L-abort: nippruvaw niddiskutu bil-kalma

Id-dibattitu dwar l-abort hu wieħed emottiv. L-insulti u t-tgħajjir li għaddejjin huma bla limitu. Huwa f’din l-atmosfera li qed issir id-diskussjoni. Ċerti nies ma jitgħallmu qatt.

Id-dibattitu huwa ibbażat fuq l-istess punt fundamentali tad-dibattitu dwar id-divorzju: fil-pajjiż jirrenja l-pluraliżmu etiku. Jiġifieri jeżistu valuri kuntrastanti. Kuntrasti li ilhom jinbnew ftit ftit tul is-snin imma li ġew moħbija mil-lenti pubblika. Id-diskussjoni kienet waħda ipprojibita. Ma saritx minħabba l-biża’ minn soċjetà intolleranti, frott tal-fundamentaliżmu li għixna fih għal ħafna snin. Is-soċjetà tagħna illum żviluppat f’soċjetà lajka li immanifestat ruħha fir-referendum dwar id-divorzju u fl-aċċettazzjoni tad-drittijiet LGBTIQ.

Mhux kull abort hu xorta. Mhuwiex ġustifikat li taqbad l-“agħar każ ta’ abort” u tuża lilu bħala eżempju.

Il-kampanja kontra l-abort hi iffukata fuq abort bla limitu li ma jeżisti kważi mkien. Fuq l-iktar każ estrem, kontinwament jinbena argument li jappella għall-emozzjonijiet flok għar-raġuni. Argument li jbezza’ lil uħud imma li ma jikkonvinċix lill-kotra li kapaċi taħseb b’moħħa.

Il-kampanja favur id-dritt tal-għażla (pro-choice) min-naħa l-oħra tagħmlu l-argument li mara għandha dritt li tagħżel dak li trid, x’ħin trid u bla ma jindaħlilha ħadd. Dan jinkludi dritt li tagħżel jekk u meta tidħol għal abort. Argument neoliberali fejn il-libertà individwali m’għandhiex limiti.

Id-dibattitu hu kuntrast bejn dawn iż-żewġ estremi. Id-djalogu min-naħa l-oħra taf twasslek x’imkien ieħor li jkun aċċettat abort f’każijiet limitati fejn is-sens komun jgħidlek li dan hu ġustifikat. L-argumenti emottivi dan kollu jinjorawh u allura jimminaw d-diskussjoni matura li tant neħtieġu f’dan il-pajjiż. Il-pajjiż ma jeħtiegx l-abort bħala stil ta’ ħajja imma l-abort bħala rimedju f’ċirkustanzi straordinarji.

F’Malta l-abort isir. Jagħmluh n-nisa li jixtru pilloli online u jeħduhom mingħajr ma jikkonsultaw tabib, bil-kumplikazzjonijiet kollha possibli. Ma teżistix statistika dwar kemm minnhom jidħlu l-isptar bħala riżultat ta’ dan.

L-abort isir ukoll fl-isptar Mater Dei f’ċirkustanzi fejn tittieħed azzjoni biex tkun imħarsa l-ħajja ta’ nisa tqal li jiffaċċjaw kumplikazzjonijiet fit-tqala. Riċentment kellna l-polemika dwar t-tqala magħrufa bħala “ectopic”, jiġifieri meta l-bajda ffertilizzata teħel f’tubu intern fil-mara. Dan it-tubu (Fallopian tube) hu żgħir u jekk ma tittieħed l-ebda ażżjoni jinfaqa’ u jipperikola l-ħajja tal-mara tqila.

Il-kura li tingħata f’dawn iċ-ċirkustanzi hi mediċina li taqla’ l-bajda iffertilizzata minn mat-tubu u tarmiha. Jekk dan idum ma jseħħ jikber il-periklu u tkun meħtieġa operazzjoni. Fiż-żewġ każi dan hu abort li bħalu jsiru numru kull sena f’Mater Dei. Imma ħadd ma jgħid xejn, għax kulħadd jaċċetta li dan hu intervent meħtieġ, anke jekk il-liġi tqis din is-sitwazzjoni bħala illegali.

Hu ċar li l-opinjoni pubblika f’Malta, fil-parti l-kbira taċċetta l-abort meta dan hu meħtieġ biex iħares il-ħajja tal-mara. Meta tiddiskuti bosta jaslu biex jaċċettaw li l-abort f’dawn iċ-ċirkustanzi hu tollerabbli.

