It-tieġ ta’ Venezja u l-ħasil tal-flus

 

Diversi qed jistaqsu għalfejn dan l-għaġeb kollu dwar min attenda għat-tieġ li sar Venezja fejn iżżewweġ dak li sa ftit ġranet ilu kien iċ-Chairman u s-sid tal-bank Pilatus, Ali Sadr Hasheminejad.

Kull wieħed minna għandu l-obbligu li joqgħod attent biex dak li jagħmel fil-ħajja privata tiegħu jew tagħha ma jirriflettix ħażin fuq il-ħidma pubblika tiegħu jew tagħha. Biex inkun ċar, meta ngħid il-ħidma pubblika mhux qed nillimita ruħi għall-politiċi.

Sfortunatament għal bosta sar qiesu xejn m’hu xejn.

L-arrest fl-Istati Uniti tal-Amerika ta’ Ali Sadr Hasheminejad sar il-ġimgħa l-oħra. Kien arrest dwar ksur tal-liġijiet Amerikani fuq is-sanzjonijiet kontra l-Iran.

Imma kien ix-xahar l-ieħor li l-European Banking Authority fetħet inkjesta preliminari dwar is-sorveljanza li l-MFSA għamlet fuq il-bank Pilatus u b’mod partikolari dwar id-due diligence meħtiega biex ikun stabilit is-sors tat-€8 miljuni kapital inizzjali biex fetaħ il-bank.

L-issue tal-ħasil tal-flus ilha tissemma xhur sħaħ fil-konfront tal-bank Pilatus.

Il-mistoqsija allura li teħtieġ tweġiba hi dwar jekk kienx hemm preżenti għal dan it-tieġ f’Venezja persuni li x-xogħol tagħhom ta’ kuljum jikkonċerna s-sorveljanza kontra l-ħasil tal-flus.

Biex inkun l-iktar ċar possibli ħa nikkwota ir-rapport ta’ Lovin Malta li ġie ippubblikat il-bieraħ il-Ħadd 25 ta’ Marzu 2018. Jgħid hekk :
“Also present at Ali Sadr’s wedding was Juanita Bencini, a consultant at KPMG – the auditors of Pilatus Bank. Bencini is President of the Institute of the Financial Services Practitioners and chairs the IFSP’s Prevention of Money Laundering And Funding Of Terrorism committee. She is also board member of the government’s finance promotional arm FinanceMalta and chairs the anti-money laundering committee of the Malta Institute of Accountants.

She was accompanied to the wedding by her husband Austin Bencini, who sits on the board of directors of Allied Newspapers – which owns The Times of Malta.”

Ikun interessanti ħafna jekk inkunu nafu x’taħseb l-MFSA dwar dan. U kif qegħdin fiha l-korpi professjonali tal-accountants u l-awdituri jistgħu jilluminawna ftit ukoll!

L-etika professjonali fejn hi?

 

Advertisements

Min hu bħal Pilatu?

Li Pilatu jkun fl-aħbarijiet lejliet kull Ġimgħa l-Kbira hu normali.

L-akkużi gravi fi New York kontra ċ-Chairman tal-Bank Pilatus Ali Sadr Hasheminejad kienu ilhom ikunu investigati sa mill-2013. Id-delitti finanzjarji fl-Istati Uniti tal-Amerika jidher li jeħduhom bis-serjetá. It-tmexmix tal-fenek probabbilment jitħalla għal wara s-sentenza.

Waqt li fl-Istati Uniti kien qed ikun investigat iċ-Chairman tal-Bank Pilatus f’Malta l-MFSA kienet qed tagħmel due diligence dwar l-istess bank. Mid-dehra l-MFSA kienet sodisfatta b’dak li rriżultala tant li fl-2014 ħarġet il-liċenzja tal-Bank.

Ilna nistaqsu dwar kif dan il-Bank ħa l-liċenzja. Għax hu diffiċli biex tifhem kif inhu possibli li fl-Istati Uniti l-Bank ikun taħt il-lenti u qed jiġi investigat u f’pajjiż ieħor fl-istess ħin jinfetħulu l-bibien beraħ u jingħata l-liċenzja.

