L-ostaklu tal-aċċess għall-informazzjoni hu delitt kontra d-demokrazija

Ir-rapport Annwali tal-Ombudsman għall-2017 li kien ippubblikat iktar kmieni din il-ġimgħa hu inkwetanti. F’partijiet minnu, nazzarda ngħid li hu ukoll tal-biża’. L-Ombudsman jikkummenta fit-tul dwar “in-nuqqas tal-amministrazzjoni li tipprovdi informazzjoni”.

Josserva żewġ tendenzi ġenerali.

L-ewwel tendenza hi li diversi Dipartimenti tal-Gvern u Ministeri qed isibuha bi tqil biex jiżvelaw informazzjoni importanti. Il-kliem li l-Ombudsman juża’: “Sfortunatament l-amministrazzjoni pubblika – u dan jinkludi ukoll awtoritajiet pubbliċi – jidher li addottaw attitudni ġeneralment negattiva dwar l-obbligu li tkun żvelata informazzjoni u d-dritt taċ-ċittadin li jinżamm infurmat. Uħud marru fl-estrem li anke qed jirrifjutaw li jipprovdu kemm informazzjoni importanti kif ukoll imformazzjoni vitali li l-pubbliku hu ntitolat għaliha minħabba li din tikkonċerna setturi importanti tal-ħajja ekonomika u soċjali tal-pajjiż.”

It-tieni tendenza hi agħar: diversi ftehimiet li daħal għalihom il-Gvern fihom klawsola li tobbliga li jinżamm is-skiet dwar il-kontenut tal-ftehim. Dak li hu magħruf bħala “non-disclosure clause”. L-Ombudsman jgħidilna li issa hawn “żvilupp riċenti u Inkwetanti permezz ta’ attentat biex jiġi assigurat skiet totali hi l-prattika li torbot lil dawk li magħhom l-amministrazzjoni pubblika jkollha rabta kuntrattwali biex ma tiżvelax informazzjoni fil-kuntratti infushom mingħajr l-approvazzjoni tal-awtoritá pubblika.”

Issa fir-realtá, din il-prattika ma ġietx addottata f’daqqa waħda fl-2017. Kien hemm okkazjonijiet fil-passat meta l-Gvern rabat lil oħrajn inkella aċċetta li jintrabat hu stess li ma tkunx żvelata informazzjoni. Jidher imma li din il-prattika qed iżżid fil-frekwenza. Mhux biss il-kuntratt ta’ Henley and Partners dwar il-bejgħ taċ-ċittadinanza li fih dawn il-provedimenti imma ukoll il-kuntratt dwar il-privatizzazzjoni tal-lotteriji pubbliċi mal-Maltco kif ukoll il-ftehim dwar il-privatizzazzjoni parzjali tas-sistema tas-saħħa mal-Vitals Healthcare inkella l-ftehim mal-Electrogas dwar il-qalba għall-gass tal-impjant tal-ġenerazzjoni tal-elettriku f’Delimara.

Kif jista’ jkun li gvern jippretendi li jkun trasparenti u kontabbli meta juża’ jew jippermetti l-użu ta’ strateġiji bħal dawn li jostakolaw li tkun żvelata l-informazzjoni?

L-Ombudsman hu korrett li jipponta subgħajh lejn dan in-nuqqas bażiku ta’ servizz pubbliku li jridha ta’ wieħed ġust, effiċjenti, trasparenti u kontabbli. Jiena naħseb li dan hu daqstant importanti li jimmerita diskussjoni fil-Konvenzjoni Kostituzzjonali – jekk din xi darba issir. Forsi wasal iż-żmien li tkun il-Kostituzzjoni innifisha li tillimita b’mod strett lill-amministrazzjoni pubblika milli tibqa’ tillimita l-aċċess għall-informazzjoni b’dan il-mod.