Hemm ċirkustanzi oħra fejn l-abort hu inqas kontroversjali. Qed nirreferi għal meta jsir abort f’kaz ta’ stupru jew f’każ ta’ inċest. Fejn it-tqala hi sfurzata, bi vjolenza, hu ġustifikat li jsir abort preferibilment fil-fażi l-iktar kmieni possibli tat-tqala. Mara li għaddiet minn vjolenza ma tistax issib il-liġi bojja lesta biex tikkastigha, għax inkella tispiċċa soġġetta għal vjolenza doppja.

Xi żmien ilu ktibt artiklu fejn kont ikkumentajt dwar il-fatt li hawn min fil-fażi inizjali tat-tqala jagħmel xi testijiet u jekk minnhom jirriżulta xi difetti fil-fetu, il-mara tirrikorri għal abort. Dan mhux aċċettabbli. Imma mhux biżżejjed li ngħidu hekk. Hemm ħtieġa li nifhmu lil min jagħmel din l-għażla u nistaqsu jekk parti mir-raġuni hijiex soċjetà li ma tindukrax biżżejjed familji li jgħaddu minn sitwazzjonijiet ta’ disabililtà. Minkejja li sar progress kbir xorta għad hawn nuqqas enormi kemm ta’ komprensjoni kif ukoll ta’ għajnuna iffukata lejn min għandu bżonnha.

Xi kultant naqraw b’min jirrikorri għal abort għax it-tqala u t-twelid jitqiesu xkiel għall-iżvilupp tal-karriera! Hemm soluzzjonijiet diversi għal dawn it-tip ta’ ċirkustanzi, minn edukazzjoni aħjar dwar is-saħħa riproduttiva għal sens ikbar ta’ responsabbilta’ mhux biss tal-mara imma wkoll tar-raġel.

L-aħħar eżempju huwa fejn issir għażla favur l-abort minħabba l-faqar. Jintqal li hawn każi fejn il-mezzi ta’ familja huma tant ristretti li ma jifilħux għal wild ieħor. Anke hawn hemm soluzzjonijiet li minħabba n-nuqqas ta’ dibattitu pubbliku ftit li xejn jiġu esplorati. Irridu nindirizzaw l-għerq tal-faqar u mhux il-konsegwenzi tiegħu. Inkella nibqgħu fejn konna. Anke hawn in-nuqqas ta’ edukazzjoni dwar is-saħħa riproduttiva hu enormi.

Mhux in-nisa biss jeħtieġilhom jitgħallmu iktar imma anke l-irġiel għandhom ħtieġa kbira għal dan: uħud jeħtieġu doża iktar qawwija ta’ rispett u sens ta’ responsabbiltà.

Id-dekriminalizzazzjoni, almenu f’ċerta aspetti, hi parti essenzjali mit-tibdil meħtieġ. L-ebda mara m’għandha tkun soġġetta għal passi kriminali għax ħadet il-pilloli li waslulha bil-posta inkella għax irrikorriet b’xi mod għall-abort wara vjolenza li taqqlitha. Il-mara li tagħmel abort hi ukoll vittma hi stess u teħtieġ l-għajnuna u mhux is-swat tal-liġi.

Fid-dawl ta’ dan kollu l-proposta ta’ Marlene Farrugia iktar kmieni din il-ġimgha ser isservi biex taċċellera d-dibattitu pubbliku. Imma jkolli ngħid li saret ftit bil-għaġġla u hija nieqsa minn preparazzjoni pubblika dwarha.

Neħtieġu dibattitu kalm għax hu b’hekk biss li nistgħu nifhmu iktar lil xulxin. Dan hu dibattitu li mhux ser jispiċċa fi ftit ġranet iżda ser idum. Jekk ma nagħmluħx bil-kalma ma nkunu wasalna mkien.

ippubblikat fuq Illum : il-Ħadd 16 ta’Mejju 2021

The abortion debate

The abortion debate is very emotional. Many insults are flying around. Some, unfortunately never learn.

The basic premise underlying the abortion debate is identical to that of the divorce debate: ethical pluralism reigns. Meaning that different values and attitudes co-exist. It is a clash of values that has been building up over a number of years, far away from the public eye.  Discussion has been continuously postponed due to the fear generated by an intolerant society founded on fundamentalism. A lay society has in the meantime developed and manifested itself clearly in the divorce referendum and subsequent acceptance of LGBTIQ rights.

