Fil-lista l-griża: wara snin ma jsir xejn dwar il-ħasil tal-flus

Ċertament li mhux ġust mal-Maltin li l-FATF (Financial Action Task Force) poġġiet lil Malta fuq il-lista l-griża.

Li dħalna fil-lista l-griża hu bla l-iċken dubju ħtija tal-Gvern. L-Opposizzjoni ukoll għandha terfa’ parti mit-tort u dan minħabba li fl-2013 ħalliet warajha istituzzjonijiet dgħajfa. B’istituzzjonijiet dgħajfa l-ħmieġ hu iffaċilitat.

Ilkoll għandna nkunu mnikktin bid-deċiżjoni tal-FATF (Financial Action Task Force) li tpoġġi lill-Malta fuq il-lista l-griża, minkejja li din id-deċiżjoni kienet mistennija.

Il-kelliema tal-Gvern, matul il-ġimgħa, kienu qed jenfasizzaw li ttieħdu ħafna deċiżjonijiet biex jissaħħaħ il-qafa regolatorju. Li ma qalulniex hu li dan sar wara bosta snin ta’ infurzar żero. Li għal snin sħaħ l-awtoritajiet regolatorji bħall-FIAU kellhom fosthom kollaboraturi ta’ kriminali magħrufa, bħal Silvio Valletta, eks-Deputat Kummissarju tal-Pulizija.

Kellna lill-grupp Parlamentari Laburista li irrifjuta li jikkundanna lil Konrad Mizzi u lil Keith Schembri għall-involviment tagħhom fl-iskandlu tal-Panama Papers. Ilkoll kemm huma ikkontribwew biex Malta ġiet inkluża fuq il-lista l-griża.

Tiftakru lil Varist Bartolo fuq Hard Talk jispjega għaliex ivvota favur Mizzi u Schembri? Kienet strateġija biex jissopravivi qalilna (strategy for survival) bit-tama li jkun għadu hemm meta tasal il-battalja li jmiss. Jew forsi tiftakru lill-Leo Brincat jispjega meta kien taħt skrutinju fil-Parlament Ewropew in konnessjoni man-nomina tiegħu għall-Qorti tal-Awdituri? Dakinnhar kien qalilna li ma jridx li jispiċċa eroj għal ġurnata biex imbgħad wara jispiċċa fil-baħħ!

Kellna lill-Kummissarju tal-Pulizija ma jinvestigax każijiet ta’ ħasil ta’ flus għal snin sħaħ. Huwa biss reċentement li Kummissarju tal-Pulizija l-ġdid għamel l-investigazzjonijiet u prosekuzzjonijiet possibbli.

Sfortunatament, l-azzjoni kontra l-ħasil tal-flus waslet tard. Sadanittant saret ħsara konsiderevoli. Il-kompliċità kriminali tal-Gvern f’dan kollu għamlet ħsara serja lill-ekonomija u lis-soċjetà. Huma dawk fil-livelli ta’ dħul aktar baxx li se iħossu l-biċċa l-kbira ta’ l-impatti negattivi ta’ dan kollu. Dawn jeħtieġu l-empatija tagħna. Dawn għandhom bżonn l-iktar protezzjoni f’dan il-mument.

Il-Gvern, bl-appoġġ tal-Oppożizzjoni, matul is-snin żviluppa “kunsens nazzjonali” dwar is-settur finanzjarju inkluż li jagħmilha possibbli li Malta tintuża bħala ċentru internazzjonali tal-evażjoni tat-taxxa. Flimkien mal-iskema tal-bejgħ taċ-ċittadinanza dan ikkontribwixxa aktar għat-tkissir tar-reputazzjoni ta’ Malta bħala ġurisdizzjoni li tista’ tkun afdata.

Xi ħadd jiftakar iċ-ċirkustanzi li wasslu għar-riżenja ta’ Joseph Cuschieri, CEO tal-Awtorità tas-Serviżżi Finanzjarji (MFSA) wara li ż-żjara tiegħu f’Las Vegas ma Yorgen Fenech ġiet għall-attenzjoni pubblika? Il-vjaġġ kien iffinanzjat minn Yorgen Fenech meta Cuschieri kien għadu jmexxi l-Awtorità tal-Logħob li suppost kienet ir-regolatur tal-casino ta’ Yorgen Fenech.  B’regolaturi bħal dawn, kif jista’ jsir l-infurzar?

Dan l-isfreġju sħiħ fuq Malta kien immexxi direttament minn Joseph Muscat u Edward Scicluna, eks-Ministru tal-Finanzi li ġie ppremjat bil-ħatra tiegħu bħala Gvernatur tal-Bank Ċentrali. Muscat spiċċa. Scicluna għandu bżonn isegwih malajr. Huwa għandu jew jirriżenja jew jitkeċċa minnufih.

Huwa xieraq wkoll li nfakkru li dan it-taħwid kollu kien is-suġġett tal-ġurnaliżmu investigattiv ta’ Daphne Caruana Galizia li nqatlet għall-isforzi tagħha biex tinfurmana u tesponi l-elit kriminali. Intilfet il-ħajja ta’ mara, omm u ġurnalista.

Huwa essenzjali li tittieħed azzjoni immedjata biex tibda terġa’ tinbena r-reputazzjoni ta’ Malta. Dan għandu jinkludi r-revoka immedjata tal-iskema tal-bejgħ taċ-ċittadinanza u l-għeluq tal-lakuni legali li biddlu lil Malta f’bażi ta’ evazjoni tat-taxxa.

Ippubblikat fuq Illum : il-Ħadd 27 ta’ Ġunju 2021

Grey listing: after years of zero enforcement on money laundering

The grey listing announced earlier during the week as a result of a decision by the Financial Action Task Force (FATF) is definitely not fair on the Maltese people.

