Il-Beatu Jason Azzopardi?

Waqt laqgħa tal-kumitat Parlamentari tal-kontijiet pubbliċi illum instemgħet xhieda ta’ dak li kien d-Direttur Ġenerali tad-Dipartimenti tal-Artijiet. Dan qal li Jason Azzopardi kien jaf b’kull ma kien qiegħed jiġri dwar propjetà tal-Gvern fi Spinola li dwarha jidher li hemm it-taħwid.

Naħseb li l-proċess tal-beatifikazzjoni ta’ Jason Azzopardi ser jieħu daqqa ta’ ħarta.

Advertisements

Il-Fortizza Delimara qed titmermer

 

It-Times of Malta qed tirrapporta dwar l-istat tal-fortizza Delimara li qed titmermer.
Illum hi abbandunata. Għamlet xi żmien li kienet użata anke bħala razzett tal-ħnieżer!
Daqshekk napprezzaw il-wirt tagħna. M’għandniex biex niftaħru!

(Ir-ritratt li qed nirriproduċi hu meħud mit-Times online)

 

Lil hinn minn Sherlock Holmes

 

Kont nistenna li jkun hemm min jipprova jirredikola l-artiklu tiegħi tal-Ħadd dwar il-qtil ta’ Daphne Caruana Galizia li fih għidt li (avolja l-possibilità kienet waħda remota) l-argument ġeopolitiku ma għandux ikun skartat. Nifhem li għal uħud dan jista’ jkun li ftit li xejn jagħmel sens. Dan hu dejjem possibli li hu hekk.

Imma dawn huma affarijiet li mhux l-ewwel darba li ġraw fil-passat u l-provi dwarhom, meta jseħħu, mhux ser ikunu ovvji, anzi jkunu moħbija għal żmien twil.

Kif inhu xieraq, s’issa, ftit li xejn hemm informazzjoni dwar il-linja investigattiva li miexja fuqha l-Pulizija ħlief li qed jiflu l-kitbiet ta’ DCG b’mod dettaljat biex jassiguraw ruħhom li eżaminaw il-possibilitajiet kollha li wieħed jista’ jkun jaf dwarhom. Issemma ukoll tlajjar ta’ karozza fil-viċinanzi ta’ fejn seħħ il-qtil kif ukoll il-possibilità ta’ fdalijiet ta’ sigaretti li jistgħu jwasslu għal informazzjoni li tista’ tkun ta’ għajnuna mhux ftit fl-investigazzjonijiet.

Jibqa’ l-fatt li l-impatt fuq is-soċjetà Maltija m’huwiex wieħed biss ta’ rabja għal dak li ġara imma ukoll hu wieħed ta’ żieda qawwija ta’ rabja lejn l-istituzzjonijiet. Hu impatt fuq soċjetà maqsuma u li ddur fuqha innifisha jekk tkun imkesksa biżżejjed.

Sakemm il-Pulizija tikkonkludi l-investigazzjonijiet tagħha dak kollu li qiegħed jintqal jibqa’ biss possibiltajiet, uħud possibli oħrajn remoti jew remoti ħafna. Akkosta li uħud mill-possibilitajiet jibqgħu remoti ħafna, anke forsi għal uħud ftit imġebbdin, mhu l-mument li neskludu xejn.

Jiena stajt poġġejt il-kliem b’mod differenti. Stajt per eżempju staqsejt dwar liema kienet l-ikbar ħrafa: jekk hux li jingħad li l-qtil kien wieħed politiku inkella jekk kienx hemm l-id ta’ xi pajjiż barrani. Ippreferejt nagħti raġuni. Anke jekk il-possibilita hi remota r-raġunijiet qegħdin hemm u m’humiex ser jisparixxu.

Bloodshed in Bidnija

 

Daphne is dead, brutally murdered in a hamlet few people outside Malta had ever heard of before. The initial shock left us dumbstruck. Before we had gathered our thoughts, the PN had returned to its assault on the government based on allegations of sleaze, cronyism, poor governance and erosion of the rule of law.

The voice of prudence and moderation was never given a chance.

