Kif jista’ Karmenu Vella jitfi s-switch?

switching off

 

Karmenu Vella hu ferħan bl-inkarigu li ngħata minn Jean-Claude Juncker. Imma meta tara l-affarijiet sewwa huwa ċar li m’għandux wisq biex jifraħ.

Jiena bħala ambjentalist naħseb li l-proposta ta’ Juncker hi waħda żbaljata u nantiċipa kritika qawwija fil-Parlament Ewropew u fil-kumitati relattivi. Dan diġa jinħass mill-kummenti li qed jinstemgħu fil-kurituri diversi ġo Brussels.

L-ewwel nett l-oqsma ta’ responsabbiltà li Juncker għazel li jgħabbi fuq Karmenu Vella mhux biss huma wisq, imma iktar minn hekk jagħtu l-messaġġ ta’ tnaqqis tal-importanza tal-oqsma kollha: l-ambjent, il-politika marittima kif ukoll is-sajd. L-għażla tar-responsabbiltajiet ta’ Karmenu Vella kienet deċiżjoni politika ta’ Jean-Claude Juncker. Hi għażla li tfisser li dawn it-tlett oqsma ser ikunu emarġinati.  Dan hu messaġġ ħażin li qed jagħti Jean-Claude Juncker.

Hu messaġġ li ma jirriżultax biss mid-daqs tal-portafoll imma ukoll mill-fatt li l-ħidma ta’ Vella biex tasal għad-diskussjoni fil-Kummissjoni trid il-kunsens ta’ wieħed mill-Viċi Presidenti tal-Kummissjoni prinċipalment fuq kriterji ekonomiċi u ta’ kompetittivita u dan bħala riżultat tal-proposta tal-clustering tar-responsabbiltajiet fil-Kummissjoni. Dan ser ifisser li jista’ jinħonoq il-leħen ambjentali fil-Kummissjoni. Dan ikun pass kbir lura li jieħu lill-Unjoni Ewropeja lura snin kbar.

Kien ikun ħafna iktar għaqli kieku, kif qed tinsisti l-World Wildlife Fund, inħoloq cluster ta’ Kummissarji taħt id-direzzjoni ta’ Viċi President responsabbli mill-Iżvilupp Sostenibbli. Imma din donnha li għal Jean-Claude Juncker mhiex materja ta’ importanza.

Karmenu Vella hu bniedem raġjonevoli. Tista’ tiddiskuti miegħu b’faċilita. Filwaqt li dan hu importanti ħafna, mhux biżżejjed.

F’karriera politika ta’ kważi 40 sena Karmenu Vella ftit li xejn kien espost għall-politika ambjentali . Li taqra d-dossiers li jħejjulek fuq materji differenti jista’ jkun ta’ għajnuna imma qatt ma hu ser jirrimedja, f’kamp daqstant vast u kultant ikkumplikat bħalma hu dak ambjentali.

Fuq kollox imbagħad Karmenu Vella jappartjeni lil partit politku li m’għandux kredenzjali ambjentali li qatt jista’ jiftaħar bihom. Għadu ħiereġ minn kampanja elettorali fejn bħala parti mill-Partit Laburista Karmenu Vella ta appoġġ inkundizzjonat lill-kaċċa fir-rebbiegħa u lill-insib, posizzjonijiet li huma dijametrikament opposti għar-responsabbiltajiet li hu propost li jerfa’. Anzi għandu l-inkarigu ċar u speċifiku minn Juncker li jibda l-proċess ta’ reviżjoni u konsolidament tad-Direttivi bażici dwar l-Għasafar u l-Habitats. Safejn naf jiena ma naħsibx li Juncker irid jintroduċi l-kaċċa fir-rebbiegħa fl-Unjoni Ewropeja kollha!

Kif jista’ Karmenu Vella jitfi s-switch  ta’ posizzjonijiet politiċi li m’humiex kompatibbli mal-linja politika ambjentali tal-Unjoni Ewropeja?

Herman Grech tat-Times dan kollu jiddeskrivieh bħala riżultat tas-sens ta’ umoriżmu ta’ Juncker.

Fuq dan il-blog jiena diġa emfasizzajt li hemm dan il-kuntrast inkwetanti bejn ir-responsabbiltajiet assenjati lil uħud mill-Kummissarji (fosthom Karmenu Vella) u l-politika tal-pajjiż li qed jaħtarhom.

