Image

AD tilqa’ b’sodisfazzjon il-konsultazzjoni dwar il-bidla tal-karozzi petrol u diesel għal dawk elettriċi

 

Alternattiva Demokratika tilqa’ b’sodisfazzjon l-aħbar tal-Prim Ministru li se jniedi konsultazzjoni dwar il-bidla minn vetturi li jużaw il-petrol u d-diesel – fabbrika tal-kanċer fil-qalba ta’ kull belt u raħal – għal vetturi elettriċi.

Il-kelliem ta’ AD Ralph Cassar qal:”Din il-bidla hija waħda mill-proposti konkreti li għamlet Alternattiva Demokratika fid-dokument tagħha Zero Carbon Malta 2050. Il-perjodu ta’ tranzizzjoni biex il-karozzi kollha ikunu elettriċi jiddependi minn ħafna fatturi fosthom kemm jeħtieġ żmien biex tinbidel l-infrastruttura li s’issa taqdi biss vetturi petrol u diesel għal infrastruttura li tinkludi skemi ta’ bdil, iċċarġjar u riċiklaġġ ta’ batteriji, kif ukoll perjodu biex karozzi eżistenti jinbidlu fi żmen raġjonevoli. Fuq medda qasira l-Gvern għandu jara li l-vetturi kollha tiegħu, dawk ta’ kumpaniji tal-kiri tal-karozzi u taxis jinbidlu għal dawk elettriċi. L-elettrifikazjoni tat-trasport pubbliku wkoll għandha tiġi ppjanata minnufih. Li huwa importanti li jkun hemm pjan b’miri ċari u tondi u li l-miri jinżammu.”

“Nemmnu li ma din l-inizjattiva importanti għandhom jittieħdu oħrajn b’mod immedjat biex tonqos il-konġestjoni fosthom li fi żmien qasir isiru sistemi nazzjonali ta’ passaġġi sura ta’ nies għar-roti u roti elettriċi tul il-bypasses kollha. Qed insejjħu biex ikun hemm inċentivi biex in-nies jitħajru jużaw ir-roti u roti elettriċi għall-commuting. Ma tagħmilx sens li jkun hemm ostakli bħal bżonn ta’ reġistrazzjoni ta’ roti elettriċi – l-użu tagħhom għandu jkun faċilitat u mhux imxekkel. Anzi għandu jkun hemm skemi li itaffu l-ispiża ta’ min jiddeċiedi li jixtri roti elettriċi. L-investiment f’infrastruttura għar-roti u roti elettriċi u inċentivi fiskali biex jingħataw spinta jqum ħafna inqas minn infieq f’flyovers u mini. Dawn il-proġetti u inċentivi jistgħu jsiru relattivament malajr. Skont figuri minn Londra l-introduzzjoni ta’ ‘bicycle superhighways’ żied l-użu tar-roti b’60%. Figuri oħra juru tnaqqis ta’ 35% fil-ħin tal-vjaġġ tal-vetturi meta tul toroq prinċipali ġew introdotti lanes separati u siguri għar-roti. Għal kull persuna li tuża r-rota ikollok anqas traffiku u anqas tniġġis fi żmien qasir.”

“L-elettrifikazzjoni tat-trasport għandha tkun marbuta wkoll ma’ investiment serju f’sorsi rinnovabbli tal-enerġija, mix-xemx, sal-mewġ, ir-riħ u sorsi oħra bħal gass naturali mill-irżieżet u d-drenaġġ. Il-mira ta’ 10% sas-sena 2020 hija ftit wisq. Malta għal darba għandha l-opportunita’ li tkun minn ta’ quddiem fil-bidla lejn ekonomija zero karbonju – ekonomija sostenibbli b’tipi ta’ xogħol f’livelli differenti għal kulħadd, u b’kwalita’ ta’ ħajja aħjar għalina lkoll.”

(din hi stqarrija għall is-stampa ta’ Alternattiva Demokratika)

 

 

Advertisements

Naqbel ma’ Joseph ……………. u ma’ Hermann, u ma’ Michael u ma’ Ralph

Joseph Muscat ihobb jiccajtahermann schiavonemichael-briguglioRalph-Cassar

 

Il-bieraħ Joseph tkellem dwar is-solidarjetà. Solidarjetà mal-Greċja u l-Italja huma u jissieltu biex bir-riżorsi limitati tagħhom jassistu lir-refuġjati. Joseph qal li “ma nistgħux nitkellmu dwar solidarjetà jekk meta tiġi s-siegħa tal-prova ma nipprattikawhiex.”

