L-għażla għall-Kap tal-PN : bejn fallut u negozjant tal-art?

Il-kampanja għall-elezzjoni ta’ Kap tal-PN għaddejja. Il-kliem iebes mhux jonqos. L-anqas ir-reċtar ta’ min jilgħaba tal-vittma m’hu nieqes.

Jixraqlu l-PN li jkollu Kap prattikament fallut?

Min hu ċiniku jista’ jgħid li Frank Portelli bħala CEO tal-Isptar St Philip akkwista vantaġġ b’esperjenza biex jamministra d-djun li akkumula l-PN. Imma min hu serju u jixtieq il-ġid lill-PN ma jistax jifhem kif il-qagħda finanzjarja disastruża tal-Isptar St Philip ma tqiesitx mill-Kummissjoni Elettorali bħala fattur importanti li a bażi tagħha Frank Portelli ma kellux jitqies eliġibbli biex jikkontesta l-elezzjoni. Dan hu punt ta’ serjetá kbira u l-fatt li ma ġiex indirizzat minn kmieni m’hux ta’ awgurju.

Għax jekk dan falla fl-amministrazzjoni ta’ ħwejġu kif jippretendi li jista’ qatt imexxi sewwa ħwejjeġ ħaddieħor?

Dan apparti l-attitudi u l-linġwaġġ lemini li hu juża kontinwament u li bih jitfa’ lill-PN lura fil-Medju Evu. Imma għal uħud dik hi l-għażla li joffri Frank Portelli.

Bħal dejjem, l-għajta ta’ demm ġdid ma tonqosx. Imma hi għajta li hi minnha nnifisha ż-żerriegħa ta’ perikli kbar. Kif jaħsibha min hu ġdid mhux dejjem ikun ċar b’mod partikolari jekk dan joqgħod attent ħafna fl-għażla ta’ kliemu, kif qed jagħmel Adrian Delia. Attent mhux biex ikun preċiż, imma biex jikkommetti ruħu mill-inqas.

L-għażla f’dan il-kaz hi ta’ Kap-negozjant tal-bini, mhux biss midħla tal-industrija tal-kostruzzjoni imma mdeffes fiha sa griżmejh! Interessanti x’ser ikunu l-implikazzjonijiet ta’ din it-tip ta’ għażla.

Fl-aħħar mill-aħħar, bħal dejjem, il-PN ikollu l-Kap li jixraqlu.

Sqaq San Filep

 

Wara żmien twil bi ftit li xejn informazzjoni dwar l-isptar ta’ San Filep, matul din il-ġimgħa kellna indiġistjoni.  L-informazzjoni iżda ħarġet bit-tabuxù għax il-Gvern jagħtiha biċċa biċċa. Kif u meta jaqbillu. Qatt biex jinforma.

Is-serjeta’ kienet titlob mod ieħor. Imma s-serjeta’ m’hiex kwalita’ tal-Gvern immexxi minn Lawrence Gonzi.

Kif anke deher waqt id-dibattitu ta’ nhar it-Tnejn li għadda fil-Parlament hemm ħafna affarijiet li m’humiex ċari u għaldaqstant huwa meħtieġ analiżi twila u dettaljata tal-konsiderazzjonijiet kollha li wasslu għall-ftehim bejn il-Gvern u l-kumpanija ta’ Frank Portelli l-Good Shepherd Group Limited, is-sid tal-isptar.

L-ewwel ħsieb imur fuq is-sit innifsu. Għaliex l-Isptar San Filep?

It-tweġiba m’hiex waħda sempliċi. Id-diskussjonijiet kienu ilhom sejrin minn ftit wara l-elezzjoni tal-2008. Ħadd ma qal xejn għal żmien twil. Dak li kien qed jiġri rriżulta minn sentenza mogħtija mit-Tribunal għat-Talbiet Żgħar nhar l-4 t’Ottubru 2012 fil-każ bejn Icon Studios Ltd u Good Shepherd Group Limited. Fil-paragrafu 7 tal-konsiderazzjonijiet tat-Tribunal jingħad li Dr Frank Portelli nhar l-1 ta’ Marzu 2010 semma n-negozjati li huwa kellu mal-Gvern u li kienu ilhom għaddejjin għal 18-il xahar. Il-każ quddiem it-Tribunal kien dwar ħlas konness mad-disinn ta’ website tal-Isptar San Filep mill-kumpanija ta’ Dr Ġeġe Gatt, iben Austin Gatt.