Altru li għandu biex jieħu pjaċir Karmenu Vella.

Jean Claude Juncker hu ġurdien xiħ

Jean Claude Juncker jidhaq

Il-Guardian tal-bieraħ targumenta li bil-ħatriet li qed jipproponi Jean-Claude Juncker qed jibbluffja. Dan tagħmlu f’artiklu intitolat: New European commissioners: Juncker is effectively calling the bluffs.

Il-Guardian isemmi xi eżempji.

Ir-Renju Unit kontinwament jargumenta ma Brussels dwar is-settur finanzjarju: Juncker ħatar Kummissarju Inġliż bl-inkarigu speċifiku dwar is-settur tas-servizzi finanzjarji.

Franza ilha s-snin ma jkollha budget fil-limiti tar-regoli tal-Unjoni Ewropeja. Il-Kummissarju Franċiz ingħata speċifikament dan l-inkarigu u ċjoe biex jinforza ir-regoli tal-Unjoni Ewropeja li l–budget ma jistax ikun fih deficit li jaqbeż it-3% tal-GDP. Il-Kummissarju Franċiż Moscovici innifsu kien Ministru tal-Finanżi ta’ Franza li kiser din ir-regola. Issa għandu l-inkarigu biex jara li dak li għamel hu ma jagħmlu ħadd,  l-anqas Franza!

U xi ngħidu għall-Kummissarju Ungeriż? L-Ungerija għaddejja minn kontroversja wara l-oħra dwar nuqqas ta’ rispett tar-regoli demokratiċi.   Il-Kummissarju Ungeriż ingħata (fost oħrajn) l-inkarigu dwar id-drittijiet ċiviċi. Mhux jistenna li jkollu “hearing” feliċi wisq fil-Parlament Ewropew!

Il-Greċja wieħed mill-pajjiżi li qiegħed fuq il-fruntiera tal-Unjoni Ewropeja: qed jiffaċċja mewġa wara mewġa ta’ immigranti. Ġie ikkritikat dwar nuqqas ta’ osservanza tad-drittijiet umani tal-immigranti. Il-Kummissarju Grieg ser ikollu l-inkarigu dwar l-immigrazzjoni. Bil-partit Nażista Grieg, Golden Dawn ma saqajh, ma tantx għandu biċċa xogħol faċli.

Il-Guardian ma jgħid xejn dwar Malta. Dan il-vojt jimlieh ħaddiehor. Il-website letsrecycle.com f’artiklu intitolat Surprise appointment as Environment Commissioner tippubblika kumment tal-ġurnalista Maltija Caroline Muscat li ser nirriproduċi :

“He has no experience that we know of in the sector at all, so it is a surprise from that point of view. It is therefore hard to say what he will bring to the role. “There are two major environmental issues currently in Malta – fisheries and the hunting of birds. When it comes to hunting, Malta has defied the Directives for a number of years. There are also a lot of big interest groups in fisheries. His [Mr Vella’s] approach is similar to the current Malta government – it is not really about environmental protection.”

X’logħba qed jilgħab Jean-Claude Juncker b’dan l-emfasi u l-kuntrast bejn ir-responsabbiltajiet assenjati lil uħud mill-Kummissarji u l-imġieba tal-pajjiż li ħatarhom? Hi sfida politika fina ta’ Juncker li dwarha għad irridu nisimgħu ħafna iktar. Min jargumenta dwar l-importanza tal-inkarigu li ngħata, mingħajr ma jirrealizza s-sinifikat politiku ta’ dan il-kuntrast għadu ma fehem xejn.

Juncker hu politiku ta’ esperjenza. Kif ngħidu aħna l-Maltin hu ġurdien xiħ.

Ir-responsabbiltajiet ta’ Karmenu Vella fil-Kummissjoni Juncker

Junker + Vella

Jean-Claude Juncker il-President elett tal-Kummissjoni Ewropeja ħabbar ir-responsabbiltajiet tal-Kummissarji l-ġodda, wara ġimgħat ta’ spekulazzjoni dwar x’għandu jagħmel. L-aħħar spekulazzjoni kienet il-bieraħ fil-għaxija fejn Reuters ħabbru format u responsabbiltajiet fil-Kummissjoni li f’ħafna każi, ftit siegħat wara, irriżultaw li kienu l-bogħod mir-realtà.

