Ir-riżultat elettorali : l-ewwel riflessjonijiet

 

L-ewwel nett grazzi lill-2563 persuna li għoġobhom jagħtu l-fiduċja tagħhom lill-kandidati ppreżentati minn Alternattiva Demokratika.

Dan ifisser ukoll li AD naqqset it-total ta’ voti miksuba bi ftit iktar min-nofs. Riżultat li kien mistenni minħabba li ftaqbida elettorali qawwija, bħalma kienet din l-elezzjoni, uħud isibu lill-AD bħala target faċli. Din ġrat diversi drabi fl-istorja elettorali ta AD u fil-fatt minħabba fhekk AD kisbet riżultati agħar minn hekk fil-passat.

Għal min qed jgħid li dan hu l-agħar riżultat li qatt kisbet l-AD, ninfurmah li dan mhux il-kaz. Dak inkiseb fl-2003 meta fil-klima inċerta dwar jekk Malta tissieħibx jew le fl-EU, AD kisbet 1929 voti fl-ewwel għadd.

Setgħet AD tikseb riżultat aħjar? U xkien ikun il-prezz għal dan?

It-tweġiba għal din il-mistoqsija bażika hi li AD setgħet tikseb riżultat aħjar kieku aċċettat li tkun appendiċi tal-PN. Dan konna nafuh, imma ma konniex disposti li nħallsu l-prezz: għax il-prezz kien li narmu l-kredibilitá l-baħar, u dan ma konniex disposti li nagħmluh.

Ir-raġunijiet għaliex għażilna li ma nissieħbux mal-PN huma magħrufa, imma huma ukoll uħud mir-raġunijiet li jistgħu jagħtu spjegazzjoni għal dan ir-riżultat elettorali li għal uħud jidher stramb. Imma mhu stramb xejn.

Uħud qed jgħid li bir-rebħa massiċċa tal-Partit Laburista hemm rebħa għall-korruzzjoni u għan-nuqqas ta governanza tajba. Nissottometti li dan mhux il-kaz.

Kif għidna bħala Alternattiva Demokratika, l-argumenti tal-Partit Nazzjonalista, u tal-appendiċi tiegħu l-Partit Demokratiku, ma kienux kredibbli.

Kif tista titwemmen meta tiftaħ ħalqek kontra l-korruzzjoni, favur il-governanza tajba u kontra l-impatti ta kunflitti ta interess qawwija meta dan kollu madwarek tħallieh għaddej?

Il-PN u dawk li ħeġġew vot favur il-PN dan kollu injorawh u bhekk ikontribwew għal dan ir-riżultat.

Għalkemm nixtieq li r-riżultat kien aħjar għal AD, pero jiena kburi li ħadd ma għaddieni biżżmien.

Ir-riżultat għadu mhux konkluż, għax l-impatti tiegħu għad jistgħu jkunu mitigati xi ftit mit-trasferimenti ta’ voti li ser ikun hemm matul il-bqija tal-għadd. Imma l-istorja bażika hi din li qed ngħidu.

Issa irridu nħarsu lejn il-futur. AD trid tindirizza dawk l-affarijiet li ilha tevita s-snin. Ma jistax ikun li partit politiku bħal AD ma jkunx organizzat aħjar biex ikun fposizzjoni li jilħaq aħjar lill-eletturi. FAlternattiva Demokratika hemm allerġija għall-ħidma organizzattiva, li tiqies minn uħud bħala burokrazija żejda. AD tista’ tkun iktar relevanti biss jekk tkun kapaċi li tagħmel dan il-pass li għalih kien hemm resistenza qawwija internament tul is-snin.

Dan ifisser organizzazzjoni iktar ħajja u viċin l-egħruq tas-soċjetá li fiha naħdmu.  

Għax fl-aħħar mill-aħħar hu inutli li jkollok uħud mill-aħjar ideat jekk ma jkollokx il-kapaċita li twassalhom għand in-nies. Fl-aħħar dan hu in-nuqqas ta AD, nuqqas li hu preżenti elezzjoni wara l-oħra u li sissa ma ġiex indirizzat. AD dejjem kienet partit politiku bideat ċari, li mhux biss tipprietka l-etika fil-politika, imma tpoġġi dan fil-prattika. Huwa neċessarju issa li AD ma tibqax dgħajfa amministrattvament. Għax fdawn iċċirkustanzi l-ideat tajba u l-iġieba korretta mhux biżżejjed.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s