Fl-2013 inħatret ir-Russa Valentina Ivanova Matvienko bħala Kumpann tal-Unur (Onorarju) fl-Ordni Nazzjonali tal-Mertu. Fl-2014 l-istess unur ingħata lill-Prinċep Sawdi Alwaleed bin Talal bin Abdulaziz al Saud.
Ingħad li t-tnejn li huma għinu fit-tisħiħ tar-relazzjonijiet ta’ Malta ma’ pajjiżhom.
Imma minkejja l-merti kollha li jista’ jkollhom dawn iż-żewġ persuni, jirrappreżentaw ukoll affarijiet oħra ukoll.
Matvienko, allejata ta’ Vladimir Putin, kienet għal xi żmien Ambaxxatur ta’ pajjiża f’Malta (1991-95). Fir-Russja preżentament hi Gvernatur ta’ San Pietruburgu. Fir-Russja hi assoċjata mal-kampanja li ilha għaddejja kontra d-drittijiet tal-gays.
Il-Prinċip Sawdi min-naħa l-oħra ġej minn pajjiż li fih in-nisa m’għandhomx drittijiet.
Fejn irridu naslu b’dawn l-unuri?
Blog ta' Carmel Cacopardo 