The grey list is government’s making. However, the opposition certainly has a finger in the pie too as it is ultimately responsible for the weak institutions which it left in place in 2013. These weak institutions facilitated the current mess.

We should all be saddened by the decision of the FATF (Financial Action Task Force) to have Malta on its grey list, even though this course of action was expected.  

Government spokespersons have been emphasising that a lot of regulatory sprucing and reinforcement has been taken in hand.  However, they did not tell us that this has been done after several years of zero enforcement. After years having regulatory authorities such as FIAU staffed by collaborators of known criminals, such as Silvio Valletta, former Deputy Commissioner of Police.

We have had all Labour MPs in Parliament refusing to condemn Konrad Mizzi and Keith Schembri when their Panama Papers involvement was made public. All of them have contributed to this grey listing. 

Do you remember Evarist Bartolo explaining on Hard Talk why he voted in favour of Mizzi and Schembri? He had a strategy for survival, hoping “to live and fight another day”. Or Leo Brincat’s explanation when being scrutinised by the EU Parliament Budgetary Control Committee prior to his appointment at the European Court of Auditors? Leo Brincat had than stated that he did not want to live as a hero for one day, to be subsequently condemned to the wilderness for the rest of his life!

We have had the Commissioner of Police not investigating money laundering cases for years on end. It is only recently that a new Police Commissioner has made investigations and prosecutions possible.

Unfortunately, the action against money laundering has been late in coming. Considerable damage has resulted in the meantime. Government criminal complicity in all this has seriously damaged the economy and society.  It is those in the lower income levels who will feel most of the impacts of all this. They need our empathy. It is they who need most protection at this point in time.

Government with the support of the opposition has over the years developed a “national consensus” on the financial sector including the setup which makes it possible for international tax evasion to make use of Malta as a base. Together with the sale of citizenship scheme this has further contributed to the erosion of Malta’s reputation as a trustworthy jurisdiction.

Anybody remembers the circumstances which led to the 2018 resignation of the MFSA (Malta Financial Services Authority) CEO Joseph Cuschieri following his Las Vegas trip with Yorgen Fenech becoming public knowledge? The trip had been financed by Fenech when Cuschieri was still the Gaming Authority Chief, supposedly regulating Yorgen Fenech’s casino!

All this mess was directed by Joseph Muscat and Edward Scicluna, former Finance Minister who has been rewarded for his endeavours by his appointment as Governor of the Central Bank. Muscat is gone. Scicluna, politically responsible for ensuring that money-laundering structures were functioning, needs to follow him at the earliest. He should either resign or be dismissed forthwith.

It is also pertinent to point out that all this was the subject of the investigative journalism of Daphne Caruana Galizia who was blown up for her efforts to inform us and expose the criminal elite. We have lost a life: a mother, a wife, a journalist.

Immediate action is essential to start rebuilding Malta’s reputation. This should include the immediate repeal of the sale of citizenship scheme and closing the legal loopholes which have transformed Malta into a tax haven.

published in The Malta Independent on Sunday: 27 June 2021

Il-lista l-griża: x’tistenna wara snin ta’ żero infurzar?

Fi stqarrija wara d-deċiżjoni tal-FATF (Financial Action Task Force) li tpoġġi lil Malta fuq il-lista l-griża tagħha, iċ-Chairperson ta’ ADPD Carmel Cacopardo qal:

“Ninsabu mnikktin bid-deċiżjoni, minkejja li din kienet mistennija.

Matul il-ġimgħa li għaddiet, il-kelliema tal-Gvern kienu qed jenfasizzaw li ttieħedu ħafna deċiżjonijiet biex jissaħħaħ il-qafa regolatorju. Li ma qalulniex hu li dan sar wara bosta snin ta’ infurzar żero. Li għal snin sħaħ l-awtoritajiet regolatorji bħall-FIAU kellhom fosthom kollaboraturi ta’ kriminali magħrufa bħal Silvio Valletta, eks-Deputat Kummissarju tal-Pulizija.

Kellna lill-grupp Parlamentari Laburista li irrifjuta li jikkundanna lil Konrad Mizzi u lil Keith Schembri għall-involviment tagħhom fl-iskandlu tal-Panama Papers.

Kellna lill-Kummissarju tal-Pulizija jirrifjuta li jinvestiga każijiet ta’ ħasil ta’ flus għal snin sħaħ. Huwa reċentement li Kummissarju tal-Pulizija ġdid għamel l-investigazzjonijiet u prosekuzzjonijiet possibbli.

Sfortunatament, l-azzjoni kontra l-ħasil tal-flus waslet tard. Saret ħsara konsiderevoli. Il-kompliċità kriminali tal-gvern f’dan kollu għamlet ħsara serja lill-ekonomija u lis-soċjetà. Huma dawk fil-livelli ta’ dħul aktar baxx li se jħossu l-biċċa l-kbira ta’ l-impatti negattivi ta’ dan kollu. Dawn jeħtieġu l-empatija tagħna. Dawn għandhom bżonn l-iktar protezzjoni f’dan il-mument.

Il-Gvern bl-appoġġ tal-Oppożizzjoni matul is-snin żviluppa kunsens nazzjonali dwar is-settur finanzjarju inkluż is-setup li jagħmilha possibbli għall-użu ta’ Malta bħala ċentru internazzjonali tal-evażjoni tat-taxxa. Flimkien mal-bejgħ tal-iskema taċ-ċittadinanza dan ikkontribwixxa aktar għall-erożjoni tar-reputazzjoni ta’ Malta bħala ġurisdizzjoni affidabbli.

Dan l-isfreġju sħiħ fuq Malta kien immexxi direttament minn Joseph Muscat u Edward Scicluna, eks-Ministru tal-Finanzi li ġie ppremjat bil-ħatra tiegħu bħala Gvernatur tal-Bank Ċentrali. Muscat spiċċa. Scicluna għandu bżonn isegwih malajr. Huwa għandu jew jirriżenja jew jitkeċċa minnufih.