It is incorrect to select “the worst” type of abortion and presenting it as the prototype

The “pro-life” campaign against abortion is focusing on “abortion on demand” which practically does not exist anywhere and presenting this as the prototype.  On this basis the campaign propagates an emotionally charged message instead of appealing to a reasoned approach. A message aimed at instilling extreme fear even though it is not the least convincing.

The pro-choice campaign on the other hand argues that a woman has the right to determine her choices without interference from anyone. This includes the right to determine if and when to have an abortion. This is a neo-liberal attitude which considers that there are no limits to individual liberty.

The debate is a contrast between these two extremes. Dialogue, on the other hand, leads you elsewhere, considering the exceptional circumstances in which an abortion may be justified. The emotional arguments ignore all this thereby undermining the mature discussion which this country has a right to. The country does not require abortion as a lifestyle: rather it is required as a remedy in extraordinary circumstances.

Abortion is practised in Malta. It is practised by women who purchase abortion pills online which they take without medical direction. All sorts of medical complications arise.  No statistics are available as to the number of those who require hospitalisation as a result.

Abortion is carried out at Mater Dei Hospital in circumstances to safeguard the life of women who face serious complications at some point in their pregnancy.  Recently the press highlighted the controversy on ectopic pregnancies, that is when a fertilised ovum is lodged in the female Fallopian tube. If left untreated this leads to a rupture of the said tube thereby placing the life of the pregnant woman in extreme danger.  

The medicine administered in such cases serves to dislodge the fertilised ovum which is subsequently discharged. If there is a delay in administering the medicine, or if this is ineffective, a physical intervention (surgery) would be essential.  In both circumstances this is an abortion which is carried out a number of times annually in the state hospital. However, no one ever complains as it is considered by all as a necessary and essential intervention, even if the law considers this as an illegal situation.

It is clear to all that public opinion in Malta generally accepts abortion when this is carried out to address the danger to the life of a pregnant woman.. At the end of the day in these circumstances abortion is tolerated.  

There are other circumstances when abortion is acceptable. I refer to cases of rape or incest. When a pregnancy is the result of violence, an abortion, preferably in the earliest possible stages of a pregnancy is acceptable.  A woman who has been subjected to violence should find comfort in the law otherwise she would be subject to violence for a second time.

Some time back I had written an article about tests being carried out in order to identify specific abnormalities in the foetus. In such cases depending on the results of the tests, abortions are being carried out.

This selectivity is definitely unacceptable. However, one must look beyond this and try to understand the underlying reasons for such choices. One would immediately understand that the prospective parent/s are making a forceful statement that notwithstanding existing help they feel that they are not able to shoulder the burden of the indicated disability. Notwithstanding the substantial progress registered over the years there are still substantial gaps. Parents feel this much more than anyone else. 

Occasionally we read about abortion resorted to in order not to endanger career development.  There are alternatives to such a course of action starting from education on reproductive health which ought to instil a greater sense of responsibility in both man and woman.

Poverty is another situation which may lead to opting for an abortion. It has been asserted that in circumstances of poverty a woman may opt for an abortion. Alternatives exist even in such circumstances: these have however been ignored.   It is poverty which has to be addressed and not its consequences.  Even in these circumstances the impact of a lack of education on reproductive health is glaring.  

Providing adequate reproductive health education would in the long run lead to less abortions.  This is required not just by women but also by men who generally require a greater sense of responsibility.

Decriminalisation is central to the change required. No woman should be subject to criminal action for making use of abortion pills which she receives through the post or for opting for an abortion after being violently impregnated. Women who opt for abortion are themselves victims who should find full protection of the law and not be criminalised.

In the light of the above the proposals put forward by Marlene Farrugia earlier this week will aid the development of the public debate.  Unfortunately matters were done somewhat in a hurry as the public was not prepared for these developments. But maybe shocking the public was part of the strategy!

We require a calm debate as this is the only manner in which we can clearly understand each other’s arguments. This is a debate that will not be over in a few days.  Being rational and calm is the least we can do.

Published in The Malta Independent on Sunday : 16 May 2021

Meta Joseph Muscat jikkopja …………………..

Joseph Muscat 13

 

Il-pass li jmiss, qal Joseph liż-żgħażagħ Laburisti hi liġi dwar id-dikriminalizzazzjoni tad-droga (għall- użu personali).