Ovvjament l-aħbarijiet spekulattivi jkollhom l-skop li jmexxu l-quddiem l-agenda ta’ uħud. Din m’hiex xi ħaġa ġdida. Ġrat ħafna drabi u tibqa’ tiġri. Xi drabi tkun ovvja imma xi drabi tkun sottili ħafna b’mod li ftit jindunaw il-vera skop wara s-suppost aħbar.

Ma kienitx sorpriża li Karmenu Vella ngħata r-responsabbiltà għas-Sajd u għall-Politika Marittima. Imma nistqarr li bħal ħafna kont xi ftit sorpriż bl-inklużjoni tal-Ambjent fil-portafoll tar-responsabbiltajiet tal-Perit Vella. Għax ir-responsabbiltajiet ambjentali huma sostanzjali.

Huwa interessanti ukoll li fl-ittra tal-ħatra ta’ Karmenu Vella iffirmata minn Jean-Claude Juncker hemm spjegat il-motivazzjoni il-għala Juncker deherlu li kellu jġib flimkien l-ambjent mas-sajd u l-politika marittima. Juncker irid jintegra l-ekonomija l-ħadra mal-ekonomija l-blu [l-ekonomija marittima]. Jara l-potenzjal ta’ sinerġija li bl-attenzjoni, responsabbilta’ iffukata w ikkordinata tista’  tagħti kontribut għall-kompetittivita’ tal-Unjoni Ewropeja.

Hi ħatra interessanti li iżda fiha l-potenzjal ta’ diffikultajiet mhux żgħar.

Karmenu Vella ma jidhirlix li semma’ leħnu la dwar il-kaċċa u l-anqas dwar l-insib. Tajjeb, għax issa ser ikollu responsabbilta’ politika għalihom fuq livell Ewropew. Mhux biss, talli fl-ittra tal-ħatra ta’ Karmenu Vella Jean-Claude Juncker identifika id-Direttiva tal-Għasafar u d-Direttiva dwar il-Habitats bħala żewġ Direttivi li jeħtieġu li jkunu eżaminati sewwa u aġġornati għaż-żminijiet tal-lum.

Matul il-ġimgħat li ġejjin Karmenu Vella ser ikun qiegħed iħejji ruħu biex eventwalment jgħaddi mill-għarbiel tal-Parlament Ewropew. Għandu quddiemu sfida kbira f’oqsma li għalih huma relattivament ġodda. Nawguralu li jagħraf li r-responsabbiltajiet tiegħu huma kbar u li jkun kapaċi jerfagħhom.

Ir-responabbiltà tiegħu hi doppja għax bil-ħidma tiegħu irid jagħmel ħiltu biex inaddaf isem Malta li sfortunatament tħammeġ mhux ftit matul dawn l-aħħar sentejn fl-Unjoni Ewropeja.

Kummissarju għal Malta fi Brussels: raġel jew mara?

Orizzont.300814.cahda KVella

 

Il-ġimgħa l-oħra fl-Orizzont ġie miċħud li kien hemm xi ħsieb li l-Gvern Malti jibdel in-nomina ta’ Karmenu Vella għal Kummissarju Ewropew billi jinnomina mara għall-ħatra floku. L-Orizzont f’artiklu ippubblikat nhar is-Sibt 30 t’Awwissu 2014 iffirmat minn Jake Azzopardi w intitolat Miċħud rapport li ser tiġi nominata mara flok Karmenu Vella jirraporta dak li qal ġurnal fil-Croatia u jiċħad l-istess rapport.