Huwa pertinenti wkoll li nfakkru li dan it-taħwid kollu kien is-suġġett tal-ġurnaliżmu investigattiv ta’ Daphne Caruana Galizia li nqatlet għall-isforzi tagħha biex tinfurmana u tesponi l-elit kriminali. Tlifna ħajja ta’ mara, omm u ġurnalista.

Huwa essenzjali li tittieħed azzjoni immedjata biex tibda terġa’ tinbena r-reputazzjoni ta’ Malta. Dan għandu jinkludi r-revoka immedjata tal-iskema tal-bejgħ taċ-ċittadinanza u l-għeluq tal-lakuni legali li biddlu lil Malta f’bażi ta’ evazjoni tat-taxxa.”

Edward Scicluna: bla boċċi

Ix-xhieda ta’ Edward Scicluna f’nofs il-ġimgħa fl-inkjesta dwar l-assassinazzjoni ta’  Daphne Caruana Galizia hi offensiva u triegħex. Mix-xhieda tiegħu stess Scicluna joħroġ bħala Ministru tal-Finanzi  bla sinsla, dgħajjef u beżżiegħ: inkapaċi li jkun deċiżiv fil-konfront tal-abbuż. B’riżultat ta’ dan  spiċċa jiċċertifika lilu nnifsu bħala  li mhux kapaċi jerfa’ fuq spallejh r-responsabbiltajiet ta’ Ministru.

F’dan kollu mexa fuq il-passi tal-kollega tiegħu il-Ministru tal-Affarijiet Barranin Evarist Bartolo. Fl-istess inkjesta, Bartolo, xehed ix-xahar l-ieħor meta qal li kien jippreferi strateġija ta’ sopravivenza: li jsalva l-ħajja politika tiegħu biex ikun possibli li jkompli l-ġlieda politika “fil-futur”. Dan qalu meta kien rinfaċċat bin-nuqqas ta’ azzjoni konkreta min-naħa tal-Gvern (li minnu hu kien u għadu jifforma parti) fil-konfront tal-involviment tal-eks-Ministru Konrad Mizzi u l-eks-Chief of Staff tal-Prim Ministru Joseph Musca,t Keith Schembri, fl-iskandlu magħruf bħala Panama Papers.

Il-kaz ta’ Edward Scicluna mhux  wieħed iżolat. Il-qarrejja jiftakru s-seduta ta’ smigħ ta’  Leo Brincat fl-2016 fil-Parlament Ewropew meta ġie mgħarbul mill-Kumitat tal-Budget in vista tan-nominazzjoni tiegħu biex ikun jifforma parti mill-Qorti Ewropea tal-Awdituri.  Meta, in vista tad-dikjarazzjonijiet tiegħu kien ippressat għal tweġiba mill-Membri tal-Parlament Ewropew dwar il-għala ma rreżenjax, Leo Brincat kien wieġeb li ma kellu l-ebda xewqa li jkun “eroj għal ġurnata biex imbagħad, wara jispiċċa f’baħħ politiku”.

Edward Scicluna quddiem l-inkjesta qal : “għalfejn għandi nirreżenja jien, meta hu ħaddieħor li għamel il-ħażin?” Żied jgħid li hu “daħal fil-politika biex jagħti servizz” u dan minkejja li kien komdu Brussel bħala Membru tal-Parlament Ewropew b’salarju ta’  €100,000.

Li jagħti l-pariri lil Joseph Muscat biex jiddistakka ruħu mill-impatti tal-iskandlu tal-Panama Papers mhux biżżejjed.  Edward Scicluna kien bla dubju jaf, anke kif jirriżulta mix-xhieda tiegħu, li dawk ta’ madwar Joseph Muscat kienu qed iduru mar-regoli biex jevitaw obbligi dwar trasparenza u kontabilità, u dan biex jilħqu l-għanijiet tagħhom.  Bħala Ministru tal-Finanzi Scicluna seta’, kieku ried, jaħsad ras dan l-abbuż mill-ewwel, bla ma jħallieħ jikber. Iżda minflok ipprefera jitfa’ ir-responsabbiltà fuq ħaddieħor: ipprova  jiddistakka ruħu biex jevita l-inkwiet u jibqa’ komdu.

Ir-responsabbiltajiet ta’ Edward Scicluna bħala Ministru tal-Finanzi imorru lil hinn milli jħejji l-budget bi stimi ta’ dħul u infieq. Għandu ukoll l-obbligu li jassigura li l-infieq tal-Gvern ikun wieħed trasparenti b’kontabilità sħiħa, u dan irrispettivament minn liema awtorità, Ministeru jew ċrieki madwar il-Prim Ministru jkunu fdati minn xi proġett speċifiku.

Il-Prim Ministru għandu l-obbligu li jmexxi bl-eżempju: għandu jassigura ruħu li kemm il-Kabinett tiegħu kif ukoll dawk kollha madwaru jimxu bi trasparenza u kontabiltà sħiħa. Jekk jonqos  milli jagħmel dan hu obbligu tal-membri kollha tal-Kabinett li jew jisfurzawh jaġixxi sewwa inkella li jirriżenjaw mill-Kabinett u jkomplu l-kritika tagħhom minn barra. Kull membru tal-Kabinett li jonqos li jaġixxi b’dan il-mod ikun kompliċi u responsabbli flimkien ma dawk li jkunu qed jabbużaw.

Dawk madwar il-Prim Ministru m’għandhomx jitħallew imexxu b’mod li jevitaw li jagħtu kont ta’ għemilhom u b’hekk iġibu fix-xejn il-ħidma tal-Parlament li kontinwament isus fuq it-trasparenza u l-kontabilità bla eċċezzjoni.