Issa 18-il xahar qabel l-1 ta’ Marzu 2010 jfisser Settembru 2008!  Dan ifisser li n-negozjati ilhom sejrin 4 snin. Bdew ftit wara l-elezzjoni ġenerali tal-2008.

In-negozjaturi ghan-nom tal-Gvern kellhom jikkunsidraw jekk il-pjanijiet tal-Gvern għal sptar ta’ Riabilitazzjoni ta’ madwar 280 sodda setgħux jitwettqu f’dan is-sit ta’ 75 kamra b’110 sodda. Il-ħtieġa li l-kapaċita tal-Isptar tiżdied għal iktar minn darbtejn u nofs tista’ tikkunsidraha billi l-ewwel tħares lejn il-potenzjal tas-sit u wara tara mal-MEPA jekk din il-possibilita tistax titwettaq.

Meta tkellem fil-Parlament il-Ministru Tonio Fenech ma ta’ l-ebda assigurazzjoni dwar jekk il-MEPA tistax toħroġ permess ta’ din ix-xorta. Għamel sewwa, għax jiena naħseb li hu diffiċli ħafna għall-MEPA li toħroġ permess bħal dan. L-issue tal-parking diġa issemmiet fil-Parlament mill-Kap tal-Opposizzjoni: li żżid il-parking b’iżjed mid-doppju m’huwiex faċli f’sit li hu ristrett. Ma dan trid taħseb biex iżżid il-faċilitajiet kollha biex il-kapaċita’ tagħhom tkun addattata għad-daqs ġdid tal-isptar. Jiena naħseb li dan ser ikun diffiċli ħafna. Naħseb li l-anqas jekk l-isptar jitwaqqa’ u jsir disinn mill-ġdid ma jista’ jinħoloq disinn aċċettabbli minħabba li is-sit hu wieħed ristrett!

Meta tqabbel din id-diffikulta’ mal-flessibilita’ sostanzjali li joffri l-Isptar San Luqa, t-team tan-negozjaturi u l-konsultenti tagħhom mill-Fondazzjoni għas-Servizzi Mediċi għandhom ħafna x’jisjegaw. Għax jekk diġa jidher ċar x’diffikultajiet hemm għalfejn tibda l-mixja f‘dak l-isqaq ?  Sqaq li fi żmien tlett snin jista’ jfisser li l-proċess ikollu jerġa’ jibda mill-ġdid b’ħela ta’ ħafna żmien u fondi pubbliċi.

It-tieni punt li rrid nagħmel hu dwar il-fatt li meta l-Gvern għażel li jikkonsidra l-Isptar San Filep immedjatament eskluda l-alternattivi l-oħra kollha li seta kien hemm.

Eskluda l-iSptar San Luqa li dwaru jidher li sar studju dettaljat, skond ma qal il-Ministru Cassar. Dan l-studju identifika li għall-isptar kollu l-ispiża ta’ refurbishment kienet ser tigi tiswa’ ftit inqas minn €40 miljun. Issa biex jinħoloq Sptar ta’ Riabilitazzjoni ta’ 280 sodda m’hemmx bżonn tal-Isptar San Luqa kollu iżda biss parti minnu. Meta tqis id-dewmien ta’ 4 snin negozjati mill-2008 lil hawn (u min jaf kemm ser indumu iktar) hu ċar li kieku ittieħdet id-deċiżjoni favur l-Isptar San Luqa mill-ewwel fl-2008, l-isptar ta’ riabilitazzjoni ilu lest u jiffunzjona għal tlett snin. B’deċiżjoni bħal din favur l-iSptar San Luqa  l-pazjenti kieku ilhom li emigraw għal  faċilitajiet aħjar mill-kurituri tal-isptar Mater Dei.

Waqt id-dibattitu Parlamentari ta’ nhar it-Tnejn issemmiet ukoll il-possibilita li hemm sidien ta’ lukandi  li kienu interessati li jipproponu illi l-lukanda tagħhom tkun konvertita għall-użu ta’ sptar ta’ riabilitazzjoni. Jiena naħseb li proposta ta’ din ix-xorta toffri diffikultajiet daqs is-sit tal-isptar San Filep  kemm għall-parkeġġ kif ukoll biex tipprovdi l-faċilitajiet kollha meħtieġa. Pero’ qabel ma tara l-proposta u tkun konxju ta’ dak li qed ikun offrut ma tistax tifforma opinjoni definittiva.

