Messhom ilhom li nqaflu Kordin

Din kienet waħda minn dawk il-ġimgħat li kellu f’moħħu  Harold Wilson mexxej Laburista fir-Renju Unit meta kien emfasizza li fil-politika, ġimgħa hu perjodu twil ħafna.

Hemm żewġ ġrajjiet partikolari li spikkaw din il-ġimgħa. L-ewwel waħda hi d-determinazzjoni tal-Kap tal-PN Adrian Delia li jkisser il-partit li għadu jmexxi. It-tieni grajja hi r-rapport tal-Uffiċċju Nazzjonali tal-Verifika  (NAO) dwar il-konċessjoni mogħtija lil  Vitals Global Healthcare (VGH) mill-Gvern Malti. Ir-rapport tal-NAO ikkonkluda li bejn il-Gvern u l-Vitals Global Healthcare kien hemm ftehim jew arranġamenti bil-moħbi, minn wara dahar kulħadd.

Kemm il-Partit Laburista fil-Gvern kif ukoll il-Partit Nazzjonalista fl-Opposizzjoni bħalissa huma fi stat ta’ taħwid kbir, li, kif qalet l-Assoċjazzjoni Maltija ta’ min Iħaddem f’nofs il-ġimgħa, jista’ jkollu impatti gravi li jwasslu għal kollass politiku u istituzzjonali. Il-Gvern Laburista ilu bi sħab ma dawk li jfittxu li jqaxxru il-kaxxa nazzjonali għal dawn l-aħħar seba’ snin. In-nuqqas ta’ Opposizzjoni Parlamentari li kapaċi taġixxi għamlitha iktar faċli mhux biss biex il-Labour jevita l-kontabilità imma fuq kollox biex ikompli jfittex opportunitjaiet ġodda  biex tkompli tinselaħ il-kaxxa ta’ Malta.

Konrad Mizzi u Joseph Muscat flimkien ma’ dawk li kienu jħufu madwarhom messhom ilhom li nqaflu Kordin: Konrad ta s-sehem tiegħu fil-ħolqien tal-opportunitajiet  mimlijin b’dellijiet ta’ korruzzjoni ta’ kull xorta u Joseph  li kontinwament ipproteġieh. Inkoraġġew stat Mafjuż. Dawk li jmexxu bil-kontijiet u kumpaniji fil-Panama b’dikjarazzjonijiet li ser ikunu f’posizzjoni li jiddepożitaw €5000 kuljum f’dawn il-kontijiet.

L-elezzjoni riċenti għat-tmexxija Laburista intilfet minn dawk li riedu jitfuhom ġewwa. Rebħet il-kampanja favur il-kontinwità: għax din kienet tagħti tama lil min kien jippreferi li tibqa’ l-protezzjoni.

L-investigazzjoni tan-NAO dwar il-kuntratti tal-Vitals Global Healthcare (VGH) intalbet mill-Union Ħaddiema Magħqudin (UĦM). Ir-rapport hu intitolat “An audit of matters relating to the concession awarded to Vitals Global Healthcare by Government. Part 1: A review of the tender process.” Il-fatt li dan hu biss l-ewwel parti jfisser li għad hemm ħafna iktar informazzjoni li qed tistenna li tkun magħrufa.

Ir-rapport ta’ 219 paġna huwa wieħed dettaljat. Il-punt bażiku hu li saħansitra qabel mal-Gvern ħareġ is-sejħa għall-proposti (Request for Proposals) kien diġa ftiehem mal- Vitals Global Healthcare permezz ta’ ftehim sigriet li l-Gvern m’għaddiex kopja tiegħu lill-Ufficcju Nazzjonali tal-Verifika (NAO). Imma mill-verifika ħareġ li l-Vitals Global Healthcare, mas-sottomissjonijiet bi tweġiba għas-sejħa għall-proposti, ippreżenta ittra mill-Bank of India bħala garanzija li kellu aċċess għall-finanzi meħtieġa għall-“Malta Healthcare Project”. Din l-ittra, imma, kellha data li kienet ħmistax-il ġurnata qabel ma ħarġet is-sejħa tal-Gvern Malti dwar il-proġett.  L-eżistenza ta’ dan id-dokument wasslet lill-Uffiċċju Nazzjonali tal-Verifika (NAO) biex jikkonkludi li din kienet prova “of the VGH’s prior knowledge of the planned project and proof of collusion with Government, or its representatives.”