Hu irresponsabbli li Edward Scicluna issa jipprova jiddistakka ruħu pubblikament minn Joseph Muscat u dawk ta’ madwaru. Issa li Muscat m’għadux Prim Ministru hu faċli li jagħmel dan! Messu kellu l-boċċi li jaġixxi immedjatament li nduna x’kien għaddej.

Ippubblikat fuq Illum : Il-Ħadd 16 t’Awwissu 2020

Edward Scicluna has no balls

Edward Scicluna’s testimony, mid-week, during the inquiry into Daphne Caruana Galizia’s assassination is outrageous. Through his own testimony he depicts himself as a spineless Minister of Finance, weak, soft and cowardly, incapable of acting decisively in the face of abuse. As a result, he ends up certifying himself as not being capable to shoulder his responsibilities as a Minister.

In so doing he is following the lead of his colleague Foreign Minister Evarist Bartolo. Bartolo, testifying in the same inquiry last month stated that rather than resign he preferred to politically survive to be able to fight another day.  He stated this when faced by his Government’s lack of concrete action on the direct involvement of former Minister Konrad Mizzi and Joseph Muscat’s Chief of Staff Keith Schembri in the Panama Papers and other irregularities.

Scicluna’s is not an isolated case. Readers will remember Leo Brincat’s hearing at the European Parliament in 2016 when he was scrutinised by its Budget Committee in relation to his nomination to form part of the EU Court of Auditors. When, in view of his statements, he was pressed for an answer by MEPs as to why he did not resign he had replied that he had no desire to be a “hero for a day and end up in the (political) wilderness thereafter”.

Edward Scicluna told the inquiry: “why should I resign if someone else did wrong?” He added that to “enter local politics to perform a job” he had left his comfort zone and a €100,000 job in Brussels as an MEP.

Advising Joseph Muscat to distance himself from the Panama Papers fallout is certainly not enough. Scicluna was definitely aware, even as evidenced in his own testimony, that Joseph Muscat’s Kitchen Cabinet was bypassing the system and as a result was avoiding transparency and accountability rules to better achieve “their aims”. As Finance Minister Scicluna could have nipped abuse in the bud but he did not, as he preferred to compartmentalise responsibilities and stay safe in his new comfort zone.

Scicluna’s responsibilities as Finance Minister amount to much more than budgeting for the necessary expenditure. Ensuring that all Government expenditure is transparent and fully accountable is his ultimate responsibility too, irrespective of which quango, Ministry (or Kitchen Cabinet member) is in charge of any specific project.

The Prime Minister has the duty to lead by example: he should ensure transparency and accountability in the workings of all his Cabinet members, including those in his Kitchen Cabinet. Whenever he fails to do so it is a duty of Cabinet members themselves to bring him to order or else to resign from Cabinet and take up the case in public. Any Cabinet Minister who fails to so act is an accomplice and collectively responsible for the resulting abuse.

No Kitchen Cabinet or shadow government should be allowed to run the country, continuously avoiding the checks and balances which, responsible parliaments set up to ensure that the taxes we pay are well spent.

It is irresponsible for Edward Scicluna to denounce Joseph Muscat’s Kitchen Cabinet now that he is no more Prime Minister. He should have had the balls to act immediately that he was aware of Muscat’s Kitchen Cabinet manoeuvres. The fact that he remained in his comfort zone signifies that he is as morally bankrupt as his colleagues in the now defunct Kitchen Cabinet.

Birds of a feather flock together.  

Published in The Malta Independent on Sunday : 16 August 2020

Messhom ilhom li nqaflu Kordin

Din kienet waħda minn dawk il-ġimgħat li kellu f’moħħu  Harold Wilson mexxej Laburista fir-Renju Unit meta kien emfasizza li fil-politika, ġimgħa hu perjodu twil ħafna.

Hemm żewġ ġrajjiet partikolari li spikkaw din il-ġimgħa. L-ewwel waħda hi d-determinazzjoni tal-Kap tal-PN Adrian Delia li jkisser il-partit li għadu jmexxi. It-tieni grajja hi r-rapport tal-Uffiċċju Nazzjonali tal-Verifika  (NAO) dwar il-konċessjoni mogħtija lil  Vitals Global Healthcare (VGH) mill-Gvern Malti. Ir-rapport tal-NAO ikkonkluda li bejn il-Gvern u l-Vitals Global Healthcare kien hemm ftehim jew arranġamenti bil-moħbi, minn wara dahar kulħadd.

Kemm il-Partit Laburista fil-Gvern kif ukoll il-Partit Nazzjonalista fl-Opposizzjoni bħalissa huma fi stat ta’ taħwid kbir, li, kif qalet l-Assoċjazzjoni Maltija ta’ min Iħaddem f’nofs il-ġimgħa, jista’ jkollu impatti gravi li jwasslu għal kollass politiku u istituzzjonali. Il-Gvern Laburista ilu bi sħab ma dawk li jfittxu li jqaxxru il-kaxxa nazzjonali għal dawn l-aħħar seba’ snin. In-nuqqas ta’ Opposizzjoni Parlamentari li kapaċi taġixxi għamlitha iktar faċli mhux biss biex il-Labour jevita l-kontabilità imma fuq kollox biex ikompli jfittex opportunitjaiet ġodda  biex tkompli tinselaħ il-kaxxa ta’ Malta.

Konrad Mizzi u Joseph Muscat flimkien ma’ dawk li kienu jħufu madwarhom messhom ilhom li nqaflu Kordin: Konrad ta s-sehem tiegħu fil-ħolqien tal-opportunitajiet  mimlijin b’dellijiet ta’ korruzzjoni ta’ kull xorta u Joseph  li kontinwament ipproteġieh. Inkoraġġew stat Mafjuż. Dawk li jmexxu bil-kontijiet u kumpaniji fil-Panama b’dikjarazzjonijiet li ser ikunu f’posizzjoni li jiddepożitaw €5000 kuljum f’dawn il-kontijiet.

