Mela issa sirna nafu li Melvin Theuma vera li ġie impjegat ma’ kumpanija tal-Gvern. Il-kumpanija jisimha Housing Maintenance and Embellishment Company Limited.
L-impjieg tiegħu beda fl-1 ta’ Mejju 2019.
Id-Diretturi ta’ din il-kumpanija tal-Gvern huma dawn:
George Meli Chairman, Gavin Gulia Segretarju u Elizabeth Ellul, Jemond Tanti, Mandy Gatt u Joan Morris bhala Diretturi.
Tgħid Elizabeth Ellul hi l-Viċi Chairperson tal-Awtorità tal-Ippjanar?
Mix-xhieda ta’ Melvin Theuma, li nstemgħet dal-għodu, joħorġu ħafna ismijiet ta’ peruni li kienu fil-Berġa ta’ Kastilja.
Mhux biss Keith imma issa ukoll Sandro Craus u “Kenneth” mis-servizz tas-sigurtà li kien assenjat ma Keith Schembri.
Il-miljuni qieshom żerriegħa tal-ħarrub.
Jidher li l-Mafja li qatlet lil Daphne għandha assoċjazzjoni mill-qrib mal-Berġa ta’ Kastilja. Ftit ftit il-provi qed iqarrbu lejn dak li ħafna ilhom jissuspettaw. Imma biex ikollna l-istampa kollha rridu nisimgħu l-provi kollha.
Blog ta' Carmel Cacopardo 