Bit-tromba flok bis-senter

birds through binoculars

 

Il-bieraħ il-Pulizija tellgħu il-Qorti 10 persuni, deskritti bhala kaċċaturi, in konnessjoni mad-dimostrazzjoni fil-Belt kontra s-sospensjoni tal-istaġun tal-kaċċa fil-ħarifa, kif ukoll dwar l-inċidenti vjolenti fil-Buskett. (Nota: s’issa għadu ma ttella’ ħadd il-Qorti fuq l-inċidenti tal-Buskett. Dawk imtella’ l-Qorti s’issa huma dawk li kienu involuti fl-inċidenti l-Belt. Il-Pulizija għadha qed tinvestiga.)

L-akkużi jinkludu li attakkaw kif ukoll li weġġgħu ġurnalista u żewġ fotografi.

Naħseb li ħadd minn dawk li jinstabu ħatja m’għandu jintbagħat l-ħabs. L-aħjar sentenza tkun waħda ta’ servizz fil-komunita, 100 siegħa kull wieħed bit-tromba jħarsu lejn għasafar ta’ kull xorta. Birdwatching taħt superviżjoni.

Fiċ-ċirkustanzi naħseb li dik tkun l-iktar sentenza ġusta: bit-tromba flok bis-senter. Bla dubju n-natura tista’ tkunilhom ta’ għajnuna kbira biex jikkalmaw ftit kif ukoll biex ikollhom ftit ċans japprezzaw dak li qed jikkampanjaw biex joqtlu.

Wara l-vjolenza fil-Buskett: ir-referendum dwar il-kaċċa fir-rebbiegħa

referendum

L-inċidenti tal-ġimgħa l-oħra kienu gravi. Kemm il-qtil tat-tajr protett kif ukoll l-attitudni irresponsabbli ta’ dawk il-200 kaċċatur li ddemostraw il-Belt waranofsinnhar u iktar l-azzjoni vjolenti tat-30 ruħ minnhom li baqgħu sejrin sal-Buskett u sawtu lil dawk li kienu qed josservaw l-għasafar fil-Buskett.

L-attutudni tal-FKNK kienet waħda ambivalenti. Min-naħa l-waħda tiddisassoċja ruħha minn dak li ġara. Imbagħad min-naħa l-oħra qalet li “tifhem il-frustrazzjoni tal-kaċċaturi”.  Minkejja dan, imma, n-nies hemm barra ma jifhmux l-affarijiet kif qed jippruvaw ipinġuhom l-FKNK.

 

Fost il-kummenti tan-nies spikkaw dawk dwar ir-referendum abrogattiv li dwaru l-proċess skond il-Liġi miexi kif suppost. In-nies trid iktar informazzjoni dwar ir-referendum u tixtieq li dan isir illum qabel għada.

Wara li nġabru l-firem għar-referendum, dawn ġew ivverifikati mill-Kummissjoni Elettorali li infurmat b’dan lill-Qorti Kostituzzjonali. Ir-Reġistratur tal-Qorti Kostituzzjonali nhar it-3 ta’ Lulju 2014 ħabbar li kien hemm 41,494 firem validi biex jissejjaħ referendum abrogattiv dwar l-Avviż Legali 221/2010 liema avviż legali jippermetti li permezz ta’ deroga ssir kaċċa għas-summien u l-gamiem fir-rebbiegħa.

Dan l-avviż tar-Reġistratur tal-Qorti Kostituzzjonali jfisser li dakinhar tal-avviż beda jgħodd iż-żmien għall-oġġezjonijiet: hemm fil-fatt tlett xhur ċans u dawn jagħlqu fl-aħħar tal-ġimgħa d-dieħla, nhar il-Ġimgħa 3 t’Ottubru 2014.

Wara li jidħlu l-oġġezzjonijiet, li bla dubju ser jippreżentaw (kif għandhom kull dritt) il-kaċċaturi, tibda l-aħħar fażi tal-mixja legali. L-ewwel dawk li qed jikkoordinaw il-proċeduri tar-referendum iwieġbu l-oġġezzjonijiet, u mbagħad il-Qorti Kostituzzjonali, wara li tisma’ dak li jkollhom xi jgħidu l-avukati tagħti d-deċiżjoni tagħha.

Nistennew deċiżjoni tal-Qorti Kostituzzjonali bejn Diċembru u Jannar. Wara, jekk il-Qorti Kostituzzjonali tiddeċiedi li r-referendum abrogattiv għandu jsir (u s’issa ma jidher li hemm l-ebda raġuni għala m’għandiex tgħid li għandu jsir) ikun possibli li tiġi stabilita d-data tar-referendum abrogattiv. Din tkun mhux qabel ma jgħaddu tlett xhur mid-deċiżjoni tal-Qorti Kostituzzjonali, imma mhux iktar tard minn sitt xhur mill-istess deċiżjoni.

