Following the footsteps of Austin Gatt

Labour party + meritocracy

The Labour Party in Government has appointed Mr James Piscopo, until a few days ago Chief Executive Officer of the Labour Party, as the new Chief Executive Officer of Transport Malta. He replaces Dr Stanley Portelli who in his turn was also handpicked for the post of CEO of Transport Malta by former Transport Minister Austin Gatt.

There is no general rule which determines the manner in which Chief Executives of public corporations are appointed. Some were handpicked, others were selected on the basis of a selection process. In most cases there is the overriding rule in specific legislation that the final decision has to be confirmed by the Minister in office.

At the end of the day it is a matter of policy. Will merit rule the day or will top posts be filled on the basis of the political criterion of being considered as a position of trust?

The PN in government used both methods. During the electoral campaign which ended a few days ago Labour emphasized that it will act on the basis of merit.

It seems that we are back to where we started.  Labour is now following in the footsteps of Austin Gatt.

Advertisements

Fil-Parlament għada t-Tnejn: mera għal Lawrence Gonzi

mirror

Għada t-Tnejn 10 ta’ Diċembru 2012, Lawrence Gonzi, Prim Ministru, b’diskorsu, jġib fi tmiemu l-ewwel fażi tad-diskussjoni dwar il-budget ghall-2013. L-oratorija m’hiex ser tonqos imma s-sustanza wisq nibża’ li ser terġa’ tkun assenti.

Ser iwieġeb dak li qal il-Kap tal-Opposizzjoni, li l-anqas hu ma qal kull ma kien jeħtieġ li jingħad. Lawrence Gonzi ser jipprova jfissrilna kif inhu meħtieġ li l-inċertezza li hawn fil-pajjiż tinqata’ billi jkun approvat il-budget.

Lawrence Gonzi iwaħħal f’kulħadd talli l-inċertezza mhux biss nibtet imma firxet l-għeruq tagħha fil-fond. Jaħseb li hu biss m’għandu l-ebda ħtija. Kulħadd għandu l-obbligu li jerfa’ r-responsabbiltajiet tiegħu, jgħid. Imma dawk ta’ madwaru huma esklużi.

Din kienet leġislatura ħażina sa minn l-ewwel jum: għandha fuqha s-saħta tal-Mistra. Saħta li titfa d-dell fuq iż-żewġ naħat tal-Parlament.

Is-saħta tal-Mistra qegħda fuq Lawrence Gonzi għax fl-iskandlu tal-Mistra ipprova jgħatti l-iżbalji u ma kellux il-kuraġġ morali li jgħid li JPO kien żbaljat. Ipprova jpinġieh bħala vittma meta l-vittma vera kienet il-komunita’. Konmunita’ li suppost kellha istituzzjoni maħluqa apposta biex tiddefendiha – il-MEPA. Minflok  iżda din il-MEPA kienet kompliċi u għażlet li tiddefendi l-istupru tal-pajjiż.

Is-saħta tal-Mistra qegħda fuq Joseph Muscat ukoll.  Il-predeċessur tiegħu Alfred Sant kien iddeskriva lil JPO bħala morally and politically corrupt.  Imma Muscat ma ħass l-ebda skruplu biex jinqeda bih.

Hekk ġara fil-każ tal-barriera li Gonzi u RCC riedu li titħaffer quddiem il-Kon Katidral ta’ San Ġwann. Hekk ġara ukoll fuq il-mozzjoni biex il-Parlament iddikjara li m’għandux fiduċja f’RCC.

Id-dnub ma jorqodx u jidher li qed joqrob żmien il-kontijiet.

Il-konfront ta’ Gonzi ma Franco Debono hu żejjed għal partit li diġa qiegħed jegħreq. Kien hemm mument partikolari iżda li kien hemm possibilita’ li l-affarijiet ma jikkumplikawx ruħhom. Kienu ippreżentati quddiem il-Parlament żewġ mozzjonijiet.