Wara din id-dikjarazzjoni ċara ta’ Joseph favur is-solidarjetà ikun xieraq jekk huwa ukoll jingħaqad mal-kunsilliera Hermann Schiavone (kunsillier f’Birżebbuġa), Michael Briguglio (kunsillier f’Tas-Sliema, Ralph Cassar (kunsillier f’Ħ’Attard) u ma’ ħafna kunsilliera oħra ta’ rieda tajba li qed jipproponu illi l-komunitajiet tagħna jaddottaw familja ta’ refuġjati mis-Sirja.

Fi kliem Joseph, din hi is-siegħa tal-prova u għalhekk ikun xieraq li l-Gvern Malti jissieħeb mal-Kunsilli Lokali u l-NGOs li jixtiequ b’solidarjetà jaddottaw familja Sirjana.

Dan ikun messaġġ ċar ta’ solidarjetà, li l-poplu Malti dejjem wera ma’ min hu dgħajjef u mgħakkes.

Sound governance protects the environment

 

green hands

Demerger will cause institutional fragmentation.

The state’s duties are not enforceable in a Court of Law.

 

 

Protection of the environment is not achieved in proportion to the number of authorities established to deal with the environment, resources and land use planning. In fact, subject to sound governance, the number of established authorities is irrelevant.

The government has, through its election manifesto, created a storm in a teacup, raising expectations that the demerger of MEPA would result in a government locked into a green commitment. The Opposition, on the other hand, has spoken of a doomsday scenario which will be triggered by the proposed demerger.

Both are wrong as the path to a green commitment requires a political will that is not easily detectable in the House of Representatives as presently composed. The Labour government and the Nationalist Opposition have entered into other commitments intended to bolster the building development industry. Labour is currently moving along that path, whilst the Nationalists did it throughout their 26 years in government.

As a nation, we are still reeling from the devastating actions of the PN-led government which caused considerable environmental damage. Former Environment Minister Mario de Marco has recently been on record as stating that maybe too much has been sacrificed in the pursuit of economic growth. This is not simply a revival of the past, it is an exercise in trying to understand past PN issues of environmental governance that contradict all the sweet green talk of Simon Busuttil.

When the 2005 census indicated the existence of over 53,000 vacant or under-utilised residential properties, the PN-led government increased the uptake of land for development through the rationalisation exercise. It addition, it simultaneously increased the permissible height in several areas. In a number of instances, this increased from 2 to five floors. It also facilitated the construction of penthouses. This has led to an increase (as of 2011) in the number of  vacant and under-utilised residential properties to 72,000 units.

The proposed demerger of MEPA will neither address nor reverse this mess which is the PN’s environmental legacy to the nation.

Alternattiva Demokratika – The Green Party – is not in agreement with the MEPA demerger proposed by government due to the resulting institutional fragmentation. As a result, human and financial resources will be spread thin over two authorities, thereby weakening effective environmental governance. As a small country, we actually require defragmentation, as this reinforces effective environmental stewardship.

Earlier this week, I and AD’s General Secretary Ralph Cassar had a meeting with Environment Minister Leo Brincat during which we discussed AD’s views in relation to the Environment Protection Act currently pending on Parliament’s agenda.

AD noted that whilst the proposed Environment Protection administrative structures do not contain any parliamentary representation, this has been retained in the land use planning structures. In fact, in paragraph 63(2)(d) of the Development Planning Act 2015, it is provided that two MPs will sit on the Planning Board.

AD does not consider it necessary for Parliament to be present in the planning decision-taking structures. It serves no purpose to have MPs involving themselves in decisions as to which individual development permit is approved or rejected. Alternattiva Demokratika suggested to Minister Brincat that MPs have no direct role to play in operational matters regarding land use planning. It would be more appropriate if Parliament’s Standing Committee on the Environment and Development Planning is given wider powers to monitor both the Planning Authority as well as the authority dealing with the environment and resources. This would entail the availability of financial and human resources so through its Standing Committee, Parliament would be in a better position to identify, and consequently nip in the bud any irregularities or inconsistencies.

Both the Development Planning Act as well as the Environment Protection Act list the duties and principles which the state should observe to ensure “a comprehensive sustainable land use planning system” and “to protect the environment”.   However, after going into detail to explain such duties, the legislation before Parliament then proceeds to state that these “are not enforceable in a Court of Law”. This is specified in Article 4 of the Development Planning Act and in Article 5 of the Environment Protection Act.

One should state that there are similar provisions in present legislation. It is, however, high time that such provisions are removed so that it will be possible for Maltese citizens to seek redress against the state if it attempts to circumvent its duties and abdicate its responsibilities.

