Malta żgħira wisq: ma hawnx post għal kollox

Illum flimkien ma Dr Melissa Bagley, residenta f’Birżebbuġa, kandidata ta’ ADPD għall-5 Distrett, indirizzajna konferenza stampa dwar it-trakka għat-tlielaq tal-karozzi f’Ħal-Far.

Hemm rappurtaġġ estensiv dwar dan:

Fit-Times

Fil-Malta Today

F’Illum

F’Newsbook

Fl-Independent

u TVM

Ilkoll jirrappurtaw mil-lenti tagħhom dak li għidna. Kull wieħed mir-rapporti għandu l-emfasi tiegħu, uħud jaqblu anke dwar dan!

Punt importanti li xtaqt nefasizza hu dan:

Ġejna f’dan l-istat in parti minħabba t-taħwid fl-ippjanar tul is-snin. Tant tħalla jsir żvilupp bl-addoċċ tul is-snin li issa, taqta’ fejn taqta’ toħroġ id-demm. Snin ilu, f’ambjent b’sistema ta’ ippjanar suriet in-nies, naħseb li seta jkun hemm inqas diffikultà.

L-iżvilupp sfrenat u ħafna drabi bl-addoċċ li tħalla jsir tul is-snin jagħmilha diffiċli biex tinstab art addattata għal dan il-proġett.

Irridu nifhmu darba għal dejjem li d-daqs ta’ Malta hu wieħed żgħir. Ma hawnx post għal kollox. Dan hu l-prezz li jrid jitħallas għall-iżbalji akkumulati fil-qasam tal-użu tal-art.