Il-politika dwar l-iżvilupp sostenibbli

Il-politika dwar l-iżvilupp sostenibbli hi materja li għandha tkun f’idejn il-Prim Ministru minħabba li tmiss ma’ kull qasam tal-politika. Hu interessanti li għal darba oħra r-responsabbiltà politika għall-iżvilupp sostenibbli reġgħet ġiet lura Kastilja, f’ħoġor il-Ministru Karmenu Abela, li nħatar Ministru fl-Uffiċċju tal-Prim Ministru. Sal-lum dan rari seħħ ħlief għall-perjodu qasir li fih Mario Demarco kien Segretarju Parlamentari għat-Turiżmu u l-Ambjent.

Robert Abela mhuwiex l-ewwel Prim Ministru li emfasizza l-ħtieġa li jingħata iktar importanza lill-iżvilupp sostenibbli. Ħadd minnhom, imma, ma rnexxielu!

It-terminu “żvilupp sostenibbli” huwa l-iktar wieħed mit-termini fid-dizzjunarju politiku li huma użati ħazin. Il-lingwaġġ politiku użat kważi qatt ma jasal biex ifisser u jispjega li l-politika dwar l-iżvilupp sostenibbli hi politika li tħares fit-tul: li kontinwament, huma u jittieħdu d-deċiżjonijiet, tagħti każ il-ġenerazzjonijiet futuri.

Il-gvernijiet ma jagħtux importanza biżżejjed lill-iżvilupp sostenibbli għax din m’hiex biss dwar illum imma hi ukoll dwar għada. Hi dwar kif il-ħidma tal-lum teħtieġ li issir b’mod li ma jkunx ippreġudikat għada u l-ġenerazzjonijiet futuri. Għada min rah? L-interess ta’ bosta minnhom iwassal sa ħames snin, jiġifieri sal-elezzjoni ġenerali li jmiss.

Dan hu punt li saħqet dwaru Gro Harlem Brundtland, Norveġiża u soċjalista demokratika li kienet Prim Ministru ta’ pajjiżha. Fir-rapport li hi ħejjiet għall-Ġnus Magħquda snin ilu dwar l-ambjent u l-iżvilupp, intitolat Our Common Future, emfasizzat li “Naġixxu b’dan il-mod għax nafu li mhu ser jiġri xejn: il-ġenerazzjonijiet futuri ma jivvutawx; m’għandhomx poter politiku jew finanzjarju; ma jistgħux jeħduha kontra d-deċiżjonijiet tagħna.”

Il-politika dwar l-iżvilupp sostenibbli mhix biss dwar l-ambjent: hi dwar kif inħarsu b’mod integrat lejn il-politika ambjentali, ekonomika, soċjali u kulturali. Tfisser li l-ħidma tagħna jeħtieġ li tħares fit-tul u li simultanjament trid tkun kompatibbli man-natura, l-ekonomija, l-iżvilupp uman u l-kultura tagħna.

L-iżvilupp sostenibbli hu dwar kif nistgħu f’kull ħin inkunu f’armonija ma’ dak li aħna mdawrin bih. Il-ħin kollu, u mhux biss meta jaqbel. Tirrikjedi s-sinkronizzazzjoni tal-politika kulturali, soċjali, ambjentali u ekonomika. Għax il-ħarsien tad-dinjità umana, l-apprezzament tal-wirt kulturali u l-ħarsien ambjentali huma essenzjali daqs l-iżvilupp ekonomiku.

Fil-qafas globali, kif ukoll Ewropew, il-politika dwar l-iżvilupp sostenibbli tfisser ukoll l-implimentazzjoni tal-miri dwar l-iżvilupp sostenibbli approvati mill-Ġnus Magħquda: 17-il mira imfissra f’169 oġġettiv. Din hi l-Aġenda Globali 2030 li dwarha l-Unjoni Ewropea ħadmet ħafna biex tkun maqbula mill-komunità internazzjonali. Filwaqt li l-Aġenda 2030 hi importanti kollha kemm hi, partijiet minnha għandhom importanza ikbar għalina f’Malta.

Ħu, per eżempju, l-immaniġjar tal-ilma. Hu essenzjali li nifhmu li huwa meħtieġ li r-riżorsa tal-ilma nieħdu ħsiebha sewwa u li l-użu li nagħmlu minnha jkun wieħed sostenibbli. Sfortunatament, sal-lum, l-immaniġjar tal-ilma f’Malta huwa kkaratterizzat minn doża mhux żgħira ta’ inkompetenza. Hemm aċċess kważi bla kontroll għall-ilma tal-pjan filwaqt li kwantità kbira ta’ ilma tax-xita jintrema l-baħar: kemm direttament permezz tal-mini li tħaffru għal dan l-iskop kif ukoll permezz tas-sistema tad-drenaġġ. Ir-regoli dwar il-ġbir u l-ħażna tal-ilma tax-xita applikati mill-awtoritajiet għal bini u żvilupp ġdid ħafna drabi mhumiex osservati. L-awtoritajiet ftit li xejn jagħtu kas.

