Il-libertà tal-moviment tal-persuni fl-Unjoni Ewropeja u r-Renju Unit

freedom of movement of persons

Waħda mill-affarijiet li ħarġet ċara mis-Summit tal-Unjoni Ewropeja tal-bieraħ hi li l-benefiċċju tal-aċċess għas-suq wiehed mhuwiex mingħajr responsabbiltajiet. Ilha ċara imma hemm għamel ta’ bir-ruħu mod ieħor.

L-aċċess għas-suq wieħed Ewropew iġib miegħu numru ta’ responsabbiltajiet bażiċi. Waħda minn dawn hi l-aċċettazzjoni ta’ dawk li nirreferu għalihom bħala l-erba’ libertaijiet  [the four freedoms] : il-libertà tal-moviment liberu tal-merkanzija, tal-kapital, tas-servizzi u tan-nies.

Ir-Renju Unit irid jillimita l-libertà tal-moviment liberu tan-nies.

Għadhom ma fehmux li r-regoli mhumiex a la carte. Għax dawn huma prinċipji fundamentali li fuqhom hi mibnija l-Unjoni Ewropeja.

Stimi jindikaw li fir-Renju Unit hemm 3.3 miljun ċittadin mis-27 pajjiżi l-oħra membri tal-Unjoni Ewropeja li minnhom 2.1 miljun qed jaħdmu.

Min-naħa l-oħra hemm 1.2 miljun ċittadin mir-Renju Unit li qed jgħixu fis-27 pajjiż membri tal-Unjoni Ewropeja. L-ikbar komunitajiet qegħdin fi Spanja ( 309,000), l-Irlanda ( 255,000), Franza (185,000) u l-Ġermanja ( 103,000). 800,000 huma ħaddiema u d-dipendenti tagħhom fil-waqt li 400,000 huma pensjonanti.

Skond iċ-ċensiment tal-2011 kien hawn 6,652 ċittadin tar-Renju Unit jgħixu f’Malta. Nafu ukoll li madwar 28,000 Malti kellhom dritt tal-vot fir-referendum tar-Renju Unit.

 

 

Advertisements

Wara r-Referendum fir-Renju Unit

Johnson Boris + Cameron David

 

It-tmexxija tal-Unjoni Ewropeja ddikjarat li wara r-riżultat tar-referendum ikun jaqbel għal kulħadd li r-Renju Unit idabbar rasu malajr kemm jista’ jkun. Għaldaqstant qed issir insistenza biex jibda minnufih il-proċess tat-tluq skond il-proċeduri kif stabilit fl-artiklu 50 tat-trattati tal-Unjoni.

Imma r-Renju Unit m’jidhirx li għandu għaġġla. Anke għax hemm min qed jirrealizza li l-ħsara li ser isseħħ hi kbira wisq u allura qed jerġa’ jibdielu. Ironikament, il-maġġoranza tal-Membri Parlamentari ma jaqblux li r-Renju Unit ma jibqax membru tal-Unjoni Ewropeja!

Meta David Cameron nhar il-Ġimgħa fil-għodu ħabbar ir-riżenja tiegħu minn Prim Ministru tar-Renju Unit, huwa qal li l-proċess tan-negożjati għat-tluq mill-Unjoni Ewropeja ser iħallih għas-suċċessur tiegħu. Dan jista’ jkun Boris Johnson, sa ftit ilu Sindku ta’ Londra, imma jista’ jkun ħaddieħor ukoll bħal Theresa May presentment Segretarju tal-Istat għall-Intern fil-Kabinett immexxi minn David Cameron. Dan ifissser li tal-inqas baqa’ tlett xhur, imma ma hemm l-ebda garanzija li f’għeluq dawn it-tlett xhur dan il-proċess ser jibda. Dan minħabba li l-politika u l-istrateġija tat-tmexxija l-ġdida għad mhiex magħrufa, dejjem jekk din teżisti.