L-ewwel mozzjoni kienet ippreżentata minn Franco Debono innifsu u kienet kritika tal-politika tal-Gvern ta’ Gonzi dwar il-Ġustizzja u l-Intern. Kritika qawwija u kienet tieqaf hemm.

It-tieni mozzjoni kienet ippreżentata minn Jose’ Herrera u Michael Falzon: barra li kienet tikkritika l-politika tal-Gvern dwar il-Ġustizzja u l-Intern kienet tipproponi ukoll vot ta’ ċensura fil-Ministru Carm Mifsud Bonnici.

Gonzi għażel li jpoġġi fuq l-agenda tal-Parlament il-mozzjoni tal-Opposizzjoni u ħalla fuq l-ixkaffa l-mozzjoni ta’ Franco Debono. Jiġifieri għamel għażla favur mozzjoni b’konsegwenzi negattivi u warrab mozzjoni li kienet tikkritikah u tieqaf hemm.

Nafu fejn wasslet din l-għażla. B’għażla ta’ Gonzi l-Parlament spiċċa sfiduċja lil Mifusd Bonnici. Deċiżjoni li Gonzi seta’ jevita imma ma riedx. Għaliex għamel hekk hu jaf.

Meta Gonzi jħares fil-mera ma jara l-ebda sinifikat fil-każ ta’ korruzzjoni ta’ Noel Borg Hedley (ex-Segretarju Privat tal-Ministru Tonio Fenech) li fil-Qorti ammetta akkużi ta’ korruzzjoni mill-iżviluppaturi JPM Brothers.

Il-fjask tal-Arriva bir-responsabbilta’ politika dwaru li kellu jinġarr minn Austin Gatt l-anqas ma kellu sinifikat għal Gonzi meta jħares fil-mera.

Issa  ħarġet oħra. Fir-rapport tal-Awditur Nazzjonali l-inkompetenza fl-amministrazzjoni finanzjarja tal-kumpanija tal-Gvern Wasteserve hi imfissra fid-dettall. L-iktar li jispikka hu dak il-kuntratt ta’ miljun euro li spiċċa jissarraf f’kuntratt ta’ disgħa u għoxrin miljun euro. Qiesu ma ġara xejn. Is-sejħa biex George Pullicino jerfa’ r-responsabbilta’ politika u jwarrab ma tfisser xejn.

Quddiem dan kollu it-talba ta’ Gonzi biex il-budget ikun approvat tistona. Għax il-vot fuq il-budget mhux biss vot favur budget rigressiv imma hu ukoll vot favur Gvern li hu moralment zopp. Gvern li jrid lil kulħadd jimxi sewwa imma hu mhux kapaċi jagħti l-eżempju. Għax repetutament irrifjuta li jerfa’ r-responsabbilta politika ta’ għemilu.

X’ser jiġri għada jiena ma nafx. Naf iżda ħaga waħda: li l-Gvern wasal sa hawn għax Lawrence Gonzi ma kienx kapaċi japplika għalih il-kejl li bih hu jkejjel lil ħaddieħor.

Il-Partit Nazzjonalista ġustament qed jitlob li l-Imħallef Lino Farrugia Sacco jirreżenja. Jekk il-PN japplika l-istess kejl għall-Kabinett ta’ Lawrence Gonzi m’għandix dubju li jinbidlu l-Ministri kollha, Gonzi innifsu inkluż!

Labour : ensuring a smooth transition

Franco Debono has made many a statement during the past 12 months. He abstained when a vote of no confidence was submitted against Minister Austin Gatt. He explained that he did so as he wanted to give the man and his party another chance!

He has been stating for days now, that he will not vote in favour of the budget  because he considers that Austin Gatt should have resigned months ago due to his political failures. Whether  Franco Debono will keep his word is anybody’s guess. But if he does the budget will not be approved. We will have to keep guessing what comes next for some more days.

With this in mind the budget’s relevance is limited.

But we need not panic as Labour will come to the rescue. Labour, we are told, will deliver.

