Il-Partit Laburista hu moralment u politikament fallut

Joseph Muscat u l-Partit Laburista huma moralment u politikament falluti. Ir-responsabbiltà għas-sitwazzjoni kurrenti jrid iġorrha Joseph Muscat kemm bħala Prim Ministru kif ukoll bħala Mexxej tal-Partit Laburista. Għalhekk irreżenja. Imma anke l-Kabinett u t-tmexxija tal-Partit Laburista huma kollettivament responabbli flimkien miegħu.

Ma ħadux passi meta kellhom l-obbligu li jaġixxu, jiġifieri meta kienu ppubblikat l-Panama Papers fl-2016. Dakinhar, il-Prim Ministru messu keċċa kemm lil Konrad Mizzi kif ukoll lil Keith Schembri u sussegwentement kellhom ikunu investigati mill-Pulizija, flimkien mal-merċenerji tan-Nexia BT. Iżda ma ġara xejn minn dan!

Anke l-Partit Laburista f’dak il-mument kellu l-obbligu li jiċċensura lit-tmexxija tal-Partit talli naqas mill-jaġixxi. Minflok ma għamel hekk il-Partit Laburista, b’mod irresponsabbli, ta’ appoġġ inkundizzjonat lit-tmexxija u nhar is-26 ta’ Frar 2016 eleġġa lil Konrad Mizzi b’96.6% tal-voti validi bħala Deputat Mexxej tal-Partit. Dan kollu seħħ jumejn biss wara li kienu ppubblikati l-Panama Papers. Fi ftit ġimgħat imbagħad, kellu jirreżenja bħala riżultat ta’ pressjoni pubblika.

Għaliex jaġixxu b’dan il-mod?

It-tweġiba jagħtihielna l-eks-Ministru Leo Brincat fi kliem li ma jħallix lok għal misinterpretazzjoni. Dan meta kien qed jiġi eżaminat mill-Kumitat tal-Parlament Ewropew dwar il-kontroll tal-Baġit fl-2016 f’konnessjoni man-nomina tiegħu biex ikun jifforma parti mill-Qorti Ewropeja tal-Awdituri.

Meta Leo Brincat kien qed jixhed, kif mistenni, kien mistoqsi dwar il-Panama Papers. Kien ċar meta qal illi kieku kien hu, kien jirreżenja jew tal-inqas jissospendi ruħu sakemm l-affarijiet ikunu ċċarati.

Brincat, imma, qal iktar minn hekk: huwa informa lill-Kumitat Parlamentari li kien hemm mument, li kien qed jikkunsidra jirriżenja minn Ministru minħabba l-mod kif imxew l-affarijiet dwar l-iskandlu tal-Panama Papers f’Malta. Imma, żied jgħid, reġa’ bdielu u ma rriżenjax għax ma kellu l-ebda xewqa li jkun meqjus bħala eroj f’dak il-jum li jirriżenja, imbagħad wara jispiċċa fil-baħħ politiku!

Il-Membri Parlamentari Ewropej, inbagħad iffukaw fuq l-argument ċentrali: jista’ is-Sur Leo Brincat jispjega għaliex meta l-Parlament kellu quddiemu mozzjoni ta’ sfiduċja f’Konrad Mizzi, huwa kien ivvota kontriha u ta l-fiduċja lil Konrad Mizzi? Brincat emfasizza li hu qatt ma seta’ jivvota favur il-mozzjoni ta’ sfiduċja għax kien marbut kif jivvota mil-Whip Parlamentari tal-partit tiegħu!

B’dik it-tweġiba, Leo Brincat kien qed jagħmilha ċara mal-Kumitat Parlamentari tal-Parlament Ewropew għall-Kontroll tal-Baġit li hu kien qed jagħmel għażla fundamentali.

Fil-mument li ġie biex jagħżel bejn il-lealtà lejn il-partit u l-lealtà lejn il-prinċipji tiegħu, il-prinċipji rmiehom il-baħar u għażel il-partit. Fil-mument deċiżiv is-solidarjetà ma’ Konrad Mizzi kellha prijorità fuq l-osservanza tal-prinċipji ta’ governanza tajba. Huwa dan li dejjaq lil numru sostanzjali ta’ membri tal-Parlament Ewropew u wassalhom biex ma jirrakkomandawx il-ħatra ta’ Leo Brincat bħala membru tal-Qorti Ewropeja tal-Awdituri, l-istess kif kienu għamlu ftit qabel bin-nomina ta’ Toni Abela. Id-dikjarazzjoni ta’ Leo Brincat lil Parlament Ewropew tfisser ħaġa waħda: li dak kollu li qal dwar il-governanza tajba ma jiswiex karlin, għax fil-mument tal-prova ċaħdu.