So far, nobody has a clue who killed Daphne, except her killers. The notional responsibility of every government for everything that happens in its jurisdiction has been stretched to include an assassination which most probably could not have been prevented by a democratic government tuned to perfection and a police force with every resource possible and imaginable.

We have been wounded collectively but we are being invited, coerced even, to fragment. Accusations fly, allegations are remade and attached by unfathomable logic to the awful event. Is this what we were expected to do, instantly to turn on one another? By whom?

Nobody has accused the government of having a hand in Daphne’s murder. Nobody has dared because it would be counter-productive. A government having just won a landslide victory, almost disoriented by a floored and self-harming Opposition would not invent such a nightmare for itself. So, because it is impossible to accuse the government directly, the next best thing is to accuse indirectly, to inflate notional responsibility to actual responsibility, to demand resignations that will not happen and foment an atmosphere of profound discontent.

It is an understatement to say that the reaction of the Adrian Delia’s PN to Daphne’s murder is disappointing. We had a right to expect sobriety, moderation, prudence, even a truce in the endless feud. Instead we had a scandalous populist exploitation of a crime of historic proportions.

Nobody in his right mind suspects that the Government had a hand in Daphne’s murder. Despite the very public excoriation suffered by Adrian Delia at the hands of Daphne during the PN leadership race, nobody in his right mind could suspect Adrian Delia of assassination. How about one of their henchmen unhinged? Possible – but not plausible: a political motive for the murder seems farfetched.

Something more personal involving great financial loss, perhaps imprisonment for a merciless criminal seems far more plausible. We have been thrown head first into the “what if” season and among all the “what ifs”, this seems to be the best bet.

But there is worse, far worse, to contemplate. What if Daphne’s killers simply picked her for her prominence? What if she is collateral damage in an attack on Malta? It took decades for evidence to emerge that Italy’s anni di piombo had been largely orchestrated by the CIA. The terrorists at both extremes of the Italian political spectrum never suspected that they had been so deftly manipulated into turning their country into a war zone. Today the CIA should have no interest in destabilizing Malta but the game they played could be played by others.

What if Daphne and Malta are both victims in a larger game? In this scenario, the devil in the piece has to be Russia and its geo-political interest in the Mediterranean. Profoundly humiliated by the West’s role in the Arab Spring, it has kept Assad in place in Syria against all comers at the cost of hundreds of thousands dead and millions reduced to refugee status. Did the Kremlin pick Malta and Daphne in Malta to show the EU that it could destabilize a member state? Our government may have achieved more prominence than is good for us when it supported the Russian embargo and when it refused to refuel the Russian fleet on its way to Syria. Perhaps the Russians are innocent, but this is the “what if” season and they must forgive us for not excluding them.

What is certain is that this is a time for prudence, for moderate discourse, for credible leadership. We are all called upon to avoid playing the killers’ game. Upping the ante in the wake of an event such as this is the last thing we should be doing. We should not be turning the country into a political powder keg. Only our enemies, as ruthless as Daphne’s killers, would want us to do so.

Defeated as they are, the PN owe the country responsible leadership appropriate to the grave circumstances of the moment. The government owes the country a steady hand at the helm and consideration of the long-term reforms that will give us the resilience to face an assault such as Daphne’s assassination without the fear of destabilization.

Duopoly makes us vulnerable, authentic democracy could make us less of a target of choice.

published in The Malta Independent on Sunday 29 October 2017

Taħriġ mill-Fondazzjoni Ceratonia

 

Ceratonia? Iva din hi l-isem tal-fondazzjoni politika affiljata ma’ Alternattiva Demokratika. Ceratonia hi l-isem tekniku tal-ħarruba u allura ir-rabta man-natura u l-ekoloġija.

Dal-għodu, l-Fondazzjoni Ceratonia tat bidu għal taħrig ta’ numru ta’ żgħażagħ li huma interessati fil-politika ekoloġika.

Dan it-taħriġ qed isir bl-għajnuna tal-Green European Foundation, il-fondazzjoni tal-partiti ħodor Ewropej, u ser ikun mifrux fuq numru ta’ xhur.

