Bejn RCC u Olaf Terribile

RCC

 

Tiftakru meta l-Partit Laburista fil-Parlament ressaq mozzjoni ta’ ċensura kontra Richard Cachia Caruana? Il-mozzjoni dakinnhar kienet ġiet approvata għax Jeffrey Pullicino Orlando kien ivvota mal-Opposizzjoni u Jesmond Mugliette kien astjena.

Dakinhar fuq dan il-blog jiena kont ktibt li r-raġunijiet li kienu inġiebu mill-Opposizzjoni Laburista biex jiġi ċċensurat RCC kienu imġebbda. Għax dak li ntqal dakinnhar, kieku kien minnu, ma kienx jiġġustifika ċ-ċensura ta’ RCC imma tal-Gvern!

Li għamel il-grupp Parlamentari Laburista tlett snin ilu kien li ħa posizzjoni illi l-ħatriet fil-korp diplomatiku kellhom ikunu mgħarbla mil-Parlament. Tista’ taqbel jew ma taqbilx mat-tiġbid tal-argumenti imma naħseb li kien pass il-quddiem li f’Ġunju 2012 il-Parlament Malti iddiskuta l-ħidma tal-Ambaxxatur Richard Cachia Caruana.

F’dawn il-ġranet huwa imminenti li l-Gvern iħabbar il-ħatra ta’ ambaxxatur ġdid ta’ Malta għar-Republika tal-Poplu taċ-Ċina. Xniegħat persistenti jindikaw li ser jinħatar Olaf Terribile bħala ambaxxatur. Probabbilment li din il-ħatra tiegħu tidħol fis-seħħ fl-istess jiem meta hu mistenni li jirriżenja t-Tabib George Vella minn Ministru għall-Affarijiet Barranin minħabba raġunijiet ta’ saħħa.

Olaf Terribile għandu passat ikkulurit ħafna fis-servizz pubbliku. Kien Segretarju Privat tal-ex-President George Abela li kien neħħieh għax tilef il-fiduċja fih.

Ikun interessanti kieku l-Kumitat Parlamentari dwar l-Affarijiet Barranin jitħajjar jgħarbel il-ħatra tal-Ambaxxatur il-ġdid Olaf Terribile. Hu xieraq li jkun assigurat li Terribile għandu l-kompetenza biex jirrappreżenta lill-pajjiż li ma jmurx jirreżenja wara ftit inkella jitneħħa kif qed jingħad li ser jiġri dalwaqt lill-ambaxxatriċi preżenti ta’ Malta f’Washington.

Ikun għaqli kieku l-Parlament jibda jgħarbel dawn il-ħatriet tal-ambaxxaturi Maltin. Forsi l-ħatriet li jsiru (kemm dawk politiċi kif ukoll dawk li m’humiex) jibdew ikunu ftit iktar bis-sens.

Advertisements

Id-derby ta’ George Abela

Coleiro.Abela.Farrugia

 

F’attivita’ konnessa mal-futbol, George Abela, President Emeritu, tkellem dwar il-valuri.  Qalilna kemm huma importanti l-valuri fis-soċjeta’ Maltija. Qalilna li allaħares il-valuri ma jibqgħux ċentrali għalina.  Imbagħad qiesu ipprova jagħti x’jifhem li l-valuri huma biss dawk insara. Li min ma jħaddanx valuri insara huwa bla valuri.

Meta George Abela kien qed jitkellem fil-Millenium Chapel ġewwa Paceville kien qed jinawgura ġemellaġġ bejn il-Millenium Chapel u l-Youth Football Association. Dakinnhar l-unika futbol li kien interessat fih George Abela kien id-derby ta’ Ħal-Qormi, bejnu u Marie Louise Coleiro-Preca. Abela kien qiegħed iwieġeb żewġ linji mid-diskors tal-President Coleiro-Preca li għamlet f’Jum ir-Repubblika.

