Dawl li jniġġes

143_ahraxmellieha.jpg

mill-Aħrax tal-Mellieħa bil-lejl dan tara

Il-Birdlife għadha kif ippubblikat rapport dwar it-tniġġis ikkawżat mid-dawl u kif dan jeffettwa għasafar li jbejtu f’Malta. Ir-rapport huwa intitolat Light Pollution and its effect on Yelkouan Shearwaters in Malta; causes and solutions. Dan ir-rapport huwa parti minn proġett iffinanzjat mill-EU biex tkun imħarsa l-Garnija u fejn din tbejjet, magħruf bħala l-Rdum tal-Madonna fl-Aħrax tal-Mellieħa.

It-tniġġis kawżat mid-dawl huwa problema fiż-żoni madwar il-kosta u jeffettwa lill-għasafar li jtiru l-iktar bil-lejl. Dan it-tnġġis mid-dawl ma jeffettwax biss lill-għasafar. Minbarra ħlejjaq oħra jeffettwa ukoll lilna.

Fid-dwal mixgħula bil-lejl għandna ħafna ħela. Ir-rapport jirrakkomanda x’miżuri jistgħu jittieħdu biex dan it-tniġġis mid-dawl ikun ikkontrolat u possibilment eliminat.

It-tip ta’ fittings għad-dwal użati fit-toroq jista’ jnaqqas ħafna din il-problema ta’ tniġġis u dan billi jidderiġi d-dawl lejn fejn hu meħtieġ. F’ċerti toroq hemm dawl żejjed.

L-istudju jiffoka fuq il-kolonja tal-garnija fl-Aħrax tal-Mellieħa u jikkonkudi li l-garnija li tbejjet hawn hi efettwata mit-tniġġis tad-dawl li qed joriġina minn Buġibba, l-Mellieħa, il-Campsite fl-Aħrax stess, iċ-Ċirkewwa u l-Għadira.

Ir-rapport fih lista ta’ rakkomandazzjonijiet li jinkludu mod kif jitnaqqas it-tniġġis mid-dawl kkawżata mid-dwal fit-toroq, mal-bajjiet, mal-lukandi u anke dak madwar bini pubbliku, bħas-swar u l-knejjes.

Advertisements

Vandalizmu fid-Dwejra Ghawdex

20080206-dwejra.jpgdwejra.jpg

 

 

Ninghaqad mal-NGOs ambjentali Birdlife Malta, Din L-Art Helwa, Flimkien Ghal Ambjent Ahjar, Friends of the Earth Malta, Gaia Foundation, Light Pollution Awareness Group, Nature Trust (Malta) u Ramblers Association fil-kundanna taghhom ghall-vandalizmu ricenti fid-Dwejra Ghawdex.  

Id-Dwejra illum hi indikata bhala sit Natura 2000 minhabba l-importanza taghha fl-oqsma tal-paleontologija, geologija, ekologija, ornitologija, ekologija marittima.  Id-Dwejra huwa ukoll sit turistiku imfittex u jikkontribwixxi b’mod sostanzjali ghall-ekonomija tal-pajjiz.