L-MFSA għandha ħafna x’tispjega.

Hu meħtieġ li l-MFSA stess tkun investigata biex ikun stabilit x’irriżulta waqt il-proċess tad-due diligence u jekk kienx hemm min għalaq għajnejh. Fi ftit kliem: d-due diligence sar bis-serjetá jew le?

L-istejjer li ilna nisimgħu dwar il-Bank Pilatus matul dawn l-aħħar xhur misshom ilhom li wasslu għal azzjoni drastika. Meta illum l-MFSA damet ġurnata sħiħa tiddelibera dwar x’ser tagħmel kont nistenna li tkun sospiża l-liċenzja tal-Bank inkella li l-MFSA taħtar amministrazzjoni temporanja u indipendenti għall-bank biex ikunu assigurat li jekk hemm xi provi li jistgħu jixħtu d-dawl fuq dak li għaddej, dawn ikunu ppreservati.

Għax ngħiduha kif inhi, li bank ikollu lill-Gvern tal-Azerbajan bħala klijent ewlieni tiegħu kellha tiftah għajnejn kulħadd li hemm xi ħaġa mhux f’postha. Għax il-Gvern tal-Azerbajan hu magħruf bħala wieħed mill-iktar Gvernijiet korrotti fid-dinja.

Kif ngħidu, ma min rajtek, xebbaħtek.

Xi ħadd qed jaħsel idejh bħal Pilatu.

Joe Sammut kien waħdu?

who-is-itjoe_sammut_auditor

L-akkużi kontra Joe Sammut huma serji ħafna. Huma tlettax fil-għadd. Jinkludu t-twaqqif ta’ kumpaniji foloz f’Malta , il-ħasil ta’ flus, frodi, falsifikazzjoni ta’ dokumenti ……………..   Dan kollu biex numru ta’ ċittadini Libjani tal-flus, ikunu jistgħu jakkwistaw permess għal residenza f’Malta u b’hekk jaħarbu minn pajjiżhom.

Hemm mijiet ta’ kumpaniji b’sidien Libjani li Joe Sammut qed jingħad li ħoloq f’Malta. In-numru jidher li hu ftit inqas minn 900.

Tħallsu eluf ta’ euro għal kull każ. B’kollox il-miljuni ta’ euro.

Biex Joe Sammut ħoloq dan kollu bla dubju kellu min jgħinu f’postijiet stateġiċi, għax, skond ma jingħad, lill-klijenti tiegħu kien jaqdihom malajr ħafna. Hekk għamel sakemm kien hemm min induna u informa lill-Pulizija li wara li investigaw bdew il-proċeduri l-Qorti.

S’issa taw ix-xhieda tagħhom tlieta mill-klijenti ta’ Joe Sammut. Tul il-ġimgħat li ġejjin naraw min iżjed kien fix-xibka.

It-timbru tal-Mafja u l-‘Ndraghetta

diligence

 

L-ebda Awtorità f’Malta m’hi ser tgħidilna x’verifiki għamlet qabel ma ħarġet il-liċenżji. Dan jgħodd ukoll għal dawk il-liċenzji li ġew sospiżi dan l-aħħar wara l-ħruġ ta’ mandat t’arrest Ewropew għal sitt ċittadini taljani . Qed nirreferi għal dawk li kienu involuti fil-logħob tal-azzard elettroniku liċenzjat : iGaming jew remote gaming.

Li kieku l-Awtorità tagħti din l-informazzjoni ma tkunx serja għax tkun qed tikxef idejha!

Jibqa’ peró l-fatt li wara li ilna snin nisimgħu dwar kemm Malta hi l-iktar pajjiż serju f’dan il-qasam, tfaċċaw dawn il-każi. Ir-reazzjoni ġenerali hi li dawn qed jitfgħu dubju fuq is-serjetà li ilna nisimgħu biha.

