoll l-ammont tiegħu li qed jintrema fil-miżbliet.

Il-Gvern, probabbilment li qed iħejji biex jimplimenta l-wegħda elettorali dwar l-egħluq tal-impjant ta’ Sant Antnin li jittratta l-iskart. Din hi l-wegħda numru 27 fil-Manifest Elettorali tal-Partit Laburista fl-Elezzjoni Ġenerali tal-2017. Probabbilment li dan ukoll jispiċċa fil-kumpless tal-iskart tal-Magħtab li l-Wasteserve tirreferi għalih bħala iċ-Ċentru Ambjentali tal-Magħtab.

It-tielet pendenza hi dwar l-inċineratur li hu ppjanat li jibda jopera sa mhux iktar tard mill-2025.

Il-Wasteserve teħtieġ l-art għal dan kollu li ser iwassal biex il-Magħtab ikun ikkonvertit permanentement fiċ-ċentru tal-iskart fil-gżejjer Maltin.

Il-Wasteserve, fuq is-sit elettroniku tagħha tiddeskrivi l-kumpless tal-Magħtab bħala ta’ daqs komparabbli mal-Belt Valletta, li hi mifruxa fuq 600,000 metru kwadru.

Iktar kmieni din il-ġimgħa, Aaron Farrugia, Ministru għall-Ambjent u l-Ippjanar, li hu politikament responsabbli għall-Wasteserve, spjega, waqt intervista mxandra fl-aħbarijiet, li l-estensjoni ippjanata għall-miżbla tal-Magħtab teħtieġ 145,000 metru kwadru ta’ art filwaqt li l-inċineratur propost u “faċilitajiet oħra” jirrikjedu 105,000 metru kwadru addizzjonali. Il-facilitajiet oħra hi referenza għall-wegħda elettorali tal-Partit Laburista biex jingħalaq l-impjant ta’ Sant Antnin għat-trattament tal-iskart.

Meta tgħodd din l-art kollha għall-proġetti tal-Wasteserve fil-Magħtab ifisser li d-daqs tal-kumpless għall-iskart ser jikber għal madwar 850,000 metru kwadru, meta l-proġetti jkunu kollha mplimentati. Dan ifisser li l-254,144 metru kwadru ta’ art, primarjament raba’, imsemmija fil-Gazzetta tal-Gvern tas-17 ta’ Diċembru 2019 tista’ isservi bl-eżatt. Xejn ma neħodha bi kbira, iżda, jekk il-Wasteserve, bħal Oliver Twist, tkun trid iktar.

Meta nfittxu fuq is-sit elettroniku tal-Awtorità għall-Ambjent u r-Riżorsi (ERA) niskopru li l-permessi magħrufa bħala IPPC permits għall-miżbliet fil-Magħtab ilhom ftit li skadew. Dan ifisser li l-Wasteserve qed topera fi stat ta’ illegalità.

Dawn il-permessi imsejħa IPPC permits (Integrated Pollution Prevention and Control) jinħarġu mill- ERA skond kif tistabilixxi direttiva tal-Unjoni Ewropeja u dan wara li jkun hemm studji dettaljati dwar l-attività (f’dan il-kaz miżbla) u l-impatti tagħha. Skont is-sit elettroniku tal-ERA il-miżbla għal skart mhux perikoluż Ta’ Żwejra fil-kumpless tal-Magħtab qed topera fuq bażi ta’ permess li skada fl-24 ta’ Lulju 2018 (permess IP 0001/05). Min-naħa l-oħra l-miżbla għal skart mhux perikoluż tal-Għallis, ukoll fil-kumpless tal-Magħtab, qed topera fuq bażi ta’ permess li nħareġ f’Jannar 2013 u li suppost li skada fil-bidu tal-2018 (permess IP 0001/06).

Jekk il-Wasteserve mhiex kapaċi tosserva liġijiet bażiċi ambjentali, ħadd ma għandu jeħodha bi kbira li sezzjoni tal-pubbliku jimxu fuq l-eżempju tagħha.

Għaliex ir-regolatur ambjentali, l-ERA, tittollera dawn l-affarijiet? Ic-Chairman tal-ERA, l-Professor Victor Axiaq, għandu jispjega x’inhu jiġri. Messu ilu li rreżenja.

 

ippubblikat fuq Illum :Il-Ħadd 23 ta’ Frar 2020

Wasteserve illegality: sort it out.

Farmers in Magħtab have been asked to contact Wasteserve by the end of this month in order to facilitate access to their land “for necessary studies with the intent of potential acquisition for public purposes”.

Notice No. 1261, published in The Malta Government Gazette of the 17 December 2019, lists eight plots of land in Magħtab which are being considered. This land has a total area of 254,144 square metres, slightly more than 226 tumoli. Most of it is currently in use as agricultural land, notwithstanding the difficult circumstances arising from the operation of landfills in the vicinity since 1975.

What does Wasteserve need this land for?