Last April, following a legal challenge by the environmental NGO Client Earth, the United Kingdom’s Supreme Court  squashed Her Majesty’s government’s ineffective plans to reduce illegal levels of air pollution in Britain and ordered it to deliver new ones by the end of 2015.

Similarly,  last June Courts in Holland ordered the Dutch Government to reduce its carbon emissions by at least 25 per cent within 5 years in what is being termed as the world’s first climate liability suit.

Maltese citizens deserve no less. It would therefore be appropriate if the above mentioned provisions of the Development Planning Act and the Environment Protection Act are enforceable in a Court of Law.

Another proposal made by Alternattiva Demokratika in the meeting with Minister Brincat concerns the method of selection of the board members of the  two Authorities, as well as their senior executives (CEOs and Directors). AD believes that before government proceeds to appoint such members/executives, it should seek and subsequently follow the advice of the Parliamentary Standing Committee on the Environment and Development Planning . Such advice should be given by the Parliamentary Committee after the persons nominated are examined by the Committee during a sitting held in public. This change would increase the possibility of the appointment of a higher percentage of competent people as members of the board/senior executives. It would also reduce the possibility of appointing people whose only qualification is membership in the government party.

The proposed demerger is, in my view a non-issue. Legislating to facilitate the entrenching of good governance should be the real objective. After discussing the matter with Minister Leo Brincat I believe that, even at this late hour, this is still attainable.

Published in The Malta Independent on Sunday – 16 August 2015

Iċ-ċavetta li tista’ tiftaħ il-bibien magħluqa ………………

Opening door with key

 

Mhux l-ewwel wieħed li ser nikkummenta li bir-riżultati elettorali ta’ tmiem il-ġimgħa kulħadd hu kuntent. Ovvjament din hi reazzjoni artifiċjali ħafna u għandha titqies biss bħala l-ewwel reazzjoni sakemm kulħadd ikollu ċ-ċans li jifli ftit ir-riżultati daqsxejn iktar fil-fond.

Iċ-ċifri uffiċjali, per eżempju jgħidu li Alternattiva Demokratika kisbet 1.10% tal-voti mitfugħa f’dan ir-rawnd ta’ elezzjonijiet lokali. Dawn iċ-ċifri huma korretti imma ma jagħtux l-istampa rejali. Dan minħabba li AD ikkontestat biss f’7 lokalitajiet minn 34. Il-lokalitajiet li fihom AD ikkontestat l-elezzjonijiet nhar il-11 t’April l-anqas ma huma għal kollox l-istess lokalitajiet li fihom AD ikkontestat fl-2012 u allura ftit li xejn tista’ tagħmel paraguni.

Fil-Qala, fin-Nadur u f’Ħal-Qormi AD kisbet numru żgħir ta’ voti li huma kumparabbli kemm ma dawk miksuba fl-elezzjoni ġenerali kif ukoll, fejn applikabbli, ma’ parteċipazzjoni f’elezzjonijiet oħra tal-Kunsilli Lokali fl-istess lokalitajiet. F’dawn il-lokalitajiet mela jkun ġust li wieħed jikkonkludi li AD baqgħet fl-istess ilma.

Imma mhux l-istess jista’ jingħad fil-lokalitajiet l-oħra. F’Ħ’Attard reġa’ ġie elett għal darba oħra s-Segretarju Ġenerali ta’ AD Ralph Cassar li fl-ewwel għadd kiseb 7.3% tal-voti mitfugħa.  Mhux biss reġa’ ġie elett imma kiseb ammont ta’ voti iktar mis-soltu, u, iktar importanti minn hekk, wiret biżżejjed voti mingħand kandidati oħra (PN, PL u Indipendenti) biex ġie elett f’lokalita fejn il-Partit Laburista naqqas il-presenza tiegħu billi tilef kunsillier. Issa dan il-fatt għandu l-importanza tiegħu prinċipalment għax ifisser li Alternattiva Demokratika qed tikkonsolida l-egħruq tagħha f’dik iż-żona ta’ Malta li hi iktar sensittiva minn żoni oħra għal materji ambjentali.

Argumenti simili jistgħu jingħadu għal-lokalita’ ta’ San Ġiljan fejn il-kandidat ġdid u żgħażugħ Gulio Caruana irdoppja l-voti (ġieb 5.4%) li kisbet il-kandidat ta’ AD fl-istess lokalita fl-2012. Żieda simili kellu Simon Galea fuq San Pawl il-Baħar fejn irid jingħad li kienu bil-voti tiegħu, meta ġie eliminat, li l-PN seta jirbaħ il-lokalità ta’ San Pawl il-Baħar. L-istess kif kien ġara fil-Mosta fl-2012 bil-voti li dakinnhar kienu inkisbu minngħand Robert Callus.