It-triq hi ftit twila, imma jeħtieġ li nieħdu paċenzja ftit ieħor.

Fl-aħħar m’għandix dubju li ser naslu biex il-kaċċa fir-rebbiegħa f’Malta tispiċċa darba għal dejjem. Il-vjolenza m’hu ser taqta’ qalb ħadd. Pjuttost qed tiftaħ għajnejn iktar nies li sa ftit ilu kienu bierda u li issa iktar minn qatt qabel qed jirrealizzaw il-gravita’ tas-sitwazzjoni.

Wasalna hawn minħabba li ż-żewġ partiti politiċi fil-Parlament tul is-snin baxxaw rashom għal dak li riedu l-kaċċaturi. Huwa bis-saħħa tar-rieda popolari u b’mod partikolari dawk il-41,494 firma li nġabru mill-għaqdiet ambjentali u Alternattiva Demorkatika li fl-aħħar ser ikun possibli biex flimkien inħassru dak li għamlu l-PN u l-PL: biex il-kaċċa fir-rebbiegħa f’Malta tispiċċa darba għal dejjem.

submission of referendum signature requests

 

Questions for Karmenu Vella

Junker + Vella

 

Extract from Today’s European Voice

Five nominees with questions to resolve at Commission hearings

Political alliances in the European Parliament will protect some nominees during confirmation hearings, and leave others at risk.

5) Karmenu Vella

Wrong country, right group, sensitive portfolio (environment and fisheries), wrong profile.

Hearing: Monday 29 September, 2.30pm

Vella will face two concerns during his hearing: discontent over the portfolio he has been given and discomfort over his political history in Malta. Juncker’s decision to merge environment and fisheries has not gone over well and Vella will face demands from MEPs on both the environment and fisheries committees to guarantee that he will not give their policy area short shrift. MEPs on the environment committee are concerned about the mandate letter sent by Juncker to Vella, which they see as prioritising an agenda of deregulation. Juncker’s request that Vella “carry out an in-depth evaluation of the birds and habitats directives and assess the potential for merging them into a more modern piece of legislation” is particularly sensitive because Malta has been in repeated and continued violation of these laws because of bird hunting. A group of the EU’s biggest environmental campaign groups wrote to Juncker last week and warned: “The environment portfolio has been given to a commissioner whose government is under intense international criticism for failing to implement EU bird conservation legislation, which the commissioner will now be in a position to amend.”

Vella may also face questions about his time as part of the Labour government of Dom Mintoff  in the 1980s – a time of political turmoil in Malta. There have been allegations in the Maltese press against Vella of political thuggery, tax evasion and corruption. None of these allegations has been proven but Vella will probably face a few questions. In part, these allegations are the product of Malta’s brand of intensely tribal politics, but faith in Malta has been damaged by the loss from the last college of commissioners of John Dalli, the Maltese commissioner forced to resign during the last term over allegations of corruption.

On the other hand, it will count to Vella’s advantage that his government belongs to the S&D group. Neither the S&D nor the EPP is expected to pursue an aggressive line of questioning. But colourful anecdotes from Vella’s time in Maltese politics could be red meat for Eurosceptic MEPs, who could use the opportunity to attempt a resurrection of Dalligate. The European Conservatives and Reformists group would also have nothing to lose by going after a centre-left MEP. This would likely not translate to a majority voting against Vella’s nomination, and the numbers are still in his favour. But if questions over his political past cause Vella’s hearing to go off the rails, he may find support from the EPP and S&D groups is brittle.

 

Il-kaċċaturi jikxfu l-maskra

 

estevan mallia + Kastiljaglenn briffa sfida

(kummenti fuq MaltaToday online)

 

Xi kaċċaturi l-bieraħ kmieni wara nofsinnhar organizzaw dimostrazzjoni l-Belt u wara baqgħu sejrin sal-Buskett.

L-insulti ma naqsux. Fil-Buskett , għall-ħabta tal-5.00pm madwar 30 kaċċatur wara li telqu mill-protesta li kellhom il-Belt, attakkaw ukoll in-nies.

Fuq is-sit tal-Malta Today online ma naqsux il-kummenti li jħeġġu iktar vjolenza.

 

Huwa forsi l-mument addattat biex kull min fil-passat kien jagħti l-appoġġ lill-kaċċa u lill-kaċċaturi jaħsibha sewwa dwar dak li fil-fatt qiegħed jappoġġa. L-inċidenti tal-bieraħ kienu serji. Setgħu weġġgħu serjament in-nies.