Coleiro-Preca nhar it-13 ta’ Diċembru f’diskors ibbażat fuq ix-xogħol u s-solidarjeta’ soċjali bħala pediment essenzjali tar-Repubblika osservat li bħala parti mill-proċess tas-sekularizzazzjoni li Malta għaddejja minnu l-forza organizzattiva tar-reliġjon kattolika qiegħed jiġġenneb. Żiedet tosserva illi irridu noqgħodu attenti li ma nagħmlux l-iżball li seta għamel ħaddieħor li f’dawn iċ-ċirkustanzi min hu qrib il-poter jimponi l-valuri tiegħu. Għax hemm (jew għandu jkun hemm) spazju għal kulħadd.

Osservazzjonijiet f’waqthom għax Malta bħala stat lajk għandha tirrispetta lil kulħadd irrispettivament mill-valuri li jħaddan.

George Abela & Joseph Muscat: a game of snakes and ladders

snakes and ladders

 

Online comments are aimed at congratulating former President George Abela for declining an offer to be appointed as an advisor to Prime Minister Joseph Muscat.

Whilst Abela’s reaction is the correct behaviour one would expect from a former President it would be pertinent to point out that this “news” is obviously being leaked to counteract and balance out the same Abela’s behaviour when, as President in office, he had signalled that he would not sign into law the Civil Unions Bill.

He should have resigned then.

Rather than congratulating a former President for acting correctly out of office, it would have been preferable to be in a position to congratulate him for acting correctly whilst in office.

But some people have very short memories indeed.

A case of snakes and ladders?

Presidenza tal-lastku

president-of-malta-flag-over-blue-sky

Il-Presidenza ta’ George Abela bdiet fuq nota tajba. Kien l-ewwel darba li partit fil-Gvern innomina esponent ewlieni mill-partit fl-Opposizzjoni bħala Kap tal-Istat. Kienu x’kienu r-raġunijiet li wassal għal dan, kienet deċiżjoni li intlaqgħet tajjeb.

Kien President li ħa kompletament f’idejh l-Istrina u r-riżultati li kiseb f’dan il-qasam kienu riżultati tajbin.

Iżda l-Presidenza ta’ George Abela ser tispiċċa fuq nota ħażina. Ir-rapporti fil-gazzetti li l-President George Abela informa lill-Prim Ministru Muscat li mhux fi ħsiebu jiffirma l-liġi dwar l-Unjoni Ċivili għal raġunijiet ta’ kuxjenza hi inkwetanti għax il-Gvern akkomoda lill-Abela billi ħalla għal ftit ġimgħat l-abbozz pendenti fuq l-agenda tal-Parlament sakemm George Abela jispiċċa mill-ħatra. B’hekk qiegħed jiġi evitat li Abela jkollu jirreżenja u tinħoloq kriżi kostituzzjonali imma ma hu ser jissolva xejn. Għax il-Presidenza qed tiġi trasformata f’biċċa tal-lastiku li tista’ ġġebbed fiha kemm trid.

Il-Presidenza ser tkompli tiġġebbed b’dak li hu ippjanat mal-ħatra ta’ Marie Louise Coleiro-Preca li bil-barka tal-Gvern ser tieħu magħha biċċa mill-Ministeru tal-Politika Soċjali.

Mhux billi jingħad li l-Presidenza tar-Repubblika trid tkun simbolu ta’ għaqda. Biex tkun vera simbolu ta’ għaqda l-Presidenzxa trid tkun il-bogħod mill-kontroversja. Jekk dan ma jsirx dak li qed jingħad ikun biss paroli

Alfred Sant: thriller ġdid dwar il-ħatra tal-President George Abela

Alfred Sant 13

Alfred Sant għandu opinjoni ċara dwar il-President il-ġdid tar-Repubblika ta’ Malta li jrid jinħatar f’April li ġej.

Skond Alfred Sant il-President il-ġdid għandu jkun (jew għandha tkun) dik il-persuna li jiddeċiedi l-Prim Ministru. Skond Alfred Sant il-Prim Ministru jiddeċiedi u dik id-deċiżjoni tkun finali. Ma jgħidilniex Dr Sant dwar ir-rwol taI-Parlament. Ovvjament il-loġika tgħidlek li jekk il-Prim jiddeċiedi, il-Parlament ma jibqax  x’jagħmel ħlief li jittimbra.

