Il-mina mhix soluzzjoni: hi problema

Il-mina li hi proposta taħt qiegħ il-baħar bejn Għawdex u Malta ser ikollha impatti negattivi konsiderevoli kemm fuq Għawdex kif ukoll fuq Malta. L-iżjed wieħed ovvju hu l-ġenerazzjoni ta’ madwar miljun u nofs metru kubu ta’ radam li ser jispiċċa fil-baħar. Dan ser jagħti bidu għal ħmar il-lejl ambjentali ieħor: għax l-iżviluppaturi ma baqgħalhomx fejn “jiżviluppaw” fuq l-art! Qed ifittxu l-ispazju. L-Awtorità dwar l-Ambjent u r-Riżorsi diġa identifikat fejn dan jista’ jsir. Mhux ta’ b’xejn li r-residenti tax-Xgħajra qed jirvellaw.

Il-problemi assoċjati mal-mina proposta huma bosta. Art agrikola madwar il-punti tad-dħul, fuq iż-żewġ naħat, kemm f’ Ta’ Kenuna fil-limiti tan-Nadur kif ukoll ħdejn

L-Għerien fil-periferija tal-Mellieħa u ma tul il-wied tal-Pwales ser ikollha tagħmel il-wisgħa. Din ser tispiċċa tkun trasformata f’toroq kif ukoll f’faċilitajiet għall-kontroll tad-dħul fil-mina. Magħhom imbagħad jiżdiedu pompi tal-petrol, kull naħa tal-mina.

Hu ċar, minn dak magħruf s’issa, li d-dħul għall-mina min-naħa ta’ Malta ser ikun viċin ħafna tal-ilma tal-pjan tal-Miżieb, jekk mhux dritt minn ġo fih ukoll! Dan l-ilma tal-pjan hu f’kundizzjoni tajba, l-aħjar wieħed fil-gżejjer Maltin. Din kienet ukoll waħda mir-ragunijiet ewlenin l-għaliex fil-passat riċenti kellhom ikunu abbandunati żewġ proġetti kbar fl-inħawi, dak tal-golf course u ieħor konness mat-toroq (in-network TEN-T).

Għandu jingħad ukoll li volum kbir ta’ traffiku ser ikun iġġenerat u dan ser jgħaddi viċin ħafna tar-riżerva naturali tas-Simar fix-Xemxija. Il-ħsejjes, id-dwal u t-tniġġiż tal-arja ser ikollhom impatt negattiv konsiderevoli fuq ir-riżerva, b’mod partikolari matul il-lejl, ħin li fih in-natura ukoll tfittex li tistrieħ.

Dawn il-problemi li inevitabilment jinħolqu mill-mina għandhom iwasslu lil min hu rasu fuq għonqu biex ifittex soluzzjoni alternattiva biex titjieb il-konnettività bejn Għawdex u Malta. Soluzzjoni li tevita dawn il-problemi u iktar.

Ħa nkun ċar: il-konnettività bejn il-gżejjer ta’ Għawdex u Malta teħtieġ titjib konsiderevoli: is-soluzzjoni imma, mhiex il-mina. Is-soluzzjoni għandha tkun waħda li tiffaċilita l-moviment bejn il-gżejjer mingħajr ma żżid mal-problemi li diġa għandna. B’mod partikolari għandna nevitaw li nkabbru l-problema tat-traffiku iktar milli hi diġa. Dan nistgħu nagħmluh jekk niżviluppaw soluzzjoni li tnaqqas flok ma tkabbar id-dipendenza tagħna fuq il-karozzi.