L-istess ħaġa għandu jingħad dwar Evarist Bartolo u l-prietka tiegħu ta’ kull fil-għodu fuq il-media soċjali. Fis-siegħa tal-prova, anke Varist, bħall-bqija tal-grupp Parlamentari (inkluż Chris Fearne, li qiegħed fuq quddiem fit-tellieqa għat-tmexxija tal-Partit) irmew il-prinċipji tagħhom biex jippruvaw isalvaw ġildhom.

Fl-aħħar minn l-aħħar, il-Partit Laburista, bħall-Partit Nazzjonalista qablu, mhux interessat fil-governanza tajba ħlief bħala għalf għal diskors politiku. Għax il-Partit Laburista hu moralment u politikament fallut.

Ippubblikat fuq Illum : il-Ħadd 29 ta’ Diċembru 2019

Labour is morally and politically bankrupt

Joseph Muscat and his Labour Party are morally and politically bankrupt. The responsibility for the current state of affairs rests primarily on Joseph Muscat’s shoulder as Prime Minister and Leader of the Labour Party – hence his resignation.

However, the Cabinet and the Labour Party leadership are, together with Joseph Muscat, also collectively responsible for the ensuing mess.

They failed to act when they should have acted when the Panama Papers were published in 2016. At that point in time Konrad Mizzi and Keith Schembri should have been fired on the spot by Prime Minister Joseph Muscat and thoroughly investigated by the police, together with the mercenaries at Nexia BT. Yet they were not.

At that point in time, the Labour Party was duty bound to censor its leadership for failing to act. Instead of doing so, it irresponsibly shored up the leadership and elected Konrad Mizzi with 96.6 per cent of available votes, endorsing him as Deputy Leader on the 26 February 2016, two days after the Panama Papers saw the light of day. He resigned some weeks later as a result of public pressure.

Why do they act in this way?

The answer was given in crystal clear language by former Labour Minister Leo Brincat when he was being vetted by the European Parliamentary Committee on Budgetary Control in 2016 with reference to his nomination to form part of the European Court of Auditors. I have already written about the matter in my article entitled: Leo Brincat: loyalties and lip service (TMIS 18 September 2016).

When Leo Brincat gave evidence, he was, as anticipated, quizzed regarding the Panama Papers. He made himself crystal clear by saying that he would have submitted his resignation – or else suspended himself from office until such time as matters had been clarified – had he himself been involved.

Brincat further volunteered the information that there had been a point at which he had considered resigning from Ministerial office due to the manner in which the Panama Papers scandal was handled in Malta. He added that eventually, however, his considerations did not materialise and he did not resign as he had no desire to be a “hero for a day and end up in the (political) wilderness” thereafter.

MEPs then focused on the fundamental issue: what about his vote against the motion of No Confidence in Minister Konrad Mizzi which was discussed by Malta’s House of Representatives? Brincat emphasised that he could not vote in favour of the No Confidence motion as he was bound by his Party’s Parliamentary Whip! He emphasised the fact that this was a basic standard of local politics, based on the Westminster model.

As a result of this exchange, Leo Brincat made it clear to the EU Parliament’s Budgetary Control Committee that he had made a very important and fundamental choice: he preferred loyalty to the Party whip to loyalty to his principles: those same principles about which he has been harping on for ages. When push came to shove, solidarity with Konrad Mizzi took priority over adherence to the principles of good governance. This is what irked a substantial number of MEPs and prompted them not to recommend the approval of Leo Brincat as a member of the European Court of Auditors as they had done previously when faced with the nomination of Toni Abela. Leo’s declaration means only one thing: that his voluminous statements on good governance are only lip service to which there is no real commitment.

The same goes for Evarist Bartolo’s daily sermon on social media in respect of good governance. When push came to shove even Evarist and the rest of the Labour Party Parliamentary group (including Chris Fearne, current front-runner in the leadership elections), dumped their principles overboard to save their skin.

At the end of the day, the Labour Party – like the Nationalist Party before it – is not interested in good governance except as material for political speeches. Labour is morally and political bankrupt.

published in The Malta Independent on Sunday : 29th December 2019

Leo Brincat: iħallas il-prezz tal-ambivalenza

 

 leo-brincat-2

Il-Parlament Ewropew iktar kmieni illum waranofsinnhar iddeċieda li ma jaċċettax in-nomina ta’ Leo Brincat bħala membru Malti tal-Qorti tal-Awdituri. Fil-Parlament ma kienx hemm diskussjoni, imma r-rakkomandazzjoni tal-Kumitat tas-sorveljanza tal-Budget. Kienet rakkomandazzjoni biex Leo Brincat ikun approvat. Fil-kumitat kien hemm diskussjoni u l-maġġoranza tal-kumitat qablet li Leo Brincat kellu  ikun approvat.

