It-tieġ f’Venezja: kien hemm regolaturi preżenti?

Wara li dak kollu li ġara mill-bank Pilatus u dawk kollha li missew miegħu, kemm dak magħruf kif ukoll dak li s’issa għadu mhux magħruf, bla dubju hemm tħassib serju dwar il-familjarita żejda ta’ Ali Sadr Hasheminejad ma dawk fil-poter kif ukoll ma dawk fid-dellijiet tal-poter f’Malta.

Huwa ġust li intwera tħassib kbir għal din il-familjarita, bla dubju żejda u ta’ ħsara.

Issa bdew ħierġin ukoll ismijiet ġodda, dawk attivi fis-settur finanzjarju li ukoll kellhom din il-familjarita mas-sid tal-bank Pilatus. Anke hawn hemm lok għal thassib u jkun interessanti ħafna kieku kellna nkunu nafu l-istampa kollha biex nifhmu iktar dak li fil-fatt ġara u li fil-parti l-kbira tiegħu għadu mhux magħruf. Hemm min bla dubju jixtieq li dan kollu jibqa’ mhux magħruf.

Min kixef biċċa, u min kixef biċċa oħra. Min kixef, kixef dak li qabillu. Tat-Times qalulna dwar il-presenza ta’ Joseph Muscat u Keith Schembri u ħbewlna ismijiet oħrajn li kienu preżenti għat-tieġ f’Venezja ta’ Ali Sadr Hasheminejad. Il-Malta Today ippubblikat tweġiba ta’ Joseph u kixfet il-presenza tal-Avukat Austin Bencini u martu Juanita Bencini l-konsulent tal-KPMG, l-awdituri ta’ Pilatus.

Min jaħseb li huma l-ismijiet tal-politiċi biss li jista’ jkollhom relevanza għall-istorja li qed tiżviluppa m’għandux idea tal-gravitá u l-implikazzjonijiet serji ta’ dak li ġara. Biex l-istampa tkun ċara hemm bżonn li toħroġ l-informazzjoni dwar jekk kienx hemm persuni mill-istituzzjonijiet regolatorji li kienu preżenti għal dan it-tieġ.

Dan ikun daqsxejn ġurnaliżmu investgattiv kif imiss, kieku jkun hemm min għandu l-kuraġġ li jagħmlu.

S’issa kellna battibekki politiċi, dwar min jirnexxilu joskura l-iktar lin-naħa l-oħra. Imma hemm bżonn li tkun magħrufa l-istampa kollha. L-informazzjoni li s’issa għadha nieqsa hi l-iktar informazzjoni inkwetanti: kien hemm persuni konnessi mal-awtoritajiet regolatorji Maltin li kienu preżenti għat-tieġ f’Venezja? Min kienu?

Meta inkunu nafu dawn l-ismijiet jibda jkollna idea ta’ uħud minn dawk li ma jidhrux u huma l-ikbar theddida għal dan il-pajjiż.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s