Din hi l-agħar kundanna possibli tal-proċess tax-xiri użat mill-Gvern u tat-tidwir mal-proċess li jitħaddem normalment taħt id-direzzjoni tad-Direttur tal-Kuntratti: responsabbiltà politika tal-Ministru tal-Finanzi Edward Scicluna.

Is-swaba’ kollha jippuntaw lejn Konrad Mizzi, issa konvenjentement imkeċċi mill-Grupp Parlamentari Laburista, u tal-protettur tiegħu Joseph Muscat. Imma Edward Scicluna ukoll għandu responsabbiltà politika għal dak li messu għamel u m’għamlux.

Wara kollox kien riċentement, nhar il-Ġimgħa  26 ta’ Ġunju 2020 li  Edward Scicluna, huwa u jirċievi ir-rapport annwali għall-2019 tal-Bord li jikkunsidra appelli minn deċiżjonijiet dwar tenders fis-settur pubbliku (Public Contracts Review Board – PCRB), emfasizza dwar il-ħtieġa li l-Ministeri differenti jeħtieġ li jieħdu ħsieb u jindukraw il-professjonisti fil-qasam finanzjarju tant meħtieġa biex jissorveljaw in-nefqa pubblika. Dakinnhar kien saħaq li l-pajjiż kien kommess għall-għola livelli ta’ kwalità.

Ir-rapport tal-Uffiċċju Nazzjonali tal-Verifika dwar il-Vitals Global Healthcare (VGH) malajr qallu x’kienu dawn l-ogħla livelli ta’ kwalità li għalihom għandu responsabbiltà politika Edward Scicluna!

Il-Prim Ministru Robert Abela ipprova jdaħħaq meta qal li r-rapport dwar il-Vitals Global Healthcare mill-Uffiċċju Nazzjonali tal-Verifika kien prova ta’ kemm jaħdmu l-istituzzjonijiet.  Naħseb li l-iktar konklużjoni importanti li wieħed jista’ jislet mir-rapport hu li Joseph Muscat irnexxielu jittrasforma lill-Partit Laburista u l-Gvern immexxi minnu f’bejta tal-ħallelin: verżjoni moderna ta’ Ali Baba u l-erbgħin ħalliel. Il-fatt li Robert Abela ippreżenta ruħu bħala l-kandidat tal-kontinwità jfisser ħafna, għal min irid jifhem.

Ippubblikat fuq Illum: il-Ħadd 12 ta’ Lulju 2020

Lock Them Up

This has been one of those weeks which former UK Labour leader Harold Wilson had in mind when he emphasised that a week is a long time in politics.

Two specific actions stick out. The first is the determination of PN Leader Adrian Delia to splinter the party, which he still leads, into insignificance. The second being the National Audit Office (NAO) report on the concession awarded to Vitals Global Healthcare (VGH) by the Maltese Government. The NAO report concluded that there was collusive behaviour between government and Vitals Global Healthcare.

Both the Labour Party in government as well as the Nationalist Party in Opposition are in a state of a disorganised mess, which, as rightly pointed out by the Malta Employers Association mid-week, could easily lead to a political and institutional meltdown. The Labour Government has been in cahoots with those seeking to make a quick buck at the expense of the public purse for the past seven years. The absence of a Parliamentary Opposition worthy of the name has made it easier not just to avoid accountability but also to come back for more.

Konrad Mizzi and Joseph Muscat together with their accomplices should have been behind bars long ago: the former for directing the plundering of the public purse, the latter (at least) for protecting him. They have given rise to a Mafia state. Those who ought to govern plunder openly thereby transmitting the clear message that “crime pays”.

The recent contest for the Labour leadership was lost by those campaigning under the unofficial slogan “lock them up”. The continuity campaign won as it was the safest bet ensuring “more of the same”, or at least, the possible protection of what has been plundered.

The NAO investigation and the resulting report on the award of the contracts to Vitals Global Healthcare (VGH) was requested by the trade union Union Ħaddiema Magħqudin (UĦM). The report is entitled “An audit of matters relating to the concession awarded to Vitals Global Healthcare by Government. Part 1: A review of the tender process.” The fact that this is just Part 1 indicates that there is much more waiting to be known.