Waqt il-laqgħa tal-kumitat Leo Brincat wieġeb diversi mistoqsijiet mill-membri parlamentari ewropej. Il-mistoqsijiet kienu juru b’mod ċar x’kien ta’ tħassib għall-membri tal-kumitat parlamentari. Ir-raġunijiet u l-argumenti li inġiebu huma bla dubju l-bażi li fuqhom il-Membri tal-Parlament Ewropew ivvutaw u iddeċidew li ma japprovawx il-ħatra ta’ Leo Brincat.

Hemm min jitħassar lil Leo Brincat għad-deċiżjoni li ittieħdet iktar kmieni illum. Għax, jgħidu, huwa raġel validu, ippreparat u ta’ integrità. U li ma kellux jeħel hu bit-tortijiet tal-Gvern ta’ Joseph Muscat.

Tajjeb iżda li niftakru ftit li meta Leo Brincat ġie mgħarbel mill-Kumitat Parlamentari tal-Parlament Ewropew dwar is-Sorveljanza tal-Budget ħarġet ċara ħafna li l-bniedem hu ambivalenti.

Issa l-ambivalenza tfisser l-esistenza simultaneja ta’ żewġ attitudnijiet opposti u konfliġġenti.

Leo Brincat iffaċċjat b’dak li kien qed jingħad dwar l-involviment tal-Ministru Konrad Mizzi fil-każ magħruf bħala l-Panama Papers qal illi li kien hu floku (flok Konrad Mizzi, jiġifieri) kien jirriżenja minn Ministru jew ta’ l-inqas jissospendi ruħu sakemm jiċċaraw ruħhom l-affarijiet. Leo Brincat  żied jgħid li ffaċċjat b’dak li kien qed jiġri kien hemm mumenti li kien qed jikkonsidra li huwa jirreżenja minn Ministru. Imma kieku huwa rreżenja, żied jgħid Leo Brincat, kien ikun “a hero for a day”.  Imbagħad, wara, jitwarrab u jispiċċa “in the wilderness”.

F’din is-sitwazzjoni, żied jgħid, ipprefera li jiġġieled minn ġewwa. Ma qalilniex kif jew x’għamel. Imma nafu minn dak li ħareġ fl-istampa li f’dak iż-żmien kien hemm laqgħa movimentata tal-grupp parlamentari laburista u Leo Brincat issemma flimkien ma numru ta’ veterani oħra fil-grupp Parlamentari Laburista li insistew għar-riżenja ta’ Konrad Mizzi u Keith Schembri l-Kasco. Imma jidher li kienu fil-minoranza.

Imbagħad ġiet is-siegħa tal-prova, l-vot ta’ sfiduċja fil-Parlament. F’din is-siegħa tal-prova Leo Brincat bil-vot tiegħu ddikjara li kellu fiduċja f’Konrad Mizzi u ivvota favur tiegħu, minkejja li fil-fehma tiegħu Konrad Mizzi kellu jirreżenja!

Ambivalenza iktar minn din qatt ma rajt u diffiċli biex nara.

Huwa veru li ma kellux freevote imma li kien obbligat mill-Partit tiegħu li ma jivvutax kontra Konrad Mizzi. Imma dik kienet l-għażla li kellu jagħmel Leo Brincat. Meta ġie biex jagħżel ivvota kontra dak li kien jemmen fih. Ivvota favur il-medjokrità u kontra s-serjeta u l-governanaza tajba.

Fil-fehma tiegħi din hi l-issue ċentrali li fuqha iddeċieda l-Parlament Ewropew meta għarbel il-ħatra ta’ Leo Brincat. Kien ċara daqs il-kristall minn kmieni. Id-dikjarazzjonijiet ta’ Leo Brincat favur l-imġieba korretta u l-governanza tajba ma jikkorrispondux mal-vot ta’ fiduċja favur Konrad Mizzi. Huma żewg affarijiet kontradittorji.

Dak hu li jfisser il-vot tal-lum fil-Parlament Ewropew. Min m’għandux il-kuraġġ tal-konvinzjonijiet tiegħu (għax jemmen ħaġa u jagħmel mod ieħor) mhux addattat għal karigi pubbliċi.

 

Standing Ovation għal Konrad

joseph_muscat_konrad_mizzi_ice_bucket_challengeeuropean-court-of-auditors-7-638

 

Jekk Konrad ma għamel xejn ħażin Joseph Muscat jista’ jikkunsidra li jinnominah bħala l-kandidat Malti għall-Qorti Ewropeja tal-Awdituri. Jinnominah flok Toni Abela, issa li ġie imħabbar li n-nomina ta’ Toni Abela ġiet irtirata.