Tajjeb li niftakru li dan mhux l-ewwel inċident. Kien hemm fil-passat inċidenti vjolenti oħra li kienu jinvolvu lil dawk il-kaċċaturi li malajr tisħnilhom rashom.

Fil-ġimgħat li ġejjin tibda l-kampanja tar-referendum biex tispiċċa l-kaċċa fir-rebbiegħa.

B’dak li għamlu l-bieraħ, il-kaċċaturi ta’ rashom sħuna, bdew il-kampanja referendarja fuq togħma morra. Il-kampanja referendarja għandha tkun waħda paċifika bbażata fuq ir-raġuni. Sfortunatament, iżda, dejjem jidher iżjed ċar li ma tantx hemm ma min tista’ tirraġuna.

Bid-deċiżjoni tal-Gvern fi tmiem il-ġimgħa li jwaqqaf temporanjament l-istaġun tal-kaċċa tal-ħarifa ngħata messaġġ li wara kollox l-irkatt bil-vot mhux dejjem għandu effett. Jista’ jkun li fl-aħħar il-Partit Laburista ukoll beda jiftaħ għajnejħ li l-appoġġ li kien qiegħed jagħti lill-kaċċaturi kien wieħed żbaljat.

Kuraġġ hemm spazju għal kulħadd fil-Koalizzjoni kontra l-Kaċċa fir-Rebbiegħa.

Joseph Muscat u l-Kaċċa: dak li tiżra’ taħsad

storks in Malta 2014

L-inċidenti dejjem iktar spissi ta’ qtil ta’ għasafar protetti huma l-konsegwenza loġika tal-messaġġi ta’ Joseph Muscat lil kaċċaturi.

Il-messaġġ li Muscat u l-Partit Laburista dejjem taw lill-kaċċaturi kien wieħed ċar u sempliċi ħafna biex jinftiehem : il-Partit Laburista jipproteġi l-kaċċa w il-kaċċaturi. Bħala riżultat ta’ dan il-messaġġ uħud mill-kaċċaturi fehmu li issa għandhom id-dritt li jagħmlu li jridu. Avolja mhux kollha jaħsbu hekk, dik hi l-attitudni ġenerali.

Il-konsegwenzi ta’ dan kollu huma dawk li naraw madwarna kontinwament. Abbużi. Wieħed wara l-ieħor.

L-egħluq temporanju tal-istaġun tal-kaċċa fil-ħarifa mit-3.00pm tal-lum s-Sibt 20 ta’ Settembru sal-11 t’ Ottubru 2014 hu pass tajjeb. Imma hu pass li Muscat qed jieħdu tard ħafna, għax min laħaq rabba’ l-arja issa bil-mod biex ineħħiha. Għal dan jaħti biss Joseph Muscat.

M’għandix dubju li matul il-ġranet li ġejjin ser nisimgħu iktar rapporti dwar inċidenti diversi. Il-Gvern kellu jiċċaqlaq għax l-opinjoni pubblika qed tirreaġixxi għall-abbużi li hawn madwarna. Dan hu pass tajjeb. Forsi Joseph Muscat xi darba jiġi f’sensieh.

Il-kaċċa fl-Universita’

turtle dove 2

Nhar il-Ġimgħa ħadt sehem fid-dibattitu organizzat mill-Kunsill tal-Istudenti Universitarji (KSU) dwar il-kaċca.

Jiena għidt li l-kaċċa fir-rebbiegħa m’hiex aċċettabbli. M’hi aċċettabbli taħt l-ebda forma u dan għax ir-rebbiegħa hu ż-żmien meta l-għasafar għandhom ħtiega ta’ l-iktar protezzjoni possibli minħabba li dan hu ż-żmien meta jbejtu.

Ir-referendum abrogattiv li dwaru s’issa inġabru 25,000 firma  m’hux dwar il-kaċċaturi iżda dwar il-ħarsien tal-għasafar. Ħarsien li tagħtihom id-Direttiva dwar l-Għasafar iżda li hu mċaħħad lilhom f’Malta fejn nilgħabu bin-numri biex ikun hemm xi forma ta’ ġustifikazzjoni għall-kaċċa.

Ir-referendum abrogattiv ma jattakka l-ebda minoranza. Ma jattakka l-ebda dritt. Mhux referendum kontra l-kaċċaturi iżda referendum favur l-għasafar.