Kien jagħmel tajjeb ukoll Joseph kieku ipprova jispjegalhom għaliex waqt il-kampanja elettorali li għaddiet ipprova jevita diskussjoni dwar dan is-suġġett. Fil-fatt, sal-lum, l-unika partit politiku  f’Malta li ħa posizzjoni ċara dwar id-dikriminalizzazzjoni tad-droga waqt kampanja elettorali kien Alternattiva Demokratika. Huwa ta’ sodisfazzjoni għaldaqstant li dwar id-dikriminalizzazzjoni tad-droga Joseph jidher li ser jimxi fuq il-passi ta’ AD. Kif wara kollox mexa fuq il-passi ta’ AD dwar id-divorzju kif ukoll dwar il-vot mas-sittax!

Kellu bżonn jimxi fuq il-passi ta’ AD fuq affarijiet oħra ukoll, bħal, ngħidu aħna, l-kmamar tal-Armier u l-kaċċa u tant affarijiet oħra!

Min jaf, forsi jasal ukoll! Għax  anke Joseph  għandu d-dritt li jikkopja.

Busuttil fuq il-passi ta’ Gonzi : għan-niżla

Gonzi.Busuttil 2

 

F’diskors riċenti Simon Busuttil qal li hu bniedem differenti. M’għandux x’jaqsam mal-predeċessuri tiegħu. Qalilna li għandu ideat differenti għax iħares il-quddiem wara li tgħallem mill-iżbalji tal-passat.

Fost l-iżbalji tal-passat hemm il-posizzjoni ta’ Lawrence Gonzi li sfida l-vot tar-referendum favur id-divorzju.  Hemm ukoll il-posizzjoni inumana li l-Gvern Nazzjonalista immexxi minn Lawrence Gonzi ħa kontra t-transesswali. Dwar dan kien għamel apoloġija Mario de Marco għan-nom tal-PN.

Minn dan kollu l-PN ma tgħallem xejn. Għax kuntrarju għal dak li qal Simon Busuttil, taħt it-tmexxija ta’ Busuttil innifsu l-PN ma ivvutax favur il-Liġi li introduċiet l-Unjoni Ċivili. Busuttil baqa’ miexi fuq l-istess passi ta’ Gonzi, jisfida ir-raġuni u s-sens komun.

Il-lum f’artiklu (b’mod ironiku intitolat The Right Man for the Job) miktub minn Frank Psaila  li sal-elezzjoni ta’ Marzu 2013 kien Direttur Informazzjoni tal-PN, Busuttil ġie għal darba oħra ikkritikat b’dan l-iżball. Żball li iktar kmieni f’dan il-blog jiena iddeskrivejtu bħala wieħed li mhux ser jintesa.

Jekk hux the right man for the job jew le, ma jinteressanix. Li hu ċar pero hu li m’hemmx differenza minn ta’ qablu.  Miexi fuq il-passi ta’ Gonzi: għan-niżla (jekk hu possibli li tinsel iktar l-isfel).

You know where we stand

 AD_You know where we stand_300x250px

You know where we stand. This statement distinguishes Alternattiva Demokratika, the Green party in Malta, from the other political parties. Greens in Malta are, and have always been, clear as to the political agenda which they champion. In contrast, there are a number of issues on which both the Nationalist Party and the Labour Party are silent or evasive.

One important issue will be missing from AD’s 2013 electoral manifesto for the first time since the 1992 general election. I am referring to proposals for the introduction of divorce legislation. The PN and the PL always shied away from taking a stand on divorce. They were, however, faced with the inevitable when PN maverick MP Jeffrey Pullicino Orlando, (later joined by Labour MP Evarist Bartolo) took a leaf out of AD’s 2008 electoral manifesto and presented a Private Member’s Bill on divorce. The Bill was approved after the need for divorce legislation was endorsed by popular support expressed in a referendum notwithstanding the resistance of a number of fundamentalist MPs.

Much has been written about the matter but it is necessary at this point in time to underline that on this basic issue both the PN and the PL failed to be clear with the electorate. They tried to avoid the issue to pander to fundamentalist sentiment.

AD has always been very clear on the issues it supports or opposes. It will remain so.

Today, AD will present to the public its team of candidates, which, once more, will be contesting all 13 electoral districts in the March 2013 general election. Eventual Green members of Parliament will ensure a responsible approach to the country’s challenges.

Instead of political pique and unnecessary confrontation, Green MPs will advocate a policy of consensus based on consistency, responsibility and progressive politics.

Greens in Malta will continue to be the strongest defenders of what is left of Malta’s environmental heritage and will strive towards having public spaces that are accessible to all.

Greens, in contrast to the others, have already proven themselves of not being hostage to big business, hunters, trappers, firework fanatics, Armier squatters and greedy land developers.