Fil-fatt, Boris Johnson diġa iddikjara li m’hemmx għaġġla biex ir-Renju Unit jitlaq mill-Unjoni Ewropeja. X’għandu f’moħħu mhux magħruf imma minn dak li ntqal waqt il-kampanja referendarja ma jidhirx li s’issa hemm xi pjan dwar kif jista’ jseħħ it-tluq tar-Renju Unit mill-Unjoni Ewropeja. Minn dak li nkiteb fil-gazzetti Ingliżi jidher li għandu mnejn issir emfasi fuq negozjati informali u dan biex ikun evitat li jibda jgħodd il-limitu ta’ sentejn li jistabilixxu t-trattati Ewropej, liema limitu jibda jgħodd minn meta tingħata n-notifika skond l-artiklu 50. Imma fl-Unjoni Ewropeja ma hemmx qbil ma dan. Sadanittant hemm petizzjoni għaddejja online li sal-ħin li qiegħed nikteb kisbet l-appoġġ ta’ madwar tlett miljun persuna. Din il-petizzjoni qed titlob li r-referendum isir mill-ġdid. Il-Parlament ser jiddiskuti din il-petizzjoni.

Fl-istess ħin hemm reazzjonijiet qawwija mill-Iskozja, l-Irlanda ta’ Fuq u minn Ġibiltà għar-riżultat referendarju. Fit-tlett każi dawn huma favur il-kontinwazzjoni tas-sħubija. Fil-kaz ta’ Ġibiltà hemm ukoll il-kumplikazzjoni tal-possibilità tal-egħluq tal-fruntiera minn Spanja (kif ġieli ġara fil-passat) liema egħluq teffettwa lil madwar 12,000 resident li kuljum imorru Spanja għax xogħol. Il-possibilità ta’ kontrolli mal-fruntiera bejn l-Irlanda ta’ Fuq u r-Repubblika Irlandiża l-anqas ma hu ta’ awgurju tajjeb.

Id-dewmien biex jibdew it-trattattivi għat-tluq ifisser iktar inċertezza għas-swieq finanzjarji, li minnha jbati kulħadd. Inkluż l-ekonomija globali.

Jekk inħarsu lejn kif żviluppaw ir-relazzjonijiet bejn pajjiżi bħall-Isvizzera u n-Norveġja mal-Unjoni Ewropeja insibu li dawn japplikaw partijiet sostanzjali mill-leġislazzjoni tal-Unjoni Ewropeja, inkluż il-moviment ħieles tal-persuni u r-regoli tas-suq wieħed. Dan apparti kontribuzzjoni finanzjarja sostanzjali lill-Unjoni bħala ħlas għall-aċċess għas-suq Ewropew. Dawn kollha affarijiet li Boris Johnson u l-kampanja favur it-tluq tar-Renju Unit mill-Unjoni tkellmu kontra tagħhom waqt il-kampanja referendarja.

X’ser jagħmlu issa? Kollox hu possibli. Imma jekk il-mudell Svizzeru u Norveġiż ikun skartat huwa diffiċli ħafna biex wieħed jifhem x’ser jiġri. Tajjeb li niftakru li meta riċentement l-Isvizzera approvat referendum kontra l-prinċipju tal-moviment ħieles tal-persuni qamu l-irwiefen kollha. Għax il-prinċipju tal-moviment ħieles tal-persuni huwa bażiku għall-Unjoni.

Jidher ċar li quddiemna għandna ġimgħat ta’ spekulazzjoni li ma huma ser jagħmlu ġid lil ħadd. La lir-Renju Unit u l-anqas lill-Unjoni Ewropeja. L-anqas m’hu ser tagħmel ġid il-gwerra ċivili fil-partiti ewlenin Ingliżi. Il-battalja għat-tmexxija tal-Partit Konservattiv ser tkun qalila. Imma issa reġgħet tfaċċat il-gwerra ċivili fil-Partit Laburista Ingliż ukoll bir-riżenji mix-Shadow Cabinet u mozzjoni ta’ sfiduċja fit-tmexxija.

Ser ikunu ġimgħat ta’ tibdil kbir.