It-Times tal-bieraħ it-Tlieta 2 ta’ Settembru 2014 iġġib il-boċċa ftit iktar qrib il-likk. Tgħidilna li qed issir pressjoni fuq il-Gvern Malti biex flok Karmenu Vella jinnomina mara bħala Kummissarju Ewropew. Din il-pressjoni qed issir mhux biss fuq il-Gvern Malti imma ukoll fuq diversi Gvernijiet oħra. Jean-Claude Junker irid ta’ l-inqas 9 Kummissarji nisa minn fost is-27 Kummissarju li flimkien miegħu ser jiffurmaw il-Kummissjoni Ewropeja l-ġdida. S’issa għad m’għandux 9 Kummissarji nisa. Għandu 6 biss  u ċjoe l-Kummissarji nominati mid-Danimarka, mill-Iżvezja, ir-Repubblika Ċeka, l-Italja, Ċipru u l-Bulgarija. Jonqsu ta’ l-inqas tlett Kummissarji nisa oħra u għalhekk qed issir pressjoni “diplomatika” mit-team ta’ madwar Junker fuq diversi pajjiżi, fosthom fuq Malta biex tinbidel in-nomina ta’ Karmenu Vella. Għax Malta hu wieħed minn dawk il-pajjiżi li sal-lum qatt ma nnominaw mara ghall-post ta’ Kummissarju Ewropew.

Waqt il-kampanja għall-Presidenza tal-Kummissjoni Ewropeja Jean-Claude Junker wiegħed lill-Membri tal-Parlament Ewropew li fil-Kummissjoni mmexxija minnu mhux ser ikun hemm inqas nisa milli kien hemm fil-Kummissjoni Barroso II. Issa din il-wegħda qatt ma seta jkun f’posizzjoni li jwettaqha għax in-nomini ma jsirux minnu, iżda mill-Gvernijiet. Imma din id-dikjarazzjoni kienet “commitment” politiku ta’ Junker li issa jidher li qed  tinkwetah.

Fil-Parlament Ewropew il-Ħodor u s-Soċjalisti diġa iddikjaraw li jekk ma jkunx hemm biżżejjed nisa maħtura fuq il-Kummissjoni Ewropeja ma kiexux lesti biex jivvutaw favur il-Kummissjoni. Il-Liberali għal raġunijiet oħra ukoll iddikjaraw vot kuntrarju. Bil-konservattivi, il-lemin estrem, l-ewroxettiċi u oħrajn ukoll jivvutaw kontra l-approvazzjoni tal-Kummissjoni, Jean-Claude Junker jista’ jkun li qiegħed f’diffikulta li jkollu l-Kummissjoni approvata u għaldaqstant qed jipprova jsalva dak li jista’. Għalhekk il-pressjoni fuq il-Gvern Malti biex flok Karmenu Vella tkun innominata mara. Għax mingħajr ta’ l-inqas 9 Kummissarji nisa, jista’ jkun hemm il-periklu li l-Kummissjoni ma tkunx approvata mill-Parlament Ewropew.

Id-diffikulta’ li għandu Joseph Muscat hi li hu għaġġel wisq biex ħatar lil Karmenu Vella. Hu ovvju li l-ħatra ta’ Karmenu Vella saret minħabba l-ħtiġijiet taċ-ċess politiku lokali. Kif wara kollox isir f’pajjiżi oħra ukoll.

Seta, kieku ried, Joseph Muscat ħalla d-deċiżjoni għal iktar tard biex ikollu stampa iktar kompleta ta’ x’jaqbel mhux biss għalih u għall-Partit Laburista, imma ukoll x’jaqbel għall-pajjiż. Hemm xi pajjiżi li għamlu eżattament hekk u ppreżentaw in-nomina tagħhom f’dawn l-aħħar jiem.

Matul il-ġimgħa d-dieħla inkunu nafu liema huma dawk il-pajjiżi li reġgħu ħasbuha u bagħtu mara flok raġel fil-Kummissjoni Ewropeja. Minkejja ċ-ċaħdiet kollha li saru hu possibli li wara kollox Karmenu jibqa’ Birżebbuġa u Brussels imur xi ħaddieħor floku. Jiddependi minn ħafna affarijiet. Fi Brussels għandhom ħabta kif dak li jidher impossibli jsir ftehim dwaru f’ħakka t’għajn, minkejja dak kollu li jkun ilu jingħad!

Imma dwar x’ser jiġri eżatt irridu nistennew ftit ieħor. Wara kollox anke Joseph jista’ jibdel l-opinjoni tiegħu jekk jidhirlu li jkun hemm raġuni valida biex jagħmel dan.

Karmenu Vella + EU

Oxford University dwar kif u għalfejn ħadmu lil John Dalli

 

Dalli.Barroso

Ilna żmien naqraw li l-każ John Dalli fl-Unjoni Ewropeja huwa parti minn eżerċizzju ta’ lobbying mill-industrija tat-tabakk.