Hu stmat li l-mina proposta ser iżżid il-medja kull jum tal-movimenti tat-traffiku bejn il-gżejjer mit-3000 tal-lum għal madwar 9000: żieda bi tlett darbiet fuq perjodu ta’ ħmistax-il sena. Wieħed ma jridx wisq għerf biex jifhem dawn iċ-ċifri, li nsibuhom ukoll fl-istudju ekonomiku kkummissjonat fl-2015 mill-Awtorità tat-Trasport u l-Kamra tal-Kummerċ Għawdxija. Għax il-ħlas biex tgħaddi mill-mina ser jinġabar minn fuq kull karozza u allura d-dħul ser jiddependi mill-ġenerazzjoni tal-ikbar ammont possibli ta’ traffiku. L-eżistenza tal-mina tiddependi fuq dan: bla traffiku ma tistax teżisti. Dan imur kontra l-oġġettiv ewlieni tal-Pjan Nazzjonali tat-Trasport (National Transport Master-Plan 2025) li fi kliem mill-iktar ċar jispjega kemm it-tnaqqis tal-karozzi mit-toroq tagħna hu l-mira fit-tul tal-politika tagħna dwar it-trasport.

Is-soluzzjoni meħtieġa trid tindirizza l-moviment tan-nies u mhux il-moviment tal-karozzi. L-unika soluzzjoni raġjonevoli allura hi l-introduzzjoni ta’ katamaran (fast ferry service) bejn Għawdex u Malta: bejn l-Imġarr f’Għawdex u punti varji mal-kosta f’Malta li jistgħu jinkludu x-Xemxija, Tas-Sliema u l-Belt Valletta. Ma dan imbagħad ikun hemm ħtieġa tat-titjib tas-servizz tat-trasport pubbliku minn fejn jieqaf il-katamaran għall-bqija tal-pajjiż.

Hu essenzjali li s-soluzzjonijiet li nagħżlu għall-problemi tagħna tat-trasport ikun jħarsu fit-tul ħalli nnaqqsu u mhux inżidu l-problemi li nħallu lil ta’ warajna.

Ippubblikat f’Illum: il-Ħadd 3 ta’ Frar 2019

Advertisements

The proposed Tunnel is not a solution: it is a problem

The proposed tunnel below the seabed linking Malta and Gozo will have considerable negative impacts on both Gozo and Malta. The most obvious one is the generation of around one and a half million cubic metres of bits of rock which will be dumped into our seas, kick-starting another environmental nightmare, land reclamation. The construction lobby has run out of space to “develop” on land. The Environment and Resources Authority has already started identifying potential sites. The residents of Xgħajra have good reason to be up in arms.

The problems associated with the proposed tunnel are manifold. Agricultural land around the two points of exit of the proposed tunnel will be gobbled up: at Ta’ Kenuna on the outskirts of Nadur, and close to L-Għerien, on the periphery of Mellieħa and further along the Pwales valley. This agricultural land will make way for the roads and toll-control facilities leading to the tunnel. Then, they will inevitably be complemented by more petrol stations.

On the basis of what is known so far, it is already clear that on the Malta side the tunnel will be bored through or very close to the Miżieb aquifer, which is still in a very good state – the only one on the island so graded. This fact has been one of the determining issues leading to the abandonment of other large scale projects in the area (the golf-course and part of the TEN-T network).

One could also add that a substantial amount of traffic will be channelled very close to the Simar Nature Reserve in Xemxija. The resulting noise, light and air pollution will have a considerable negative impact on the reserve, especially at night, a time when nature seeks its resting time.

The problems generated by the proposed tunnel are substantial. There is, however, a reasonable solution to the connectivity issue.

Let me be clear: connectivity between the islands of Gozo and Malta needs considerable improvement. The proposed tunnel, however, is not the solution. The solution should be one which facilitates movement between the islands without creating more problems than we already have! In particular, we should avoid worsening the traffic problem. This can be done if the solution we seek is not one which increases our car dependency.

It is estimated that the proposed tunnel will increase average daily traffic movements between the two islands from the current 3,000 to a projected 9,000 – a threefold increase estimated over a fifteen-year period. One immediately understands the purpose of these projections referred to in the feasibility study commissioned jointly by Transport Malta and the Gozo Business Chamber in 2015. The toll to be charged – and, consequently, the tunnel’s economic performance – is dependent on generating the maximum traffic possible. Traffic underpins the very existence of the tunnel. This runs counter to the basic objective of the National Transport Master-Plan 2025 which in crystal clear language spells out the reduction of cars from our roads as the long-term objective of Malta’s National Transport Policy.

