It-timbru tal-President tar-Repubblika

L-aħħar diskors tal-President, f’Għawdex fl-okkazjoni ta’ Jum ir-Repubblika, juri President inkwetat għax in-nies kienu qed jgħidulu biex ma jiffirmax il-liġi, approvata mill-Parlament, dwar l-użu responsabbli tal-cannabis.

Il-President George Vella, inkwetat, wieġeb, korrettement, li hu m’għandux dan il-poter li ma jiffirmax liġi approvata mill-Parlament. Għax hu l-Parlament li għandu l-poter demokratiku. Jekk il-President għax tniggżu l-kuxjenza ma jridx jiffirma, ikollu jwarrab, u jiffirma l-President li jilħaq ftit siegħat warajh.

Id-diffikultà, naħseb jien, hi li għal dawn l-aħħar snin qed ikollna President li jparla ħafna. President li qed jikkummenta fuq diversi materji ta’ kontroversja. Hu inevitabbli allura li jekk il-Presidenza tibqa’ tgħaddi l-kummenti ser tibqa’ l-pressjoni fuqha biex taġixxi mod u mhux mod ieħor.

Tajjeb li il-President tar-Repubblika jkun iktar minn timbru.

Fil-fatt fil-proċess konsultattiv dwar ir-riforma Kostituzzjonali, Alternattiva Demokratika, illum ADPD, ippreżentat proposti prattiċi dwar kif u f’liema ċirkustanzi l-President jista’ ma jiffirmax liġi u jibgħatha lura għand il-Parlament biex dan jikkunsidrha mill-ġdid.

Għax il-President tar-Repubblika m’għandux ikun timbru għal dak li jagħmel jew irid jagħmel il-Gvern.

Id-dokument li nirreferi għalih dwar ir-riforma kostituzzjonali tista’ tarawh hawn.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s