Fl-interess tal-pajjiż : Adrian Delia jeħtieġ li jwarrab immedjatament

Għadni kif qrajt ir-rapport tal-Kumitat Konsultattiv dwar Imġieba Xierqa u Etika dwar il-kandidati għall-elezzjoni ta’ Kap tal-PN. (Ir-rapport sħiħ jista’ jinqara fil-link li hemm mar-rapport tat-Times hawnhekk.)

Qrajt ukoll ir-reazzjonijiet li hemm s’issa dwar il-konklużjonijiet ta’ dan ir-rapport.

Il-konklużjoni ovvja u loġika hi li l-kandidatura ta’ Adrian Delia għall-Kap tal-PN mhux biss hi ta’ ħsara għall-PN innifsu imma hi fuq kollox ta’ ħsara għall-pajjiż. Għax hu fl-interess tal-pajjiż li kull partit politiku f’Malta jkun immexxi minn persuni ta’ integrità indiskussa.

L-għażla tal-persuna li eventwalment ser tmexxi l-PN hi għażla li trid issir mill-PN innifsu imma hi x-xewqa ta’ kull min irid jara iktar serjetà fil-politika lokali li Adrian Delia jirrikonsidra l-posizzjoni tiegħu immedjatament.

Dak li ġie ppubblikat dwaru fil-ġranet li għaddew jesponi dubju serju kemm hu persuna idoneja għall-ħajja pubblika.

Issa jiena, kif tafu, attiv f’partit politiku ieħor. Imma hu anke fl-interess tal-partit politiku li jiena attiv fih li l-PN jitbiegħed minn din it-trawma li ilu għaddej minnha tul dawn il-ġranet. L-irġulija w s-serjetà hekk titlob.

Il-mod ġdid li bih issir il-politika għandu jfisser li ħadd minna ma jistaħba wara subgħajh u li lkoll inkunu kapaċi nerfgħu r-responsabbiltajiet tagħna.

Huwa b’dispjaċir li ninnota li Dr Adrian Delia iddeċieda li jgħaddas rasu fir-ramel u jibqa’ għaddej. L-appell tiegħi għaldaqstant hu lil dawk ta’ madwaru biex jgħinuh jifhem li jeħtieġlu jaqbad triq differenti minn din. It-triq tas-serjetà u l-irġulija. Din ma tkunx biss l-aħjar triq fl-interess tal-PN imma fuq kollox fl-interess tal-pajjiż kollu. Għax pajjiżna jixraqlu ħafna aħjar.

Dak li tiżra’ taħsad: l-alabiebiżmu fil-politika

 

Il-PN bħalissa qiegħed fi stat tal-biki. Jiena ilni nsegwi l-politika għal dawn l-aħħar 45 sena u qatt ma niftakru hekk.

Tul is-snin il-PN għadda minn żminijiet diffiċli ħafna, imma f’kull waqt kien hemm persuni ta’ statura li jmexxu bl-eżempju, anke fl-iktar żmien li kien soġġett għall-agħar insulti u umiljazzjonijiet. Issa l-PN mar il-baħar għal kollox.

Kull elezzjoni (anke interna) tkun qalila, imma din li għaddejja bħalissa qatt ma rajt bħala. Ikun x’ikun ir-riżultat, il-konsegwenzi politiċi ser jibqgħu jinħassu fuq perjodu twil ta’ żmien.

Quddiem għajnejna qed naraw tiżviluppa attitudni politika li tigglorifika “ix-xejn m’hu xejn”. L-alabiebiżmu fil-politika. Mhux biss il-ħmieġ li qed jinqala’ hu gravi. Imma min hu ikkonċernat minn dan il-ħmieġ bla dubju kien jaf bih u dehrlu li ma kienx ta’ importanza għax kieku bla dubju kien jaħsibha darbtejn.

Dan li qed iseħħ illum quddiem għajnjejna ma faqqasx illum iżda ilu jinħema u jinbena biċċa biċċa. Il-politika “tax-xejn m’hu xejn” ilha trabbi l-egħruq. Issa qed joħorġu r-riżultati tal-attitudni u l-ħidma tal-passat riċenti. Għax l-egħruq tal-alabiebiżmu issaħħu.

Wara kollox, dejjem, bla eċċezzjoni, taħsad dak li tiżra. Illum il-PN qed jaħsad dak li żera’ l-bieraħ.