Tall Buildings : the advice ignored by the Maltese authorities

Ali report

 

“Tall buildings cannot be avoided in our times. The choice we have is whether to control them or else whether to put up with their future growth.” These were the concluding comments of a report drawn up by Professor Mir Ali from the University of Illinois at Urbana-Champaign USA after a visit to Malta in 2008 during which he met with and advised MEPA on the future of tall buildings in Malta.The report is entitled Urban Design Strategy Report on Tall Buildings in Malta.

Professor Ali’s report contains recommendations most of which are as relevant today as when they were originally drafted. Central to these recommendations, way back in 2008, was the need to draw a master plan addressing tall buildings and their impacts. “Lack of a master plan,”  Professor Ali stated, “results in uncontrolled developments and unpredictable impacts on urban life.”  The developed master plan,  Prof. Ali emphasised, should be “for Malta as a whole and for the selected sites for tall buildings, individually.”  Drawing up such a master plan with a reasonable level of detail will take time to carry out, a considerable portion of which should be utilised in consultation, primarily with the residents to be impacted. Certainly much more time would be required than the November 2016 target indicated by the government earlier this week.  A moratorium on the issuing of any development permit for high-rises until such time that a master plan has been discussed and approved would be a very reasonable course of action.

Professor Ali considered six sites, which were indicated to him by MEPA, as having the potential of hosting high-rise development. He proposed the following rank order : Qawra, Gżira, Tignè, Paceville, Pembroke and Marsa.  Such a ranking order by Prof. Ali is qualified by an emphasis on the substantial infusion of public monies which is required. Prof. Ali commented that if the number of sites are reduced to less than six it would be much better for Malta.

Professor Ali made a number of incisive remarks.

There is a need for an objective market and feasibility study for each project, which study should include the life cycle cost of the project. In view of the high vacancy rate of existing residential units, Prof. Ali queried the kind of occupancy expected of high-rises. Failure of high-rises will impact the economy of the whole of Malta which has no safety valve because of its size and lack of adequate elasticity, he stressed.

An efficient public transport is a fundamental requirement for the Maltese islands irrespective of whether high-rises are developed or not. But for the success of tall buildings “an integrated sustainable public transport system” is absolutely necessary. Yet, surprise, surprise, Professor Ali observed that “there is no efficient public transport system that is efficient and that covers the whole of Malta”

Sounds like familiar territory!

Infrastructural deficiencies must be addressed. If the existing infrastructure is inadequate or in a state of disrepair it must be upgraded and expanded to meet future needs. Tignè residents in Sliema have much to say about the matter, not just with reference to the state of the roads in the area but more on the present state of the public sewers! Residents of the Tignè peninsula are not the only ones who urgently require an upgrade of their infrastructural services. Residents in many other localities have similar requirements.

Social and environmental impacts of tall buildings must be considered thoroughly at the design stage. However Maltese authorities have developed the habit of ignoring the social impacts of development projects. In addition, it is very worrying that, as reported in the press earlier during this week,  Prime Minister Joseph Muscat does not seem to be losing any sleep over the matter.

People living in a low-rise environment consider high-rises as intrusive. Unless public participation is factored in at a very early stage through planned beneficial impacts on the community in terms of economic benefits, upgrade of services and the general benefits of the redevelopment of the surroundings, such projects do not have a future.

The upkeep of high-rises is quite a challenge which requires skills that are different from low-rise buildings. Notwithstanding changes to the relevant provisions of the law, there already exist serious difficulties in bringing together owners of low-rise multi-owned properties in order that they can ensure that maintenance of such properties is addressed. The challenge of high-rises is exponentially more complex.

The above is a snap-shot of Prof. Ali’s report. From what I’ve heard from a number  of people who met Professor Ali, he was more vociferous in his verbal utterances. Unfortunately,  his advice has been largely ignored.

 

published in The Malta Independent on Sunday – 26 June 2016

Brexit ……diżappunt

Brexit

Ir-riżultat tar-referendum fir-Renju Unit dwar is-sħubija fl-Unjoni Ewropeja huwa ta’ diżappunt. Hi deċiżjoni Demokratika u għal dan il-fatt jixirqilha kull rispett. Imma xorta tibqa’ ta’ diżappunt.