Bil-mod il-mod hemm min qed isib id-dettalji dwar kif saret din il-ħadma.

Aqraw ftit din l-istqarrija maħruġa mill-Universita’ ta’ Oxford. L-oriġinal issibuh hawn:

Study identifies EU policy shift on tobacco control after massive industry lobbying

A study has tracked how the dominance of language that first appeared in tobacco industry’s submissions gradually crept into the final drafts of the European tobacco directive passed by the European parliament earlier this year. Using a word coding technique, researchers tracked how the European Commission’s drafts on tobacco control policy changed markedly between 2010 and 2013, resembling tobacco industry submissions much more than those of health groups in the latter stages. The study concludes that the change in the drafts coincided with massive lobbying by the tobacco industry and was ‘associated with significant policy shifts’ towards the tobacco industry. The research in Tobacco Control, published by BMJ, was conducted by the University of Oxford, London School of Hygiene &Tropical Medicine and the University of Bath.

The research team used a form of automated content analysis, Wordscores, to code the wording of three main drafts of the proposed revision to the European Tobacco Products Directive. They also coded 20 documents from 18 stakeholders (health groups and representatives from the tobacco industry) written between 2010 and 2013, in which the different positions on tobacco controls were expressed. This computer-based technique is widely used to code policy positions of party manifestos and lobbyists, but it is thought to be the first time it has been applied to measure the effects of different lobby groups on tobacco control. The research team scaled Wordscores from 0, reflecting the position of tobacco industry, to 1, reflecting the position of tobacco control advocates. They found that the European documents shifted from a near neutral position of 0.52 (slightly favouring the health groups) to 0.4 (a relative 10% shift towards the tobacco industry position).

Initially, the European Commission’s draft legislation from 2010 was closer to the position of health groups but as it passed through the Commission in 2013 and eventually EU Parliament and Council in 2014, the policy position moved significantly closer to that expressed by the tobacco industry, says the research. The research adds that this shift coincided with the tobacco industry employing over 170 full-time lobbyists and corresponded with a reduction in the proposed size of plain packaging labels, delays to proposed bans on menthol cigarettes, and a scaling back of proposed limits on where cigarettes could be sold. Several stakeholders, including retailers and trade unions, also held positions closer to the tobacco industry over the same period.

The word ‘health’, which appeared in about 1.71% of words in health group submissions, made up around 1.5% of total words in the initial European Commission proposal but only 1.21% of total words in the final approved legislation, says the research. Meanwhile, the researchers found that the root word ‘warn’, used frequently in submissions by health groups, declined from 1.57% to 1.18% in official EU documents.

Researcher Professor David Stuckler from Oxford University said: ‘This study documents a significant policy shift in EU legislation in favour of the tobacco industry following massive lobbying. This shift happened in spite of the fact that all EU countries have signed the Framework Convention on Tobacco Control, a treaty developed to protect policy-making from industry manipulation, which is a cause of concern.’

Professor Martin McKee, from the London School of Hygiene & Tropical Medicine, said: ‘Our study shows why we need to tighten up the governance of health policy in the different institutions of the European Union.’

Fl-Unjoni Ewropeja : l-immigrazzjoni problema tagħna lkoll?

Hollande 2

Mistiedna fi Franza tal-President Francois Hollande diversi mexxejja Soċjalisti ta’ Gvernijiet fl-Unjoni Ewropeja qed jaqblu li l-immigrazzjoni għandha tingħata iktar importanza.

Qalulna ukoll li l-operazzjoni Mare Nostrum immexxija mill-Gvern Taljan għandha tgħaddi f’idejn il-Frontex. Il-Gvern Malti jaqbel ma dan u ser jagħti l-appoġġ kollu tiegħu. Li kieku jseħħ hekk ikun tajjeb. Issa jekk dan isirx jew le ma nafx. Imma anke’ jekk isir, il-proċess ta’ salvataġġ huwa biss parti żgħira minn dak li għandu jsir. Wara li l-immigranti jkunu salvati x’ser jiġri? Hemm qegħda l-problema l-kbira. Dwaha ma hemmx qbil. Min irid il-push-backs u min ma jrid jagħmel xejn.

