Discount tat-Times bejn il-Lombard u l-Laiki

F’artiklu dalgħodu t-Times of Malta ħabbru li ftehim għall-biegħ tal-ishma fil-bank Malti Lombard Bank Malta plc li kellu l-bank Ċiprijott magħruf bħala Laiki Bank weħel, u li dawk li ssottomettew offerti għal dan il-bejgħ ta’ kważi 50% tal-ishma tal-bank ma jafux x’inhu jiġri.

Fil-gazzetta stampata, t-Times of Malta qaltilna li dawn l-ishma kellhom valur ta’ €100 miljun filwaqt li meta l-artiklu tqiegħed online dan il-valur niżel għal €50 miljun! Imkien ma hemm spjegazzjoni għal dak li ovvjament hu żball tal-gazzetta.

Il-Laiki Bank li ismu propju hu Cyprus Popular Bank Public Co Limited għandu 49.01% tal-ishma tal-Lombard u ċjoe ftit iktar minn 21.65 miljun sehem. Meta wieħed iqies li l-aħħar bejgħ fil-borza ta’ dawn l-ishma kien bil-prezz ta’ €2.20-il sehem, dawn  għandhom valur ta’ madwar €48 miljun, qabel ma jitqies żieda ta’ premium minħabba li l-bejgħ iwassal għal kontroll tal-bank.

Ikun tajjeb li dan il-bejgħ isir bi trasparenza kif jeżiġu l-liġijiet tal-pajjiż.

Advertisements

Il-mozzjoni ta’ Marlene fuq Keith il-Kasco

marlene-farrugia

Il-mozzjoni ta’ Marlene Farrugia li pprezentat il-bieraħ fil-Parlament dwar Keith Schembri l-Kasco tindirizza n-nuqqas ta’ Joseph Muscat li  għal dawn l-aħħar għaxar ġimgħat (ta’ l-inqas), injora l-imġieba ta’ dawk ta’ madwaru.

Għax anke kieku ma issemmewx l-allegazzjonijiet dwar dak li qed jingħad li ġara bejn Keith Schembri u Adrian Hillman tat-Times, ix-xibka ta’ kumpaniji fil-Panama, l-British Virgin Islands, Ċipru u Ġibiltar minnha innifisha toħloq ħafna suspetti ta’ konflitti [eżistenti u forsi anke immaġinarji] bejn Keith Schembri l-bniedem tan-negozju u Keith Schembri ċ–Ċhief of Staff fl-Uffiċċju tal-Prim Ministru f’ Kastilja.

L-emails li ħarġu mal-Panama Papers jispjegaw ħafna. Imma dan mhux biżżejjed.

Għax avolja Keith Schembri rriżenja minn Direttur tal-kumpaniji tiegħu f’Marzu 2013, hu inevitabbli li l-fatt li hu l-azzjonist maġġoritarju f’dawn l-istess kumpaniji minn innifsu jagħtiħ influwenza kontinwa dwar kif isiru l-affarijiet fl-istess kumpaniji. Dan minkejja li ddistakka ruħu mit-tmexxija ta’ kuljum tagħhom. Tant dan hu hekk li l-Panama Papers jirreferu għal ideat dwar negozju addizzjonali [riċiklaġġ tal-iskart fl-Indja kif ukoll r-remote gaming].

L-iktar ħaġa onorevoli li seta jagħmel Keith Schembri kien li jitlaq bil-kwiet għaxar ġimgħat ilu.

Kieku għamel dan kien jevita li jinbarazza lil sieħbu Joseph Muscat. Kien jevita ukoll ħsara kbira lill-Partit Laburista.

Il-fatt li ddeċieda li jibqa’ hemm ifisser ħaġa waħda biss: li jew m’huwiex jirrealizza l-ħsara kbira li għamel (u għadu qed jagħmel) inkella li jiġi jaqa’ u jqum mill-konsegwenzi. Probabbilment li jiġi jaqa’ u jqum.

Il-mozzjoni ta’ Marlene, għal raġunijiet ta’ aritmetika sempliċi, mhux ser tkun approvata. Peró dan ma jfissirx li Joseph Muscat u l-Kabinett għandhom jibqgħu b’għajnejhom magħluqin. Hu fl-interess tal-pajjiż kollu li jiftħu għajnejhom beraħ u li jnaqqsu l-ħsara li saret u li għad tista’ ssir lill-pajjiż. Huma biss jistgħu jagħmlu dan.