L-elezzjoni riċenti għat-tmexxija Laburista intilfet minn dawk li riedu jitfuhom ġewwa. Rebħet il-kampanja favur il-kontinwità: għax din kienet tagħti tama lil min kien jippreferi li tibqa’ l-protezzjoni.

L-investigazzjoni tan-NAO dwar il-kuntratti tal-Vitals Global Healthcare (VGH) intalbet mill-Union Ħaddiema Magħqudin (UĦM). Ir-rapport hu intitolat “An audit of matters relating to the concession awarded to Vitals Global Healthcare by Government. Part 1: A review of the tender process.” Il-fatt li dan hu biss l-ewwel parti jfisser li għad hemm ħafna iktar informazzjoni li qed tistenna li tkun magħrufa.

Ir-rapport ta’ 219 paġna huwa wieħed dettaljat. Il-punt bażiku hu li saħansitra qabel mal-Gvern ħareġ is-sejħa għall-proposti (Request for Proposals) kien diġa ftiehem mal- Vitals Global Healthcare permezz ta’ ftehim sigriet li l-Gvern m’għaddiex kopja tiegħu lill-Ufficcju Nazzjonali tal-Verifika (NAO). Imma mill-verifika ħareġ li l-Vitals Global Healthcare, mas-sottomissjonijiet bi tweġiba għas-sejħa għall-proposti, ippreżenta ittra mill-Bank of India bħala garanzija li kellu aċċess għall-finanzi meħtieġa għall-“Malta Healthcare Project”. Din l-ittra, imma, kellha data li kienet ħmistax-il ġurnata qabel ma ħarġet is-sejħa tal-Gvern Malti dwar il-proġett.  L-eżistenza ta’ dan id-dokument wasslet lill-Uffiċċju Nazzjonali tal-Verifika (NAO) biex jikkonkludi li din kienet prova “of the VGH’s prior knowledge of the planned project and proof of collusion with Government, or its representatives.”

Din hi l-agħar kundanna possibli tal-proċess tax-xiri użat mill-Gvern u tat-tidwir mal-proċess li jitħaddem normalment taħt id-direzzjoni tad-Direttur tal-Kuntratti: responsabbiltà politika tal-Ministru tal-Finanzi Edward Scicluna.

Is-swaba’ kollha jippuntaw lejn Konrad Mizzi, issa konvenjentement imkeċċi mill-Grupp Parlamentari Laburista, u tal-protettur tiegħu Joseph Muscat. Imma Edward Scicluna ukoll għandu responsabbiltà politika għal dak li messu għamel u m’għamlux.

Wara kollox kien riċentement, nhar il-Ġimgħa  26 ta’ Ġunju 2020 li  Edward Scicluna, huwa u jirċievi ir-rapport annwali għall-2019 tal-Bord li jikkunsidra appelli minn deċiżjonijiet dwar tenders fis-settur pubbliku (Public Contracts Review Board – PCRB), emfasizza dwar il-ħtieġa li l-Ministeri differenti jeħtieġ li jieħdu ħsieb u jindukraw il-professjonisti fil-qasam finanzjarju tant meħtieġa biex jissorveljaw in-nefqa pubblika. Dakinnhar kien saħaq li l-pajjiż kien kommess għall-għola livelli ta’ kwalità.

Ir-rapport tal-Uffiċċju Nazzjonali tal-Verifika dwar il-Vitals Global Healthcare (VGH) malajr qallu x’kienu dawn l-ogħla livelli ta’ kwalità li għalihom għandu responsabbiltà politika Edward Scicluna!

Il-Prim Ministru Robert Abela ipprova jdaħħaq meta qal li r-rapport dwar il-Vitals Global Healthcare mill-Uffiċċju Nazzjonali tal-Verifika kien prova ta’ kemm jaħdmu l-istituzzjonijiet.  Naħseb li l-iktar konklużjoni importanti li wieħed jista’ jislet mir-rapport hu li Joseph Muscat irnexxielu jittrasforma lill-Partit Laburista u l-Gvern immexxi minnu f’bejta tal-ħallelin: verżjoni moderna ta’ Ali Baba u l-erbgħin ħalliel. Il-fatt li Robert Abela ippreżenta ruħu bħala l-kandidat tal-kontinwità jfisser ħafna, għal min irid jifhem.

Ippubblikat fuq Illum: il-Ħadd 12 ta’ Lulju 2020

Il-bluff ta’ Yorgen

Kemm hu minnu li Yorgen Fenech kien jaf bid-data tal-elezzjoni ġenerali bikrija li Joseph Muscat sejjaħ f’Ġunju 2017 sa minn Diċembru 2016? Din mhiex informazzjoni li għandha naċċettaw mingħajr ma ngħarbluha. Hu faċli, wara li l-fatti jkunu seħħew, li tagħmel dikjarazzjonijiet ta’ din ix-xorta.

Din id-dikjarazzjoni ta’ Yorgen Fenech dwar li kien jaf bid-data tal-elezzjoni bikrija saret waqt l-interrogazzjoni tiegħu u saret pubblika mill-Ispettur Kurt Zahra iktar kmieni din il-ġimgħa fil-Qorti. Milli ntqal mhux ċar kemm Zahra ta importanza lil din l-informazzjoni kif ukoll jekk din kienitx korraborata.

Dan il-bluff ta’ Yorgen, fil-fehma tiegħi, għandu skop wieħed u preċiż: li jsaħħaħ l-argument u “joħloq” il-provi li mhux hu kien il-moħħ wara l-assassinju ta’ Daphne Caruana Galizia.

