Il-pastizzi fir-Repubblika tal-Banana

The Banana Republic of Malta

Veru qegħdin ottu. L-aħħar polemika fir-Repubblika tal-Banana hi dwar il-pastizzi tas-Serkin, skond Ann Fenech.

GħaI bosta ma tagħmel l-ebda differenza fejn Joseph u ħbiebu jmorru għall-pastizzi.

Imma min-naħa l-oħra l-imġieba tal-politiku u l-pastizzi ta Velbert kellha tittieħed iktar bis-serjetá. Il-libelli ma jsolvu xejn ħlief itawwlu ftit iżżmien. L-importanti imma hu li fir-Repubblika tal-Banana għandna l-aqwa Kabinett fl-Ewropa!

Advertisements

€20 miljun dejn tal-Partit Nazzjonalista: mhux affarik?

ann fenech

 

Fuq il-programm ta’ diskussjoni Reporter li jmexxi Salvu Balzan fuq TVM , Ann Fenech, meta mistoqsija minn Ian Borg dwar jekk hux veru illi l-Partit Nazzjonalista għandu €20 miljun dejn b’mod arroganti wieġbet: mhux affarik.

Ann Fenech hi żbaljata. Din l-informazzjoni hi affari ta’ kulħadd. Partit Politiku f’Malta li għandu €20 miljun dejn għandu problemi kbar, anke jekk għandu assi x’jagħmel tajjeb għal dan id-dejn. Hi informazzjoni li f’soċjetà demokratika hu neċessarju li tkun magħrufa .

Is-soċjetà għandha dritt li tkun taf xi pressjonijiet hemm fuq l-amministrazzjoni tal-partiti politiċi. Dejn ta’ dak il-kobor joħloq pressjoni kbira kemm fuq l-imġieba kif ukoll fuq id-deċizjonijiet ta’ dawk li huma responsabbli għalih.

Hi responsabbiltà etika tal-partiti politiċi li ma jaħbux din l-informazzjoni. Idealment kellu jkun il-partit nazzjonalista innifsu li jagħti din l-informazzjoni. Ir-rifjut li Ann Fenech twieġeb mistoqsija leġittima ta’ avversarju politiku hi attitudni arroganti.

Hu għalhekk li ġustament il-liġi dwar il-finanzjament tal-partiti politiċi titfa l-obbligu fuq kull partit politiku reġistrat li jippreżenta l-kontijiet verifikati tiegħu kull sena. Dawn il-kontijiet verifikati ser ikunu pubbliċi.

Hi ħasra kbira li Ann Fenech, President tal-Kumitat Eżekuttiv tal-Partit Nazzjonalista qed tieħdu din l-attitudi arroganti.

 

Id-dnubiet tal-abbatini

ann fenech

Ħelwa din Ann Fenech tiddeskrivi l-iżbalji tal-PN fil-Gvern qieshom “dnubiet tal-abbatini” ħdejn dak li qed isir illum.

L-istejjer tal-lum huma gravi. Anzi gravi ħafna. Mhux biss dawk dwar il-kumpaniji fil-Panama ta’ Konrad u Keith tal-Kasco. Gravi ħafna ukoll l-istejjer dwar il-biċċa esproprijazzjoni ta’ Triq iz-Zekka l-Belt Valletta u anke l-kaz tal-Cafè Premier.

Huma gravi ħafna minkejja li sa issa għad m’hemmx provi ta’ korruzzjoni.

Mhux bħall-kaz tas-Segretarju Privat ta’ Tonio Fenech li quddiem il-Qorti tal-Maġistrati ammetta akkużi ta’ korruzzjoni u weħel sentenza ta’ tlett snin ħabs sospiza. Dakinnhar kien hemm min ikkummenta li dan l-ex-Segretarju Privat kien refa’ ħafna iktar milli messu. Tonio Fenech dakinnhar kien qal li hu ma kellux x’jaqsam u ma kien jaf xejn.

Imbagħad tiġi Ann Fenech tipprova ddaħħaq bid-dnubiet tal-abbatini.