Ikun x’ikun ir-riżultat finali, fl-aħħar il-konklużjoni ta’ dan kollu ser tkun waħda: li l-PN mhux ser jingħaraf mill-PL.

Min qiegħed sturdut, għax ma jafx x’laqtu, bħal f’koma, jkun aħjar għalih li jistenbaħ.

After Wednesday’s earthquake: civil defence

 

 

On Wednesday an earthquake of 4.4 magnitude on the Richter scale was reported in the Maltese islands. As far as we are aware no damage was caused, yet it would be appropriate to consider a number of relevant issues.

Are we prepared for the consequences of a much stronger earthquake which would cause considerable damage including the potential death of a substantial number of persons?

Around two years ago, the Civil Protection Department (CPD) in conjunction with the Sicilian counterparts carried out an earthquake simulation exercise in Gozo which, undoubtedly, provided CPD personnel with valuable experience. It is not known if the department has been involved in any subsequent exercises, either locally or abroad, nor is it known if any specific operational changes were implemented by the CPD as a result of the lessons learned in the 2015 exercise.

It is, however, pertinent to point out that it is not only the CPD, the Police, the AFM and the Health Authorities that need adequate and continuous training to cope with the aftermath of a strong earthquake in the Maltese Islands. In addition to the operators of the different sectors of the infrastructure (energy, water, transport) the civilian population should also receive training for this unlikely eventuality.

Simulation exercises involving the civilian population are necessary as they would develop at local level an ability to manage a disaster. We need to start from scratch in building up a civil defence corps worthy of the name, coordinated and trained by the CPD but based in each locality in Malta and Gozo.

It is a responsibility which, together with adequate resources, should be assigned to local councils under the watchful eye of the CPD.

This would be the appropriate way to build up an adequate general level of preparedness for disaster management. The involvement of the local councils would also ensure that the needs of the most vulnerable members of our communities are addressed. Specific protocols need to be developed and tested in conjunction with local councils regarding the assistance required by children and those who are bedridden or disabled. Catering for all disabilities is an indispensible prerequisite and this requires trained personnel to which the CPD currently has little if any access. It is an easily identifiable deficiency that needs to be addressed forthwith.

Those in charge of disaster management in time of need require the ability to communicate with people having impaired hearing. Is anyone at the CPD, the Police, the AFM or the Health Authorities able to communicate in sign language? Addressing this communication deficiency on the part of the authorities is required not just to ensure that Malta is adequately prepared for disaster management, it is also an everyday deficiency that every authority in Malta that offers a direct service to the population at large needs to address. With around 500 known Maltese with impaired hearing and a number of others who could have remained below the radar, this is an issue that is manageable primarily at local level.

The CPD is one of the youngest departments and to date it has given sterling service in fire-fighting, managing pollution and providing assistance required as a result of flooding after heavy storms. We look forward to the next step in its development: ensuring that training in disaster management is an integral part of the services of local authorities.

published in The Malta Independent on Sunday – 27 August 2017

Id-demm ġdid tal-PN

Kemm ilhom ħerġin l-allegazzjonijiet dwar Dottor Adrian Delia, wieħed mill-erba’ kandidati għall-Kap tal-PN, uħud qieshom waqgħu fil-muta.

Meta tqis li t-tip ta’ “provi” li qed jiġu ppubblikati huma tal-istess kwalità ta’ dawk li rajna fl-iskandlu tal-Panama, malajr tintebaħ għalfejn dan is-skiet.

Għax jekk dwar Konrad Mizzi, Keith Schembri u Joseph Muscat ġustament intqal li dawn kellhom jirriżenjaw dwar il-kumpaniji sigrieti, Dottor Adrian Delia jmissu jmur jistaħba malajr kemm jista’ jkun meta tqis il-gravità ta’ dak li qiegħed jingħad dwaru.
Imma, bħal dejjem, f’Malta, kollox ta’ taħt fuq, naddattaw ruħna skond min ikollna quddiemna. L-attitudni hi: “tagħna tajjeb, imma ta’ ħaddieħor ħażin. Għax jekk għal ħadieħor xejn m’hu xejn, aħna mhux anqas.”

Xi tfisser, allura, it-tolleranza żero għan-nuqqas ta’ serjetà?

L-aqwa li Dr Delia bħal Konrad Mizzi talab verifika (jiġifieri audit). Bħal dak li qallu li l-verifika fiċ-ċirkustanzi ser tħassar id-dubji u t-tħassib.