Għalhekk hu importanti li Marlene ressqet il-mozzjoni. Il-ferita jeħtieġ li tidher sewwa ħalli kulħadd ikun jaf biha u ħadd ma jkollu skużi li ma kienx jaf.

Kummissarju għal Malta fi Brussels: raġel jew mara?

Orizzont.300814.cahda KVella

 

Il-ġimgħa l-oħra fl-Orizzont ġie miċħud li kien hemm xi ħsieb li l-Gvern Malti jibdel in-nomina ta’ Karmenu Vella għal Kummissarju Ewropew billi jinnomina mara għall-ħatra floku. L-Orizzont f’artiklu ippubblikat nhar is-Sibt 30 t’Awwissu 2014 iffirmat minn Jake Azzopardi w intitolat Miċħud rapport li ser tiġi nominata mara flok Karmenu Vella jirraporta dak li qal ġurnal fil-Croatia u jiċħad l-istess rapport.

It-Times tal-bieraħ it-Tlieta 2 ta’ Settembru 2014 iġġib il-boċċa ftit iktar qrib il-likk. Tgħidilna li qed issir pressjoni fuq il-Gvern Malti biex flok Karmenu Vella jinnomina mara bħala Kummissarju Ewropew. Din il-pressjoni qed issir mhux biss fuq il-Gvern Malti imma ukoll fuq diversi Gvernijiet oħra. Jean-Claude Junker irid ta’ l-inqas 9 Kummissarji nisa minn fost is-27 Kummissarju li flimkien miegħu ser jiffurmaw il-Kummissjoni Ewropeja l-ġdida. S’issa għad m’għandux 9 Kummissarji nisa. Għandu 6 biss  u ċjoe l-Kummissarji nominati mid-Danimarka, mill-Iżvezja, ir-Repubblika Ċeka, l-Italja, Ċipru u l-Bulgarija. Jonqsu ta’ l-inqas tlett Kummissarji nisa oħra u għalhekk qed issir pressjoni “diplomatika” mit-team ta’ madwar Junker fuq diversi pajjiżi, fosthom fuq Malta biex tinbidel in-nomina ta’ Karmenu Vella. Għax Malta hu wieħed minn dawk il-pajjiżi li sal-lum qatt ma nnominaw mara ghall-post ta’ Kummissarju Ewropew.

Waqt il-kampanja għall-Presidenza tal-Kummissjoni Ewropeja Jean-Claude Junker wiegħed lill-Membri tal-Parlament Ewropew li fil-Kummissjoni mmexxija minnu mhux ser ikun hemm inqas nisa milli kien hemm fil-Kummissjoni Barroso II. Issa din il-wegħda qatt ma seta jkun f’posizzjoni li jwettaqha għax in-nomini ma jsirux minnu, iżda mill-Gvernijiet. Imma din id-dikjarazzjoni kienet “commitment” politiku ta’ Junker li issa jidher li qed  tinkwetah.

Fil-Parlament Ewropew il-Ħodor u s-Soċjalisti diġa iddikjaraw li jekk ma jkunx hemm biżżejjed nisa maħtura fuq il-Kummissjoni Ewropeja ma kiexux lesti biex jivvutaw favur il-Kummissjoni. Il-Liberali għal raġunijiet oħra ukoll iddikjaraw vot kuntrarju. Bil-konservattivi, il-lemin estrem, l-ewroxettiċi u oħrajn ukoll jivvutaw kontra l-approvazzjoni tal-Kummissjoni, Jean-Claude Junker jista’ jkun li qiegħed f’diffikulta li jkollu l-Kummissjoni approvata u għaldaqstant qed jipprova jsalva dak li jista’. Għalhekk il-pressjoni fuq il-Gvern Malti biex flok Karmenu Vella tkun innominata mara. Għax mingħajr ta’ l-inqas 9 Kummissarji nisa, jista’ jkun hemm il-periklu li l-Kummissjoni ma tkunx approvata mill-Parlament Ewropew.