Il-PN u l-ambjent: l-impjant ta’ Sant Antnin : żball jew sabutaġġ?

Pullicino.SAntnin

Nhar il-Ħadd 7 ta’ Ġunju 2015, il-Kap tal-Opposizzjoni Simon Busuttil qalilna li l-PN ħa diversi żbalji fuq materji ambjentali. Anżi. Żied jgħidilna li jaf li dwar l-ambjent il-PN m’għandux fama tajba. Imma, żied jgħid Simon Busuttil, il-PN tgħallem mill-iżbalji tiegħu u jaf fejn għandu jtejjeb lilu innifsu (Il-Malta Today irrappurtatu jgħid hekk : “He acknowleged the PN’s unfavourable track record on environmental matters  but said that the party had learnt from its mistakes and knew where to improve.”)

Imma, kif diġa għidt, ir-rapport tat-telfa tal-istess PN għall-elezzjoni tal-2013 ma jitkellimx dwar żbalji imma dwar sabutaġġ. Jiġifieri dwar tfixkil. Dan ir-rapport kien iffirmata, fost oħrajn minn Ann Fenech (illum President tal-Kumitat Eżekuttiv tal-PN) u minn Rosette Thake (illum Segretarju Ġenerali tal-PN).

Ikun tajjeb kieku Simon Busuttil jgħidilna liema kienu dawn l-iżbalji li l-Partit Nazzjonalista tgħallem minnhom.

Pereżempju, l-impjant ta’ Sant’ Antnin f’Marsasakala, dan kien każ ta’ żball ambjentali jew każ ta’ sabutaġġ? Mela ejja niftakru ftit minn dak li ġara dwar l-impjant tar-riċiklaġġ tal-iskart f’Sant’ Antnin, Marsaskala.

Il-impjant kif riedu l-Gvern immexxi minn Lawrence Gonzi kien propost li jsir fuq art tal-qies ta’ 45,000 metru kwadru (4.5 hectares). Dik hi l-area tal-impjant ta’ Sant’Antnin.

Meta ġew meqjusa artijiet alternattivi ġew ippreżentati tlett possibilitajiet oħra :  f’Wied Għammieq il-Kalkara, L-Għallies il-Magħtab limiti tan-Naxxar u l-Mara Bengħajsa limiti ta’ Birżebbuġa.

L-art f’Wied Għammieq Kalkara kellha qies ta’ 24,000 metru kwadru (2.4 hectares), madwar nofs ta’ dak li kien meħtieġ .

L-art fl-Għallies, Magħtab limiti tan-Naxxar kellha qies ta’ 20,000 metru kwadru (2 hectares), inqas min-nofs ta’ dak li kien meħtieġ.

L-art fil-Mara, Bengħajsa, limiti ta’ Birżebbuġa kellha qies ta’ 17,000 metru kwadru (1.7 hectares), ħafna inqas min-nofs ta’ dak li kien.

Kull waħda mit-tlett alternattivi kien ferm iżgħar mill-qies tas-sit f’Sant Antnin, u allura kien ovvju li ma kien hemm l-ebda proposta ta’ sit alternattiva għal Sant’ Antnin.  Ta’ l-inqas hekk ried min għażel l-alternattivi.   Qiesu ried li l-impjant isir bil-fors f’Sant’Antnin.

Dan kien żball, jew sabutaġġ? Għidulna ftit. Min għamel l-iżball, inkella min għamel is-sabutaġġ?

 

ippubblikat fuq iNews l-Erbgħa 10 ta’ Ġunju 2015

Il-Partit Nazzjonalista u l-ambjent: minn sabutaġġi għal deċiżjonijiet żbaljati

rapport telfa 1rapport telfa 2

Simon Busuttil, il-Kap tal-Opposizzjoni, il-bieraħ kien rappurtat li qal li l-PN ħa diversi żbalji fuq materji ambjentali. Dawn l-iżbalji, żied jgħid Simon Busuttil, kien qed jitgħallem minnhom.