Issa l-eżistenza ta’ kont bankarju, kemm f’Malta kif ukoll barra, qatt ma kienet il-problema. Hu l-użu li jsir minn dan il-kont bankarju li jista’ jkun il-problema. Dan hu l-każ tal-kont bankarju f’Jersey li fid-dokument ippubblikat iġib l-isem ta’ Adrian Delia, probabbilment meqjus bħala kont bankarju għan-nom ta’ klijenti (għalkemm dan xejn mhux ċar mid-dokument ippubblikat fejn jidher li hu kont personali).

Ma hemm xejn ħażin li professjonist jamministra fondi tal-klijenti tiegħu. Dan isir il-ħin kollu.

L-allegazzjoni gravi dwar Adrian Delia mhiex dwar l-eżistenza ta’ kont bankarju amministrat minn professjonist biex jamministra fondi ta’ klijenti, imma li dan il-kont kien qiegħed jintuża għal ħasil ta’ flus li jidher li kienu ġejjin mill-prostituzzjoni. L-istampa kollha għad mhiex magħrufa. Bħas-soltu toħroġ bis-sulluzzu. Nittama biss li tkun l-istampa kollha li toħroġ u mhux biss il-parti li jkun jaqbel.

Din l-allegazzjoni ġiet miċħuda minn Adrian Delia. Imma anke Konrad Mizzi, Keith Schembri u Joseph Muscat ċaħdu l-allegazzjonijiet dwarhom fl-iskandlu tal-Panama, u kif tafu dawn ftit twemmnu. Anzi intalbet inkjesta maġisterjali għal waħda tnejn u iktar.

M’għandi l-ebda dubju li l-Partit Nazzjonalista mhux ser jitlob lill-Kummissarju tal-Pulizija biex jinvestiga u dan għax ma hemmx fiduċja fih kif diġa ġie dikjarat minn Simon Busuttil diversi drabi.

Forsi ma tafx kif fis-siegħat li ġejjin, Simon Busuttil jitlob lill-Maġistrat tal-Għassa biex jiftaħ investigazzjoni dwar l-allegazzjoni gravi li saret fil-konfront ta’ Adrian Delia. Forsi jkollna purċissjoni bil-boxfiles mimlija dokumenti biex ikunu ppreżentati għall-konsiderazzjoni tal-Maġistrat. Imma Simon Busuttil, s’issa, għadu ma qal xejn. Forsi għadu qed jaħsibha, jiġbor u jeżamina d-dokumenti.

Għax jekk hu ġustifikabbli li titlob inkjesta u r-riżenja ta’ dawk involuti fl-iskandlu tal-kumpaniji sigrieti fil-Panama, li bir-raġun kollu kien hemm is-suspett li twaqqfu għal skop mhux leċtu, kemm iktar għandha tittieħed azzjoni biex jiġu stabiliti l-fatti vera dwar il-flejjes li qed jintqal li inħaslu f’dan il-kont bankarju?

Għal Joseph, Keith u Konrad nafu li xejn m’hu xejn. Imma nafu li Simon Busuttil li soltu jipprietka l-qdusija, waqa’ fil-muta. (Huwa propju issa waqt li qed nikteb li tħabbar li l-Kunsill Amministrattiv tal-PN ser jiltaqa’ nhar it-Tnejn biex jiddiskuti l-kaz. L-inizjattiva għal dan imma, ma ittieħditx mit-tmexxija imma minn wiehed mill-kunsilliera lokali tal-PN.)

L-anqas il-Kamra tal-Avukati għadha ma qalet xejn. Soltu tkun pronta tgħidilna x’taħseb.

F’pajjiż demokratiku ieħor, wara r-rivelazzjonijiet dwaru, Adrian Delia kien jisparixxi u jirtira l-kandidatura tiegħu minn jeddu ta’ l-inqas biex jipproteġi r-reputazzjoni tal-partit politiku li jappartjeni għalih.

Imma f’Malta ma jsirx hekk: anzi jibqa’ jinsisti bil-konsegwenza li iktar ma tikber l-istorja iktar issir ħsara mhux biss lilu imma fuq kollox lil dawk ta’ madwaru li probabbilment m’għandhomx l-iċken idea la ta’ x’ġara u l-anqas ta’ x’jista’ jkun żvelat iktar il-quddiem dwar il-kaz.