Hu meħtieġ li jkollna s-salvagwardji kontra dan l-abbuż sfaċċat li qiegħed jostakola l-aċċess għall-informazzjoni li għandha f’idejha l-amministrazzjoni pubblika. Is-salvagwardji jistgħu jinkludu l-possibilitá ta’ reviżjoni amministrattiva immedjata li tikkanċella l-ostaklu għall-aċċess kif ukoll passi biex dawk responsabbli biex jostakolaw dan l-aċċess għall-informazzjoni mingħajr raġuni valida ma jitħallewx iktar jeżerċitaw il-funzjonijiet ta’ uffiċċju pubbliku.

L-Ombudsman jispjega fir-rapport tiegħu li l-liġi tagħti lill-uffiċċju tiegħu l-għodda meħtieġa biex ikollu aċċess għall-informazzjoni li jeħtieġ ħalli “jmexxi l-investigazzjonijiet dwar l-ilmenti li jkunu waslu” avolja din l-informazzjoni xi drabi tingħata b’mod imqanżaħ. Iżda l-Ombudsman iqis li għandu jiġbed l-attenzjoni għal tlett ċirkustanzi partikolari “li juru kif ir-rispons negattiv tal-awtoritajiet pubbliċi meta dawn jintalbu informazzjoni qed ixekkel l-Ombudsman u lill-Kummissarji fl-uffiċċju tiegħu fil-qadi ta’ dmirijiethom”.

L-ewwel kaz jirrigwarda l-Armata. Ir-rifjut tal-Ministeru għall-Intern u s-Sigurtá Nazzjonali li jgħaddi l-files kollha dwar l-eżerċizzji ta’ promozzjonijiet għall-għola gradi fl-Armata issolva biss wara d-deċiżjoni finali tal-Qorti tal-Appell f’Ottubru 2016 liema deċiżjoni ikkonfermat li Ombudsman kellu l-obbligu li jinvestiga l-ilmenti li rċieva.

It-tieni kaz jirrigwarda ir-rifjut tal-Ministeru tas-Saħħa li jipprovdi l-informazzjoni mitluba mill-Kummissarju għas-Saħħa biex dan jipprovdi il-ftehim sħiħ ma’ Vitals Healthcare dwar il-privatizzazzjoni ta’ sptarijiet f’Malta u Għawdex li kien meħtieġ fl-investigazzjoni dwar jekk l-interessi tal-pazjenti u l-istaff (mediku) kienux adegwatament imħarsa.

It-tielet kaz hu dwar l-ilmenti kontinwa tal-Kummissarji fl-uffiċċju tal-Ombudsman (Saħħa, Ippjanar/Ambjent u Edukazzjoni) dwar id-dewmien li qed jirriżulta f’investigazzjonijiet li jkunu jeħtieġu konklużjoni immedjata. Dan minħabba n-nuqqas tas-settur pubbliku li jagħti tweġiba għat-talbiet diversi għal informazzjoni.

L-obbligu tal-amministrazzjoni pubblika li tiffaċilita l-aċċess għall-informazzjoni u d-dritt taċ-ċittadin li jkun infurmat huma bażiċi f’soċjetá demokratika. Attentati biex dan l-aċċess taċ-ċittadin għall-informazzjoni jkun imblukkat b’dan il-mod jimmina l-proċess demokratiku u dan billi ċ-ċittadin qed ikun ostakolat milli jifforma opinjoni fuq kif qed ikun amministrat l-istat. Dan qiegħed ukoll jostakola lil dawk l-istituzzjonijiet fid-dmir li jiddefendu ċ-ċittadin komuni milli jagħmlu xogħolhom.

F’isem Alternattiva Demokratika jiena nirringrazzja lill- Ombudsman talli qed ikun daqstant ċar fid-difiża tiegħu ta’ dak li hu bażiku f’soċjetá demokratika kif ukoll talli qed isemma’ leħnu b’vuċi ċara kontra dan l-abbuż ta’ poter.

Ippubblikat f’Illum Il-Ħadd : 10 ta’ Ġunju 2018

Advertisements

Obstructing access to information is a crime against democracy

The Ombudsman’s 2017 Annual Report, published earlier this week, is very worrying. At times it makes scary reading. The Ombudsman comments at length on “the failure by the administration to provide information” and points at two general trends.