Min-naħa l-oħra kienet esperjenza ġdida l-kandidatura taż-żgħazugħa Monique Agius fuq Ħaż-Żebbuġ li kisbet 3.1% tal-voti l-ewwel darba li kkontestat.

Dan kollu jrid ukoll ikun ikkunsidrat fl-isfond tad-49.6% miksuba mill-LE fir-referendum kontra l-kaċċa fir-rebbiegħa. Dan ir-referendum kien riżultat ta’ petizzjoni li bdiet Alternattiva Demokratika flimkien ma’ 13-il għaqda ambjentali fil-pajjiż. Fil-parti l-kbira tagħhom dawk li ivvutaw LE m’humiex votanti li soltu jivvutaw Alternattva Demokratika. Huwa ovvju li fil-parti l-kbira tagħhom is-soltu jivvutaw lill-partiti oħra. Ta’ l-inqas fil-konfront ta’ uħud, dan mhux bil-fors jibqa’ l-każ u dan in vista tal-kummenti diversi minn dawk li ma qablux mal-posizzjoni li ħadu l-partiti l-kbar.

Din hi storja li għad trid tiżviluppa matul it-tlett snin li ġejjin. Jekk tiżviluppax jew le f’ċaqlieq ta’ votanti min-naħa għall-oħra tal-ispettru politiku huwa kmieni biex jingħad imma l-ingredjenti biex dan iseħħ qegħdin hemm. Għandek persentaġġ għoli ta’ votanti li ma mxewx mad-direzzjoni indikata mill-mexxejja tal-partiti l-kbar. Għal uħud mhux importanti li kellhom opinjoni differenti mill-mexxejja. Imma għal oħrajn li ivvutaw LE fuq prinċipju tal-ħarsien tal-bijodiversita fir-rebbiegħa il-mistoqsijiet mhux imwieġba huma interminabbli. Huwa l-ewwel darba li l-partiti l-kbar kellhom l-opportunità li jagħmlu għażla ċara. Għamluha u issa ħadd ma għandu l-iskuża li ma jafx fejn hu.

Għax bla ma trid bil-fors tirrifletti u tistaqsi lilek innifsek : kif tista’ tieħu posizzjoni favur l-ambjent fir-referendum u mbagħad ma tagħtix l-istess piz lill-ambjent f’elezzjonijiet oħra?  Għal uħud mill-votanti ma hemm xejn ħażin li l-ambjent jingħata prijorita sekondarja, imma għal numru dejjem ikbar jidher li dan mhux il-każ.

Kemm hu kbir dan in-numru għad irridu naraw. Kliem l-ambjentalista Alan Deidun fis-Sunday Times ta’ nhar il-Ħadd li għadda huwa ċar:

“Effectively, the spineless stance taken by both PL and PN MP’s effectively meant that over 124,000 Maltese citizens were not represented by their elected parliamentarians, bar one. This is the boldest of statements about our political class…..the aspirations of such a large minority have only been voiced by a party – AD – which is not even represented in Parliament…..yet another quirk of democracy.”

Din hi l-isfida li Alternattiva Demokratika għandha quddiema bħala riżultat tal-votazzjoni tal-11 t’April. Hi opportunità unika li mhux ser tirrepeti ruħha fil-futur qarib. Il-futur ta’ Alternattiva Demokratika jiddependi fuq kemm ser tkun kapaċi matul ix-xhur li ġejjin taddatta ruħha biex issarraf din l-opportunità.

Bħala konsegwenza tar-riżultat tal-11 t’April diversi qed jinteressaw ruħhom iktar fil-ħidma ta’ Alternattiva Demokratika. Dan jawgura tajjeb għall-futur għax jagħti l-possibilità lill-Alternattiva Demokratika li torganizza ruħha aħjar, biex twassal b’mod iktar effettiv il-messaġġ tagħha li l-ħarsien tal-ambjent jiddetermina l-kwalità tal-ħajja ta’ kull wieħed u waħda minna peró l-iktar ta’ dawk fil-periferija tas-soċjetà.

Ir-riżultat tal-votazzjonijiet tal-11 t’April fih iċ-ċavetta li biha jistgħu jinfetħu ħafna bibien li illum huma magħluqa.

Dejjem sakemm ma tilħaqx tinbidel is-serratura.

7 kandidati ta’ Alternattiva għall-Kunsilli Lokali

AD Local Council candidates 2015

Alternattiva Demokratika nhar is-Sibt li ġej ser tippreżenta

7 kandidati għall-elezzjonijiet tal-Kunsilli Lokali.

