M’għandekx għalfejn tagħżel bejniethom

 

 

Meta tiġi biex tivvota, nhar is-Sibt, mgħandekx għalfejn tagħżel bejniethom.

Mhux importanti min hu l-iżjed jew l-inqas korrott.

Mhux importanti min hu l-iżjed jew l-inqas inkompetenti.

Mhux importanti min hu imċappas l-iktar jew l-inqas.

Mhux importanti min kellu jirreżenja, imma ma rreżenjax fuq iżżewġ naħat.

 

Il-każ tal-Panama Papers u l-kumpaniji ta Konrad Mizzi u Keith Schembri hu wieħed ta gravitá kbira. Daqskemm huma gravi l-allegazzjonijiet dwar is-sid ta Egrant Inc. u l-flus li waslu mingħand il-familja ta Aliyev fil-kontijiet fil-Bank Pilatus.

Mhux gravi ħafna ukoll il-fatt li Claudio Grech, l-Onorevoli tal-Partit Nazzjonalista nesa jekk qattx iltaqa ma George Farrugia, dak tal-iskandlu tażżejt?

Mhux gravi ukoll kif Beppe Fenech Adami spiċċa Direttur tal-Capital One Investment Limited u ma kien jaf xejn dwar it-taħwid li qed jirriżulta dwar din l-istess kumpanija?

U xi ngħidu għar-rapporti tal-Awditur Ġenerali dwar il-qaddis miexi fl-art Jason Azzopardi?

U l-villa ODZ li Toni Bezzina ried jibni fl-istess ħin li kien qed jikteb il-politika ambjentali tal-PN?

It-tnejn jgħidu kif għandhom qalbhom ġunġliena għall-ambjent.

Imma t-tnejn iridu l-mina bejn Malta u Għawdex.

It-tnejn iridu l-korsa tat-tlielaq tal-karozzi.

It-tnejn jilgħaqu l-kaċċaturi u n-nassaba.

It-tnejn jappoġġaw il-boathouses tal-Aħrax tal-Mellieħa (Armier, Little Armier u Torri l-Abjad).

Xhemm xtagħżel bejniethom?

Wara kollox mgħandekx għalfejn tagħżel bejniethom!

Advertisements

Il-Partit Nazzjonalista u l-boathouses tal-Aħrax tal-Mellieħa

Armier ittra

 

Il-partiti politiċi fil-Parlament ħafna drabi ma jieħdux pjaċir jiftakru jew tfakkarhom fil-passat tagħhom. Jgħidulna biex il-passat inħalluh għax huma jridu jħarsu l-quddiem.

Hu obbligu tagħna li niftakru il-passat ukoll. Mhux biss għax il-passat hu l-mera tal-futur, imma, iktar minn hekk għax min il-bieraħ xejn ma ddejjaq jarmi l-prinċipji l-baħar, xejn m’hu ser jerġa’ jaħsibha biex għada (jekk ikollu l-opportunità) jerġa’ jagħmel l-istess.

Nhar il-Ġimgħa li għaddiet Simon Busuttil, il-Kap tal-Opposizzjoni, waqt id-diskussjoni organizzata mill-Kummissjoni Ambjent tal-Knisja offra l-kooperazzjoni tal-Partit Nazzjonalista lill-Gvern biex jitneħħew l-irregolaritajiet tal-boathouses tal-Aħrax tal-Mellieħa.

Dam jaħsibha 25 sena l-Partit Nazzjonalista. Kellu iċ-ċans kollu tad-dinja biex mhux biss jitkellem kontra l-irregolaritajiet tal-bini, imma seta ukoll ineħħihom. Imma sfortunatament fis-siegħa tal-prova il-PN beża’ milli jimxi sewwa. Fis-siegħa tal-prova, l-PN l-prinċipji rmiehom il-baħar, għax beża’ li jitlef il-voti.

Tista’ allura teħodhom bis-serjetà meta jitkellmu b’dan il-mod? Donnhom għadhom jaħsbu li jistgħu jibqgħu jgħaddu n-nies biż-żmien.