The first of these is the reluctance of various Government Departments and Ministries to disclose important information. The exact words  from the Ombudsman’s report,  which I quote verbatim, are: “Regrettably the public administration – and this includes public authorities – appears to have adopted a generally negative approach towards its duty to disclose information and the citizen’s right to be informed. Some have gone to extremes by even refusing to provide important and even vital information to which the public was obviously entitled since it concerned important segments of the economic and social life of the country.”

The second trend is even worse: various agreements entered into by government are containing a non-disclosure clause. The Ombudsman states “An even more worrying, recent development that has come to light in an attempt to ensure a total blackout of silence is the practice of binding parties with whom the public administration enters into contractual agreements not to disclose information on the contracts themselves without prior approval from the public authority.”

Now, in fairness, this practice has not been adopted suddenly in 2017. There have been a number of instances in the past where the government bound others, or else accepted to be bound, not to disclose information. Apparently this is now increasing in frequency. It is not just the contract with Henley and Partners on the sale of Maltese citizenship which contains such provisions but also the contract concerning the privatisation of the public lottery system with Maltco, as well as the agreements on the partial privatisation of the Health service with Vitals Healthcare as well as the Electrogas agreements in relation to the Delimara power station changeover to gas.

How can a government claim to be transparent and accountable when it uses or permits the use of the non-disclosure weapon?

The Ombudsman is right to point out this basic deficiency of a public service which pretends that it is fair, efficient, transparent and accountable. I consider that it is also of such importance that it merits discussion in the Constitutional Convention, if this is ever convened. Maybe it is about time that the Constitution should limit very strictly the use by the public administration of non-disclosure as a tool to obstruct the public’s access to information.

Safeguards are required against the abusive use of the non-disclosure of information held by the public administration. Such safeguards could include access to fast track administrative review as well as both publication of the suppressed information and the prohibition from holding public office of those found guilty of blocking the public’s access to information without valid reason.

The Ombudsman explains in his report that the law provides his office with the tools to ensure that it has access to the information it requires “to conduct its investigations into complaints received”, even though this information is at times made available very reluctantly. However, the Ombudsman considers it appropriate to underline three specific instances “that show how the negative response of public authorities to provide information hindered the Ombudsman and his Commissioners in the exercise of their functions”.

The first instance is that concerning the Armed Forces of Malta. The refusal by the Ministry for Home Affairs and National Security to provide all files relating to promotion exercises in the top echelons of the AFM was only resolved after a definite decision of the Court of Appeal in October 2016, which confirmed that the Ombudsman had a duty to investigate the complaints received.

The second instance is that concerning the refusal of the Ministry of Health to comply with the request of the Commissioner of Health to supply “clean copies” of the agreements with Vitals Healthcare on the privatisation of hospitals in Malta and Gozo which were required in the investigation into whether the interests of patients and staff were being adequately protected.

The third instance is that of repeated complaints in all the reports of the Commissioners attached to the Ombudsman’s office [Health, Planning/Environment and Education] on the resulting delay in investigations which, by their very nature, require an immediate response. These delays are the direct result of the failure of various sectors in the public administration to submitting an expedient reply to requests for information.

The duty of the public administration to disclose information, and the right of the citizen  to be informed, is basic in a democratic society. Attempts to block the essential flow of information to the citizen through non-disclosure tools undermines the democratic process, as it blocks the essential elements required by the citizen in order to form a clear and unbiased opinion on the way in which the state is being administered. Moreover, it obstructs those institutions entrusted with defending the common citizen from carrying out their duty.

On behalf of Alternattiva Demokratika-The Green Party, I thank the Ombudsman for taking such a clear and unequivocal stand in favour of the basic tenets of democratic rule and against such blatant abuse of authority.

published in The Malta Independent on Sunday : 10 June 2018

Il-gimmick ta’ Simon Busuttil

Busuttil-Muscat

Il-ħsara lir-reputazzjoni ta’ Malta bl-iskema tal-bejgħ taċ-ċittadinanza imfassla minn Joseph Muscat u l-konsulenti tiegħu Henley and Partners hi waħda kbira.