Progressive Labour will deliver income tax revised rates which will ignore low wage earners and reduce tax payable to those who are already reasonably well off. No tax deductions can be guaranteed for low wage earners by Labour.

Progressive Labour, like conservative PN, does not agree with the need to revise the minimum wage. It is not in the interest of employers to do so. And it is their vote which progressive Labour is after.  The employers’ vote, that is!

Why should progressive Labour accept the GWU’s proposal to have the cost of living adjustment paid in two installments?  There is consensus between the PN and Labour that the GWU’s proposals should be ignored. It is only Alternattiva Demokratika which has offered support for a progressive incomes policy as proposed by the GWU.

Labour, the progressive party, has opted for a conservative approach: the PN’s approach. It is the only way forward as in this way it ensures a smooth transition,  continuity and stability!

…………… and they looked from pig to man and from man to pig again and could not tell which was which.  The more things change, the more they remain the same.

published at di-ve.com  on Friday 30 November 2012

Time 2BFrank

In-negozjati dwar il-bejgħ/kiri tal-isptar St Philip’s ftit li xejn hu magħruf dwarhom. Għax saru fil-kwiet u ħlief lejn l-aħħar ftit li xejn kien hemm paroli dwarhom. Hu diffiċli ħafna li issib informazzjoni. Imma ftit sibt ukoll.

Nhar l-4 t’Ottubru 2012  t-Tribunal Għat-Talbiet iż-Żgħar taħt id-direzzjoni tad-Dottoressa Yana Micallef Stafrace tat deċiżjoni fit-talba numru 1515/2010 bejn żewġ kumpaniji: Icon Studios Limited (C 26538) u Golden Shepherd Group Limited (C 14949). Ta’ l-ewwel kienet rappreżentata mill-Avukat Ġeġe Gatt iben Austin Gatt. Tat-tieni rappreżentata mis-CEO tal-Isptar St Philip’s, t-Tabib Frank Portelli.

Il-każ kien dwar ammont żgħir (€1663.80) li Ġeġe ried lill-Frank iħallas ta’ xogħol fuq website li kien għamillu wara li kienu iltaqgħu u ftehmu dwar dan fil-Lukanda Westin Dragonara nhar it-23 ta’ Diċembru 2009! Id-deċiżjoni kienet favur Ġege. Frank kien ordnat iħallas l-€1663,80 bl-interessi.

Ta’ interess fid-deċiżjoni hemm dan il-paragrafu enumerat bin-numru 7 :

“Wasalna fl-1 ta’ Marzu 2010 ……………… u Dr. Portelli qed isemmi n-negozjati li kellu mal-Gvern li kienu ilhom għaddejjin għal-18-il xahar u li kien għadu jittama f’konkluzjoni.”

Mela issa nafu li in-negozjati bdew madwar sitt xhur wara l-elezzjoni ta’ Marzu 2008 u 18-il xahar wara (f’Marzu 2010) kienu għadhom għaddejjin.

In-negozjati bdew sitt xhur wara l-elezzjoni tal-2008.

Nafu x’kien l-impenn ta’ Frank fl-2008 f’Villa Arrigo jassisti lil Gonzi fil-ġirja tiegħu wara n-nagħaġ li intilfu!

Fid-dawl ta’ dan kolli l-Gvern għandu obbligu ikbar li jwieġeb ħafna mistoqsijijiet dwar l-isptar St Philips. Hemm bżonn ta’ tweġibiet ċari dwar kemm l-isptar St Philips jaqdi l-ħtiġijiet tad-Dipartiment tas-Saħħa u kemm ġew meqjusa sewwa l-alternattivi.

Fl-assenza ta’ tweġibiet ħadd m’għandu jagħti tort lill-ħadd li jikkonkludi li l-ftehim li jidher li huwa konkluż huwa ħlas minn fondi pubbliċi għall-ħidma f’Villa Arrigo fl-interess tal-Partit Nazzjonalista lejlet l-elezzjoni ġenerali ta’ Marzu 2008.