L-istatistika li qed tiġi ippubblikata turi li ż-żgħażagħ ivvutaw bi ħġarhom favur filwaqt li dawk ta’ eta’ l-fuq minn 60 sena, fil-maġġoranza tagħhom ivvutaw kontra.

Imma meta nħarsu lura nirrejalizzaw illi r-Renju Unit għalkemm kien membru tal-Unjoni Ewropeja kellu sieq waħda ġewwa u oħra barra. Baqa’ barra mill-ewro, baqa’ barra miż-żona ta’ ivvjaġġar ħieles magħrufa bħala ż-żona Schengen, kull meta seta’ irreżista drittijiet soċjali fuq livell Ewropew, baqa’ lura milli jimplimenta miżuri komuni fil-qasam tal-ġustizzja u l-intern ………….

Issa li l-Prim Ministru Ingliż ħabbar ir-riżenja tiegħu jidher li n-negozjati bejn ir-Renju Unit u l-Unjoni Ewropeja jibdew wara Ottubru li ġej. Imma sadanittant beda l-ewwel inkwiet. L-Iskozja u l-Irlanda ta’ Fuq, li huma tnejn mir-reġjuni li ivvutaw favur s-sħubija fl-Unjoni Ewropeja, iridu jibqgħu membri.

L-iskozja ġja bdiet it-triq għat-tieni referendum dwar l-Indipendenza filwaqt li fl-Irlanda ta’ Fuq beda diskors favur Irlanda magħquda.

Matul il-ġimgħat li ġejjin bla dubju nisimgħu ħafna iżjed.

Il-qrun fil-ħajja pubblika

Alfred Mifsud

L-allegazzjonijiet dwar Alfred Mifsud huma serji ħafna. Imma huma allegazzjonijiet. Huwa diffiċli ħafna biex minn dak magħruf s’issa tikkonkludi dwar dak li jista’ jikkonvinċi lil Qrati bħala li huma l-fatti.

Dak li qalet Anna Zelbst u li ġie rappurtat verbatim fil-blog ta’ Daphne Caruana Galizia irid jgħaddi mill-għarbiel tal-kontro-eżami fil-Qorti u diffiċli ħafna biex minn issa tifhem kif din ser tirreaġixxi għall-mistoqsijiet li ser isirulha. Id-dubji li ser jinżergħu għall-verżjoni tagħha tal-fatti bla dubju ser jagħtu spjegazzjoni alternattiva għal dik li twasslet s’issa.

Jibqa’ l-fatt li l-Gvern dam ħafna biex irreaġixxa għal dak li ntqal, l-istess bħalma għamel f’każi oħra biex issa qed ikun ċar iktar minn qatt qabel li l-Gvern ta’ Joseph Muscat jagħti każ ħafna iktar tal-ħbiberiji u tal-lealtà politika milli tat-tbajja’ (reali jew mhux) fuq l-integrità tal-kandidati li huwa jmexxi l-quddiem għal ħatriet ta’ importanza nazzjonali.

Kienet korretta għaldaqstant il-Membru Parlamentari Kristy Debono meta l-bieraħ fil-Parlament qalet li dan kollu jfisser ukoll li Alfred Mifsud għandu jkun sospiz mill-post l-ieħor li qed jokkupa bħalissa, dak ta’ Deputat Gvernatur tal-Bank Ċentrali.

Għal uħud jista’ jidher inġust li rapport fuq blog jingħata din l-importanza kollha u li jwassal għal dawn il-konsiderazzjonijiet. Jekk wieħed jillimita ruħu għal analiżi superfiċjali jista’ jasal għal din it-tip ta’ konklużjoni. Imma jekk taħseb ftit iktar forsi tirrealizza li dan kollu jfisser li l-Gvern ta’ Muscat m’jagħmilx eżami sewwa tal-kandidati li jkun fi ħsiebu jmexxi l-quddiem b’mod partikolari għall-karigi sensittivi u ta’ importanza nazzjonali.