Meta nqis kollox naħseb li l-unika proposta sura hi li jintuża l-Isptar San Luqa.

Il-problema ma  ħoloqiex Frank Portelli li iddiskuta ma min kien interessat li jixtri l-isptar tiegħu. Ħoloqha l-Gvern li mexa ħażin mingħajr ma qies sewwa u bir-reqqa l-ftit riżorsi li suppost qiegħed jamministra.

Fid-dawl ta’ dan kollu jagħmel sens li min ħa d-deċiżjonijiet jiġi mgħarbel sewwa qabel ma jkun iffirmat il-kuntratt.   Għalhekk hu meħtieġ li l-Parlament jiċċaqlaq.

published in Illum, Sunday 21st October 2012

A case of bad governance

The full process leading to the agreement whereby St Philip’s Hospital is leased to the Government with the option to purchase requires careful examination. Even after Monday’s parliamentary debate, the information is substantially under wraps with only small snippets having been made available to date. The little that is known however, already points towards bad governance.

The Government opted to start negotiations with the owner of St Philip’s Hospital late in 2008, that is four years ago. Commencing negotiations relative to St Philip’s Hospital signifies that alternative sites and options were being excluded: alternative sites were ignored, considered as not being suitable, or as being less suitable than the site under consideration.

The Minister for Health said in Parliament that it would require just under €40 million to rehabilitate St Luke’s Hospital. What the minister forgot to consider was that a basic rule for comparative statements is that, for the comparison to be of any significance, one has to compare like with like. You cannot compare what is required for a 1,000 bed hospital to justify the relative smallness of the sum required relative to a 75-bed or a 110-bed hospital.

The cost to rehabilitate St Luke’s is obviously substantially higher than anything related to St Philip’s. Such comparisons are deceptive. Moreover, parts of St Luke’s are no longer available as they are being used for other purposes.

The potential use of St Luke’s was discarded when negotiations started way back in 2008. If St Luke’s was then considered as suitable, the Rehabilitation Hospital would be up and running by now, saving millions of euros and lots of time. It could have been operational at least three years ago. As a result, it would have been possible for medical personnel at Mater Dei Hospital to deal more appropriately with patients because overcrowding there would have been substantially reduced three years ago, at least.

This is one of the issues which the Auditor General should consider when he examines the process that led to the Government’s decision. I understand that detailed reports are existent. It would be appropriate if these are immediately made available for the consideration of the Public Accounts Committee and the Auditor General.

It should also be considered whether the Government acted correctly when it opted to initiate direct negotiations with one hospital operator to the exclusion of other suppliers of potentially suitable sites. The fact that the Government is not legally bound to issue a call for tenders does not signify that it is good practice to start the process without such a call or, alternatively, with a request for the submission of expressions of interest. The Government, instead, inversed the process linking itself with a call for an expression of interest issued by the owner of St Philip’s!

The tendering procedure is a basic characteristic of public sector procurement so much that even local councils are expected to issue such a call when leasing or purchasing property. Why is it that the Finance Ministry insists on good practice at a local level but then opts for bad practice at a national level? The reasons brought forward by the Government to justify direct negotiations are equally applicable at a local level, yet the ministries of finance and local government justifiably insist on the tendering procedure.

In view of the above, Franco Debono (actively supported by Jeffrey Pullicino Orlando) is insisting that the agreement reached should be shelved until such time that the Auditor General and the Public Accounts Committee of the House of Representatives have examined the whole process.

In view of the seriousness of the matter, that is the possible overriding by Parliament of the Executive’s discretion, the honourable way for the Leader of the House was to deal with the motion submitted by Debono with urgency. It should take precedence over all the Government’s business as it strikes at the most basic of uses.

When documentation is submitted for the Auditor General’s scrutiny there is one particular scrap of paper that I will look out for. This is the advice dished out by the Malta Environment and Planning Authority indicating the possibility to consider an application for the increase in beds at St Philip’s to about 280.