L-Awditur Ġenerali għandu jeżamina sew x’ġara.

Il-Parlament għandu bżonn jistenbaħ ftit!

Its time 2BFrank.

Lawrence Gonzi u l-mument tal-verita’

Il-Gvern, qalilna Gonzi ser jippreżenta l-budget u dan ser ikun il-mument tal-verita.

Gonzi uża lingwaġġ ftit bombastiku biex jilgħabha tal-vittma.  Gonzi qalilna li kulħadd irid jerfa’ r-responsabbilta’ tiegħu.

Fiċ-ċirkustanzi preżenti l-verita’ hi li l-budget hu irrelevanti. Bħall-Gvern.

Il-Gvern ma jafx fejn qiegħed. Kull fejn isib l-iebes jirtira. Bħalma għamel dwar il-parkeġġi. L-ewwel għaffiġha. Meta permezz ta’ żewg mozzjonijiet ippreżentati fil-Parlament (waħda mill-Opposizzjoni u l-oħra minn Franco Debono) ġie ikkontestat dak li għamel Austin Gatt il-Gvern daqq l-irtirata.

Hu Gvern li ma jafx x’inhu jagħmel.  Bħar-riforma tat-trasport pubbliku li minkejja l-infieq f’ruxxmata konsulenzi għad ma tatx ir-riżultat mixtieq, sena u nofs wara li bdiet.

Bħat-taħwida tal-Fairmount. F’hiex waslet l-inkjesta? Min kien responsabbli għat-telf kbir li għamlet it-tarżna minn dan il-kuntratt li kompliet tagħtiha d-daqqa mortali? Mhux Austin Gatt ukoll kellu jġorr ir-responsabbilta’ politika għal dan il-falliment?

 

Veru, l-mument tal-verita’ qiegħed wara l-bieb: il-budget hu irrelevanti.

Gonzi fir-rokna

Lawrence Gonzi qiegħed fir-rokna. Ilu jilgħab logħba perikoluża. Imma issa qiegħed joqrob lejn l-aħħar.

It-tmexxija tiegħu tal-Partit Nazzjonalista u tal-Gvern imxiet mill-ħażin għall-agħar.

L-ewwel linja ta’ difiża tiegħu kienet li m’hux hu kien responsabbli. Imma t-team li wiret. Għalhekk RCC u Joe Saliba ħarġu bil-brand ta’ gonzipn.

Gonzipn fissret il-konvinzjoni ta’ Gonzi u dawk ta’ madwaru (RCC, Joe Saliba u Austin Gatt) li l-Grupp Parlamentari u l-Kabinett ma jiswew għalxejn. Hu kollox. Qabel l-elezzjoni fil-fatt lil Molly Bordonaro Ambaxxatriċi tal-Istati Uniti qalila li ma kellux minfejn jagħżel Kabinett sura. Għalhekk wara l-elezzjoni lil uħud infurmhom b’SMS li s-servizzi tagħhom ma kellux aktar ħtieġa tagħhom.

Dak li qed jiġri llum fil-Parlament hu l-konsegwenza ta’ dak li Gonzi u Saliba ħawlu snin ilu. Fil-fatt li tiżra’ taħsad.

Fil-Parlament smajna lil diversi jkunu kritiċi ta’ dak li kien qed jagħmel kif ukoll ta’ dak li ma kienx qed jagħmel il-Gvern: gonzipn. U ġaladarba l-istrateġisti għoġobhom jidentifikaw il-Gvern ma persuna waħda (l-brand Gonzi) jridu joqgħodu għall-konsegwenzi : li l-istess persuna terfa’ r-responsabbilta ta’ kull ma ġara.

