Is-sinifikat tal-Milied inbidel drastikament tul is-snin. Minn festa reliġjuża assoċjata mal-paċi u s-solidarjetá, illum il-ġurnata, donnu li iktar assumiet tifsira ta’ xalar, divertiment u rigali. Mhux għal kulħadd.
Anke jekk il-paċi u s-solidarjetá mhumiex xi monopolju reliġjuż. Hemm mumenti fejn is-sinifikat tas-solidarjetá jidwi, imma sfortunatament jgħaddu l-festi u ftit jew wisq jintesa. Sa sena oħra.
Flok id-deheb, l-inċens u l-mirra li jingħad illi ġarrew is-slaten magi illum issir l-adorazzjoni tad-deheb, l-inċens u l-birra. Id-deheb simbolu tal-korruzzjoni, l-inċens simbolu tal-adorazzjoni tal-poter u l-birra li tissimbolizza x-xalar eċċessiv.
Is-solidarjetá żmiena s-sena kollha, mhux biss fil-ġranet tal-Milied.
Il-Milied it-tajjeb lil kulħadd.
Blog ta' Carmel Cacopardo 
Veru.
Is-solidarjeta ta daz-zmien hija wkoll “solidarjeta selettiva”
Solidarjeta mat-tfal morda…..imma l-ebda solidarjeta mat-tfal feruti bil-bombi f’Aleppo
Solidarjeta ghall Puttinu, imma indifferenza lejn il-hnizrijiet ta Putin.
Solidarjeta ghad-dar tal-providenza, imma l-ebda providenza ma rriduha tasal fid-direzzjoni ta dawk li jaharbu mill qilla tal-gwerra.
Solidarjeta mal-familji emarginati…..imma nixorbu, inkornu, u nkompli nfarrku l-familji u nwassluhom lejn l-emarginazzjoni.