A quick visit to the site of St Philip’s would remove all doubts as to the suitability of the site because it is clear that there is hardly sufficient parking space for the hospital’s current size. The only remote possibility for increasing the facilities at St Philip’s in my view is to redevelop it completely, in which case, costings made have to be calculated afresh. And I have serious doubts whether this can be done.

As I see it, there is no way in which St Philip’s can function as projected. Public funds invested in this project would be monies down the drain. Hence the need for the intervention of the Public Accounts Committee and the Auditor General before the deal is concluded.

 

published in The Times of Malta, Saturday 20th October 2012

A democratic test

The reaction of government to Franco Debono’s motion on St Philip’s Hospital is of serious concern. It will certainly be no feather in the cap for Deputy Prime Minister Tonio Borg if he has to face hearings in the European Parliament in the weeks to come as a possible successor of John Dalli. It is unheard of in a democracy to postpone the consideration of a motion in order that you have a free hand as a result of obstructing Parliament from expressing itself.

Tonio Borg as Leader of the House has to shoulder political responsibility for the manoeuvres which he is orchestrating in the House Business Committee. The motion calls for withholding the conclusion of an agreement between Government and Good Shepherd Group Limited until such time that the process leading to the agreement has been thoroughly examined by the Auditor General and the Public Accounts Committee.

Such actions contradict Tonio Borg’s credentials built up in the 70s and 80s as a result of which he is known to one and all as a democrat: a reasonable person, respecting the views of others. These manoeuvres point to a different Tonio Borg.

These manoeuvres are motivated by the fact that it is clear that government no longer enjoys the confidence of the House. Faced with such a fact any democrat would not dare to create obstacles to ensure that such a motion is not considered.

Last Monday’s debate in the House was conceded by government as it did not involve any decision taking. The debate revealed that there are a large number of unanswered questions in respect of the  proposed agreement to lease and eventually possibly purchase St Philip’s Hospital. These require an answer before not after the signing of the agreement.

A democratic government would ensure that Parliament expresses itself at the earliest, and once it has spoken it would seek to follow meekly as directed by Parliament.

This is a democratic test which government must face. So far it has avoided it.

 

Published in di-ve.com on Friday, 19 October 2012

L-Isptar San Filep: Frank w is-serjeta’ tal-Gvern

Fl-opinjoni tiegħi l-prezz miftiehem għall-eventwali biegħ tal-Isptar San Filep mhux wieħed kontroversjali. Tonio Fenech Ministru tal-Finanzi ftaħar fil-Parlament li l-prezz kien bargain. Qal nhar it-Tnejn li għadda illi n-negozjaturi għan-nom tal-Gvern kellhom struzzjonijiet biex jimxu ma’ l-inqas stima (dik tal-Fondazzjoni għas-Servizzi Mediċi) u lil sid l-isptar qalulu take it or leave it.

Frank Portelli sid l-Isptar permezz tal-ishma li għandu fil-kumpanija Golden Shepherd Group Limited  ftit seta jinnegozja minħabba l-istat finanzjarju ħażin tal-kumpanija. Kellu jaċċetta prezz baxx : 62% tal-istima oriġinali tal-periti tieghu.  Fil-fehma tiegħi l-isptar San Filep jiswa iktar mill-prezz miftiehem ta’ €12.4 miljuni. Imma dik m’hiex problema tal-Gvern, hi problema ta’ Frank Portelli li spiċċa kif spiċċa. Kien qiegħed jinnegozja minn posizzjoni ta’ djgħufija.

Uħud, anke f’kummenti fuq dan il-blog, jaħsbu li l-Gvern mexa b’favoritiżmu ma Frank Portelli minħabba s-sessjonijiet ta’ “qrar” li organizza bejn nagħaġ mitlufa tal-PN u l-Kap tal-PN f’Villa Arrigo qabel l-Elezzjoni Ġenerali tal-2008. Il-fatti magħrufa s’issa iżda, ma jippuntawx f’din id-direzzjoni.

Il-Ministru tal-Finanzi nhar it-Tnejn fil-Parlament ftaħar li l-istruzzjonijiet li kellu t-team ta’ negozjaturi  tal-Gvern kien li ma jiċċaqlaqx mill-iktar stima baxxa u jassigura li l-prezz tal-ftehim finali jkun tali li ma jkunx hemm diffikulta’ dwaru mal-Awditur Ġenerali u Public Accounts Committee. Naħseb li l-Ministru tal-Finanzi jaf daqsi li l-prezz hu biss wieħed mill-kriterji.