The solution needs to address the movement of people between the islands, not the movement of cars. The only reasonable solution would be the introduction of a fast-ferry service between Gozo and Malta, between Mġarr in Gozo and various points in Malta, which would include Xemxija, Sliema and Valletta. This should be linked to an improvement in the public transport links between these points and the rest of the country.

It is essential that we seek long-term solutions to our transport problems, such that we do not leave future generations burdened by our problems.

published in The Malta Independent on Sunday – 3 February 2019

Il-korruzzjoni fil-futbol: sintomu ta’ pajjiż marid

Smajna fl-aħbarijiet bid-deċiżjoni tal-Bord tad-Dixxiplina tal-UEFA li tissospendi sitt żgħażagħ Maltin, tnejn minnhom għal għomorhom, wara investigazzjoni dwar il-logħba futbol bejn Malta u l-Montenegro ta’ taħt il-21 sena ta’ nhar it-23 ta’ Marzu 2016.

Is-Segretarju Ġenerali tal-MFA Dr Angelo Chetcuti ġustament qal li din id-deċiżjoni hi daqqa ta’ ħarta għall-futbol Malti.

Imma tajjeb li nirriflettu ftit.

Dawn iż-żgħażagħ huma prodott tal-istess pajjiż. Il-pajjiż ta’ Pilatus, il-pajjiż ta’ Egrant, il-pajjiż tal-iskandlu tal-Premier, tal-invoices foloz, tal-iskandlu taż-żejt, tat-tixħim tal-kontijiet tal-iskejjel, tal-Vitals, tal-amnestiji waħda wara l-oħra dwar l-evażjoni tat-taxxa ……….. u ta’ tant affarijiet oħra.

F’dan il-pajjiż mhux biss qiesu ma ġara xejn talli min hu maħmuġ xejn ma jistħi jikkampanja kontra l-korruzzjoni u favur il-governanza tajba!

Hawn xi ħadd li jista’ jiskanta li issa għandna anke żgħażagħ taħt il-21 sena imċappsin?
Il-korruzzjoni fil-futbol hi sintomu ieħor li pajjiżna marid, u marid sew!

Il-futur ta’ Alternattiva Demokratika

It-tnaqqis tal-voti li Alternattiva Demokratika kisbet fl-elezzjoni ġenerali ta’ tmiem il-ġimgħa l-oħra minn 1.8% għal 0.83% tal-voti totali kienet bla dubju daqqa kbira. Imma kienet daqqa antiċipata u direttament marbut mar-rifjut ta’ Alternattiva Demokratika li tipparteċipa fil-Front Nazzjonali mmexxi mill-Partit Nazzjonalista.

Mhux l-ewwel darba li Alternattiva Demokratika qalgħet dawn id-daqqiet. Ħarsu, per eżempju, lejn l-elezzjoni ġenerali tal-2003. Dakinnhar, id-daqqa kienet ikbar, għax il-vot mixħut favur Alternattiva Demokratika kien niżel sal-livell ta’ 0.69% tal-voti totali, l-agħar riżultat fit-28 sena storja ta’ Alternattiva Demokratika. Imma fi żmien sena dan reġa’ tela għal 9.33% tal-vot popolari fl-elezzjonijiet tal-2004 għall-Parlament Ewropew.

Tul is-snin Alternattiva Demokratika qatt ma organizzat ruħha fuq livell lokali jew reġjonali. Dan minħabba nuqqas ta’ voluntiera imma ukoll minħabba allerġija tat-tmexxija għal kull xorta ta’ burokrazija (anke dik l-iktar minima) kif ukoll minħabba l-profil tal-votant tipiku ta’ AD. Dan hu difett f’Alternattiva Demokratika li ilu preżenti sa minn meta twaqqfet liema difett qatt ma ngħata l-attenzjoni mistħoqqha.

Fil-fehma tiegħi, dan hu l-kawża ewlenija għan-nuqqas ta’ kapaċitá ta’ Alternattiva Demokratika li tilqa’ għall-attakki diretti mmirati lejn il-votanti tagħha. Hi ukoll ir-raġuni għala AD ma rnexxieliex, tul is-snin, tapprofitta ruħha daqstant miċ-ċaqlieq ta’ votanti minn partit għall-ieħor.