Il-bieraħ Simon Busuttil kompla żied ma din il-ħsara billi ddikjara li ser imur il-Qorti u jippreżenta protest ġudizzjarju kontra l-Gvern u kontra Henley and Partners. F’dan il-protest ġudizzjarju Busuttil fi ħsiebu jibqa’ jemfasizza illi meta l-PN ikun fil-Gvern hu determinat illi lil dawk li jkunu xtraw iċ-ċittadinanza jeħodilhom lura.  Dikjarazzjoni ta’ din ix-xorta minn Simon Busuttil tfisser li l-PN taħt Simon Busuttil jiġi jaqa’ u jqum mid-drittijiet tal-bniedem. Simon Busuttil jaf li dak li qed jgħid ma jistax jagħmlu. Jaf li ma jistax b’daqqa ta’ pinna jħassar id-drittijiet akkwistati anke jekk għandu raġunijiet validi li minħabba fihom ma jaqbilx mal-liġi li ħolqot dawk id-drittijiet.

Din id-dikjarazzjoni ta’ Simon Busuttil hi tebgħa kerha fuq il-PN. Busuttil fil-ġimgħat li għaddew iġġustifika dan billi qal li għandu parir legali f’dan is-sens. Busuttil imissu jippubblika l-parir li qed jgħid li għandu kif diġa għamel il-Gvern meta ippubblika l-parir tal-Avukat tar-Repubblika.

Li Simon Busuttil jinsisti li l-Gvern ta’ Muscat jibdel drastikament l-iskema hu tajjeb. Li jikkompeti miegħu dwar min minnhom jagħmel l-iktar ħsara hu tal-biki.

Fil-Parlament Ewropew : Joseph u l-bejgħ taċ-Ċittadinanza

Joseph Muscat + Alfred Sant

Ħadd ma għandu jkun sorpriż li l-iskema tal-bejgħ taċ-ċittadinanza kif proposta minn Joseph ser tkun diskussa mill-Parlament Ewropew.

Prattikament il-partiti kollha fil-Parlament Ewropew iridu l-spjegazzjonijiet. Dan jgħodd ukoll għas-soċjalisti fil-Parlament Ewropew.

Hu ċar għal kulħadd li huma l-Gvernijiet nazzjonali li għandhom il-poter li jiddeċiedu materji dwar iċ-ċittadinanza. Imma huwa daqstant ieħor ċar li f’dak kollu li għandu impatt fuq il-pajjiżi l-oħra membri tal-Unjoni kull Gvern għandu l-obbligu li joqgħod lura.

Il-bejgħ taċ-ċittadinanza Maltija qed tiġi reklamata minn Henley and Partners, konsulenti u aġenti tal-Gvern Malti, bħala x-xiri ta’ aċċess liberu fiż-żona Schengen. Huwa dan li qed inissel tħassib fid-diversi pajjiżi membri tal-Unjoni Ewropeja.

Membri Parlamentari Ewropej, kif ukoll diversi Gvernijiet Ewropej, qed jistaqsu dwar xi dritt għandu l-Gvern ta’ Malta li jagħti dan id-dritt ta’ aċċess lil min jixtri ċ-ċittadinanza.

M’hemmx tweġiba faċli. Imma żgur li ser jinqalgħu diffikultajiet mhux żgħar għax ħadd ma jrid li min jista’ jidħol f’pajjiżu jiddeċidieh pajjiż ieħor. Din hi l-problema li ħoloq Joseph Muscat. Qed jassumi li hu u l-Gvern Malti għandhom xi dritt li jiddeċiedu li jagħtu permess lil numru ta’ ċittadini ta’ pajjiżi barra mill-Unjoni Ewropeja biex ikunu jistgħu jidħlu meta u kif iridu fl-Unjoni Ewropeja. U dan bi ħlas ta’ €625,000.

Din ħadd m’hu ser jaċcetta li issir.

Dan hu l-qofol tad-diskussjoni ta’ Jannar li ġej fil-Parlament Ewropew.

Il-logħob biċ-ċittadinanza ekonomika

Chess.01

Il-logħob biċ-ċittadinanza Maltija qed idejjaq lill-kulħadd.

Li jkun possibli li tingħata ċ-ċittadinanza lil min jagħti kontribut għall-iżvilupp ekonomiku tal-pajjiż hi proposta tajba. Jeħtieġ iżda li jkunu indirizzati żewġ diffikultajiet.