Issa ħa nkun ċar: jidher li hemm qbil minn Jean Claude Junker li l-Kummissjoni Ewropeja immexxija minnu tagħti prijorita’ lill-immigrazzjoni. M’għandix dubju li ser jipprova  jagħmel hekk. Fid-diskussjoni issemmiet il-ħtieġa ta’ politika olistika dwar l-immigrazzjoni. Junker wiegħed ukoll li ser jeżamina l-proposta tal-Ħodor għall-bdil fir-regoli ta’ Dublin.

Imma biex jittieħdu d-deċiżjonijiet meħtieġa huma l-Gvernijiet li jridu jiċċaqalqu u mhux il-Kummissjoni Ewropeja biss. Il-Kummissjoni tul is-snin għamlet bosta proposti. Iżda l-passi l-quddiem kienu ftit u bil-mod.

Il-laqgħa ta’ Pariġu hi pass tajjeb. Iżda xi tfisser fil-fatt għad irridu naraw meta niġu għad-deċiżjonijiet. Pariġi kienu presenti rappreżentanti minn 10 pajjiżi, meta fl-Unjoni Ewropeja hemm 28 pajjiż! Kif jaħsbuha it-18-il pajjiż l-ieħor?

Fil-passat kemm il-Gvernijiet immexxija mis-Soċjalisti kif ukoll dawk immexxija mid-Demokristjani jew mill-Liberali dejjem qagħdu lura milli jaċċettaw li l-immigrazzjoni hi problema tal-pajjiżi kollha fl-Unjoni Ewropeja, u mhux biss ta’ dawk fuq il-fruntiera. Jekk is-Soċjalisti hux ser jibdlu it-triq għad irridu naraw.

Meta kienu Malta f’Mejju li għadda kemm Martin Schultz kif ukoll Jean Claude Junker tkellmu b’mod li jpoġġihom viċin ħafna tal-posizzjoni tal-Ħodor fil-Parlament Ewropew.

Jekk dak kienx tejatrin, għad irridu naraw.

Tgħid nitgħallmu mill-iżbalji?

malta passport

Huwa ta’ sodisfazzjon li l-Gvern u l-Kummissjoni Ewropeja waslu għal ftehim dwar l-iskema ta’ ċittadinanza.

Il-bieraħ fil-għaxija tħabbar li wara diskussjonijiet kien hemm qbil li l-iskema ta’ ċittadinanza ser tkun emendata biex tinkludi l-obbligu ta’ residenza ta’ sena. Dan hu tibdil radikali għall-iskema u jagħmel l-iskema kompletament differenti.

Ser ikun hemm min jargumenta dwar jekk sena huwiex perjodu qasir. Bħal dejjem hemm argumenti validi li jiġġustifikaw attitudni bħal din. Ser jibqa’ min hu kontra l-iskema fil-prinċipju. L-istess bħalma hemm min hu tal-fehma li tul is-snin l-għoti taċ-ċittadinanza b’mod ġenerali illaxkat ħafna.

L-iżball fundamentali tal-Gvern fil-proċess kollu kien li għaġgel u dam biex fehem il-ħtieġa tal-konsultazzjoni. Il-ħin li jintuża fil-konsultazzjoni mhuwiex ħin moħli. Huwa ħin li fih tista’ tifhem aħjar kif jaħsibha ħaddieħor. Bil-konsultazzjoni, proposta tajba issir aħjar filwaqt li proposta ħażina jkollok ċans tibdilha.

Sfortunatament l-iżbalji li saru mill-Gvern u r-reazzjonijiet kultant sproporzjonati tal-Opposizzjoni, t-tnejn li huma, ser jissarfu inevitabilment fi ħsara lir-reputazzjoni ta’ Malta. Hemm bżonn li nitgħallmu minn dawn l-iżbalji.

Nistennew ħalli naraw id-dettalji tal-iskema kif emendata.

F’ħoġor Herman van Rompuy

MUSCAT ROMPUY

Wara l-istqarrija tal-Ministru Manwel Mallia fil-Parlament huwa ġustifikat li nistaqsu: issa fejn sejrin?

Il-posizzjonijiet tal-Gvern u l-Opposizzjoni jikkuntrastaw mhux daqstant fl-iskop daqskemm fil-metodu.