Id-diffikulta’ li għandu Joseph Muscat hi li hu għaġġel wisq biex ħatar lil Karmenu Vella. Hu ovvju li l-ħatra ta’ Karmenu Vella saret minħabba l-ħtiġijiet taċ-ċess politiku lokali. Kif wara kollox isir f’pajjiżi oħra ukoll.

Seta, kieku ried, Joseph Muscat ħalla d-deċiżjoni għal iktar tard biex ikollu stampa iktar kompleta ta’ x’jaqbel mhux biss għalih u għall-Partit Laburista, imma ukoll x’jaqbel għall-pajjiż. Hemm xi pajjiżi li għamlu eżattament hekk u ppreżentaw in-nomina tagħhom f’dawn l-aħħar jiem.

Matul il-ġimgħa d-dieħla inkunu nafu liema huma dawk il-pajjiżi li reġgħu ħasbuha u bagħtu mara flok raġel fil-Kummissjoni Ewropeja. Minkejja ċ-ċaħdiet kollha li saru hu possibli li wara kollox Karmenu jibqa’ Birżebbuġa u Brussels imur xi ħaddieħor floku. Jiddependi minn ħafna affarijiet. Fi Brussels għandhom ħabta kif dak li jidher impossibli jsir ftehim dwaru f’ħakka t’għajn, minkejja dak kollu li jkun ilu jingħad!

Imma dwar x’ser jiġri eżatt irridu nistennew ftit ieħor. Wara kollox anke Joseph jista’ jibdel l-opinjoni tiegħu jekk jidhirlu li jkun hemm raġuni valida biex jagħmel dan.

Karmenu Vella + EU

L-iskema taċ-Ċittadinanza ta’ Joseph Muscat: il-kobba tkompli titħabbel

Malta+EU

Il-kobba tal-iskema tal-bejgħ taċ-ċittadinanza qed tkompli titħabbel.

Il-Gvern iddeċieda. Ikkonsulta ruħu, prinċipalment wara li kien ġja ħa d-deċiżjonijiet.

Il-ħsieb li għandu l-Gvern hu wieħed ċar ħafna. Għandu bżonn il-flus biex jiffinanzja il-programm politiku tiegħu. Wara li rabat idejh li ma jżidx taxxi, kif ukoll wara li daħal fi sqaq billi naqqas it-taxxa tad-dħul meta l-pajjiż ma kienx ippreparat għal dan, ma kienx baqa’ wisq fejn idur. Iddeċieda li s-sors tal-finanzjament meħtieġ ser ikun id-dħul mill-bejgħ ta’ madwar 1,800 passaport. Dħul li hu ikkalkulat li jammonta għal madwar €1.20 biljun.

L-argumenti politiċi f’Malta instemgħu għal darba, tnejn u iktar. Kulħadd qal tiegħu, iżda l-Gvern wara li bidel xi dettalji tal-iskema, jidhirlu li għandu jibqa’ għaddej.

Mhux ċar jekk dan il-ħsieb dwar il-bejgħ taċ-ċittadinanza żviluppax mill-elezzjoni lil hawn jew inkella jekk ġiex ikkristalllizzat qabel l-elezzjoni ġenerali. Saru kitbiet diġa f’dan is-sens u hemm min spekula li l-pjan sar qabel l-elezzjoni, iżda nżamm mistur. Qed tiċċirkula l-ideja li l-Partit Laburista (u per konsegwenza l-Gvern iffurmat minnu) qiesu obbligat li jimplimenta din l-iskema. Qiesu jrid jonora xi ftehim milħuq. S’issa dan għadu mhux ċar għax ovvjament ħadd m’hu ser jikxef x’ġara, għalmenu għalissa.

Issa bdiet tiżviluppa fażi oħra tal-istorja. Il-mistoqsija hi dwar jekk il-Gvern Malti (u kwlaunkwe Gvern ieħor fl-Unjoni Ewropeja) għandux id-dritt assolut li jiddeċiedi dwar iċ-ċittadinanza. Minn dak li qalet il-Kummissarju Viviane Reding nhar il-Ħamis hi u tiftaħ id-dibattitu fil-Parlament Ewropew l-Unjoni Ewropeja hi tal-fehma li d-dritt li tkun irregolata ċ-ċittadinanza m’huwiex dritt assolut tal-istati membri. Reding qalet hekk:

While I am not calling for the Commission to receive legal power to determine what constitutes nationality or the rules granting it, the Commission nevertheless expects that Member States act in full awareness of the consequences of their decisions.