Kellna ex-Ministru li xi snin ilu kiteb fil-gazzetti li hu (fil-bidu tas-snin 90) kien ressaq quddiem il-Kabinett proposta biex il-boathouses illegali fl-Aħrax tal-Mellieħa jitneħħew. Imma l-Kabinett dakinnhar ma qabilx.

Huwa konvenjenti għall-PN li issa jitkellem kontra l-boathouses tal-Aħrax tal-Mellieħa. Meta seta mhux biss jitkellem imma seta ukoll jieħu passi wasal għal ftehim magħhom bħalma għamel lejlet l-elezzjoni tal-2003. Dakinnhar għall-PN il-voti kienu iktar importanti mill-prinċipju li jimxi sewwa.

Minkejja dan kollu huwa ta’ sodisfazzjoni għal Alternattiva Demokratika li wara li ilha snin twal tikkampanja kontra l-bini illegali tal-boathouses fl-Aħrax tal-Mellieħa (Ramlet il-Qortin, l-Armier, Little Armier u t-Torri l-Abjad) issa anke l-Partit Nazzjonalista qed jgħid li kkonvinċa ruħu li ma jistax u m’ghandux jibqa’ jappoġġa dawn il-ħniżrijiet.

Ikun tajjeb, kieku l-Kap tal-Opposizzjoni Simon Busuttil jiddisassoċja ruħu mill-ftehim li kien għamel il-Partit Nazzjonalista qabel l-elezzjoni tal-2003 ma dawk li qegħdin fil-boathouses. Dak il-ftehim, tajjeb li niftakru, kien jipprovdi biex 26 ettaru (260,000 m2) ta’ art tal-Gvern fl-Aħrax tal-Mellieħa jgħaddu għand il-kumpanija Armier Developments Limited għal 65 sena (bi ħlas ta’ €366,000 fis-sena) biex ikunu żviluppati boathouses ġodda.

Hi ħasra li l-PN dam 25 sena biex fetaħ għajnjejh u ra d-dawl. Li fetaħom ftit snin ilu kien jagħmel ftit ġid. Issa sfortunatament il-ħsara laħaq għamilha.

Hu għalhekk li din il-konverżjoni ambjentali tal-Partit Nazzjonalista ma tikkonvinċi lil ħadd. Għax hi biss għal konvenjenza.

Kummentarju li xxandar fuq l-RTK it-Tnejn 7 ta’ Diċembru 2015

L-Aħrax tal-Mellieħa: tagħna lkoll?

 

 

Id-diskussjoni ta’ hawn fuq saret qabel l-elezzjoni tal-2013.

Il-bieraħ waqt id-diskussjoni li ġiet organizzata mill-Kummissjoni Ambjent tal-Knisja dwar l-enċiklika tal-Papa Franġisku Laudato Si Simon Busuttil ammetta li l-PN fil-Gvern għamel l-iżbalji dwar il-boathouses tal-Armier. Offra l-kooperazzjoni tal-Opposizzjoni lill-Gvern biex dawn l-illegalitajiet jitneħħew.

Joseph Muscat qal li ma jridx jibda mill-Armier. Iżda minn każijiet ferm iktar gravi.

Bdew jiċċaqalqu t-tnejn li huma. Forsi l-ewwel pass għaqli jkun li kemm il-PN kif ukoll il-PL iħassru kull ftehim li għandhom ma’ dawk li bnew il-boathouses.

Anke l-Knisja hemm bżonn li tieħu posizzjoni. S’issa l-illegalitajiet ġew imbierka mill-Knisja li torganizza attivitajiet reliġjużi fl-Aħrax tal-Mellieħa.

L-Aħrax tal-Mellieħa jixraqlu jkun tagħna lkoll.

 

Il-kumpens ta’ Chris Said

Chris Said et

 

Is-Segretarju Ġenerali tal-PN Chris Said qalilna li l-PN irid kumpens għall-każini politiċi propjeta’ tal-Gvern li l-Labour għandu iktar mill-PN. Iħoss li l-PN ġie diskriminat.