L-ewwel diffikulta’ hi dwar jekk il-kontribut għandux ikun ammont żgħir (relattivament) mingħand diversi persuni li miġbur flimkien jintuża mill-Gvern biex jiffinanzja inizzjattivi partikolari [x’inhuma għad irridu naraw].  Dan hu li jsir f’St Kitts u Nevis fil-Karibew permezz ta’ donazzjonijiet lill-Fondazzjoni dwar id-diversifikazzjoni tal-Industrija taz-Zokkor [Sugar Industry Diversification Foundation].

Min-naħa l-oħra fl-Awstrija l-impenn hu wieħed ta’ kontribut dirett tal-individwu fl-ekonomija mingħajr ma juża l-istat bħala intermedju.

L-għażla reali jiġifieri hi bejn min ikun diġa ta’ prova ta’ kontribut għall-iżvilupp ekonomiku tal-pajjiż u min jagħti kontribut ta’ €650,000 li wara jitħaddmu mill-Gvern flimkien mal-kontribut ta’ ħaddieħor.  Għalija l-ewwel triq, dik imħaddma mill-Awstrija hi iktar serja u marbuta mar-riżultati miksuba. It-tieni triq, dik ibbażata fuq il-prattika f’St Kitts u Nevis, hi dgħajfa u mhux neċessarjament li tagħti riżultat. Kullma tagħmel tagħti l-flus f’idejn il-Gvern li jista’ jħaddimhom tajjeb u jista’ jħaddimhom ħażin.

Mela d-differenza bejn iż-żewġ sistemi hi li waħda tagħti ċ-ċittadinanza ekonomika li min ikun diġa tak ir-riżultati u l-kontribut għal titjib ekonomiku filwaqt li oħra tippremja biċ-ċittadnaza ekonomika lil min jagħtik il-finanzi biex tipprova tieħu inizzjattivi. M’hemmx bżonn tkun għaref biex tikkonkludi li l-ewwel  sistema hi bil-bosta aħjar mit-tieni.

It-tieni diffikulta hu dik li tissejjaħ due diligence. Jiġifieri li tgħarbel lil min japplika biex tara jekk hux fl-interess tal-pajjiż li jingħata ċ-ċittadinanza. Il-proposta tal-Gvern hi li d-due diligence jagħmluha Henley and Partners (konsulenti tal-Gvern) li ser imexxu huma stess l-implimentazzjoni tal-iskema anke jekk id-deċiżjonijiet finali jeħodhom il-Gvern.  Ikun ferm aħjar li min imexxi l-iskema (u li ukoll ser imexxi l-quddiem applikazzjonijiet ta’ klijenti tiegħu stess) ma jkunx hu stess li jgħarbel l-applikanti.  Anke jekk ikunu persuni differenti fl-istess ditta.

Niftakru li anke l-Montenegro kellhom sistema simili ta’ ċittadinanza ekonomika li ġiet sospiża meta bdew id-diskussjonijiet għas-sħubija tal-Montenegro fl-Unjoni Ewropeja. Minkejja li waħda mill-kundizzjonijiet tal-iskema tal-Montenegro kienet li ċ-ċittadinanza ekonomika ma tingħatax li min imiss mal-kriminalita din xorta ingħatat lil Thaksin Shinawatra ex-Prim Ministru tat-Tajlandja li pajjiżu jridu jgħaddi proċeduri kriminali dwar korruzzjoni.

Dawn huma dawk li aħna f’Alternattiva Demokratika naraw bħala id-difetti tal-iskema proposta mill-Gvern. Pass żbaljat wieħed f’din l-iskema jista’ jħarbat ix-xogħol utli li sar fil-qasam tas-servizzi finanzjarji f’Malta tul is-snin. L-istess bħalma qed isir bil-paroli tal-Opposizzjoni li, meta tirritorna fil-Gvern tirtira ċ-ċittadinanza mogħtija taħt din l-iskema.  Id-dubju li hemm fuq il-validita’ kostituzzjonali ta’ dak li qed jgħid il-Kap tal-Opposizzjoni Simon Busuttil mhux ser ikun ta’ ġid għall-pajjiż.