Fost il-kriterji l-oħra (kif imfisser f’artikli  oħra f’dan il-blog) hemm kemm ser jintlaħqu l-oġġettivi tal-proġett propost.

Meta nhar it-Tnejn fil-Parlament tkellem fuq il-permess meħtieg mill-MEPA biex l-Isptar jikber għall-ħtiġijiet li għandu l-Gvern, il-Ministru  Tonio Fenech wera li ma kellux idea x’ser jiġri!  Il-Ministru jaf li l-għan li l-Isptar San Filep ikun jista’ jikber għal daqs li joffri 280 sodda hu diffiċli ħafna li jintlaħaq.

Minkejja li l-iskop tal-proġett mhux ċar  jekk jistax jintlaħaq il-Gvern xorta ser jgħaġġel jiffirma. Fl-4 snin negozjati ma indenjax ruħu jippreżenta applikazzjoni. Kieku ilha deċiza u kien ikollu kollox bl-iswed fuq l-abjad. Daqstant hu serju l-Gvern!

L-Isptar San Filep: sal-elezzjoni

It-Times qaltilna dal-għodu li l-kuntratt dwar San Filep ser ikun iffirmat dalwaqt.

Il-Gvern iddeċieda li jibqa’ għaddej minkejja li hu ċar li fil-Parlament hemm maġġoranza li ma taqbilx miegħu.

Min Gvern li jipprietka li “Flimkien kollox possibli” l-inqas li kont nistenna kienet li jkun umli biżżejjed li jirrealizza li hemm dubji kbar fuq il-mod kif qed imexxi.

Id-deċiżjoni tal-Gvern li jibqa’ għaddej minkejja li fil-Parlament hemm mozzjoni li titlob li jsir skrutinju qabel mal-Gvern jorbot il-kaxxa ta’ Malta għal infieq inutli hi biss sfida. Il-Gvern ta’ Lawrence Gonzi jrid jisfida u fl-istess ħin m’għandux il-kuraġġ li jiffaċċa l-proċess demokratiku. Meta partit politiku jimxi b’dan il-mod ifisser li tilef ir-raġuni.

Il-Gvern ta’ Lawrence Gonzi hu interessat biss li jidher li qed jagħmel xi ħaġa issa. Taparsi. Jaf li meta jiġi l-waqt biex jiddeċiedi jekk jixtrix l-isptar jew le ma jixtrihx għax il-permess għal 280 sodda diffiċli biex joħroġ mill-MEPA.

Imbagħad ikun irid jinbeda kollox mill-ġdid. Imma l-elezzjoni tkun ġiet u marret!

L-isptar St Philip’s : l-iskrutinju neċessarju qabel l-iffirmar

 

Hemm ħafna iktar x’jingħad dwar l-isptar St Philip’s. Id-diffikulta imma hi li qabel ma jingħad irid ikun possibli li jkun hemm aċċess għad-dokumentazzjoni kollha.

Hi neċessarja d-dokumentazzjoni dwar l-isptar innifsu.  Dan hu sptar ta’ 75 sodda jew ta’ 110-il sodda? Il-permess li l-Awtorita’ tal-Ippjanar ħarġet fl-1994 jidher li kien għal 75 kamra imma matul iż-żmien jidher li l-isptar ġie utilizzat b’mod biex ikun jista’ jakkomoda iżjed pazjenti. Jekk dan hu minnu, kif argumenta l-Kap tal-Opposizzjoni l-bieraħ,  anke’ għad-daqs eżistenti tal-isptar diġa hemm problema ta’ parkeġġ għall-istaff mediku u paramediku kif ukoll għal dawk li jżuru l-isptar. Jekk l-isptar jitkabbar din il-problema ta’ parkeġġ tkun ferm ikbar dejjem sakemm ma jkunux ikkunsidrati tibdiliet sostanzjali fid-diżinn tal-isptar.  Dan ikun ifisser spejjes sostanzjali li jibdlu kompletament il-kalkoli li jidher li saru s’issa.