Ġdida din! Waħda isbaħ mill-oħra!

Liċċittadin li jħallas it-taxxi, Chris Said is-Segretarju Ġenerali tal-PN, irid jagħtih daqqa doppja. L-ewwel daqqa billi ittieħdet propjeta’ pubblika għall-każini meta dan ma kellux isir. Issa jrid illi jsir bilanċ tal-abbuż!

Dan jaf x’inhu jgħid jew?

Naħseb li kien ikun aħjar kieku Chris Said u l-PN jgħiduna x’kumpens ser iħallsu huma lill-poplu Malti talli għal 25 sena sħaħ il-PN baqa’ iċċassata quddiem il-boathouses (li qatt ma raw dgħajjes) ġol-Aħrax tal-Mellieħa.

Għal 25 sena sħaħ il-Partit Nazzjonalista kien kompliċi ma dawk li ħadu l-art u bnew bla permess bil-konsegwenza li ċaħħdu lill-eluf ta’ Maltin kull sena milli jgawdu parti mill-kosta.

Dan hu l-kumpens li Chris Said is-Segretarju Ġenerali tal-PN messu jitkellem dwaru!

Fir-Repubblika tal-Aħrax tal-Mellieħa

Armier shanty town

 

Fir-Repubblika ta’ l-Aħrax tal-Mellieħa s’issa ingħata l-messaġġ li hemm liġijiet differenti mill-bqija ta’ Malta.

Filwaqt li f’Malta ma tistax tapplika għal meter tal-elettriku (jew tal-ilma) jekk il-bini fejn tkun trid tistalla l-meter ikollu xi illegalita, dan ma japplikax fir-Repubblika tal-Aħrax tal-Mellieħa. Sa issa min abbuża fl-Aħrax tal-Mellieħa ġie ippremjat. Gvern immexxi mill-PN li kontinwament fittex l-iskużi ħalli jiġġustifika li ma jagħmel xejn.

Fl-Aħrax tal-Mellieħa il-parti l-kbira tal-art hi tal-Gvern u għaldaqstant m’huwiex aċċettabbli li l-awtoritajiet għamlu 25 sena jħarsu ċċassati lejn min abbuża fid-dawl tax-xemx.

Kull ftehim li jista’ jasal għalih il-Gvern ma dawk il-persuni li bnew jew qed jokkupaw il-kmamar illegali fl-Aħrax tal-Mellieħa ikun premju lil min abbuża u jwassal il-messaġġ li l-liġi f’dan il-pajjiż mhiex l-istess għal kulħadd. Mhux aċċettabbli li jingħata l-messaġġ li fl-Aħrax tal-Mellieħa għandhom Repubblika għalihom fejn is-saltna tad-dritt (rule of law) dabet u sparixxiet.

L-art pubblika fl-Aħrax tal-Mellieħa li hi okkupata mill-kmamar illegali u li jsejħu boathouses (bla dgħajjes) għandha tirritorna lura f’idejn l-istat biex titgawda minn kulħadd. Għax id-dritt tal-aċċess għall-kosta hu ta’ kulħadd u m’għandux ikun limitat għal dawk li kkapparraw l-art.

Fl-Aħrax tal-Mellieħa għandhom bżonn jifhmu ukoll li min jikser il-liġi għandu jbaxxi rasu u jsofri l-konsegwenzi ta’ egħmilu. Flok l-iSmart meters il-Gvern għandu jibgħat il-gafef biex ikaxkar u jwarrab l-illegalitajiet. Jekk dan ma jsirx mingħajr iktar dewmien ħadd m’għandu jippretendi li f’setturi oħra u f’lokalitajiet oħra ma jkunx hemm min jippretendi li hu ukoll jagħmel li jrid.

F’Malta, Repubblika waħda fejn il-liġi hi l-istess għal kulħadd, hi biżżejjed.

