Il-bully ta’ ħdejna

 

Michael Farrugia, il-Ministru tal-Intern ta’ Malta, għamel tajjeb meta qal li Matteo Salvini m’għandux jibqa’ jilgħaba tal-bully. Salvini, faxxist mil-Lega u Ministru għall-Intern Taljan, qiegħed kontinwament jipprova jikkundizzjona lil Malta dwar kif naġixxu f’din il-kriżi dwar l-immigranti.

Joseph Muscat kien korrett meta emfasizza li l-Gvern għandu quddiemu żewġ għanijiet: li jindirizza l-kriżi umanitarja u li jħares is-sigurtá nazzjonali.

Kien pass il-quddiem, għaldaqstant, meta numru ta’ Gvernijiet Ewropej għażlu li jerfgħu biċċa mill-piż li daħlet għalih Malta meta aċċettat li l-MV Lifeline jidħol il-Port il-Kbir: 237 persuna umana. Avolja tħallew bejn sema u ilma għal ġranet sħaħ ma naħsibx li kien hemm mod ieħor kif numru ta’ gvernijiet ikunu sensibilizzati biex jerfgħu l-piż.

Għalhekk kien pass lura meta l-Gvern ordna li jittieħdu passi kriminali kontra l-kaptan tal-vapur MV Lifeline dwar ir-reġistrazzjoni tal-vapur. F’mumenti ta’ kriżi ma toqgħodx tfettaq imma tfittex li ssalva l-ħajjiet kollha possibli malajr kemm jista’ jkun u tirringrazzja lil min kien strumentali biex dan seħħ.

L-egħluq tal-portijiet Maltin hi kundanna tal-mewt għal dawk kollha bejn sema u ilma. Għax il-gwardja tal-kosta Libjana m’għandha l-ebda interess li issalva l-ħajjiet. Fil-fatt, hekk kif ingħalqu l-portijiet beda jiżdied in-numru ta’ dawk li għerqu bil-gwardja tal-kosta Libjana ċassa.

Lill-bully ta’ ħdejna qed ngħidulu li mhux biss ma nibżgħux minnu imma li kapaċi nkunu agħar minnu ukoll.

Advertisements

Id-Deputat Kummissarju Silvio Valletta jagħmel pass lura?

 

Huwa tajjeb li jkollna fiduċja fil-Korp tal-Pulizija.

Fil-Parlament il-lejla, fuq mistoqsija supplementari ta’ Simon Busuttil qam l-argument fuq jekk hux sewwa li l-uffiċjal tal-Pulizija li hu inkarigat mill-investigazzjoni kriminali dwar il-qtil ta’ Daphne Caruana Galizia qed jerfa’ din ir-responsabbilta meta hu miżżewweġ lil persuna fil-politika.

Għamel tajjeb il-Ministru Michael Farrugia li qal li għandu fiduċja fil-Korp kollu. Għamel iktar tajjeb meta qal li ma jinteressaħx il-kulur politiku la ta’ min jinvestiga u l-anqas ta’ min ikun qiegħed jiġi investigat.

Kien jagħmel ħafna tajjeb id-Deputat Kummissarju Valletta kieku ma ħax sehem f’din l-investigazzjoni.

L-aħjar mod biex nispjegalkom għaliex huwa billi nfakkarkom f’artiklu li nkiteb f’Illum sena ilu minn Albert Gauci Cunningham. L-artiklu kien jgħid dan il-kliem :

“L-ILLUM tista tiżvela li fost il-persuni li ġew avviċinati biex jokkupaw il-kariga ta’ Kummissarju tal-Pulizija kien hemm l-Assistent Kummissarju Silvio Valletta. Is-sorsi qrib il-Korp tal-Pulizija li tkellmu mal-ILLUM qalu li minkejja li Valletta kien ikkunsidrat bħala kandidat mill-aktar idoneu għall-kariga, hu rrifjuta.

Għalkemm għadu mhux ċar x’inhuma r-raġunijiet kollha għal dan ir-rifjut, dawk li tkellmu magħna qalu li waħda mir-raġunijiet ewlenin għalfejn Valletta ma xtaqx li jokkupa l-ogħla kariga fil-korp kien minħabba l-kariga politika ta’ martu, Justyne Caruana. Nies li tkellmu ma’ Valletta qalu li l-Assistent Kummissarju jħoss li l-fatt li Caruana hija Membru tal-Kabinett u persuna prominenti fil-Partit Laburista, seta’ jitfa’ wisq piż u dell fuq l-operat tiegħu kieku aċċetta li jkun fit-tmun tal-Korp.”

Mhux possibli li nkun iktar ċar minn hekk.

Sena ilu, Silvio Valletta kien ta prova li kien fizzjal ta’ stoffa. Għalfejn issa reġa pass lura?

L-ewwel reshuffle ta’ Joseph

 

 

reshuffle

Tħabbar iċ-ċaqlieq u t-tibdil fil-Kabinett.

Fost dawk effettwati miċ-ċaqlieq hemm min matul l-aħħar sena, min għal ftit żmien u min għal ħafna, kellu diffikulta u konflitt bejn il-prattika professjonali u r-responsabbiltajiet pubbliċi tiegħu. Fuq quddiem nett kien hemm il-każ ta’ Franco Mercieca li kif stqarr huwa stess jippreferi l-prattika professjonali tiegħu. Il-kwistjoni issa ser tiġi fi tmiemha. Imma jonqos li naraw ukoll x’tibdil ser ikun hemm fil-kodiċi tal-etika tal-Ministri w is-Segretarji Parlamentari.

