Meta Abela u l-PN kienu jħokku dahar xulxin

Robert Abela hu s-suġġett kurrenti tal-billboards tal-PN. Imma, bħal ma jiġri dejjem, il-kampanja tal-PN fuq il-billboards tgħid biċċa waħda żgħira mill-istorja vera. Tiffoka fuq il-ġid li akkumula Abela permezz tal-kuntratti ta’ xogħol professjonali assoċjat mal-Gvern, speċjalment permezz tal-Awtorità tal-Ippjanar.  Il-billboard iwassal il-messaġġ politiku li Robert Abela jiġi jaqa’ u jqum u li huwa insensittiv. Jgħidilna li filwaqt li hu għamel żmien jiffanga bi dħul ta’ €17,000 fix-xahar int tikkrepa b’żieda miżera ta’ €1.75 fil-ġimgħa għall-għoli tal-ħajja.

Il-punt bażiku reali, imma, li l-billboard jinjora kompletament hu kif il-PLPN jimmanipulaw il-finanzi tal-pajjiż u l-proċeduri tax-xiri ta’ servizzi biex iżommu lill-ħbieb kuntenti u lill-għedewwa taħt kontroll.

Il-billboard tal-PN, jgħidilna li l-uffiċċju legali ta’ Robert Abela, xi żmien ilu, kellu dħul ta’ mhux inqas minn €17,000 fix-xahar mis-servizz professjonali legali li kien jagħti lill-Awtorità tal-Ippjanar. Il-billboard, imma,  ma jgħidilna xejn dwar kif dan kollu oriġina minn sejħa għal espressjoni ta’ interess u sussegwentement direct order lil George Abela li kienet imbierka mill-Gvern immexxi minn Lawrence Gonzi.   Dan seħħ fi żmien meta Abela ma kienx f’relazzjoni tajba la mal-Partit Laburista u inqas u inqas mat-tmexxija tal-istess partit!

F’sezzjoni tal-media kien irrappurtat li dan kollu beda fl-istess żmien meta George Abela aċċetta l-istedina biex jifforma parti mill-core group, parti mill-proċess preparatorju li kellu jwassal biex Malta tissieħeb fl-Unjoni Ewropea. George Abela ipparteċipa f’dan il-core group minkejja li l-Partit Laburista, li tiegħu sa ftit qabel hu kien Deputy Leader, kien jopponi din il-proposta b’qilla kbira.

Meta George Abela kien nominat u sussegwentement ġie appuntat President tar-Republika mill-Gvern ta’ Lawrence Gonzi, ibnu Robert ħa f’idejh it-tmexxija tal-uffiċċju legali ta’ missieru. Huwa u jagħmel dan, avukat ieħor li kien sħab ma’ George Abela spiċċa barra. Jingħad li ma qablux fuq kif ser jaqsmu dak li jdaħħal l-uffiċċju! Ftit wara, dan l-avukat l-ieħor spiċċa CEO tal-Awtorità tal-Ippjanar. Min hawn il-quddiem il-familja Abela ma kelliex diffikulta biex tgawdi r-rigal sostanzjali tal-Gvern ta’  Lawrence Gonzi. Il-familja Abela setgħet isserraħ rasha għax fil-mument tal-bżonn il-Gvern ta’ Lawrence Gonzi kien hemm għall-għajnuna. Wara kollox, mhux għalhekk qegħdin il-ħbieb?  

Ta’ Abela kienu attentissimi li ħobżhom jieħdu ħsiebu sewwa! Dejjem irnexxielhom!  Biex jaslu iddefendew kull taħwid fl-ippjanar għall-użu tal-art tul is-snin, kemm dak taħt il-Gvern ta’ Gonzi kif ukoll dak taħt is-suċċessur tiegħu Joseph Muscat.

Tul is-snin id-direct order lill-uffiċċju legali tal-familja Abela mhux biss ġie ikkonfermat, talli kiber fl-iskop u fil-ħlas li ġġenera.

Waqt dan kollu kien hemm leħen wieħed kritiku ta’ dak li kien qed jiġri: kien kritiku tad-direct order tal-Awtorità tal-Ippjanar lill-uffiċċju legali tal-familja Abela. Dan kien Joe Mizzi,  l-Membru Parlamentari Laburista mill-Kalkara. Kien qiesu seqer, jaf x’inhu jiġri, għax hu kien ir-rappresentant tal-Opposizzjoni Laburista fuq il-Bord tal-Awtorità tal-Ippjanar.