Il-Malta Today online tal-bieraħ fil-fatt irrappurtat hekk: “He acknowleged the PN’s unfavourable track record on environmental matters  but said that the party had learnt from its mistakes and knew where to improve.”

Dan hu ovvjament pass il-quddiem. Nistennew issa lil Simon Busuttil jgħidilna liema kienu dawn l-iżbalji li l-PN “tgħallem minnhom”.

Dan hu important minħabba li fir-rapport tat-telfa l-PN kien qal affarijiet ferm differenti milli qed jgħid Simon Busuttil issa. Fejn tidħol il-MEPA, r-rapport tat-telfa ma jsemmix żbalji. Dakinnhar il-PN ipprova jpingi lilu innifsu bħala l-vittma ta’ sabutaġġ.

F’dak ir-rapport, li minnu kien ippubblikat biss sommarju eżekuttiv ta’ tmienja u tletin paġna hemm sezzjoni li tirreferi għall-MEPA (l-awtorità b’responsabbilta għall-ambjent) u tgħid is-segwenti :

 

Burokrazija żejda u sabutaġġi

Sezzjoni tal-votanti Nazzjonalisti riedet teħles minn ċerti nies imqegħdin f’bordijiet jew fi strutturi taċ-Ċivil li ħassew li għamlu l-ħajja tagħhom diffiċli. Jidher li kien hemm ħafna nies li ma ridux permessi jew affarijiet li ma kellhomx dritt għalihom iżda affarijiet bażiċi u li kien ħaqqhom bi dritt. Madankollu kien hemm uffiċjali li bl-iskuża tal-burokrazija jew saħansitra bħala att ta’ sabutaġġ għamluha diffiċli ħafna biex dawn jinqdew. Fuq quddiem nett kien hemm l-Awtorità ta’ Malta dwar l-Ambjent u l-Ippjanar – il-MEPA – li saret “nightmare” mhux biss għall-kuntratturi iżda wkoll għall-familji.”

 

M’hemmx bżonn kummenti għajr li niftakru li fost l-awturi ta’ dan ir-rapport hemm Ann Fenech (President tal-Kumitat Eżekuttiv tal-PN) u Rosette Thake (Seġretarju Ġenerali tal-PN).

The PN (now) needs you

PN. arma imkisra

Some, myself included, have received an SOS from the PN. The PN needs “our” input. It implores those receiving its SOS that it urgently requires the inputs of well-intentioned volunteers. Today’s PN leadership wishes to rebuild the party. That is, it wants to reconstruct what its predecessors have demolished.

Now such an exercise requires first and foremost an accurate appreciation of how and why the PN is in its present state.

When one reads through the report analysing the circumstances which led to the PN’s routing, which report was coordinated by current PN Executive Committee President Ann Fenech one can get an inkling as to why the PN is in a state of shambles. This comes through not just by reading the actual report (at least that part of it which is public) but through the line of thought which links each of the 38 pages of what is described as an Executive Summary of the actual report.

Apparently, according to the Ann Fenech report, everyone is at fault, except the PN. The PN was misunderstood and misinterpreted.

Ann Fenech’s report speaks of authorities and civil servants who “sabotaged” the PN-led government. Unfortunately Ann Fenech fails to bring this argument to its logical conclusion: that the PN Ministers and their private secretariats were an incompetent bunch if they did not notice this “sabotage” and take the appropriate action. They were even assisted by Boards, and Committees leading Authorities, sometimes at an exorbitant rate of pay, who at times were more of a rubber stamp than an Authority.

If this reasoning is not analysed and acted upon the reconstruction exercise will be futile as the foundations are the result of a  very weak reconstruction philosophy.

The PN has still not apologised for defying the divorce referendum result in Parliament. Nor has it sought absolution from the cultural community for defying reason in its persistence on the roofless theatre at the Royal Opera House site in Valletta. The PN’s stance on the roofless theatre was one which left no doubt that in the PN’s view everybody was in the wrong, except the PN.