Ħ’Attard : Ralph Cassar

Ħaż-Żebbuġ : Monique Agius

San Ġiljan : Julio Caruana

Ħal-Qormi : Henrik Piski

San Pawl il-Baħar : Simon Galea

In-Nadur : Toni Falzon

Il-Qala : David Camilleri

Il-Manifest : SOĊJETÀ EKOLOĠIJA KONTABILITÀ

 

SOĊJETÀ – Il-Kunsilliera ta’ Alternattiva Demokratika jaħdmu favur aktar investiment fil-libreriji pubbliċi u koperazzjoni mal-iskejjel u l-għaqdiet tal-lokalità biex iħeġġu l-qari. Jaħdmu biex jipproteġu l-ispazji miftuħa, biex fit-toroq residenzjali n-nies jieħdu prijorità u jiżdiedu l-aċċessibilità u s-sigurtà fit-toroq. Jaħdmu biex jippromwovu spazji fit-toroq u faċilitajiet għal min jimxi, juża r-rota, anzjani, persui b’diżabilità u ġenituri bi tfal żgħar. Jaħdmu biex ikollna toroq li jaqdu lin-nies. Jaħdmu biex jiżdied is-sens ta’ komunità u flimkien mal-għaqdiet tal-lokal jiġu organizzati attivitajiet kulturali, edukattivi u sportivi. Il-kunsilliera ta’ AD jaħdmu biex isiru tabelli jew pubblikazzjonijiet b’informazzjoni dwar postijiet storiċi fil-lokalità u jippromwovu r-restawr u l-użu mill-ġdid tagħhom. Il-prinċipju li jiggwida lill-kunsilliera ta’ AD huwa l-ġid komuni tas-soċjetà u l-bini ta’ sens ta’ komunità.

 

EKOLOĠIJA – Is-saħħa u l-kwalità tal-ħajja tar-residenti tiddependi mill-ambjent urban, għaldaqstant il-kunsilliera ta’ AD jaħdmu biex jitħawwlu aktar siġar indiġeni fit-toroq, art pubblika, u ġonna u fejn possibbli jsiru msaġar ġodda. Fejn possibbli jaħdmu biex jiżdiedu ż-żoni riżervati għan-nies permezz tal-pedestrijanizazzjoni, biex b’hekk ikollna arja aktar nadifa. Huwa fatt magħruf li s-siġar f’żoni urbani jgħinu biex tissaffa l-arja, jitnaqqas l-istorbju tat-traffiku u jnaqqsu l-effetti tas-sħana fis-sajf. Jiżdiedu l-bicycle racks madwar il-lokalità. Il-kunsilliera ta’ AD jaħdmu biex jiżdied ir-riċiklaġġ permezz ta’ kampanji ta’ informazzjoni u insistenza fuq l-infurzar. Jaħdmu biex jinġabar materjal ieħor regolarment għall-użu mill-ġdid jew għar-riċiklaġġ, pereżempju l-ħwejjeġ. Jaħdmu fuq il-kunċett tal-‘freecycling’. Jaħdmu biex fil-mixja lejn il-mira nazzjonali ta’ skart-zero fl-2050, isir pjan lokali dwar it-tnaqqis tal-iskart. Jaħdmu biex faċilitajiet u binjiet tal-Kunsill Lokali jużaw enerġija nadifa u mezzi ta’ konservazzjoni tal-ilma. Il-kunsilliera ta’ AD jagħmlu pressjoni biex ma jkomplix l-isfreġju tal-bliet u l-irħula tagħna u l-ftit kampanja li baqa’ u huma kontra kull estensjoni fiż-żoni tal-iżvilupp. Il-prinċipju li jiggwida l-kunsilliera ta’ AD huwa li ambjent nadif ifisser kwalità ta’ ħajja aħjar u saħħa aħjar.

 

KONTABILITÀ – Il-kunsilliera ta’ AD jimpenjaw ruħhom li jkunu ċari u tondi mar-residenti u jgħidu l-affarijiet kif inhuma. Jinsistu fuq responsabbiltà finanzjarja, jigifieri li l-Kunsill Lokali ma jidħolx għal xogħol jew proġetti li mhux sostenibbli finanzjarjament, bħal per eżempju l-public-private partnership dwar it-toroq li spċċa biex falla numru ta’ kunsilli. Il-kunsilliera ta’ AD iżommu kuntatt mar-residenti permezz tal-media soċjali, kuntatt personali u jaħdmu biex iżommu lir-residenti infurmati b’dak li qiegħed jiġri fil-lokalità. Il-prinċipju li jiggwida lill-kunsilliera ta’ AD huwa li t-trasparenza u s-serjetà fil-finanzi isaħħu d-demokrazija.