Interessanti ħafna kemm Dr Sant jemmen fil-konsultazzjoni. Jagħtina ukoll ir-raġunijiet ghaliex għalih il-konsultazzjoni hi ħela ta’ żmien. Għax Lawrence Gonzi, skond Dr Sant, hekk ukoll kien jagħmel. Jgħidilna:

“Kunsiderazzjonijiet hekk twarrbu meta l-PN għażel il-Presidenti “tiegħu”. Id-diskors kien ikun: hekk se jsir. Naf għax kont hemm meta ntqal.”

Pero’ iktar interessanti minn dan kollu huwa l-kumment ta’ Dr Sant dwar il-ħatra ta’ Dr George Abela bħala President tar-Repubblika fl-2009.

Jgħidilna hekk Dr Sant:

“Gonzi-pn għażel President ftit wara li rebaħ elezzjoni bi żbrixx. Ried jidher ftit ħelu qabel jitlaq għat-triq tal-arroganza bla kantunieri. U kellu raġunijiet oħra okkulti li ma jissemmewx”.

Issa din hi ħaga serja ħafna. Li Dr Sant jgħid li Gonzi ried jidher ħelu qabel jitlaq għat-triq tal-arroganza bla kantunieri, imma kellu “raġunijiet oħra okkulti” li ma jissemmewx.

Issa jiena ma nistax nifhem x’jistgħu ikunu dawn  “ir-raġunijiet oħra okkulti” li ma jissemmewx.

Naħseb li qed jgħid li r-raġunijiet huma sigrieta. Raġunijiet moħbija. Imma Dr Sant jaf x’inhuma dawn ir-raġunijiet “okkulti”? Ma nafx, imma forsi għalhekk Dr Sant kien wieħed miż-żewġ membri tal-Grupp Parlamentari Laburista li meta l-Grupp ġie biex jiddeċiedi jekk jappoġġax il-ħatra ta’ George Abela bħala President tar-Repubblika fl-2009 ivvota kontra.

Jekk niftakar sewwa Dr Alfred Sant l-anqas kien attenda l-Parlament meta tressqet il-mozzjoni għall-approvazzjoni tal-ħatra ta’ Dr George Abela.

Verament ried ikun distakkat kemm jista’ jkun mill-okkult.

Nistennew epiżodju ieħor minn dan it-thriller ġdid ta’ Dr Alfred Sant.

Il-Partit Laburista u Ġorġ Abela

Alfred Sant, George Abela and George Vella

Diversi huma l-persuni li jikkummentaw li meta fl-2004 Lawrence Gonzi għażel li jinnomina lill-Eddie Fenech Adami bħala President tar-Repubblika għamel żball. L-argument dejjem kien li m’huwiex fl-interess nazzjonali li persuna li għal snin twal kienet fuq quddiem nett fit-taqbida politika jkun appuntat f’kariga li tissimbolizza l-għaqda nazzjonali.

Naqbel perfettament ma dan l–argument. Avolja Fenech Adami kien President tajjeb u qeda dmiru b’mod impekkabbli.

Li ma jingħadx imma, ħafna drabi hu, li qabel ma Lawrence Gonzi  innomina lil EFA fl-2004 kien diġa ippropona lil Ġorg Abela.

Dakinnhar il-Partit Laburista ma kienx irreaġixxa għal din in-nomina iżda minflok ippropona numru ta’ persuni oħra.

Ir-raġuni għal dan ovvjament qegħda fil-posizzjoni li ħa Ġorġ Abela (dakinnhar Deputat Mexxej tal-Partit) fil-Konferenza Ġenerali tal-Partit Laburista fis-sajf tal-1998.  Fil-Konferenza Ġenerali Ġorg Abela kien oppona li Alfred Sant ixolji l-Parlament u jsejjaħ elezzjoni.

Filwaqt li posizzjoni ta’ Ġorg  Abela dakinnhar kienet waħda iebsa ħafna tant li ħabbar li jekk il-Labour imur għal elezzjoni bikrija kien fi ħsiebu jirreżenja minn Deputat Mexxej tal-Partit jingħad li fl-istrutturi interni tal-Partit Laburista ftit siegħat qabel il-Konferenza Ġenerali b’mod unanimu d-diriġenti tal-Partit kienu qablu mal-ħtieġa ta’ elezzjoni bikrija.