Huwa tajjeb li jkollok prinċipji soddi, imma n-nuqqas ta’ presenza kontinwa u organizzata fil-lokalitajiet inaqqas l-interazzjoni mal-elettorat, liema interazzjoni teħtieġ li tkun waħda kontinwa biex tkun effettiva. Dan fisser li waqt li AD setgħet tieħu d-deċiżjoni politika dwar l-involviment jew le f’allejanza pre-elettorali ma kelliex il-kapaċitá organizzattiva biex tilqa’ għall-konsegwenzi.

Tajjeb li l-qarrej jiftakar li Alternattiva Demokratika kienet taqbel li titwaqqaf allejanza pre-elettorali wiesa’ kontra l-korruzzjoni u favur il-governanza tajba. Il-punt ta’ nuqqas ta’ qbil mal-proposta tal-PN kien li fil-fehma ta’ AD l-allejanza proposta kellha tkun distinta mil-partiti politiċi individwali li jiffurmawha. F’Alternattiva Demokratika konna inkwetati li l-proposta tal-PN biex AD tissieħeb mal-istess PN billi tifforma parti mill-istess lista elettorali inevitabilment kienet ser twassal għal diversi sitwazzjonijiet li ma kienux aċċettabbli: bħal posizzjonijiet dwar proposti politiċi inaċċettabbli kif ukoll il-presenza ta’ kandidati mhux aċċettabbli. Ir-riskju kien kbir wisq u ma konniex disposti li noħduh.

Sfortunatament iż-żmien tana raġun. Dan seħħ, per eżempju, meta l-PN approva li jippreżenta lill-kandidat omofobiku Josie Muscat. Seħħ ukoll bid-dikjarazzjonijiet politiċi kemm ta’ Marlene Farrugia kif ukoll ta’ Simon Busuttil favur il-kaċċa fir-rebbiegħa kif ukoll favur l-insib. Seħħ ukoll bil-posizzjonijiet kontradittorji dwar iċ-ċirkwit tat-tlielaq tal-karozzi kif ukoll bl-emfasi ta’ Simon Busuttil dwar il-mina proposta li tgħaqqad Malta u Għawdex. Posizzjonijiet politiċi li huma kollha inaċċettabbli għal Alternattiva Demokratika.

B’żieda ma dan, il-PN, naqas milli jindirizza l-kontradizzjonijiet interni fi ħadnu dwar il-governanza tajba. Dawn jinkludu n-nuqqas ta’ Claudio Grech li jiftakar x’laqgħat kellu ma George Farrugia dwar l-iskandlu taż-żejt, il-kaz ta’ Beppe Fenech Adami dwar in-nuqqas ta’ deċiżjoni għaqlija meta aċċetta li jkun direttur tal-kumpanija Capital One Investments Limited, il-kunflitt ta’ interess ta’ Mario de Marco dwar il-grupp kummerċjali db kif ukoll it-taħwida ta’ Simon Busuttil innifsu dwar l-invoices tal-grupp db u l-assoċjazzjoni tagħhom mal-iffinianzjar tal-PN innifsu.

Dan kollu, safejn hu magħruf, ma kellu l-ebda importanza għall-Partit Demokratiku imma għal Alternattiva Demokratika kien kollu ostaklu għall-formazzjoni ta’ alleanza pre-elettorali għax kien imur b’mod sfaċċat kontra l-proposti elettorali favur tmexxija tajba. Dawn il-materji semmejnihom waqt il-laqgħa esploratorja li kellna mal-PN imma id-delegazzjoni tal-PN ma wriet l-ebda interess: tbissmet u injorathom. Meta jkun meqjus dan kollu, id-deċiżjoni ta’ Alternattiva Demokratika li ma tissieħibx fil-Front Nazzjonali mmexxi mill-PN kienet waħda tajba u dan għax, kif spjegat iktar il-fuq, kienet toħloq bosta diffikultajiet u kontradizzjonijiet.