Biex tgħaxxaqha kien hemm wieħed avukat li qalilna li ankè hu jagħmel il-verifiki (due diligence) dwar il-klijenti tiegħu. Peró dan l-avukat qalilna iktar minn hekk. Għax qalilna x’verifiki jagħmel. Fi stqarrija li huwa stess ħareġ dan l-avukat informa lil kulħadd li l-kumpanija tiegħu tivverifika l-passaport, il-kondotta tal-Pulizija kif ukoll li min japplika jkollu residenza fissa u li din tkun dokumentata.

Issa din l-informazzjoni hi kollha importanti. Li jkollok passaport validu, indirizz fiss u kondotta tal-Pulizija huwa tajjeb bħala punt tat-tluq. Imma ma naħsibx li hu biżżejjed biex tinduna jekk klijent huwiex assoċjat mal Mafja jew mal-‘Ndraghetta. . Imma wisq nibża’ li ftit li xejn qed isir tiftix iktar minn hekk għax kieku hu impossibli li jkun hemm daqstant li qed jiġru warajhom il-Pulizija Taljana u jinstabu fostna.

Wara kollox ħadd ma għandu timbru fuq moħħu jew fuq il-passaport li hu assoċjat mal Mafja jew mal-‘Ndraghetta.

Jiena ma naħsibx li xi ħadd hawn Malta fid-deher fittex li jissieħeb mal-kriminalità organizzata f’dan il-qasam. Probabbilment li kienu huma li bi ħsieb fittxew li jinqdew b’dawk il-professjonisti li isimhom ħasbu li seta jiftħilhom il-bibien mingħajr ħafna mistoqsijiet li huma jqisu żejda.

Hemm bżonn li l-verifiki jsiru ferm aħjar minn dak li jidher li sar s’issa. Fuq kollox hemm bżonn li titneħħa s-segretezza minn dan il-qasam.

Għax għalkemm in-numru ta’ dawk li qed ikunu kawża ta’ problema huma ftit, kull wieħed hu żejjed.

Tgħid nitgħallmu mill-iżbalji?

malta passport

Huwa ta’ sodisfazzjon li l-Gvern u l-Kummissjoni Ewropeja waslu għal ftehim dwar l-iskema ta’ ċittadinanza.

Il-bieraħ fil-għaxija tħabbar li wara diskussjonijiet kien hemm qbil li l-iskema ta’ ċittadinanza ser tkun emendata biex tinkludi l-obbligu ta’ residenza ta’ sena. Dan hu tibdil radikali għall-iskema u jagħmel l-iskema kompletament differenti.

Ser ikun hemm min jargumenta dwar jekk sena huwiex perjodu qasir. Bħal dejjem hemm argumenti validi li jiġġustifikaw attitudni bħal din. Ser jibqa’ min hu kontra l-iskema fil-prinċipju. L-istess bħalma hemm min hu tal-fehma li tul is-snin l-għoti taċ-ċittadinanza b’mod ġenerali illaxkat ħafna.

L-iżball fundamentali tal-Gvern fil-proċess kollu kien li għaġgel u dam biex fehem il-ħtieġa tal-konsultazzjoni. Il-ħin li jintuża fil-konsultazzjoni mhuwiex ħin moħli. Huwa ħin li fih tista’ tifhem aħjar kif jaħsibha ħaddieħor. Bil-konsultazzjoni, proposta tajba issir aħjar filwaqt li proposta ħażina jkollok ċans tibdilha.

Sfortunatament l-iżbalji li saru mill-Gvern u r-reazzjonijiet kultant sproporzjonati tal-Opposizzjoni, t-tnejn li huma, ser jissarfu inevitabilment fi ħsara lir-reputazzjoni ta’ Malta. Hemm bżonn li nitgħallmu minn dawn l-iżbalji.

Nistennew ħalli naraw id-dettalji tal-iskema kif emendata.