Hu inkoraġġanti li fis-sitwazzjoni politka preżenti, fejn il-polarizzazzjoni qed issir dejjem iżjed akuta għad hawn min hu interessat fi triq politika differenti.

Konferenza Kostituzzjonali flok ippuntar tas-swaba’ lejn xulxin

 

Dal-għodu, fil-Belt Valletta quddiem il-Monument tal-Assedju l-Kbir ta’ Sciortino, li inbidel f’mafkar ta’ Daphne Caruana Galizia indirizzajt konferenza ta’ l-aħbarijiet dwar il-klima negattiva li ħakmet lill-pajjiż wara l-qtil brutali ta’ Daphne Caruana Galizia. Ilkoll nifhmu u napprezzaw li hu naturali li l-pajjiż kollu jixxokkja ruħu u jkun irrabjat. Imma huwa neċessarju ukoll li nifhmu li l-pajjiż ma jistax jibqa’ jinfena bi tfiegħ ta’ tajn u akkużi minn tribujiet politiċi mehdijin li jisparaw lil xulxin qisu mhemmx għada.

Din il-klima politika qed twassal għal ħsara irreparabbli għar-reputazzjoni internazzjonali ta’ Malta, u iktar minn hekk, l-imminar ta’ istituzzjonijiet li diġa` huma dgħajfa ħafna. 

F’dan il-kuntest, Alternattiva Demokratika tħoss li l-pajjiż għandu żewġ prijoritajiet importanti quddiemu. L-ewwel li min wettaq dan l-att atroċi u viljakk jinqabad u jitressaq quddiem il-ġustizzja mill-iktar fis. It-tieni prijorita` hija li b’mod immedjat, jitnieda tentattiv serju biex titfassal riforma kostituzzjonali mill-qiegħ li twassal għat-tisħieħ tabilħaqq tal-istituzzjonijiet li jiggarantixxu d-demokrazija u s-saltna tad-dritt f’pajjiżna. 

Kif irrimarkat tant tajjeb Rosi Bindi, ċ-ċhairperson tal-Kumitat Parlamentari antiMafja Taljana, Malta għandha taħdem biex tagħlaq ix-xquq fl-operat tal-istituzzjonijiet tagħha biex il-kriminalita` organizzata ma jkollhiex l-ispazji biex topera.

Hemm bżonn li nibdew inħarsu ‘l quddiem flok neħlu fl-ippuntar tas-subajn li mhu qed iwassalna mkien.

Fid-dawl ta’ dan kollu, Alternattiva Demokratika thoss li wasal iz-zmien propizju biex flaħħar tiġi varata l-Konvenzjoni Kostituzzjonali li ilha mwieghda s-snin u dan biex tlaqqa flimkien il-partijiet konċernati kollha, u mhux biss il-partiti rappreżentati fil-Parlament.

Alternattiva Demokratika se tagħmel kuntatt mal-Prim Ministru u l-Kap tal-Oppozizzjoni, fost oħrajn, biex titlob li l-proċess jinbeda mill-iktar fis. Dan se tibqa’ tinsisti fuqu fil-jiem u fil-ġimgħat li ġejjin u mhux se tistrieh qabel dan il-proċess ta’ mportanza Nazzjonali fl-aħħar jingħata bidu. 

Manuel Delia u l-faxxisti kkastrati

 

Jiena u diversi minn sħabi f’Alternattiva Demokratika morna għad-dimostrazzjoni ta’ nhar il-Ħadd. Morna mhux għax kellna fiduċja li l-organizzaturi kienu ser iżommu ma dak li qalu: jiġifieri li joqgħodu l-bogħod mill-politika tal-partiti. Morna għax l-iskop tad-dimostrazzjoni kien superjuri għal kull argument li seta jkollna fil-konfront ta’ min organizza d-dimostrazzjoni u l-inkapaċità tagħhom li jimxu sewwa.