We insist on the need for sustainable policies. With over 70,000 vacant dwellings resulting from a land use policy that is anything but sustainable, Greens in Parliament after the March 2013 election will champion the immediate reversal of the rationalisation exercise that has extended unnecessarily the permissible development boundaries.

Water has been mismanaged over the years such that the water table is severely depleted and treated sewage effluent is discarded, being considered as a waste product rather than as an important resource. In the long term, all boreholes in private use should cease to be operational and steps have to be taken to ensure that it is clear to all that the water table is public property.

In contrast to the above, the PN and the PL have taken an ambivalent attitude towards the environment. They bend backwards making efforts to be pleasant to environmentalists, yet, simultaneously echo the demands of those who have been plundering natural resources.

Greens have always stood up for animal rights.

Greens call for socially just economic and social policies, such as the need to increase the minimum wage as well as socially just pensions, including adequate disability pensions. To counter speculation and to discourage the unsustainable use of property, Greens propose taxing vacant properties, from the third property onwards.

AD will continue to be the progressive party, championing humane social policies and equal rights for all: persons with disability, LGBT persons as well as alternative families.

AD is for gender equality, in favour of the right of access to IVF without discrimination, full equality in marriage and family rights for same-sex couples. AD is against all forms of discrimination, including that based on race.

AD will advocate the decriminalisation of drugs for personal use while insisting on the necessity that society helps drug victims to overcome their addiction rather than criminalise them.

Green MPs will be ready to work with MPs from other political parties on the basis of an agreed joint programme and will work to ensure its implementation when in Parliament.

As a minor partner, Greens will strive to develop politics by consensus, conscious that this is a prerequisite essential to the creation of a stable political environment.

Voting for AD is a vote for change in the method of governance that has been corrupted by the two-party system. If you believe in giving priority to social justice, civil rights, environmental justice, sustainable development, ecological modernisation, and, last but not least, the reform in the institutional set-up for the enhancement of democracy, you know where you stand with the Greens.

Voting for the PN and PL signifies voting for a stagnant two-party system.

AD can deliver change. The other parties cannot: they are compromised.

You know where we stand.

published originally in Times of Malta on January 12, 2013

Magħna taf fejn qiegħed

new identity

 Il-ġimgħa d-dieħla nisimgħu s-suffara li ssejjaħ elezzjoni ġenerali.

Alternattiva Demokratika ser terġa tkun hemm fuq id-Distretti kollha. F’uħud b’kandidat wieħed, f’oħrajn b’iktar.

Il-programm elettorali ta’ Alternattiva Demokratika bħal dejjem ser ikun ċar fuq issues li partiti oħra jevitaw. Hekk ġara fil-passat dwar id-divorzju u r-riforma tal-liġijiet tal-kera. Il-partiti l-oħra evitaw dawn is-suġġetti fil-kampanja elettorali imma mbagħad kellhom jiffaċċawhom fil-Parlament.

Alternattiva Demokratika m’hi ostaġġ ta’ ħadd, għalhekk titkellem ċar.

AD tkompli tkun l-akbar difensur ta’ dak li baqa’ mill-wirt ambjentali Malti, tistinka għal aktar spazji pubbliċi u infrastruttura aħjar. AD mħiex ostaġġ tal-kaċċaturi u n-nassaba, l-iffissati fil-logħob tan-nar, l-abitanti illegali tal-Armier, u spekulaturi u żviluppaturi bla rażan. Issejjaħ għal politika sostenibbli dwar l-art u l-ilma, għal politika ekonomika progressiva, bħal żieda fil-paga minima u taxxa mit-tielet proprjetà vojta lil hinn.

AD hi favur politika soċjali umana u drittijiet ugwali għal kulħadd, fosthom il-minoranzi fil-politika soċjali u tal-familja, bħall-persuni b’diżabilità, il-persuni LGBT u kull tip ta’ familja. AD hi favur ugwaljanza bejn is-sessi, id-dekriminalizzazzjoni tad-drogi għall-użu personali, u l-għajnuna għall-vittimi tad-droga minflok kriminalizzazzjoni.

AD lesta biex taħdem ma’ ħaddieħor, skont programm konġunt maqbul. Taħdem biex dak miftiehem jitwettaq meta nkunu fil-Parlament. Bħala sieħeb minuri, AD tistinka biex tkun żviluppata il-politika bil-kunsens u ma theddidx li tgħaddi tagħha akkost ta’ kollox, konxja mill-fatt li dan iġib l-instabilità.