Hemm min qed jargumenta kontra l-idea ta’ referendum abrogattiv għax, qed jgħid, li issa ser nibdew b’referendum wara l-ieħor. Dawn tajjeb li jkun jafu li l-liġi dwar ir-referenda ma tippermettix li jsir referendum fuq kollox. Hemm numru ta’ affarijiet li dwarhom ma jistax isir referendum: fosthom dwar id-drittijiet fundamentali tal-bniedem, it-taxxi u trattati internazzjonali.

Malta għandha l-obbligu li ma tippermettix il-kaċċa fir-rebbiegħa. Id-derogi (eċċezzjonijiet) li tippermetti d-Direttiva tal-Għasafar għandhom skop speċifiku li jagħtu protezzjoni lill-avjazzjoni, lis-saħħa u lill-agrikultura u fl-ebda ħin ma jippermettu l-qtil tal-għasafar.

Dawk favur il-kaċċa, kif mistenni nisġu l-argument li llum qed tissemma il-kaċċa fir-rebbiegħa u għada jkun hemm attakk fuq “delizzji” oħra.  Il-kaċċaturi prezenti semmew ukoll il-biża’ tagħhom li, minn restrizzjoni tal-kaċċa fir-rebbiegħa għad ikollhom iħabbtu wiċċhom ma’ proposta għall-abolizzjoni totali tal-kaċċa. Qed ngħid li dan kien mistenni għax ilu magħruf li huwa biss permezz tal-biża li jistgħu jiġbru ftit appoġġ minn persuni li m’humiex kaċċaturi.

Kien hemm waqtiet ta’ għajjat, interruzzjonijiet u argumenti b’vuċi għolja. Tistenna dawn il-waqtiet f’diskussjoni ta’ din ix-xorta. Imma b’mod ġenerali nista’ ngħid li d-diskussjoni imxiet u tmexxiet sewwa. Ħajr lil Norman Vella li mexxa d-diskussjoni u anke, għax le, lill-parteċipanti inkluż lil Joe Perici Calascione (FKNK) u lil Mark Mifsud Bonnici (Kaċċaturi San Umbertu) li wasslu l-argumenti tagħhom b’mod ċivili.

Sadanittant inkomplu niġbru l-firem, inżidu mal-25,000 ġja miġbura.

59.8% want spring hunting abolished

hunting 02.2013

It was just one month ago that Malta Today published the result of a survey concluding that 59.8% of those surveyed want spring hunting abolished.

This was just one month ago, on May 19, 2013.

40.7% want hunting abolished altogether whilst 19.1% want just spring hunting abolished. These add up to 59.8%.

The Coalition to abolish Spring Hunting needs your help.

You may refreshen your memory by reading the online article here.

 

Snippets from AD’s electoral manifesto: (21) Biodiversity

buskett.02

The following extract is taken verbatim from Chapter 14 of AD’s Electoral Manifesto

Biodiversity.

Biodiversity is not exclusively concerned with bird protection but on our interaction with the eco-system.

Alternattiva Demokratika shall focus on the need for the complete cessation of spring hunting as well as in ensuring that Malta’s EU accession commitments on the halting of bird trapping are honoured.

It is necessary that zones identified for protection under the provisions of the EU Habitats Directive are well managed. In particular it is necessary that Il-Buskett is no longer considered and utilised as a garden. The status of Il-Buskett as a Special Area of Conservation should be respected, something which is currently ignored.

Valley protection is also necessary. This has to be done within the context of a clear and holistic plan to rehabilitate valleys in such a manner that their resident biodiversity is respected and invasive species introduced throughout the years are removed.

L-Estratt segwenti hu mehud kelma b’kelma mill-Kapitlu 14 tal-Manifest Elettorali ta’ Alternattiva Demokratika

Bijodiversità.

Il-bijodiversità mhix kif inħarsu lejn l-għasafar u l-ħarsien tagħhom biss iżda dwar l-interazzjoni tagħna mal-ekosistema.

Alternattiva Demokratika taħdem biex tkun eliminata darba għal dejjem il-kaċċa tal-għasafar fir-rebbiegħa kif ukoll biex l-obbligi li Malta assumiet bis-sħubija fl-Unjoni Ewropea li l-insib spiċċa darba għal dejjem ikun onorat.

Huwa neċessarju li jkun mħarsa sewwa iż-żoni li Malta identifikat għall-protezzjoni taħt il-provedimenti tad-Direttiva tal UE dwar il-habitats. Fost oħrajn wasal iż-żmien li l-Buskett ma jibqax meqjus bħal ġnien u ma jibqax ikun sfruttat bħala tali. L-istatus tal-Buskett ta’ Żona Speċjali ta’ Konservazzjoni huwa meħtieġ illi jiġi osservat, ħaġa li fil-preżentement mhix issir.