The PN’s arrogance and its lack of social conscience personified in former Minister Austin Gatt and his entourage directing the “reform” of the Malta Drydocks as well as the Public Transport Reform seems to be a non-issue in Ann Fenech’s report.

Also surprisingly absent in Ann Fenech’s analysis is the PN’s shift away from the political centre under Lawrence Gonzi’s stewardship. Lawrence Gonzi inherited a left-of centre PN but when he left the leadership handed over a conservative party to Simon Busuttil. Ann Fenech’s report (as published) is silent on the matter. Most probably Dr. Ann Fenech and fellow co-authors Prof. Mary Anne Lauri, Dr Simon Mercieca, Ms Rosette Thake and Mr Malcolm Custó do not have an inkling as to the actual consequences of the PN in government during the period 2004-2013 moving along a conservative path.

Finally there are those who consider that those who did not support the PN in the March 2013 general elections had no valid reason to do so. In their view they did so as a result of an incorrect appreciation of the situation.

Some have supported and even voted in favour of specific measures adopted by the Lawrence Gonzi led government. These same persons are in the forefront now in 2014 supporting residents who are protesting against these same measures originally adopted by the PN led-government.   How is it possible for the PN and its leadership to be credible when some of its MPs act in this manner?

Crocodile tears will not lead to a reconstruction of the PN.

Published in The Independent Saturday August 16, 2014

Il-Partit Nazzjonalista (issa) għandu bżonnok

PN imxaqqaq

 

Uħud qed jirċievu dan il-messaġġ, li “l-Partit Nazzjonalista għandu bżonnok”. Għax it-tmexxija tal-lum li għandu l-Partit Nazzjonalista tixtieq li terġa’ tibni l-Partit mill-ġdid. Tibni mill-ġdid, jiġifieri, dak li hu mkisser.

Pero’ min irid jibni lill-PN mill-ġdid jeħtieġlu l-ewwel u qabel kollox jara kif u għaliex dan il-partit tfarrak .

Meta taqra r-rapport tat-telfa miktub minn Ann Fenech tifhem ftit għaliex il-PN tfarrak. Dan ma tifhmux biss minn dak li hemm fir-rapport – dik il-parti tar-rapport li hi pubblika. Imma tifhmu mir-raġunament li hemm żviluppat fir-rapport.

Qiesu kullħadd għandu tort, apparti l-PN.

Ħadd ma fehem biżżejjed lill-PN.

Fir-rapport ta’ Ann Fenech jingħad li l-awtoritajiet kienu jissabotaġġaw lill-Gvern immexxi mill-PN. Imkien iżda ma jwasslu dan l-argument għall-konklużjoni loġika tiegħu: li l-Ministri u l-istaff fis-segretarjat privat tagħhom kienu inkompetenti jekk ma ndunawx b’dan is-suppost sabutaġġ u ma ħadux passi dwaru. Wara kollox il-Bordijiet għalhekk kellhom bħala membri tagħhom numru mhux żgħir ta’ membri li kapaċi ħafna biex imeċilqu u jilaqgħu. Altru minn sabutaġġ!

B’dan it-tip ta’ raġunament wieħed malajr jasal għall-konklużjoni li dak li jista’ jerġa’ jinbena malajr jerġa’ jikkrolla għax il-pedamenti huma dgħajfa.

Imma l-PN għadu ma skużax ruħu talli sfida r-riżultat tar-referendum dwar id-divorzju. L-anqas għadu ma skużax ruħu dwar il-fjask tat-tejatru bla saqaf, fejn qiesu ħadd ma jifhem ħlief il-Gvern.

L-arroganza u n-nuqqas ta’ boxxla soċjali fir-riforma tat-Tarżna jew ir-riforma tat-trasport pubbliku qiesha ma kienitx issue. L-anqas it-trasformazzjoni tal-PN mill-ġdid f’partit konservattiv ma ngħata importanza fir-rapport tat-telfa.