 

ippubblikat fuq iNews illum l-Erbgħa 29 t’Ottubru 2014

Garanzija biex min seraq, igawdi dak li seraq

Bajja 2.2003 GPullicino jiltaqa' mal-Assocjazzjoni

Fir-ritratt ta’ hawn fuq li hu meħud minn Il-Bajja No.2 ta’ April 2003 jidher George Pullicino, dakinnhar Segretarju Parlamentari, jippoża mal-kumitat inkarigat mill-boathouses tal-Aħrax tal-Mellieħa wara waħda mil-laqgħat fejn min seraq l-art pubblika fl-Aħrax tal-Mellieħa ingħata l-appoġġ mill-politiċi li huma eletti fil-Parlament.

Id-dibattitu fil-pajjiż dwar il-kmamar tal-Aħrax tal-Mellieħa kif ukoll (ftit inqas) dwar dawk fil-Bajja ta’ San Tumas ilu għaddej. Min hu kontra, min hu favur u min jiġi jaqa’ u jqum.

Il-każ huwa wieħed li jattakka s-soċjeta demokratika fl-egħruq tagħha. Għax il-messaġġ ċar li ilu jidwi hu li quddiem il-liġi m’aħniex kollha xorta. Fl-Aħrax tal-Mellieħa (L-Armier, Little Armier, it-Torri l-Abjad) u fil-Bajja ta’ San Tumas il-prinċipju tas-Saltna tad-Dritt (r-Rule of Law) idub u jisparixxi.

Min seraq l-art, bniha bla permess u anke seraq l-elettriku ser ikun ippremjat.

Alternattiva Demokratika biss tkellmet ċar kontra dan l-abbuż. Ftehemu kemm mal-Partit Laburista kif ukoll mal-Partit Nazzjonalista. Fil-Gvern għal 25 sena l-Partit Nazzjonalista ma rnexxilux jerfa’ subgħajh biex iġib sens ta’ ordni. Ipprova darba l-Perit Michael Falzon meta kien Ministru tal-Ippjanar u l-Kabinett bagħtu jixxejjer! Falzon riċentement kiteb fil-gazzetti li dakinnhar tgħallem li l-voti huma iktar importanti mill-prinċipji!

Waqt li l-Perit Michael Falzon ried iwaqqa’ dak li kien illegali, Ministri oħrajn ftehmu ma min b’mod sfaċċat u fid-dawl tax-xemx sfida l-liġi. Dawn dejjem irraġunaw li bl-appoġġ tal-PN u l-PL ħadd ma jista’ għalihom! Fl-aħħar jidher li ser jirnexxilhom.

Il-PN irnexxilu jipproteġihom għal 25 sena sħaħ. Fil-futur qarib il-Labour fil-Gvern jidher li ser jissiġilla din l-sfida kbira għall-liġi u l-ordni fil-pajjiż.

Messaġġ ċar li l-Labour Party ta’ Malta qed jagħti (bl-appoġġ tal-PN). Il-Labour fil-Gvern jiggarantilek li tgawdi dak li sraqt.

Il-lejla fuq Times Talk niddiskuti dan is-suġġett mal-preżentaturi Mark Micallef u Herman Grech u mistednin mill-partiti politiċi l-oħra.

lokalitajiet minn fejn joriginaw dawk li ghandhom il-boathouses f'idejhom 2010

Il-lista ta’ hawn fuq hi estratt minn Il-Bajja Nru 30 ta’ April 2010 u turi l-lokalitajiet fejn joqgħodu dawk li għandhom il-boathouses f’idejhom.

Terrimoti, tsunami, u l-protezzjoni ċivili f’Malta

times.tsunami.010914

Il-bieraħ il-gazzetti online kellhom storja komuni. F’riċerka li saret bejn akkademiċi mill-Universita’ ta’ Portsmouth flimkien ma akkademiċi md-Dipartiment tal-Ġografija tal-Universita’ ta’ Malta ikkonkludew li fil-passat imbiegħed Malta kienet soġġetta għall-effett ta’ tsunami, riżultat ta’ terrimoti li seħħew madwarna.