Il-gimmick ta’ Simon Busuttil

Busuttil-Muscat

Il-ħsara lir-reputazzjoni ta’ Malta bl-iskema tal-bejgħ taċ-ċittadinanza imfassla minn Joseph Muscat u l-konsulenti tiegħu Henley and Partners hi waħda kbira.

Il-bieraħ Simon Busuttil kompla żied ma din il-ħsara billi ddikjara li ser imur il-Qorti u jippreżenta protest ġudizzjarju kontra l-Gvern u kontra Henley and Partners. F’dan il-protest ġudizzjarju Busuttil fi ħsiebu jibqa’ jemfasizza illi meta l-PN ikun fil-Gvern hu determinat illi lil dawk li jkunu xtraw iċ-ċittadinanza jeħodilhom lura.  Dikjarazzjoni ta’ din ix-xorta minn Simon Busuttil tfisser li l-PN taħt Simon Busuttil jiġi jaqa’ u jqum mid-drittijiet tal-bniedem. Simon Busuttil jaf li dak li qed jgħid ma jistax jagħmlu. Jaf li ma jistax b’daqqa ta’ pinna jħassar id-drittijiet akkwistati anke jekk għandu raġunijiet validi li minħabba fihom ma jaqbilx mal-liġi li ħolqot dawk id-drittijiet.

Din id-dikjarazzjoni ta’ Simon Busuttil hi tebgħa kerha fuq il-PN. Busuttil fil-ġimgħat li għaddew iġġustifika dan billi qal li għandu parir legali f’dan is-sens. Busuttil imissu jippubblika l-parir li qed jgħid li għandu kif diġa għamel il-Gvern meta ippubblika l-parir tal-Avukat tar-Repubblika.

Li Simon Busuttil jinsisti li l-Gvern ta’ Muscat jibdel drastikament l-iskema hu tajjeb. Li jikkompeti miegħu dwar min minnhom jagħmel l-iktar ħsara hu tal-biki.

Subsidiarity and loyalty

malta passport

The Prime Minister has a generational transformation in sight which he wants to bankroll with the monies generated by his sale of citizenship scheme. His supporters see traitors everywhere as they cannot stomach any form of criticism.

Does any EU member state have the right to introduce and implement a sale of citizenship scheme?  Government spokesmen have repeatedly stated that the Malta Government has been advised that it is in line with EU legislation. In line with the subsidiarity principle, nationality issues, we were told, are the sole and exclusive competence of EU member states.

No one is contesting that nationality issues are a national competence. In fact even Commissioner Viviene Reding made this amply clear. There is however much more to it than state competence. There is the duty to be loyal to the Union and other member states. Article 4.3 of the European Union Treaty explains this as the principle of sincere cooperation, also referred to as the loyalty principle: loyalty, that is, towards the other European Union member states.

Government has opted to milk citizenship in order to generate finance so as to be in a position to implement its electoral programme. It has excluded taxation as an option. Moreover it has reduced income tax as part of its electoral strategy in order to outwit the former government, knowing full well that this necessitated alternative financial avenues. Never did it place its plans to put citizenship on sale before the electorate for its consideration. Ethically the Labour Party cannot claim to have an electoral mandate on the matter.

The local political debate has revealed diametrically opposed positions. Government’s position is dictated by its strategy of requiring cash in order to finance its political initiatives. Time is of essence in its strategy. It cannot afford to wait for would-be investors to take initiatives of their choice. There is no direct link between the prospective citizen and the manner in which the monies he pays are “invested”. It is in fact an exercise of selling citizenship with a commitment to use the proceeds in a specific manner. The funds generated are hypothecated. A residential criterion has so far been ruled out, most probably,  as this would only serve as a delaying factor. It would delay the flow of the monies required depending on how long the residential criterion runs.

The warning shot fired by the EU Parliament is not to be discarded as the EU Parliament is the only democratically elected EU institution. Nor is Commissioner Reding’s statement  one that could be ignored. Reding has stated that:

While I am not calling for the Commission to receive legal power to determine what constitutes nationality or the rules granting it, the Commission nevertheless expects that Member States act in full awareness of the consequences of their decisions.