Li toqgħod tilgħab b’din l-informazzjoni hu ħafna agħar milli ixxerred il-gideb. Forsi Jason l-avukat jirrealizza dan u jiġbed widnejn Jason il-Membru Parlamentari.

Dan il-bluff ta’ Yorgen jinkwadra f’dak li jaħsbu uħud: li Kastilja kienet involuta fl-ippjanar tal-assassinju ta’ Daphne Caruana Galizia. Imma dan hu f’kunflitt ma’ informazzjoni oħra li kisbet l-investigazzjoni permezz tar-recordings ta’ Melvin Theuma: meta Yorgen Fenech, iffaċċjat b’elezzjoni ġenerali bikrija fil-bidu ta’ Mejju 2017 ta’ struzzjonijiet biex l-assassinju jkun sospiż. Sfortunatament uħud għandhom memorja qasira ħafna: illum jinsew dak li jkunu saru jafu fil-ġranet li għaddew!

Minkejja dan, naħseb li għadu kmieni biex naslu għal konklużjonijiet dwar min hu involut, apparti dawk li diġa qed iwieġbu għal għemilhom quddiem il-Qrati. Hu ovvju li Joseph Muscat ser jiċħad bil-qawwa kollha anke l-iktar konnessjoni remota mal-assassinju. M’għandniex nimpressjonaw ruħna għax f’dan l-istadju għadu kmieni u hu prudenti li ma neskludu xejn.

Yorgen kontinwament jitfa biċċiet żgħar ta’ informazzjoni biex iċaqlaq l-attenzjoni għal fuq ħaddieħor. Din il-ġimgħa kompla permezz tax-xhieda ta’ Keith Schembri. Schembri informa lill-Qorti kif sieħbu Yorgen ġieli qallu bil-krib ta’ Adrian Delia tal-PN biex jiffinanzjhom. Ma qal xejn imma dwar kemm ħareġ flus għall-Labour, apparti l-inbid Petrus lil Joseph, għax dak donnu hu ovvju u mistenni li fejn jidħol il-Labour idaħħal idu fil-but. Għaliex le, sakemm ikun fil-limiti ta’ dak permissibli?

Huwa u jwieġeb għall-mistoqsijiet tal-ispettur Keith Arnaud, Keith Schembri rrakkonta dak li qallu sieħbu Yorgen dwar kemm dejqu l-Kap tal-Opposizzjoni Adrian Delia għall-fondi. Il-flus, qal Schembri lill-Qorti, kien jiġborhom Pierre Portelli, sieħeb Delia, €20,000 kull darba. Kif kien mistenni kemm Delia kif ukoll Portelli b’mod immedjat u kategoriku ċaħdu dan kollu. Delia żied jiċħad li qatt talab finanzjament biex jipprova jixkana l-barra lil David Casa mis-siġġu fil-Parlament Ewropew. Dawn, imma, huma allegazzjonijiet li diġa konna smajnihom minn bnadi oħra.

Din hi informazzjoni li hi minnha jew inkellha hi informazzjoni żbaljata li d-duo Keith-Yorgen qed jisqu lill-inkjesta? Dan l-aħħar l-iskwadra tal-Pulizija dwar ir-reati ekonomiċi bħal donnha qamet mir-raqda u bdiet tinvestiga dan l-allegat finanzjament ta’ Delia minn Yorgen. Hu possibli li jkollna konklużjoni dwar x’daħal fis-sasla ta’ Delia malajr u dan minħabba li l-iskwadra dwar ir-reati ekonomiċi issa jidher li ser ikollha x’tagħmel għax ser teżamina xi rapporti li ħalliet jiġbru t-trab fil-passat qrib. Jista’ jkunu okkupati ftit fit-tul b’Konrad Mizzi li tul dan l-aħħar għalqu ftit għajnejhom mhux ħażin dwar dak li qed jingħad li għamel u ħawwad.

Konrad issa tkeċċa mill-Grupp Parlamentari tal-Partit Laburista wara li hu irrifjuta t-talba ta’ Robert Abela biex jirreżenja.

Din ma kienitx l-ewwel darba li fil-Partit Laburista kellhom diskussjoni taħraq dwar Konrad Mizzi. Imma din id-darba ma kienx hemm Joseph Muscat jiddefendieh.

Erba’ snin ilu Joseph Muscat kien irrifjuta li jkeċċi lil Konrad meta kien irriżulta li Konrad kien l-uniku Ministru fl-Unjoni Ewropeja li ssemma fil-Panama Papers. Minn dakinnhar l-iskandli assoċjati miegħu żdiedu biex issa hemm ukoll il-kaz tal-kummissjonijiet li tħallsu fuq it-tanker tal-gass li hemm Delimara, kif ukoll l-istejjer dwar il-kumpanija 17-Black. L-aħħar storja hi dwar l-imtieħen tar-riħ fil-Montenegro li bħala riżultat tagħha is-17-Black selħet madwar €5 miljuni profitti minn fuq dahar l-Enemalta, li għaliha kellu responsabbiltà politika Konrad Mizzi għal żmien twil.

B’dan it-tip ta’ transazzjonijiet il-kumpanija ta’ Yorgen Fenech 17-Black faċilment tilħaq il-miri tagħha biex tkun tista’ titrasferixxi €5000 kuljum fil-kumpaniji li n-Nexia BT waqqfet fil-Panama f’Marzu 2013.

Edward Scicluna, Ministru tal-Finanzi, qalilna li l-Gvern ma għandu l-ebda ħtija għal dan il-ħmieġ. Għandu żball: dawk kollha involuti ngħataw vot ta’ fiduċja wieħed wara l-ieħor. It-tort hu kollu kemm hu tal-Gvern!