Joe Mizzi dam ftit mhux ħażin biex ħa tweġiba għal dan kollu. Dan seħħ meta tħalla barra minn l-ewwel Kabinett ta’ Robert Abela liema Kabinett tħabbar nhar il-15 ta’ Jannar 2020!  Imma sa dak in-nhar hu kien ilu jappoġġa l-kandidatura ta’ Chris Fearne għat-tmexxija tal-Partit Laburista.

Din hi l-istorja li l-billboard jaħbi. Storja ta’ kemm meta kien meħtieġ il-familja Abela u l-PN kienu  jħokku dar xulxin!

ippubblikat fuq Illum: il-Ħadd 6 ta’ Frar 2022

Abela’s bread: buttered on both sides!

Robert Abela is the current billboard boy of the PN. The PN’s campaign, all over their billboards, however, only emphasises part of the real story: it is focused on Abela’s wealth generated through government contracts, specifically through the Planning Authority. It makes the political point that Robert Abela does not care. He is insensitive, states the billboard: he gluttons through €17,000 per month; you get a miserly €1.75 per week cost of living increase.

The real basic issue however, conveniently avoided by the billboard, is how the PLPN manipulate the country’s finances and procurement procedures to keep friends happy and foes on a leash.

The PN billboard points to the fact that the legal office of Robert Abela, at a recent point in time, had an income of at least €17,000 per month from legal services rendered to the Planning Authority.  The billboard does not, however, in any way indicate, that the contract was originally the result of an expression of interest and subsequently of a direct order. This was carried out with the compliments of the Lawrence Gonzi led PN government to George Abela, Robert’s father, at a time when the Abelas had very sour relations with the Labour Party and its leadership!

Sections of the media have reported that this lucrative relationship commenced at the same time that George Abela accepted the invitation to take part in the EU accession core group, part of the preparatory process leading to Malta’s accession to the European Union. George Abela participated in this core group notwithstanding that, the Labour Party, of which some time previously he had been deputy leader, was an aggressive opponent of the EU accession proposal. I am informed that additional members of the core group were Harry Vassallo, Lino Briguglio, Joe Saliba and Godfrey Baldacchino.

When George Abela was nominated and appointed President of the Republic by the Gonzi Government, his son Robert took over the running of the law firm. In the process the other lawyer who was a partner in the Abela law firm was immediately squeezed out of the firm. It is rumoured that they disagreed on the distribution of the profits of the law firm. As a result, the other lawyer was offered and he eventually assumed the role as CEO of the Planning Authority. The Abelas consequently had no obstacle to retaining full control of the lucrative gifts of the Lawrence Gonzi government. The Abelas had their mind at rest that at times of need Lawrence Gonzi and his government could always be relied upon. After all that is what friends are for!

The Abelas always sought to have their bread buttered on both sides. They were quite successful in this respect throughout the years. In the process they defended tooth and nail many a planning mess, both those created by the Gonzi government as well as also those created by his successor Joseph Muscat.

The PN direct order to the Abela law firm was confirmed throughout the years and widened in scope. The payments made increased accordingly.

I remember one solitary voice at that time denouncing the lucrative direct order of the Planning Authority to the Abela law firm: it was the Kalkara Labour MP Joe Mizzi. Joe Mizzi knew what was going on from day one: he was the representative of the Labour Party Parliamentary Opposition on the Board of the Planning Authority.

Payback for Joe Mizzi took quite some time to arrive. He was left out of the first Robert Abela Cabinet on the 15 January 2020!  But by then he had also endorsed Chris Fearne in the Labour leadership contest.

This is the real background to the billboard boy’s story!

published in the Malta Independent on Sunday : 5 February 2022

Turiżmu li jagħti kas lin-nies

Id-dibattitu dwar l-impatti tat-turiżmu hu wieħed li ma jispiċċa qatt. X’impatti soċjali u ambjentali huma ġustifikabbli minħabba l-gwadann ekonomiku tat-turiżmu? Ir-riżorsi tal-pajjiż, fi ftit kliem x’numru ta’ turisti jifilħu?

Iktar kmieni din il-ġimgħa, Tony Zahra, President tal-MHRA (l-Assoċjazzjoni Maltija tal-Lukandi u r-Restoranti) kien kritiku dwar in-numru ta’ turisti u l-impatt tagħhom. Kien rappurtat li qal li n-numru ta’ turisti li qed jiġu Malta kien qed jikber wisq. Emfasizza li l-pajjiż ma jiflaħx għall-impatti li jiġġeneraw daqshekk turisti. L-interess ta’ Tony Zahra fit-turiżmu dejjem kien limitat għall-impatt fuq dawk li joperaw il-lukandi: fejn Zahra għandu l-interessi finanzjarji tiegħu. Għadni qatt ma smajt lill- MHRA u lil Tony Zahra, per eżempju, jinkoraġixxu l-agri-turiżmu, u l-importanza ta’ dan (kieku jsir sewwa) biex jiddiversifika b’mod sostenibbli l-prodott turistiku Malti.