Wara Ralph Cassar u Marco Spiteri ……….

Shut-Up

Wara li l-FKNK ilmentaw minn kummenti ta’ Ralph Cassar (AD) u Marco Spiteri (PN) kunsilliera f’Ħ’Attard, il-Bord tal-Governanza tal-Kunsilli Lokali intervjena immedjatament.

Fil-kummenti tagħhom Ralph Cassar u Marco Spiteri qalu li fir-referendum abrogattiv li ser isir nhar il-11 t’April 2015 huma ser jivvutaw kontra l-kaċċa fir-rebbiegħa. Għandhom opinjoni u kienu kapaċi jesprimuha. Għax esprimew l-opinjoni tagħhom fuq il-facebook page tal-Kunsill Lokali ta’ Ħ’Attard jidher li tal-FKNK iddarsu u ilmentaw mas-Segretarju Parlamentari nkarigat mill-Kunsilli Lokali. Kitbu lil Josè Herrera flok ma kitbu lil Stefan Buontempo!

F’deċiżjoni li ta’ l-bieraħ, il-Bord tal-Governanza Lokali ddeċieda li l-Kunsilliera Lokali mhux biss għandhom “dritt” talli fuq kollox għandhom ukoll “id-dmir” illi jiftħu ħalqhom u jsemmgħu leħinhom.

Il-Kunsilliera Lokali, qal Dr Joe Mifsud, President tal-Bord ta’ Governanza Lokali, huma rapprezentanti tal-pubbliku, u l-pubbliku għandu dritt li jkun jaf kif jaħsbuha r-rappreżentanti tiegħu.

Ta’ l-inqas, għand hawn min għandu moħħu f’postu f’dan il-pajjiż.

Imma Kunsilliera hawn ħafna iżjed. Ikun tajjeb li wara Cassar u Spiteri jkun hemm iżjed li jsemmgħu leħinhom.  Mhux jibqgħu ħalqhom magħluq kif iriduhom tal-FKNK.

Il-kredenzjali demokratiċi tal-FKNK

Herrera-Farrugia - email

 

Wara li ilhom ix-xhur jikkampanjaw kontra d-dritt tal-Maltin li b’referendum iħassru r-regolamenti li jippermettu l-kaċċa fir-rebbiegħa l-FKNK issa jridu jneħħu kull dubju dwar il-kredenzjali demokratiċi tagħhom.

Kitbu lis-Segretarju Parlamentari Josè Herrera (għax għadhom ma ndunawx li r-responsabbilta’ tal-Kunsilli Lokali issa għaddiet f’idejn is-Segretarju Parlamentari Stefan Buontempo) u talbuh jieħu passi għax żewġ Kunsilliera fil-Kunsill Lokali ta’ Ħ’Attard (Ralph Cassar ta’ AD u l-Viċi Sindku Marco Spiteri tal-PN) qed jikkummentaw kontra l-kaċċa fir-rebbiegħa fuq il-facebook page tal-Kunsill Lokali.

X’jippretendu dawn: li jagħmlulna sarima ma ħalqna?

 

F’Tal-Mirakli : theddid u twissija

rape

(ritratt ta’ Newsbook.com.mt)

 

Dalgħodu Alternattiva Demokratika indirizzat konferenza stampa dwar il-bini li beda fl-area tal-Mirakli ġewwa Ħ’Attard fuq art li sal-2006 kienet barra miż-żona tal-iżvilupp.

Il-krew tal-PBS x’ħin kienu fi triqithom għal din il-konferenza kienu mhedda minn persuni li kienu qed jaħdmu fuq is-sit ta’ kostruzzjoni li dwaru saret il-konferenza stampa. Ara r-rapport tal-PBS hawn.

L-istqarrija maħruġa minn Alternattiva Demokratika wara l-konferenza stampa intqal kif ġej :

Il-proprjeta’ vojta: sinjal ta’ twissija

L-ammont ta’ proprjetajiet residenzjali vojta hu sinjal ta’ twissija. Bi 72,150 unit residenzjali vojt ma nistgħux nibqgħu nibnu iżjed art li sa ftit ilu kienet barra miż-żona ta’ żvilupp. Hekk qal Carmel Cacopardo, Deputat Chairperson u kelliemi ta’ Alternattiva Demokratika għall-Iżvilupp Sostenibbli u l-Intern, fl-inħawi Tal-Mirakli f’Ħ’Attard huwa u jindirizza konferenza stampa dwar il-pjani lokali u r-razzjonalizzazzjoni tal-iskemi ta’ żvilupp.