Our debate today shows the growing importance of these questions in a European Union where national decisions are in many instances not neutral vis-à-vis other Member States and the EU as a whole. It is a fact that the principle of sincere cooperation, which is inscribed in the EU Treaties (Article 4.3 of the Treaty on European Union), should lead Member States to take account of the impact of decisions in the field of nationality on other Member States and the Union as a whole.”

Clearly the competence of member states on issues of citizenship is not absolute. Given its impacts on all the other members of the Union in areas of national security, freedom of movement in the Schengen Area, rights to residence and employment, it stands to reason that both the EU as well as member states require consultation which apparently was not carried out.

The capping of the citizenship scheme at 1,800 passports for sale is certainly not enough. A residential condition of reasonable length is also  required as an additional and essential element. This would however be a sticking point as whilst it could render the proposed scheme less un-acceptable and in line with some of the practices elsewhere, it may fail to deliver what the Maltese Government requires on time.

It is with this in mind that the Greens in Malta have time and again called on Government to suspend the implementation of the scheme and concurrently to initiate a dialogue with Brussels. The problem at an EU level may eventually be resolved around the negotiating table. This would result in less reputational damage for Malta. A meeting called between the EU Commision and the Malta Government seems to be imminent. Hopefully matters will take a positive turn.

That would leave the political issue to be solved locally, either in Parliament or at the ballot box through a public consultation. The Prime Minister has already indicated that he is willing to submit the issue to a national consultation.  It is the decent way forward, part of our learning curve as a nation.

published in The Times of Malta, Saturday January 25, 2014

Tradituri?

are you the traitor

Diskors li qed nisimgħu dan l-aħħar dwar tradituri ma jagħmel ġid lil ħadd.

Dan hu diskors li ġeneralment qed jingħad minn persuni viċin il-Gvern tal-lum u dan b’difiża għall-kritika li qed issir, f’Malta u barra, dwar l-iskema tal-bejgħ taċ-ċittadinanza.

Nifhem li l-kritika ddarras.  Pero’ min hu konvint minn dak li qed jagħmel m’għandux ħtieġa ta’ insulti, iżda hu kapaċi jwieġeb argument.

L-użu tal-kelma “tradituri” fil-konfront  tal-kritiċi tal-Gvern l-iktar li tagħmel il-ħsara hu lill-Gvern innifsu għax twassal il-messaġġ li dawk li jappoġġaw lill-Gvern (jew parti minnhom) huma intolleranti għall-kritika.

Fuq kollox għalkemm huwa l-Gvern (bis-saħħa tal-maġġoranza li għandu fil-Parlament) li jiddeċiedi, ma jfissirx li neċessarjament illi għandu raġun. In-numri jiddeterminaw min jiddeċiedi, mhux min għandu raġun.

Il-kritika lill-Gvern tal-lum saret u tibqa’ issir, bħalma saret lill-Gvern tal-bieraħ. Iċ-ċavetta biex nimxu l-quddiem hi li lkoll niftħu widnejna beraħ biex nisimgħu iktar. B’dan il-mod biss hemm iċ-ċans li jsiru inqas żbalji, mhux bl-insulti.

L-insulti huma l-għodda esklussiva ta’ min m’għandux fiduċja fir-raguni.

ippubblikat minn iNews it-Tnejn 20 ta’ Jannar 2014

L-iskema taċ-Ċittadinanza ta’ Joseph Muscat: il-kobba tkompli titħabbel

Malta+EU

Il-kobba tal-iskema tal-bejgħ taċ-ċittadinanza qed tkompli titħabbel.

Il-Gvern iddeċieda. Ikkonsulta ruħu, prinċipalment wara li kien ġja ħa d-deċiżjonijiet.