Our debate today shows the growing importance of these questions in a European Union where national decisions are in many instances not neutral vis-à-vis other Member States and the EU as a whole. It is a fact that the principle of sincere cooperation, which is inscribed in the EU Treaties (Article 4.3 of the Treaty on European Union), should lead Member States to take account of the impact of decisions in the field of nationality on other Member States and the Union as a whole.”

Fi ftit kliem il-Kummissarju Reding qed tgħid li f’dak li nagħmlu bħala pajjiż irridu ta’ bil-fors nagħtu każ tal-impatti fuq il-pajjiżi l-oħra membri tal-Unjoni. Hi tirreferi għall-artiklu 4.3 tat-trattat dwar l-Unjoni u speċifikament dwar il-prinċipju ta’ kooperazzjoni sinċiera, xi drabi imsejjaħ ukoll il-prinċipju ta’ lejalta’. Dan kollu jfisser ħaġa waħda biss: li għandna d-dritt li niddeċiedu kif irridu sakemm ma neffettwaw lil ħadd. Jekk id-deċiżjoni tagħna bħala pajjiż teffettwa lil ħaddieħor għandna l-obbligu li nikkonsultaw. Iktar ma hu kbir l-impatt iktar irridu nikkonsultaw u allura iktar hu diffiċli li nikkonkludu kif irridu.

Iktar ċari minn hekk l-affarijiet ma jistgħux ikunu!

Issa hawn min qed isemmi skemi f’pajjiżi oħra li jixxiebħu mal-iskema tal-Gvern Malti. Euroactiv.com   iktar kmieni din il-ġimgħa jirreferi għal dokument iċċirkulat fi Strasbourg mill-Gvern Malti li fih jirreferi għal skemi f’pajjiżi oħra dwar ċittadinanza : “Cyprus, Austria, Belgium and Portugal singled out” jgħidilna l-Euroactiv.com. L-iskemi l-oħra huma differenti, ghax prinċipalment huma ibbażati fuq residenza flimkien ma investiment sostanzjali. Tnejn mill-pajjiżi imsemmija (Ċipru u l-Portugall) għandhom ukoll problemi finanzjarji kbar.

S’issa jidher li l-Unjoni Ewropeja ma ikkummentatx dwar dan kollu imma jidher li issa ser tieħu passi. Il-każ ta’ Malta hu l-iktar sfaċċat imma l-każi l-oħra jixxiebħu u probabbilment li l-Unjoni  tikkummenta dwarhom ukoll.

Dan hu l-pass li jmiss. Minn kif tkellmet il-Kummissarju Reding jidher li d-diskusjsoni interna saret u l-ideat huma ċari. Ħames xhur oħra tiġi fi tmiemha l-ħajja tal-Kummissjuni preżenti u allura nistenna li fil-ġimgħat li ġejjin (ferm qabel ma jinbiegħ l-ewwel passaport),  inkunu nafu x’ser tagħmel il-Kummissjoni.

Il-Gvern jidher li ma kienx ippreparat għal dak li ġej. Kuntrarjament għal dak li qed jingħad il-vot tal-Parlament Ewropew għandu sinfikat kbir. Mhux biss huwa dikjarazzjoni politika qawwja. Imma jiftaħ għajnejn Muscat li l-unika appoġġ li għandu huwa ta’ politiċi bħal Marine Le Pen!

Le Pen

Għal darba oħra ……………… Lampedusa

smell the coffee

Żewġ traġedji f’ġimgħa. Fit-tieni waħda kienu protagonisti l-Forzi Armati ta’ Malta li salvaw mal-150 persuna mill-għarqa. Veru li għamlu dmirhom. Imma li jirnexxilek tagħmel dmirek f’ċirkustanzi bħal dawn hu ta’ sodisfazzjon mhux żgħir.

Din id-darba kien pożittiv ukoll l-atteġġjament tal-Prim Ministru Joseph Muscat. Hu ta’ sodisfazzjoni li bidel l-attitudni li kien ħa iktar kmieni din is-sena. Nittama li l-ħsara li laħqet saret tibda tissewwa. Dan jista’ jseħħ, iżda jieħu ż-żmien. Dejjem jekk il-bdil ta’ attitudni mhiex biss u sempliċiment bdil ta’ tattika.