Il-politika dwar it-transport hi qasam ieħor fejn l-ippjanar li ma jħarisx fit-tul jeħtieġ li jkun sostitwit billi tkun applikata l-politika ta’ żvilupp sostenibbli. Il-Pjan Nazzjonali tat-Trasport, li jibqa’ fis-seħħ sal-2025, jiġbdilna l-attenzjoni tagħna li nofs il-vjaġġi li nagħmlu bil-karozzi privati jdumu inqas minn kwarta. Dan jindika li inizjattivi biex ikun imrażżan it-traffiku fuq livell lokali u reġjonali jista’ jindirizza b’mod effettiv il-konġestjoni tat-traffiku fit-toroq tagħna bil-vantaġġ doppju ta’ titjib fil-kwalità tal-arja fejn din hi l-iktar meħtieġa.

Il-Pjan Nazzjonali tat-Transport jgħidilna li f’dan il-qasam, tul is-snin, ftit li xejn ħarisna fit-tul. Dan wassal, jgħidilna l-pjan, għal nuqqas ta’ direzzjoni strateġika u bħala riżultat ta’ dan żviluppajna l-inkapaċità li jkunu indirizzati materji diffiċli bħalma hi dik li tikkonċerna t-tnaqqis tal-karozzi privati. Min-naħa l-waħda għandna dan il-ħsieb sostenibbli dwar l-ippjanar tat-trasport, imma imbagħad min-naħa l-oħra l-Gvern ġie jaqa’ u jqum u għaddej bi programm ta’ nfieq sostanzjali fl-infrastruttura tat-toroq bl-iskop li tiżdied il-kapaċità tagħhom u bil-konsegwenza li d-dipendenza tagħna fuq il-karozzi tibqa’ tiżdied.

Dan kollu żejt fil-bażwa għax ġie ippruvat tul is-snin, bi studji li saru f’diversi pajjiżi, illi l-iżvilupp tas-sistema tat-toroq ma tnaqqasx il-konġestjoni tat-traffiku, imma isservi biss biex il-problema tkun posposta inkella tiċċaqlaq minn żona għall-oħra.

L-affarijiet huma agħar fil-qasam tal-ippjanar għall-użu tal-art. Gvernijiet suċċessivi wrew li ma kienux kapaċi jrażżnu l-iżvilupp esaġerat. B’wiċċ ta’ qdusija artifiċjali t-tmexxija politika tiddeskrivi lilha nnifisha bħal ħbieb tan-negozji (business friendly) inkella, kif smajna din il-ġimgħa ħbieb tas-suq (market friendly) u dan biex jippruvaw jiġġustifikaw in-nuqqas ta’ azzjoni adegwata. Qalulna li l-industrija tal-bini tant ħolqot impjiegi li qed tikkontribwixxi b’mod effettiv għal titjib fil-kwalità tal-ħajja.

Imma, kif bla dubju nafu lkoll, l-industrija tal-kostruzzjoni kienet fuq quddiem nett tkattar il-ħsara lill-pajjiż permezz ta’ żvilupp esaġerat bil-pretensjoni li l-ħsara ambjentali ikkawżata minnhom nagħmlu tajjeb għaliha aħna, l-bqija. Sfortunatament, ġew mgħejjuna minn gvernijiet suċċessivi li kontinwament fittxew kif jagħmluhielhom iktar faċli biex igawdu l-frott ta’ ħidmiethom. L-ippjanar tal-użu tal-art kif ipprattikat f’pajjiżna mhux sostenibbli u iktar ma jkun imrażżan malajr, ikun aħjar għal kulħadd.

In-nuqqas tal-politika għall-iżvilupp sostenibbli tinħass prattikament fl-oqsma kollha. Jeħtieġ li llum qabel għada nħarsu fit-tul f’kull deċiżjoni li tittieħed. Kien pass tajjeb, pass ‘l-quddiem li r-responsabbilta politika għall-iżvilupp sostenibbli marret lura f’Kastilja, fl-Uffiċċju tal-Prim Ministru. Imma dan għandu jkun biss l-ewwel pass. Il-bidu, segwit minn hafna iktar passi.

Ippubblikat fuq Illum : il-Ħadd 19 ta’ Jannar 2020

The politics of sustainable development

The politics of sustainable development is a matter for the Prime Minister’s direct consideration as it is wide-ranging and concerns all areas of policy.

It is quite interesting that once more sustainable development has taken up residence at Castille, being the responsibility of Minister Carmelo Abela, who has been appointed as a Minister within the Office of the Prime Minister. This was very rarely the case to date except in the short period during which Mario de Marco was Parliamentary Secretary for Tourism and the Environment.

Robert Abela is not the first Prime Minister who has emphasised the need to give much more importance to sustainable development. To date, however, none of them has delivered.

Sustainable development is one of the most abused and mis-used terms in the political lexicon. Political discourse continuously fails to project the politics of sustainable development as having a long-term view and continuously factoring future generations in the decision-taking process.

Governments do not give sufficient importance to sustainable development as this is not just about today. It is rather about how today’s activity should not prejudice tomorrow and future generations. This is not sufficiently on the radar of today’s politicians. Their interest, generally, does not span more than five years: that is until the next general election.

This is a point underlined by former Norwegian social democrat Prime Minister Gro Harlem Brundtland in her seminal UN Report Our Common Future who emphasised that “We act as we do because we can get away with it: future generations do not vote; they have no political or financial power; they cannot challenge our decisions.

The politics of sustainable development is not just a matter of environmental concern: it involves a holistic consideration of environmental, economic, social and cultural policy. It signifies that our actions must have a long-term view and be simultaneously compatible with the forces of nature, the economy, human development and our culture.