Ma irnexxilix nikkonferma jekk Ġorġ Abela kienx preżenti għal din il-laqgħa li wasslet għal qbil unanimu. Bosta jsostnu li kien preżenti, li ha sehem f’dik il-laqgħa u għal xi raġuni, wara, bidel il-posizzjoni tiegħu.

Punt interessanti dan li ħadd għadu ma spjega.  Ġara x’ġara jidher li lil Ġorġ Abela hemm min ma ħafirlu qatt. Iż-żmien biss inessi u jfejjaq

Grazzi Sur President

George Abela 03

Niżilli għasel id-diskors tal-bieraħ, lejliet il-Milied, tal-President tar-Repubblika, fejn tkellem dwar il-ħtieġa li nifhmu iktar l-impenn tagħna l-Maltin favur is-solidarjeta.

Il-President Abela, kif inhu xieraq, kien meqjus fi kliemu. Uża l-opportunita biex min għandu sens li jifhem jifhem. Dawk kollha li huma fil-ħajja pubblika għandna l-obbligu li iffaċċjati bil-kriżi tal-immigrazzjoni mill-baħar ma nirrikorrux għall-populiżmu.

Din kienet sena fejn kellna min rewwaħ il-mibgħeda razzjali. Kellna min ipprova jirkeb il-kultura tal-indifferenza li qed tittrasforma liċ-ċentru tal-Mediterran f’ċimiterju.

Kliem il-President Abela hu f’waqtu.  Tajjeb li nippriedkaw is-solidarjeta, iżda meta jiġi l-waqt għandna l-obbligu li nipprattikawha ukoll. U l-ewwel pass hu li ħadd ma jrewwaħ għas-sentimenti ta’ mibgħeda razzjali.

Grazzi, Sur President. Il-Milied it-tajjeb.

Il-President il-ġdid ta’ Malta

president-of-malta-flag-over-blue-sky

L-ispekulazzjoni dwar min ser ikun il-President il-ġdid ta’ Malta bdiet.

Is-sit elettroniku tal-PN maltarightnow.com iżid mal-ispekulazzjoni billi jagħti informazzjoni żbaljata.

Żbaljata mhux daqstant dwar l-ismijiet (jissemmew George Vella, Miriam Spiteri Debono u Maria Camilleri) imma billi jgħid li l-President tar-Repubblika jeħtieġ approvazzjoni ta’ żewġ terzi tal-membri Parlamentari. Fil-fatt kull ma jeħtieġ biex ikun approvat il-President il-ġdid tar-Repubblika hu appoġġ ta’ maġġoranza sempliċi tal-membri parlamentari. Hekk kien meħtieġ għal kull wieħed u waħda mill-Presidenti li nħatru sal-lum. Bl-eċċezzjoni ta’ tnejn: għax l-ewwel wieħed (Sir Anthony Mamo) u l-aħħar wieħed (George Abela) kienu approvati b’vot unanimu!

Issa min ser isir President wara George Abela jiena m’għandix idea. Bħalma m’għandhomx idea l-parti l-kbira tal-Maltin! Fl-aħħar mhiex ser tagħmel differenza jekk ikunx George Vella, Miriam Spiteri Debono jew Maria Camilleri kif qed jissuġġerixxi l-maltarightnow.com!

L-anqas ma’ tagħmel differenza jekk ikun Lawrence Gonzi kif ibbottja l-Illum dalgħodu.

Il-ħatriet tal-Gvern …………… logħba ċess

Chess.01

Dak li jiġri f’dan il-pajjiż mhux dejjem jinftiehem.

Uħud minn dawk li l-Gvern immexxi mill-Partit Laburista appunta f’xi ħatra ġew ikkritikati għax jew dehru f’xi billboard inkella għax kienu jappoġġaw lill-partit b’mod miftuħ.  Kritika li fl-opinjoni tiegħi hi waħda redikola. Bħal dak li qallu li mhux kull Gvern (f’dan il-pajjiż) iħares l-ewwel u qabel kollox lejn il-lealta’ politika tal-parti l-kbira ta’ dawk li jaħtar. Anke Lawrence Gonzi mexa b’dan il-mod. Imma l-memorja ta’ bosta hi qasira ħafna. Kultant huma ħafna selettivi f’dak li jiftakru.