Vot għal Alternattiva Demokratika jkun vot għall-bidla fil-mod ta’ tmexxija u favur stabbilità.

Jekk temmen li għandhom jkunu fuq quddiem il-ġustizzja soċjali, id-drittijiet ċivili, il-ġustizzja ambjentali, l-iżvilupp sostenibbli, il-modernizzazzjoni ekoloġika u, fuq kollox, ir-riforma tal-istituzzjonijiet għat-tisħiħ tad-demokrazija, mela taf fejn qiegħed mal-Alternattiva Demokratika. Vot għall-PN jew għall-PL ifisser vot għas-sistema staġnata taż-żewġ partiti.

Jekk vera trid il-bidla, ivvota Alternattiva. Magħna taf fejn qiegħed.

Tonio Borg : lejlet il-vot

Il-Parlament Ewropew għada jivvota dwar jekk in-nomina mill-Gvern Malti ta’ Tonio Borg bħala Kummissarju Ewropew hiex waħda aċċettabbli.

Bl-appoġġ tal-Partit Popolari, l-Konservattivi, l-partiti tal-lemin (inkluż dawk ta’ Bossi u Le Pen) u numru mdaqqas mill-grupp soċjalista probabilment li jkun approvat b’mod partikolari wara d-dikjarazzjoni li iffirma. L-opposizzjoni ġejja mill-Liberali, mill-Ħodor, minn parti mis-Soċjalisti (fuq quddiem MEPs nisa u LGBT) u l-bqija tax-xellug.

Intqal ħafna dwar il-kandidatura ta’ Tonio Borg. Kull min ikkritikah għamel dan mill-ottika tiegħu.

Da parti ta’ Alternattiva Demokratika ikkritikajna n-nomina tiegħu bħala waħda li m’hiex addattata u dan in vista tal-posizzjonijiet politiċi li ħa matul il-karriera politika tiegħu. Hemm politiċi oħra li huma inqas kontroversjali u li ma ħadux posizzjoni ta’ konfront kontra l-gays u kontra d-divorzju . Il-posizzjoni ta’ Tonio Borg favur politika inumana dwar l-immigrazzjoni ġiet manifestat bl-appoġg da parti tiegħu għall-ftehim ta’ Berlusconi ma Gaddafi li bih bagħat l-immigranti lura fil-Libya għas-swat u t-tortura. Ġiet manifestata ukoll meta bagħat lura l-immigranti mill-Eritrea li spiċċaw sparixxew jew ġew ittorturati u dan kif ikkonkludew l-Amnesty International u l-UNHCR.

Filwaqt li hu floku li jingħad li matul il-hearing ta’ tlett siegħat li kellu fil-Parlament Ewropew Tonio Borg wera li kellu konoxxenza tajba tad-dikasteru  assenjat lilu naħseb li jkun għaqli li jkun emfasizzat li fi tlett siegħat ma tistax tħassar dak li tkun għamilt matul karriera politika sħiħa. Tista’ tipprova tispjega imma trid tkun konsistenti. Jekk ma tkunx ma tistax tikkonvinċi.

Matul it-tlett siegħat tal-hearing Tonio Borg impressjona li kien teknikament kompetenti. Iżda diversi li kellhom dubji dwar kemm il-passat hu mera tal-futur baqgħu bid-dubji. Għalhekk talbuh jagħmel dikjarazzjoni.

Id-dikjarazzjoni li Tonio Borg iffirma tiftaħ beraħ l-issue tal-abort. Il-PN tkaża meta MEPs mill-PL ivvutaw favur riżoluzzjoni fil-Parlament Ewropew li kellha referenzi mill-iktar indiretti għall-abort u dan fil-kuntest ta’ għajnuna lill-pajjiżi li qed jiżviluppaw. Kienu l-akkolti ta’ Tonio Borg fil-kampanja ta’ emendi kostituzzjonali dwar l-abort li fetħu l-kanuni. Issa naraw kemm huma lesti li jitkellmu fil-pubbliku dwar id-dikjarazzjoni ta’ Tonio Borg u kemm din tfisser appoġġ inkondizzjonat għall-abort fejn l-Unjoni Ewropea tista’ tagħmel dan.

Bid-dikjarazzjoni li iffirma Tonio Borg issa intrabat pubblikament li jpoġġi l-kuxjenza tiegħu fil-ġemb u jimplimenta dawk ir-rizoluzzjonijiet li ivvutaw favur tagħhom tal-Labour!