Ippubblikat fuq Illum : il-Ħadd 28 ta’ Ġunju 2020

Yorgen’s bluff

Did Yorgen Fenech really know the date of the early election called in June 2017 by Joseph Muscat as far back as December 2016? I would take that information with a pinch of salt.

It is quite easy to bluff your way after the fact. Yorgen Fenech’s declaration on knowing the date for the early election was made to Inspector Kurt Zahra during his interrogation.

It is not clear whether Inspector Kurt Zahra simply noted Yorgen’s bluff or else whether he succeeded in corroborating this with additional information. Yorgen’s bluff, in my view, had a specific purpose: to drive home the point that he was not the mastermind behind the assassination.

Spinning this is at times worse than spreading lies. Maybe Jason the lawyer should caution Jason the MP about this.

Yorgen’s bluff fits like a glove into one of the theories making the rounds: that the OPM was involved in the planning and commissioning of the assassination. However it is in conflict with other bits of information fed into the investigation through the Theuma recordings: the plans in motion for the assassination were suspended by Yorgen as soon as the early election was called in early May 2017.

This signifies that actually he had no prior knowledge! Unfortunately, some have a very short memory span: they tend to forget today what was reported the day before yesterday!

Notwithstanding, it is too early to arrive at conclusions as who is or isn’t involved beyond those already arraigned. It is to be expected that Joseph Muscat categorically denies even the remotest of connections to the assassination.

We should not however be impressed into conclusions either way at such an early stage. I would definitely not exclude anything at this stage.

Yorgen’s dripping titbits of information continued through Keith Schembri’s testimony this week. Schembri recounted how his friend Yorgen described the manner in which he financed the PN. No information is forthcoming as to whether and how he financed the PL: presumably this is taken for granted. Replying to questions fielded by police inspector Keith Arnaud, Keith Schembri recounted how he had been informed by his friend Yorgen Fenech as to funding requests by Adrian Delia, Leader of the Opposition.

Delia’s sidekick, Pierre Portelli, the Court was told, used to collect the monies €20,000 at a time. As expected, Delia and Portelli immediately and categorically denied this. Delia further denied that he had requested funding to squeeze out David Casa from his MEP seat. We have however already heard of these allegations from various other sources. Are they true, or is it just incorrect information being slowly fed into the investigation by the Yorgen-Keith tandem? The Police Economic Crimes Unit has recently done a Rip van Winkle and is investigating the possibility of Yorgen funding Delia’s PN.

It may be possible to have a conclusion on Adrian Delia’s collections quite soon as the Police Economic Crimes Unit may now be in a hurry as they may soon have to recall their Konrad Mizzi archives to act upon reports which they were too busy to examine appropriately in the recent past.

Konrad has now been kicked out of the Parliamentary Group of the Labour Party after refusing to act on Robert Abela’s suggestions to resign. The discussion within Labour earlier this week was not the first with Konrad as the target. This time Joseph Muscat was however not around to defend him. Four years ago, Joseph Muscat had refused to dismiss Konrad Mizzi when it had resulted that Mizzi was the only member of Cabinet within the EU member states to have his name included in the Panama Papers. Since then we have had plenty of additions to the Panama Papers saga. These include commissions paid on the gas tanker anchored at Delimara as well as the 17-Black saga.

The latest addition is the Montenegro windfarm scandal as a result of which 17-Black made a windfall profit of around €5 million at the expense of Enemalta, for which Konrad Mizzi was politically responsible for a considerable length of time. With this type of transaction 17-Black could easily fulfil its objectives of transferring €5000 a day to the Panama companies setup by Nexia BT.

Finance Minister Edward Scicluna has stated that government is not to blame. He is wrong: those in the spotlight were repeatedly given votes of confidence. Government has no one to blame but itself.

 

Published on the Malta Independent on Sunday: 28 June 2020

Estradizzjoni għal Konrad Mizzi?

L-istejjer dwar Konrad Mizzi huma bla limitu: sa mill-ewwel mument li daħal fil-Parliament u l-Kabinett. It-twaqqif tat-trust fi New Zealand u r-registrazzjoni ta’ kumpanija fil-Panama komplew jitfgħu ftit dawl fuq kif jaħdem dan il-bniedem.

Bil-pubblikazzjoni tal-Panama Papers għajnejn ħafna tbexxqu u bdew jistaqsu. Id-dubji għad mhumiex imwieġba anzi inħolqu dubji ġodda bi stejjer ġodda.

Hu fatt li Konrad Mizzi mhux Malta. Ilu nieqes minn Marzu u l-anqas Parlament ma mar. Iċ-ċertifikati mediċi f’dawn iċ-ċirkustanzi ftit li xejn jitwemmnu.

Jason Azzopardi qed jagħmel allegazzjonijiet serji ħafna. Qed jgħid li Mizzi hu maħrub għax jibża’ li jkun investigat mill-kummissarju l-ġdid. Din hi possibiltà realistika u tweġiba, fiċ-ċirkustanzi, ftit hemm min jista’ jagħtiha ħlief Konrad Mizzi nnifsu u possibilment Robert Abela.

Meta Konrad Mizzi tneħħa mill-Kabinett għax ġie mġiegħel jirriżenja kien pass tajjeb. Li ma ntagħżilx bħala Ministru minn Robert Abela meta dan għażel il-Kabinett ġdid tiegħu kien pass ieħor il-quddiem. Issa jonqos pass ieħor: li jwieġeb għal għemilu meta, possibilment, flimkien ma oħrajn jkun imsejjaħ jagħmel hekk.

Sakemm jibqa’ maħrub fir-Renju Unit dan mhux possibli li jsir. Ovvjament jekk il-Kummissarju l-ġdid jirriżultalu li hemm il-provi dejjem hemm il-possibilità ta’ talba ta’ estradizzjoni. Mir-Renju Unit s’intendi għax mill-Montenegro ma naħsibx li jkun possibli!