Kif kien xieraq il-prijorita’ kienet li jsalvaw in-nies. Imma ġustament ġie emfasizzat li l-Unjoni Ewropeja teħtieġ li tiċċaqlaq.

Sal-lum id-dħul tal-immigranti m’hiex responsabbilta’ tal-Unjoni Ewropeja iżda tal-Istati membri individwali. Dan m’għandux jibqa’ hekk. Għax  l-istati fuq il-fruntiera tan-nofsinnhar tal-Ewropa (Malta, l-Italja, Spanja, l-Greċja u Ċipru) qed jerfgħu piż kbir li lkoll, kif nafu, ma jifilħux għalih.

Ir-responsabbilta’ għall-immigranti għandha tintrefa’ mill-Unjoni Ewropeja kollha, f’isem u għan-nom tal-istati membri kollha. Għax dak li jiġri mill-fruntiera l-ġewwa hu responsabbilta’ ta’ kulħadd, inkluż tagħna l-Maltin. Jiġifieri hu meħtieg li r-responsabbilta’ li tatna l-ġografija jgħinuna nerfgħuha.( Il-fruntiera mhiex importanti biss biex jinġabar dak dovut għad-dwana.)

Biex dan iseħħ hemm bżonn li jinbidlu r-regolamenti tal-Unjoni Ewropea magħrufin bħala Dublin II (magħrufa ukoll bħala l-Konvenzjoni ta’ Dublin). It-tibdil meħtieġ jagħmilha possibli li immigranti jiċċaqalqu mill-pajjiż fejn jaslu għal pajjiż ieħor fejn tkun tista’ tiġi ipproċessata t-talba tagħhom għal status ta’ refuġjat.

Alternattiva Demokratika ilha snin li ikkonvinċiet lill-partiti l-Ħodor Ewropej li din hi t-triq il-quddiem: triq li permezz tagħha r-responsabbilta’ li illum qed terfa’ Malta u l-istati l-oħra fuq il-fruntiera tan-nofsinnhar tal-Ewropa tibda  tintrefa’ minn kulhadd flimkien.

Imma mhux kulħadd jaqbel ma dan. Il-Partiti l-oħra fl-Ewropa s’issa ma qablux ma dan.

Il-Ġermanja, per eżempju hu wieħed minn 24 pajjiż fl-Unjoni Ewropeja li ma jridx jibdel l-affarijiet. Jippreferi  li d-deċiżjonijiet dwar kemm il-pajjiż jieħu refuġjati joħodhom hu. Fil-fatt fil-Ġermanja matul is-sena li qegħdin fiha ser ikunu ġew aċċettati 100,000 refuġjat.  Punt interessanti fl-aħbarijiet fi tmiem il-ġimgħa kien dak li intqal minn Katrin Göring-Eckardt co-leader ġdida tal-Ħodor Ġermaniżi li indikat li biex  id-diskussjonijiet dwar il-formazzjoni ta’ Gvern ġdid Ġermaniż bejn id-Demokristjani u l-Ħodor jipproċedu huwa essenzjali (fost ħafna affarijiet oħra) li jkun hemm tibdil fil-posizzjoni dwar l-immigrazzjoni attwalment f’idejn il-Ministru tal-Intern Hans  Peter Friedrich, allejat lemini ta’ Angela Merkel mis-CSU tal-Bavaria. (ara New York Times  tal-11 t’Ottubru 2013 : Sinking of Migrant Boat off Italy complicates politics in Germany).

Fid-dawl ta’ dan hu ċar li l-uġiegħ ta’ ras ta’ Joseph Muscat qabel ma jikkonvinċi lill-istituzzjonijiet Ewopej hi biex jikkonvinċi lil sħabu fil-partiti Soċjalisti Ewropej li minn fosthom hemm 10 Prim Ministri.  Jekk dawn jagħtuh l-appoġġ ikun iktar faċli li naslu bħala pajjiż. Imma ħlief Enrico Letta, Prim Ministru tal-Italja, s’issa l-ebda kap ta’ Gvern fl-Unjoni Ewropeja għadu ma esprima ruħu.

Ħafna drabi jsir l-iżball li ninsisitu b’qawwa kbira dwar x’għandha tagħmel l-Ewropa mingħajr ma nirrealizzaw li l-Ewropa hi aħna ukoll, kif ukoll dawk ta’ madwarna.