Dikjarazzjoni bħal din mhux kulħadd jagħtiha l-istess piz. Għax daqqa ta’ pinna ma tħassarx dak li temmen.

Kuxjenza għajjiena

Il-Ministru tal-Ambjent hu Lawrence Gonzi. Huwa bniedem ta’ kuxjenza. Li jgħarbel, jiżen u jaqta’ skond ma tgħidlu l-kuxjenza.

Dan l-aħħar minħabba l-proposta ta’ JPO fuq id-divorzju il-kuxjenza ta’ Lawrence Gonzi ħadmet bl-overtime. M’hux faċli, ngħiduha kif inhi, li tippjana referendum u taħseb li n-nies ser ikollha l-istess opinjoni tiegħek u jmurlek kollox żmerċ! Gonzipn ippjana li jkollu deċiżjoni kontra d-divorzju mittieħda mir-referendum u spiċċa jkollu jħaddem il-kuxjenza. Issa din għajjiet ftit u allura affarijiet oħra jkolhom jistennew.

Ikollhom jibqgħu jistennew ir-residenti ta’ Triq Tumas Chetcuti  f’Ħ’Attard. Dawn ilhom jissaportu l-barriera magħrufa bħala ta’ Wied Inċita. Qed timliehom bit-trabijiet u l-awtoritajiet ilabalbu biss. Il-kuxjenza tal-Ministru tal-Ambjent jidher  qegħda bil-leave għax għajjiet u issa m’hiex f’posizzjoni li tagħmel xogħolha. Kieku l-kuxjenza m’hiex bil-leave il-Ministru tal-Ambjent Lawrence Gonzi zgur li jitlob spjegazzjoni  għal 7 enforcement  notices mill-MEPA tul is-snin fuq din il-barriera :

ECF 254/94, 522/96, 693/96, 367/98, 546/98, 936/98, 224/02

Dawn l-enforcement notices huma dwar il-barrieri Numri 3 u 12. Il-Barriera numru 3 hi magħrufa bħala ta’ Wied Inċita Attard fil-waqt li l-barriera numru 12 hi fi Triq ir-Rabat Ħaż-Żebbuġ. Dawn iż-żewg barrieri jinfdu u huma tal-istess sidien.

Alternattiva Demokratika dal-għodu indirizzat lill-istampa fuq il-problemi li dawn  iż-żewġ barrieri qed joħolqu lir-residenti. Forsi l-kuxjenza tal-Onorevoli Ministru Lawrence Gonzi tqum mir-raqda. Jew ta’ l-inqas ma tibqax riżervata għad-divorzju biss.     

il-Ministru tal-Ambjent : dak tal-lum u ta’ qablu

Iċ-Chewing Gum fil-Parlament

Smajt b’attenzjoni l-parti l-kbira tad-diskorsi li saru fil-parlament dwar il-liġi tad-divorzju. Għandi rispett kbir lejn dawk il-membri parlamentari kollha li iddikjaraw li ivvutaw LE għax hekk qaltilhom il-kuxjenza. 

Imma fil-waqt li nirrispetta l-għażla tagħhom naħseb li b’din id-dikjarazzjoni li għamlu tefgħu dawl fuq il-kredenzjali demokratiċi tagħhom. Għax fi ftit kliem qalulna li r-referendum għalihom kien ikollu sinifikat BISS li kieku rebaħ il-LE.

Tajjeb li mxew skond il-kuxjenza imma l-kredenzjali demokratiċi tagħhom bħaċ-chewing gum.

Ir-referendum dwar id-divorzju : Riflessjonijiet (5) Anke’ Machiavelli kien jistħi

 Meta Lawrence Gonzi għamel il-proposta oriġinali illi d-divorzju jkun soġġett għal referendum huwa iġġustifika ruħu billi qal li l-ebda wieħed mill-partiti fil-Parlament ma kellu l-mandat elettorali fuq il-materja. Kien qal kliem fis-sens li mhux sewwa illi l-Parlament japprova leġislazzjoni li dwarha l-poplu ma kellux ċans jesprimi ruħu.

Il-pjan dakinnhar kien illi jekk il-Parlament japprova l-liġi tad-divorzju proposta minn JPO, qabel ma din tidħol fis-seħħ kien meħtieġ li jkun hemm referendum biex dak li jkun approva l-Parlament jesprimi ruħu fuqu l-poplu.

Alternattiva Demokratika dakinnhar qalet li ma taqbilx li deċiżjoni dwar drittijiet ċivili jkunu soġġetti għal referendum. Għax dawn huma drittijiet ta’ minoranzi li għandhom ikunu affermati anke’ jekk il-maġġoranza ma tkunx trid.

