Prim Ministru li rriżenja minħabba fixkun inbid ………… jiswa’ A$3,000

1959 Penfolds Grange

 

Hawn taħt qed nirriproduċi artiklu dwar ir-riżenja tal-Prim Ministru ta’ New South Wales Barry O’Farrell minħabba flixkun inbid. Jiswa A$3,000! Il-kaz ġara sentejn ilu, f’April 2014.

Din ir-riżenja giet deskritta bħala : the sign of a political culture that has become allergic to even the whiff of corruption. Kull kumment ieħor tiegħi ikun żejjed.

Australian premier’s resignation a sign of less, not more, corruption

Il-vakanza tal-familja Muscat f’Dubai

Atlantis-The-Palm-Hotel-Dubai

L-ispiża biex il-Prim Ministru Joseph Muscat ħa lill-familja tiegħu f’Dubai għall-vakanzi tal-Għid f’waħda mill-iktar lukandi lussuzi hi waħda sostanzjali. L-Opposizzjoni għandha dubju dwar jekk il-kont għal din il-vakanza tħallasx minn Joseph Muscat innifsu, inkella jekk din tħallsitx minn ħaddieħor.

Din hi allegazzjoni serja ħafna u teħtieġ li tkun investigata. Dan minħabba li l-ebda membru tal-Kabinett ma jista’ jaċċetta dan ix-xorta ta’ rigal. Fil-fatt, il-Kodiċi tal-Etika għall-Ministri u s-Segretarji Parlamentari jgħid hekk fir-regolament 58 : “L-ebda Ministru m’għandu jaċċetta rigali jew servizzi li l-entità tagħhom tkun tali li jistgħu jpoġġuh f’obbligazzjoni, kemm jekk din tkun reali kif ukoll jekk tidher li tista’ tkun.”

Fl-aġenda tal-Parlament hemm abbozz ta’ Liġi intitolat Att tal-2014 dwar Standards fil-Ħajja Pubblika. Dan l-abbozz ta’ Liġi ilu pendenti fuq l-agenda tal-Parlament għal iktar minn sentejn. Meta dan l-abbozz ikun approvat jagħmilha possbli li allegazzjonijiet bħal dawn ikunu investigati.

Għax filwaqt li mhux sewwa li jkun hemm min jivvinta u jaqla’ minn żniedu huwa ukoll neċessarju li fejn ikun hemm dubju anke l-Prim Ministru jkollu l-obbligu li jisjega l-imġieba tiegħu.