Hu ovvju li l-informazzjoni ppubblikata ħarġet għax hemm min għandu interess li toħroġ f’dan il-mument partikolari. Dan ma jnaqqasx mill-gravità tal-informazzjoni ppubblikata. Probabbilment li hemm ukoll stejjer oħra dwar it-tlett kandidati l-oħra li f’dan il-mument partikolari m’hemm l-ebda interess fihom.

Imma meta tqis kollox hu ċar li dan hu eżempju ieħor għal min irid jifhem li m’hemmx x’tagħżel bejn il-PN u l-PL. It-tnejn iħaddnu politika ta’ xejn m’hu xejn. Politika li tipprova tiġġustifika kważi kollox.

Jekk dan hu d-demm ġdid tal-PN, il-problemi ser jimmultiplikaw. Bla dubju pajjiżna jixraqlu aħjar.

Lumija magħsura

L-għasir tal-lumi hu sustanzjuż u jagħmel ħafna ġid għas-saħħa. Imma xi ngħidu għal lumija magħsura?

Iktar kmieni din il-ġimgħa awgurajt lit-Tabib Anthony Buttigieg wara li hu ħabbar d-deċiżjoni tiegħu li fi ħsiebu jikkontesta għat-tmexxija tal-Partit Demokratiku. Possibilment huwa jimla l-vakanza li nħolqot minn Marlene Farrugia wara li din iddeċidiet li ddabbar rasha wara biss ftit xhur fil-kariga.

It-Tabib Buttigieg hu persuna b’moħħu f’postu. L-għada tal-elezzjoni ġenerali, meta kellu ma wiċċu dikjarazzjoni ta’ Marlene Farrugia li hi ma kienitx teskludi li tikkontesta għall-kariga ta’ Kap tal-PN, wara li kien irriżenja Simon Busuttil, hu irriżenja mill-kariga ta’ deputat mexxej tal-PD. Bħala riżultat ta’ hekk ħa posizzjoni ċara li kienet tikkuntrasta mal-impulsivitá ta’ Marlene Farrugia. Dakinnhar Buttigieg kien iddikjara li dak li qalet Farrugia kien kontra dak li jemmen hu, għax fil-fehma tiegħu l-Partit Demokratiku kellu jkun separat u distint mill-Partit Nazzjonalista.

Bħala riżultat ta’ din il-posizzjoni huwa għamilha ċara illi d-disponibilitá tiegħu li jieħu sehem f’koalizzjoni ma kellha l-ebda impatt fuq id-determinazzjoni tiegħu li jħares l-identitá tal-partit tiegħu. Li tkun allejat kritiku abbażi ta’ programm politiku miftiehem bl-ebda mod mhu komparabbli ma min żviluppa attitudni li jilgħaq kontinwament.

Mid-dehra Marlene Farrugia taħsibha mod ieħor għax diġa għamlitha ċara illi għadha tal-ħsieb li fi żmien ħames snin mill-ġdid tikkunsidra li tikkontesta għat-tmexxija tal-PN. Għax skontha, l-ebda wieħed mill-erba’ kandidati għal Kap tal-PN mhu kapaċi. Dan kollu sfortunatament jibgħat messaġġ wieħed u ċar: li l-mexxejja attwali tal-Partit Demokratiku tara l-futur tagħha u tal-partit tagħha bħala parti integrali mill-Partit Nazzjonalista. Għal Marlene Farrugia il-Partit Demokratku qiesu lumija magħsura li tarmiha wara li tkun użajta.

Bħala riżultat tal-mauvri tagħha bl-iskop li tkun eletta, irrispettivament mill-prezz politiku, Marlene Farrugia ikkaġunat ħafna ħsara li teħtieġ li tkun rimedjata mingħajr iktar dewmien.

Alternattiva Demokratika ma jkollha l-ebda diffikulta li tesplora kif tista’ tikkoopera mal-Partit Demokratiku immexxi minn Anthony Buttigieg, liema eżerċizzju (fil-passat) kien abbandunat minħabba li l-impulsivitá kienet l-għodda ewlenija tat-tmexxija tal-PD sa mit-twaqqif tiegħu. Buttigieg hu persuna konsistenti u l-imġieba tiegħu tidher li taqbel ma dak li jgħid.

Hemm ħafna ħidma li teħtieġ li issir u ftit wisq nies biex jagħmluha.