The 219 page NAO report is quite detailed. The basic point raised is that even before it issued its “Request for Proposals” government had already agreed with Vitals Global Healthcare through a secret agreement which, for obvious reasons, it did not make available to the NAO. NAO however identified that VGH, in reply to the “Request for Proposals”, submitted a letter from the Bank of India as proof of access to finance for the “Malta Healthcare Project” which letter was dated fourteen days before the Request for Proposals was issued by the Maltese Government. The existence of this document led the NAO to conclude that this was definite evidence “of the VGH’s prior knowledge of the planned project and proof of collusion with Government, or its representatives.”

This is the most damning condemnation possible of the Government procurement process and the circumventing of the normal procurement process under the direction of the Director of Contracts: the political responsibility of Finance Minister Edward Scicluna.

Most fingers are pointing towards Konrad Mizzi, now conveniently dismissed from the Labour Parliamentary Group, and his protector Joseph Muscat. Edward Scicluna too, however, must shoulder political responsibility for acts of omission.

It was only as recent as Friday 26 June 2020 that Edward Scicluna, when receiving the 2019 Annual report of the Public Contracts Review Board (PCRB), emphasised the need for all government Ministries to nurture finance professionals to take adequate care of public expenditure. He had then emphasised that “the country is committed to the highest standards”.

The NAO in its VGH report has certified the real standards of the public procurement process under Edward Scicluna’s watch!

Prime Minister Robert Abela had the cheek to state that the NAO report is proof of the functioning of our institutions. Rather, I think the basic conclusion to be reached from the NAO VGH report is that Abela’s predecessor has successfully transformed the Labour Party into a modern version of Ali Baba and the forty thieves. The fact that Robert Abela is the “successful” continuity candidate speaks volumes.

published on the Malta Independent on Sunday : 12 July 2020

Fl-Air Malta hemm bżonn il-kalma

 

Il-kliem iebes dwar dak li għaddej bħalissa fl-Air Malta m’huwiex jonqos. Bħalissa għaddej eżerċizzju biex jikkonvinċu l-opinjoni pubblika dwar min hu l-iżjed b’saħħtu.

Il-Gvern qed jgħid li lest li jibqa’ għaddej. Ftiehem mal-parti l-kbira tal-Unions u jistenna li jiftiehem ukoll mal-Union tal-piloti. Id-dettalji tal-ftehim kollettiv propost ma nafhomx, u safejn naf jiena m’humiex pubbliċi. L-unika ħaġa magħrufa s’issa hi dak li qal il-Prim Ministru dalgħodu li hemm proposti żidiet sostanzjali li imma huma marbuta ma tibdiliet fil-prattiċi tax-xogħol. Fuq quddiem hemm l-insistenza tal-Gvern u tal-Management tal-Air Malta li hemm ħtieġa ta’ żieda fis-siegħat tat-titjir.

Il-Gvern irid jipprova jasal. Għalhekk beda mill-Unions li kien iktar faċli li jasal magħhom u ikkonkluda ftehim ma kull waħda minnhom matul dawn il-ġimgħat. Il-Union tal-piloti l-ALPA min-naħa l-oħra żammet iebes minħabba l-posizzjoni strateġika tagħha fil-kumpanija u tittama li ssarraf din is-saħħa strateġika f’vantaġġi ikbar għall-membri tagħha. Xejn ħażin f’dan, sakemm nagħrfu li hemm limitu dettat mir-raġuni u l-etika li m’għandux jinqabeż.

Kull ftehim jinvolvi give and take. Tirbaħ xi affarijiet u ċċedi oħrajn. Nappella għaldaqstant għas-sens komun tal-partijiet li jippruvaw isibu soluzzjoni.

Apparti l-kwistjoni tal-ftehim kollettiv bħalissa jidher li qed tikber b’mod sproporzjonat tilwima oħra, separata, dwar il-mod kif ġie ittrattat wieħed mill-piloti minn uffiċjal għoli tal-kumpanija Air Malta. Dwar dan, jidher li l-piloti vvutaw biex jagħtu l-awtorità lill-Union ħalli  jibdew azzjonijiet industrijali.

Hemm bżonn daqsxejn tal-kalma. L-iżbalji jeħtieġ li jiġu msewwija imma ejja f’ġieħ is-sewwa ma nesagerawx.

Il-pajjiż għandu bżonn lill-Air Malta għax din tista’ tagħti kontribut siewi lill-ekonomija. Biex dan iseħħ hem bżonn li kulħadd jaġixxi b’mod responsabbli.