Il-ħsieb li għandu l-Gvern hu wieħed ċar ħafna. Għandu bżonn il-flus biex jiffinanzja il-programm politiku tiegħu. Wara li rabat idejh li ma jżidx taxxi, kif ukoll wara li daħal fi sqaq billi naqqas it-taxxa tad-dħul meta l-pajjiż ma kienx ippreparat għal dan, ma kienx baqa’ wisq fejn idur. Iddeċieda li s-sors tal-finanzjament meħtieġ ser ikun id-dħul mill-bejgħ ta’ madwar 1,800 passaport. Dħul li hu ikkalkulat li jammonta għal madwar €1.20 biljun.

L-argumenti politiċi f’Malta instemgħu għal darba, tnejn u iktar. Kulħadd qal tiegħu, iżda l-Gvern wara li bidel xi dettalji tal-iskema, jidhirlu li għandu jibqa’ għaddej.

Mhux ċar jekk dan il-ħsieb dwar il-bejgħ taċ-ċittadinanza żviluppax mill-elezzjoni lil hawn jew inkella jekk ġiex ikkristalllizzat qabel l-elezzjoni ġenerali. Saru kitbiet diġa f’dan is-sens u hemm min spekula li l-pjan sar qabel l-elezzjoni, iżda nżamm mistur. Qed tiċċirkula l-ideja li l-Partit Laburista (u per konsegwenza l-Gvern iffurmat minnu) qiesu obbligat li jimplimenta din l-iskema. Qiesu jrid jonora xi ftehim milħuq. S’issa dan għadu mhux ċar għax ovvjament ħadd m’hu ser jikxef x’ġara, għalmenu għalissa.

Issa bdiet tiżviluppa fażi oħra tal-istorja. Il-mistoqsija hi dwar jekk il-Gvern Malti (u kwlaunkwe Gvern ieħor fl-Unjoni Ewropeja) għandux id-dritt assolut li jiddeċiedi dwar iċ-ċittadinanza. Minn dak li qalet il-Kummissarju Viviane Reding nhar il-Ħamis hi u tiftaħ id-dibattitu fil-Parlament Ewropew l-Unjoni Ewropeja hi tal-fehma li d-dritt li tkun irregolata ċ-ċittadinanza m’huwiex dritt assolut tal-istati membri. Reding qalet hekk:

While I am not calling for the Commission to receive legal power to determine what constitutes nationality or the rules granting it, the Commission nevertheless expects that Member States act in full awareness of the consequences of their decisions.

Our debate today shows the growing importance of these questions in a European Union where national decisions are in many instances not neutral vis-à-vis other Member States and the EU as a whole. It is a fact that the principle of sincere cooperation, which is inscribed in the EU Treaties (Article 4.3 of the Treaty on European Union), should lead Member States to take account of the impact of decisions in the field of nationality on other Member States and the Union as a whole.”

Fi ftit kliem il-Kummissarju Reding qed tgħid li f’dak li nagħmlu bħala pajjiż irridu ta’ bil-fors nagħtu każ tal-impatti fuq il-pajjiżi l-oħra membri tal-Unjoni. Hi tirreferi għall-artiklu 4.3 tat-trattat dwar l-Unjoni u speċifikament dwar il-prinċipju ta’ kooperazzjoni sinċiera, xi drabi imsejjaħ ukoll il-prinċipju ta’ lejalta’. Dan kollu jfisser ħaġa waħda biss: li għandna d-dritt li niddeċiedu kif irridu sakemm ma neffettwaw lil ħadd. Jekk id-deċiżjoni tagħna bħala pajjiż teffettwa lil ħaddieħor għandna l-obbligu li nikkonsultaw. Iktar ma hu kbir l-impatt iktar irridu nikkonsultaw u allura iktar hu diffiċli li nikkonkludu kif irridu.

Iktar ċari minn hekk l-affarijiet ma jistgħux ikunu!

Issa hawn min qed isemmi skemi f’pajjiżi oħra li jixxiebħu mal-iskema tal-Gvern Malti. Euroactiv.com   iktar kmieni din il-ġimgħa jirreferi għal dokument iċċirkulat fi Strasbourg mill-Gvern Malti li fih jirreferi għal skemi f’pajjiżi oħra dwar ċittadinanza : “Cyprus, Austria, Belgium and Portugal singled out” jgħidilna l-Euroactiv.com. L-iskemi l-oħra huma differenti, ghax prinċipalment huma ibbażati fuq residenza flimkien ma investiment sostanzjali. Tnejn mill-pajjiżi imsemmija (Ċipru u l-Portugall) għandhom ukoll problemi finanzjarji kbar.