Sustainable development is about living in harmony with all that surrounds us, at all times, not just when it suits us. It requires the synchronisation of cultural, social, environmental and economic policy. Shielding human dignity, appreciating our culture and environmental protection are as essential as economic development.

Within a global and EU framework the politics of sustainable development also involves following and implementing the UN Sustainable Development Goals: 17 goals and the associated 169 targets. This is the global 2030 Agenda to which the European Union contributed substantially. While the whole 2030 Agenda is important, some aspects of it are relatively more important on a local level.

Consider water management, for example. It is imperative that we realise that we need to manage our water resources in a sustainable manner. To date gross incompetence has characterised water management in Malta. Access to the water table is still substantially a free for all, while storm water is mostly dumped into the sea, either directly or through the public sewer system. Rules for rainwater harvesting within the framework of land use planning are more honoured in the breach, without the authorities taking the minimum of enforcement action.

Transport policy is another area where short-term planning needs to give way to the politics of sustainable development. The National Transport Master Plan which runs until 2025 draws our attention that 50 per cent of private car journeys involve trips that are shorter than 15 minutes. This indicates that taking initiatives to reduce vehicular traffic at a local and regional level would be of considerable help in addressing road congestion and improving air quality where it matters most.

The National Transport Master Plan emphasises that the approach to transport planning and policy in Malta has, to date, generally been short-term in nature. This “has resulted in the lack of strategic direction and the inherent inability to address difficult issues such as private vehicle restraint.” On the one hand we have this “written” sustainable approach to transport policy, yet on the other hand government has embarked on an unsustainable spending spree of infrastructural development to increase the capacity of our roads, as a result ensuring that car-dependency continues unabated.

Addressing traffic congestion through expanding the road network only results in shifting the problem: either physically to another area, or else moving it in time.

The cherry on the cake is land use planning. Successive governments have been unable to restrain overdevelopment.

Sanctimoniously they describe themselves as being business friendly or market friendly to try and justify their lack of adequate action. The building industry, we are repeatedly told, creates so much jobs that it “contributes to the quality of life”.

As we are all well aware the construction industry has been a major force in ruining this country through over-development and through expecting us to foot their environmental bills. Unfortunately, they have been aided by successive governments who continuously seek ways to make it easier for the industry to plunder their way through. Land use planning is clearly unsustainable and the sooner it is restrained the better for all.

Sustainable development is conspicuous by its absence in practically all areas of policy. The politics of sustainable development still needs to be ingrained in the day-to-day policy-making structures. Assigning political responsibility for sustainable development to a Minister in the Office of the Prime Minister could be a good first step forward. However, there is still a long way to go.

published in the Malta Independent on Sunday : 19 January 2020

L-arloġġ ta’ Joseph: tgħid falz, bħaċ-ċertifikat dwar Egrant?

Il-bieraħ is-sit elettroniku lovinmalta.com ippubblika l-istorja esklussiva li Yorgen Fenech ta rigal lil Joseph Muscat konsistenti f’arloġġ tad-deheb abjad Bvlgari li jifforma parti minn edizzjoni limitata li inħadmet bħala kommemorazzjoni tas-sħubija ta’ Malta fl-Unjoni Ewropeja.

Hemm ħamsa u għoxrin arloġġ li huma kollha numerati. Ta’ Joseph, tgħidilna Lovinmalta għandu n-numru 17: bħas-17 Black.

Jekk din l-istorja hi minnha hi gravi ħafna.

L-ewwel nett hi bi ksur tal-Kodiċi tal-Etika tal-Ministri għax hu ipprojibit għall-Ministri tal-Kabinett li jaċċettaw dawn ir-rigali. Meta inħadem, l-arloġġ, kien stmat li jiswa’ €20,000 (għoxrin elf euro). Illum jiswa’ ħafna iktar.

It-tieni, jekk ir-rigal fil-fatt ingħata, jfisser li hemm rabta viċina bejn Joseph u Yorgen. Kemm hi viċina ma nafx. Forsi l-Ispettur Keith Arnaud jkun jista’ jeżamina l-laptop u l-mobile ta’ Joseph u (forsi) jkun jista’ jgħidilna iktar dwar kemm il-kriminalità daħlet il-ġewwa, fil-fond, fil-Berġa ta’ Kastilja.

Is-suspetti ilhom għaddejjin. Sfortunatament il-Pulizija lebsin ingwanti fini u qed jagħlqu għajnejhom.

Il-bieraħ stess tlabt lill-Kummissarju dwar l-Istandards fil-Ħajja Pubblika Dr George Hyzler biex b’referenza għal dan ir-rigal jiftaħ investigazzjoni fuq il-Prim Ministru Joseph Muscat u l-osservanza minnu tal-Kodiċi tal-Etika applikabbli.

Ħaġa waħda għad mhiex ċara: jekk l-arloġġ li rċieva Joseph hux falz bħaċ-ċertifikat ta’ Egrant “iffirmat” minn Jacqueline Alexander.

Il-mobile tal-Kasco u l-ingwanti tal-Pulizija

L-investigazzjoni li l-Pulizija qed tmexxi dwar l-assassinju ta’ Daphne Caruana Galizia, iktar ma jgħaddi żmien iktar qed jidher li hi investgazzjoni tad-dilettanti.

Illum jidher iktar ċar għax kemm Chris Fearne kif ukoll Robert Abela diġa esprimew ruħhom negattivament kontra l-Kummissarju tal-Pulizija u t-tnejn li huma jriduh iwarrab, illum qabel għada.