Li nikkalmaw ftit ikun pass tajjeb!

L-istrike tal-piloti tal-Air Malta

air malta branding

Il-piloti tal-Air Malta m’għadx għandhom fiduċja fil-management kurrenti tal-Air Malta. Dan intqal mill-ALPA (Airline Pilots Association) wara li l-Air Malta permezz ta’ talba għall-ħruġ ta’ mandat ta’ inibizzjoni waqqfet (għal issa) l-possibilità ta’ strike mill-piloti tal-Air Malta.

It-theddida ta’ istrike hi assoċjata mad-dewmien fil-konklużjoni ta’ negozjati dwar ftehim kollettiv ġdid għax il-ftehim kollettiv il-qadim skada xi xhur ilu.

Id-dritt tal-istrike hu arma qawwija u l-konsegwenzi jistgħu jkunu sostanzjali tant li bosta jsostnu li għandu jintuża biss meta jkunu ġew ippruvati bla suċċess l-alternattivi kollha biex tinstab soluzzjoni.

Issa l-Air Malta hi miżgħuda bil-problemi, bosta minnhom, kif tgħid l-ALPA huma problemi li ġew ikkawżati mill-management tal-kumpanija tul is-snin. Dan dejjem sar bil-kunsens tal-Gvern tal-ġurnata li bid-Diretturi li jaħtar dejjem kellu u għad għandu kontroll assolut (s’issa) fuq dak li jsir fil-kumpanija. [Tista’ per eżempju taqra  dak li kien kiteb xi snin ilu Michael Mallia li kien Direttur tal-Air Malta.]

Tul l-aħħar snin il-problemi tal-Air Malta, għalkemm naqsu, għadhom hemm. Għalhekk għaddejjin negozjati mal-Alitalia/Etihad Airways li dwarhom jidher li l-Unions ftit li xejn għandhom informazzjoni s’issa.

X’ser jiġri mal-Alitalia/Etihad Airways ftit nista’ ngħid ħlief dak li hu ovvju: li probabbilment jonqsu l-impieg mal-Air Malta. Hi pinnola morra li l-Gvern ta’ Joseph Muscat bla dubju jipprova jtaffi l-effett tagħha bl-istess mod li l-Gvern ta’ Gonzi mexa mat-Tarżna.

Dawn huma t-toroq rejali tal-Air Malta. Azzjoni industrijali issa kull ma tagħmel tkun li tagħti tefa l-isfel lill-futur li hu diġa imċajpar. Għalkemm hu l-mument tal-prudenza, dan ma jfissirx dgħjufija. Għax f’dan il-mument is-saħħa tal-istrike ma tagħmel ġid lil ħadd. La lill-Air Malta, la lil pajjiż u l-anqas lil piloti!

Some memories of my father

SCAN0001

 

It is now four weeks since he passed away in the early hours of 11 June. Yet I still find myself dialling his telephone number at least twice a day to exchange some news or to ask for his opinion or advice on some matter.

Three months short of his 85th birthday, he had retired from the civil service 25 years ago after a continuous public service spanning over 40 years. I do remember most of his postings, in particular those at the Customs and the then Water Works Department. He was dedicated to his duties at the Department of Social Services where he spent more than twenty years of his public service.

He was an only child as his elder sister had died at birth. At the tender age of six he was already an orphan when he lost his father who worked as a linotype operator at the government printing press. It was in 1937, two years before the outbreak of World War II. Without a breadwinner at home and inexistent social services life was miserable.

My father was not into politics. He was of the opinion that it would have been much better had I followed in his footsteps! He told me as much in very forceful language many times, in particular on the morrow of Black Monday in October 1979 when standing in the timber balcony of our home in St Paul Street Valletta we could still observe smoke coming out from the gutted Progress Press, home to The Times and The Sunday Times for many years.

He was a civil servant of the old school who took much pride in his work. As a young boy I could observe this at close quarters whenever he took me along. As an account keeper at the Water Works Department in the 1960s he would patiently listen to and address complaints on “errors” in water and electricity bills. Later in the 1980s, he would apply his skills as a welfare officer in the different area offices of the Department of Social Services assisting the elderly and vulnerable who sought the assistance of the state.

In 1977, after taking part in a sympathy strike called by the UĦM in solidarity with bank employees he was transferred to the Bormla Area Office of the Department of Social Services. It was certainly not intended to be a pleasant experience. In fact, he used to recount how in the first weeks after his being transferred to the Bormla Social Services Area Office, various officials of the local Labour Party Club used to turn up at the office “to check” on the progress of the new welfare officer! Subsequently he was transferred to other Area Offices.

