L-ambjent marid bħall-Professur Axiaq

Stethoscope

 

Il-ġimgħa l-oħra ċ-Ċhairman tal-Awtorità tal-Ambjent u r-Riżorsi, l-Professur Victor Axiaq għax kien marid, kien jaf li ma kienx ser jattendi għal-laqgħa tal-Awtorità tal-Ippjanar. Il-laqgħa kellha tiddiskuti it-torrijiet tal-Imrieħel u ta’ Townsquare f’tas-Sliema. Huwa għaldaqstant  kiteb il-fehmiet tiegħu dwar dawn it-torrijiet f’email. Din l-email għaddiha lil Dr Timothy Gambin, membru huwa ukoll tal-Awtorità tal-Ippjanar u awtorizzah biex, fid-diskrezzjoni tiegħu, jaqra dawn il-fehmiet waqt il-laqgħa tal-Awtorità.

Għaliex il-Professur għadda l-kummenti tiegħu lil Dr Gambin? Mhux aħjar kieku għaddihom liċ-Ċhairman tal-Awtorità tal-Ippjanar Vince Cassar biex b’hekk il-membri kollha tal-Awtorità jkunu jafu l-fehmiet tiegħu?  Għaliex kien jaf Dr Timothy Gambin biss? Stramba! Mhux soltu għall-Professur li joqgħod lura milli jkun ċar ma kulħadd.

Il-Professur Axiaq inħatar membru tal-Awtorità tal-Ippjanar biex jirrappreżenta lill-Awtorità tal-Ambjent. Fid-dibattitu biex il-MEPA tinqasam fi tnejn, b’falsità kbira, diversi esponenti tal-Gvern kienu qalu li l-ambjent kien ser ikollu leħen iktar determinanti u b’saħħtu meta jittieħdu d-deċiżjonijiet. Imma fis-siegħa tal-prova, il-leħen tal-ambjent kien marid bħall-Professur Victor Axiaq, u allura ma nstemax. Bid-differenza li fil-waqt li lill-Professur nawguralu li ma jdumx ma jgħaddilu, għall-ambjent jidher li għad hemm ħafna diffikultajiet.

Il-Malta Today dan l-aħħar tkellmet dwar il-fatt li nafu x’qal il-Professur Axiaq dwar it-torrijiet tal-Imrieħel. Dan minħabba li Dr Timothy Gambin waqt il-laqgħa tal-Awtorità tal-Ippjanar qara silta mill-email fis-seduta ta’ fil-għodu, waqt id-diskussjoni dwar l-applikazzjoni għat-torrijiet tal-Imrieħel. Imma waranofsinnhar, meta kien hemm is-seduta pubblika dwar l-applikazzjoni għat-torri ta’ Tas-Sliema, Dr Gambin ma qarax fil-pubbliku dak li qal il-Professur Axiaq dwar Townsquare.

Il-mistoqsija hi għaliex Dr Timothy Gambin ma qalilniex x’jaħseb il-Professur Victor Axiaq dwar it-Torri ta’ Tas-Sliema? Dr Gambin biss jista’ jgħidilna għaliex huwa żamm l-informazzjoni għalih. Għaliex għamel hekk, hu biss jaf, s’issa. Dejjem sakemm ma jkollux il-kuraġġ li jitkellem il-Professur Victor Axiaq.

Imma, forsi, l-Professur għadu marid, bħall-ambjent. Nawguralu fejqan ta’ malajr. Mhux biss lill-Professur, immafuq kollox anke lill-ambjent.

Advertisements

Il-konkos f’Mater Dei : il-ħmar iwaħħal f’denbu

Concrete-compressive-strength-1024x768

Qed naqra r-rapport tal-inkjesta immexxija mill-Imħallef Philip Sciberras dwar il-konkos fl-Emerġenza tal-isptar Mater Dei.

Ir-rapport fih bosta informazzjoni, imma fih in-nieqes ukoll. Dak li hu nieqes hu essenzjali biex tgħaqqad l-istampa kollha ta’ x’ġara u dwar min sar jaf xiex u meta. Peró xorta nafu ħafna iktar milli konna nafu, biżżejjed biex uħud mill-affarijiet li konna qed naħsbu li setgħu ġraw, issa nistgħu ngħidu b’ċertezza illi ġraw.

Kif diġà kelli l-opportunità li nikteb f’dawn l-aħħar ġranet, l-istorja kollha hi waħda ta’ falliment ta’ mekkaniżmi ta’ kontroll tal-kwalità tal-konkos. Fi kwalunkwè proġett ta’ dan il-kobor il-kontroll tal-kwalità tal-konkos hi kruċjali u allura ma nistax nifhem kif min mexxa l–proġett ma nvestiex iżjed f’dan il-qasam. Mhux biss fl-apparat, imma investiment ikbar f’persuni ta’ integrità bl-inkarigu li jassiguraw il-kwalità. Dawk li jassiguraw il-kwalità tal-konkos, kif rajna, huma importanti daqs l-awdituri finanzjarji!