Ma hemm xejn ħażin li diversi membri parlamentari ħasssew il-ħtieġa li jitkellmu fil-pubbliku dwar dak li kien miexi ħażin. Dan hu rifless ta’ l-integrita’ tagħhom li quddiem triq li qed twassal għal diżastru u kollass komplet tal-PN huma għażlu t-triq tal-irġulija. Bil-bibien magħluqin setgħu faċilment imxew mal-kurrent. Bi grupp parlamentari li jippreferixxi l-inċens, bi tmexxija li tippreferi lil min jilgħaq hu pożittiv li diversi fetħu ħalqhom u qalu lil Gonzi u lir-reqdin ta’ madwaru li dak li qalu ma kienx jikkorrispondi ma dak li għamlu.

Gonzi ipprova jixtri lill-kritiċi. Ħoloq u ħatar numru ta’ Assistenti Parlamentari. Kariga immudellata fuq il-Parliamentary Private Secretary fil-House of Commons bid-differenza li fil-House of Commons hu unur li tinħatar. F’Malta titħallas biex forsi tinxtara u tagħlaq ħalqek.

Il-kritiċi parlamentari nazzjonalisti ta’ Gonzi għamlu żball wieħed. Ma kkordinawx il-ħidma bejniethom. Li għamlu hekk kienu jkunu effettivament qed iwaqqfu kurrent b’mod formali u kienu jġibu lil Gonzi f’postu żmien twil ilu.  Kienu jġibuh għarkuptejh u possibilment kienu jiffrankaw lill-pajjiż numru ta’ deċiżjonijiet żbaljati.

Iktar ma jgħaddi żmien imma Gonzi qed jitfixkel f’saqajh. Flok ma joqgħod attent għal dak li jagħmel (hu u ta’ madwaru) qiegħed ta’ kuljum iwassal messaġġ li l-arroganza hi element essenzjali tal-għodda ta’ tmexxija li hu għażel.

Mhux l-ewwel wieħed mill-mexxejja politiċi ta’ dan il-pajjiż li sab ruħu f’din il-posizzjoni. Hu dak li tagħmel meta tkun fir-rokna.

Il-qżież ta’ Austin Gatt

Il-proċess tal-privatizzazzjoni tal-parking areas f’numru ta’ lokalitajiet f’Malta hu riżultat tal-qżież ta’ Austin Gatt u tal-akkolti tiegħu. Li jinjoraw lil kulħadd. Jidhrilhom li dak li jiddeċiedu huma ben fatt.

Fi stqarrija li ħarġet Alternattiva Demkokratika l-bieraħ fil-għaxija għidna li kien kundannabbli li Transport Malta għal darba oħra injorat lill-Kunsilli Lokali meta pprocediet bi process li jista’ jwassal ghall-privatizzazzjoni ta’ parkeggi diversi fil-lokalitajiet. Is-sens komun kien jitlob li kellhom ikunu l-Kunsilli Lokali li jingħataw ir-responsabbilta’ għall-amministrazzjoni tal-parkeggi.

Ma saret l-ebda konsultazzjoni mal-Kunsilli Lokali dwar il-materja u dan kontra dak li tipprovdi l-liġi dwar il-Kunsilli Lokali li tesiġi l-konsultazzjoni ma’ Kunsill Lokali dwar kull materja li teffettwa l-lokalita.

Alternattiva Demokratika taqbel mal-mozzjoni mressqa mill-Opposizzjoni fil-Parlament li twaqqaf il-process tal-privatizzazzjoni tal-parkeggi u titlob li jinghata bidu għal konsultazzjoni pubblika bl-iskop li jkunu involuti l-Kunsilli Lokali.

Kien floku l-appoġġ għal din il-mozzjoni kemm ta’ Franco Debono kif ukoll ta’ Jeffrey Pullicino Orlando.

Waqt id-diskussjoni fil-Kumitat tax-Xogħol tal-Kamra (iktar kmieni illum) Franco Debono qal li hu kien fi ħsiebu jressaq emenda biex il-mozzjoni tinbidel f’waħda ta’ sfiduċja f’Austin Gatt. Naqbel miegħu 100% għax il-qżież ta’ Austin Gatt għandu jkun iċċensurat bla ebda riżerva.