Imnawwar minn ġewwa

Sal-ħin li qed nikteb, l-investigazzjoni interna tal-Pulizija nfirxet minn waħda iffukata fuq it-taqsima tat-traffiku għal taqsimiet oħra tal-korp. Bosta huma mnixxfa kif dawk li suppost iżommu l-ordni u jħarsu l-osservanza tal-liġi qed jiġu nvestigati huma stess dwar allegazzjionijiet ta’ abbuż minn fondi pubbliċi kif ukoll allegazzjonijiet li talbu flus biex ma jagħmlux dmirhom (speċi ta’ protection money).

Supretendent u numru ta’ uffiċjali oħra, rinfaċċjati bil-provi rreżenjaw mill-korp. Numru mhux żgħir ta’ pulizija ġew interrogati.

M’għandniex inkunu sorpriżi b’dan kollu, għax dan huwa kollu riżultat dirett ta’ kultura ta’ impunità li ġiet imxettla b’mod kontinwu mill-Partit Laburista fil-Gvern tul dawn l-aħħar snin. Xejn mhu xejn. B’xi mod jew ieħor kollox jibqa’ għaddej, jew kważi.

Il-Prim Ministru Robert Abela stqarr li l-fatt illi l-Pulizija stess qed jinvestigaw lill-pulizija li dwarhom hemm l-alegazzjonijiet huwa indikazzjoni ċara li l-istituzzjonijiet fil-pajjiż qed jaħdmu sewwa. Fil-fehma tiegħi din hi analiżi skorretta. Dak li qed jiġri trid tarah ukoll fil-kuntest tal-ħbiberija żvelata bejn dak li kien Deputat Kummissarju tal-Pulizija Silvio Valletta u Yorgen Fenech, (l-allegat mandant tal-assassinju ta’ Daphne Caruana Galizia). F’dan il-kuntest, l-investigazzjoni tindika li l-korp tal-Pulizija huwa mnawwar minn ġewwa.

Fil-waqt li l-parti l-kbira tal-membri tal-korp tal-Pulizija huma persuni serji, għandu jkun sottolinejat li mhux l-ewwel darba li rriżulta li uffiċjali anzjani tal-korp tal-pulizija kienu viċin ta’ persuni li kienu taħt investigazzjoni. Kaz ieħor riċenti li niftakar hu ta’ uffiċjal imlaħħaq fit-taqsima tar-reati ekonomiċi (spettur) li kien viċin ħafna ta’ operatur fl-industrija tal-logħob tal-ażżard. Tant kien viċin tiegħu li anke kellu l-aċċess biex jutilizza karozza privata ta’ din il-persuna, Ferrari. Il-każ imur lura sal-2015 meta missier l-ispettur, kien agent Kummissarju tal-Pulizija. Għax il-każ taz-ziju Silvio ċertament mhux l-uniku wieħed.

Kien il-kandidat laburista Andy Ellul li f’artiklu ppubblikat fuq it-Times tat-28 ta’ Jannar 2020 li stqarr li “Police commissioners form part of the executive and they have to toe the electoral programme of the government of the day”. Huwa ċertament ta’ sfortuna li Andy Ellul jikkunsidra li l-pulizija għandha funzjoni politika għax l-implimentazzjoni tal-manifest elettorali hi funzjoni tal-politiċi u tagħhom biss.

Dak li qal Andy Ellul jispjega ħafna dwar meta, kif u għaliex (uħud) mill-Pulizija jaġixxu u jinvestigaw. Andy Ellul kien hu nnifsu membru tal-korp tal-pulizija u allura suppost li jaf ferm iktar minn hekk!

Meta l-Panama Papers saru materja pubblika x’investigazzjoni għamlet il-pulizija? Abbażi ta’ dak li ġie osservat min-naħa tal-uffiċċju tal-Prim Ministru f’Kastilja, il-Pulizija ġew jaqgħu u jqumu. Konrad Mizzi u Keith Schembri ma ġewx mitluba biex jerfgħu ir-responsabbiltà għall-azzjonijiet tagħhom meta waqqfu kumpaniji sigrieta fil-Panama: ħelsuha ħafif. Għaldaqstant wara dan il-messaġġ ċar li qiesu ma ġara xejn, ħadd ma għandu jkollu l-ebda dubju x’kejl kellu japplika għall-pulizija u għall kull min jagħmel affarijiet li s-soltu ma naċċettawhomx. Kien biss meta l-whistle-blower saffar li l-investigazzjoni kellha tibda. Hawn xi ħadd li jemmen li b’mod ġenwin ħadd ma nduna b’xejn? Hu ċar li bosta ħadu sehemhom u allura b’mod konvenjenti “ħadd ma nduna xejn”.

It-triq biex tissewwa l-ħsara li saret lir-reputazzjoni li Malta kisbet illum il-ġurnata mhix triq faċli. Li tkun stabilita mill-ġdid il-fiduċja fil-korp tal-Pulizija hu pass wieħed żgħir minn ħafna meħtieġa.

Malta bil-mod qed tiġi trasformata f’soċjeta amorali fejn il-prinċipji aċċettabbli ta’ imġieba korretta qed jintremew il-baħar. Hemm min jiddieħaq bihom ukoll.

Rappresentanti tas-settur tas-servizzi finanzjarji qalulna li hemm bżonn is-sehem ta’ kulħadd biex naslu li nnaddfu isem Malta mill-ġdid. Huwa ftit diffiċli biex wieħed jifhem kif nistgħu naslu meta hu ċar għal kulħadd li l-korp tal-Pulizija hu mnawwar minn ġewwa.

 

ippubblikat fuq Illum : 16 ta’ Frar 2020