Mewġ ta’ mhux inqas minn 4 metri għoli jidher li ħalla effett f’żoni sa 20 metru il-fuq mil-livell tal-baħar. Mewġ b’veloċita’ ikbar minn 30 kilometru fis-siegħa ikaxkar kull ma jsib quddiemu.

Jidher li r-riċerka indikat il-kosta li tħares lejn il-grigal (North-East) bħala li l-iktar li kienet effettwata: mill-Aħrax tal-Mellieħa sa Marsakala u possibilment Marsaxlokk u Birżebbuga ukoll. Għawdex hemm Marsalforn,

Issa l-kosta ta’ Malta b’faċċata tħares lejn il-grigal hi l-iktar populata, bil-bini jasal kważi sal-baħar. Hi ukoll iż-żona li fiħa l-parti l-kbira tal-infrastruttura turistika kif ukoll il-power station ta’ Delimara.

Li Malta hi esposta għal dan il-periklu naturali mhux xi ħaġa li nafuha illum. Imma li illum hemm dan l-istudju konkluż forsi jkun hemm ftit min jiftaħ għajnejh dwar il-ħtieġa li nifhmu illi d-Dipartiment għall-Protezzjoni Ċivili jeħtieġ iktar riżorsi u nies imħarrġa biex il-pajjiż ikunu ippreparat għal dan il-periklu naturali. Periklu li jista’ jkun fuqna fil-qrib, u jista’ jkun fuqna fil-bogħod. M’hu magħruf minn ħadd il-meta. Imma jiġi meta jiġi, bħala pajjiż s’issa m’aħniex ippreparati.

 

Ara ukoll fuq dan il-blog

29 t’April 2013: Malta u l-iżbroff tal-vulkan Marsilii.

Is-skiet tal-PN dwar l-Armier

Armier shanty town

Wara d-deċiżjoni tal-Imħallef Ellul fuq l-abbużi fl-Armier il-PN għadu sieket.

Tajjeb li nfakkru li l-abbużi tollerati minn Gvern immexxi mill-PN m’humiex biss dawk li jitkellem fuqhom l-imħallef Ellul fis-sentenza tiegħu. Hemm ħafna iżjed.

L-ex Ministru Falzon kien spjega f’artiklu miktub minnu fil-Malta Today li hu kien resssaq proposta għat-twaqqiegħ tal-bini illegali fl-Armier iżda l-Kabinett ma appoġġaħx.

Sadanittant il-PN jibqa’ sieket, konxju li hu responsabbli għall-istat attwali tal-irregolaritajiet fl-Armier.

L-inqas li nistennew hi apoloġija. Minflok għandna skiet li jtarrax. Il-politika ġdida ta’ Simon Busuttil.

Fuq dan il-blog, dwar l-istess suġġett,  ara ukoll dawn il-posts :

24 ta’ Ġunju 2008 : Il-boathouses fl-Armier.

21 ta’ Jannar 2012 : Parties in Cahoots with squatters.

17 t’Awwissu 2012 : Armier cowboys should not be rewarded.

23 t’Ottubru 2012 : Pajjiż tal-cowboys : israq u tkun ippremjat.

24 t’Ottubru 2012: Il-boathouses tal-Aħrax tal-Mellieħa : meta l-Ministru riedhom jaqgħu

2 ta’ Frar 2013 : Armier illegalities and amnesties.

Pajjiż tal-cowboys : israq u tkun ippremjat

Kemm il-Partit Nazzjonalista kif ukoll il-Labour iridu jagħtu premju lil min seraq art fl-Aħrax tal-Mellieħa biex fuqha għandu dik li tissejjaħ boathouse.

Fil-fatt dawk li għandhom boathouse fl-Aħrax tal-Mellieħa (fl-Armier, Little Armier u t-Torri l-Abjad) isejħu lilhom infushom is-sidien tal-boathouses, meta fil-fatt ma għandhom xejn li hu tagħhom għax l-art li fuqha huma mibnija l-boathouse hi tal-Gvern.