Kważi simultanjament għall-kummenti ta’ Tony Zahra, l-Istitut tal-Università ta’ Malta dwar il-Gżejjer u l-Istati Żgħar (The Islands and Small States Institute) ippubblika studju tal-Professuri Lino Briguglio u Marie Avellino, intitolat : Has overtourism reached the Maltese Islands?

Fl-istudju tagħhom, Briguglio u Avellino jagħtu daqqa t’għajn u jidentifikaw dak li għaddej fit-turiżmu u jidentifikaw l-argumenti kritiċi li qed ikunu żviluppati dwar il-materja. Turiżmu li qed jikber iżżejjed (overtourism) u l-biża’ mit-turiżmu (tourismphobia) huma termini li qed jintużaw bi frekwenza li qed tiżdied biex jiddeskrivu l-impatti soċjali negativi li qed jiżviluppaw bħala riżultat ta’ turiżmu li qed jikber kważi bla rażan. Kien fl-2008 li l-antropologu Katalan Manoel Delgado ddeskriva it- turistofobia bħala taħlita ta’ stmerrija, nuqqas ta’ fiduċja u tmaqdir tat-turiżmu.

Fl-istudju ta’ Briguglio u Avellino hu analizzat stħarriġ li għalih, 51% ta’ dawk li wieġbu qalu illi ma jixtiqux jaraw iktar turisti fil-belt jew raħal tagħhom. L-awturi jinterpretaw dan bħala li jindika li t-turiżmu f’Malta kiber wisq (overtourism), avolja jqisu li l-kampjun ta’ dawk li wieġbu l-istħarriġ hu ftit dgħajjef minħabba li mhux rappresentattiv b’mod adegwat.

Fost l-affarijiet li qed jikkontribwixxu għall-iżvilupp ta’ din il-biża mit-turiżmu hemm il-pressjonijiet soċjali u l-impatti ambjentali (kemm skart b’mod ġenerali kif ukoll il-kontribut għal attività esaġerata tal-industrija tal-kostruzzjoni), konġestjoni tat-traffiku, storbju, it-theddida tat-telf tal-identità kulturali u konflitti soċjo-kulturali.

L-MHRA, kif indika Tony Zahra, tidher li hi tal-istess fehma, avolja Zahra tkellem b’mod ġenerali u evita li jitkellem fid-dettall. L-interess tiegħu, wara kollox, hu l-impatt fuq il-but tal-membri tal-MHRA.

L-istudju ta’ Briguglio u Avellino jemfasizza l-ħtieġa li l-politika dwar it-turiżmu għandha tfittex li tindirizza l-impatti negattivi tal-industrija. Dan mhux biss biex tkun indirizzat il-kwalità tal-ħajja tar-residenti lokali imma ukoll biex l-esperjenza tat-turist tkun waħda aħjar u awtentika. It-triq ‘il-quddiem, jgħidulna Briguglio u Avellino, hi d-demokratizzazzjoni tal-iżvilupp turistiku u dan billi jkun inkoraġġit l-impenn tar-residenti milquta fil-komunitajiet tagħna. L-awturi ma jidħlux f’dettall biex jispjegaw dan kollu x’jista’ jfisser. Għandna nifhmu, iżda, li l-proċess tat-teħid tad-deċiżjonijiet kollha li jikkonċernaw l-iżvilupp tat-turiżmu għandhom ikunu soġġetti għal skrutinju pubbliku kontinwu. Dan m’għandux ifisser biss is-sehem tar-residenti milquta f’dan l-iskrutinju imma fuq kollox li dak li jgħidu jkun rifless fid-deċiżjonijiet li jittieħdu.

Permezz tad-demokratizzazzjoni tal-iżvilupp turistiku, hu iktar possibli li l-interessi u aġendi konfliġġenti fit-turiżmu jkunu indirizzati. Bħala riżultat ta’ dan, l-imprenditur li jħares lejn il-qliegħ immedjat ikollu jiffaċċja r-realtajiet soċjali u l-impatti ambjentali u kulturali tal-ħidma tiegħu. Bħalissa l-operaturi turistiċi jimpalaw il-profitti u aħna, l-bqija, ndewwu l-feriti soċjali, kulturali u ambjentali li jkunu ħolqu b’ħidmiethom.