My father spent his last weeks in palliative care at the Sir Anthony Mamo Oncology Centre where he was much impressed by the dedicated service of all members of staff, without exception. My family is grateful to them all as their care and dedication ensured that his last days were bearable right to the very end. May he rest in peace.

published in The Malta Independent on Sunday – 10 July 2016

Fejn sejra l-Air Malta ?

air malta branding

L-istorja tat-Times illum dwar il-bejgħ ta’ parti sostanzjali mill-Air Malta lil Etihad Airways tal-Emirati Għarab Magħquda ilha ġejja.

Wara l-privatizzazzjoni parzjali tal-Enemalta issa jmiss il-privatizzazzjoni parzjali tal-Air Malta. It-tnejn minn partit politiku li meta kien fl-Opposizzjoni dejjem tkellem kontra l-privatizzazzjoni imma meta jkun fil-Gvern jinsa’ kollox. Għamilha fl-Enemalta u issa jmiss lill-Air Malta.

Matul il-ġimgħat li ġejjin jibdew ħerġin l-ewwel dettalji tat-tibdil li jridu jwettqu l-Etihad Airways fil-mod kif topera l-linja tal-ajru, u l-impatt ta’ dan it-tibdil fuq il-ħaddiema tal-Air Malta. Il-komunikazzjoni tal-proposti ser ikun eserċizzju interessanti. Imma iktar minn hekk ser tkun interessanti r-reazzjoni tal-Unions rikonoxxuti.

Ovvjament il-Unions ser jirreaġixxu skond il-proposti li jippreżentawlhom. Imma frankament mhux qed nimmaġina proposti ta’ żieda fil-pagi u fl-allowances u l-anqas titjib fil-kundizzjonijiet tax-xogħol.

Ser ikunu żminijiet interessanti fejn ser inkunu nistgħu naraw il-konsistenza (jew in-nuqqas tagħha) tal-protagonisti.

 

 

L-iskandlu tal-Leisure Clothing: meta l-Gvern ta’ Lawrence Gonzi raqad.

sleeping beauty

 

Norman Vella, fil-blog tiegħu Mill-Venda, kiteb artiklu intitolat : L-iskandlu Leisure Clothing: Fil-GWU kien hemm min ilu jaf (30 t’Ottubru). Skond Norman Vella “xi snin ilu ġurnalist tal-gazzetta L-Orizzont kien beda jinvestiga l-abbuż tal-ħaddiema Ażjatiċi fil-fabbrika tal-Leisure Clothing. Dak iż-żmien fil-Gvern kien hemm il-Partit Nazzjonalista.”

L-emfasi ta’ Norman Vella fl-artiklu tiegħu hi li Tony Zarb tal-GWU jekk irid jista’ jkollu l-informazzjoni kollha mingħand il-ġurnalisti tal-Union Press. Hemm ukoll l-issue taċ-ċensura tal-ġurnalisti tal-Union Press mit-tmexxija tal-GWU.

Norman Vella fl-artiklu dwar l-abbużi fil-Leisure Clothing imkien ma jgħidilna għalfejn raqad il-Gvern tal-Lawrence Gonzi.

Kif inhu possibli li dakinnhar, ħlief il-ġurnalisti tal-GWU (li ġew iċċensurati) ħadd ma nduna b’xejn? Il-Gvern ta’ Lawrence Gonzi : kien rieqed u ma nduna b’xejn jew għalaq għajnejh? Liema minnhom?

Forsi l-ġurnaliżmu investigattiv ta’ Joe Mikallef tan-Nazzjon ikun jista’ jagħtina risposta. Jista’ jintervista lill-Ministri tax-Xogħol kollha li kellna tul is-snin li l-Leisure Clothing ilha topera f’Malta (mis-snin 80). Għaliex ħadd ma induna b’xejn tul dawn is-snin kollha?

F’wieħed mill-artikli ippubblikati fin-Nazzjon, Joe Mikallef qalilna li fl-2007 kien hemm investigazzjoni dwar il-Leisure Clothing liema investigazzjoni ma sabet xejn. Ikun interessanti li jkun eżaminat jekk dik l-investigazzjoni kienitx waħda li saret bis-serjeta’.  Jew forsi l-abbużi żviluppaw wara l-2007?