Filwaqt li l-kollass ta’ relazzjonijiet personali m’humiex u m’għandhomx ikun kriterju għal dawn id-deċiżjonijiet, sfortunatament il-mod kif iġibu ruħhom persuni f’dawn iċ-ċirkustanzi joħorġu (f’mument kritiku) riflessjoni tal-karattru veru tagħhom. Għax filwaqt li l-ħajja privata tal-persuni fil-ħajja pubblika għandha tibqa’ privata tajjeb li nifhmu li s-serjetà u l-integrità tal-persuna huma riflessi ankè fil-ħajja privata tiegħu jew tagħha.

Hija din il-problema tal-ħatra ta’ persuni bħal Alfred Mifsud.

Il-politika bejn il-friex u l-qrun

View of feet of couple having sex in bed.

Bħalissa hawn attenzjoni partikolari għall-politika li tista’ qed titfassal bħala riżultat ta’ dak li qed jiġri jew li fil-fatt ġara bejn il-friex. Hi problema kbira għall-pajjiż meta l-kwalità ta’ dawk li jintgħażlu biex imexxu jiddependi mid-daqs tal-qrun inkella minn dak li jiġri bejn il-friex.

F’dawn iċ-ċirkustanzi ma nafx kemm hu ġustifkat li jingħad li l-pajjiż jixraqlu aħjar. Dan wara kollox hu riżultat ta’ l-għażliet li saru mill-maġġoranza.

Forsi l-pajjiż ħaqqu li jduq ftit il-konsegwenzi.

Id-disgħa li huma kontra?

0-9

Ma kontx nistenna aħjar minn 8 minnhom.

Imma kont nistenna li l-Ministru Helena Dalli tkun taħsiba mod ieħor dwar il-Morning After Pill. Forsi mhiex l-aħħar kelma tagħha. Nittama, għax fil-Partit Laburista, hi waħda mill-ftit b’rashom fuq għonqhom.

Il-kampanja favur il-Morning After Pill għandha l-appoġġ ta’ Alternattiva Demokratika għax din tagħti kontroll iktar lill-mara Maltija fuq x’tagħmel b’ħajjitha. Hu kontroll li huwa meħtieġ li jkun f’idejn il-mara u f’idejn ħadd iktar.

Nifhem li hemm min ma jaqbilx u nirrispetta l-opinjoni ta’ dawn. Imma tajjeb li jkun emfasizzat li l-użu tal-Morning After Pill m’huwiex appoġġ għal abort. Għall-abort kimiku hemm pilloli oħra (differenti mill-Morning After Pill) li ħadd ma huwa qed jitkellem favur tagħhom.

L-introduzzjoni uffiċjali f’Malta tal-pillola kontraċettiva t’emerġenza [Morning After Pill] tista’ tgħin mara f’mumenti t’emerġenza, imma, kif qalu tant tajjeb Claire Azzopardi Lane u Anna Azzopardi fl-istqarrija li ħarġet Alternattiva Demokratika, din mhiex ser issolvi l-problemi moħbija ta’ natura psikosoċjali li jistgħu jkunu l-kawża ta’ tqala mhux mixtieqa jew mhux ippjanata.

L-introduzzjoni tal-pillola kontraċettiva t’emerġenza [Morning After Pill] għandha tkun parti minn strateġija fit-tul li jkollha fil-mira tagħha riforma mill-qiegħ tal-politika dwar is-saħħa sesswali tal-poplu Malti: kampanja li trid tibda minn edukazzjoni sesswali posittiva bbażata fuq ir-rispett reċiproku bejn il-mara u r-raġel.

Huwa ħażin, kif anke emfasizzaw Claire u Anna fl-istqarrija tal-bieraħ ta’ Alternattiva Demokratika, li ħafna drabi kwistjonijiet ta’ kontraċezzjoni u saħħa sesswali feminili jiġu mpenġija f’dawl negattiv. Għax din l-attitudni negattiva tista’ twaqqaf lin-nisa, b’mod partkolari lil dawk ta’ età żgħira, milli jfittxu l-għajnuna li jkollhom bżonn.

Hemm bżonn li nxammru l-kmiem biex nokkupaw l-ispazju li presentement huwa okkupat minn xi fundamentalisti li ħlief ħsara m’għamlux. Pajjiżna jixraqlu aħjar.