Morna u qagħdna lura, kif xtaqu l-organizzaturi. Imma mbagħad kif mistenni l-organizzaturi ħarġu ta’ tfal għax fost il-kelliema kellhom tnejn min-nies assoċjati direttament mal-PN. Wieħed minnhom, Manuel Delia, issa qiegħed jinfexx jgħajjar lil min ma jaqbilx miegħu u qiegħed jinsulenta. Ovvjament dan jagħmlu fi spirtu tar-rispett li għandu għall-fehmiet differenti li kien hemm fi Triq ir-Repubblika l-Belt nhar il-Ħadd.

Fost il-kumplimenti tiegħu insibu dan: “Mark Camilleri, Timothy Alden, Andre Callus, Alex Vella Gera and the rest of you pseudo-intellectual auto-castrated closet fascists with 100% cotton souvenir Che t-shirts still lovingly wrapped in plastic: buzz off, won’t you?”

Din id-darba ġejna għad-dimostrazzjoni għax tajnihom il-benefiċċju tad-dubju kif ukoll għax id-difiża tal-liberta tal-espressjoni tissaporti ħafna, inkluż il-pwerilità ta’ min messu jaf aħjar. Dan għamilnieh minkejja li konna konvinti li l-organizzaturi m’humiex ta’ kelmthom.

X’nagħmlu darba oħra ma nafx. Bħalna hemm ħafna oħrajn.

Michael Briguglio: kollox bil-maqlub!

 

Fuq Lovinmalta.com il-bieraħ u l-Independent illum kien rappurtat li Michael Briguglio qal hekk:
“I joined PN as I believed in Simon Busuttil’s struggle for good governance which AD did not support.”

Michael Briguglio ried li Alternattiva Demokratika tissieħeb fl-alleanza mal-PN irrispettivament mill-konsegwenzi. Kien ilu żmien konsiderevoli jagħmel pressjoni f’dan is-sens fuq il-predeċessur tiegħi Arnold Cassola. U Arnold b’mod ġentili kien joqgħod jieħu paċenzja jisimgħu anke meta kien “jinfurmah” li kien ilu żmien jiltaqa’ waħdu “jiddiskuti” fuq din l-imbierka koalizzjoni ma’ Simon Busuttil. U anke kien ftaħar li Busuttil wegħdu bosta affarijiet (qatt ma qal x’kienu) imma hu, qal, qatt ma aċċetta xejn.

Kif għidt diversi drabi, Alternattiva Demokratika ma waslitx għal ftehim mal-PN mhux biss għax il-PN ma riedx koalizzjoni suriet in-nies, imma ukoll għax ma kienx kredibbli.

Meta ltqajna mad-delegazzjoni tal-PN ġbidnielhom l-attenzjoni għal numru ta’ inkonsistenzi serji fl-imġieba tal-PN. Inkonsistenzi li lilna f’Alternattiva Demokratika kienu jdejjquna u li dwarhom konna diġa tkellimna pubblikament diversi drabi. Għax ma tistax tipprietka l-governanza tajba u fl-istess ħin meta uħud mill-għola persuni fil-PN ikun responsabbli ta’ imġieba mhux aċċettabbli, qiesu ma ġara xejn: il-kaz ta’ Beppe Fenech Adami u l-Capital One Investment Group, Mario de Marco u l-Grupp db, Simon Busuttil u l-invoices foloz tal-grupp db u Claudio Grech li ma jiftakarx jekk qatt iltaqax ma’ George Farrugia taz-zejt. Biex ma nsemmix ukoll lil Toni Bezzina li waqt li kien qed jikteb il-policy tal-PN dwar l-ambjent (ODZ hu ODZ) applika għal villa ODZ għalih, imma l-applikazzjoni kienet fuq isem il-mara! U qiesu ma ġara xejn!

Michael Briguglio għandu kull dritt li jqies dan kollu bħala insinifikanti. Imma ma jistax imbagħad fl-istess nifs jgħid li hu favur il-governanza tajba u jkun kredibbli.

Dan il-wiċċ b’ieħor jiena ma nistax għalih.

Michael Briguglio, kollox bil-maqlub!