Hemm dawk li tant huma arroganti li jidhrilhom li min ivvota kontra l-PN f’Marzu 2013 għamel żball oħxon.   Ma dawn ma tistax tiddiskuti.

Uħud minn dawn appoġġaw u/jew ivvutaw favur diversi miżuri li ħa l-Gvern immexxi minn Lawrence Gonzi. Iżda issa dawn l-istess persuni jkunu fuq quddiem jagħtu l-appoġġ lir-residenti meta dawn jipprotestaw kontra dawn l-istess miżuri li daħħal il-PN fil-Gvern.

Bid-dmugħ tal-kukkudrilli l-PN ma jerġax jinbena mill-ġdid.

Il-permess tal-Mistra Village: ftit riflessjonijiet

Mistra Village proposed development

L-approvazzjoni għall-ħruġ ta’ permess finali biex dak li kien il-Mistra Village ikun żviluppat m’hu xejn ġdid. Bħalu kellna u ser ikollna bil-gzuz.

Imma hemm numru ta’ affarijiet li ġraw li ta’ min jaħseb ftit dwarhom.

L-ewwel nett insellem lil Simone Mizzi minn Din l-Art Ħelwa u Astrid Vella minn Flimkien għal Ambjent Aħjar li ippresentaw il-każ f’isem is-soċjeta’ ċivili. Li ma rnexxilhomx jikkonvinċu maġġoranza tal-membri tal-Bord tal-MEPA mhux tort tagħhom. L-approvazzjoni tal-permess hi kaġun tal-fatt li l-maġġoranza tal-membri tal-Bord tal-MEPA jaħsbuha b’mod differenti.

Kien hemm wieħed mill-membri tal-Bord li ddejjaq bil-kummenti li kienu għaddejjin u ħin minnhom żbroffa u qal li kulħadd irid jifhem li l-Bord tal-MEPA kif kostitwit illum għandu fuq spallejh obbligi li jirriżultaw mid-deċiżjonijiet tal-Bord ta’ qabel.

Issa huwa veru li kien hemm outline permit, jiġifieri permess fil-prinċipju. Imma hu veru ukoll li fil-passat kien hemm ċirkustanzi li fihom il-Bord tal-MEPA xorta ma approvax permess ta’ żvilupp minkejja l-eżistenza ta’ outline permit. Hekk kien ġara fil-każ ta’ żvilupp mill-ġdid (redevelopment) tal-fabbrika tas-7 Up f’Santa Venera. Minkejja l-outline permit il-Bord tal-MEPA dakinnhar immexxi minn Austin Walker kien irrifjuta li joħroġ permess ta’ żvilupp.

Punt ieħor huma l-veduti li jikkuntrastaw fi ħdan il-PN. Ir-rapprezentant tal-Partit Nazzjonalista fuq il-Bord tal-MEPA ippropona li l-iżvilupp propost jitnaqqas u dan biex jonqos l-impatt fuq ir-residenti. Dan jikkuntrasta mal-presenza tal-President tal-PN Dr Ann Fenech fil-kwalita’ tagħha ta’ konsulent legali tal-iżviluppaturi mill-Kuwait. Mhux biċċa tiegħi min ikunu l-konsulenti legali tal-iżviluppaturi. Imma huwa importanti li ninnotaw li President tal-Eżekuttiv tal-PN  xejn ma iddejqet li tagħti messaġġ li jikkuntrasta b’mod negattiv mal-posizzjoni li ħa r-rappresentant tal-grupp Parlamentari Nazzjonalista fuq il-Bord tal-MEPA.

Dan iġibni għall-aħħar osservazzjoni. Iż-żewġ partiti fil-Parlament, il-Partit Nazzjonalista u l-Partit Laburista, it-tnejn li huma, kull wieħed bil-mod tiegħu, fittxew li jaġevolaw l-industrija tal-bini.

Tul is-snin il-PN ipprova jitħabbeb maż-żewġ naħat, kemm mal-industrija tal-bini kif ukoll mal-ambjentalisti. Ir-riżultat hu li m’għandu kredibilita’ ma ħadd għax ma tistax togħġob lil kulħadd.