Issa naraw ftit jekk il-ġurnaliżmu investigattiv ta’ Joe Mikallef tan-Nazzjon hux ser jgħidilna ftit dwar dan ukoll.

Esaġerazzjoni jew l-awtoritajiet mixtrija ? Il-każ tal-fabbrika taċ-Ċiniżi .

Leisure Clothing.Bulebel

 

L-istorja dwar il-fabbrika taċ-Ċiniżi qed tiżviluppa ftit ftit.

Il-Leisure Clothing hi kumpanija tat-tessuti tal-istat Ċiniż. Jidher li ilha topera Malta mis-snin 80. Hemm madwar 260 ħaddiem ażjatiku (prinċipalment Ċiniżi) jaħdmu fiha.

Jidher li saret investigazzjoni fl-2007 li qed jingħad li ma sabet xejn ħażin fil-fabbrika. In-Nazzjon f’dawn il-ġranet irrappurtat li l-ħaddiema barranin tal-Leisure Clothing qed jaħdmu f’kundizzjonijiet ħżiena u li l-awtoritajiet mhux biss qed jagħlqu għajnejhom imma ukoll li kien hemm pressjoni politika biex investigazzjoni li kienet għaddejja titwaqqaf. Qed jingħad ukoll li dawn  il-ħaddiema qed joqgħodu ġo Ħal-Far u li meta ġew Malta d-diriġenti tal-fabbrika ħadulhom il-passaporti u dokumenti ta’ identifikazzjoni biex ma jkunux jistgħu jaħarbu minn Malta.

Minkejja dak li qalet in-Nazzjon, il-Pulizija sadanittant għadhom għaddejjin bl-investigazzjoni tagħhom fejn skond rapporti diversi l-management tal-kumpanija nġabar biex jgħin f’dawn l-investigazzjonijiet.

L-Ambaxxatur Ċiniż fi stqarrija qal li ma jaf xejn.

Tony Zarb tal-General Workers Union qal li hu jikkummenta meta tkun konkluża l-investigazzjoni li qed tagħmel il-GWU dwar il-każ.

Issemmew ukoll xi persuni prominenti bħala li b’xi mod setgħu kienu involuti. Dan ikompli jħawwad l-imħuħ kif ukoll jitfa dell kbir fuq l-awtoritajiet tal-pajjiż.

Dan kollu jwassal għal diversi mistoqsijiet inevitabbli.

Kif inhu possibli li jseħħu dawn l-affarijiet taħt għajnejn kulħadd u donnu li għal żmien twil ma jinduna ħadd?

Fid-dawl ta’ din l-ewwel mistoqsija hi inevitabbli t-tieni waħda: min kien qed jipproteġi lil min? It-tielet mistoqsija hi ukoll waħda loġika: min hu wara din l-operazzjoni kollha?

Il-gazzetti u l-media soċjali qed jippruvaw iwieġbu (kulhadd bil-mod tiegħu) dawn il-mistoqsijiet, u oħrajn. Huwa importanti ħafna iżda li nkunu nafu l-fatti kollha u dan malajr kemm jista’ jkun.

Kulħadd huwa interessat li jkun jaf jekk kienx hemm xi ħadd fl-awtorita’ li nxtara kif ukoll jekk hemmx Maltin involuti f’din l-operazzjoni u jekk dan hu l-każ min huma.

Sadanittant għadni kif qrajt xi kummenti ta’ ħaddiema Maltin fil-fabbrika li qalu li quddiemhom il-ħaddiema Ċiniżi qatt ma kienu trattati ħażin.

Imma kif ġustament ikkummenta Norman Vella fuq il-blog tiegħu, l-istorja tinten sewwa. Għax biex iġġib il-barranin jaħdmu fuq linja ta’ produzzjoni li biex tkun kompetittiva tirrikjedi pagi baxxi, (tant li l-fabbriki Maltin tat-tessuti għalqu kollha) bilfors kien hemm l-intenzjoni ta’ ħlas ta’ pagi miżeri. Kif jgħid Norman Vella : kemm taħsbuna boloħ?

Irridu nistennew biex naraw eżattament x’ġara. Jekk huwiex każ ivvintat jew rappurtaġġ esaġerat, inkella jekk hux każ ta’ abbuż li nżamm mistur sa issa minħabba li nxtraw l-awtoritajiet.