Id-dmugħ tal-kukkudrill u l-qtil ta’ Daphne

Inkitbu numru kbir ta’ artikli dwar il-qtil ta’ Daphne nhar it-Tnejn li għadda, meta l-karozza li kienet qed issuq ġiet sploduta f’elf biċċa. Tfasslu bosta tejoriji dwar l-identità u l-motiv ta’ dawk li ppjanaw u/jew esegwew dan il-qtil. Mhux ħa nżid mal-ispekulazzjoni.

Bħal bosta oħrajn, tul is-snin jiena ukoll kelli l-possibiltà li nsegwi l-kitbiet tagħha. Bosta minnhom sibthom mill-iktar informattivi. Il-kapaċitajiet investigattivi tagħha kienu fost l-aqwa fil-ġurnaliżmu Malti. L-argumenti tagħha kienu dejjem qawwija, għalkemm il-preġudizzji tagħha dejjem kienu ċari. Kienet kapaċi talterna bejn artikli investigattivi ta’ l-għola livell ma oħrajn li jivvilifikaw lil dawk fil-mira tagħha.

L-opinjonijiet politiċi tagħha kienu dejjem ċari u hi dejjem mexxiethom ‘il quddiem b’qawwa kbira. Sa’ Ġunju 2017 injorat il-parti l-kbira tad-dnubiet tal-PN u iffukat bla ħniena fuq dawk tal-PL. Wara Ġunju 2017, kif kien jixirqilhom, poġġiethom flimkien f’qoffa waħda u b’hekk tat iktar kredibilità lil min jgħid li m’hemmx x’tagħżel bejn il-PN u l-PL.

Dwar Alternattiva Demokratika kitbet bosta drabi: kritika f’mumenti delikati fejn il-posizzjoni politika ta’ AD kienet f’kuntrast ma dik tal-PN. Drabi oħra, meta dehrilha, għamlet użu mill-fehmiet ta’ Alternattiva Demokratika kif kien jaqbel biex issaħħaħ l-argumenti tagħha.

Il-qtil tagħha hu daqqa ta’ ħarta għal-libertà tal-espressjoni f’Malta.

Kien hemm bosta opportunitajiet oħra fejn kien hemm min jipprova jagħlqiha ħalqa permezz ta’ numru esaġerat ta’ kawżi ta’ libel. Reċentement sar attentat biex permezz ta’ mekkaniżmu legali eżistenti ġew iffriżati l-kontijiet bankarji tagħha bħala garanzija għad-danni li kienu qed jintalbu. Sfortunatament il-Qrati ma irrealizzawx in-natura reali ta’ din l-azzjoni intimidatorja. L-impatt ta’ din l-azzjoni kien imxejjen biss wara li irnexxiet l-inizzjattiva ta’ crowd funding organizzata minn David Thake. B’hekk l-azzjoni intimidatorja tal-Ministru Cardona u l-konsulenti legali tiegħu kważi sfatt fix-xejn.

Adrian Delia, l-Kap tal-Opposizzjoni, li ukoll kien taħt il-lenti tagħha għal dawn l-aħħar erba’ xhur, kif jidher minn l-aħħar diskors tiegħu, qed ifittex x’vantaġġ politiku jista’ jakkwista l-partit tiegħu minn dan il-qtil. Jidher li jixtieq li ninsew li hu ukoll ta kontibut biex inġemgħu t-turrun libelli fil-konfront tagħha. Li iritirhom iktar kmieni din il-ġimgħa mhu xejn għajr ipokrezija grassa.

Dan hu essenzjalment dak li hemm mistoħbi wara t-tixrid tad-dmugħ tal-kukkudrilli ta’ uħud minn dawk li qed jgħidu li huma maħsudin b’dan il-qtil.

Il-Pulizija bdew l-investigazzjonijiet tagħhom. It-talba li saret għall-għajnuna ta’ esperti barranin hi utli għax tista’ tkun l-assigurazzjoni meħtieġa biex kull indikazzjoni tkun esplorata u investigata. Imma l-investigazzjoni għal ftit ma bdietx bil-banda għax il-Maġistrat Consuelo Scerri Herrera damet ma ndunat li hemm ma kienx postha. Il-fatt li damet is-siegħat biex irrealizzat dan juri li uħud mill-membri tal-ġudikatura għad għandhom ħafna x’jitgħallmu.