Il-konferenza stampa saret quddiem medda art li saret skedata għall-bini bħala riżultat tal-proċess ta’ razzjonalizzazzjoni li l-Gvern immexxi mill-PN wettaq fl-2006. Din l-art sa dakinnhar kienet parti minn “green belt” . Fuq din l-art fit-18 ta’ Lulju 2013 il-MEPA ħarġet permess biex jinbnew 24 garage u store fil-basement u 19 il-unit residenzjali fil-ħames sulari l-oħra (6 maisonettes, 9 flats u 4 penthouses).

Cacopardo żied jgħid li “dan kollu qed isir minkejja li preżentement f’Malta hawn 72,150 unit residenzjali vojt. Żieda sostanzjali fuq it-53,136 proprjeta’ vojta fl-2005 u l-35,723 fl-1995.”

“Alternattiva Demokratika,” kompla jgħid Cacopardo “ma taqbilx li dawn l-artijiet jinbnew. Pajjiżna ma jistax jibqa’ jissagrifika iktar art biex fuqha jinbnew iktar residenzi meta fiċ-ċensiment ta’ sentejn ilu kienu identifikati 72,150 post residenzjali vojt. M’għandniex bżonn nibnu fuq skala kbira għal ħafna snin. Fil-kuntest tar-reviżjoni tal-pjani lokali Alternattiva Demokratika jidhrilha li għad baqa’ cans żgħir biex nirrimedjaw. Dan jista’jsir billi l-iskema tar-razzjonalizzazzjoni tispiċċa u l-art li kienet hekk identifikata ma tibqax tajba ghall-bini. Huwa importanti ukoll li nifhmu li ma jagħmilx sens li jkollna iktar proġetti massiċċi ta’ żvilupp residenzjali. Il-kwantita’ ta’ propjeta’ residenzjali vakanti għandha tkun fattur ewlieni u l-bażi ta’pjani lokali ġodda.”

Ralph Cassar, Segretarju Generali ta’ Alternattiva Demokratika u Kunsillier fil-Lokalita ta’ Ħ’Attard qal li “l-bini bla rażan li għaddej kif ukoll il-fatt illi hawn numru kbir ta’ proprjetajiet vojta qed joħloq pressjoni żejda fuq l-infrastruttura tal-lokalitajiet. Ħ’Attard mhux eċċezzjoni għal dan. Il-flejjes li ser ikunu meħtiega għall-izvilupp u ż-żamma f’kundizzjoni tajba tal-infrastruttura li taqdi dawn it-72,150 post residenzjali vojt setgħu faċilment intużaw biex titjieb l-infrastruttura eżistenti. Iż-żieda fin-numru ta’ propjetajiet residenzjali vojta,” ikkonkluda Cassar, “barra milli toħloq impatti ambjentali inaċċettabbli, hi ukoll ħela ta’ fondi pubbliċi.”

Ic-Chairperson ta’ Alternattiva Demokratika, il-Prof  Arnold Cassola, ikkonkluda  billi qal: “Bil-konċessjoni ta’ żieda ta’ żewg sulari lil-lukandi, bit-tiġdid awtomatiku sa Marzu 2014 tal-permessi ta’ żvilupp li l-MEPA ħarget minn Awwissu 2006 lil hawn, kif ukoll bil-ħrug ta’ diversi permessi għal żvilupp insostenibbli bħal dak ta’ Sqaq Żbibu f’San Gwann, il-MEPA għan-nom tal-gvern qed turi bil-fatti li ma jimpurtahiex mid-drittijiet tar-residenti. Jidher li issa huwa ż-żmien tal-ħlas lura ta’ dak dovut lill-industrija tal-bini talli għenet lill-partit illum fil-gvern qabel l-elezzjoni.”

Kulħadd iħokk fejn jieklu

scratching

Iktar kmieni din il-ġimgħa f’dan il-blog, fi blogpost intitolat Alternattiva Demokratika: ħarsa l-quddiem jiena għidt li kont fi ħsiebni inwarrab mit-tmexxija ta’ Alternattiva Demokratika. Diversi interpretaw dak li għidt bħala li ser inwarrab mill-politika.

Jiena għidt biss li kien wasal iż-żmien li nagħmel il-wisa’ għal min hu iżgħar minni għax hemm bżonn demm ġdid u iktar enerġija.

Jiena għandi obbligu lejn il-membri ta’ AD kif ukoll lejn dawk kollha li ivvutaw lill-AD u dan l-obbligu fi ħsiebni inwettqu. Inkun irresponsabbli jekk naġixxi mod ieħor. Irrid inwassal lill-AD sal-Laqgħa Ġenerali Annwali qawwija u sħiħa biex b’serenita tagħżel team ġdid. Mhux ser inwarrab mill-ewwel mit-team, imma ser nibqgħa nagħti l-kontribut tiegħi u dan flimkien mal-kontribut ta’ bosta oħrajn.