Fost il-kollegi enerġiċi ta’ Anthony Buttigieg hemm Timothy Alden li hu l-moħħ wara l-inizzjattiva kurrenti tal-Partit Demokratiku biex jiżdied il-ħarsien tal-widien u tal-ilma tal-pjan billi possibilment ikunu nklużi fil-qafas legali li ġie żviluppat għad-dimanju pubbliku fil-Kodiċi Ċivili. Alternattiva Demokratika tappoġġa din l-inizzjattiva.

Hi inizjattiva li timmerita appoġġ wiesa’ avolja forsi strateġikament kien ikun aħjar li l-ewwel tkun implimentata sewwa l-politika u r-regolamenti eżistenti li diġa joffru protezzjoni sostanzjali kemm għall-widien kif ukoll għall-ilma tal-pjan.

Il-futur tal-partiti ż-żgħar hu dipendenti fuq il-kooperazzjoni u fuq kemm aħna kapaċi li ma nisparpaljawx r-riżorsi limitati li hawn. Dan ikun ferm aħjar mill-impulsivitá u n-narċissiżmu li għamel ħsara sostanzjali.

Il-lumi magħsur għandu użu. Imma m’għandux ħajja twila.

ipubblikat f’Illum : 20 t’Awwissu 2017

L-għażla għall-Kap tal-PN : bejn fallut u negozjant tal-art?

Il-kampanja għall-elezzjoni ta’ Kap tal-PN għaddejja. Il-kliem iebes mhux jonqos. L-anqas ir-reċtar ta’ min jilgħaba tal-vittma m’hu nieqes.

Jixraqlu l-PN li jkollu Kap prattikament fallut?

Min hu ċiniku jista’ jgħid li Frank Portelli bħala CEO tal-Isptar St Philip akkwista vantaġġ b’esperjenza biex jamministra d-djun li akkumula l-PN. Imma min hu serju u jixtieq il-ġid lill-PN ma jistax jifhem kif il-qagħda finanzjarja disastruża tal-Isptar St Philip ma tqiesitx mill-Kummissjoni Elettorali bħala fattur importanti li a bażi tagħha Frank Portelli ma kellux jitqies eliġibbli biex jikkontesta l-elezzjoni. Dan hu punt ta’ serjetá kbira u l-fatt li ma ġiex indirizzat minn kmieni m’hux ta’ awgurju.

Għax jekk dan falla fl-amministrazzjoni ta’ ħwejġu kif jippretendi li jista’ qatt imexxi sewwa ħwejjeġ ħaddieħor?

Dan apparti l-attitudi u l-linġwaġġ lemini li hu juża kontinwament u li bih jitfa’ lill-PN lura fil-Medju Evu. Imma għal uħud dik hi l-għażla li joffri Frank Portelli.

Bħal dejjem, l-għajta ta’ demm ġdid ma tonqosx. Imma hi għajta li hi minnha nnifisha ż-żerriegħa ta’ perikli kbar. Kif jaħsibha min hu ġdid mhux dejjem ikun ċar b’mod partikolari jekk dan joqgħod attent ħafna fl-għażla ta’ kliemu, kif qed jagħmel Adrian Delia. Attent mhux biex ikun preċiż, imma biex jikkommetti ruħu mill-inqas.

L-għażla f’dan il-kaz hi ta’ Kap-negozjant tal-bini, mhux biss midħla tal-industrija tal-kostruzzjoni imma mdeffes fiha sa griżmejh! Interessanti x’ser ikunu l-implikazzjonijiet ta’ din it-tip ta’ għażla.

Fl-aħħar mill-aħħar, bħal dejjem, il-PN ikollu l-Kap li jixraqlu.

Skola taċ-Chiswick f’Pembroke ma tagħmilx sens

L-applikazzjoni tal-ippjanar biex tkun effettivament trasferita l-iskola taċ-Chiswick mill-Kappara għal Pembroke tiftaħ kapitlu ġdid fl-opposizzjoni għall-oxxenitajiet tal-ippjanar li qed ifaqqsu madwarna kuljum. L-art proposta mhiex barra miż-żona tal-iżvilupp (ODZ). Fil-fatt is-sit identifikat għall-iżvilupp propost b’kejl ta’ 15,900 metru kwadru qiegħed fiż-żona tal-iżvilupp.