Hemm ħafna sens komun nieqes f’dak li qed jgħidu kemm il-Gvern kif ukoll l-Opposizzjoni. L-atitudni tat-tnejn li huma qed tagħti messaġġ ħażin lil kull min qiegħed widnejh miftuħin biex jisma’.

Lejn Ċittadinanza Ekonomika li tagħmel sens

Malta golden passport 1NevisStKittsPassport

X’għadna inqas minn pajjiżi oħra?

Hu f’dan il-kuntest li ġiet imqegħda l-proposta għal ċittadinanza ekonomika tal-Gvern immexxi minn Joseph Muscat. Għadna lura, komplew jgħidu. Pajjiżi oħra imxew u aħna ħdejhom qiesna għadna fil-pre-istorja!

Ir-realta’ imma hi ftit differenti.

Preżentement hemm żewġ tipi ta’ Ċittadinanza Ekonomika. Dik li tingħata bħala rikonoxximent u dik li tinxtara.

Fl-Awstrija ċ-ċittadinanza ekonomika tingħata li min permezz ta’ investiment jagħti kontribut għat-titjib ekonomiku tal-Awstrija li tkun irrizultat f’ żieda fl-impiegi jew fl-esportazzjoni .

Hemm imbagħad iċ-ċittadinanza li tista’ tinxtara.

St Kitts u Nevis fil-Karibew mill-1984 bdiet skema li tagħtik iċ-ċittadinanza jekk tinvesti $400,000 fil-bini flimkien ma ħlas ta’ miżati oħra. Tista’ minflok ma tinvesti fil-bini tagħmel donazzjoni ta’ mhux inqas minn $250,000 lis-Sugar Industry Diversification Foundation. Din hi fondazzjoni imwaqqfa biex tiffinanzja d-diversifikazzjoni fl-ekonomija.

St Kitts u Nevis hu pajjiż żgħir b’popolazzjoni ta’ 51,000. Kiseb l-indipendenza fl-1983.  Għadu fil-pre-istorja tal-iżvilupp tiegħu.

Hemm skema simili f’Dominica, ukoll fil-Karibew, fejn huma meħtiega donazzjonjiet ta’ mhux inqas minn $100,000 lill-istat biex tkun tista’ tinxtara ċ-ċittadinanza.

Informazzjoni iktar dettaljata wieħed jista’ jiksibha mill-website tal-konsulenti tal-Gvern Malti : Henley & Partners.

Hu ċar minn dan li hemm żewġ toroq għaċ-ċittadinanza ekonomika. Dik tal-Awstrija tirrikonoxxi lis-settur privat. Dik ta’ St Kitts u Nevis jew Domenica hi ibbazata fuq rwol iktar ċentrali tal-istat.

Hemm it-triq pre-istorika li twassal għal xiri taċ-ċittadinanza  kif jagħmlu St Kitts u Nevis flimkien ma Domenica. L-individwu jixtri ċ-ċittadinanza u l-prezz imħallas ikun investit fi proġetti partikolari.

It-triq l-oħra imħaddma mill-Awstrija hi waħda ta’ rikonoxximent  mogħti mill-istat lil min jinvesti fil-pajjiż u joħloq ix-xogħol u b’hekk jikkontribwixxi għall-iżvilupp ekonomiku tal-pajjiż.

Quddiem dawn iż-żewġ toroq it-triq li għażlet l-Awstrija hi t-triq dinjituża li jagħżel pajjiż modern.  Ikun tajjeb li nimxu f’din it-triq. Sfortunatament s’issa il-Gvern ta’ Joseph Muscat għażel it-triq oħra, triq preistorika.

Għad hemm iċ-ċans li tinbidel ir-rotta. Nittama.

Passaporti għall-bejgħ u Cecilia Malmström

Tajikistan_PassportMalta golden passport 1

Il-Gvern irid ibiegħ il-passaporti. Passaport ta’ Malta mingħand Joseph Muscat jiġi jiswa’ €650,000. Magħhom trid iżżid €25,000 għal passport ieħor għall-mara u €25,000 għal kull wieħed mit-tfal.