Mela lil dawk li dehru fuq il-billboards jgħidulhom li ma messhomx inħatru. Lil dawk li jappoġġaw lill-Gvern jgħidulhom li nħatru biex jitħallsu tal-appoġġ li taw.

U lil bqija?

Mhux kull ħatra li saret ġiet ikkritikata. Anzi uħud mill-ħatriet gew imfaħħra. Bħal dawk ta’ l-Imħallef Giovanni Bonello u l-Professur Oliver Friggieri.

Hemm diversi mill-ħatriet li ħadd ma lissen kelma dwarhom. Dan hu sewwa għax il-parti l-kbira tal-persuni li nħatru (irrispettivament mill-fehmiet politiċi tagħhom) huma persuni serji, kompetenti f’xogħolhom u leali lejn pajjiżna li lkoll nixtiequh aħjar. Għandhom ikunu iġġudikati fuq dak li jagħmlu fil-ħatra u mhux fuq dak li naħsbu dwarhom. Anke jekk hu  ċar li uħud mill-ħatriet ma nafx kif tista’ tiġġustfikhom, bħal dik ta’ William Mangion!

Minħabba l-performance tagħhom fil-pubbliku fis-snin li għaddew naħseb li kemm il-ħatra ta’ Lou Bondì kif ukoll  dik ta’ Jason Micallef kienu żbaljati. Huma ħatriet li jagħtu messaġġ żbaljat. Il-messaġġ li jifhmu in-nies fit-triq hu differenti minn dak li qed jipprova jfiehem Joseph Muscat.

Jason Micallef huwa bniedem tal-partit u l-ħatra tiegħu hi parti mil-logħba ċess li tintlagħab fil-politika kontinwament. Jason Micallef hu wieħed minn dawk il-persuni li Joseph Muscat ma setax ma jaħtarx x’imkien. Dak li ġara fil-Partit Laburista matul dawn l-aħħar ħames snin, inkluż meta seħħet l-abolizzjoni tal-kariga ta’ Segretarju Ġenerali tal-partit biex ġie mtajjar min-nofs Jason Micallef hi prova ta’ dan. Mhux neċessarjament l-aħħar mossa ta’ Muscat.

Il-ħatra ta’ Lou Bondì hi iktar ikkumplikata. Saru diversi kummenti dwarha. Minkejja li kummentaturi bħal Daphne Caruana Galizia qalu li Lou Bondì messu bagħat lil Joseph Muscat jixxejjer dan ma bagħtux. Lou Bondì daqsxejn iktar intelliġenti minn hekk u qed jilgħab il-logħba taċ-ċess hu ukoll. Hi mossa li inevitabilment ser toħrog Lou Bondì differenti minn dak li jidher fuq l-iscreen tat-televiżjoni.

Niftakru ukoll li kien Lawrence Gonzi li ppropona l-ħatra ta’ George Abela bħala President tar-Repubblika.  Ħatra li jekk inkunu onesti magħna infusna qeda b’mod tajjeb u ftit hemm x’tikkritika fl-imġieba tiegħu.

Nistennew u naraw il-mossi li jmiss.

Far ahead in arrogance ………………..

 George Abela.060413

This morning in Parliament, His Excellency President George Abela launched the government’s five year programme. We need to discard the ways of old and embrace a new way of doing politics. It is indeed unfortunate that we are far ahead in embedding arrogance in government   ……………

His Excellency was obviously reading out the script which others have written. He symbolically heads the government and hence he reads out the programme of “his government”.

The problem with the President’s speech is that we have heard it many a time. Maybe in less colourful language, but surely it has been listened to before.

Obviously the proof of the pudding is in the eating. We still need proof that shortly we will start lagging behind in arrogance, and maybe for a change being leaders in something positive!

I await some positive signal, which I have not yet noticed.