Fl-investigazzjonijiet tagħhom il-Pulizija riedu aċċess għall-mobile ta’ Keith Schembri, l-Kasco, ovvjament biex jaraw x’telefonati u messaġġi saru minnu u kif dawn jinkwadraw fil-bqija tal-investigazzjoni. Imma dan qallhom li kien tilfu!

Normalment meta l-Pulizija jkunu għaddejjn b’investigazzjoni ta’ kriminali “komuni” dawn il-mobiles malajr isibuhom anzi jkunu jafu ezatt fejn qegħdin għax ikunu ilhom isegwuhom!

S’issa l-mobile tal-Kasco għadu ma nstabx!

Rapporti dwar ix-xhieda tal-Pulizija fil-Qorti illum jindikaw ukoll li l-uffiċċju ta’ Keith Schembri f’Kastilja ma kienx issiġillat mill-ewwel biex ikunu ppriservati xi provi jew traċċi oħra .

Qalulna ukoll li meta l-Pulizija talbuh il-password biex jeżaminaw l-emails tiegħu Keith Schembri irrifjuta. U qiesu ma ġara xejn!

B’dawn l-iżbalji kollha fl-investigazzjoni (jekk wara kollox huma żbalji) bil-fors tistaqsi: il-Pulizija inkompetenti jew kompliċi?

Għalfejn qed jimxu bl-ingwanti ma’ Keith Schembri?

Il-Mafja fl-uffiċċju tal-Prim Ministru

 

Mix-xhieda ta’ Melvin Theuma, li nstemgħet dal-għodu, joħorġu ħafna ismijiet ta’ peruni li kienu fil-Berġa ta’ Kastilja.

Mhux biss Keith imma issa ukoll Sandro Craus u “Kenneth” mis-servizz tas-sigurtà li kien assenjat ma Keith Schembri.

Il-miljuni qieshom żerriegħa tal-ħarrub.

Jidher li l-Mafja li qatlet lil Daphne għandha assoċjazzjoni mill-qrib mal-Berġa ta’ Kastilja. Ftit ftit il-provi qed iqarrbu lejn dak li ħafna ilhom jissuspettaw. Imma biex ikollna l-istampa kollha rridu nisimgħu l-provi kollha.

Mill-Kummissjoni Venezja: Malta demokrazija parlamentari?

Meta tipprova tifhem dak li ntqal mill-Kummissjoni Venezja tal-Kunsill tal-Ewropa tirriżulta preokkupazzjoni waħda bażika: Malta demokrazija parlamentari? Meta tgħarbel l-opinjoni li kienet ippubblikata iktar kmieni din il-ġimgħa tasal għal konkulżjoni loġika: id-demokrazija parlamentari f’Malta hi prattikament ineżistenti. Minflok għandna ċentraliżmu demokratiku bil-Kabinett jiddetta lill-Parlament. Dik li fuq il-karta hi l-ogħla istituzzjoni tal-pajjiż hi fil-fatt sudditu tal-Kabinett.

Wasal iż-żmien li l-Parliament jieħu l-mazz f’idejh. Din hi l-qalba ta’ dak li għandu jkun ikkunsidrat f’riforma kostituzzjonali massiċċa li hi meħtieġa.

L-opinjoni tal-Kummissjoni Venezja teżamina diversi materji. Hi intitolata “Malta: Opinion on Constitutional Arrangements and Separation of Powers and the Independence of the Judiciary and Law Enforcement.”

Dan mhu xejn ġdid għalina f’Alternattiva Demokratika. Jekk wieħed jgħarbel il-manifesti elettorali, stqarrijiet u artikli minn esponenti ta’ AD tul is-snin hu ċar li l-parti l-kbira ta’ dak li tgħid il-Kummissjoni Venezja ġie indirizzat minn Alternattiva Demokratika. Imma dak li qalet AD ġie repetutament injorat mill-klassi politika diriġenti li kontinwament injorat il-ħtieġa ta’ bidla. Qatt ma kellhom rieda tajba li jindirizzaw il-poteri kolonjali tal-gvernatur li fil-parti l-kbira tagħhom għaddew għand il-Prim Ministru u rabbew l-għeruq fil-kostituzzjoni u l-liġijiet tagħna. Il-mentalità li min jirbaħ ikaxkar kollox trid tispiċċa u tinbidel f’waħda fejn kull settur tas-soċjeta ikollu rwol fit-teħid tad-deċiżjonijiet u fejn il-Parlament ma jibqax servili lejn il-Kabinett imma jkun kapaċi li jieqaf fuq saqajh u jagħti direzzjoni hu lill-Kabinett.

Fl-opinjoni tiegħi mhux korrett li jingħad li d-demokrazija f’Malta hi pprattikata fuq il-mudell ta’ Westminister. Iktar inkunu korretti jekk nirrealizzaw li l-mudell hu dak imfassal mill-Uffiċċju tal-Kolonji imma mlibbes ilbies kostituzzjonali iktar riċenti: gvernatur liebes ta’ Prim Ministru.

Il-problema bażika hi li l-Parlament Malti ġie ikkastrat mill-PNPL. Hu Parlament ineffettiv għax m’għandux ir-rieda politika li jġiegħel lill-Gvern jagħti kont ta’ għemilu: la l-Gvern tal-lum u l-anqas lil dawk li ġew qabel .

Il-Kummissjoni Venezja tidħol fil-qalba tal-materja meta tipponta lejn żewġ punti fundamentali li jeħtieġ li jkunu indirizzati.