Għalfejn għandna nopponu din il-proposta? Hemm numru ta’ raġunijiet għaliex din l-applikazzjoni ta’ żvilupp għandha tkun abortita, illum qabel għada.

Daqqa t’għajn lejn il-Pjan Lokali li nirreferu għalih bħala North Harbours Local Plan (li jikkonċerna ukoll lill-Pembroke) jagħtina l-iktar raġun bażika l-għaliex din l-applikazzjoni l-anqas biss kellha tkun ippreżentata. L-art li ġiet identifikata, tifforma parti minn art ikbar li l-Pjan Lokali, li kien approvat fl-2006, jidentifika bħala li għandha tkun soġġetta għal eżerċizzju ta’ ippjanar metikoluż u li dwarha għandu joħroġ dokument imsejjaħ Pembroke Development Brief. Fil-pjanta intitolata Pembroke Policy Map li qed tidher ma dan l-artiklu, l-art in kwistjoni hi mdawra b’ċirku aħmar.

Il-Pjan Lokali jispjega b’mod ċar l-iskop li għandu jintlaħaq mill-Pembroke Development Brief, li s’issa għadu ma ġiex ippubblikat għall-konsultazzjoni pubblika.

L-ebda wieħed mill-oġġettivi stabbiliti mill-Pjan Lokali għall-Pembroke Development Brief Area ma jittratta dwar skejjel jew edukazzjoni. L-erba’ oġġettivi msemmija fil-fatt jittrattaw użu li jiġġenera impiegi ta’ natura mhux industrijali, użu assoċjat mat-tgawdija tal-ħin ħieles, Ċentru Lokali u qasam residenzjali privat. Meta l-Pembroke Development Brief ikun ippubbikat għall-konsultazzjoni pubblika għandu jippreżenta gwida dettaljata dwar kif dawn l-oġġettivi għandhom jintlaħqu.

Il-Pjan Lokali jistabilixxi ukoll l-obbligi ta’ l-ippjanar li għandhom ikunu ndirizzati mill-Pembroke Development Brief. Dawn huma: 1. titjib komprensiv tal-infrastruttura, 2. li l-inħawi (ta’ Pembroke) ikunu pprovduti b’aċċess aħjar għat-trasport pubbliku, 3. titjib tas-sistema tat-toroq fil-lokalitá b’mod partikolari kif it-toroq li jagħtu għal Triq Reġjonali jaqdu liż-żona fejn hemm l-iskejjel, 4. Il-kostruzzjoni ta’ triq bejn Triq Reġjonali u s-sit li jkopri l-Pembroke Development Brief, u dan flimkien ma titjib lis-sistema tat-toroq arterjali u lokali li jirriżulta neċessarju wara studju dwar l-impatt tat-trasport, 5. titjib f’St. Patrick’s Park u 6. titjib tal-ispazji miftuħa .

Hu ċar li l-proposta għal skola ġdida fi Triq Gabriele Henin kantuniera ma Triq il-Mediterranean Pembroke ma tirriżultax mill-Pjan Lokali applikabbli, anzi hi f’kunflitt miegħu. Allura għalfejn l-Awtoritá tal-Ippjanar qed tippermetti li din l-applikazzjoni tibqa’ pendenti? Ma jkunx aħjar kieku l-awtoritá tikkonkludi l-eżami ta’ din l-applikazzjoni bla telf ta’ żmien meta hu ċar li tmur kontra dak li jipprovdi l-Pjan Lokali? Meta l-affarijiet huma daqshekk ċari għalfejn id-dewmien meta setgħet tingħata tweġiba definittiva f’ħames minuti? Meta timxi b’dan il-mod l-Awtoritá tal-Ippjanar tagħti l-messaġġ li l-Pjan Lokali l-anqas jiswa’ l-karta li hu stampat fuqha!

L-iskola taċ-Chiswick li presentement qegħda fil-Kappara, tul is-snin kellha impatt mhux żgħir fuq il-kwalitá tal-ħajja tar-residenti tal-Kappara. Jekk l-iskola tiċċaqlaq lejn Pembroke dawn il-problemi kollha jkun esportati lejn Pembroke biex jiżdiedu ma dawk tal-iskejjel li diġa hemm f’dik il-lokalitá. Ċertament din l-iskola pproġettata mhux ser ittejjeb il-kwalitá tal-ħajja tar-residenti ta’ Pembroke: anzi tkompli titfagħhom lura.