Il-bieraħ mexxejt laqgħa tal-Kumitat Eżekuttiv ta’ Alternattiva Demokratika. Iddiskutejna l-ħidma tal-partit f’laqgħa kemmxejn twila li fiha kien hemm parteċipazzjoni wiesa’.  Qbilna li l-ħafna tajjeb li għandha Alternattiva Demokratika jista’ jħalli iktar frott jekk intejbu l-qafas amministrattiv. Hu meħtieġ li norganizzaw ruħna aħjar.

Biex dan ikun jista’ jsir hemm ħtieġa li noħolqu spazju iktar għal dawk kollha li jridu u jistgħu jagħtu kontribut. L-unika riżorsi li għandha Alternattiva Demokratika huma dawk il-persuni li jagħtuha appoġġ. Matul il-ġranet li ġejjin is-Segretarju Ġenerali ta’ Alternattiva Demokratika Ralph Cassar ser jibda l-proċess li bħala riżultat tiegħu għandna naslu għal parteċipazzjoni iktar wiesa’ tal-membri u ta’ dawk kollha li jixtiequ jagħtu l-appoġġ tagħhom lill-AD.

Sadanittant ħadna ukoll deċiżjoni li l-Laqgħa Ġenerali Annwali issir matul ix-xahar ta’ Mejju 2013. Probabilment li issir nhar l-24 ta’ Mejju. Id-data tkun ikkonfermata iktar tard.

Jiena ser nibqa’ nagħti l-kontribut tiegħi biex it-transizzjoni fit-tmexxija tkun bla skossi. Meta imbagħad din it-transizzjoni tkun seħħet inkun nista’ nara aħjar fejn ikun meħtieġ il-kontribut tiegħi fil-partit. Hemm bosta x’nista’ nagħmel. M’għandi l-ebda intenzjoni li nisparixxi.

Fil-Parlament ma’ Franco Debono

 

Illum wara nofsinnhar jiena, Michael Briguglio u Ralph Cassar għan-nom ta’ Alternattiva Demokratika ħadt sehem f’diskussjoni  dwar l-abbozz ta’ Liġi li Franco Debono stess ippreżenta fil-Parlament dwar il-finanzjament tal-Partiti Politiċi.

Iltqajna mal-Kumitat Magħżul tal-Parlament immexxi minn Franco Debono u magħmul ukoll mill-Onor. Francis Zammit Dimech u l-Onor Jose’ Herrera. Kienu preżenti ukoll rappreżentanti tal-PN u rappreżentanti tal-PL  u xi mistednin oħra.

L-inizzjattiva hi flokha. Id-diskussjoni tal-lum kienet waħda ta’ natura ġenerali kif jixhdu ir-rapporti fil-media li irrappurtaw id-diskussjoni (Times, Malta Today u Di-ve).

Fil-prinċipju irrid ngħid li Alternattiva Demokratika taqbel mal-proposta ta’ Franco. Irrid imma ngħid li hemm numru ta’ dettalji importanti li jeħtieġu diskussjoni fit-tul u possibilment li l-proposti in kwistjoni jkunu ikkunsidrati mill-ġdid.

Ta’ importanza kbira hi ir-rwol propost għall-Kummissjoni Elettorali biex tirreġistra l-Partiti Politiċi kif ukoll biex tkun ir-regulatur finanzjarju tal-Partiti Politiċi.

Id-diffikulta toħroġ mill-fatt li l-Kummissjoni Elettorali hi maħtura esklussivament miż-żewġ partiti politiċi l-kbar (il-PN u l-PL).  Żewġ partiti li kontinwament jużaw il-proċess elettorali biex jeskludu partiti oħra kif jixhdu l-emendi elettorali li saru tul is-snin liema emendi huma marbutin ma’ Parlament b’żewġ partiti politiċi.

F’laqgħat oħra  ser nidħlu iktar fil-fond fuq id-dettalji tal-abbozz bit-tama li nsibu linja komuni fejn dak li naqblu dwaru insbu kliem addattat li jesprimih.

Wara l-laqgħa Alternattiva Demokratika għaddiet lil Franco Debono bħala Chairman ta’ dan il-Kumitat Magħżul tal-Kamra tad-Deputati proposti għal tibdil fil-Kostituzzjoni dwar l-elezzjoni ġenerali. Imma dwar dan ngħidilkom darba oħra.