Id-defiċjenza kostituzzjonali bażika f’Malta hi li l-Prim Ministru għandu f’idejh poteri kbar, wirt mill-gvernaturi kolonjali u f’ħafna każi bla jedd tal-Parlament li jara x’inhu għaddej. Dan iżeblaħ dik li nirreferu għaliha bħala demokrazija parlamentari u hu l-kawża tal-problemi kollha indirizzati mill-opinjoni tal-Kummissjoni Venezja.

It-tieni problema hi l-membri parliamentari servili lejn l-eżekuttiv dejjem ifaqqsu: jistennew it-tqassim mill-Prim Ministru ta’ ħatrijiet intenzjonati biex iżommuhom okkupati u allura ma jkollomx il-ħin biex isaqsu u jgħarblu dwar il-ħidma tal-Gvern.
Dawn mhumiex problemi li ħoloqhom Joseph Muscat. Inħolqu minn ta’ qablu u ġew ipperfezzjonati tul is-snin biex ikun assigurat li ħadd ma jazzarda jaħseb b’moħħu. Il-ftit eċċezzjonijiet jippruvaw ir-regola!

L-aħħar tibdil sar mill-Parlament b’maġġoranza Laburista elett fl-2013 meta sar tibdil f’diversi liġijiet biex ikun possibli li membri parlamentari (laburisti) jkunu jistgħu jinħatru f’diversi karigi, bi ħlas sostanzjali. Dan jassigura li ħadd minnhom ma jiftaħ ħalqu biex ikun kritiku tal-Gvern għax kollha għandhom idhom fil-borma.

Lawrence Gonzi ipprattika dawn l-affarijiet, filwaqt li Joseph Muscat irfina s-sistema.

L-opinjoni tal-Kummissjoni Venezja titkellem dwar bosta materji oħra ta’importanza kbira. Imma fl-opinjoni tiegħi, fl-aħħar, dak kollu li jingħad hu rifless f’punt wieħed : it-tmexxija għandha tkun f’idejn il-Parlament li għandu jibni demokrazija parlamentari ta’ vera u jġiegħel lill-Kabinett jagħti kont ta’ egħmilu kontinwament. Il-kumplament ikun il-konsegwenza loġika ta’ dan.

Ippubblikat fuq Illum : Il-Ħadd 23 ta’ Diċembru 2018

Venice Commission opinion: is Malta a Parliamentary Democracy?

Reading between the lines of the Council of Europe Venice Commission’s opinion on Malta, one basic preoccupation sticks out: is Malta a parliamentary democracy? Perusal of the opinion, released earlier this week, leads to one logical conclusion: parliamentary democracy in Malta is practically nonexistent. Democratic centralism reigns supreme, with the Cabinet dictating to Parliament. What on paper is the “highest institution in the land” is in fact a vassal of Cabinet.

Is it not about time that Parliament takes control? This is the crux of the matter which needs to be addressed by a major constitutional overhaul.

The Venice Commission’s opinion is wide-ranging. It is in fact entitled “Malta: Opinion on Constitutional Arrangements and Separation of Powers and the Independence of the Judiciary and Law Enforcement.”

There is nothing new to Maltese Greens in all this. Going through Green election manifestos, statements and articles throughout the years clearly shows that most of the points raised by the Venice Commission’s opinion have been repeatedly addressed by Alternattiva Demokratika-The Green Party. Yet these green proposals have been ignored time and time again as the alternating ruling political classes have continuously manifested a glaring lack of good will to embrace change and remove the vestiges of colonial rule which are still entrenched in Malta’s constitutional and legal setup.

The “winner takes all” mentality has yet to give way to one where all sectors of society are involved in decision-taking and where, in particular, Parliament is not subservient to the tenant at the Auberge de Castille, but is capable of holding Cabinet on a leash.

It is, in my opinion, incorrect to state that democracy in Malta is practiced on the basis of a Westminister model. It is rather a Colonial Office model camouflaged in modern constitutional clothing: a governor in prim-ministerial clothing. The basic problem lies in the fact that Malta’s Parliament has been castrated by the PNPL. It is an ineffective Parliament, as there is no political will to hold any government to account: neither the present nor any previous other.

The Venice Commission’s opinion goes to the heart of the matter when it points out two fundamental issues that need to be addressed.

The basic constitutional deficiency in Malta is an all-powerful Prime Minister who has constitutionally inherited all the powers exercised by the colonial governors, many times without parliamentary oversight. This makes a mockery of our so-called parliamentary-democracy and is the source and cause of all the problems addressed by the Venice Commission opinion.

The second basic problem is a never-ending supply of servile Members of Parliament who look forward to the sinecures distributed by the Prime Minister to all (government) backbenchers, thereby ensuring that all or most of them are at his beck and call. They are thus kept busy and have no time to ask questions and demanding answers, thereby holding the executive to account.

These problems have not been created by Joseph Muscat. They have, however, been specifically designed by his predecessors in office, red and blue, and tweaked over the years to ensure that at no point would it be possible for anyone to upset the applecart. The few exceptions prove the rule.

The latest adjustments to the system were made by a Labour-controlled Parliament after the 2013 elections as a result of the amendments to various laws making it possible to assign various responsibilities, against substantial payments, to practically all Labour parliamentary backbenchers. This ensures that they each and every government backbencher is not in a position to call the government to account as they all have a finger in the pie!