Matul ix-xhur li ġejjin nittama li jkun hemm it-tibdil meħtieg f’Alternattiva Demokratika biex din tiġġedded u tissaħħah. Huwa tibdil meħtieġ biex AD tkun iktar effettiva u tkun kapaċi tikkomunika mal-votanti aħjar is-sena kollha, u dan minkejja l-limitazzjoni li għandha ta’ riżorsi.

Ippubblikat minn Illum : il-Ħadd 11 ta’ Ġunju 2017

AD’s future

The reduction of Alternattiva Demokratika’s share of the national vote from 1.8 per cent  to 0.83 per cent was a heavy blow. It was, however, anticipated and was directly linked to AD not accepting to form part of the PN-led National Front.

Alternattiva Demokratika has been there before, its share of the national vote having dipped in the past – particularly during the 2003 general election. On that occasion it went down further than this year’s performance and reached 0.69 per cent, the lowest point ever in AD’s 28-year history – only to rebound with a vengeance to win a staggering 9.33 per cent of the popular vote in the 2004 European Parliament elections, just 12 months later.

Over the years, AD has refrained from extending its organisational arm at a regional and possibly local level. This was primarily dictated by the numbers of available volunteers but also by an in-built allergy to anything deemed even minimally bureaucratic, as well as by the volatile profile of the typical AD voter. This is AD’s major weakness: it has been ever-present since the party’s foundation and has never been adequately addressed.

This weakness, is in my view, the major cause of AD’s inability (to date) to successfully withstand or substantially mitigate frontal attacks on its voter base. Likewise, it is the reason why AD has not been able to tap adequately and successfully into voter dissatisfaction with other political parties over the years.

Having sound principles is fine, but not having the organisational tools to propagate your views and effectively link up with grass-roots support is damaging. This lack of organisational capability signified that while AD could take the political decision on whether to form part or not of a pre-election alliance, it could not adequately handle the consequences of this decision.

It would be pertinent to remind readers that AD was in favour of establishing a broad based pre-electoral alliance against corruption and in favour of good governance. The basic point of contention regarding the PN’s proposal for the foundation of such an alliance was the need that it be distinct from its constituent political parties. At AD, we were worried that the PN proposal to add AD and as an appendage to the PN was unacceptable on a point of principle and would inevitably lead to being lumped with undesirable situations such as unacceptable policy positions as well as undesirable candidates. We were not prepared to take such a risk.

Unfortunately, we were proven right, for example, through the selection by the PN of homophobic candidate Josie Muscat as well as through policy declarations by both Marlene Farrugia and Simon Busuttil in favour of spring hunting and bird-trapping, as well as contradictory stances on the motor racing track, or Simon Busuttil’s emphasis on the tunnel between Malta and Gozo with which AD disagrees.

The PN, in addition, failed to address its internal contradictions on good governance. Pending internal PN governance issues include Claudio Grech’s amnesia in relation to meetings with George Farrugia of oil-scandal fame, Beppe Fenech Adami’s error of judgement in taking-up the directorship of Capital One Investments Ltd, Mario de Marco’s db Group conflict of interest, as well as Simon Busuttil’s mishandling of the db Group invoices saga and its relevance to the financing of the PN.

From what is known, these issues, did not bother the Democratic Party, but in AD’s view they were a serious impediment to the proper functioning of a pre-election alliance, as they run directly opposite to an electoral platform based on good governance. We raised all this during the exploratory talks held with the PN, but the PN delegation dismissed these concerns outright.

Given the above, Alternattiva Demokratika took the right decision in not joining the PN-led National Front. Any Parliamentary seat that AD could have gained had it joined the pre-election alliance without the above issues having being addressed would have been tainted.

The future for AD holds great potential. In the coming months changes will be made but these will be carried out at AD’s pace. These changes are an essential prerequisite for ensuring that AD can function more effectively and efficiently in such a way that it can communicate better with its voter base.

published by The Malta Independent on Sunday, 11 June 2017

M’għandekx għalfejn tagħżel bejniethom

 

 

Meta tiġi biex tivvota, nhar is-Sibt, mgħandekx għalfejn tagħżel bejniethom.

Mhux importanti min hu l-iżjed jew l-inqas korrott.

Mhux importanti min hu l-iżjed jew l-inqas inkompetenti.