Il-Labour hu iktar ċar: l-industrija tal-bini għalih hi mutur importanti għall-ekonomija. U ħalef li jagħtiha l-għajnuna kollha possibli. Hekk qed jagħmel. Qed jimxi ma dak li wiegħed.  Il-permess tal-Mistra Village hu wieħed li bħalu għad irridu naraw ħafna oħra.

Nipprotestaw? Iva mela le.  Huwa tajjeb li nuru li ma naqblux ma dawn id-deċiżjonijiet. Imma kien ikun aħjar li iktar nies fehmu x’wegħdu l-PN u l-Labour qabel l-elezzjoni ġenerali. Kieku forsi kien ikun hemm bżonn ta’ inqas protesti.

Imma għal bosta dan it-tip ta’ “żvilupp” ma kienx konsiderazzjoni importanti qabel l-elezzjoni! Huwa biss issa li qed jirrealizzaw li wara kollox dan il-bini b’mod goff ser jeffettwalhom il-kwalita’ ta’ ħajjithom.

Imma issa l-froġa lesta.

Il-MEPA bil-PN fil-Gvern

mepa1

Is-sommarju tar-rapport tat-telfa tal-PN jitkellem dwar il-MEPA li,  jgħidu li tellifithom il-voti.

F’paġna 5 tar-rapport taħt it-titlu Burokrazija żejda u sabutaġġi jgħidu “Madankollu kien hemm uffiċjali li bl-iskuża tal-burokrazija jew saħansitra bħala att ta’ sabutaġġ għamluha diffiċli ħafna biex dawn jinqdew. Fuq quddiem nett kien hemm l-Awtorità ta’ Malta dwar l-Ambjent u l-Ippjanar – il-MEPA – li saret “nightmare” mhux biss għall-kuntratturi iżda wkoll għall-familji.”

F’paġna 7 taħt it-titlu L-Awtorita’ ta’ Malta dwar l-Ambjent u l-Ippjanar jgħidu “Il-perċezzjoni in ġenerali tan-nies kienet li r-riforma fl-Awtorità ta’ Malta dwar l-Ambjent u l-Ippjanar – il-MEPA – mhux biss ma waslitx għar-riżultati mixtieqa iżda saħħet il-perċezzjoni pubblika li din l-awtorità hija mostru burokratiku li ħadd m’għandu kontroll fuqu.”

Ir-realta’ dwar il-MEPA hi li l-PN fil-Gvern ipprova jaġixxi b’mod li la jfuħ u l-anqas jinten. Ried jidher li qed jipprova jikkontrolla l-eċċessi imma fl-istess ħin ried iħalli tieqa minfejn ikun hemm min “jinqeda”.

Il-MEPA fl-aħħar mill-aħħar, minkejja li għamlet ħafna xogħol utli, naqset milli tinforza l-liġi b’mod adegwat. Il-lista twila ta’ każijet li nħarġilhom enforcement order u ma sar xejn iktar dwarhom hi xhieda biżżejjed ta’ dan. X’jibqa’ fik meta lilek joħorġulek ordni biex twaqqa’ imma lil xi żviluppatur tal-qalba jisbulu soluzzjoni. Mhux qed nitkellem fl-ajru u allura ser insemmi eżempju. Tiftakru il-każ ta’ lukanda fil-Marfa?  Meta din twaqqgħet u nbdiet lukanda oħra flokha din il-lukanda l-ġdida ma nbietx biss fuq l-art tal-lukanda l-qadima. Ħadet ukoll art oħra madwarha! Art tal-Gvern.