Għadu mhux magħruf jekk hemmx discount għal min jixtri passaport għal iktar minn mara waħda.

Ġie ippubblikat abbożż ta’ liġi biex jemenda il-liġi taċ-ċittadinanza.

Saret ukoll laqgħa immexxija minn Joe Vella Bonnici ex-kandidat tal-Labour li ser ikun inkarigat mill-aġenzija ġdida Identity Malta. Il-laqgħa kienet indirizzata mill-konsulenti Ingliżi tal-Gvern Henley & Partners. Imma qed jingħad li din il-laqgħa spiċċat bil-banda b’Vella Bonnici u dawk li kellu quddiemu jgħajjtu b’ħanġra daqshiex.

Qed jinkitbu ħafna artikli u bosta kummenti dwar din il-politika ġdida ta’ kif il-Gvern immexxi minn Joseph Muscat ser ibiegħ il-passaporti. Ġiet deskritta bħala politika friska u moderna li tikkuntrasta mal-politika preistorika li kellna sal-lum.

Qiegħed jingħad li dawn il-passaporti m’humiex ser jingħataw bl-addoċċ. Il-Gvern għandu target li matul is-sena finanzjarja li ġejja jdaħħal €30 miljun mill-bejgħ ta’ dawn il-passaporti. Dan ifisser li qed jippjana għal madwar 40 applikazzjoni li skond kemm ikun hemm persuni dipendenti jew assoċjati mal-applikanti jista’  jfisser il-ħruġ ta’ madwar 200 passaport.

Intqal ukoll li l-applikazzjonijiet ser ikunu mgħarbla sewwa u ser ikun hemm attenzjoni speċjali biex ma jkunx hemm karattri dubjużi li jingħataw dawn il-passaporti. Imma mbagħad qalulna ukoll li l-ismijiet ta’ dawk li ser jingħataw dawn il-passaporti ser jibqgħu sigrieti. Dik l-informazzjoni skond il-Gvern għandha tkun kunfidenzjali magħrufa biss bejn il-Gvern u min jiffirma iċ-ċekkijiet għal dawk it-€30 miljun.

L-impressjoni li qed tingħata hi li l-filosofija bażika ser tkun li bil-flus tagħmel triq fil-baħar. Triq li twassal sar-Repubblika ta’ Malta li jekk għandek il-flus tiftaħlek il-bibien beraħ. Dan huwa l-mod modern ta’ kif titkabbar l-ekonomija. Min-naħa l-oħra għandna diġa l-assigurazzjoni li l-Gvern ser joqgħod ultra-attent biex ma jkunx hemm karattri dubjużi li jakkwistaw dan il-passaport.

Ngħid jiena kif nistgħu nieħdu dan il-Gvern bis-serjeta’ jekk fost il-persuni li għażel bħala l-konsulenti tiegħu hemm ċerta Shiv Nair. Id-dikjarazzjonijiet pubbliċi tal-Gvern [jekk nemmnu dak li qed jgħidu] jfissru li l-Gvern ta’ Muscat mhux kapaċi jagħmel il-vetting neċessarju għax ġiet ippubblikat l-informazzjoni dwar dan Shiv Nair li jnisslu suspetti serji: informazzjoni li din il-persuna qegħda fuq il-blacklist tal-Bank Dinji minħabba frodi.

Dawn l-affarijiet kollha juru x’tip ta’ nies jistgħu jixtru l-passaport Malti. Juru ukoll għaliex kollox ser jibqa’ mistur.

Il-messaġġ li Muscat qiegħed jagħti huwa preċiżament dan: jekk għandek il-flus tikkonfondi xejn, anke jekk ħadd ma jridek . Malta taħt Joseph Muscat toffrilek kenn. L-aqwa li tiffirma dak iċ-ċekk.

Imma l-messaġġ ikompli li jekk m’għandekx flus Malta m’għandniex post għalik. F’dak il-każ ċempel lil Cecilia Malmström il-Kummissarju tal-Unjoni Ewropeja.

Pajjiżna jixraqlu aħjar.