M’hemmx wisq x’tagħżel: jew waħda inkella l-oħra.

Bħal  dejjem il-qasba ma iċċaqċaqx għalxejn. Niftakru kif bdiet l-istorja: ħaddiema Ċinizi tal-fabbrika Leisure Clothing nqabdu fl-ajruport internazzjonali ta’ Malta jippruvaw jaħarbu b’passaporti foloz. Meta interrogawhom il-Pulizija ħarġet din l-istorja kollha.

Dan kollu jwassalni biex nikkonkludi li probabbilment hemm l-abbużi, li dawn ilhom għaddejjin u li xi ħadd għamel ħiltu biex jostor dak li ġara. Għalfejn?

Dalwaqt nisimgħu l-kor ikanta: “mhux jien”.

L-abbuż tal-leave għall-mard

sick leave tomorrow

 

L-argument bejn l-MEA (l-Assoċjazzjoni ta’ min Iħaddem) u l-Unions dwar l-użu u l-abbuż tas-sick leave mhux wieħed ġdid.  Taħt forma jew oħra hu argument li ilna żmien nisimgħu.

Fil-waqt li hu tajjeb li jitrazzan l-abbuz mhuwiex aċċettabbli li biex dan isir ikun attakkat id-dritt tal-leave għall-mard.

L-argument li qiegħed jinġieb huwa li wieħed għandu joqgħod attent u jġib ruħu sewwa u bil-qies għax b’hekk ma jinqalgħux ċirkustanzi negattivi għal saħħitna, jew tal-inqas innaqsuhom. Ħafna hekk jagħmlu diġa’. Il-problema, bħal dejjem hi l-imġieba tal-ftit.

Min iqum b’hangover wara lejl jixrob ovvjament ikkontribwixxa direttament għall-qagħda tiegħu. Imma bl-istess argument kif tista’ titkellem dwar il-kumplikazzjonijiet ikkawżati mit-tipjip? Jew l-effetti mediċi ta’ ħabta b’karozza? Inkella  ksur ta’ għaksa waqt attivita’ sportiva?

Anke jekk nitkellmu dwar attakk tal-qalb jew dwar l-effetti mediċi tal-obesita faċilment nistgħu ngħidu li min ikollu dawn iċ-ċirkustanzi jkun xi ftit jew wisq ikkontribwixxa għalihom.

Allura meta l-MEA qed tgħid li min jikkontribwixxu għaċ-ċirkustanza medika tiegħu ma jkunx intitolat għall-leave għall-mard fir-realta’ qed tattakka l-idea innifisha tal-leave għall-mard. Għax prattikament ftit li xejn jibqa’ ċirkustanzi ta’ mard li jiġu waħedhom!

Id-diskussjoni dwar l-użu u l-abbuż tas-sick leave tajjeb li issir. Imma hemm bżonn inkunu serji u nirrispettaw ftit iktar lil xulxin!

L-abbuż xi ftit jew wisq dejjem ser ikun magħna. Imma l-anqas m’hu daqstant diffiċli li ssib tarf tal-parti l-kbira tal-abbużi. Tajjeb għaldaqstant li ma noqgħodux niddrammatizzaw l-affarijiet.

Il-privatizzazzjoni tal-Enemalta

chopsticks

 

Id-dibattitu ta’ dawn il-ġranet fil-Parlament, inkluż illum huwa dwar il-privatizzazzjoni tal-Enemalta.

Ftit ħsibijiet.

Huwa ironiku li din il-privatizzazzjoni qed issir minn dak li baqa’ mill-Partit Laburista li pass pass qed jitlef il-kuntatt mal-għeruq tiegħu fuq ix-xellug.

Fil-proċess tal-privatizzazzjoni tal-Enemalta l-Gvern tal-Labour qed jissepara l-ħaddiema mill-assi tal-Enemalta. Jidher li ċ-Ċiniżi ma jridux jitgħabbew bil-piż tal-pagi tal-1,600 ħaddiem tal-Enemalta.

Il-Gvern tal-Labour ser jittratta lill-ħaddiema  tal-Enemalta bl-istess mod li l-Gvern tal-PN ittratta lill-ħaddiema tat-Tarżna. B’differenza waħda. Din id-darba għadni ma smajtx leħen il-GWU!

B’dan il-pass ser tingħata daqqa oħra lill-kontroll sovran tal-pajjiż fuq l-enerġija.