Alternattiva Demokratika diġa’ ħadet posizzjoni ċara dwar dan kollu. Għax aħna ukoll parti mill-Ewropa għamilna l-parti tagħna u wittejna t-triq. Wrejna li hu possibli li fuq livell ta’ Unjoni Ewropeja jkun hemm appoġġ biex ir-responsabbilta’ għall-immigranti li illum qed jintrefa minn Malta waħedha tibda jintrefa minn kulħadd. Il-Ħodor Ewropej bdew. Il-Ħodor Ewropej tawna l-appoġġ billi qablu ma ħtieġa ta’ riforma tal-Konvenzjoni ta’ Dublin bħala pass essenzjali biex ir-responsabbilta’ għall-immigranti nerfgħuha flimkien. Dan hu l-uniku mod li bih nistgħu naslu. B’solidarjeta’ ta’ vera.

kif ippubblikat fuq iNews it-Tnejn 14 t’Ottubru 2013

Sharing our responsibilities

lampedusa-letta-e-barroso-contestati

The Lampedusa tragedy was a tragedy waiting to happen. .

Human persons in need of help have been on our doorstep, Europe’s doorstep. The help they sought was not available.

Malta has a government which belongs to that family of political parties, the socialist family, which describes itself as being the champion of the vulnerable and the downtrodden. In migration policy, in just seven months, the Labour Party led government in Malta has failed miserably in living up to its core values.

At this point in time none are more vulnerable than migrants fleeing persecution: in particular Somalis and Eritreans who account for the vast majority of migrants at this doorstep of Europe. The Labour Party in Government is not interested in their plight. It is more interested in a populist discourse to impress its hangers-on. Labour’s populism has diluted its core values  beyond recognition.

Labour’s push-back policy was not implemented due to the timely intervention of the European Court of Human Rights in Strasbourg. Those who think that  Joseph Muscat’s pushback policy was an exercise in bluff would do well to remember that  when still Leader of the Opposition Joseph Muscat had made statements on the need to suspend Malta’s international obligations if faced with large numbers of boat-people.

Many crocodile tears are currently being shed by those who in the past weeks advocated a hard-line inhumane attitude. Those who advocated push-backs are apparently shocked by what has happened.

Are they?

When we criticise the European Union for tackling immigration inappropriately we are also criticising ourselves as since May 2004 Malta and the Maltese are an integral part of the European Union. Malta forms part of each and every decision-taking structure within the European Union. Together with all the other member states Malta participates whenever a decision is taken.

The European Union needs a common migration policy which recognises that each and every refugee within its borders is its responsibility. The border states like Malta, Italy, Spain, Greece and Cyprus are shouldering a disproportionate responsibility which must be shared by all  members states.

So far, in the struggle between life and death the European Union (Malta included) has not opted to give adequate assistance to the living. As a result we are collectively responsible for the Lampedusa deaths. It is useless shedding tears for the dead if we did not respect them when they were still alive.

The Lampedusa tragedy was no accident. It is the direct consequence of the fact that on migration there is still a free for all in the European Union. A common policy is required to give flesh to practical solidarity and bury once and for all the culture of indifference.

The Greens in Europe are all in favour of responsibility sharing. That is, the recognition by European Union institutions that once a migrant crosses the EU borders he is its responsibility. Common borders are not just a tool for the payment of customs duties. A humanitarian migration policy is a must in every corner of the European Union. Crossing the border into the European Union should mean moving into an area which respects every human person, with no exceptions being permitted.

A first step would be amending what is known as the Dublin Convention such that the arrival of a migrant within any of the member states would not signify any more that he is restricted to remain in the country of arrival. Such an amendment to the Dublin Convention would facilitate the movement of migrants within the European Union and, consequently, their applying for refugee status, if this is applicable,  within any one of the member states.

This is the official policy of the European Green Party to which policy Alternattiva Demokratika has contributed considerably through constructive engagement with our European partners. The Greens in Europe are the only European Political Party which has fully appreciated the situation which EU border states are facing. Without any stamping of feet or smelling “pushover” coffee the European Green Party is the foremost proposer and supporter of an EU which shoulders its responsibilities through a policy of migration responsibility sharing.