Ilkoll kemm aħna naqblu li l-piż tal-immigrazzjoni għall-pajjiżna hu kbir. Naqblu lkoll li għandna nipproteġu l-ħajja bla limitu jew kundizzjonijiet iżda li dan l-impenn tagħna m’għandux ikun abbużat.

Ilkoll naqblu li l-għajnuna li tatna s’issa l-Unjoni Ewropeja biex nistgħu naqdu aħjar l-obbligi tagħna li nħarsu l-ħajja ta’ dawk li jeħtieġu din l-għajnuna ma jeżenta lil ħadd mill-obbligi kbar li hemm ta’ kull pajjiż li jifforma parti mill-Unjoni Ewropeja lejn il-pajjiżi fuq il-fruntiera.

Huwa ukoll fatt, li ħadd ma semma il-lejla fil-Parlament li billi l-materja tal-immigrazzjoni mhiex waħda mir-responsabbiltajiet komuni tal-Unjoni azzjoni dwarha teħtieġ l-unanimita’, jiġifieri li jaqblu l-pajjiżi kollha. U jekk din l-unanimita ma tkunx teżisti ftit li xejn jistgħu jittieħdu deċiżjonijiet .

Saru diversi tentattivi tul is-snin biex jintlaħaq xi forma ta’ ftehim. L-uniku pass li kien hemm qbil dwaru kien illi jgħin min irid, fuq bażi volontarja. Fuq it-TVM2 David Casa nhar il-Ħadd qal li kienu 4 biss il-pajjiżi li offrew l-għajnuna, liema għajnuna issarfet filli dawn ħadu madwar 700 immigrant f’pajjiżhom. Numru ferm żgħir li nqabeż anke mill-għajnuna li tatna l-Istati Uniti tal-Amerika.

Huwa f’dan il-kuntest li wieħed irid jiċcara li l-konflitt ta’ Malta mhux mal-Unjoni Ewropeja iżda mal-Kapijiet tal-Gvern li miġbura flimkien fil-Kunsill Ewropew jieħdu id-deċiżjonijiet li l-Kummissjoni tkun teħtieġ li timplimenta.  Għaxra mit-28 Gvern ta’ pajjiżi fil-UE huma immexxija minn Prim Ministri Soċjalisti, 13 minn Prim Ministri ġejjin mill-Partit Popolari. Id-diversita’ ta’ opinjonijiet hi kbira għax ilkoll kemm huma jridu jirrispondu għal opinjoni pubblika kritika f’pajjiżhom.

Kollox ser idur fuq il-kapaċita ta’ Herman van Rompuy President tal-Kunsill li iktar kmieni din is-sena kien hawn Malta u indirizza l-Parlament Malti. Van Rompuy għandu l-fama ta’ consensus builder u l-probabbilta’ li l-problema tispiċċa f’ħoġru.

F’Ġunju li għadda lill-Parlament kien qallu “I am fully aware of Malta’s concerns.”  Jekk minn dan l-għarfien jirnexxilux iwassal għal soluzzjoni iżda għad irridu naraw.

 

Those unrealistic water bills

Water Bill.Malta

Our water bills will have to change as water in Malta is not realistically priced. The Government is aware of this yet it is not informing the public. The Labour Party on the other hand is ignoring the pointers and foolishly insisting on the unsustainable electoral promise of reducing water bills.

A realistic water pricing policy is needed to ensure proper management of water resources. This can be done by ensuring that proper subsidies are in place for the basic use of water while simultaneously penalising waste.

In terms of article 9 of the Water Framework Directive of the European Union, Malta, like all other EU member states, must have a realistic water pricing system in place. The pricing system shall take account “of the principle of recovery of the costs of water services, including environmental and resource costs…”

In a report dated November 14, 2012 in reply to Malta’s submissions on the implementation of the Water Framework Directive, the European Commission takes Malta to task on the pricing of water. The report, addressed to the European Parliament and the European Council, states that “it seems that environmental and resource costs have not been included in the cost recovery calculation”.

The price for water which the Water Services Corporation charges is limited to recovering its operational costs.

When the corporation extracts groundwater it does not pay for the water extracted. The cost of the water extracted (referred to as the resource cost) is ignored. This is obviously an incorrect practice as groundwater does have a cost which is dependent on a variety of factors. Once identified, on the basis of proper studies, this is a cost which must be added to the current charges. This is a matter which the Malta Resources Authority as the regulator should have been analysing for the past years.