Hemm ukoll issues serji konnessi mal-ħatra ta’ Marie Louise Coleiro Preca bħala President tar-Repubblika. Hu żball oħxon li l-President iżżomm responsabbiltajiet diretti għal oqsma ta’ politika soċjali. Il-President għandha tkun distakkata minn dawn l-affarijiet. Bla dubju ser ikun hemm konflitt bejn kif tara l-affarijiet hi u kif jarahom il-Ministru l-ġdid għall-politika soċjali, Michael Farrugia.

Il-ħatra ta’ Karmenu Vella bħala Kummissarju Ewropew hi ukoll sorpriża. Karmenu Vella qatt ma kien interessat u qatt ma wera xi inklinazzjoni lejn politika Ewropeja. Għallinqas pubblikament dan m’huwiex magħruf. Huwa kmieni biex wieħed jgħid jekk hiex għażla tajba. Ser jiddependi ukoll mir-responsabbiltajiet li l-President il-ġdid tal-Kummissjoni jassenjalu. Dan il-President jista’ jkun Martin Schultz imma jista’ jkun ħaddieħor ukoll! Iċ-ċaqlieq fil-previżjoni tan-numru tas-siġġijiet li jistgħu jirbħu s-Soċjalisti fil-Parlament Ewropew jindika li Muscat għaġġel fin-nomina ta’ Karmenu Vella. Kien ikun iktar għaqli li stenna madwar xahrejn oħra qabel ma ħa din id-deċiżjoni.

Il-MEPA u l-froġa tal-Mistra Village

froga

Il-Kummissarju tal-Ambjent u l-Ippjanar David Pace f’rapport li ġie ippubblikat il-bierah it-Tnejn 2 ta’ Diċembru 2013 fi ftit kliem jgħid li l-permessi għall-iżvilupp mill-ġdid tal-Mistra Village huma froġa oħra tal-MEPA. Dan jagħmlu wara li mexxa investigazzjoni fuq talba ta’ Din l-Art Ħelwa.

Il-frejjeġ fil-MEPA li kienu jsiru taħt Lawrence Gonzi, George Pullicino u Mario Demarco għadhom qed isiru taħt Joseph Muscat u Michael Farrugia.

Hu ġustifikat, jgħidilna l-Kummissarju tal-Ambjent u l-Ippjanar, li l-permessi għall-iżvilupp tal-Mistra Village jkunu irtirati.

Ir-rapport li tistgħu taqrawh fuq is-sit elettroniku ta’ Din l-Art Ħelwa jagħti raġunijiet dettaljati biex jispjega għaliex il-Kummissarju David Pace wasal għal din il-konklużjoni. Ir-rapport jispjega xi tħalla barra fil-konsiderazzjonijiet li għamel id-Direttorat tal-Ippjanar u jgħid li l-Bord tal-MEPA kien iggwidat ħażin mill-Major Projects Unit tal-istess MEPA. Il-Bord tal-MEPA ngħata informazzjoni nieqsa u informazzjoni żbaljata.

F’pajjiż ċivilizzat il-Bord tal-MEPA kien jirreżenja en bloc wara deċiżjoni bħal din.

Darba waħda hekk kien sar meta l-Perit Joseph Falzon kien ħareġ rapport dwar il-permess abbużiv tal-LIDL ta’ Ħal-Safi fuq talba għal investigazzjoni li dakinnhar kienet saret minn Alternattiva Demokratika . Dakinnhar 6 minn 7 membri tal-Kummissjoni għall-Kontroll ta’ l-Iżvilupp li approvat il-permess kienu irriżenjaw lejlet l-elezzjoni ġenerali tal-2008.

Ma nafx kemm il-wieħed jew waħda mill-membri tal-Bord tal-MEPA għandhom il-kuraġġ li jammettu li għamlu żball u li għandhom iħallsu tiegħu billi jirreżenjaw.

Nistennew u naraw.

Vacant properties and solar rights

solar rights

Parliamentary Secretary Michael Farrugia has announced that MEPA  will be launching the process which ought to lead to a revision of all seven Local Plans.

The Environment and Development Planning Act 2010 provides for such a revision which in the view of many is long overdue. The difference of opinion will arise when the nature of the revisions to be put in place are announced.

It is obvious that the proposals for revision will result from the process of consultation just launched. But it is also pretty obvious that the direction which government would like such revisions to take  is one which encourages the construction industry. This is where we part company.

Any environmentalist worth his salt is aware that the unbridled development encouraged during the past years has resulted in a large stock of vacant residential properties. It is estimated that this is well in excess of 70,000 and still rising, even though at a reduced rate.

This glut of vacant residential properties should be the primary motivation directing those seeking the way forward for the seven Local Plans.

It is in view of Malta’s small size that as a Nation we cannot afford to take up more land for building development. We should rather seek to maximize the use of the building stock already in hand. This signifies that revised Local Plans should restrict additional development of virgin land. This can be done by reversing the rationalisation exercise carried out in 2006, by declaring a moratorium on large scale residential development and by reducing permissible heights to what they were in 2006.

The revised Local Plans should focus on the utilisiation of the existing building stock, with an emphasis on rehabilitation and redevelopment where necessary.

The revised Local Plans must also protect solar rights. This aim can be achieved through discarding the increased permissible building heights introduced  in 2006 as well as by subjecting the possible  development of penthouses to the solar rights of residents in the same residential block.

Reducing the potential for development means that the building construction industry would reduce its activity to a sustainable level. It will require help to pursue such a road. This would be the first step which should not be postponed. The revision of the Local Plans is the optimum time for such a step: to commence the restructuring of the building industry.