Lawrence Gonzi had also practised the above, while Joseph Muscat perfected the system.

The Venice Commission opinion speaks on various other important topics. In my humble opinion, at the end of the day it only boils down to one point: Parliament should take full control: it should construct a real parliamentary democracy and hold the tenant at the Auberge de Castille and his associates to account, continuously. All the rest will necessarily follow.

published in The Malta Independent on Sunday: 23 December 2018

L-għassies taċ-ċimiterju

Malta, bir-raġun kollu, akkużat lill-Italja li kisret id-dritt internazzjonali meta iddikjarat li l-port ta’ Lampedusa kien magħluq għall-vapuri tal-għaqdiet mhux governattivi li kienu fuq missjoni ta’ salvataġġ fiċ-ċentru tal-Mediterran. Wara li faqqgħet l-istorja ta’ MV Lifeline, Malta, imbagħad, għamlet l-istess billi għalqet il-portijiet kollha għal dawn l-għaqdiet. Matteo Salvini, il-bully ta’ ħdejna, pubblikament sforza lill-Gvern Malti biex jaddotta l-valuri tiegħu: valuri li jinjoraw id-dinjitá tal-bniedem.

Ġejna ibbumardjati mill-aħbarijiet li l-Kunsill Ewropew kien jaqbel mal-posizzjoni ta’ Malta dwar l-immigrazzjoni. Imma l-qbil tal-Kunsill kien li l-prattika tas-solidarjetá fil-qasam tal-immigrazzjoni kellha tkun fuq bażi volontarja. Ma hemm xejn ġdid f’dan. Ilna nafu b’din il-posizzjoni żmien: sa minn meta Lawrence Gonzi kien għadu jokkupa l-Berġa ta’ Kastilja!

Il-Prim Ministru ta’ Malta Joseph Muscat issa huwa qrib fil-ħsieb mal-Prim Ministru Ungeriż Viktor Orban, il-Kanċellier Awstrijakk Sebastian Kurst u l-Prim Ministru pupazz tal-Italja Giuseppe Conte, li magħhom dal-waqt tingħaqad il-Kanċellier Ġermaniża Angela Merkel, li kellha ċċedi għat-talbiet ta’ Horst Seehofer, mis-CSU, Ministru tal-Intern fil-koalizzjoni tagħha. Ilkoll kemm huma “jittolleraw” is-solidarjetá, sakemm din tkun prattikata minn ħaddieħor.

Nifhem il-ħtiega għat-tejatrin li ħass Muscat biex iċaqlaq lil diversi pajjiżi ħalli jipparteċipaw biex joffru it-tama lill-immigranti fuq MV Lifeline, avolja l-234 persuna umana abbord bagħtew tul l-istennija f’nofs il-Baħar Mediterran, sakemm disa’ stati ddeċidew li kellhom jerfgħu r-responsabbiltajiet tagħhom.

Imma dan kollu kien segwit mill-azzjoni kriminali kontra l-kaptan tal-vapur MV Lifeline, il-ħaruf tas-sagrifiċċju fuq l-artal tal-populiżmu, kif prattikat minn Joseph Muscat. Għax donnu kien meħtieġ għal Joseph Muscat li jinnewtralizza l-azzjoni tajba li għamel meta aċċetta li l-MV Lifeline jorbot mal-moll tal-Isla.

Dawk li jissugraw ħajjithom biex isalvaw dik ta’ oħrajn jispiċċaw jaqilgħu fuq rashom. L-ordni biex il-vapuri f’idejn l-għaqdiet mhux governattivi ma jbaħħrux fl-ibħra ta’ salvataġġ responsabbiltá ta’ Malta, anke jekk taparsi hi ordni temporanja, tagħti l-mano libera lill-gwardja tal-kosta Libjana biex “twettaq dmirha” u tassigura li dawk li jitilqu mil-Libja ikollhom għażla bejn żewġ destinazzjonijiet : iċ-ċentri ta’ detenzjoni Libjani inkella qiegħ il-baħar.

Biex jassigura li l-mewt bl-għarqa tkun l-unika għażla realistika il-Gvern Malti issa ipprojibixxa ukoll li ajruplani għat-tiftix u is-salvataġġ operati mill-għaqdiet mhux governattivi Sea Watch u Swiss Humanitarian Pilots Initiative jitwaqqfu immedjatament. Dan wara li diġa wasslu biex ġew salvati madwar 20,000 persuna umana.

Il-mistoqsija inevitabbli hi: dan kollu għaliex?

Is-soċjoloġi Ungeriżi Vera Messing u Bence Ságvári fl-istudju tagħhom intitolat Looking behind the Culture of Fear. Cross-national analysis of attitudes towards migration. li kien ippubblikat bl-għajnuna tal-Fondazzjoni soċjaldemokratika Ġermaniza Friedrich Ebert Stiftung u l-European Social Survey, f’Marzu li għadda, jistħarreġ tweġiba għal din il-mistoqsija.

“L-attitudni kontra l-immigranti, ftit li xejn għandha x’taqsam mal-immigranti”, ikkonkludew Messing u Ságvári. “Dawk f’pajjiżi b’livell għoli ta’ fiduċja fl-istituzzjonijiet, ftit li xejn korruzzjoni, ekonomija stabbli u li taħdem tajjeb, livell għoli ta’ koeżjoni u inklużjoni soċjali (inkluż tal-immigranti) jibżgħu l-inqas mill-immigrazzjoni” jinnotaw l-awturi. Min-naħa l-oħra jibżgħu dawk li “qegħdin f’pajjiżi fejn in-nies ma tafdax, la lil xulxin u l-anqas l-istituzzjonijiet tal-istat u fejn il-koeżjoni soċjali u s-solidarjetá huma dgħajfa.”