Hu neċessarju ukoll li jekk veru li ngħatat opinjoni mill-MEPA li din tista’ tikkunsidra talba għall-estensjoni din l-opinjoni għandha tkun magħrufa. Dan hu meħtieg l-ewwel nett biex isir magħruf jekk hux veru li hemm tali opinjoni w it-tieni biex jekk l-opinjoni teżisti jkunu magħrufa l-parametri  w l-limitazzjonijiet ta’ tali opinjoni.

Jiena l-pjanti tal-isptar ma rajthomx. Imma mort fuq is-sit u ma naħsibx li hu possibli li jkun hemm żidied sostanzjali. Dan minħabba l-mod kif inhu iddiżinjat il-bini li hu imtarraġ biex jiffaċilita l-użu ta’ dawl naturali fil-kmamar tal-pazjenti. Żidiet fil-parti l-mibnija tal-isptar toħloq diversi diffikultajiet. Għaldaqstant diffiċli nifhem kif xi ħadd seta’ ta’ l-parir li estensjoni tal-isptar hi possibli. Mad-daqqa t’għajn l-opinjoni tiegħi hi li estensjoni m’hiex possibli.

Għal dan biss ukoll hu neċessarju li l-iskrutinju jsir immedjatament. Naħseb li skrutinju tad-dokumentazzjoni fuq dan biss ukoll iwassal għal konklużjoni li l-Gvern m’għandux jipproċedi bil-ftehim.

L-isptar St Philip fil-Parlament

Il-lejla fil-Parlament l-Opposizzjoni sfurzat lill-Gvern jiddibatti l-proċess li wassal għad-deċiżjoni li l-Gvern jikri bid-dritt li eventwalment jikkunsidra li jixtri l-isptar St Philip propjeta’ ta’ kumpaniji kkontrollati mit-Tabib Frank Portelli.

Jiena smajt il-kelliemi kollha. Il-kwieti u l-imqarbin. Tal-Gvern, l-Opposizzjoni u l-Indipendenti.

Konvint iktar minn qatt qabel li jkun għaqli li qabel ma tittieħed id-deċiżjoni li l-kuntratt ikun iffirmat għandhom ikunu eżaminati r-rapporti kollha li saru in konnessjoni  mal-funzjoni li dan l-isptar jista’ jkollu.

L-istimi ta’ valur issa saru pubbliċi, jonqos ir-rapporti u l-istimi dwar ix-xogħol ta’ riabilitazzjoni li issemmew waqt id-dibattitu. Dawk għadhom imsakkrin! Għad hemm ħafna affarijiet li m’humiex ċari.

Il-Ministru Fenech ħass il-ħtieġa li jemfasizza kemm il-proċess kien wieħed legali. Tajjeb. Imma r-riżultat ma jikkonvinċix lil diversi.

Il-Gvern ilu s-snin jikkunsidra din il-proposta. Issa wasal iż-żmien li l-Parlament jgħarbel dak li sar. Wara tkun tista’ tiġi ikkunsidrata d-deċiżjoni.

Fil-fehma tiegħi l-aħjar triq hi dik. L-ewwel l-għarbiel, wara d-deċiżjoni.

Dalgħodu fuq l-Orizzont

L-Orizzont illum għoġobhom jippubblikaw kummentarju dwar il-każ tal-isptar St Philip ibbażata fuq dak li nikteb fuq il-blog tiegħi.  Dik hi għażla tagħhom u għandhom kull dritt li jagħmlu hekk għax l-informazzjoni hi aċċessibli b’mod liberu.

L-Orizzont jippreferu jirreferu għalija bħala ex-President tal-PN (kont fil-fatt President tal-Kunsill Amministrattiv tal-PN fis-snin 90) imma jinsew li illum jiena Viċi Chairman ta’ Alternattiva Demokratika. Dan ma jagħmluħx bi svista iżda b’intenzjoni politika li jnaqqsu referenzi kemm jistgħu għal Alternattiva Demokratika.

Qaluli ukoll li fuq Tvam dal-għodu b’intervista fuq it-telefon Frank Portelli kullma qal kien li jiena qed jikkritikah għax ma’ għamiltx ix-xogħol jien dwar valutazzjoni ta’ propjeta konnessa mal-isptar. It-tweġiba tiegħi lil Frank hi waħda sempliċi. Kont nagħmlu iktar serju minn hekk.  Jiena f’dak li għidt illimitajt ruħi għall-fatti li bil-gżuż ta’ ġurnalisti investigattivi jiġru mas-saqajn qiesu ħadd ma nduna bihom! Jew jekk indunaw għamlu ta’ bir-ruħhom li ma ndunawx.