Lawrence Gonzi dakinhar skandalizza ruħu kif seta’ jkun hawn xi ħadd f’dan il-pajjiż li ma jaqbilx mal-użu tal-għodda demokratika tar-referendum.

Joseph Muscat għamel il-kontijiet u rrealizza li Gonzi kien qed jipprova jaħdmu. Għax ir-referendum li ried Gonzi kien isir biss jekk il-Parlament japprova l-liġi tad-divorzju proposta minn JPO. Muscat kien jaf li kien hemm numru ta’ Membri Parlamentari Laburisti li kienu kontra l-proposta ta’ JPO u Varist Bartolo. Dan il-fatt kien jassigura li l-pjan ta’ Gonzi jaħdem u r-referendum għalkemm imwiegħed  ma jkunx jista’ jsir.

Il-manuvri interni fil-Partit Laburista wasslu biex minflok ma Gonzi ħadem lil Muscat, għal darba Muscat ħadem lil Gonzi (bil-għajnuna ta’ JPO u Jesmond Mugliette). Għax il-Parlament approva mozzjoni imressqa mill-Kap tal-Opposizzjoni li l-ewwel immorru għal referendum, u mbagħad, wara, jekk dan ikun approvat, tkun tista’ tibda d-diskussjoni fil-Parlament dwar l-abbozz ta’ JPO u Varist Bartolo.

Issa Muscat kien jaħseb li r-referendum m’hux ser jgħaddi . Ta’ l-anqas hekk stqarr f’wieħed mill-edizzjonijiet ta’ Inkontri immexxi min Joe Grima fuq Super One

Issa billi r-referendum approva d-dħul tad-divorzju f’Malta, dak li Gonzi u Muscat ilhom jipposponu irid jiġi ffaċċjat.

Muscat u l-parti l-kbira tal-Opposizzjoni jidher li ser jivvutaw favur (Marie Louis Coleiro ser tastjeni u Adrian Vassallo ser jivvota kontra). Carmelo Abela taż-Zejtun, to his credit iddeċieda li jbaxxi rasu għar-rieda popolari u ser jivvota favur.

Il-backbench tal-Gvern imħawwad. Skond Beppe Fenech Adami qed jitkellem waħdu. Ma jafx x’ser jaqbad jagħmel. Jekk tissejjaħ division l-ewwel isem min-naħa tal-Gvern li jissejjaħ hu dak tal-Onor David Agius. Ikollu jiddeċiedi waħdu x’ser jagħmel. Għax ma jistax jagħmel bħal ta’ qablu. Għax dak li jiġi qablu alfabetikament hu l-MP tal-Labour Carmelo Abela. Għalhekk din il-ġimgħa kiteb fin-Nazzjon u qal li ser jivvota  favur.

Dawk li qed jgħidu li ser jivvutaw kontra qed iwaħħlu fil-kuxjenza. Lil dawn jiena ngħidihom li l-kuxjenza issa ma tidħolx. Il-kuxjenza kellha sehem importanti sakemm il-Parlament iddeċied li jaħsel idejh bħal Ponzu Pilatu u flok ma jieħu deċiżjoni huwa talab lill-poplu jespimi ruħu f’referendum.

Il-kuxjenza kienet importanti nhar is-Sibt 28 ta’ Mejju.

Imma malli ħareġ ir-riżultat tar-referendum issa m’huwiex iżjed kaz ta’ kuxjenza iżda tal-kredenzjali demokratiċi tal-membri parlamentari. Min m’huwiex lest li jivvota IVA  dwar il-liġi tad-divorzju qed juri disprezz lejn il-volonta tal-poplu u m’huwiex kapaċi jkun rappreżentant tal-poplu fil-Parlament.

L-għażla hi waħda sempliċi jew jivvutaw IVA kif ġew inkarigati jagħmlu mill-poplu permezz tar-referendum inkella jirreżenjaw. L-appoġġ għall-volonta’ popolari trid tkun totali, bla kundizzjoni.  Hekk intqal fl-2003 meta sar ir-referendum dwar is-sħubija ta’ Malta fl-Unjoni Ewropea. Dakinnhar konna korretti. Hekk ukoll għandu jingħad u jsir illum.

Bil-gabrijoli bil-kuxjenza li qed jagħmlu Gatt, Gonzi u l-bqija naħseb li anke Machiavelli kien jistħi !