Hi tabilħaqq sfortuna li l-familji politiċi ewlenin ġew kontaminati minn din il-kultura tal-biża’ u b’hekk irrendew ruħhom ostaġġi tal-bulijiet li hawn madwarna.

Il-posizzjoni ġejografika ta’ Malta ma tinbidilx: mhiex negozjabbli. Flok ma niġu mbeżża’ biex b’mod passiv nagħmluha tal-għassiesa taċ-ċimiterju li qed jiżviluppa madwarna nistgħu inkunu proattivi u nfittxu li ninkoraġixxu oħrajn biex jingħaqdu magħna biex inkunu l-port tat-tama fiċ-ċentru tal-Mediterran. Dik dejjem kienet il-missjoni tagħna tant li wieħed mill-isbaħ ċertifikati li għandu pajjiżna huwa dak iffirmat minn San Luqa fl-Atti tal-Appostli meta huwa u jiddeskrivi n-nawfraġju ta’ San Pawl jgħid li l-Maltin “ġiebu ruħhom magħna bi ħlewwa liema bħalha. Laqgħuna tajjeb lilna lkoll ……..”

Sfortunatament l-egħluq tal-portijiet tagħna għall-vapuri operati mill-għaqdiet mhux governattivi fuq missjoni ta’ salvataġġ (wara l-eċċezzjoni tal-MV Lifeline) tindika li Joseph Muscat, imniġġeż kif inhu minn Matteo Salvini, abbanduna kull tama u minflok għażel ir-rwol ta’ għassies taċ-ċimiterju.

ippubblikat fuq Illum il-Ħadd 8 ta’ Lulju 2018

 

 

The cemetery watchman

Malta rightly accused Italy of being in breach of international law when it closed the Lampedusa port to NGO vessels on rescue missions in the central Mediterranean. In the aftermath of the MV Lifeline debacle, Malta then proceeded to follow suit by closing all Maltese ports to NGO vessels. Matteo Salvini, the bully next door, has publicly pressured Malta’s government to submit to his values: those same values which ignore human dignity.

We have been bombarded with the news that the EU Council of Ministers has agreed to, and endorsed, Malta’s position on migration. This is not correct as the EU Council of Ministers only reiterated that, at most, they would consider solidarity as being only voluntary in nature. There is nothing new in such a statement. We have known about it for ages: since the days when Lawrence Gonzi was the tenant at Auberge de Castille!

Malta’s Prime Minister Joseph Muscat, is now almost on the same wavelength as Hungary’s Prime Minister Viktor Orban, Austrian Chancellor Sebastian Kurst, and Italy’s puppet Prime Minister Giuseppe Conte, soon to be joined by German Chancellor Angela Merkel, forced into submission by her CSU coalition partner Interior Minister Horst Seehofer. All of them “tolerate” solidarity, as long as it is only practised by others.

The theatrics resorted to by Muscat to ensure an adequate participation in offering hope to the immigrants on board MV Lifeline were understandable, even though the 234 human beings on board suffered for long days in the middle of the Mediterranean Sea until nine states made up their mind to shoulder their responsibilities.

This was, however, followed by criminal action initiated against the captain of MV Lifeline as the sacrificial lamb on Joseph Muscat’s altar to populism. It seemed that Joseph Muscat had to counter-balance his good deed, when he permitted MV Lifeline to dock at the Senglea wharf.

Those who continuously risk their lives in trying to save the life of others end up at the wrong end of the stick. The order that NGO sea-going vessels do not navigate through the rescue area under Malta’s responsibility, even if falsely camouflaged as a temporary measure, gave a free hand to the Libyan coastguard to “carry out its duty”, that is to ensure that those who try to leave Libya have only two possible destinations: Libyan detention centres or the seabed.

To ensure that death by drowning is the only practical choice, the Maltese government has now also stopped the search and rescue aircraft operated by NGO Sea Watch and the Swiss Humanitarian Pilots Initiative. The aircraft has been involved in the rescue of 20,000 human beings.

The inevitable question is : Why is it happening? Hungarian sociologists Vera Messing and Bence Ságvári in their study entitled Looking behind the Culture of Fear. Cross-national analysis of attitudes towards migration. which was published under the auspices of the German social democratic foundation Friedrich Ebert Stiftung and the European Social Survey, last March, sought an answer to this question.

“Anti-migrant attitudes have little to do with migrants”, concluded Messing and Ságvári. “People in countries… with a high level of general and institutional trust, low level of corruption, a stable, well-performing economy and high level of social cohesion and inclusion (including migrants) fear migration the least,” the authors note. On the other hand: “People are fearful in countries where people don’t trust each other or the state’s institutions, and where social cohesion and solidarity are weak.”

It is indeed unfortunate that the major political families have been contaminated by this culture of fear, thereby rendering themselves hostages to the bullies around us, as a result promoting a culture of death.

Malta’s geographic position is a given: it is non-negotiable. Instead of being bullied to passively supervise the cemetery developing around us, we can be proactive and encourage others to join us in being a port of hope in the centre of the Mediterranean. That has always been our mission, to the extent that one of the best descriptions of Maltese hospitality is the one attested to by St Luke in the Acts of the Apostles when describing St Paul’s shipwreck: “the natives showed us unusual kindness for they kindled a fire and welcomed us all”.