Xkupilja għal Lawrence Gonzi

Interessanti l-iżviluppi ta’ l-aħħar sigħat dwar il-kandidati tal-PN għall-elezzjoni ġenerali.

L-aħħar waħda hi l-kandidatura ta’ David Casa li ser jikkontesta fuq d-distrett elettorali li minnu tela’ Franco Debono fl-aħħar elezzjoni ġenerali.

Meta wieħed iqies li Gonzi kontinwament jgħid li għandu l-obbligu li jibqa’ hemm sa’ l-aħħar, inkluż li qed jippjana li jippreżenta l-budget għal Novembru hu inevitabbli l-ħsieb li dawn huma kollha manuvri intenzjonati biex tqanqal ritaljazzjoni ta’ Franco Debono fil-Parlament.

Ħadd ma jaf eżattament x’ser jagħmel Franco meta jiltqa’ l-Parlament f’Ottubru. Kien hemm diversi dikjarazzjonijiet imma l-iktar li jispikkaw fosthom kienu tlieta.

L-ewwel li m’huwiex lest li jappoġġa Gvern li għandu lill-Austin Gatt bħala Ministru.

It-tieni li min qed jagħtih bis-sieq m’għandux jippretendi appoġġ da parti tiegħu.

It-tielet li fi ħsiebu jippreżenta mozzjoni ta’ sfiduċja fil-Ministru tas-Saħħa Joe Cassar.

Kummenti f’dan is-sens hemm kemm trid fil-blog ta’ Franco.

Sadanittant l-Awtorita’ tax-Xandir sejħet laqgħa mal-Partiti Politiċi biex ikun diskuss programm ta’ Xandiriet politiċi għall-elezzjoni ġenerali.

Għad hemm xi ħadd li jaħseb li l-elezzjoni ġenerali m’hiex wara l-bieb?  L-unika ħaġa mhux deċiża hi min ser jieħu t-tort talli tissejjaħ kmieni. Jekk jerfax il-piz Gonzi jew inkella jekk jippruvax ifarfar fuq Franco.

Qabel ma tfaċċa Franco Debono

L-Onorevoli Franco Debono donnu jaħseb li qabel ma tfaċċa hu ħadd qatt ma tkellem dwar il-liġijiet elettorali u l-finanzjament tal-partiti.  Fil-fatt fil-blogpost tiegħu tat-8 ta’ Settembru 2012 qalilna :

“If AD had any sort of rudimentary strategy they would take up my proposals for reform in the electoral law and party financing instead of playing Austin Gatt s game who has been against both.” [Nota miżjuda t-Tnejn 10 ta’ Settembru 2012: il-blogpost hawn fuq ikkwotata jista’ jkun hemm diffikultajiet dwarha għax għal xi hin illum tneħħiet minn fuq il-blog ta’ Franco Debono. Ma kien hemm l-ebda spjegazzjoni għal dan.]

Tajjeb li jkun jaf li id-dinja kienet teżisti ħafna qabel ma tfaċċa Franco Debono.

Alternattiva Demokratika ilha titkellem fuq dawn l-issues (liġijiet elettorali u finanzjament tal-Partiti) għal snin twal u dan flimkien ma issues oħra bħall-Whistleblowers Act u FOI (Freedom of Information Act) sa mit-twaqqif tagħha fl-1989.

Ikun aħjar li kienu min jtkellem u/jew jikteb jiċċekkja ftit l-affarijiet qabel ma jħarbex jew jiftaħ ħalqu.

Franco jgħid biss biċċa …………… aħjar jispjega l-vot tiegħu kontra l-mozzjoni 110

Fuq il-blog tiegħu Franco Debono biex iwieġeb dak li qalet Alternattiva Demokratika dwaru dalgħodu irriproduċa d-diskors li kien għamel fil-Parlament nhar is-6 ta’ Mejju 2012 fejn jitkellem dwar l-impatti tal-estensjoni tal-power station. Jgħid ukoll illi wara d-diskors tiegħu  Austin Gatt ma baqax resposnabbli għall-Enemalta!