The others just stamp their feet and indulge in inconsequential rhetoric interspaced with crocodile tears.

It is about time that the Nationalist Party and the Labour Party accept that their approach to migration has failed. They should take a leaf from the policy book of the European Greens and seek to convince their partners in the European Union of the need to share responsibility for migration with the border states.

Whether the Lampedusa tragedy will serve as a wake-up call is still to be seen. The comments from Jose Barroso and Cecilia Malmström at Lampedusa on Wednesday are good indications.

Well Muscat can smell that coffee now.

As published in The Times of Malta, Saturday 12 October 2013

Wara l-aħħar straġi f’ Lampedusa: l-isfida tagħna lkoll

ITALY-IMMIGRATION-REFUGEE-ACCIDENT

L-iġsma bla ħajja tal-immigranti f’ Lampedusa huma l-aħħar avviż ta’ problema wara l-bieb. Li hemm min għandu bżonn l-għajnuna u m’hux isibha.

L-immigrazzjoni m’hiex problema tal-Unjoni Ewropeja. Hi problema tagħna lkoll, għax aħna ukoll parti minn din l-Ewropa ta’ bla qalb li tippreferi tibki lill-mejtin bid-dmugħ tal-kukkudrilli milli tipprova tgħinhom waqt li għadhom qed jippruvaw jgħixu.

L-Unjoni Ewropeja teħtieġ politika Euwopeja dwar il-migrazzjoni li tkun waħda komuni. Dan li jfisser meta ngħidu li din il-problema hi tagħna lkoll. Politika komuni li tkun ibbażata fuq is-solidarjeta li twarrab il-kultura tal-indifferenza u l-mibgħeda li uħud ilhom ixerrdu kontra dawk li huma maħruba minn pajjiżhom u jispiċċaw fuq xtutna.

Il-migrazzjoni hi piż li l-pajjiżi fil-periferija tal-Ewropa qed jerfgħuh waħedhom. Malta, l-Italja, l-Greċja, Spanja w Ċipru ilkoll qed jerfgħu iktar milli jifilħu. Dan ilna ngħiduh. Bħalma għidna dejjem ukoll li r-rażżiżmu u l-xenofobija  ta’ uħud qed iċajpru l-viżjoni ta’ bosta u jwasslu biex ikabbru t-tensjoni u jkattru l-mibgħeda.

Is-sentiment ta’ mibgħeda kontra l-immigranti jeżisti f’diversi pajjiżi membri tal-Unjoni Ewropeja. Għax fil-verita’ l-ebda pajjiż m’għandu l-monopolju tal-kultura tal-indifferenza. L-isforz biex din il-kultura tingħeleb irid ikun wieħed komuni. Għax din ukoll hi problema tagħna lkoll.

F’kull wieħed mill-pajjiżi tal-Unjoni Ewropeja hemm ukoll  sens ta’ solidarjeta’ li pero s’issa għadu m’huwiex qawwi biżżejjed.

Li aħna bħala Maltin nistennew li l-Unjoni Ewropeja tinvolvi ruħha iktar fil-migrazzjoni hu dritt. Pero’ biex dan id-dritt neżerċitawħ b’responsabbiltá hu meħtieġ li nifhmu ukoll li l-posizzjoni ġeografika tagħna titfa’ fuqna ukoll l-obbligu li nagħtu l-eżempju.

L-ospitalita’ li Malta u l-Maltin dejjem urew fil-passat hu prova li Malta dejjem refgħet ir-responsabbiltajiet tagħha. Li ninsistu għall-għajnuna ma jfissirx li ma irridux nerfgħu iktar imma hu karba li l-piż qed jikber wisq biex inkunu nistgħu nibqgħu nerfgħuh waħedna.

Li tipprattika is-solidarjeta’ fi żmien diffiċli hu xhieda ta’ valuri umani li Malta dejjem ħaddnet.  Ma irriedux inċedu taħt l-effett tal-piż.  Malta qatt ma ħaddnet il-kultura tal-indifferenza. Nistġhu iżda naħdmu iktar flimkien biex l-ilħna favur is-solidarjeta fl-Unjoni Ewropeja jissaħħu.

Is-solidarjetá tgħaqqadna. L-indifferenza tifridna. Din hi l-isfida tagħna lkoll.