L- Awtoritá tal-Ippjanar għandha responsabbiltá li tħares lir-residenti ta’ Pembroke u li tkun t-tarka tagħhom huma u jitqabdu biex itejbu l-kwalitá tal-ħajja tagħhom.

Huwa importanti mhux biss li jkollna deċiżjonijiet tajba, imma ukoll li dawn ma jdumux ma jittieħdu iktar milli meħtieġ. Għax l-iskola taċ-Chiswick f’Pembroke ma tagħmilx sens.

Imma, sfortunatament mal- Awtoritá tal-Ippjanar qatt ma taf fejn int.

ippubblikat f’Illum : 13 t’Awwissu 2017

Proposed Chiswick Pembroke school is a non-starter

The planning application to effectively transfer Chiswick School from Kappara to Pembroke opens a new chapter in opposing land-use planning atrocities which seem to sprout every other day. The site proposed for development, measuring 15,900 square metres is not Outside the Development Zone (ODZ). In fact it is within scheme.

So why oppose the proposal? There are a number of reasons why this planning application, even though just an outline application at this stage, should be aborted, the soonest the better.

A cursory look at the North Harbours Local Plan (which deals with Pembroke in addition to a number of other areas) gives a very clear basic reason why this application should not even have been submitted. The selected site forms part of a larger area which the Local Plan, approved in 2006, identifies as the Pembroke Development Brief Area. The site, circled on the Pembroke Policy Map shown on this page, is subject to Local Plan Policy NHPE 09 which policy explains in detail the objectives that the Pembroke Development Brief should aim at when published for public consultation.

None of the objectives listed in the Local Plan for the Pembroke Development Brief Area involves schools or education. In fact, the four specified objectives are: non-industrial employment generating uses of a national/regional catchment area, leisure uses, a Local Centre and private sector housing. The Pembroke Development Brief, when drafted and published for public consultation, should present detailed guidance as to how these objectives will be attained.

The Local Plan also establishes that key planning obligations of development within the Pembroke Development Brief Area will include: 1. a comprehensive infrastructural improvement; 2. the provision of better access to the area by public transport; 3. the upgrading of the existing Regional Road Junction that serves Suffolk Road and the schools area; 4. the construction of the link road from this junction to the Pembroke Development Brief Site, and other improvements to the arterial and local road network deemed appropriate through the recommendations of a Transport Impact Statement (TIS); 5. the upgrading of St. Patrick’s Park and 6. the upgrading of open spaces.

It is clear that the proposal for a new school as proposed in Gabriele Henin Street corner with Mediterranean Street Pembroke does not feature in the provisions of the North Harbours Local Plan. So why has the Planning Authority permitted this application to proceed so far? Should it not have submitted an immediate recommendation for refusal on the grounds of a clear and unequivocal conflict with the provisions of the North Harbours Local Plan? Why does the Planning Authority procrastinate when it could have given a clear and definite answer within five minutes and thereby transmit a clear message that when push comes to shove, the Local Plans are worth the paper they are printed on?

Over the years, Chiswick School, currently in Kappara has had a negative impact on the daily lives of Kappara residents. Exporting these problems to another area will not serve any positive purpose. It will only make the lives of Pembroke residents – already struggling to cope with the impact of the large number of schools already in their area – more miserable.

The Planning Authority owes a duty of care to Pembroke residents. Acting expeditiously is as important as acting correctly. It is clear that the proposed Chiswick School at Pembroke is a non-starter. But over the years I have learnt one thing: with the Planning Authority you never know where you stand.

published in The Malta Independent on Sunday : 13 August 2017

Planning for the foreseeable future

Human nature has always been preoccupied with the future. However, at times we tend not to realise that we mould a substantial part of the future through our actions today. Unfortunately, sometimes our actions today and the future we want, point towards completely different directions.

Our future is necessarily a common one, as explained in the 1987 report of the UN Commission on Environment and Development -, the Brundtland report – aptly entitled Our Common Future. Drafted by an international commission led by former Norwegian Socialist Prime Minister Gro Harlem Brundtland, this report placed sustainable development on the global discussion platform, emphasising that we are responsible not only for each other’s welfare today but also for that of future generations. We need to consider carefully that our actions today have a considerable impact and can possibly limit the choices that future generations would have to make.