Mhux importanti min hu imċappas l-iktar jew l-inqas.

Mhux importanti min kellu jirreżenja, imma ma rreżenjax fuq iżżewġ naħat.

 

Il-każ tal-Panama Papers u l-kumpaniji ta Konrad Mizzi u Keith Schembri hu wieħed ta gravitá kbira. Daqskemm huma gravi l-allegazzjonijiet dwar is-sid ta Egrant Inc. u l-flus li waslu mingħand il-familja ta Aliyev fil-kontijiet fil-Bank Pilatus.

Mhux gravi ħafna ukoll il-fatt li Claudio Grech, l-Onorevoli tal-Partit Nazzjonalista nesa jekk qattx iltaqa ma George Farrugia, dak tal-iskandlu tażżejt?

Mhux gravi ukoll kif Beppe Fenech Adami spiċċa Direttur tal-Capital One Investment Limited u ma kien jaf xejn dwar it-taħwid li qed jirriżulta dwar din l-istess kumpanija?

U xi ngħidu għar-rapporti tal-Awditur Ġenerali dwar il-qaddis miexi fl-art Jason Azzopardi?

U l-villa ODZ li Toni Bezzina ried jibni fl-istess ħin li kien qed jikteb il-politika ambjentali tal-PN?

It-tnejn jgħidu kif għandhom qalbhom ġunġliena għall-ambjent.

Imma t-tnejn iridu l-mina bejn Malta u Għawdex.

It-tnejn iridu l-korsa tat-tlielaq tal-karozzi.

It-tnejn jilgħaqu l-kaċċaturi u n-nassaba.

It-tnejn jappoġġaw il-boathouses tal-Aħrax tal-Mellieħa (Armier, Little Armier u Torri l-Abjad).

Xhemm xtagħżel bejniethom?

Wara kollox mgħandekx għalfejn tagħżel bejniethom!

Simon iwiegħed kollox lil kulħadd?

 busuttil-darmanin-demajo

Fdawn il-ġranet, il-Kap tal-Opposizzjoni qal li  jaqbel li l-għaqdiet sportivi għandhom ikunu mgħejjuna biex jimmassimizzaw il-potenzjal kummerċjali tal-faċilitajiet sportivi li jmexxu.

Proposta li tinstema tajba sakemm tiftakar li dan jista jkun il-kawża ta ħafna problemi.

Madwar sena ilu l-Gvern kien ħareg dokument intitolat The Commercialisation of Sports Facilities għal konsultazzjoni pubblika propju dwar dan is-suġġett.

Alternattiva Demokratika tirrikonoxxi l-intenzjonijiet tajba wara dawn il-proposti.

Imma biex jintlaħaq dan l-iskop, hemm iċċans, mhux żgħir, li nispiċċaw bxi grounds tal-futbol barra mill-irħula tagħna mibnijin bi ħwienet u uffiċini u bil-ground tal-futbol fuq il-bejt, bħalma diġa hemm fTignè! U jekk inti toqgħod fit-tarf tar-raħal hemm ċans tajjeb li tkun tista issegwi partita futbol minn fuq il-bejt. Jekk tkun iffurtunat tkun tista issegwiha ukoll mill-kamra tas-sodda! Anke l-floodlights jispiċċaw idawlulek il-kmamar tad-dar. Tispiċċa tiffranka l-konsum tal-elettriku! Dan apparti l-problemi ta parking u l-istorbju, sajf u xitwa. Dan eżempju wieħed. Hemm bosta oħra.

Fi stqarrija li ħriġna Alternattiva Demokratika sena ilu għidna li dak propost, jekk implimentat, jista jkun il-kawża ta ħafna ħsara ambjentali kif ukoll ikollu effett neġattiv fuq iżżoni residenzjali tagħna.

Daqqa ta ħarta oħra għall-ambjent.