Il-presenza tal-Maġistrat Scerri Herrera fil-Bidnija ħasdet lil kulħadd hekk kif waslet. Ftit wara l-ħasda kibret minħabba l-kummenti fuq Facebook ta’ surgent mit-tim investigattiv tal-Pulizja li ried jiċċelebra l-avvenimenti li kien qed jara. Il-fatt li ġie sospiż u ser jgħaddi passi dixxiplinari mhux biżżejjed. Għad hemm ħtieġa ta’ spjegazzjoni mingħand il-Kummissarju tal-Pulizja dwar il-għala xi membri tal-Korp għadhom ma rrealizzawx li l-presenza tagħhom fuq il-media soċjali hi ta’ ħsara għall-kredibilità u l-imparzjalità tagħhom u tal-Korp tal-Pulizija kollu.

Imma mid-dehra mhux is-surġent tal-Pulizija biss ħass li kellu bżonn jiċċelebra nhar it-Tnejn waranofsinnhar. X’ser jgħidulna dwar il-carcades li saru, anke jekk kienu ftit? Min ser jassumi r-responsabbiltà għalihom?

Il-Prim Ministru hu anzjuż biex il-każ jissolva malajr kemm jista’ jkun. Ilkoll għandna l-istess xewqa u iktar ma dan iseħħ malajr, aħjar għal kulħadd. Imma, meta l-każ jingħalaq ikun il-waqt li nstaqsu jekk dan kollu setax ikun evitat. Għax bla dubju seta kien evitat.

 

 

 

ippubblikat f’Illum – 22 t’Ottubru 2017

Ir-RAI dwar it-theddid li irċeviet Daphne. Il-Pulizija għalqu għajnejhom?

Qed jingħad li jista’ jkun li dawk involuti fil-qtil ta’ Daphne huma persuni li jissemmew fil-kitbiet ta’ Caruana Galizia. Ir-RAI qed jirrapporta li l-Pulizija Maltija, bl-għajununa tal-esperti forensiċi Olandiżi u Amerikani qed tifli l-kitbiet (fil-blog) ta’ Daphne b’attenzjoni partikolari għax-xahar ta’ Marzu li għadda fejn hi titkellem dwar theddid.

Ir-RAI qed jgħid li “Un gruppo di esperti sta analizzando in dettaglio tutti gli articoli, sia quelli recenti sia quelli di alcuni mesi fa, in particolare quelli in cui Caruana Galizia si riferisce alle minacce.”

Issa l-mistoqsija loġika u li toħroġ kważi waħedha hi għaliex dawn il-kitbiet li jagħtu dettalji dwar dan it-theddid ma ġewx investigati mill-Pulizija Maltija meta fil-fatt inkitbu u kienu friski? In-nuqqas ta’ azzjoni mill-Pulizija dakinnhar wasslet messaġġ li dan it-theddid ma kienux qed jikkunsidrawh bis-serjetà.

Il-pulizija kienu jafu b’dawn il-kitbiet għax dawn jista’ jaqrahom kulħadd. Allura mhux inkompetenza grassa li tibda investigazzjoni dwarhom issa iktar minn sitt xhur wara? Għaliex il-Pulizja Maltija meta iffaċċjata b’kitbiet li jitkellmu dwar it-theddid ma tawx każ tiegħu? Għalfejn kellu jkun dan il-qtil biex forsi jiċċaqalqu ftit?

Possibli li l-Pulizija Maltija trid l-għajnuna tal-esperti forensiċi Olandiżi u Amerikani biex tifhem u tieħu azzjoni dwar dak miktub fuq il-blog ta’ Daphne? Inkompetenza ikbar minn din ftit hemm possibilità li nisimgħu biha. Għalhekk ir-riżenji huma meħtieġa, u mhux biss tal-Kummissarju tal-Pulizija.

Għal dak li qalet ir-RAI agħfas hawn.