Ma nafx kif wasal għal din il-konklużjoni. Imma apparti dan. Il-punt tiegħi hu li meta l-mozzjoni numru 110 tressqet għall-vot Franco Debono ivvota kontra. X’jiswa li tgħid ħafna kliem sabiħ jekk imbagħad dak li tagħmel ma jaqbilx ma dak li tgħid?

Nhar is-6 ta’ Mejju 2010 l-Parlament ivvota fuq il-mozzjoni numru 110 imressqa mill-Opposizzjoni. L-mozzjoni kienet fost oħrajn :

  1. Turi nuqqas ta’ qbil dwar il-mod kif mexa l-Gvern fl-estensjoni tal-Power Station,
  2. Tesprimi nuqqas ta’ qbil għall-għażliet teknici li saru li f’dan l-istadju warrbu l-gass, ekoloġikament superjuri u ekonomikament orħos għall-konsumaturi,
  3. Tikkundanna lil Austin Gatt li ħalla l-pjani jaqgħu lura b’mod li l-power station eżistenti m’hiex tlaħħaq mad-domanda,
  4. Tikkundanna t-tibdil fil-leġislazzjoni ambjentali li sar, għax b’hekk biss il-BWSC setgħet tirbaħ il-kuntratt,  l-iskart tossiku li ser ikun iġġenerat, it-tniġġiż iġġenerat mill-Heavy Fuel Oil

Nhar is-6 ta’ Mejju 2010 kienet dik is-seduta li fiha kien hemm taħwida fil-votazzjoni dwar kif fil-fatt ivvutaw Mario Galea u Justyne Caruana. Wara t-taħwida l-Ispeaker iddeċieda li l-Parlament jerġa’ jivvota ħalli jkunu iċċarati l-affarijiet. L-Opposizzjoni dehrilha li dan kien logħob bir-regoli tal-Parlament u ħin minnhom ħarġet il-barra.  Meta l-Ispeaker sejjaħ il-vot mill-ġdid l-Opposizzjoni bi protesta ma ivvutatx.

Il-minuti tal-Parlament  fil-fatt jgħidu hekk :

“ Il-Membri qablu li din il-votazzjoni tittieħed dak il-ħin stess.

Il-Kamra ivvotat hekk:

VOTAZZJONI NRU.  88                                ĦIN: 1.21 am

ĦADD FAVUR

 

KONTRA :  35

L-Onor.

 

Agius David Galea Mario
Agius Francis Gatt Austin
Arrigo Robert Gonzi Lawrence
Azzopardi Frederick Gonzi Michael
Azzopardi Jason Gouder Karl
Bonnici Charlo’ Micallef Peter
Borg Tonio Mifsud Philip
Cassar Joseph Mifsud Bonnici Carmelo
Cristina Dolores Mugliett Jesmond
de Marco Mario Puli Clyde
Debono Franco Pullicino George
Debono Giovanna Pullicino Orlando Jeffrey
Deguara Louis Said Chris
Falzon Joseph Spiteri Stephen
Farrugia Jean Pierre Vassallo Edwin
Fenech Tonio Zammit Ninu
Fenech Adami Beppe Zammit Dimech Francis
Galea Censu

Il-mozzjoni m’għaddietx.”

 

Hu veru li dak li qed jgħid Franco Debono issa jaqbel ma dak li qal nhar is-6 ta’ Mejju 2010. Imma jibqa’ l-misteru li dakinnhar ivvota kontra. Li jfisser li qal mod u aġixxa mod ieħor.

Naħseb li ħaqqna spjegazzjoni!

Għax mhux biżżejjed li jingħad kliem li jdoqq għall-widna. Fl-aħħar il-vot irid jirrifletti dak li jkun intqal.