In addition to the operational costs and the resource costs there are also the environmental costs which must be identified and quantified. The EU, in order to assist in the implementation of the Water Framework Directive, facilitates a Common Implementation Strategy through which Guidance documents and technical reports are produced assisting member states in coming to grips with what is expected from them to protect water resources within their territories. Guidance document No. 1, in fact, entitled Economics And The Environment, is a 274-page long technical document which explains in detail what is to be taken into consideration.

I am informed that the Malta Resources Authority, after EU accession, carried out such an exercise of identifying and costing in detail the resource and environmental costs of water. Producing these studies is part of its role as the competent authority to report to the Commission on the economics of water use as required under Article 5 of the Directive –

that the management of water resources in the Maltese Islands is on a sound footing. The authority, I am informed, also made detailed professional proposals as to the Programme of Measures required by article 11 of the Water Framework Directive. This leads me to conclude that the Government has been in receipt of sound professional advice as to what needs to be done to manage in a professional manner Malta’s water resources. Unfortunately this advice has been ignored. This is a political responsibility yet to be shouldered.

The Auditor General’s Performance Audit entitled Safeguarding Malta’s Groundwater, published in February 2012, is an eye-opener as to the measures which have not yet been implemented (fully or partially). One of the most worrying is the metering of boreholes. The MRA has not been given adequate means which would go a long way to fast-track this control on the rate of extraction of groundwater. The end result is that notwithstanding that metering of boreholes was accepted by the Government as a suitable measure very late in the day, its implementation is already two years behind schedule.

The metering of boreholes should be the first step of a process leading to a long-term objective ensuring that all boreholes are no longer operational. It should be clear to all that ground water is public property.

Even agriculture should be slowly weaned away from the use of ground water. Adequately polished treated sewage effluent would be a suitable alternative.

Water is a precious resource essential for our well-being. It is essential for the well-being of our families, for our agriculture, for our manufacturing industry as well as for tourism. Notwithstanding its being a basic requirement for practically all our activities, it has been mismanaged for a very long time. Successive governments have ignored its mishandling.

Water has been considered as a freebie for far too long. It is now time to pay for past mistakes. If we take longer to realise this fact the environmental bills will be insurmountable. Hence it is irresponsible for the Labour Party to promise a reduction of water bills.

originally published in The Times, December 22, 2012

Gonzi u l-gass

Kont preżenti għall-inawgurazzjoni tal-impjant tal-gas f’Bengħajsa li ser jieħu post l-impjant tal-Qajjenza f’Birżebbuġa.

Fid-diskors tiegħu Lawrence Gonzi qal li l-power station ta’ Delimara  tkun konvertita għall-gass meta jiġu l-fondi mill-Unjoni Ewropea. Jiġifieri irridu nistennew id-deċiżjoni dwar il-budget tal-EU għall-perjodu 2014-2020.

Fil-waqt li l-Kummissjoni Ewropea jidher li qablet mal-Gvern fuq l-utilita għall-Malta u l-politika tagħna tal-enerġija li dan il-proġett iseħħ, min-naħa l-oħra għadu m’huwiex ċar x’ser jigri mill-budget Ewropew. Id-diskussjonijiet ma tantx jidher li mexjin il-quddiem.

Kif irrappurtat il-Financial Times, nafu li in-negozjati dwar il-budget tal-EU waqfu (EU budget talks collapse). Ir-Renju Unit,  l-Olanda u l-Iżvezja jridu tnaqqis fil-budget tal-EU. M’humiex jaqblu mal-proposta tal-Kummissjoni Ewropea li jkun hemm żieda u dan għal raġuni ovvja: huma fost il-pajjiżi li jħallsu iktar milli jirċievu u għandhom pressjoni  politika li bħalma sar tnaqqis fin-nefqa domestika għandu jkun hemm ukoll tnaqqis fil-kontribuzzjoni tagħhom fl-EU.

Dwar dan messu tkellem Lawrence Gonzi.   Dwar il-preokkupazzjoni li l-opposizzjoni tar-Renju Unit, l-Olanda u l-Iżvezja għall-budget propost mill-Kummissjoni Ewropea tista’ toħloq diversi diffikultajiet għal dan il-proġett essenzjali għal Malta.