Il-mod loġiku dwar kif kellhom isiru l-affarijiet kien li kellha tinħareġ u tkun eżegwita ordni ta’ twaqqiegħ tal-lukanda mibnija (in parti) bla permess u fuq art tal-Gvern. Il-Gvern immexxi mill-PN flok ma għamel hekk ħareġ sejħa bl-offerti biex l-art li ittieħdet illegalment isir ħlas għaliha. Wara li ġara hekk, ġie emendat il-permess u lukanda li parti minnha inbniet bla permess u fuq art tal-Gvern issa giet legalizzata! Dakinnhar il-Gvern immexxi mill-PN tilef opportunita’ tad-deheb biex ifisser lil kulħadd l-utilita’ tal-MEPA bħala tarka taċ-ċittadin li iżżomm l-abbużi milli jsiru. Minflok ingħata messaġġ kompletament differenti. Il-messaġġ kien “ħawwad kemm trid, għax tista’ issib mod kif tirranġa.” Wara dan il-każ, il-MEPA kellha saqajha maqtugħin.

Wara każ bħal dan bil-fors li l-perċezzjoni pubblika tkun ħażina. Għax iż-żgħir ġustament jippretendi li la l-MEPA kienet bla snien mal-kbir għandha tkun bla snien miegħu ukoll. Dawn affarijiet li min kiteb ir-rapport tat-telfa l-anqas għandu idea tagħhom! Għax flok fuq ir-realta’ t-team ta’ Ann Fenech ipprefera jillimita ruhu għall-perċezzjoni.

Il-MEPA falliet mhux għax ma ħarġitx il-permessi iżda għax ħarġet wisq minnhom! Mhux għax ma “qdietx” iżda għax qdiet lil min ma kellux dritt li jinqeda!

Tajjeb ukoll li tiftakru li l-MEPA tmexxiet minn Bord li l-membri tiegħu dejjem intagħżlu mill-Gvern. Kollha ħlief wieħed, ir-rapprezentant tal-Opposizzjoni!

Dan il-mostru li ħoloq il-PN. MEPA li ma tħallietx taħdem. Affarijiet li tkellimt u ktibt dwarhom diversi drabi. Missejthom ukoll b’idejja fiż-żmien li kont naħdem fl-uffiċċju tal-Awditur fil-MEPA.

Jidher ċar li t-team ta’ Ann Fenech l-anqas idea ta’ dan ma għandu! Imbasta jitkellmu fuq sabutaġġ u fuq nies li ma inqdewx.

Dan hu kapitlu li l-PN jixtiequ magħluq. Imma ser jibqa’ miftuħ beraħ!

Fil-mera

mirror

Qed naqra dak li qalet Ann Fenech dwar l-aħħar elezzjoni ġenerali. Qed naqra ir-rapport tat-Times online il-lejla (l-ħamis fil-għaxija).

Kull wieħed mill-mijiet ta’ punti imniżżla fid-dokument (ir-rapport tat-telfa),  hi rappurtata li qalet Ann Fenech,  intuża mill-votanti bħala skuża jew ġustifikazzjoni biex jevita li jivvota PN jew inkella biex jimxi pass ieħor u jivvota Labour.

Dan hu mod mill-iktar arroganti kif tħares lejn ir-riżultat tal-elezzjoni.

B’mod ġenerali l-argument ta’ Ann Fenech hu li kellna l-aħjar Gvern li qatt kellna u l-votanti injoraw il-ġid li sar lill-pajjiż u kienu egoisti.

Li ma tgħidx Ann Fenech qalu Carm Mifsud Bonnici iktar kmieni fil-Malta Independent, nhar it-Tnejn 3 ta’ Ġunju 2013 f’intervista intitolata The Writing has been on the Wall since 2009 .

Carm Mifsud Bonnici jagħti uħud mir-raġunijiet li Ann Fenech tiskarta. Lawrence Gonzi, jgħidilna Carm fi ftit kliem, ma kienx kapaċi jmexxi. Jgħidilna ukoll li kien hemm membri tal-Kabinett li aġixxew qiesu l-PN kellu maġġoranza ta’ ħames siġġijiet.  Jiġifieri kienu arroganti.

Ir-raġunijiet għat-telfa, jiġifieri, malajr tista’ issibhom. Kull ma għandu jagħmel il-PN hu li jħares ftit fil-mera.

Altru li flimkien kollox possibli.