Huwa neċessarju ukoll illi l-widien ikunu mħarsa. Dan għandu jsir billi fil-kuntest ta’ pjan ċar u olistiku jkunu riabilitati l-widien b’mod li tkun rispettata l-bijodiversità ta’ ġo fihom u jkunu ukoll eliminati l-ispeċi invażivi li ġew introdotti tul is-snin.

Snippets from AD’s electoral manifesto: (14) Animal Welfare

spring huntng

The following extract is taken verbatim from Chapter 4 of AD’s Electoral Manifesto

AD is for the abolition of hunting in spring and enforcement against hunting illegalities.

The enforcement of animal welfare legislation should be strengthened and harsher punishment should be meted out for crimes relating to animal cruelty, such as dog and cock fighting, animal abandonment or neglect.
L-Estratt segwenti hu mehud kelma b’kelma mill-Kapitlu 4 tal-Manifest Elettorali ta’ Alternattiva Demokratika

L-AD favur l-abolizzjoni tal-kaċċa fir-rebbiegħa u favur l-infurzar effettiv kontra l-illegalitajiet tal-kaċċa.

Għandu jissaħħaħ l-infurzar tal-liġijiet li jħarsu l-annimali. Għandhom jiħraxu l-pieni fuq atti barbari ta’ moħqrija fuq l-annimali, bħall-ġlied tal-klieb u s-sriedaq, kif ukoll għal min jinqabad jabbanduna annimali jew irabbihom f’kundizzjonijet mhux xierqa.

Magħna taf fejn qiegħed

new identity

 Il-ġimgħa d-dieħla nisimgħu s-suffara li ssejjaħ elezzjoni ġenerali.

Alternattiva Demokratika ser terġa tkun hemm fuq id-Distretti kollha. F’uħud b’kandidat wieħed, f’oħrajn b’iktar.

Il-programm elettorali ta’ Alternattiva Demokratika bħal dejjem ser ikun ċar fuq issues li partiti oħra jevitaw. Hekk ġara fil-passat dwar id-divorzju u r-riforma tal-liġijiet tal-kera. Il-partiti l-oħra evitaw dawn is-suġġetti fil-kampanja elettorali imma mbagħad kellhom jiffaċċawhom fil-Parlament.

Alternattiva Demokratika m’hi ostaġġ ta’ ħadd, għalhekk titkellem ċar.

AD tkompli tkun l-akbar difensur ta’ dak li baqa’ mill-wirt ambjentali Malti, tistinka għal aktar spazji pubbliċi u infrastruttura aħjar. AD mħiex ostaġġ tal-kaċċaturi u n-nassaba, l-iffissati fil-logħob tan-nar, l-abitanti illegali tal-Armier, u spekulaturi u żviluppaturi bla rażan. Issejjaħ għal politika sostenibbli dwar l-art u l-ilma, għal politika ekonomika progressiva, bħal żieda fil-paga minima u taxxa mit-tielet proprjetà vojta lil hinn.

AD hi favur politika soċjali umana u drittijiet ugwali għal kulħadd, fosthom il-minoranzi fil-politika soċjali u tal-familja, bħall-persuni b’diżabilità, il-persuni LGBT u kull tip ta’ familja. AD hi favur ugwaljanza bejn is-sessi, id-dekriminalizzazzjoni tad-drogi għall-użu personali, u l-għajnuna għall-vittimi tad-droga minflok kriminalizzazzjoni.

AD lesta biex taħdem ma’ ħaddieħor, skont programm konġunt maqbul. Taħdem biex dak miftiehem jitwettaq meta nkunu fil-Parlament. Bħala sieħeb minuri, AD tistinka biex tkun żviluppata il-politika bil-kunsens u ma theddidx li tgħaddi tagħha akkost ta’ kollox, konxja mill-fatt li dan iġib l-instabilità.

Vot għal Alternattiva Demokratika jkun vot għall-bidla fil-mod ta’ tmexxija u favur stabbilità.

Jekk temmen li għandhom jkunu fuq quddiem il-ġustizzja soċjali, id-drittijiet ċivili, il-ġustizzja ambjentali, l-iżvilupp sostenibbli, il-modernizzazzjoni ekoloġika u, fuq kollox, ir-riforma tal-istituzzjonijiet għat-tisħiħ tad-demokrazija, mela taf fejn qiegħed mal-Alternattiva Demokratika. Vot għall-PN jew għall-PL ifisser vot għas-sistema staġnata taż-żewġ partiti.

Jekk vera trid il-bidla, ivvota Alternattiva. Magħna taf fejn qiegħed.