Ovvjament Simon Busuttil donnu nesa li l-ħarsien tal-ambjent mgħandux ikun ristrett għad-dokumenti imma għandu jkun rifless ukoll fkull inizjattiva li nieħdu. Tajjeb li Simon Busuttil jiftakar sewwa kull hin li dak li wiegħed fid-dokument ambjentali A Better Quality of Life for You. Għax bih rabat idejh u bħala riżultat kellu jaħseb ftit iktar dwar il-konsegwenzi tal-proposti tiegħu għall-kummercjalizzazzjoni tal-facilitajiet sportivi. Alternattiva Demokratika ser tibqa’ tfakkru.

Simon Busuttil għadu ma fehem xejn

Simon Busuttil 11

Simon Busuttil inħasad. Hekk irrapportat il-Malta Today dwar ir-reazzjoni tal-Kap tal-Opposizzjoni għad-deċiżjoni tal-Gvern li mhux ser jinkoraġixxi l-espansjoni tal-Port Ħieles.

Simon Busuttil għadu mhux qed jirrealizza illi l-impatti li qed joriġinaw mit-Terminal tal-Port Ħieles qed jifnu lir-residenti ta’ Birżebbuġa . L-iktar li qed jinħass presentment hu l-istorbju matul il-ħin tal-mistrieħ. Imma mhux dan biss.

Kif diġa kelli l-opportunità illi nispjega f’artikli oħra, hemm ukoll impatti li huma kkawżati mid-dawl eċċessiv fit-Terminal tal-Port Ħieles kif ukoll impatti li joriġinaw min-nuqqas ta’ aċċess għall-baħar għall-isports u d-divertiment b’mod ġenerali.

L-impatti ambjentali għandhom effett immedjat kif ukoll effetti fit-tul fuq il-kwalità tal-ħajja tar-residenti ta’ Birżebbuġa. Hekk qiegħed jagħmel il-Port Ħieles: qiegħed bil-mod il-mod jherri l-kwalità tal-ħajja tar-residenti ta’ Birżebbuġa. Fi ftit kliem is-suċċess tal-Port Ħieles qed iħallsu għalih ir-residenti ta’ Birżebbuġa billi tul is-snin, sal-lum ukoll, qed jiġu mġiegħela jissagrifikaw il-kwalità tal-ħajja tagħhom.

Pajjiż serju ma jittratta lil ħadd miċ-ċittadini tiegħu b’dan il-mod. Alternattiva Demokratika ilha titkellem żmien twil dwar dan. Għalhekk huwa ta’ sodisfazzjon għalina li l-Gvern u l-Partit Laburista fl-aħħar fehmu dan. Huwa ukoll tal-mistħija li Simon Busuttil li jippoppa sidru bħala l-paladin il-ġdid tal-ambjent għadu ma fehem xejn.

The Freeport: who pays the price for its economic success?

freeport.aerial viw

 

There are conflicting views on the acceptability or otherwise of the operations of the Freeport Terminal at Kalafrana, limits of Birżebbuġa. Throughout the years, governments have repeatedly emphasised that the Freeport’s contribution to Malta’s economic growth justifies practically anything. It has been implied that no sacrifice was to be spared for the Freeport to be transformed into an economic success.

As a result, the residential community of Birżebbuġa has been forced to sacrifice its quality of life.

Putting it briefly, it is the result of a lack of planning prior to the setting up of the Planning Authority. Land required for the Freeport was expropriated as far back as 1962, yet a considerable residential area was developed close by in the mid-1980s. No suitable buffer zones were created to shield the Birżebbuġa community from the operational impacts of the Freeport. Had this been done when the Freeport was not even on the drawing board, the present day problems would have been substantially less than what they actually are today.

A major issue is the noise generated, particularly during the quiet hours. Advisors to the Freeport Terminal recently submitted the results of a 12-month noise monitoring survey which was conducted over the period February 2014 to January 2015. The report lists a number of recommended remedial measures, both those required in the short term as well as those requiring a longer time frame to implement. The 15 short-term measures and the seven long-term ones are no guarantee that issues of acoustic pollution will disappear. Reductions in impacts are anticipated even though no projections have yet been made as to whether these will be cancelled out by impacts resulting from an increase in operations at the Freeport Terminal.