Jum il-Missier : grazzi

SCAN0001

Awguri lill-missierijiet kollha ħajjin.

Grazzi lill-missierijet kollha mejtin.

Għalija dan kien l-ewwel jum il-missier li fih ma stajtx inkellem lil missieri. Għax miet il-ġimgħa l-oħra, nhar is-Sibt 11 ta’ Ġunju fis-1.55am.

Grazzi l-ewwel u qabel kollox lil missieri. Grazzi ukoll lil dawk kollha li ġew għall-funeral biex bil-presenza tagħhom isabbruna fit-telfa tagħna. Grazzi ukoll li dawk li bagħtu l-kondoljanzi tagħhom b’xi forma oħra: bil-kitba, bil-kelma inkella b’mod elettroniku.

Grazzi

 

Simon jitgħaxxaq b’Toni Bezzina u l-politika onesta

Toni Bezzina + politika onesta

 

Qiegħed attent biex ħadd ma jaqbeż il-linja. Biex iżomm id-dixxiplina u jassigura ruħu li min jiżbalja jieħu dak li ħaqqu. Immedjatament. L-anqas minuta ma jdum! “Barra! Barra!” Kien qalilna.

Hekk kif ir-raġel ta’ Giovanna Debono ittella’ l-Qorti akkużat b’diversi abbużi dwar użu ta’ fondi pubbliċi żamm kelmtu w issospenda lil Giovanna immedjatament.

Għamel l–istess meta is-Sindku ta’ Victoria f’Għawdex Samwel Azzopardi wara li kien involut f’inċident tat-traffiku u irrifjuta li joqgħod għall-breathalyser. Kien sospiż (jew issospenda ruħu) dakinnhar. Imma issa li nstab ħati tneħħiet is-sospensjoni. Din serjetà?

Mela l-mannara għal Giovanna biss?

Hi iktar tal-biki l-qagħda ta’ Toni Bezzina li dwaru hemm l-allegazzjoni serja li uża riżorsi tal-Gvern biex waqt il-ħin tax-xogħol sar xogħol ta’ tibjid fil-Każin Nazzjonalista taż-Żurrieq fl-2012. Bezzina fetaħ żewġ kawżi tal-libell “biex inaddaf ismu” imma dawn il-kawżi tilifhom it-tnejn. Mela ovvjament ismu ma naddfux. U qiesu ma ġara xejn !

Imma bilħaqq issa Toni Bezzina ser jappella. B’hekk itawwal ftit taż-żmien.

Wieħed kellu raġel. Dr Joseph Cassar il-pjikjatra. Meta irrealizza li żbalja, dabbar rasu. Refa fuq spallejh ir-responsabbiltà ta’ egħmilu.

L-aqwa li Simon Busuttil jitgħaxxaq b’Toni Bezzina u l-politika onesta.

Il-Kaz ta’ Alfred Mifsud : spjegazzjonijiet (pubbliċi) meħtieġa malajr

alfred-mifsud

 

Mhux Simon Busuttil biss huwa imnixef b’dak li qed jintqal fil-konfront ta’ Alfred Mifsud li hu nominat biex ikun il-Gvernatur tal-Bank Ċentrali minn l-1 ta’ Lulju 2016.

F’kummenti ippubblikati band’oħra Alfred Mifsud qal li l-allegazzjonijiet (li dwarhom qal li ppreżenta libel) huma frott strateġija ta’ tpattija u joriġinaw minn sħubija (presumibilment fin-negozju) li ħalliet effett ta’ qrusa. Hu jiddeskrivi il-kwistjoni b’dan il-mod : “revenge trash from a bitter ex partner”.

L-akkużi huma ta’ serjetà kbira għax jallegaw korruzzjoni fuq skala mhux żgħira.

Hemm ħafna spjegazzjonijiet li huma meħtieġa malajr. Minn Alfred Mifsud, minn min qed jagħmel l-allegazzjonijiet kif ukoll mingħand il-Pulizija li jingħad li ilhom jafu dwar il-każ mill-2006 u s’issa meta diġa għaddew 10 snin jidher li ma ħassew il-ħtieġa li jagħmlu xejn.