The impact of our behaviour on the climate is one such example. The impact of climate change is causing havoc in weather patterns and consequently also impacting on all areas of human activity. The patterns and intensity of rainfall is unpredictable. Our road infrastructure never coped, and now it is getting worse.

Earlier this week The Guardian reported that the planet has just a five per cent chance of reaching the Paris climate goals. Rather than avoiding warming up by more than 2oC by the end of the century, it is more likely that Mother Earth will heat up to around 5oC beyond the pre-industrial era.

The predicted consequences are catastrophic. Another report published in April this year had informed us that there are worrying signs for Greenland ice sheet which covers 80 percent of its 1.7 million square kilometres surface area: it has been observed melting faster than ever before. On its own, this factor could potentially cause a rise of many meters in sea level – as many as seven metres.

This is certainly not the future we want. Any rise in sea level rise, even if minimal, would threaten the functionability of all coastal areas and facilities. It would also wipe out entire coastal communities and islands worldwide would disappear. It would be a future of climate- change refugees pushed to higher ground by a rising sea-level. This will not only have an impact low-lying islands in the Pacific Ocean: it will also hit closer to home.
Take a look at and consider the places along the Maltese coast: Msida, Ta’ Xbiex, Pietá, Sliema, Marsaskala, Marsaxlokk, San Pawl il-Baħar, Burmarrad, Birżebbuġa, Marsalforn, Xlendi and many more.
Readers will remember the occasional rise in sea-level at Msida. In one such instant – on 11 May last year – the change in sea level was of more than a metre as a resulting flooding the roads along the coast. This phenomenon is known as seiche (locally referred to as “Il-Milgħuba”) and reported in this newspaper under the heading “Phenomenon: sea-water level rises in Msida, traffic hampered.” It also occurs at St George’s Bay in Birżebbuġa – on a small scale but on a regular basis, causing quite a nuisance to car users.

Now this phenomenon only occurs temporarily, yet it still substantially affects traffic movements when it does. Imagine if the rise in sea level rise is of a permanent nature?

Large parts of our coast are intensively developed – with roads and residential properties, as well as substantial sections of the tourism infrastructure and facilities. In addition, there is also the infrastructure of our ports which we have developed as a maritime nation over the centuries. All this points to the need for adequate planning to implement urgent adaptation measures in order to reinforce Malta’s coastal infrastructure. If we wait too long it may be too late.

published in The Malta Independent on Sunday : 6 August 2017

Mario Galea, jitkellem ċar

F’kumment kemmxejn twil fuq is-sit soċjali facebook Mario Galea tkellem ċar: kif Simon Busuttil warrab fil-ġemb lill-grupp parlamentari tiegħu.

L-akkuża li jagħmel hi gravi ħafna: jgħid li l-grupp Parlamentari ma jistax ikun li “jibqa’ rubberstamp kif sfortunatment spiċċa ħafna drabi taħt Simon Busuttil”.

Mario jgħid diversi affarijiet importanti : li l-Grupp Parlamentari tal-PN kien imwarrab u li l-ewwel kienu jittieħdu d-deċiżjonijiet u wara kienu jippretendu li issir id-diskussjoni.

Akkuża gravi li jagħmel Mario Galea hi din li ġejja: “Per eżempju deċiżjoni importanti bħall-għaqda tal-Partit Nazzjonalista mal-Partit Demokratiku tal-Onorevoli Marlene Farrugia qatt ma ġiet diskussa fil-grupp parlamentari, iżda aħna id-deputati tal-PN sirna nafu biha mill-media.”

Ikompli jitfa l-ħatab fuq in-nar meta jgħid li s-Segretarja Ġenerali tal-PN Rosette Thake kienet imposta u li persuni oħra “validi” li riedu jikkontestaw ġew ordnati biex ma jagħmlux dan.

Dan kollu jispjega għaliex fil-vot importanti fil-Parlament ftit ilu kien hemm min kien “marid” jew ma attendiex għall-votazzjoni. Jispjega ukoll il-mod kif ġieb ruħu Edwin Vassallo fil-Parlament.

Dak li jgħid Mario Galea ma huwiex biss riflessjoni fuq kif mexxa Simon Busuttil, imma hu ukoll rifless fuq il-grupp Parlamentari tal-PN li kien u għadu bla ħeġġa, bla enerġija u bla  ……….

Issa jekk dawn m’humiex kapaċi jirrispettaw lil xulxin, immaġinaw ftit kemm huma kapaċi jirrispettaw lilek!