Keith il-Kasco mhux mejjet bil-ġuħ

Din kollha għejra. Ħlief Keith tiela’ u Keith nieżel ma issibx fil-gazzetti u fin-news portals. Qiesu Keith Schembri hu l-Prim Ministru!

Issa qegħdin jistaqsu dwar xi rwol kellu Keith il-Kasco fin-negozjati mal-kumpanija Crane Currency li ġejja Malta biex tistampa l-flus.

Dawn huma s-suċċessi ta’ meta jkollok in-nies tal-business fil-politika …………. jirnexxilhom jagħmlu business tajjeb dejjem, kif titfaċċa l-opportunita. Huma nies ta’ esperjenza kbira.

Konflitt ta’ interess? X’interess? Mela Keith il-Kasco għandu interess li jagħmel il-flus? M’għandux biżżejjed jew? Kieku għalfejn mar il-Panama, l-British Virgin Islands u New Zealand. Mhux għax għandu iktar minn biżżejjed?

Mela dan ħsibtuh mejjet bil-ġuħ jew?