Ilhom snin twal jokkupaw din l-art u qiesu ma ġara xejn.

Aqraw ftit il-magazine Mill-Bajja li jippubblikaw dawn is-sidien tal-boathouses u issiru taf bi “ftehim” li għamlu mal-Gvern li jagħtihom l-art biex il-boathouses li għandhom illum ikunu jistgħu jibnuhom aħjar. Il-Gvern permezz ta’ ittra iffirmata mill-Viċi Prim Ministru Tonio Borg nhar it-3 t’April 2003 wiegħed lil dawn is-“sidien tal-boathouses” 230 tomna art (jiġifieri 26,000 metru kwadru) li għaliha jħallsu €366,000 fis-sena!

Il-Labour wegħdu li huma jirrispettaw dan il-ftehim.

Il-PN u l-Labour għamlu dan il-pajjiż wieħed tal-cowboys.  Qed jgħidu “aħtaf li tista’, u mbagħad b’xi mod nirranġaw” !

F’Alternattiva Demokratiku ma naqblux ma dan. Meħtieġ li l-iktar kmieni possibli li l-art ħdejn il-baħar ikun jista’ jgawwdiha kulħadd, u mhux dawk li ħatfuha f’idejhom bil-barka tal-PN u tal-Labour.

Min ma jridx jagħti premju lil min seraq l-art fl-Aħrax tal-Mellieħa għaldaqstant għandu biss għażla waħda x’jagħmel:  Alternattiva Demokratika.

Armier cowboys should not be rewarded

The unauthorised campers at Marsaxlokk were in the news during the last weekend not just  for their illegal camping but more for the violence they used.

It seems that the lack of action of government in respect of the Armier (and other) illegal boathouses has conveyed the message that at the end of the day they may strike a deal! Their vote for public land.

We have been through this before. That is in fact what’s on the books at Armier even though government has been very slow to implement what it has agreed to.

Agreements were entered into with the squatters at Armier  represented through their company Armier Developments Limited. Officially government is awaiting the approval of the Marfa Action Plan which was issued by MEPA for public consultation in 2002. It is government which will eventually approve the Marfa Action Plan after “careful consideration” of MEPA’s recommendations.

The Marfa Action Plan is the result of a detailed exercise through which the various activities in the l-Aħrax peninsula  were identified.

Through  the Marfa Action Plan, still in draft form , the authorities seek to compromise with the squatters by identifying five areas where they can construct alternatives to their present illegal boathouses.

Alternattiva Demokratika is opposed to arriving at any form of agreement with the squatters. They should be evicted the soonest.

The area should be rehabilitated with its cultural and natural features conserved. All boathouses illegally constructed, both pre and post 1992 should be demolished forthwith.

In its reactions to the draft Marfa Action Plan way back in 2002 Alternattiva Demokratika-The Green Party had stated that :

“The establishment of footpaths, picnic areas, proper camping sites coupled with a conservation of historical buildings and the prevention of further devastation of garigue areas through the dumping of rubble are all valuable features of the plan. AD is concerned about the effectivity of the administrative structures which will oversee the operation and maintenance of the proposed investment in such matters as the cleaning of picnic areas and the control of campsites. Enforcement structures from MEPA would be welcome”.

As no part of the island is more than 20 minutes away from the coast AD considers that the MEPA proposal for the construction of beach rooms is an unnecessary development which will only serve to reward squatters and undermine the rule of law.

Cowboys should be punished not rewarded.

My conclusion is identical to that of Dr Harry Vassallo former AD Chairman in 2002 who commenting on the Marfa Action Plan had stated: “When one considers the lack of accessible coastland and the uncontrollable sprawl of development, one realises that there can be no room for compromise in the defence of what we have left. The quality of life of the entire population should be given a priority over the privileges of boat house residents”.

Original of this post was published on Friday 17 August 2012 at di-ve.com.

On the same subject in this blog you may view:  Parties in Cahoots with Squatters