A major contributor to noise pollution originating from the Freeport Terminal during the quiet hours is the humming of the main and auxiliary engines of the berthed vessels in port. It is for this specific reason that the Environmental Monitoring Committee at the Freeport Terminal (which includes representation from the Birżebbuġa Local Council) has insisted right through that the shore to ship electrical supply to vessels berthed at the Freeport Terminal should be addressed.

The final report of the 12-month noise survey in fact points at the necessity of undertaking studies on the feasibility of this proposal. This is in line with the 8 May 2006 Recommendation of the Commission of the European Union on the promotion of shore-side electricity for use by ships at berth in community ports (Recommendation 2006/339/EC).

The EU recommendation is specifically intended to be considered by EU ports “where air quality limit values are exceeded or where public concern is expressed about high levels of noise nuisance, and especially in berths situated near residential areas” .

The above makes the point on a reduction of the quality of life of the residential community as a result of just one issue: noise. Then there are other issues amongst which light pollution (resulting from the floodlights at the terminal), which issue is being addressed, as well as the lack of availability of a substantial portion of Marsaxlokk Bay which cannot be adequately used for water sports. Add to this the large number of sports facilities which the British Services developed in the past in the Birżebbuġa Area, most of which have been gobbled up by the development of the Freeport and one gets a real feel as to what the Freeport has done to the quality of life of the Birżebbuġa community.

The development of a waterpolo pitch to replace that constructed in the 60s as well as the development of a football ground, both in the final stages of completion will reduce these impacts. But they will certainly not be sufficient for a community which had so many more sports facilities when it was so much smaller.

To be fair, the Freeport Terminal is not the only contributor to the reduction of the Birżebbuġa residents’ quality of life. Generally, it is the result of the gradual industrialisation of the Marsaxlokk Port over the last thirty years. The addition of the floating gas storage facility servicing the gas-fired Delimara Power Station in the coming weeks (or months) will further increase these problems.

The concerns of ordinary people have been ignored for far too long. Maybe this is why the Prime Minister commented earlier this week on the undesirability of any further expansion of the Freeport Terminal. Possibly he has, at this late hour, realised the extent of the mess which has been created.

The time to clean up is long overdue.

published  on The Malta Independent on Sunday : 24 July 2016

Daqqa ta’ ħarta oħra għall-ambjent

Commercialisation of Sports Facilities

Id-dokument ta’ konsultazzjoni dwar il-kummerċjalizzazzjoni tal-faċilitajiet sportivi li dwaru l-konsultazzjoni pubblika ġiet fi tmiemha llum hi daqqa ta’ ħarta oħra lill-ambjent ta’ pajjiżna.

L-iskop tal-Gvern hu biex ikunu mgħejjuna assoċjazzjonijiet u klubbs sportivi ħalli dawn jimmasimizzaw il-potenzjal tal-faċilitajiet tagħhom u b’hekk ikunu jistgħu jiffinanzjaw lilhom infushom.

L-iskop hu wieħed tajjeb.

Imma biex jintlaħaq dan l-iskop, hemm iċ-ċans, mhux żgħir, li nispiċċaw b’xi grounds tal-futbol barra mill-irħula tagħna mibnijin bi ħwienet u uffiċini u bil-ground tal-futbol fuq il-bejt, bħalma diġa hemm f’Tignè! U jekk inti toqgħod fit-tarf tar-raħal hemm ċans tajjeb li tkun tista’ issegwi partita futbol minn fuq il-bejt. Jekk tkun iffurtunat tkun tista’ issegwiha ukoll mill-kamra tas-sodda! Anke l-floodlights jispiċċaw idawlulek il-kmamar tad-dar. Tispiċċa tiffranka l-konsum tal-elettriku! Dan apparti l-problemi ta’ parking u l-istorbju, sajf u xitwa. Dan eżempju wieħed. Hemm bosta oħra.

Fi stqarrija li ħriġna Alternattiva Demokratika għidna li dak propost f’dan id-dokument ta’ konsultazzjoni, jekk implimentat, jista’ jkun il-kawża ta’ ħafna ħsara ambjentali kif ukoll ikollu effett neġattiv fuq iż-żoni residenzjali tagħna. Daqqa ta’ ħarta oħra għall-ambjent.