Dak li qed jiġri in konnessjoni mal-Isptar St Philip’s hu tal-mistħija u kont nistenna li persuna li kontinwament titkellem fuq il-ħtieġa ta’ tmexxija sewwa (good governanace) tkun konsistenti.

Dak li ktibt dwaru jiena, sfortunatament il-ġurnalisti stabiliti injorawh għal ġimgħat sħaħ. Ikun tajjeb kieku jwieġbu ftit u jispjegaw għaliex qadu jistennew lili u l-blog tiegħi!

Verament ġurnaliżmu fuq kollox!

Gvern li jiddisprezza l-Parlament

L-aħbar tal-bieraħ fil-għaxija li l-Gvern ser jgħaddi l-każ tal-Isptar St Philip lill-Awditur Ġenerali biex jeżaminah għall-ewwel qiestha bħala pass pożittiv. Sakemm irrealiżżajt li dan il-Gvern ser jagħmlu wara li l-kuntratt, li permezz tiegħu jikri l-Isptar filwaqt li jżomm id-dritt li jixtri, ikun ġie iffirmat.

Jekk qatt kellna bżonn prova kemm il-Gvern immexxi minn Lawrence Gonzi jiddisprezza l-Parlament issa din il-prova jista’ jmissha kulħadd b’idejh. Il-Gvern m’huwiex lest li jbaxxi rasu għall-Parlament li għandu quddiemu mozzjoni ippreżentata minn Franco Debono biex il-proċess kollu jkun eżaminat. Il-Gvern biex jevita li l-Parlament jorbotlu idejh qed iħaffef biex jikkonkludi kollox ħalli jekk u meta l-Parlament jesprimi ruħu jkun tard wisq.

Dan kollu ma tantx jitfa’ dawl sabiħ fuq il-kredenzjali demokratiċi tal-Gvern immexxi minn Lawrence Gonzi.

Dan juri kemm hi difettuża is-sistema demokratika tagħna li s’issa għad ma fehmitx l-importanza li l-ebda partit politiku ma għandu jkun afdat waħdu bit-tmexxija tal-Gvern. Għax issa li l-Gvern qed jaħrab mill-Parlament l-uniku possibilita’ li jkunu ikkontrollati l-abbużi hi permezz ta’ xi membru tal-Kabinett li jkollu l-kuraġġ li jieqaf lil Lawrence Gonzi. Safejn naf jien ma hemm l-ebda wieħed minnhom li għandu l-kuraġġ li nhar it-Tnejn li ġej idur fuq sħabu u jgħidilhom li issa qed jabbużaw iż-żejjed. Il-membri tal-Kabinett huma kollha membri tal-istess Partit u ilkoll kemm huma jpoġġu l-lealta’ tagħhom lejn Lawrence Gonzi qabel il-lealta’ tagħhom lejn il-pajjiż.

Il-poter li għandhom il-Ministri u l-Gvern joħroġ mill-fatt li huma membri tal-Parlament. Gvern serju ġaladarba ġie ikkontestat il-mod kif huwa qed jaġixxi kien iħaffef biex iressaq quddiem il-Parlament il-mozzjoni li hemm pendenti dwar l-Isptar St Philip. Gvern immexxi min-nies ta’ rieda tajba hekk jagħmlu.

Prim Ministru serju hekk jagħmel. Iqum biex jiffaċċja is-siegħa tal-prova. Is-siegħa tal-verita’. Imma Gonzi kodard. Jipprietka li s-siegħa tal-prova waslet imma kontinwament jipposponi l-appuntament tiegħu. M’għandux il-kuraġġ li jiffaċċjah.

Il-politika m’hiex logħba ċess. Hi strument ta’ servizz. Sfortunatament bil-manuvri u l-maniġġi tiegħu Lawrence Gonzi qed jagħmel ħsara kbira lill-politka f’Malta, imma fuq kollox qed jikkundanna lill-Partit Nazzjonalista għal snin twal fl-Opposizzjoni.

Is-siegħa tal-prova qegħda wara l-bieb. Inutli li tipprova tisgiċċa.