Ikollu l-opportunità li jkun intervistat minn Kumitat tal-Parlament Ewropew u jkun jista’ jispjega lil udjenza ferm ikbar milli għamel s’issa għaliex għamel sewwa meta fetaħ kumpanija sigrieta fil-Panama.

Bla dubju għandu esperjenza ħafna iktar minn Toni Abela.

It-Taljan Gianni Pitella, bla dubju jagħtih l-appoġġ kollu li jista’, tiegħu u tas-Soċjalisti u Progressivi fil-Parlament Ewropew!

Titħajjar?

Ma tafx kif jispiċċa bi standing ovation oħra!  Tlieta fil-fatt: waħda għalih, oħra għal Joseph u oħra għal Malta għax l-aqwa fl-Ewropa.

 

Toni Abela fir-raba’ sular

Toni Abela. EU hearing 160316

Id-deċiżjoni tal-bieraħ tal-Kumitat tal-Parlament Ewropew dwar il-Kontroll tal-Budget setgħet kienet antiċipata. Toni Abela hu persuna li qatt ma ħarab il-kontroversja, u l-istess kontroversja bla dubju baqgħet tiġri warajh.

Bħal ħafna oħrajn jiena kont sorpriż meta l-Gvern iddeċieda li jinnomina lil Toni Abela għall-Qorti tal-Awdituri, prinċipalment minħabba li m’għandu l-ebda esperjenza ta’ amministrazzjoni pubblika. Qatt ma miss direttament b’idejh id-deċiżjonijiet politiċi dwar l-allokazzjoni ta’ fondi pubbliċi u l-infieq tagħhom. Esperjenza f’dan il-qasam ma kellu xejn.  L-esperjenza bħala Viċi Sindku tal-Ħamrun 24 sena ilu, fil-fehma tiegħi ma tfisser assolutament xejn.

Ma dan trid iżżid il-kontroversja dwar id-droga fil-Każin Laburista ta’ Ħal-Safi li dwarha, l-ispjegazzjoni li ta Toni Abela, anke jekk probabilment hi korretta, qatt ma kienet sodisfaċenti. Hi spjegazzjoni li ma kkonvinċiet lil ħadd. Hi kontroversja li wasslet ċar il-messaġġ li l-Partit Laburista ipproteġa l-kriminalità fil-każini tiegħu.

Dan kollu, trid tarah ukoll fid-dawl tad-dibattitu kurrenti dwar il-korruzzjoni fil-pajjiż kif ukoll fid-dawl tal-fatt li l-kaz John Dalli ta lil Malta isem ħażin fuq l-livell Ewropew. Dan hu salib li bħala pajjiż irridu inġorru għal snin kbar u minħabba fih kulħadd ser jeżamina kull ma nagħmlu u nipproponu bil-lenti.

Hemm min qed jgħid li dan kollu hu riżultat ta’ kampanja negattiva mill-membri parlamentari tal-PN fil-Parlament Ewropew. Issa jiena ma nafx dawn x’għamlu, imma naf li illum il-ġurnata, sempliċi search fuq l-internet, f’tebqa’ t’għajn tagħtik l-informazzjoni kollha li tkun trid jew teħtieġ, mhux biss dwar Malta iżda ukoll dwar Toni Abela.

Fid-dawl ta’ dan kollu Toni Abela seta faċilment antiċipa r-riżultat tal-bieraħ. Żbalja bil-kbir meta aċċetta n-nomina.

Għadni ma nistax nifhem kif l-istrateġisti tar-raba’ sular dan kollu ma fehmuhx.

Louis Galea u r-Reshuffle fil-Kabinett ta’ Joseph Muscat

Louis Galea ECAEuropean Court of Auditors 2014

 

Diversi, fosthom il-maltarightnow.com  qed jispekulaw li ser issir reshuffle fil-Kabinett dal-waqt biex jinħoloq post ħalli jerġa’ jinħatar Manwel Mallia bħala Ministru.

Dan hu possibli li jsir. Imma waħda mir-raġunijiet li qed tissemma biex tiġġustifika għaliex ser ikun hemm reshuffle hi l-post Malti fil-Qorti tal-Awdituri tal-Unjoni Ewropeja fil-Lussemburgu.

Preżentement hemm Louis Galea, li kien inħatar f’Mejju 2010. Qablu kien hemm Josef Bonnici li dam fil-ħatra bejn Mejju 2004 u Mejju 2010, jiġifieri sitt snin. Dan ifisser li l-ħatra tal-Louis Galea hi għal sitt snin. Allura l-ħatra mill-Gvern Malti tas-suċċessur ta’ Louis Galea ma tidħolx fis-seħħ f’Mejju 2015, iżda f’Mejju 2016.

Ovvjament jekk ser issir reshuffle dal-waqt mhiex ser issir minħabba s-suċċessur ta’ Louis Galea!