Unfortunately, closing our ports to NGO-operated vessels on rescue missions (after the one-off MV Lifeline debacle) indicates that Joseph Muscat, prodded by Matteo Salvini, has discarded hope and has instead opted for the role of a cemetery watchman.

published in The Malta Independent on Sunday – 8 July 2018

Il-Palazz tal-Girgenti: bejn Gvern u Partit

girgenti-palace-2

Meta nhar it-Tlieta li għadda, jiena u Arnold Cassola iltqajna mas-Sur Joseph Church, il-Kummissarju Elettorali Ewlieni, tkellimna miegħu dwar il-Palazz tal-Girgenti u l-fatt li l-Grupp Parlamentari tal-Partit Laburista għamel użu minnu biex iltaqa hemm.

Għal uħud Alternattiva Demokratika qed tfettaq u tgħaġġibha. Jiena ma naħsibx li dan hu l-każ għax hemm prinċipju importanti ħafna fin-nofs: fejn hi l-linja li tissepara l-partit mill-gvern? Issa jiena konxju li hemm min mhuwiex interessat fil-prinċipji, għax għal uħud, dawn huma burokrazija żejda!

Għandu jkun hemm separazzjoni bejn il-Gvern u l-partit politku li jiffurmah, jew inkella dawn għandhom ikunu ħaġa waħda, jew kważi?  Din hi l-qalba tal-kwistjoni kollha li fil-fehma ta Alternattiva Demokratika teħtieġ li tkun ikkunsidrata battenzjoni kbira.

Il-liġi li tirregola l-finanzjament tal-partiti saret biex ikun hemm trasparenza. Saret ukoll biex tiġbed linja ċara dwar dak li jista jsir u dak li ma jistax isir, u dan permezz ta numru ta kontrolli.

Fost affarijiet oħra, l-Att tal-2015 dwar il-finanzjament tal-partiti politiċi, fl-artiklu 34 tiegħu jgħid li partit politiku ma jistax jaċċetta donazzjoni minn sorsi tal-istat. Mhemmx kif u għaliex, iżda xejn, bla argumenti jew eċċezzjonijiet.

Issa donazzjoni għal-liġi dwar il-finanzjament tal-partiti politiċi ma tfissirx biss li partit ikun irċieva għotja ta flus. Għax anke jekk jixtri jew jirċievi prodott jew servizz bi prezz ridott, partit politiku jkun qiegħed jirċievi donazzjoni, u l-valur tad-donazzjoni, fdan il-kaz tkun l-ammont li jkun tnaqqas mill-prezz jew mill-valur tal-oġġett jew servizz. Imma jekk partit politiku jirċievi prodott jew servizz bla ma jħallas xejn għalih ikun qiegħed jirċievi donazzjoni li tikkonsisti fil-valur sħiħ tal-oġġett jew servizz li jkun qed jirċievi.

Fil-kaz tal-laqgħa tal-Grupp Parlamentari tal-Partit Laburista li saret fil-Girgenti ġara preċiżament hekk. Il-Grupp Parlamentari tal-Partit Laburista ingħata servizz li kien jikkonsisti fl-użu tal-Palazz tal-Inkwiżitur fil-Girgenti biex fih jiltaqgħu, il-bogħod mill-istorbju, u allura biex il-ħidma tagħhom setgħet tagħti l-frott ippjanat. Dan is-servizz ingħata lill-Partit Laburista mill-uffiċċju tal-Prim Ministru u dan ingħata bla ħlas. Minħabba li ngħata bla ħlas jitqies li huwa donazzjoni.

Il-Prim Ministru ma għandu l-ebda seta’ jagħmel donazzjonijiet ta din ix-xorta. Huwa miżmum milli jagħmel dan minn liġi li ippreżenta l-Gvern immexxi minnu stess fil-Parlament u li daħlet fis-seħħ fl-1 ta Jannar 2016 wara li ġiet approvata. Hemm min qed jargumenta li fil-passat sar l-istess. Probabbilment li dan huwa veru. Imma issa għandna liġi eżattament biex dan ma jerġax isir. Liġi li l-Gvern (ġustament) jiftaħar biha, ħalli mbagħad ikun hu stess li ma josservahiex!

Mhiex ħaġa sabiħa li l-partit u l-Gvern ikunu ħaġa waħda. Meta dan iseħħ, l-anqas ma hu sinjal tajjeb. Ikun ifisser li wasalna fsitwazzjoni li fiha dak li hu tal-pajjiż ikun ikkapparrat mill-ftit. Hekk jibdew il-problemi l-kbar. Jibdew minn affarijiet żgħar li dwarhom jgħidulek biex ma tfettaqx imma imbagħad jinfirxu għal affarijiet ikbar.

Imma jekk ma tkunx tajt kaz fl-affarijiet iżżgħar imbagħad ikun tard wisq.

II-partit fil-Gvern jifforma l-Gvern imma hu separat u distint minnu fkull ħin.

Għalhekk għandha taġixxi malajr il-Kummissjoni Elettorali għax is-separazzjoni bejn il-partit u l-istat hu prinċipju sagrosant meta demokrazija parlamentari tkun bsaħħitha.

ippubblikat fuq Illum: Il-Ħadd 26 ta’ Frar 2017