Skanska kellha kull dmir u interess li tassigura l-kwalità u dan  bħala l-kuntrattur ewlieni. L-istess  il-Gvern li ukoll kellu kull interess, kemm direttament kif ukoll permezz tal-Fondazzjoni għas-Servizzi Mediċi illi jassigura ruħu mill-kwalità. Il-fatt li naqsu milli jassiguraw li din l-iktar parti kruċjali tal-proġett timxi fuq ir-rubini jfisser li kien hemm nuqqas ta’ serjetà kbira. Dak li qal Vince Cassar, dakinnhar Direttur Ġenerali tax-Xogħolijiet u illum Chairman tal-MEPA, hu riprodott fir-rapport tal-inkjesta, imma waqa’ fuq widnejn li donnhom ma riedux jisimgħu.

Hi stupidità li l-Gvern, prinċipalment permezz tal-Ministru Konrad Mizzi, jgħid li Simon Busuttil għandu xi responsabbiltà politika għal dak li ġara. Fl-opinjoni tiegħi r-responsabbiltà politika trid tinġarr imma mill-politiċi  li tul il-perjodu li dam jinbena l-isptar kienu responsabbli mill-proġett. Għax kull wieħed minnhom ikkontribwixxa, min ftit u min ħafna, min b’dak li seta’ għamel jew iktar b’dak li m’għamilx biex għandna din il-froġa.

Waqt li qed nixtarru dak li nkiteb fir-rapport tal-inkjesta beda ukoll jistema il-kor ikanta “mhux jien”. Għax kull min jissemma fir-rapport qed iħoss il-ħtieġa li jispjega kemm dak li għamel (jew dak li m’għamilx) seta ġie interpretat ħażin.

Matul il-ġimgħat li ġejjin l-istorja tkun iċċarata ħafna iktar milli hi s’issa, avolja ser tibqa’ l-ħtieġa tal-pubblikazzjoni ta’ rapporti oħrajn, li filwaqt li inkitbu, s’issa għadhom ma rawx id-dawl tax-xemx.

Jidher ukoll ċar ħafna li hemm numru ta’ “baqar sagri” li qed isir sforz partikolari biex ikunu protetti. Din storja li ser tibqa’ għaddejja għal xi ġimgħat sakemm il-Pulizija tiddeċiedi jekk hemmx provi biżżejjed biex tibda passi kriminali u iktar tard sakemm l-Avukat Ġenerali jagħti l-pariri tiegħu lill-Gvern.

Għax waqt li Konrad Mizzi ħabbar li dal-waqt ser issir laqgħa bejn il-Gvern u Skanska sadanittant nibqgħu nosservaw lill-ħmar iwaħħal f’denbu.

The MEPA Chairman & private practice

Vince-Cassar

The Malta Independent  focuses on the fact that the newly appointed MEPA Chairman is a part-timer and that he is allowed to carry out private work as an Architect & Civil Engineer.

The Malta  Independent is correct in pointing out that this is asking for trouble.  But, I hasten to add that this is just theoretical in the case of the newly appointed MEPA Chairman Vince Cassar.

In all fairness one should add the following relevant information on Vince Cassar. He is past retirement age having served in the public service for over 30 years primarily in the Works Department in various positions up to the post of Director General and lately as Permanent Secretary in the Transport Ministry until 2008. He was in fact the Permanent Secretary attached to Jesmond Mugliette’s Ministry.

As far as I am aware Vince Cassar has no history of private practice during the past 30 years.  He may have been a director since retirement of a limited liability company. But I am not sure of that.  Knowing Vince Cassar I have no doubt that if this is the case he would withdraw immediately if there is the least possibility of a potential conflict of interest.

In view of the above I am of the opinion that Vince Cassar has been unfairly criticised.

One final point: is the role of MEPA Chairman a full-time post?  The answer depends on whether MEPA has a Chief Executive Officer.  If in the affirmative, that is if MEPA has a CEO it is reasonable to expect that a part-time MEPA Chairman could do the job adequately. With a CEO in place the role of MEPA Chairman is to Chair Board meetings and not to run the organisation. With the MEPA Chairman not being involved in the daily running of the organisation he would be more in a position to hold MEPA’s officers to account. That is the MEPA Board’s function and can only be carried out adequately if the MEPA Chairman is not a full timer.