There are three pending major waste management issues. The landfills at Magħtab will be shortly filled to capacity. Undoubtedly this state of affairs has been reached earlier than anticipated due to the fact that too much waste is still going to landfill. Recycling is still at an insignificant level and the collection of organic waste as a separate stream is still in its infancy. Much still needs to be done in instilling awareness on the need to substantially reduce both the amount of waste generated as well as the portion of it going to landfill.

The Government will most probably also seek to implement its electoral pledge to close down the Sant Antnin Waste Treatment Plant. This is pledge number 27 in the Labour Party Electoral Manifesto for the 2017 general election and it, too, will most probably be directed towards the Magħtab waste complex, which Wasteserve refers to as the Magħtab Environment Complex.

The third pending issue is the so-called thermal facility, ie the incinerator, scheduled to be in operation by 2025.

Wasteserve needs land to address all three issues, in the process converting Magħtab permanently to the waste centre of the Maltese islands.

The Wasteserve website describes the Magħtab complex as being comparable in size to Valletta, being spread over an area in excess of 600,000 square metres.

Earlier Environment and Planning Minister Aaron Farrugia, politically responsible for Wasteserve, explained on television that the planned extension to the Magħtab landfill requires 145,000 square metres of land, while the proposed incinerator and other facilities would require an additional 105,000 square metres. The “other facilities” is an indirect reference to the Labour Party’s commitment to close down the Sant Antnin Waste Treatment Plant.

Adding up all this land required for the Wasteserve projects at Magħtab would bring the Waste Complex size to around 850,000 square metres when all the pending projects are implemented. This means that the proposed take up of 254,144 square metres of mostly agricultural land as declared in the Malta Government Gazette edition of the 17 December 2019 could be just enough space. Like Oliver Twist, Wasteserve will, however, most probably come back for more.

Perusal of the information available on the website of the Environment and Resources Authority (ERA) indicates that the IPPC permit for the landfills at Magħtab expired quite some time ago, signifying that Wasteserve is operating in a state of illegality.

The IPPC (Integrated Pollution Prevention and Control) permits are issued by the ERA in terms of the provisions of the relative EU Directive after detailed studies on the operations and impacts of the proposed activity have been carried out or updated. According to the ERA website, the Ta’ Żwejra non-hazardous landfill within the Magħtab complex is operating on the basis of a permit which expired on the 24 July 2018 (permit IP 0001/05). On the other hand, the L-Għallis non-hazardous landfill, also within the Magħtab complex, operates on the basis of a permit which was issued way back in January 2013 and should have expired at the beginning of 2018 (permit IP 0001/06). Malta’s only landfill complex is thus operating without a valid permit at law.

If Wasteserve does not follow the provisions of basic environmental legislation, it is no surprise that a section of the population is inclined to follow its example.

Sort it out!

Why does the Environment and Resources Authority (ERA), the environment regulator, tolerate this state of affairs? The Chairman of ERA, Professor Victor Axiaq, owes an explanation. His resignation is long overdue.

published on The Malta Independent on Sunday : 23 February 2020

Konsultazzjoni pubblika farsa

Bdiet il-konsultazzjoni pubblika dwar il-permess operazzjonali tal-power station f’Delimara. Dan il-permess huwa magħruf bħala IPPC permit. Dan għax ikun ipproċessat skond dak li tistabilixxi d-Direttiva tal-Unjoni Ewropeja imsejħa Integrated Pollution Prevention and Control (IPPC).

Bħala parti minn dan il-proċess, ħarġu għall-informazzjoni ta’ kulħadd, 293 rapport ta’ qisien li jvarjaw. Uħud qosra u oħajn donnhom ma jispiċċaw qatt għax fihom mijiet ta’ paġni. Uħud b’linġwaġġ li jinftiehem malajr u oħrajn li trid iddum tomgħod biex tifhem.

Il-konsultazzjoni pubblika oriġinalment kienet intenzjonata li ddum 30 ġurnata, il-minimu meħtieġ skond il-liġi. Wara diversi protesti, dan il-perjodu żdied għal 40 ġurnata. Dan xorta m’huwiex biżżejjed, għax is-sens komun jgħidlek li l-perjodu ta’ konsultazzjoni għandu jkun twil skont kemm hemm informazzjoni xi tkun ikkunsidrata.

Meta t-tul ta’ żmien għall-konsultazzjoni pubblika ma jkunx proporzjonat mal-kwantità ta’ informazzjoni li teħtieġ illi tkun eżaminata, ma nistgħux ngħidu li din il-konsultazzjoni tkun qed issir bis-serjetà. Tkun qed issir għax bil-fors biex tonora l-kelma tal-liġi. Tkun konsultazzjoni taparsi.