S’issa jidher li l-Unjoni Ewropeja ma ikkummentatx dwar dan kollu imma jidher li issa ser tieħu passi. Il-każ ta’ Malta hu l-iktar sfaċċat imma l-każi l-oħra jixxiebħu u probabbilment li l-Unjoni  tikkummenta dwarhom ukoll.

Dan hu l-pass li jmiss. Minn kif tkellmet il-Kummissarju Reding jidher li d-diskusjsoni interna saret u l-ideat huma ċari. Ħames xhur oħra tiġi fi tmiemha l-ħajja tal-Kummissjuni preżenti u allura nistenna li fil-ġimgħat li ġejjin (ferm qabel ma jinbiegħ l-ewwel passaport),  inkunu nafu x’ser tagħmel il-Kummissjoni.

Il-Gvern jidher li ma kienx ippreparat għal dak li ġej. Kuntrarjament għal dak li qed jingħad il-vot tal-Parlament Ewropew għandu sinfikat kbir. Mhux biss huwa dikjarazzjoni politika qawwja. Imma jiftaħ għajnejn Muscat li l-unika appoġġ li għandu huwa ta’ politiċi bħal Marine Le Pen!

Le Pen

Il-messaġġ tal-Kummissarju Viviane Reding

Viviane Reding

Id-dibattitu fil-Parlament Ewropew dwar l-iskema ta’ ċittadinanza li qed jipproponi l-Gvern ġie u mar.

Kien hemm numru ta’ diskorsi. L-iktar importanti minn dawn, fl-opinjoni tiegħi, kien id-diskors tal-Kummissarju Viviane Reding, Viċi President tal-Kummissjoni Ewopeja u Kummissarju għall-Ġustizzja.

Deċiżjoni dwar iċ-ċittadinanza, qalet Reding, hi prerogattiva tal-istati membri. Imma, żiedet tgħid Reding, din id-deċiżjoni hi mhiex waħda newtrali. Għandha impatt fuq kull wieħed mill-pajjiżi l-oħra tal-Unjoni Ewropeja u dan għax iċ-ċittadinanza ta’ pajjiż membru tal-UE tagħti numru ta’ drittijiet li jistgħu jkunu eżerċitati fl-Unjoni Ewropeja kollha.

Għal din ir-raġuni l-Kummissarju Reding ġibdet l-attenzjoni ta’ kull min kien qiegħed jisma’ li t-trattat tal-Unjoni Ewropeja jitkellem ċar fl-artiklu 4.3 dwar it-tħaddim tal-prinċipju ta’ kooperazzjoni sinċiera bejn l-istati membri tal-Unjoni Ewropeja.

Dan, qalet Reding hu prinċipju bażiku. Fi ftit kliem din hi l-qalba tal-kwistjoni kollha.

Meta wieħed iwarrab il-paroli kollu li ntqal għall-gallarija, jibqa’ biss dan il-punt. Punt li kulħadd injora.

Fit-twettiq tal-politika tiegħu taċ-ċittadinanza għaliex ma kienx hemm konsultazzjoni bejn il-Gvern Malti u l-Unjoni Ewropeja? Huwa konxju l-Gvern Malti illi filwaqt li għandu kull dritt li jiddeċiedi xorta għandu l-obbligu li japplika l-“prinċipju ta’ kooperazjoni sinċiera”?

Dan hu wieħed mis-sisien tal-valuri Ewropej. Fl-Unjoni Ewropeja m’hemmx biss drittijiet. Hemm ukoll id-dmirijiet. Mhux għal Malta biss, sintendi!

ippubblikat fuq iNews il-Ġimgħa 17 ta’ Jannar 2014