It-turiżmu mhiex attività li issir f’bozza. Isseħħ f’komunità magħmula min-nies li għandhom ikollhom l-assigurazzjonijiet kollha neċessarji li l-kwalità tal-ħajja tagħhom mhux ser taqla’ daqqa l-isfel bħala riżultat. It-turiżmu mhux dwar numri ta’ turisti, miljuni ta’ ewro li jintefqu inkella dwar il-kontribut lejn il-Prodott Gross Nazzjonali. Hu ukoll dwar il-kwalità tal-ħajja tagħna lkoll.

It-turiżmu sostenibbli huwa primarjament dwar in-nies u mhux dwar il-profitt. Stennejna iktar minn biżżejjed biex dawk li huma effettwati jkunu assigurati li l-ħajja tagħhom ma tibqax imtappna minn dawk li jaraw biss il-flus. Biex dan iseħħ ma hemm l-ebda alternattiva għajr li l-iżvilupp turistiku jkun demokratizzat.

 

Ippubblikat fuq Illum: il-Ħadd 11 t’Awwissu 2019

The democratisation of tourism

The debate on the impacts of tourism is never-ending. To what extent does the economic impact of tourism justify its social and environmental impacts? What is the carrying capacity of our islands, that is, what is the number of tourists with which our resources can reasonably cope?

Earlier this week, Tony Zahra, President of the Malta Hotels and Restaurants Association (MHRA) sounded the alarm: he was reported as saying that the number of tourists visiting Malta was too high. He emphasised that it is substantially exceeding the limits of what the country can take sustainably. Tony Zahra’s interest in tourism is limited to the impacts on hotels and hoteliers, his bread and butter. I have yet to hear the MHRA and Tony Zahra advocating agri-tourism, for example, and its importance in diversifying Malta’s tourism product sustainably.

Almost simultaneously The Islands and Small States Institute of the University of Malta published a Paper authored by Professors Lino Briguglio and Marie Avellino, entitled: Has overtourism reached the Maltese Islands?

In their Paper Briguglio/Avellino skim though the issues, identifying the trends and an ever-growing literature on over-tourism. “Over-tourism” and “tourismphobia” are increasingly used as terms to describe the emergence of social discontent with the pressures linked to tourism growth. It was way back in 2008 that  the Catalan anthropologist Manoel Delgado had described turistofobia as a mixture of repudiation, mistrust and contempt for tourists.

In a survey which is discussed in the Briguglio/Avellino paper, 51 per cent of respondents said that they did not want to see more tourists in their town or village. The authors interpret this as indicating the existence of over-tourism in the Maltese islands, even though they consider the sample of respondents as being weak and not adequately representative.

Among the issues contributing to this developing tourist phobia are social discomfort, environmental degradation (including both generation of waste and excessive construction activity), traffic congestion, noise, the loss of cultural identity and socio-cultural clashes.

The MHRA, as indicated by its President Tony Zahra, seems to be on the same wavelength although Tony Zahra limits himself to speaking in general terms, as his primary interest is the financial bottom-line of MHRA members.

The Briguglio/Avellino paper points at the need for tourism policy to consider mitigating the negative impacts of tourism. This could address not just the well-being of the local residents but also the tourist experience. The democratisation of tourism development through encouraging the active participation of the residents suffering the impact in our communities, opine Briguglio/Avellino, could be the way forward. The authors do not go in detail as to what the “democratisation of tourism development” would actually mean. It is, however, understood that the decision-making process of tourism development should be subjected to more public scrutiny by the community suffering from the impact and, that the views of the community are not only heard but acted upon.

Through the democratisation of tourism development, the conflicting interests and agendas involved in tourism must be addressed. As a result, the short-term gains of tourism entrepreneurs would be compelled to face the reality of social responsibility, as well as cultural and environmental costs. So far, the tourism operators pocket the profits and we, the rest, face the impacts.

Tourism is not an activity that happens in a vacuum. It takes place in a community of persons, who should be assured that their quality of life is not impacted negatively upon as a result of the experience. Tourism is not just about numbers of tourists, or the millions of euros spent or a contribution to the Gross National Product: it is also about our quality of life.

Sustainable tourism is primarily about people – not about profit! Is it not about time that those feeling the impacted are involved in ensuring that their lives are not made miserable by others whose vision is limited to euros on the horizon?

The democratisation of touristic development is the only way forward.

 

published on the Malta Independent on Sunday: 11 August 2019