Din hi s-sitwazzjoni li qed niffaċċjaw fil-każ tal-konsultazzjoni pubblika dwar l-impjant tal-power station ta’ Delimara. Ir-rapporti ppubblikati, fil-parti l-kbira tagħhom jeħtieġu li jkunu eżaminati bir-reqqa biex inkunu nistgħu nifhmu dak li qiegħed ikun propost fihom. Fil-parti l-kbira tal-każi, l-Awtorità tal-Ambjent u r-Riżorsi ilha x-xhur fil-pussess ta’ dawn ir-rapporti, inkluż uħud li forsi dehrilha li kellha tordna li jsirulhom xi tibdil jew inkella li kellhom jinkludu spjegazzjonijiet addizzjonali. L-awtorità taf kemm jirrikjedu żmien biex ikunu eżaminati dawn ir-rapporti, għax l-uffiċjali tagħha ilhom ix-xhur jeżaminawhom!

Hemm eċċezzjoni waħda għal dan kollu. Ir-rapport intitolat External Emergency Plan imħejji mid-Dipartiment tal-Protezzjoni Ċivili għandu parti minnu nieqsa. Fil-paġna 21 ta’ dan ir-rapport hemm it-titlu tas-sezzjoni : Section B Operational. Imbagħad fil-paġna immedjatament warajha hemm nota li tinfurmana illi l-kumplament tas-sezzjoni hi nieqsa minħabba illi kieku din l-informazzjoni kellha tkun ippubblikata, din il-pubblikazzjoni tkun ta’ theddida għas-siġurtà nazzjonali.

Din hi farsa. Hi nuqqas kbir ta’ serjetà. L-ewwel jimlewna bir-rapporti u ma jagħtuniex ħin biżżejjed biex naqrawhom, biex  mbagħad dwar dan ir-rapport jiċċensuraw ukoll il-kontenut.

Għalfejn poġġew dan ir-rapport għad-diskussjoni jekk il-parti l-iktar essenzjali għad-diskussjoni tneħħiet? F’soċjetà demokratika dan m’huwiex aċċettabbli. Bla ebda dubju hemm mod kif ikun possibli li tingħata informazzjoni biżżejjed u tkun tista’ issir konsultazzjoni pubblika bis-serjetà mingħajr ma issir ħsara lis-sigurtà nazzjonali.

Irridu naraw kif ser jiżviluppaw l-affarijiet għax huwa  meħtieġ serjetà  ħafna iktar minn hekk jekk irridu li l-konsultazzjoni pubblika ma tkunx farsa.

Ippubblikat fuq l-Illum : 30 t’Ottubru 2016

A farce in the making

 

Public consultation on the Delimara operational permit has commenced. This permit has to be issued in terms of the provisions of the EU Directive  on Integrated Pollution Prevention and Control (IPPC).

Feeding this public consultation exercise, last week the Environment and Resources Authority released 293 reports detailing information on different aspects of the Delimara power station. These reports are available on the authority’s website as well as at the offices of Marsaxlokk and Birżebbuġa local councils. They run into thousands of pages – varying from those which are very short to others which are substantial in length.

Originally, the public consultation exercise was planned to last 30 days – the minimum time  established by law. After a number of protests, this was increased to 40 days, which is still too short,  given the substantial amount of information that must be digested and analysed. Common sense should have dictated a much longer consultation period as the lack of sufficient time to examine the information released will bring into question the validity of the whole exercise.

The  reports require considerable time to be examined in order that their contents are understood in their proper perspective. Most of these reports were submitted to the Environment and Resources Authority many months ago and in the intervening period have been examined by officials of the Authority, who, in a number of cases, requested amendments or additions. These changes were identified by the Authority’s officers as a result of their examination of the said reports over a number of months.

It stands to reason that the Environment and Resources Authority is, on the basis of its own work,  fully aware that the real time required for  this public consultation would be in the region of four months and that anything less is insufficient.

There is, however, one exception. The report entitled “External Emergency Plan” drawn up by the Civil Protection Department, has been censored. A whole section has been removed and, as such, is not being subjected to the current public consultation exercise. Page 21 of the report contains the tile of the section : Section B Operational. On the following page we then have a note which informs us that “Information in the Operational Section (Section B) of this document is being withheld from publication on grounds on national security”.

This is a farce. The most important part of the document that requires dissemination and feedback has been withheld. This report should have been placed in the public domain in its entirety, as it is essential for those members of the public who are interested (or preoccupied) on the issue as they live too close for comfort to the Delimara power station. They  need the whole report in order to be informed and thus be in a position to give their reactions. Familiarity on the part of Marsaxlokk and Birżebbuġa residents with the Operational Section of the External Emergency Plan would eventually be put into use in the civil protection drills and simulation exercises which have to be organised by the Civil Protection Department on a regular basis at both Marsaxlokk and Birżebbuġa.

The Civil Protection Department leadership team should realise, even at this stage, that the local population must own the operational plans. These plans will not work if the local population is not aware of at least the basic contents of these plans.

The public consultation process is a basic and essential component of the workings of a democratic society. Tampering with the required information, or unnecessarily restricting the consultation period, will transform it into a farce.

It is for these reasons that the Delimara power station consultation process is a farce in the making!

published in The Malta Independent on Sunday – 30 October 2016